وانا ما بقول ... ومحمد النور كبر ما بيقصروأكان جانا اخونا ( البدري عبد الله ) من نواحي بلجيكا ... برضو ما كعب >><<><<>...........>>><<<>>
عبد العزيز
خلاص ننتظر كبر واخونا البدري عبد الله يجو يعلقوا ويشرحوا لينا هنا ومعاهم الأخبار الأكيدة
مع وافر الإحترام
Post: #4 Title: Re: اجمل إمراة سودانية.. من وحي بوست توفيق عيس� Author: الأمين عبد الرحمن عيسى Date: 07-12-2017, 06:03 PM Parent: #3
خلال احدى زياراته لامريكا، كان احد اقرباء اميرة بت السيد الذي يعمل في السعودية يحكي لنا قصص عن فترة دراسته في جامعة الخرطوم في سبعينات القرن الماضي....وفي يوم كان يهاظر بسمات بت الشيخ وقال لها انتي بتشبهي النجمة ام ضنب التي كانت طالبة في كلية الاقتصاد في جامعة الخرطوم وان شعراء الجامعة كانوا يقولون فيها الشعر ووالدها كان مدير جامعة الخرطوم....وقال ان هذه النجمة ام ضنب كانت آية في الجمال وكأنها صنعت نفسها بنفسها.. .. يا إمتثال جاكي واحد ممن عاصروا النجمة ام ضنب.. أولا قريب أميرة السيد المعلومات جاطت في راسو.. الكانت بت مدير الجامعة هي دينا محمد عثمان وإن كان فعلا بقصدها .. إذن بسمات فعلا سمحة.. أما لو كان بقصد النجمة ام ضنب الأبوها ما مدير الجامعة وقال بتشبه بسمات كان كدة بسمات كملت السماح تب.. وكان دايرين الجد.. السودانيات كلهن سمحات.. تحياتي لكن جميعا..
يعني انت دايز المسنوحة بسمات تركب في راسنا وما تسلم علينا تاني بعد تقرأ كلامك ده...
اساسا هي من غير كلامك ما مريحانا...
والمهم بالنيابة عنها لك أفضل الشكر والتقدير والامتنان...
( همسة في اضانك) كان جينا للحقيقة هي مكملة السماحة في الشكل والأخلاق، وفيها اخلاق القرى والريف وكأنها ما ماشافت عطبرة ابدا ، هذه المدينة الكبيرة التي تسميها أم المدائن..)
شكرا امتثال تاجوج يضرب بها المثل في الجمال قريت في كتاب بعد وفاة المحلق غارت قبيلة من الهدندوة عليهم و وقعت تاجوج اسيرة بعد الحرب و من شدة جمالها حصلت مشكلة بينهم كل واحد عاوزها لنفسه و عندما سمع كبير القبيلة بذلك أمر باحضار تاجوج له و عندما حضرت طعنها بالحربه في صدرها حتي خرجت الحربة من ظهرها .... و سقطت قتيله او شهيدة الجمال و تم دفنها بالقرب من كسلا نسيت اسم المنطقة المرجع : نعوم شقير جفرافيا و تاريخ السودان لي عودة اذا لقيت زمن لك و لزوار البوست عاطر التحايا
موضوع السماحة ده يا امتثال كان اتكلمت فيهو بِطَلِقوني عديل كدة
ارجو من المتزوجين الدخول للبوست من الابواب الخلفيه و الاكتفاء بالقراية و عدم الكتابة و التعليق ...
Post: #10 Title: Re: اجمل إمراة سودانية.. من وحي بوست توفيق عيس� Author: محمد فضل الله المكى Date: 07-13-2017, 05:57 AM Parent: #9
في ذات مرة من المرارير وفى يوم كالح من أيام المصادرات والتأميمات على عهد نميرى أقامت هيئة حلمنتيش العليا ليلة ضخمة في الميدان الشرقي لجامعة الخرطوم بعد أن ضاقت ساحة النشاط وميدان الباسكت بول على ليالى حلمنتيش قال الشاعر الحلمنتيشى جاغوم بن بلاع (الراحل محمد اسماعيل رحمه الله) في الحسناء النجمة ام ضنب وهو يبحلق في ( الحزام ) الذى تدلى خلفها:
لله درك يا بلومة ضنب تكوم كومـة كومـة أخشى عليه في كل قومـة وبخاف تصادره الحكومة ............................................................
