التقسيم الطبقي للبورداب

07:22 AM July, 04 2017

سودانيز اون لاين
عبدالحفيظ ابوسن-no where
مكتبتى
رابط مختصر

هوي دة بوست ونسة ساي
وقرقرابة
و
ههههه

عشان نكون واضحين من هسة
ما نخش في حمرتي لي
وحمرت ليك
ودحشة ووالدة
ياتدري ولا اكسر قرينك
البوستي! دة من وحي مداخلات بوست الاخت وضاحة عن العطور
خليكم دقيقين
من وحي مداخلات وليس من وحي البوست

حفيظودي متل تصنيفات ناس الكورة لما يرموا قرعة المبارياتبتكون حسب مستويات الدول - المستوى الاول والثاني .. الخ-ده بوست في التنك نشوف رهافة المناخير وذوق اصحابها

برضو في مصادر ثانية
واسباب تانية
ممكن تكون اساسية وممكن لا
كل يرد في وقته
لذا لزم التنويه

Quote: Especially if a man is already handsome. He will be completely irresistible and that's dangerous

هههههه دا اولا"
عليك سيدي باسبار يا الصادق ميرغني تعال ترجم الكلام
دا للعربي لأنو ما فهمتو بالإنجليزي ...
غايتو المداخله دي عاملا لي كرضمه من امس الصباح
ومحتار الصقا وين مع الناس المكبرته دي.
شكرا" حفيظ ان جعلتا ذلك ممكنا"

An old woman is riding in an elevator in a very lavish New York City building when a young, beautiful woman gets into the elevator, smelling of expensive perfume.
She turns to the old woman and says arrogantly, "Romance" by Ralph Lauren, $150 an ounce!"
Then another young and beautiful woman gets on the elevator, and also very arrogantly turns to the old woman saying, "Chanel No. 5, $200 an ounce!"
About three floors later, the old woman has reached her destination and is about to get off the elevator.
Before she leaves, she looks both beautiful women in the eye, then bends over and farts and says, "Broccoli - 49 cents a pound!"
-
يالها من عجوز مبدعة

حيدر بخصوص المداخلة الاولي
عشان اكون دقيق وكدة
ما تلغم البوست
انضم ساي دون اسماء
ولو زول اندرع فيك بنحاول نخارجك منو وغلا ندرعا ليهو في رقبتو .. كون انو هو افكارو سيئة وانت ما بتقصد ذلك المعني القبيح وكل اناء بمافيه ينضح
وحياتك نخليهو يتصرع

عدلتها يامان
No names

انت لافحا وين يا صلاح
تعال اترجمها ليك انا ترجمة ادبية
قالوا الزوجة والزوج يتكابسو في المرايا
الزوج قال لي زوجتو
شوفيني انا ما حلو وسمح
قالت ليهو
انا زاتي حلوة وسمحة لكن ناقصين لينا راجل
الراجل بسمحو جيبو
عاين ناس الحكومة ديل يعزلو عزل
الا في القايم دابو

وحاتو هو
الريحة زمان واضحة ومعروفة يا دة يا داك
والتفاوت في الخمرة
الخمرة تفاوت صنعة قبل يكون تفاوت مكونات ضفرة ومحلب وقرنفل ومسك وريحة سوار دي باريس
اها الخمرة النية والنجيضة
ولا نضافة الضفرة وكيفية ذلك
الريحة الرش اثناء النهار
والريحة الخمرة للنساء واثناء ما اوقات الصلاة عدا العرسان

ود اب سن والإخوانيات

حجز مقعد وهيــط

أحمد الشايقي

سلام يا حفيظ يا حساس،
يا حيدر، النكتة قتلتني من الضحك،
يا اخي، تقدم العمر دا بكسبك سخرية عجيبة من الحياة
وتصبح الحياة فعلا تساوي ريح ب ٤٩ سينت أو أقل

دينق في المستوى الأول؟!

الكلام علي النفاذ والقوة حيدر
دة بخصوص الانجليزي
مبالغة لكن ههههه
قالوا ليك
يبخرو فيها وهي تفسي

يا بكري يا اخوي
الداير الغني يعمل حساب لي فقرو
لو ما عرفت المخرج ما تخش
يلمو فيك عكاكيز يخلوك تضارب من طرف ما تعرف صليحك من عدوك
معاوية قال عمرو بن العاص
ماهو دهاءك
قال ليهو
لو ما عرفت المخرج ما بخش
معاوية قال ليهو
انا شيتا داير مخرج ولا بخش فيهو
اها
انا قاعد في منزلة بين المنزلتين
بيد اني اقرب للباب الخروج

خليك قاعد يا الشايقي
للجودية
لو عصرو علي
قول ليهم دة زول ونسة ساي

Quote: نت لافحا من وين يا صلاح

حسب توجيهاتكم السامية من وحي مداخلات البوست المعني
وتحديدا" المداخله رقم 5

قالوا هدوها من التأخير فجرت
يعني يا صلاح بقيت زي النكتة رقم 4
يا خوي البوست بهل لي كترة ناس
اخوي خش لابس مركوب وجلابية وطاقية
لقيت الدخول بالملابس الرسمية
وحات الله اكان ما قالوا عطر انا قلت دي اسماء ادوية
انجليزي هبطرش وغلا فرنساوي .
فرنساوي لا تعني جبنة ولا بوست قباني
عشان نكون واضحين
اخوك طلع عنقالي ساي
مشو في مداخلتي بي نمرة كوستي
احمد الله شالوا الاستيكة
كان اتاستكت زي المافي شي
ملحوظة
الترجمة طي المداخلة عاليه
ترجمة ادبية بليغة

واحد صاحبنا يقول
ما يتريح الا عفن
ولامن تعصر عليعو يقول
ما يستحمي الا وسخان
اها الخواجات اثبتو آي اثبتو والبغالطني يمشي يفتش براهو
انو الحمام كل يوم ما صاح
الحمام ابو شاور
ما الحمام التاني
باقي الدقة في التعابير بتخارجك وقت الزنقة

النصيحة ليك يا الله
وقت شفت عنوان البوست
اتذكرت الرحلات زمان
والبرامج حقتها
برامج سريعة ينتهي مفعولها بانتهاء الرحلة
يعني لو قلت اكلتي المفضلة مكرونة بالباشميل ولا في زول بتذكر تاني يكبشرها ليك
وانت زاتك لو سألوك منها بتكون سمعت بيها بس
توقعت انو البوست ينهار بسؤ التغذية
مرقت وجيت خاشي
اييييييك
آمنتو بي الله
الناس دي كلها بتتريح
طلعت انا الوحيد المابتريح
وكمان في ناس اتفاجات بيهم
طقطقو اسما الروايح دي زي الترتيب
عليك امان الله الريحة ما ليها معجبين
قل لي ما هو عطرك اقول لك من انت
داير اعمل واحد عن السجاير
قل لي ماذا تدخن اقول لك من انت
من هسة البرنجي حق المشاطات
تقسيم طبقي وليس جندرة
احييي يا المراقة

