يا علي بشير الزول التعبان دا عاوز ليه طريقة مخارجة لانو عارفني بطقطقو ! عشان كدا عاوز يعمل لي ملاوزات ! بس انا واعي ليها تماماً 😂 .. صدّقني الزول دا في بيطرتو بطقطقو خليك من باقي الحاجات ... والله صحي !
يا جماعة استهدوا بالله ابوبكر عباس شنو البمشي سودانفوراول .. ابوبكر ده يتربع الآن في قمة أمجادو المنبرية في سودانيزاونلاين .. وحقيقة قصة نجاح مذهلة كرس ليها كل امكانياتو لاخر مليميتر ووظفها باحسن صورة وفي الزمن الاصح على الاطلاق بالاضافة لصدف تأريخية متعددة ونادرة الحدوث مفردة وكل على حدة الا انها اجتمعت على قلب صدفة واحدة لصالح هذا المجد الاسفيري الباذخ ..
سلام يا ود المشرّف ابوبكر عباس دا انا كان ممكن اتوسّط ليه عند ناس فوراول بس الراجل امكانياتو تعبانة شديد ما شايف بوستاتو تقليدية كيف ؟! ياخ حتي العناوين بتاعتو نمطية و ما فيها أي إبتكار عشان كدا بطبلوها طوّالي ! ... باقي لي الزول دا مكّاء برضو ! 😂😂
Post: #19 Title: Re: كاونتر أتاك ! Author: محمد حيدر المشرف Date: 07-04-2017, 00:05 AM Parent: #18
Quote: سلام امير اوعي الطبلة ، كلمة كاونتر بقت تعمل كاروشة شايف بنطون رفاعة متحرف لقتال استوصي به خيرا :)
يا ناصر زمان كنا شايفين القبة و قايلين تحتها فكي ! عشان كدا المرة الفاتت حرّكنا البارجة بو إس إس إيزانهاور و حاصرنا بنطون رفاعة دا لاكين المرة دي الموضوع ما محتاج ، فلّوكة صغيرة ممكن تقوم بالمهمة ! ... شايفو الليلة زغرد عديل ، رغم انو مازال في مدي النيران ... والله صحي 😂
Post: #21 Title: Re: كاونتر أتاك ! Author: على محمد على بشير Date: 07-04-2017, 00:28 AM Parent: #20
Quote: ياخ حتي العناوين بتاعتو نمطية و ما فيها أي إبتكار
تصدق طلعت انتا التعبان يا امير نمطية شنو ، ياخ دى ما الاستناره زاتا
لا لا يا ود المشرف ياخ انت ماشفتو كتب هناك شنو ؟!!
Quote: أيوي يوي يوي أموري وافق على شمومة الكاونتر
كنّا وين؟ وبقينا وين؟
أها (أيوي بوي يوي ) دي موش ضرب من التصدية و المكاء ؟!! 😂
...
Post: #23 Title: Re: كاونتر أتاك ! Author: أبوبكر عباس Date: 07-04-2017, 03:31 AM Parent: #22
ما دام قدرت تدفس ابصلعة؛ على بركة الله نبدأ.
شوف العلم دا: .
The way the individual notes within the chords progress linearly from one to the next involves counterpoint.
The way the individual notes within the chords progress linearly from one to the next involves counterpoint.
Post: #24 Title: Re: كاونتر أتاك ! Author: سيف النصر محي الدين Date: 07-04-2017, 03:43 AM Parent: #23
غايتو لو في زول بقدر يعمل أغنية زي على قدر الشوق ممكن نسمع كلامه في اي حاجة تتعلق بالموسيقى و كمان لو وزع اغاني مصطفى سيداحمد زي ما موزعة في شريط الحزن النبيل ممكن نسجل ليهو الكاونتربوينت باسمه عديل.