وهذه الرباعية وما فوقها حول خبر النجمة ذات الضنب .. أوردها أحد شعراء حلمنتيش المجيدين ، سعادة السفير منان في بوست ( أمير شعراء حلمنتيش )
لكن أنا حكاية ( الحزام ) الذي تدلى خلفها دي مااااااا واقعه لي .... شي تاني ... لكن ذلك من تهذيب سعادة السفير .
وهذه الرباعية وما فوقها حول خبر النجمة ذات الضنب .. أوردها أحد شعراء حلمنتيش المجيدين ، سعادةالسفير منان في بوست ( أمير شعراء حلمنتيش )لكن أنا حكاية ( الحزام ) الذي تدلى خلفها دي مااااااا واقعه لي .... شي تاني ... لكن ذلك من تهذيب سعادة السفير .(Quote) >><<><<><<>........,,>><<>><><
محمد فضل الله المكي
شاكرة للمرور والتعليق البهيي
يعني عندنا زميل عضو في البورد من شعراء حلمنتيش جامعة الخرطوم وله معرفة بالنجمة ام ضنب ...وهو سعادة السفير منان..
ويا ريت يجي يحكي لينا عن ذكرياته العطرة .. وكمان عن اسطورة النجمة ام ضنب..
Quote: يا إمتثال جاكي واحد ممن عاصروا النجمة ام ضنب.. أولا قريب أميرة السيد المعلومات جاطت في راسو.. الكانت بت مدير الجامعة هي دينا محمد عثمان وإن كان فعلا بقصدها .. إذن بسمات فعلا سمحة.. أما لو كان بقصد النجمة ام ضنب الأبوها ما مدير الجامعة وقال بتشبه بسمات كان كدة بسمات كملت السماح تب.. وكان دايرين الجد.. السودانيات كلهن سمحات.. تحياتي لكن جميعا..
صحيح مية بالمية يا اللمين ...
بس الاسم : دينا عمر محمد عثمان ( او دينا عمر عثمان ... كما عرفناها به ) و هي متزوجة من الباشمهندس اشرف زكي الحاج ...
و يجمعهما ان والدة دينا ووالدة اشرف بريطانيات ...
شقيقتها سامية عمر عثمان و هي زوجة أسامة داؤود عبد اللطيف ...
و يجمعهم ( عدى اشرف زكي ) انهم حلفاويين ... :)
اما النجمة ام ضنب ... فالبكاء عنها يا امتثال كان اكثر من جمالها الحقيقي ...
و لكن يبقى الاختلاف في مقياس الجمال ...
انا شخصيا ... ان لم اتحدث الى المرأة و اجالسها و اعرف طريقة تفكيرها ... لا احكم على جمالها ...
كان يستغرب البعض حينما أقول :
و الله فلانة ديك سمحة ...
فاسمع: سمحة شنو ياخي ؟ و ين سماحتها دي ؟
أقول ليهم انتو بس ما قعدتو معاها ...
( طبعا ما تفهميني غلط ... في حد ادنى كمان ... ههههه )
بسمات بت الشيخ عبد الرحيم معجبة بالشاعر ود بادي وتحفظ معظم اشعاره الحلمنبشية عن ظهر قلب.. وبالذات
قصيدة بت الخير يجيك الخير وصل جوابك الكاتباه للولد الحتالي.. وترددها لنا في كل مناسبة وغير مناسبة حتى حفظناها
كلنا عن ظهر قلب...( وبالفعل تستحق الحفظ)...وحتى يجينا الشاعر الحلمنيشي السفير منان نردد مع ود بادي...
مع وافر الاحترام..
