اديبة ,,, ثم ماذا بعد !؟

06:11 AM July, 15 2017

سودانيز اون لاين
جلالدونا-
مكتبتى
رابط مختصر

لن تكون اخر المخطوفات او المخطوفين
فالحقيقة تقول
سيتكرر الجرم طالما ليس لنا القدرة على الحساب و العقاب
و الدليل سبقتها حالات و اجهزة الدولة الامنية فى غياب تام
ما اسهل تدوين الجريمة للحفظ
و ترقيمها ضد مجهول
لكنها حالة يجب الوقوف عندها بحسم و حزم
اتحدث عن آلية شعبية بعيدة عن اجهزة امنية لا هم لها الا سلامة الفرعون
و لا بد ل لا ان تخرج الآن
كفى يا انقاذ السوء
كفى

حسب المعلومات الان ترقد اديبة بمشرحة الخرطوم بعد ان وجدت جثة مأخوذة منها بعض من اعضاء جسدها
عار عليك يا عمر البشير وانت راعي هذه الامة حتى لو جئت بانقلاب
على كل السودانيين الشرفاء ثورة على النظام طالما ان المسالة فاقت الاكل الشرب والدواء والمسكن والتعليم والصحة ودخلت في تجارة بالاعضاء البشرية للشعب السوداني

تحياتي جلال
وضيفه
ما صحيح يا حسين
حتي الان لاخبر

و حتى دى يا حسين طلعت خبر مفبرك عبر واتساب
و معاهن واحدات تانيات
تم تضليل الاسرة بالاتصالات التلفونية
و عبر خبرك ده
الشاهد انّو فى حركة نشطة لشغل اسرتها باخبار كاذبة
لو كان فى تحقيق جدّى لفك طلاسم الجريمة
عليهم بتتبع مصدر الاخبار الكاذبة دى و الوصول الى مصادرها و معاقبتهم
على الاقل تحت بند تضليل التحقيقات وبالتالى تضليل العدالة
-----
ان نهان فى قوتنا و رزقنا فلنا رب كريم لكن ان تستسهل ارواحنا فيا روح ما بعدك روح

تخيل ياجلال زوج شيقيتي ركب ركشة من الدروشاب لحضور زواج في شمبات، بتاع الركشة ناوله برتقالة لكنه رفض ان يأخذها منه بحجة انه لايأكل البرتقال لاسباب صحية .. ولايدري ان هذه احد حيل عصابة الخطف الذين وظفوا ضعاف النفوس في عملهم الاجرامي .. ربنا نجاه من حيث لايحتسب
المطلوب عمل نفير شعبي لملاحقة هؤلاء الاوغاد ، الحكومة بتحاول تلهي العباد بمثل هذه الجرائم ولن تتدخل لحمايتهم ابدا
الناس لابد ان تكون واعية جدا ولابد ان يكون هناك برامج توعية عبر الصحف والمساجد حتى تتم محاصرة هذه الظاهرة

اللهم ردها الى اطفالها وزوجها سالمة

على الخرطوم ان تخرج على بكرة ابيها وبالصوت العالي لوقف هذا العبث والناقوس الخطر
غدا سوف ياتون هؤلاء المجرمين لداخل البيوت بدل سرقة الاغراض سوف نسمع بحرامي سرق طفل او شاب من داخل بيته ليلا وهو نائما

منقول

Quote: هل صار لزاما على فتيات وامهات بلادي حمل صاعق كهربائي او سكين او خنجر في حقائبهن للزود عن أنفسهن ضد من تسول له نفسه المساس بهن وبأمنهن بعد ان عجزت الحكومه عن القيام بابسط مهامها وهي حماية المواطنين .. الوازع الديني فيصل كبير في حياتنا وتوجهاتنا ومن غاب وازعه الديني فسرق قوت مواطن او اقلق مضجع امنه فذاك شئ يخصه وهناك رب يحاسبه عاجلا او آجلا .. ولكن غياب الوازع الديني يجب أن تغطي ثغرته الحكومه فمتى كانت الشرطه بكل اقسامها وفصائلها في كامل جاهزيتها خاف كل من اراد ظلما وتجبرا في الارض .. أن تفقد اسره احد افرادها بالموت فتلك مصيبه كبيره بشر الله من يصبر حينها أيما بشرى ولكن المصيبه الأعظم ان تفقد الاسره احد أفرادها عن طريق الخطف من زمره تجردت من كل اشكال البشريه .. لك الله يا وطن وانت تنزف من كل جانب وحمى الله شعبك .. اللهم آمنا في أوطاننا اللهم آمنا في أوطاننا آمين يا رب