يا مستنير يا كيشة انت ، روبرت في ردو دا بيؤكّد الكلام القلناهو من البداية ! حاتم قال ليك الحاصل في السوناتا دا بيسموه arpeggios و broken cords و رغم التشابه الظاهري بين الحاجتين ديل لاكين الموسيقيين الكبار بقولوا انو كل arpeggios عبارة عن broken cords , لاكين ما أي broken cord يمكن اعتبارو arpeggios
هنا يا كيشتي الراجل اتكلّم عن تلاتة نماذج للكاونتربوينت وضرب مثال بعمل باخ و اعتبرو نموذج للكاونتربوينت و كمان إعتبر الفيوغ ضرب من ضروب الكاونتربوينت المعقّدة و لمّا جا للحتة بتاعت السوناتا قال ليكم انو دا شغل broken cords و لايعتبر نموذج مكتمل للكاونتربوينت ، بل اعتبرو نموذج ضعيف جداً لا يؤخذ به و نموذج غير جيد !! شفتا ككيف ؟!! فيا خينا ما تمسك ليك في شطر ميت .... بالمناسبة ، عرفت انك نمطي في اختيار عناوينك و بوستاتك ؟ بكري ليه حق يوديهم الكوشة !😂
Quote: غايتو لو في زول بقدر يعمل أغنية زي على قدر الشوق ممكن نسمع كلامه في اي حاجة تتعلق بالموسيقى و كمان لو وزع اغاني مصطفى سيداحمد زي ما موزعة في شريط الحزن النبيل ممكن نسجل ليهو الكاونتربوينت باسمه عديل.
يا زول عينة كلامك دا ياها البتعكّر أمزجتنا ... والله صحي ! ... خليك لافّي صينية كدا او كمان جيب العيّنك و تعال !!
تحياتي
Post: #27 Title: Re: كاونتر أتاك ! Author: أبوبكر عباس Date: 07-04-2017, 10:04 AM Parent: #26
نموذج ضعيف معترف بيها؟ نحن لو طلعنا منك بسفة ما قصرنا
يعني هسع معترف بكلام روبرت انو فيها هللة بتاعت كاونتربوينت؟
عشان نحيب تحدي حاتم الأول قبل بكري يقفل البوست ويوقفك
حتة الطير المهاجر راجيها من زمن و سألت منها حاتم كتير في البوست المطبول.. في رأي المعيار بكون واضح للكاونتربويت وجوده من عدمه لاغنية سودانية كدا يادوب عرفت ليه المستنير عايز يواصل البوست في انتظار المفاجأة
ابداً يا صبري ، الراجل دا موضوعو مستحمّي و knocked out من زمان بس عاوز يفرفر ساي ! ... ياخ دا عضم مقرشة بس !
Post: #33 Title: Re: كاونتر أتاك ! Author: عبدالعظيم عثمان Date: 07-04-2017, 10:42 AM Parent: #32
يا أميـــر بكور دا بالراحه عليه
بي هنالك دينق كاتم نفسه ومقبقبه
يعني خلي ينق ينتهي بعين تعال قبقب
ولا شنو
Post: #34 Title: Re: كاونتر أتاك ! Author: أبوبكر عباس Date: 07-04-2017, 10:52 AM Parent: #32
لكن يا مشرف، لقيتك شخصية قوية في المنبر، هرشت بكري هرشة شديدة، فتحً ليك بوستاتك بتاعت الشكل: المكاء ١ المكاء٢ والمكاء ٣ بدون ما يقفلن أنا المسكين دا، فتحت تمامة كاونتر بوينت وجبت مداخلة جديدة لنج من برفسور بتاع موسيقى قفل البوست ورسل لي إنذار شديد اللهجة صحي: ناس بدون ما تمشي توصل
Quote: أنا المسكين دا، فتحت تمامة كاونتر بوينت وجبت مداخلة جديدة لنج من برفسور بتاع موسيقى قفل البوست ورسل لي إنذار شديد اللهجة صحي: ناس بدون ما تمشي توصل
هي لاكين ﺍﺫا كنت بتكتب كلمة ( تمومة) في عنوان بوست !!! تمومة شنو يا كيشتي ؟!! الشيء جرتق ؟!! 😂 ياخ بكري ذاتو طيبان ، انا لو محلو، أقفل البوست و اسحب منك الباسوورد و اصرف ليك 10 جلدات و أخليك تقرا بوستات المشرّف كلها و تنقلها 50 مرة ! ...