بت الخير يجيك الخير وصل جوابك الكاتباهو للولد الحتالي وكان الظن ترسلي ليه هين هينين من البركاوي داك الطعمو حالي ولو بالقل شخاليب دوم وهنا والله ني ومسيخ وغالي سؤالك يمة عن احوالي كان شفتيها تغنيك عن سؤالي انا اتوكرت في قلب البنادر زي غريب شرقان مدلدل في الدوالي جات شايلاني حرّة جوف انا اتحديت مجالاً مو مجالي مصايب الجامعة أكبر من جميع الشفتو وإللى سمعتو في أيام خوالي قعاد الكرسي كان شفتيهو ورم ساقي زي سيد الزلالي أقلب في الدفاتر من صباحاً بدري لامن تمسي ما بنسي إنشغالي أسوق الليل تحت ضو الكهارب وديمة هارب من فراشي وهادو حالي ده كلو عشانأ جيب نمراً أنافس بيها وأستر بيها حالي والله عاد حالة ما بتسر البال ومن يوم ما هديت ما أنسر بالي سلاطين العلم يايمة ينسوا العشرة في فد يوم يدفروك بره زي دفر الطبالي وخايف من أجيك مرفود وهادي الفكرة من ما جيت معشعشه في خيالي وأخير أفتح أضانك قبل ما تلقي فوق إضني ملويات حُبالي وكان حصل القدر يايمة لا تلوموني لومي علي البنادر نورا أقوي من إحتمالي بناتاً فيها رويانات جسومن بالدهون تلصف بلا جلود السحالي سبيبن ديمة بالحزم الكبار مبهول مردم فوق قفاهن..وآآآآ حلالي صدورن طامحة زي موية الدميري الهايجي تكشح في العوآلي عيونن وآآآآسعة تبلع مية زي ولدك تشرك للموحد والضلالي وحاتك ضُمّه ما بقدر عليهن ساعة أقيف قدآمن أنكس رآسي بي قدري وجلالي مشيهن سوا زي سرب الغزال لكن نفورن مو غزالي عدادن مابخبرو إلا وين ما أمشي ألقاهن قبالي وقصاصن ينقّر بي عصاتو ومايفرّق دريبن من بين دريبات القماري بخورن في سما البندر يدوخ متل مسك العشاري رقيصن ينهزنو بلا الفلو الّلماتو غابن منو في ضل الضهاري يجمّع في قفاهو وينطرح يتمطّى تتحتحت مفاصلو وده ياهو الفاك جُباري دلاليكن تجيب الضلّ علي متاهات الضهاري غُناياً أصلو ما سمعنابو كنت بقولو ليكيإ لا هسع ما ني طاري وطنبورن مبرقع وحسو فاقع لا في كنتر لا ودع فوقو بيراري
عشوقن في الرقيص يتلوي متل سيد المغص يوم يبقي في حالة طوارئ والمداين ديمى فايري زي وحوشاً في البرآري والمـآسي كتيرة حاصلة والمكضب يلاقي بوليس السوآري عاد دي حالتاً بقدر إنستر معاها خلاف أحاكي الناس وأجاري؟ وإنتو رآجيني يوم أجيكم بشهادتي وينبسط أهلى وكُباري وبرضو خايفين من أجيكم بي غربية وفي خجل قايد صغاري والقدر بي غادي كاتب ليه شيتاً لاني حاري ولا ني طاري
حاجة وآآآحدة تكون في علمك إني جايي وتاني رآجع لي دياري وياني حمّيد القديم إلا بس فاقد حجابي ورآح سورآي يمة كتري من رضاكي وسلميلي علي المعاكي وقولي لي حبوبة زيك نحن شبنا وماك براكي سلميلي علي جروفنا وحتى وزينا البكاكي سلميلي علي بناتنا وقولي ليهن ماني ناسي طاري شلاخاً موآسي زي شقوق بيتاً سُدآسي طاري نقشاً فوق خدودن بين ضفايرو وشوفو قاسي جسمي في البندر ممدد إلا بينكم بي حوآسي سلميلي علي البكادن والبشتت في التقاوي في الكرد محراتو قالع وصوتو فوق تيرانو عاوي وللحزم بُقجة تيابو وقام فجر لاحق اللوآري أخيرلو يحفر في جروفو مالو مال حفر المجاري سلميلي علي الضرايح والفضل من الخلاوي والفقير الفوق حصبرو يكتب البخرة ويداوي مع السلامة ودعتك الله ولي وصيتك ماني ناسي لي شفقتك مافي داعي وابقي عشرة الراعي واعي في بحور أهل البنادر من زمن طالق شُرآعي كان نحجت بجيك غانم وكان فشلت بجيك ضُرآعي كان نجحت بجيك غانم وكان فشلت بجيك ضُرآعى من مواضيعي :