اذنكم
وقت قيلولتي وتدخين الشيشة
الشي لا نتعطر لا نقيل
فقرا للدرجة دي

Quote: ترجمة ادبية بليغة

ههههه
فعلا" إتقطعتا فيها ... طبعا" أنا خاتي 5 إحتمالات وإنتا تميتم 6 ...
والخمسة بتاعني :-
X
Y
XY
YX
XX
وإنتا أضفتا
YXX
كدي النشوف ود ميرغني رايو شنو ...
ههههه مش مداخله مطابقه لي ههههههه

البني ادم عندو ريحة . تتفاوت بين طيبة وكريهة .
اهلنا بقولو عندو بخرة . للرايحة العفنة
التهاب الجيوب الانفية بعفن ريحة الزول
الاكل في واحد بغير الريحة
اها مرات تتريح بي ريحة عجبتك عند فلان تتفاعل مع ريحتك البشرية تطلع ريحة ع فنة خلاس
دى مداخلة ما عندها علاقة بالبوست
مداخلة علي عجل
عجل حديد fx 69

ود الزبير
دي كان تفتحلها بوستي بي اسمي
عشان اترجما ليك
ماتمشي بعيد

Quote: دي كان تفتحلها بوستي بي اسمي

منو دا ... انا دا .... افتح بوست .... بري ، بري ، بري
السنه الجايه أو الشديد القوي.

ود ام زقدة
خايق تتقنطر

اب سن يا غير متحضر ...
مش معقول ما يكون عندك عطر مفضل ؟

ياخي انا كل يوم ادخل البوست خاتي يدي في قلبي
عشان اطمئن إنّو عطري المفضل زول بيستخدموا مافي ...
و الحمد لله حتى لحظة كتابة هذه المداخلة ... لم ينجح احد ...

اكشف لي عن عطرك ... اقل لك من انت !

ود ابسن قال البوست دا فيما معناهو بتاع ونسه وقرقراب ...
نرجع لي موضوعنا يا فيرساشي إتا .... الترجمه وينه ...
قنطره ... لا لا لا ... معاي أنا حماك الله بيشوت بس
مقنطر مدردق ملولو لامن الشوت الكتير عمل لي ابو الشهيق

يا قصي اركب ساي
اركب معنا
ألكع
اول مرة والله اعرف انو الريحة فيها مفضلة زي مفضلة الكمبيوتر
نحن الريحة دي شعرا ما عندنا ليهو راس
وحاتك بنقش بس
عدم تداخلك زاتو تصنيف
ما تزوغ

ابو سن سلام

اخبار ( مــيــادة شــنــو ..؟؟ )

تانى جبنا سيرة البحر هههههههههههههههههههههه

مشتاقين يا رجل

ل
حين
ميسرة

ما براك يا ود اب سن
انت البوديك تهابش شنو
البوست للناس المتريحين
انا ذاتى مشيت هابشت و قلت ليهم ما تشرطو عينا قدام سهير عبد الرحيم
وحات خوتك ما اشتغلو بى الشغلة
مشيت اقرا عن العطور عشان اكون مواكب و اشوف لى اسم عطر اقشر بيهو و كده
لقيت الحكمة دى
العطر المناسب في الوقت المناسب
جليت ليك الموضوع طوالى

زمااااان ... أيام السوق الحر الحر في المطار ببيعوا فوقوا الويسكي ...

مرة واحده من اخواتي وصتني انا جاي من السفر

اجيب ليها ريحة من السوق الحر ...

مشيت للبنية الواقفة ورا الكاونتر و نسيت اسم الريحة

كل المتذكروا انو اسم مركب من كلمتين ... وزي المتذكر الاسم التاني طشاش ...

فقلت ليها و انا مبتسم كده ... و هي زهجاااانة من الزول القبلي اظنه اتلايق عليها لياقة شديدة ...

فقلت ليها ... و انا ما متذكر طبعا ...

لو سمحتي يا اخت ... ما عندك ريحة اسمها something كده ... ...

و قبال ما اتم جملتي ... قالت لي و زي دايره تديني كف ...

لا و الله ما عندنا ريحها اسمها ( صمصنج ) .. و زاتو مافيش ريحها اسمها ( صمصنج ) ...

__________________________________________________________

اعتذرت لأختي و قلت ليها تاني خلي ريحتك المفضلة أكون اسمها ساهل ... و من كلمة واحدة ...

يعني يا قباني عندك كم عطر
وبتفضل ياتو فيهم
ولا عندك عطر واحد لو مالقيتو بتقلب السوق قلب
واحتمال تجيك نفسيات ما تمرق زاتو

تلاتة تصدق يا حفيظ ...

واحد أساسي ... و اثنين فرعيات ...

واحد من الفروع لي ما بعد حمام المساء ...

و الآخر تحكمه مزاجية ... تماما كما فنجان قهوتي ...


و الأسود يليق بي ... ( دي ساكت بس عشان الفلسفة حقتي الفوق دي عجبتني )
__________________________________________________

العطر يا حفيظ ليس بماركته او اسمه او قيمته المادية ...

العطر هو ما يفرزه جلدك حينما يتلقى العطر المرشوش عليه ...

و الحكم ليس لك ... و لكن لمن تعانقك ... ان لامس شيئاً في دواخلها فحتما ستعلق ...

لا يحتاج الامر سوى تعطير ما خلف اذنيك ( لزوم القلدة ) .. و ما يلامس نبضك ...

و سيسري العطر فيك كما تسري نشوة الخمر ...

تقول لي ( صمصنج ) ...

جلالدونا حيرتنا معاك
مرة تقول حبوبتك ميادة
ومرة تقول شرطتو عينا
انا اكان ماخفت من ناس لالا

كنت عاوز اقول #انتي#

اووو جلال
برضو مشيت وكرشوك
مع انو عندنا فيهم معارف لكن عملو زي الما بعرفونا .
وانا زاتي ما عرفتهم
بكونو بتواضعو ساي معانا
ماخدننا قدر مستوانا
يا العطر السويت ليك شنة ورنة

بالله شوفو الكوامر ديل!

أنا بي هناك مشرك لكم بي شبراويشي 555، تقوموا تعملوا نايمين وتجوا تفتحوا بوست بي جاي؟

عملتوها واضحة المرة دي ، وأتغابيتوا العرفة في الثلاثة خمسات.