Post: #38 Title: Re: كاونتر أتاك ! Author: قسم الفضيل مضوي محمد Date: 07-04-2017, 03:38 PM Parent: #37
. معليش يا امير المداخلة دي تاهت من بوست "المكاء" ويا ريت تستضيفها هنا ...
Quote: أصلا الرجرجة ديل ما بكونوا جايبين خبرأهو بكونوا في حدرت لي وحدرت ليكان شاء الله حاتم الياس بتوسط لي
يا بكري عباس حتى لو حاتم الياس اتوسط ليك وقبلوك في 4all... حا تفقد الإثارة الموجودة بهنا ...المنبر دا حواء حقتو والدة (اعضاء جدد زي حاتم و "البجا" بوب) :) وما حا تقدر تفارقوا كلو كلو ... فاااا خليك بجاي واستخدم تكتيك الرمزية وابعد عن المباشرة ...مثلا بدل تكتب الغرابة الحلوين كان تكتب العزابة الحلوين وجوة البوست خرمج زي ما داير ... كاونتربوينت تمامة كان تكتب بدلا تمومة جرتق ... اند سو اون :)... بكري ابو بكر دا الا تأشر ليه يمين وتلف شمال :)
فعلا يا فضيل الكتابة مع الرجرجة ممتعة في ناس هنا كنت بزهج من مداخلتم الواحدة المكررة، وبشوفها مملة، لكن تاني بقيت استمتع بيها، يعني من اشوف اسمو رفع البوست بتخيلو كتب شنو، على سبيل المثال لا الحصر: - ود القوز - عبد العظيم - عز الدين الفحل - ابو روضة - عبد المنعم الطيب - جلالدونا - وضاحة، مثلا تكتب دائما: حبوبتي آمنة حلوة وأهلي سمحين وعندنا قروش كتااار، وقريت في كندا عشان كدا بغلط في العربي، الله يخلي لينا شيخة موز
المرحلة الجاية من أول تسعة داير اكتب باسم جديد، ابوبكر عباس ودينا خالد اتحرقوا، المنتدى دا ما بخليهو يموت مرحلة دينا خالد ومرحلة ابوبكر عباس كل واحدة كانت أحلى من التانية
Quote: يا امير المستنير لم يأتي لحوار هبش ليهو جماعة ولمن يجو يكب الزوغة و يقيقبوك انت سيد البوست و سيد الحوش يجي بالطبلة تكتيك مكشوف...العب غيرا وافرش ورقك
يا ناصر ما تخاف ، ناقش ليك تكتيكاتو كويس و منتبه ليه ! ... هو طبعاً غلبتو الشغلانة و بقي لاعب لي دكّها !! ما شايفو قاعد يحرّش في الحكم ؟! يا مستنير ياخ بكري دا قادر يميّز الغث من السمين يعني زي بوستاتك التعبانة ديك ذيادة عبء علي السيرفا بس ! عشان كدا بضايروها طوّالي ! ... هسي عنوان البوست دا في حد ذاته ما نقلة كبيرة بالنسبة ليك ؟!!
أوكي نرجع للموضوع الأساسي: جيب رد روبرت بتاع يوم ٢٦/٦/٢٠١٧ خلينا نفلفلو ونجيب الملك وبعد داك بنزل فيديو روبرت بتاع الطير المهاجر كآخر مداخلة لي باسم ابوبكر عباس
يا مستنير ياخ فلفلة شنو ؟! الراجل كلامو وااااضح : Robert - host, on June 26, 2017 @11:39 am PST Counterpoint and harmony cover 2 different aspects of music. Harmony is the vertical rendering of chords. The way the individual notes within the chords progress linearly from one to the next involves counterpoint. Counterpoint is a deep subject. Simple 4-part harmony (as in Bach Chorale writing) is an example of counterpoint. Fugues are a more complex example of counterpoint. A melody played over chords (or broken chords as in alberti bass in Mozart) involves very simple counterpoint. It isn't really a good example of counterpoint since there is clearly a melody and harmony instead of equal voices. But technically it is a simple form of counterpoint . It's good to analyze and appreciate music for what it is rather than to get hung up on the words used to describe it. ... الكلام دا واضح جداً جداً قال ليكم الموجود في السوناتا دا عبارة عن broken cords و رغم انو مجازاً بقولوا عليه كاونتربوينت ! رغم انو ملمح الكاونتربوينت بسيط شديد و لا يصلح كمثال للكاونتربوينت !!! تاني شنو ؟!! يعني عاوز تمسك في الشمومة دي؟ قلت ليك رد مستر استرين الأخير دا يُحسب لصالحنا نحن علي عكس ما تعتقد ! ... ممكن مولانا الملك يساعدنا بالترجمة و انا غايتو رضيان بي ترجمتو للإيميل دا.