Post: #17 Title: Re: اجمل إمراة سودانية.. من وحي بوست توفيق عيس� Author: علي عبدالوهاب عثمان Date: 07-13-2017, 05:37 PM Parent: #16
سلميلي علي جروفنا وحتى وزينا البكاكي سلميلي علي بناتنا وقولي ليهن ماني ناسي طاري شلاخاً موآسي زي شقوق بيتاً سُدآسي طاري نقشاً فوق خدودن بين ضفايرو وشوفو قاسي
==================== التحية إبنتنا إمتثال وباقي الاميرات .. يا سلام يا سلام .. على ذوق العالي .. ده الشعر الجميل .. أهلي الشايقية ديل ناس فن وجمال وتصوير بارع ورائع .. حتى في الحلمنتيشي لا يقولون الكلام المرسل هكذا ولكن لا بد من الإتكاء على البيئة والواقع الجميل والعمق الذي يقودك إلى حيث الأصالة .. والولاء للأم أصل هذا الكون يا الله .. يا سلام .. هذه القصيدة .. رجعتنا إلى أيام الشباب .. نموذج الفتاة الجميلة في ذلك الزمن الجميل .. وبعدين نفس الاحساس عندما نحضر إلى المدن لم يكن يفلت أنظارنا بنات المدن في تلك الايام لإختلاف المقاييس والاذواق .. وقولي ليهن ماني ناسي طاري شلاخاً موآسي زي شقوق بيتاً سُدآسي
حتى تشبيه الشلوخ فيه مبالغة وعمق .. لا أعرف كيف أتى بهذا التشبيه .. وشبه الشلوخ بشقوق حطية الجالوص ( السداسي ) والسداسي الحائط بأرتفاع ( 6) سريقه والسريقة عبارة عن ذراع من البناء .. وتكون السريقه خلال اليوم وعندما تجف توضع السريقة الاخرى واصل الكلمة نوبية ( سرري ) ولكن جمال أهلنا شايقية في التنغيم وإضافة الامالة الرائعة للكلمة .. ولم يأت الشاعر بهذا التشبيه عشوائياً لأن بناء السداسي دائما ما يكون للبيوت أصحاب المال والجاه يكون الحوش سداسي (6) سريقة للمزيد من السترة عدم إطلالة الناس حتى لو راكبين جمال أو في ظهر اللواري والسداسي والخماسي جاءت من أهلنا المناصير لأنهم أهل بناء وكذلك الشايقية ولكن المناصير أمهر وخاصة في بناء الاحواش وحائط الجنائن .. وأذكر عباراتهم المشهورة عندما التفاوض والاتفاق على البناء .. زمان .. 30 قرش ( تستلم فوق عرض طوبه ونص ) 25 قرش ( سيوسيوه ما تمشي بي فوق ) أما قصة الشقوق على السداسي عندما تتماسك الحيطة تحصل تماماً مثل الشلوخ رفيعة من الاعلى والاسفل ووسعة في المنتصف .. شوف جمال الشاعر كيف يجمل حائط الجالوص ويشبه خدود البنت الجميلة بالحائط هذا هو الانسان الفنان بحق يأتي بالجمال من عمق ما يفتكره الناس قبحاً .. لأنه يرى بعين الاصالة والجمال شاعرنا الجميل رسم صورة لنموذج الفتاة الجاذبة في تلك الايام حيث الشلوخ وإكتناز البدن وجموح الصدر وهذه الاشياء لم تكن خافية على الناس في تلك البيئة لأن الفتاة كانت بصورة عادية جداً حاسرة الرأس وفستان على الركبة وبدون أكمام وهي تمارس الزراعة ( تحش القش ، وتجمع الوقود ، وتسقي الشتول ) وطبعاً بدون رتوش .. وكان غير مسموع للفتاة إستخدام الدلكة .. أو العطور .. أو لبس التوب .. فقط الطرحة وتستخدم زيت الطعام .. وتجد المساير متدلية حتى الصدر .. والصابون المستخدم هو صابون الغسيل ( أبوقرشين) زمان لا أستطيع الغوص أكثر من هذا ربما أخرج عن السياق .. لأن ود بادي أدخلني في عالم آخر .. جعلني أستحضر ذلك الزمن الجميل في اعماق الجزر والقرى والنائية في الشمال يا سلام أهلي الشايقية .. وعمقهم .. وجمال لغتهم ولحنهم