والله ده منتهى الاستخفاف بامن المواطن وسلامته ..
لقد فقد النظام اسباب بقاءه ان عجز حتى عن توفير الامن للمواطن ..
تشم ان الامر به متنفذين ..
والا ماذا يعني تحرك عربية بدون نمر مع تظليل وسط العاصمة ..
دون ان يستوقفها احد ..
يارجل هؤلاء في اي مكان لتصيد سائقي المركبات بالمخالفات وحلب جيوبهم ..
لاتكاد تمر في اي تقاطع او اشارة دون ان يستوقفك شرطي ..
أكيد هناك جهة متنفذة وراء الأمر ..
الجهد الشعبي ضروري ومهم ..
بالذات في مثل هكذا امور لاينفع السكوت عنها ..
الاخبار المفبركة والكاذبة متعمدة ..
ومقصود منها تشتيت جهود الناس وكسب مزيد من الوقت ..
البلد خلاص راحت في بركة الفساد الآسنة ..

Quote: تشم ان الامر به متنفذين .. والا ماذا يعني تحرك عربية بدون نمر مع تظليل وسط العاصمة .. دون ان يستوقفها احد .. يارجل هؤلاء في اي مكان لتصيد سائقي المركبات بالمخالفات وحلب جيوبهم .. لاتكاد تمر في اي تقاطع او اشارة دون ان يستوقفك شرطي .. أكيد هناك جهة متنفذة وراء الأمر ..

كلامك 100% شرطة المرور واقفة في كل ركن تحلب في الركشات والامجاد والحافلات وتنتظر منك غلطة بس خليك من سيارة حائمة وبالنهار وبليل من غير لوحات

الاخ جلالدونا وضيوفه سلام عليكم
اضافه الى مداخله الاخ حيدر



ظاهرة الاختفاء الغامض ....وشبح تجارة الاعضاء الذى يهدد مجتمعنا
اين الاحزاب ...قطاعات الوعى ومنظماتها ؟؟؟؟
ان لم تكونو فى خدمه الشعب الان ......متى سيحين دوركم ؟؟؟؟؟
الان فى ظروف كهذه عليكم الوقوف الى جانب المواطن وكبح جماح تمدد هذه الظاهره فى كل مره خطر جديد يهدد سلامه المجتمع وامنه .
ان لم تنجح الاحزاب وقطاعات الوعى ومنظماتها فى هذه المعارك .....
كبف ستقود التغيير الشامل ؟؟؟
.
من بوست التغيير (كلام من الاخر)

⛔ *بيان هام وعاجل*

أصْدرت شُرْطة السُّودان بياناً نفت فيها ما راج في بَعْض وسائط التّواصل الإجْتماعي عَنْ حوادث خَطْف لمُواطنين بمُخْتلف الأعْمار بغرض الإتجار في أعضاءهم البشريّة.
وقالت الشُّرطة إن حالة المرأة المفقودة بمنطقة أبو آدم تتم مُتابعتها وسيتم التوصُّل لنهاياتها خلال ساعات.

وأكّدت الشُّرْطة في بيانها الذي تحصّل موقِع *"سوداني نت"* على نُسْخة مِنْه أن مثل هذه الأخبار تصْدر مِن جهات لها أجِندة وأهداف خاصة تهدف لزعزعة أمن واستقرار البلاد.

*إضغط لقراءة بيان الشرطة*

http://www.sudaninet.net/new/s/4706http://www.sudaninet.net/new/s/4706

يا رب بيان الشرطة يكون صاح
وترجع أديبة بعد ساعات

يا جامع يا رقيب

السلام عليكم جلالدونا والمتداخلون الكرام
الملاحظ هناك محاولات محمومة لصرف النظر ووقف البحث
عن اديبة ،اولآ اشاعة عن اصابتها بانخفاض السكري ودخولها في غيبوبة وتم اسعافها
ثم وجودها بعد سرقة اعضائها (الشر بره وبعيد ) ثم الان حملة بان ما يحدث من المعارضة
لتشويهة سمعة الحكومة ( هي محتاجة مابراها شوهتها بتهاونها في معالجة مشكلة الاختفاءات )
الحراك الشعبي ارعب المجرمين
واصلوا الضغط والبحث
يا بوليس انت وين
يا بكري حسن صالح كفك الشمال
يا بكري يدك معانا
يا بوليس يا ناس يا شعب
انتو العشم

التحية لكم اخوتي واخواتي ..


يا ود القوز وقت الامن نفسه بقتل وبنكل وبعذب
وبستغل المواطن فما بالك بالعصابات هي في ..
عصابات اكتر من جهاز الامن !!!؟
والله ده منتهى الاستخفاف بامن المواطن وسلامته ..