بالله يا أخوانا، اقروا ترجمة حيدر الموعودة مقرونة مع تحدي حاتم الموجه للموصلي في الاقتباس أدناه:
" أنا قبلت رهانك على التحدي، المطلوب منك هنا (ببساطة) إثبات وجود الكاونتربوينت، ناهيك أن (تنضح به) سوناتا موتزارت رقم 16 أو بريليود شوبان، فحدد لنا ولو (ثانية) واحدة في أي منهما يا (موسيقار)." انتهى الاقتباس
بالله، يا أخوانا، ركزوا في التحدي علي: حدد لينا ولو ثانية واحدة ختوا تحتها خط ولونوها بالأحمر
أنا كمدير لمكتب الموصلي (زي طه) ببساطة اثبت إنّو فيها ثانية كاونتربوينت
أها يا مستنير روبرت استرين الجارين ليه دا ختاها ليكم علي بلاطة broken chords as in alberti bass in Mozart involves very simple counterpoint. It isn't really a good example of counterpoint since there is clearly a melody and harmony instead of equal voicesBut. technically it is a simple form of counterpoint.Very simplد يا مستنير يعني شمومة بس !! و هذه الشمومة is not a good example ! طيب ليه ما good example يا مستر استرين ؟ لانو بوجد هارموني مع الميلودي بدلاً عن خطين ميلودي متساويين ! شكراً مستر استرين !!
واخبراً با مستنير هاك دي : قيل ان رجلاً سأل الامام الإشبيلي سؤالاً لا يسأله الا أهبل او مستهبل ! قائلاً له ؛ يا إمام ، ماهو الكموج ؟ فرد الامام الإشبيلي : وأين قرأتها ؟ قال الرجل ؛ في قول إمريء القيس و ليل كموج البحر أرخي سدوله ، الخ فقال الإمام الإشبيلي بنبرة حادة : الكموج دابة تقرأ ولا تفهم !😂😂😂😂 ......
ارجو ان لا تتحسس يا مستنير ! بندحّك معاك ليس إلا !
سلام حمد و حيدر طبعاً روبرت استرين كاتب في موقعو ان السوناتا 16 لا تحوي كاونتربوينت بمعناه العلمي و قد سبق و جبنا الافكقتباس من موقعه و الراجل مقتنع بالكلام دا وقالو في أكثر من موضع. الحاصل في الايميل الأخير دا انا بعتبرو نوع من الدبلوماسية من روبرت استرين و خلّي الحاجة دي عايمة لانو إستخدم عدة عبارات فضفاضة في البداية قال انو حركة اليد الشمال دي broken cords و شغالة هارموني بس و تاني قام اتعامل مع ال broken cords علي انها شكل من أشكال الكاونتربوينت ، قم قال بوضوح انو الشغل دا مثال غير جيد للكاونتربوينت و حدد السبب كمان قائلاً انو مافي خطين ميلودي متزامنين لانو واحد من الخطوط هارموني ! ثم ختم الايميل بإنو من الناحية الفنية او التقنية الشغل دا يحوي شكل بسيط من الكاونتربوينت !ا انا شخصياً شايف انو روبرت استرين مقتنع انو السوناتا ما فيها ابو النوم ! بس إجاباتو غير محددة لانو ما عارف الخلفية الموسيقية للزول البسأل ، لانو هو متعود في موقعه علي تلقّي اسئلة كتيرة جداً بعضها من ناس متخصصين ميوزيك و بعضهم مجرد هواه و غالبيتهم جربندية ساكت ، عشان كدا اجتباتو بتكون فضفاضة جداً وعامة و ربما توفيقية !! و لايدخل في مناقشة الأمر بطريقة أكاديمية صارمة. ....