احبك يا قباني ياخ
ولا اقصد سوي النصف الآخر من مداخلتك الاخيرة
عشان اكون دقيق او دقي
العطر لأنوف من نحب
العطر لن يشمه المتعطر إلا اول مرة وسيعتاده او للدقه ستعاده انفسه
وشوشني العبير وانتشيت
ذلك العطر الاغلي عطر من تحب
اشتاق عطر ابي وكان محبا للتعطر دون اهتماما ملاحظا عليه . يشتري العطر ويتعطر ..
افتقد عطره كل جمعة . ليس نوع العطر بل العطر حين يتفاعل مع رائحه جسده فأعلم انه ابي
وكان حريصا منذ ان كنا اطفالا ان نتعطر من فتيله كل عيد . حتي كبرنا
حتي كبر وجلس
يجلس علي كرسيه في حوش بيته . وعلي يمينه تربيزة خشبية بها عدة الحلاقة ومرآة وفتيل عطره
لم يكن يتعطر بعطر ثابت بل يختار من العطور ما كان غير نفاذ ولا يؤذي الشم ! بل تحسه يتغلغل داخلك ناشرا إلفه حميمة
اشتاق عطر ابي
واليوم قد مرت ستة ايام علي ذكري وفاته
توفي يوم 28/6/2013
وبعده بثلاثة ايام ولدت بنتي ميار
كأنها تحكي لي قصة الموت والحياة

اووووو المونساتى ديىق
احلف يمين دستورية و تقديرا لأقدميتك
اديناك كبير المونساتية
قال تلاتة خمسات قال
و كمان حاسبنا ماب نعرف نقرا
تعرف لو سيكرت دي لا رين أو .... سر الملكة.....
____
ود المشرّف يا حفيضو برضو عمل دايخ منى و منك
من جاب سيرة الخنثيات .. حالتو ما عجبتنى

صديق يا ميرغنى .. هجمتنى ياخ .. انتا متعطّر بى شنو؟
حبوبتى اسمها ليمياء .. ميادة دى امها
قرت البوست داك و استهجنت الجهالة العطرية فيهو
قلت ليها رايك شنو
قالت لى نوع المرقة و و كتا و صابونة الحمام هم البحددو نوع العطر
اها الكلام ده كيف .. غايتو طلعت الناس البى غادى ضهبانين

انا في التقسيم الطبقي دا
عاوز اقع معاكي يا وضاحه في نفسك طبقتك

حياك
انا بحب عطورات شركات معينة
واسعارها متواضعة جدا
مثلاChanel
Coco Mademoiselle
واحدة من العطور البحبهاا

او عطوراتDIOR

دا بحبوا جدا خفيف وحلو فى المسيات

ديل فى الدوم
حلوين وخفيفي
ود اب سن انت ما وريتنا عطوراتك ياخى

ريحتكم طاااقة لاخر الشارع ...
اتريحو ياااخ ....
ابوسن .. انتا معسلك تفاح ولا نعناع ؟؟؟
ما تقول لي جرجير ؟؟؟؟

عااالم بطااالــــــــــــــــــة ,,,

بالله شوف الحقد الطبقي دا

ياخي انتو وكت ماكم ناس عطورات بتمشو تهابشو لي شنو

كمان في واحد بلا خجلة جاب سيرة بصاق.. عووووع الله يقرفك😡

بعدين بكل اسف الجماعة البهناك ديل انكلودن وضاحة زات نفسها

ما بعرفو العطور السمحة تلك العطور التي حين تداعب انفك

تصحي فيك شيئاً كان غارقاً في النوم منذ الف عام وتترك فيك اثراً يستمر الف عام اخرى

بالله فيكم واحد جرب يشم عبق زهرة البرسيم في صحوة جروف النيل مع الموجة الصباحية

ذلك هو العطر وتلك هي الحياة


لكن بوست وضاحة برضك جات منو فايدة كبيرة جداً

لانو بحتلنا العفن المكرن في العباد من عهد عاد ؤ عطرو

بالمناسبة يا برولوتاريا انتو

انا عطري المفضل Herrera for Men by Carolina

اكيد ما بتعرفو .. عالم وهم😂😂😂

مجيدو و هيثم
غايتو انتو الاتنين ما عندى ليكم غير
قادر الله!!!
غايتو فى تقييمى الطبقى
واحد فيكم بتاع كرشة و التانى بتاع تركين
افووووووو عليكم

اوووو ست الشي زاتو جات
زارتنا البركة
ومعها رهط من المتعطرين والمتأنقين
قال سند
في البدء قال الواهمون
يا لسعادة بيت صاحبنا القرنفل
قاع منزله البهار
وسقفه الغيم الحنون
اممممك جريت واطي
اي جريت واطي
اذ كان حمد الذي زاتو قال بجر واطي
معليش ياخ لايدز فيرست
ونحنو نحبو عطر النساء
بجيكم

حليلو هو يا انور
ميادة شكلنا كجيناها
لكن لخير ليها
لو الله اراد بيك خير ناس الحكومة ديل ما يقدمو ليك خدمة

تعرف يا قباني
ام العيال بترسلني
لامن كنت خاطبها شبعتها ريحة
عيد الضحية فتيل
عيد الام
عيد شم النسيم
عيد تنصيب الملك فاروق
اها بعد دة
الا ترسلني
جيب وانا امشي السوق
الشم ولا الضواقة دي اخر حاجة
بشوف السعرها معقول وكتيرة
بقيت اجلي
بقو يحددو لي جيب الفلانة الفلانية
ياتا
فتيلة عامل شنو كدة
ضيق من تحت
عندو قدم
غوتايتا كيف
الصندوق لونو بمبي
ولا بشتغل ليها
اصل دكان الريحة
اضرب تلفون
توريني
ومصرة كل مرة تحفظني وانا مصر ما احفظ

اوووو دينق
عطرت المكان يا برجوازي
حيرتني بي هناك
لقيتك قاري كويس
تعرف تلاتة خمسات دي احسن ريحة
ريحة ومطهر وملطف جو
تجيب مسك مسحون وتكبو جوة الفتيل
داير تتريح تديهو خجة
تكبو في المكيف ملطف جو
تاكل تغسل يدك وتلشق شوية تدعك اليدين
حلقت شرحو
قال كوامر قال
عاجبني يا اخر موديل
ذكرني احكي ليكم نكتة الطاهر النقر
ونكتة البص
دي قصص حقيقية
ذكروني قبل اطش
وضاحة دى ما مرقت من ديك جات لفت لي راسي
وكان قالت لي حفوظي بفقعو كلو

بوست مخملي يا ود أب سن...



كل عام وأنتم بخير.....

ياحفيظ عايزين جدول التقسيمات عشان نشوف نفسنا قاعدين بي وين ..
مع الرجرجة والدهماء ... أم مع علية القوم ..
غايتو انا جايب معاي علبة تركين كااربة مره داسي لي علبة تركين في المطبخ جماعة جوا سكنوا معاي ..
لقيتهم في يوم بيقابضوا عايزين يفتحوا العلبة ..
قلت ليهو شوفوا لو فتحتوها تتحملوا انا غايتو بخلي مسؤليتي عن الحيحصل ليكم ..
قالوا لي فيها شنو أصلوا .. قلت ليهم فيها الفيها .. تفتحوها تتحملوا ..
طوالي انسحبوا انسحاب تكتيكي وخلوا العلبة مقفولة ..
التركين ده نحن بناكلوا ني يا جلالدونا يأخ ... فما تستهتر بي ثقافتنا الغذائية .. ههههه

جلالدونا عليك الله ما تزعل مني ..
لكن كتاباتك الاخيرة بقت تشبه كتابات أبوبكر عباس ..