اللهم ارفع ما ختيت علينا من المصائب .

لا حول ولا قوة إلا بالله


هي العصابات دي ما بتعرف تخطف الرمم الخاربنها وقاعدين على تلها دي مالها
مش كان أحسن ليهم بدل تخطف الغلابة التعابة الما حيلتهم شي

الله يعين قوات الشرطه
بامكانياتها المحدوده ويدها المغلوله بفعل القرارات السياسيه
البلد قرارات الرئيس فاتحاها لكل من هب ودب بلا تأشيرة او تسجيل
البلد مفتوحه لمواطني شرق افريقيا ولمواطني غرب افريقيا
وللصينيين والفلسطينيين والسوريين والاتراك وما خفي اعظم
ولا ضوابط
حتى متى يتحمل الشعب ومؤسساته قرارات هذا الرئيس الارعن وحزبه الفاسد
اللهم رد اديبه الى اهلها سالمه غانمه
وطهر البلد من الانقاذ وسياساتها

اخبار مزعجة للغاية.
دا شنو البيحصل في السودان دا.
و كمان في قلب العاصمة .
حيث لا امن و لا امان .
كل شي و لا امن الموطن .
خطوط حمراء .
يا حكومة الانقااااااااااذ.


عزالدين عباس الفحل
ابوظبي

https://www.0zz0.com

هذه الرسالة وصلتني توا .
في ال WhatsApp

****

هام...... هام..... هام
مساء الخير ،،، معليش بس لازم تقري محتوى البوست ده مهم شديد ،، زي ما عارفين اليومين ديل في ظواهر اجراميه ظهرت في العاصمه وللان ماف زول قدر يعرف هويتهم يعني هل هم جماعه مدعومه ولا افراد منفصلين ده ما مهم طالما ماف حاجه ثبتت بس بالجد الوضع بقى خطير شديد بالذات الايام دي الوضع ممكن يصل لي (تهديد الوضع الأمني للبلد) لانو حركة الافراد ديل ما طبيعيه ،،بدت بالبنت القطعوها في جبره ،والعريس اللقو بطنو فاضيه ،،والنسوان الهاجموهم بالسواطير وصاحب السوبر ماركت ال برضو هاجموهو وهو في حالة غيبوبه الان ، وغيرها من الحوادث يلا من المتوقع انو يزيد نشاطهم لانو بدو يتكشفو وفي الاغلب هي تجارة اعضاء لانو الضحايا معظمهم بكون في اعضاء مفقوده فيهم ،
يلا عشان م اطول عليكم ،،علييييكم الله كل وحده سواء ام او اخت او صحبة تنبه اكبر عدد من الناس البتعرفهم وكل ام تنتبه على اولادها وما يطلعو براهم وتتطمن عليهم لمن يطلعو المدرسه ولمن يرجعو وياريت كل أم تحرص على انو تجيب ولدها او بنتها بنفسها لان. ماف ضمان والله الزمن بقى كعب شديد بقينا عايشين في غابة وسط ناس ما عندها رحمه وما تخلو اولادكم يطلعو براهم يعني اللعب في الشارع وجمب الباب زي زمان ما بنفع احرصو انو يكونو قدام عيونكم طول الوقت وما ترسلوهم براهم لأي شي
وبالنسبه ل بنات الجامعه عليك الله وعليك الله وعليك الله خلي بالك من نفسك ما تتطلعي بعد المغرب واحرصي انك تكوني في البيت قبل المغرب وما تركبي هايس خاااالص حتى لو فيها ناس ولا ركشه ولا امجاد بس الحافلات الكبيره دي بس والبسي لبس طويل وواسع الناس نفوسا بقت كعبه حافظي على سلامة نفسك ولو عندك اخوان صغار انتبهي ليهم طوالي وكوني معاهم ما تخليهم يغفلو منك
وكمان علييكم الله الاولاد الشباب كل اسره فيها اولاد شباب عاادي ممكن يجو متأخرين نبهووهم وحذروهم لانو خطر الحاجه دي زمان المجرمين بخطفو الاطفال بس لكن اسه بقى ماف حتى الشاب والراجل الكبير والمره الكبيره والبت وكلو عشان مسلحين وبكونو مجموعه ما واحد بالجد الزمن بقى كعب ،لي كل وحده في القروب نبهي ولدك او اخوك او خالك او اي ولد ليك بيهو صلة قرابه عشان يحافظ على حياتو يرجع البيت بدري والله موقف حصل لي صاحب اخوي راجع امبارح من لمة اصحاب الساعه 12 بالليل وماشي على البيت بي رجلينو وقفت هايس فيها اربعه راكبين قالو ليهو اركب نوصلك بس رفع رجلو الاولى داير يدخل راسو انتبه انو في زول جوه سوري زي المكتف طوالي جرا نزلو اتنين جرو وراهو بس انقذوهو بتاعين الدكان النايمين بره لمن قامو ديلك جرو مشو على الهايس ركبو وجرو،،، وفي مره مفقوده في ابو ادم ربنا يردها ي رب
طولت عليكم بس بالجد الموضوع خطر خلو بالكم ونبهو بناتكم واولادكم واخوانكم واخواتكم واي زول بتعرفوهو
ربنا يرفع البلاء مننا يا رب ويحفظنا ويغطينا
ساعدوني بالنشر.
**
انتهت الرسالة.