Post: #67 Title: Re: كاونتر أتاك ! Author: على محمد على بشير Date: 07-04-2017, 07:48 PM Parent: #64
التحدي كان انو.ماف كاونتر بوينت ولو لثانيه واحده في السوناتا والان امير اعترف انو في كاونتر بوينت قدر الشمومه في السوناتا
يا علي محمد بشير كيفك ياخ انا ما إعترفت انو في كاونتربوينت في السوناتا لسه انا يناقشهم في الايميل الجابو المستنير و فرحان بيه و بقول ليه حتي لو صحّ كلام استرين فهو فأل انو الكاونتربوينت شمومة بس !'انا ما زلت عند قناعتي بعدم وجود كاونتربوينت بمعناه الأكاديمي المعروف و مقتنع بكلام روبرت استرين نفسو الكاتبو في موقعه الرسمي حيث قال : السوناتا ما فيها التكتح ! ... اذن النتيجة الرسمية حتي الان علي ماهي عليه مليون / love ... هو طبعاً الموضوع دا محسوم من زمان بس المستنير بحب الفنجطة ، و نحن برضو بنحب نطقطقو ! ...
Post: #70 Title: Re: كاونتر أتاك ! Author: على محمد على بشير Date: 07-04-2017, 11:58 PM Parent: #69
Quote: ثم ختم الايميل بإنو من الناحية الفنية او التقنية الشغل دا يحوي شكل بسيط من الكاونتربوينت !ا
هههههههه
يعني في مدة ثانية كاونتربوينت في السوناتا
وهذا ما ظل يبحث عنه المستنير الخطير لا زالت النتيجه علي حالها يا بوب
يا علي انا بالنسبة لي المداخلة قاصمة الظهر و البتحسم الموضوع دا يا ها دي : صورة و صوت ، بدل شغل الإيميلات الما معروف البكتبها منو ! هنا سمع و شوف ! عمّك روبرت استرين الجعيص دا بطلق رصاصة الرحمة علي المستنير و شلتو !!أها تاني :...
سلامات بوب بوست الكاونتربوينت كان بمثابه كارثه حقيقيه لصوره ومكانه الموصلي الموسيقيه والعلميه بإعتباره من حمله (الدكتوراه) في الموسيقه..فقد عجز الموصلي عن إفحام من تحداه برد علمي نابع من خبرته الموسيقيه وعلمه ..ولم يفتح الله عليه ولو بكلمه الى ان جاءه الفرج الالاهي في صفحه البوست الرابعه او الخامسه علي يد ابوبكر والشبلي!! can you believe that؟وبعدها اغرق الموصلي البوست بمداخلات (تنضح)فرح ونشوه بإنتصار وهمي اتاه علي طبق من ذهب علي يد من هم ابعد من الصبا النجدي عن الموسيقي احدهم بيطري!!والتاني ممكن يكون اي حاجه إلا موسيقي...
كلامك الفوق دا يا ابوالقاسم خُلاصة ال9 صفحات من بوست كاونتربوينت تحياتي
Post: #74 Title: Re: كاونتر أتاك ! Author: أبوبكر عباس Date: 07-05-2017, 09:32 AM Parent: #73
مداخلة ابو القاسم يا ناصر، ما لخصت أي حاجة، وأتمنى أن لا يكون الموسيقار ابو القاسم زعلان من الموصلي في مكان ما، يا أخي أصبح من الصعب أن تجد كتابة حرّة تبحث عن الحق والحقيقة، الواحد بقى يفرز ريحة الزعل من حروف المداخلات.
صحي يا أبا القاسم، أنا بعيد جدا عن الموسيقى، لكن ليس لمهنتي علاقة بذلك، لو تتبعت عظماء الموسيقى بالسودان لوجدتهم كانوا يمتهنون مهن مختلفة، فوردي أستاذ ابتدائي، عثمان حسين كان ترزي والكاشف كان ....