..
أخد الكلام باحساس ايجابي من زول خايف عليك

Quote: جلالدونا عليك الله ما تزعل مني .. لكن كتاباتك الاخيرة بقت تشبه كتابات أبوبكر عباس ..

غايتو الكلآم دا كان طلع صُح هادي طرفي مِنّك
يا جلالدونا ؤ بنفُضك ...

يا حليّل زمان،
اساعة اتلقالك بروة صابون فنيك سيدا نِساها فوق حجرة البحر
ؤ تقوّل كدي تنزلبها في جوف النيل، تاخدلك شقة شقتين ؤ
تقوّل كدي تتمشكبها زييييييين لآمن حِبيبات الموية يقُعدن يِزلّقن
فوق جسمك ؤ يلمعن زي حبات التِر تِر .
حرررررم آ جِنيات كان شميتو ريحة المُراح بعد المطر تقيّف
والعجب اكان بقى تِحِت شُدرة طلح نوار البرم فوقا يلمع ؤ حبات
المطر يقطِرن مِنّو روائح باريس جت يمسخن عليكُن .

خلآس أنا تُهت في اللشواق ؤ ما برجع
ؤ هسّع ضُمممممة لا شايفكُم ولا بسمع ...

لحدت ما خلصت الثانوي كنت بستحم فقط
ولو كانت كمان الصابونة مغرية زي اللوكس مثلا
ممكن اتفلهم عديل وانا ماشي النادي او حفلة
والا اي حاجة كافرة تكفي او صابونة فنيك
اول مرة امتلك عطر كانت هدية من زميلتنا
حيث اهلها هنا في السعودية
جابت خمس فتايل من ذات العطر لنا نحن الخمسة
اثنان منهما بورداب
اسم الريحة مود
لاحقا جيت عمرة وانا بعد برليم
اشتريت ون مان شو
هدية لابوي
وماربريت مان لحضرتي
استمريت معاهو سنوات
ثم
وصلت كابوتين
و
كريزي مودي
و
هسع عندي ريحتين في التلاجة
بنبخ باقرب واحدة وامشي الدوام
مافي زميل علق
يبدو انهما متواضعان
دلوني
على عطر صيفي هاديء
واخر للشتاء
ودي فرصة
شكرا لكل المتعطرين هنا

......................
دي مداخلتي خميتا من هناك وجبتها ليكم حارة
من نارا يا اخوالي

اتا يا ابراهيم قايل التقسيم دة هبتلي
الكلام علي البوكسنق
بعدينك مهدي عامل مطلع كتاب عضم عديل كدة حول كلاسيكية التقسيم دة وانو لا يف بالمتغيرات الحالية
شوف نحن وصلنا وين منذ استشهاده
بالريحة بس
مش ريحة صنع الله ابراهيم الزي الجاباها حيدر وعفن لينا البوست
قل لي ما هو عطرك اقول لك ماهي طبقتك
لكن بتكون ورا دينق
ياخ دينق دة طلع بتاع جنس روايح
ملحوظة
اقيف في الصف

يا مجيدو ياخ البورد بقا اوضة عروس بس
من تخش الروايح تطاقش فيك
اول مرة اعرف الريحة زي الناس
اسماء عوايل وناس هاي
نحن غايتو ريحتنا ريحة الله والرسول دة
مرات وحاتك تملص هدومك وتمرق تجي خاشي تطقك ريحة الهدوم تمرق تخلي ليها الاوضة

Quote: غايتو الكلآم دا كان طلع صُح هادي طرفي مِنّك يا جلالدونا ؤ بنفُضك ...

اها شفت ذلك المكان من ,,, الختيتنى فيهو ده !!!؟
على العموم يا مشرف .. اموت قبل ما تجى اللحظة البحس
انو سبب فى زعلك
ما داير اخش فى حتة اشكّرك و انا من اهل الناس البتقول شكر الرجال عيب
و كلامك على العين و الراس
بس داير اسأل الاحساس ده جاك من المشاركات فى بوست الاخوة الزملاء
ولّ من بوستات مفترعة من جانبى
عشان اراجع حاجاتى و اشوف الاحساس ده وين

يا مشرف ايش جاب لجاب
ابوبكر دا ياخ معاط
وكتاباتو مستفزة
وبقصد انو يحرج الناس
ويجرحن
ويستمتع بان يجهلك
بعدين ياخ كاتب مغرق في ذاتية مخجلة
انا انا انا
وتحس بيهو ما بحترم الناس
ولا نفسو
ياخ دا بقعد في المنبر دا 25 ساعة
يبحث في كل ثانية فيها عن مجد شخصي
مزيف ووهم وفاضي وخمج
وفي النهاية يحصد الهشيم
والارق
ابوبكر دا اكبر مسيكين في الفضاء دا ولكنه لا يدري؛

.............................
ابوبكر بتاع الساعة كم في هذه الساعة العطرة دي؛
وجايي بنظرية يكسر اي زول ليهوبريق هنا وموقف
بدأ بمعاوية الصايم والمشرف نفسه وليس انتهاءا
بعمر دفع الله الفنان
وكمال عباس؛
دا مستـــــــــــــــــــــــكح بهبل
تبا له
سوري يا جماعة ولكنها المنابر
فشنو عذرا لفتل البوست

أجمل عطر ريحة الإنسان نفسه
اذا كان نضيف

هههههههههههههه بوست معطر برائحة الشمار هههههههههههه

هوي يا ناس
قبل ما انده المهرجلين
اسكتو ساي
ما تخلو البوست المعطر دة سبب مشكلة اسفيرية
ف شنو
خليكم متريحين
واشادة في هذه السانحة ب مداخلة ابوروضة
اتقطعت فيها لكن

العطر يا حفيظ ليس بماركته او اسمه او قيمته المادية ...

العطر هو ما يفرزه جلدك حينما يتلقى العطر المرشوش عليه ...

و الحكم ليس لك ... و لكن لمن تعانقك ... ان لامس شيئاً في دواخلها فحتما ستعلق ...

لا يحتاج الامر سوى تعطير ما خلف اذنيك ( لزوم القلدة ) .. و ما يلامس نبضك ...

و سيسري العطر فيك كما تسري نشوة الخمر ...

تقول لي ( صمصنج ) ...