****
اللهم احفظ السودان .
و أهل السودان من كل شر.





عزالدين عباس الفحل
ابوظبي

تحياتي جلال ...
لو في جهه واحدة داخل السودان تؤدي دورها بي صورة
احترافية بنسبة عاليه جدا" فهي مؤسسة (الشرطة) ...
ذراع الشرطة قويت واسترجعت هيبتها في الخمسة
سنوات الاخيرة حين تم الاهتمام بي ميزانيتها وتوفرت
لها كل المعينات للاهتمام بأمن الناس ...
القوانين الاخيرة باستقلال النيابة عن وزارة العدل
ساهمت في ارتفاع جودة العمل الشرطي والاهتمام بي
الضبط والتحري والبيانات عن كل جريمة ولا يستطيع
مدير عام الشرطة إدخالك السجن إلا بأمر النيابة ...
ما تناقلته الأسافير من اختلال للأمن وسيناريوهات
الإختطاف من الشوارع وعصابات بيع الاعضاء مقابل
ليها نصائح الدفاع عن النفس وتوجيهات عدم الخروج
بعد المغرب ... كل هذا ليس حقيقي ...
في قلب الخرطوم وعلي شاطئ النيل الازرق قضيت وعائلتي
امسيتي الخميس والجمعة برفقة بعض العوائل وغادرتا المكان
بعد الثانية صباحا" وفي هذا الوقت كان لايزال ناس (شرطة
المرور) متواجدين في الشارع لتنظيم المرور من شدة الزحام
وخاصة بالقرب من كبري المنشية ولم اري اي تواجد لي اي
قوات أمنيه ...
اعلم تماما" نعرة النضال التي تنتاب المنبر عند كل مصيبة
تحصل في الخرطوم حتي لو كانت هذه المصيبة تخص
واحد مننا ... يا اخونا خلونا نبتهل وندعو الله يرجع السيدة
اديبة الي اهلها سالمة بإذنه تعالي ... واللعب بره الداره مو
شطاره ...

أتمنى عودتها آمنة وسالمة لاهلها وزوجها واطفالها ..

سلام يا صلاح .

ونبتهل اكتر ان ياخذ البشير وكل من والاه من
مأمنهم من صغيرهم لي كبيرهم اخذ عزيز مقتدر
ويرينا فيهم عزيز قدرته وجبروته . وانه علي كل
شئ قدير .
يا اخونا خلونا نبتهل وندعو الله يرجع السيدة
اديبة الي اهلها سالمة بإذنه تعالي ... واللعب بره الداره
مو شطاره ...

اللهم انهم افسدوا وظلموا وانك انت المنتقم الجبار .

مرحب بيك مني بت عمسيب ....

Quote: ونبتهل اكتر ان ياخذ البشير وكل من والاه من مأمنهم من صغيرهم لي كبيرهم اخذ عزيز مقتدر ويرينا فيهم عزيز قدرته وجبروته . وانه علي كل شئ قدير . اللهم انهم افسدوا وظلموا وانك انت المنتقم الجبار .

اللهم امييين اميييين اميييين ...
ونسال الله الستر لي صلاح ود نفيسه ما تجيهو بونيه من
مني بت نفيسه تكسر ليهو سنونو.

نعم يا حيدر
الامر اصبح شر مستطير
و الكل خاضع لدوز الضحية و المسألة مسألة زمن بس
الام الاب الزوجة الاخت الاخ الاطفال
الحكومة بصمتها و عجزها عن كشف الحالات السابقة تعدشريك اصيل فى الجريمة
اذ لا يعقل ان تتكرر بلاغات خرج و لم يعد و جهاز الشرطة عاجز عن فك طلاسمها
كثر الحديث عن تجارة الاعضاء البشرية
و ان للسودان دوز كبير فيها مرورا عبر مصر و سينائها
ضحاياها من الاحباش و الارتريين و الصوماليين
هنا علينا ان نتوقف .. فالامر جد خطير

يا جامع يا رقيب
يا جامع يا رقيب

يا رب