كنت مستغرب كيف الموصلي يكون ما عارف الكاونتربوينت، وكان من الممكن أن اركن لهذا التصور، لكن هذا الاستغراب هو نفسه الخلاني لاحقا أقول: كمان ما ممكن الموصلي يقول كلام كدا ساكت من غير معرفة، حاتم يمتاز بسحر البيان وناس زي حاتم ديل ممكن يهزموا خصومهم نفسيا ويشلوهم، داير أصل لشنو؟ تحولي في البوست كان سببو الاساسي فرضية: ما ممكن بالعقل كدا الموصلي يكون ما عارف الكاونتربوينت
كلام جميل يا مستنير.. لو انت زول غالطك في مجالك و انت صاح مش بتجيب الردود المفحمة و الاثباتات و لاً بتقول كلامي صاح و خلاص و تعتمد علي التأهيل و الخبرة و الاسم - و لو جبت اي زول محايد ووريتو "كاونتربوينت" ح يصل لنفس الاستنتاج و يسأل السؤال الكبير, ليه "الموسيقار" ما حسم الجدل وهو مشارك فيه , زي ما انت حاولت و ما زلت - في النهاية ما انا المؤهل في مجال الموسيقي و لا اشكك أو افتي في مؤهلات الاخرين بس مستغرب!!
Post: #75 Title: Re: كاونتر أتاك ! Author: حيدر حسن ميرغني Date: 07-05-2017, 09:36 AM Parent: #73
احدهم بيطري!! لوول يا ابوالقاسم صحيح الشغلانة ما ساهلة وتتطلب دراسة وممارسة البيطري ممكن يكون بتاع موسيقى ويفهم فيها كمان لو كانت واحدة من اهتماماته - المستنير الظاهر انضم لرويعي الغنم الشهير Dr. Jeffrey Levy
يا ابو القاسم كلامك سليم و بتفق معاك الي حد كبير فيه مع ملاحظة انو فرفرة المستنير و شلبي كانت كمحاولة لإنفاذ ما يمكن إنقاذه و أعطت بريق أمل زائف للمخارجة من ورطة البوست داك. ... يا مستنير تقول :
Quote: تحولي في البوست كان سببو الاساسي فرضية: ما ممكن بالعقل كدا الموصلي يكون ما عارف الكاونتربوينت
ودا اكبر خطأ منهجي ممكن الزول يقع فيه يعني ما ممكن تبني قناعاتك و تبذل المجهود الكبير دا بس عشان حسن طنّك في احد الأطراف وإحساسك الشخصي انو ما ممكن يكون غلط !!! لو كان بنيت قناعتك علي معطيات أخري ربما كانت أكثر موضوعية و لكن ان تبني قناعاتك و تغير مواقفك لمجرد انو فلان ماممكن يكون غلطان او ما ممكن يكون ما عارفها ... دي في حد ذاتها مفارقة غريبة جداً !! لانو انت كدا بتكون غبر محايد في حكمك من البداية و منحاز عاطفياً لطرف دون الاخر و بالتالي محصّلتك بتكون زيرو و لا يُعتد بها !
... ذكّرتني بس إستماتة الحيران في الدفاع عن شيخهم و نسب الكثير من الكرامات و الخوارق ليه و دا لأنهم مقتنعين انو واصل !
ببقى خطأ منهجي لو أنا مقرر بيني وبين نفسي فقط اثبت إنّو كلامو مسر رقبة صحيح، أنا ليس مثلك يا أمير، أتحول عن الباطل سريعا يعني اشتغل بفرضية إنّو كلام الموصلي سليم، لو فشلت في اثباته بكون اثبت إنّو حاتم على حق، ويجي عادي بقول للموصلي كلام الزول دا صحيح وان على خطأ. انت بالرغم من معرفتك للمنهجيات وكثيرين هنا، لكنهم لا يستطيعون التحرك الحر مثل ما قاعد يفعل المستنير الحقيقي رويعي الغنم
Quote: مع ملاحظة انو فرفرة المستنير و شلبي كانت كمحاولة لإنفاذ ما يمكن إنقاذه
لازال (البجا ) يمارس الهرجله وتغير المواقف في منتدي من لا منتدي له دا ؟؟؟
انت دحين ما قلت قبل كده روبرت دا خرف وعندو شيزوفرنيا وانو زول مخرف ساي ، طيب مالك فاتح ليك بوست لتحليل كلامو ؟؟؟
هو أصلا انتو راسلتوهو ليه ؟؟؟
في خبراء موسيقيين كتااار غير روبرت اكدوا وضوح الكاونتربوينت في السوناتا دي ، غلاطكم دا لي متين ؟؟
السوناتا دي مليانه كاونتربوينت بشهاده الكثير من الخبراء من غير روبرت ، وعلي راسهم القامة الموصلي.