يا حفيظ
غايتو مداخلة يحى دي حقو تستأذن منو و تلصقها بهناك
فعلاً ريحة لي ريحة تفرق

لو الله اراد بيك خير ناس الحكومة ديل ما يقدمو ليك خدمة


هههههههههههههههههههههه

حالتى كنت عاوز اجى وزير ثقافة ؟؟؟

Quote: أجمل عطر ريحة الإنسان نفسه اذا كان نضيف

ابو روضة عيدك مبارك
اتفاق تاريخي بيني وبينك على الكلام الفوق دا !!!
بس نعرف كلمة نضيف كمان .
تحياتي لك ولصاحب البوست وكل ضيوفه وعيدكم مبارك

هيثم يا غالي
في ناس بشمو بي ارنبة انفهم
في عطر جميل لأنو ستو جميلة
لامن تشمو في اي مكان يتلاشي العطر وتفضل ستو
ناس العلم زاتو قالوا طعامك وحالتك الداخلية تؤثر في افراز الهرمونات لتشكل عطرك الداخلي
وبي بلغة الفيزياء عطرك الداخلي مع العطر الصناعي بتفاعلو وبتطلع محصلة تعكس ريحة عطر واحد
ف شنو
وللعطر جسدا احيانا

زيست يا منعم
زيست الفرنسي
ولا لوكس الانجليزي
ولا سائل في شنو داك البقولو

اعتذار مدوي لصديقي والحبيب جلالدونا على تلك الاشارة الخنثى باعلاه ..


....

هههههههههههههههههههه
يا جلالدونا ومنعم مداخلتي اعلاه كانت نوع من التماهي مع "روح المرح" .. ولأغيظ بها الكفار كذلك

ودالمشرف يا برجوازي وغلا كمان من كبار برجوازية المنبر
وريتونا لكن
صديقي الطاهر النقر والان هو طبيب بامريكان مع ناس جلال .. جلال شوفو في امريكا اسأل منو ياخ
اها
الطاهر دة جنو ريحة . لقا اخوهو الفاتح الراكشا بتريح
قال ليهو اديني اتريح
شال الفتيل
اتبخبخ بخبخة شديدة . والوقت داك نحن في العالي
الاباط .. الرقبة .. السدر . اليدين
اسراف جد
اخوهو بعاين ليهو ساي
انتهي رجع الفتيل
اخوهو قال ليهو
الريحة لو بتريحو بيها كدة ما كان جابوها في فتايل صغيرة
كان عبوها في اسطوانات غاز

اووو احمدونا
مخملي اتا ياخ
ما يكون اخو الثورة المخملية

يا ود القوز الناس ديل ما بتطاقعو
يا زول رشو اسم الريحة واسم بت خالتها
تأصيل للفتيل زاتو
بمناسبة الفتيل دي
انا في فتايل بتعجبني
في فتايل استايل كدة . مرات تشوفو كأنثي مشتاه
او موديل امراة جيدة القوام
وحياتك بالي كلو في الفتيل
اها داير اعمل بوست
فتيلك المفضل
كنت داير اسميهو قزازتك المفضلة
خفت من الخلط العفن
انت بدور اسألك
علاقتي مع التركين قبل بضع سنوات فهو ليس من طعام اهلي
صحبي كروبين عزمني ليهو اول مرة . بكتل الحيل ويتقل المخ ويخلي ريالتك ومخاطتك حدهن سدرك
في تركين ريحتو لو صنفرت يدك ما يطلع
وواحد موية ساي تجيب خبرو
ايهما افضل

البرجزة يا حفيظ خشم بيوت ..
في افقها السوداني هي غائبة الملامح تماما .. هناك حالة من الانصهار الطبقي في السودان بفعل عوامل كالقبيلة والنفوذ الديني والسياسي والجهوية الخ .. ولذلك يصعب التمييز الطبقي بنسخته الماركسية ...

هناك طبقة متميزة في السودان اسمها اولاد الموظفين .. منتشرة جغرافيا في المدن الكبيرة كالخرطوم ومدني وبورسودان والابيض وربما الفاشر ونيالا "لم ازر هاتين المدينتين الا ان التوقعات هي كذلك .. اسباب تميز هذه الطبقة في اعتقادي هو الانفتاح على العصر والثقافات الحضرية العربية لاسيما مصر والغربية "تحديدا بريطانيا" .. ولذلك قد تجدهم أكثر تحضرا بصورة نسبية في مقابل بداوة المجتمع من حولهم (تحضرا هنا بيست سمة افضلية وانما تمييز في مقابل البداوة .. والبداوة هنا لا تأتي كاشارة سلبية كذلك) ..

من خصائص هذه الطبقة صغر حجم الاسرة والاهتمام الكبير بالتعليم والقدرة الكبيرة في المنافسة في سوق العمل الداخلي والخارجي .. كما يلاحظ شيء من الخمول ازاء الهموم الوطنية ... ربما نتيجة لاحساس نسبي بالغربة تجاه المجتمع البدوي المهيمن والقوي ماديا وسلطويا وثقافيا.. ربما !!

بوست من بيت الكلاوي..
نكتب ليكم من السوق الحرة في مطار جون كنيدي...ومتوجهات الى لوس انجلوس
لزيارة شقيقة اميرة بت السيد....وامامنا كميات من العطور واسماء لم نسمع بها
واسماء اخرى موجودة في هذا البوست وبوست وضاحة...وسنختار وفقا للقائمة
الاكثر شعبية بين اعضاء المنبر...ونشوف امتثال اختارت شنو وبت السيد اختارت شنو
وابتهال اختارت شنو...ونقوم نقسمهن طبقيا...
وسنعود للتعليق على مضمون البوست بعد ان نصل الى لوس انجلوس...
ودمتم بالف خير ..

عبدالله ادريس
ان تقيل عثرة تلك شيمة حقيقة بك
وانا غلطان دون مراء
او تبرير
رغم حرصي
انت من الذين احبهم
قسما عظما صحيح
ليس ترضية
ولكن
اعفي لي ياخ
عليك الله اعفي
امسحها لي في وشي
حزنت جدا ودبرست لمسحك المداخلة
اخيرا
اعتذر جدا
ولو ما قبلت عذري
والله الذي لا إله إلا هو
اكتب لك بوست اعتذار
لم اراسلك في الخاص لاتعذر

بكتل الحيل ويتقل المخ ويخلي ريالتك ومخاطتك حدهن سدرك

Quote: في تركين ريحتو لو صنفرت يدك ما يطلع وواحد موية ساي تجيب خبرو ايهما افضل

ههههههه
غايتو يتقل المخ دي ما مرت علي ..
لكن المخاخيت السايلة لابد منهن ..
عشان الشطوط والبصل ..
التركين السمح ريحتو ما بتمرق منك بالساهل ..
يوم الجمعة التركين عندنا كوجبة فطور ثابت لا يتزحزح ..
اللهم الا تكون في ضبيحة حتين نجليه ..
وفي المسجد الا تصلي جنب واحد بلدياتنا ..
عشان حيقدر يتحمل الريحة ..
بل حيحسدك على الوجبة الكاربة
انا شخصيا بفضل اكله ني ..
لكن المطبوخ برضو بناكله ..
اكله معتبرة عندنا خالص وبنحبها ..

عاين ديل !!
هههههه ..
يا وضاحة الجابك هنا شنو ؟
دول اجعص واحد فيهم بتبخر ببخور ضكر من الصباح مع كباية الشاي ؤ يفكفك ..
بما فيهم عبد الحفيض ظاطو ..
هسه زي ود المدير وجلالدونا ديل أطيب ريحة عنهم ترش ليهم الحوش في العصرية ..
أومال أيه ؟ وأنا خايف.