آسف جداً للاطالة .. وأيضاً للاخطاء الاملائية ما في وقت للمراجعة .. ربما لو راجعت زورت بعض إحساسي
ما قصة الشقوق على السداسي عندما تتماسك الحيطة تحصل تماماً مثل الشلوخ رفيعة من الاعلى والاسفل ووسعة في المنتصف .. شوف جمال الشاعر كيف يجمل حائط الجالوص ويشبه خدود البنت الجميلة بالحائط هذا هو الانسان الفنان بحق يأتي بالجمال من عمق ما يفتكره الناس قبحاً .. لأنه يرى بعين الاصالة والجمال شاعرنا الجميل رسم صورة لنموذج الفتاة الجاذبة في تلك الايام حيث الشلوخ وإكتناز البدن وجموح الصدر وهذه الاشياء لم تكن خافية على الناس في تلك البيئة لأن الفتاة كانت بصورة عادية جداً حاسرة الرأس وفستان على الركبة وبدون أكمام وهي تمارس الزراعة ( تحش القش ، وتجمع الوقود ، وتسقي الشتول ) وطبعاً بدون رتوش .. وكان غير مسموع للفتاة إستخدام الدلكة .. أو العطور .. أو لبس التوب .. فقط الطرحة وتستخدم زيت الطعام .. وتجد المساير متدلية حتى الصدر .. والصابون المستخدم هو صابون الغسيل ( أبوقرشين) زمان لا أستطيع الغوص أكثر من هذا ربما أخرج عن السياق .. لأن ود بادي أدخلني في عالم آخر .. جعلني أستحضر ذلك الزمن الجميل في اعماق الجزر والقرى والنائية في الشمال يا سلام أهلي الشايقية .. وعمقهم .. وجمال لغتهم ولحنهم(Quote) ........,,,,<<<<>>><<>><<>....... علي عبد الوهاب
بوست شيق و فتح ذهني لاشياء كتيرة تتعلق ب علم الجمال جمال المرأة نسبي تتحكم فيه حجات كتيرة منها البيئة و المكان و الزمن. مثلا عندما كانت الشلوخ قيمة جمالية في السودان ما كانو بعرفوها المصريين لاختلاف المكان و البيئة لكن الزمن واحد. لي عودة بي مزاج و روقه... للمحلق و تاجوج و حاجات تانية ----------
Post: #21 Title: Re: اجمل إمراة سودانية.. من وحي بوست توفيق عيس� Author: tasneem Date: 07-15-2017, 02:02 AM Parent: #20
امتثال سلام القصص زمان بتجي من جامعة الخرطوم في السيدة لا صحبة القصيدة المشهورة التي الفها الدكتور عمر خالد حيث كانت طالبة في جامعة الخرطوم واتفصلت وهي سيدة كرار من بنات الابيض ياسيدة لا فايتانة وين مستعجلة، ما انتي كملتي الحلاة،،،الجامعة بعدك كوم تراب لافيها طب لاهندسة مالو العميد مالة العنيد ما خلي ست الناس تعيد طرد المصحح والمعيد الي اخر القصيدة وهي روعة
تقديري
Post: #22 Title: Re: اجمل إمراة سودانية.. من وحي بوست توفيق عيس� Author: الأمين عبد الرحمن عيسى Date: 07-15-2017, 02:37 AM Parent: #20
لأن ود بادي أدخلني في عالم آخر .. جعلني أستحضر ذلك الزمن الجميل في اعماق الجزر والقرى والنائية في الشمال يا سلام أهلي الشايقية .. وعمقهم .. وجمال لغتهم ولحنهم أخونا علي عبدالوهاب سلامي ليك وشكرا على كلامك الجميل... طبعا الخواجات الإثنين التركوا مذكراتهم ومشاهداتهم عن السودان والتي ترجمت للإنجليزية بواسطة رتشارد هيل..ثم ترجمت للعربية بعنوان على تخوم العالم الإسلامي. تلك التي حكى لنا عنها أخونا القاص الموهوب عليش الريدة.. واحد فيهم أظنه تكلم وأسهب عن جمال فتيات الشايقية ولون ورقة بشرتهن التي لم ير لها مثيلا في العالم.. .. لكن يا علي عبدالوهاب ويا إمتثال وبسمات وباقي الناس كلكم ..
ما جيتونا بي غادي في اللقاء الممتع الكان مع ود بادي في قناة S24 ولا سلمتو..