مولانا الملك
عاوزين نحضر ونطور الامه دي هههههههه
ونخليهم يهتموا بالعطر ولو من باب السنه النبويه
فقلنا نفتح بوست محو اميه عطريه
ود اب سن دا محتاج مدرس خصوصي بعد فصل محو الاميه
بشتكي للمدام
هسي شوف الكلام البكتب فيه دا شنو عراقي وما ادري شو
بالله دى امة دى
شو هدول وين خلقو

لكن بوست وضاحة برضك جات منو فايدة كبيرة جداً

لانو بحتلنا العفن المكرن في العباد من عهد عاد ؤ عطرو

بالمناسبة يا برولوتاريا انتو

انا عطري المفضل Herrera for Men by Carolina

اكيد ما بتعرفو .. عالم وهم😂😂😂

************************

Herrera for Men by Carolina

دا شنو كمان ؟،
نسبةً للهرهرة الفيهو دي المفروض يكون
by كنيّف

سلام يا ابوسن و سلامات لضيوفك الكرام
وااله بوستك المبخر ده ريحته واصلة الصفحة التانية
عطر الله ايامكم ياخي

Quote: صديقي الطاهر النقر والان هو طبيب بامريكان مع ناس جلال .. جلال شوفو في امريكا اسأل منو ياخ اها الطاهر دة جنو ريحة . لقا اخوهو الفاتح الراكشا بتريح قال ليهو اديني اتريح شال الفتيل اتبخبخ بخبخة شديدة . والوقت داك نحن في العالي الاباط .. الرقبة .. السدر . اليدين اسراف جد اخوهو بعاين ليهو ساي انتهي رجع الفتيل اخوهو قال ليهو الريحة لو بتريحو بيها كدة ما كان جابوها في فتايل صغيرة كان عبوها في اسطوانات غاز

بيني وبينك دكتور الطاهر بعملها
دكتور الطاهر طبعاً اخ و صديق عزيز ويقيم معنا في منطقتنا و سابلغة عاطر تحياتك

سلامات ابوسن

ارضاء الناس لحواسهم الخمس شئ طبيعي

مثلما لا نجد حرج في تفضيل نوع معين من

الشوكولاتة او سماع موسيقى بعينها او التعلق

بمناظر جميلة كذلك عادي ان نحب نوع معين

من العطر. طبعا الجغرافيا او خلينا نقول المكان

له تأثير غير مباشر في الاختيار .

في السوق الحرة في مطار جون كنيدي
امتثال اختارت ارماني...وابتهال اختارت فرساشي...وانا اخترت اسكادا
لان ال ICQ ما موجود...اما اميرة بت السيد فقد رفضت اختيار اي نوع
من انواع الارياح بسبب انها تفضل فقط الريحة السودانية ....بس ما عرفنا
يا تو نوع من انواع الارياح السودانية..وهل فعلا في مصانع ارياح في السودان؟
ويلا يا ود اب سن قوم قسمنا طبقيا ..وورينا بت السيد دي حتكون في ياتو طبقة...
ودمت بالف خير وصحة وعافية

ود القوز يابلديات
رسلت ليك قصة بلدياتنا خيري مع اللبناني بعد اكل التركين

Quote: دا شنو كمان ؟، نسبةً للهرهرة الفيهو دي المفروض يكون by كنيّف

ود المدير حسن الفاظك لو سمحت

ما تعفن البوست باللاي

-------------

وضاحة بتضحكي مالك؟؟؟

بس ما تقولي لي ما عرفتيها ..

صراحة حا اكون انصدمت فيك

دي عتيقة من سنة 1993

تعرف يا ود المشرف
كان اولاد الموظفين انضف مننا . ودي حقيقة
كأطفال كنا بنلعب في الشارع بضجة شديدة . نلعب بالتراب بالطين . ماشين حفايا .. نبني بيوت الطين واصنام من الطين اللزج وعربات من الصفيح والسلوك
لبسنا ياهو العراقي واللباس . دبلان وبعضنا دمورية
ويميزنا ان اسرنا له تاريخ قديم في الحي
اولاد الموظفين عموما بدء حياتهم هم حديثي سكني بالحي . لا يعرفون الناس عموما . يسكنون في حي واحد كله موظفين غالبا . الموظف بالضرورة متعلم ويخش السينما ويقرأ عن حياة الرفاهية ونمطها
يعرفون النضافة وايجابياتها
لهم نظرية في تربية الابناء
يحتك ابناؤهم بمن هم مثلهم
الوضع المادي لنا قد يكون افضل منهم . ولكنهم يعيشون حياة مرفهة
الامر هكذا
دون ضغينة او افضلية
هم لا يشبهوننا
نلبس العراقي ويلبسون الفنايل الداخلية باللباسات القصيرة النضيفة البيضاء
في العيد نعيد بي جلابية
ويعيدون بالاردية والبناطلين
الامر هكذا
كانوا برجوازية بنص التقسيم الماركسي
ولم نكن بروليتاريا عموما ليس كلنا
اعتقد يكمن الامر في التعليم . تعليم امهاتنا واباءنا .

اذنكم للقفز
تشكر الصاوي
بلغ الطاهر النقر التحايا
هو من الذين يحافظون علي السودان كما كان
تمتد صداقتهم معنا منذ طفولتنا ولم تنقطع
الطاهر النقر بجي سنويا . بلف كوستي كلها اولا للعزاء
ويصل كل اصدقائه ومعارفه
ولامن تلاقيهو ياهو النقر الزمان لا ينقطع حبل الونسة
سلم عليهو وعلي زوجته منال واولاده
واسألو من القصة
طبعا الجزء النسيتو
بعد الطاهر رجع الفتيل
اخوهو قال ليهو
كان تشيل منو بقة

والله صحي ودالمدير
الريحة الا يوم العيد
ولا تلقا ليك صابونة بوكية تندعك بيها
الحمام اياهو صابون الغسيل صابونة صافي
ولا فنيك شندي
وحات الرسول ريحتك زي ريحة الاسبتالية
الحمام ابو طش
الدوش زاتو مافي

Quote: ود القوز يابلديات رسلت ليك قصة بلدياتنا خيري مع اللبناني بعد اكل التركين

هههههههه ..
تسلم يا حيدر يا انداندي يا جميل ..
يأخ التركين ده حكاويهو رهيبة ..
عارف مرات الواحد بيتأخر يوم الجمعة مخصوص خوف الاحراج ..
تشيل مصلايتك وتبقى مارق عشان تصلي بره في الشارع ..
تنستر بالهواء الطلق خارج المسجد .. ههههههه

سلام يا د. وضاحة

مشكورة على الدرس النظري ونجي للعملي

اقترح ان ترسلي عطر رجالي لابسن و نسائي لمدامته

عشان يجرب و يغير التقسيم الطبقي... زي ما انتي

عارفة ما كل انواع العطور موجودة في السودان .

لو اتعمل بوست عن الكرافتات و الاكسسوارات

و تناسق الالوان يكون ما قصرتو.

كونوا بخير .

ولا فنيك شندي
وحات الرسول ريحتك زي ريحة الاسبتالية
الحمام ابو طش
الدوش زاتو مافي

ياسلام يا ود ابوسن
تستحمي بصابونة نادية
في الطشت والجردل
وترش باقي الطشت في الغرفة
ويبقي مكان الطشت في نصف الغرفة

زمن والله

حبابك بسمات
وتحية لكل المسنوحات
وقولي ليهن
لو جايبات لي هدية حذراكن من اتنين
ريحة
ولا مقطع جلابية

تشكروا
منعم
مازن

و لا يهمك يا ابسن اسحب اقتراحي الفوق ما دام حذراً.

واعضد اقتراحك نعومة
واطالب بي بوست عن كيفية تنسيق الحدائق المنزلية واشجار الزلط
وبوست جندري آخر
عن لون مناكيرك المفضل
اقول ليك
ليه !؟

قريبي ابوسن

قول ليه.... و كلي تفهم و عقل مفتوح .

https://www.0zz0.com

[url=https://www.0zz0.com]" target="_blank">[url=https://www.0zz0.com][/URL]

/IMG]

/IMG]

يامان انت رفعت صور سلسيون
كلها اتلحست

هههه
حيدر غايتو
نعومة اتمو ليك كلام

فتيل ريحة مصنع في دولة عربية ساي تمنو يجي 200ج
اودة يساوي نصف الحد الادني للاجور لو زول لقا شغل
الخمرة elkhomra الريحة السودانية . اللي هي بتكون عند اي مرة متزوجة زمان . صارت ترف حتي للعرسان
دق الخمرة وفتح الخمرة والاعداد ليها كان طقس من طقوس الزواج
الناس يقعدن بالايام في بيت العروس ولا يسمح بالتصنيع الا للخبيرات
من نضافة الضفرة
لي دق الريحة
دة كلو انتهي
بقو يشتروها جاهزة
فريحة العرس تكلف ربع العرس ولا تلتو

https://www.0zz0.com

سلام يا ابوسن و سلامات لضيوفك مرة اخرى
لقد بلغت دكتور الطاهر النقر و منال البشير تحياتك، و لقد حدثاني عند حديثاً طيباً
و ذكراك بكل الخير، و يبدو ان لك في قلبيهما مكانة خاصة، و علمت منهما لأول
مرة انك تخرجت من جامعة الخرطوم كلية العلوم و انت قريب زميلنا ابوسن الذي
تخرج من الإقتصاد ولا ادري لماذا كنت اظن انك خريج احدى الجامعات المصرية

Quote: واحد من الفروع لي ما بعد حمام المساء ...

النبى فوقك يا قبانى اكان ما وريتنى اسمو هههههه

ود اب سن
بعد صورك الرفعتها دى لعبك بقى ما نضيف هههه

اخونا معاويه دا لفت نظرىى لى اسم عطر سودانى جديد
اسمو بروة فنيك ، ممكن معلومات عنه اكتر

تشكر الصاوي
عبدالوهاب عوض ابوسن
ابن عمي مباشرة

يا علي
القصد اننا متعففين
والبسأل زاتو عارف
لكن دايرنا نقول كدة عشان يخلي مسؤوليتو
حالنا ما داير سؤال

ايييي
اسامة العريفي
ياخ ذكرتني صابون نادية
بتذكرو والله
حليل زمن حمام الطش
كنا نضاف

بالغت يا الملك
حبيبي فاكرك معاي
انا كنت مسجلك في طبقتنا
تقوم تطلع العالي
يا الملك
ترش الحوش زمن الموية بالخرطوش . وتكون زارع ليك ريحان والريحة تجي باقة
وترش الصريف بتاع النال برضو
والعناقريب فيها لحفات القطن ما الاسقنج مختوتة في شكل مربع
ياخ والله ما تقولي لي كريستيان ديورا ولا وضاحة
وضاحة شنو كمان في الجو دة

نسيت يا الملك
لو ماعندنا شبكة موية
بنجيب الجالون بتاع الحديد حق زيت العربات . السمكرجي بعمل ليهو قدوم طويل بي فتحة دش ويد
والله ما سائل في دينق زاتو
يجو يقول ليك
رفع شنو
ولا تلاتة خمسات شنو
نحن صعبين لو قمنا
اسأل جلال وودالمدير

يمكن اضافة
قباني
علي دفع الله
وودالبشرى
الفاضلابي مع الكراهة
اقصد للناس البتسألهم عننا لو قمنا

غايتو يا الملك .. عليك الله ما تسألنى
اسأل ودالمدير و الاضافات الاخرى
الزول ده صعب
__
الملك استلبوهو و نسى شتلات الحنّة و تحت قعرا
مزروع صباح الخير و بى واحد رشة من الجالون اب دش
يجيك دعاش معطّر يعطّر باقى يومك
و العجب العجيب فى ضراهو و مع هفهفة النسيم
فى ايدك قرقوشايا و كباية شاى بى لبن
ينتم كيفيك و تشيل فرّارك و تحتطب
يمين الله و معاها و أيم الله
الفرحة تتمدّ فوقك تزغرد و السعد يدق بابك كو

بما انك يا ابسن جبت اسمي في بوست الطبقات دا حا اقول ليك انو موضوعك دا والموضوع المنبثق منو بتاع وضاحة الخاص بالعطور تصدق يا ابو علاء انا اول عطر جاني هدية من حبيبتي وكنت وقتها في المتوسطة اسمو(اليتسElits) العطر دا لا يوم الليلةمعلق فيه بس بقى مضروب .بالاضافة لي انو بحب جدا اغنية ست العينين عطر الصندل راءيعة المبدع احمد شاويش وبحب الشية وام فتفت وبموت في الزراعة اليوم 7/7/2017 يوم واحد في الضراع .جهزت تواريبي وبابوري ومحراتي وهسع انا في الحتة اللاقيتك فيها تانية العيد ومارق علي الخلاء بحب ريحة الدعاش والنوار وريحة تياب امي وريحة خشم صغيري وانا بداعبو ..
اقول ليك قولة لو عملت لي جرد حساب للحاجات البحبها اكتر مليون في المية من الحاجات البكرهها يعني مثلا باكل اي حاجة وما بعاف اي شيء بحب الضحك والهظار وبكره التجهم والجدية زول عشواءي وما مرتب .
هسي دا شنو انا البكتب فيه دا ..
عموما بعد دا ختني في اي حتة في طبقات ود ابسن
ودي ليك يا سمح

الحاجات البكرهها يعني مثلا باكل اي حاجة وما بعاف اي شيء بحب الضحك والهظار وبكره التجهم والجدية زول عشواءي وما مرتب

علي دفع الله

___^^^___^^^___^^^^__

ود دفع الله
يعني شخصية مبهدلة و كدا .


عزالدين عباس الفحل
ابوظبي

Quote: يعني شخصية مبهدلة وكدا

مبهدلة جدااااااا

يعني شنو مبهدلة!!!!!

الكاتب الكلام دا ما عمر دفع الله يا الفحل

عرفنا كتابتك ع عجل برضو قرايتك ع عجل

Quote: يعني شخصية مبهدلة وكدا

مبهدلة جدااااااا

يعني شنو مبهدلة!!!!!

الكاتب الكلام دا ما عمر دفع الله يا الفحل

عرفنا كتابتك ع عجل برضو قرايتك ع عجل.

علي دفع الله

___^^^^_____^^^^^_____^^^^^__^^__

الفاضل علي دفع الله.
دايما يخلط بينك و بين عمر دفع الله.
يا خي عايز ادورك شوية.
و سبحان دايما علي عجل.
رزم الحياة اصبح اسرع .
من سرعة الضوء.
اخي علي ود دفع الله .
لك كل الاحترام و التقدير .
لا تنسي .
بيني و بين الضحك شعرة .
فتك بعافية جاري احصل .
صلاة الجمعة .





***،
علي عجل.






عزالدين عباس الفحل
ابوظبي

مرحب عزالدين
وحبابك
وكذلك انا مثل علي
وعلي صديق عزيز جدا . رجل سوداني اصيل واخوان .. وافتخر انني صديقه
احرص علي ملاقاته كل ما اتي بي الطريق الي سنار . احرص علي الاتصال به ليلاقيني في الصينية
وكما ذكرت لك انا مثله
اقش اي اكل شرطا ما يكون فيهو جمكسين
التخيير في الاكل ترف لمن هم مثلنا
والعطر ترفا يصل حد الكفر قياسا .
فثمن فتيل العطر نحن احوج إليه في امر يخص الحياة والموت
واخيرا
فلندع من لم يكن طرفا في التداخل
التحية للمبدع والفنان عمر دفع الله
انت ضيف مبجل في بوستي كما علي

دا شنو يا مبهدلين

فضحتونا مع ود الفحل دا ياخي

الرجل يحب البزنس وقضاء اروع ثلاثة ايام في شتى انحاء الارض

وانتو متلاقين في صينية سنار ؤ كمان جايبين سيرة امفتفت وشنو كدا كمان

انتو ما شايفنو مرتب ومنظم كيف

مداخلاتو زاتا منظمة والخط ما كبير زيادة عن اللزوم ولا شي😁


قومو لفو صينيتكم واكلو ام فتفتكم😂😂😂

هيثم غالي هههه ما عشان كدة قلت لي ابسن ختني في المكان المناسب في طبقات ود ابسن ...

ود الفحل زول خالعاه ابو ظبي والايفون والسيارة 😂

Quote: ود الفحل زول خالعاه ابو ظبي والايفون والسيارة

و العجل

عبد الحفيظ ابو سن.
عليك الله .
اكتب رقم تلفونك حسة في البوست.
و يا ريت ود دفع الله .
الغير مرتب.
يا جماعة خلوني احصل
صلاة الجمعة .
ما لاقي Parking






عزالدين عباس الفحل
ابوظبي

هنيالكم ... و بالريحة كمان
داير اقول ليكم شنو
فى العجلة السلامة و فى الموتر الندامة

الفجل دائما على عجل؛ عجل الحديد
يكتب بالايفون من السيارة؛
من ابوظبي اوتركيا
بانجليزية maassama
احيانا؛ الكلمةالاخيرة مربوطة بانجليزية
اما حالة كونها massama
فهي دايمن؛
.................

يازول خلاص امنا بالعتق الغزال....

يا عبد المنعم ممكن تسيب الفصاحة دى
شايفك مغ ود الفحل و وضاحة و اخرين فى كشف براكم

هههها
يا جلالدونا
اوعى تكون انت معانا في الكشف دا؟
حتي انني احتجيت على وجود الفحل في ذات الكشف مع ود القوز واخرين
ايش جاب لجاب؛
والمستـــــــــــــــــــــــــــــــــــــــكح دا بنجمو
خليك قريب...

ل
حين
ميسرة

لمن به رمد في عينيه.
دايما الواحد بترفع عن المهاترات.
و الكلام الأعوج و الهواء الفاسد.
و لغة المسألخ ما اسهلها.
و لهجة المفكات المعكوفة.
و التغافل ليس ضعفا.



عزالدين عباس الفحل
ابوظبي

المداخلة دي شكلها برضو على عجل
انت زعلت ول شنو يا دكتور؟

الديودران
غايتو يا ناس سودانيز عملتو كوتر
اروستقراطية متناهية
دة كمان خلا ناس دينق ووضاحة في ذيل القائمة
الديودران دة شنو كمان بودرة ولا مثبت ولا نوع من انواع منكهات الفم
ولا شنو الحنك

اظنه وان بعض الظن اثم انه نوع من انواع مزيل العرق...
( وش ضاحك)
مع وافر الاحترام ،، وبراميل الود ...(ودي طبعا كالعادة زي ما بتقول
بسمات مستلفاها من ود الباوقة،، ، الله يطراهو بالخير ونظنه غادر المنبر
نهائيا )

ود ابسن

Quote: غايتو يا ناس سودانيز عملتو كوتر اروستقراطية متناهية دة كمان خلا ناس دينق ووضاحة في ذيل القائمة الديودران دة شنو كمان بودرة ولا مثبت ولا نوع من انواع منكهات الفم ولا شنو الحنك

يا زول شهراً ما عندك فيهو نفقة لا تعد ايّامو
شيل فرّارك و شوف حطبك وين
_____
يا سلام على موية الورد ياااخ ... تصدّق عملتها قبل كده
لو لاقتنى تانى ح اشربا عديل كده عشان اريّح بطنى
ثم تعدو بى الريح فأختال يا ود اب سن

ادينا الزيت يا امتثال
الشي دة غلبتني جيهتو تب

حبيبنا ود اب سن
و لا انت و لا أبو ادم
و كان لاقيتو في الصينية اساله مني
ختيييير
أي حاجة بقشها
قشة مُرّة ماااااااااافي
قول ما شاء الله
علي لو بتذكر ... مرة قبال لي فطرت ؟
قلت له : لا
دخّل ثيده في درجه
و مدّ لي ساندوتش
طقطته ليك و لا كلمة
قال لي : انت بتاكل ساي ؟
اسال قول لي دا ساندوتش شنو
ههههههههههههههههههههههههههه
عالم بطاااالة زي ما قال مجيدو

و انا صغييييير عملت فيها الولد رشيق
(رشيق دي كيف معاك؟)
لقيت لي فتيل فيه ريحة في المطبخ
داسنو وسط الكبابي
قمت ما خليت فيه الحبة
بعد خلصت لقيت مكتوب
محلبية ميسو
ههههههههههههههههه
هههههههههههههههههههههه

النهار كلو قاعد في الحمام استحمى منها

قال عطر قال
خلينا في صابون الفنيك دا ما ااااالو

تخريمة:
وضاحة ح تختني في البلاك ليست