+++
مضحك جدا محاولتك لصبغ كلام روبرت بالتناقض ، وفي نفس الوقت معتبرو في صفكم ، وتاره اخري بتجيب في فيديوهاتو !! خليك مبدئي واركز ليك علي راي في روبرت ؟؟؟ عشان نشوف الغيروا من الخبراء !!
+++ يا مستنير ادامك الله شعله للاستنارة في الهنا ، انت تستاهل ترقيه لتصبح مهيب الاستنارة بدلا عن مشير الاستنارة
Post: #81 Title: Re: كاونتر أتاك ! Author: قسم الفضيل مضوي محمد Date: 07-05-2017, 03:40 PM Parent: #79
بالمناسبة انا حتي الان لم أرسل أي إيميل لروبرت استرين ! و انا لم اطعن او أشكك ي استرين و لكن في الردود البتخمّوا و تجيبوا فيها هنا بإعتبار انو هو الردّ عليكم ! انا القلتو انو مستر استرين كاتب فيكي موقعو عكس الكلام البتقولوا رسلو ليكم و قلت ليكم دا تناقض مابين الكلام المكتوب في موقعه الرسمي و بين ما تنسبونه له من ردود و فلت ليكم لو الكلام دا صحيح غايتو إلا يكون الزول دا ما نَصِيْح او مصاب بشيزوفرينيا ! و معني كلامي دا لأي زول بفهم انو انا بشكّك في الإيميلات المنسوبة ليه لانها تعارض آراءه المنشورة في موقعو الرسمي !! ... غايتو انا لو كنت محل روبرت إسترين و جاني إيميل من زول مسمّي نفسو music is my live مستحيل أرد عليه !! لانو زول ما عرف الفرق بين live و life مستحيل يفهم كلامي عن الكاونتربوينت !! ...' عشان المغالطات دي و انو الردّ علي الإيميلات دي روبرت هيمسيلف ولا واحد من ال staff بتاع الموقع ، عشان الهرجلة و المغالطات دي ، انا معتمد علي الفيديو صورة و صوت !! عشان نقطع قول كل خطيب و عشان أي زول داير يفرفر الفيديو دا يكتّمو النفس !😂 ...: يا ابوبكر عباس ، كويس انو الواحد يغيّر فناعاتو اذا ما ثبت ليه انها ما صاح ، دا كلام ممتاز جداً و مطلوب و لكن ما فعلته انت ما كان تغيير قناعة بناءً علي حيثيات معينة و بعد ان تبيّن ليك الصاح ... لا. ياخوي انت بعد ما كنت في صف حاتم في البداية ، فجأة حسّيت انو الموصلي ماممكن يكون غلت !! و مستحيل يكون ما فاهم كاونتربوينت !! عشان كدا قررت انك تحاول تثبت خطأ حاتم و صحّة فرضيتك في الموصلي !!! شفت كيف يا كيشتي ؟! يعني لو كنت تراقب نقاش حاتم موصلي ، و من خلال مساهمات موصلي ثبت ليك انو دفوعاتو قوية و حججو مقنعة و بالتالي بديت تقتنع بوجهة نظره و تتحول من خانة حاتم لخانة الموصلي نتيجة لهذه القناعات ، كان موقفك الجديد بكون أكثر موضوعية و ممكن نقول انك باحث عن الحق و تميل معه أينما مال ! لاكين شغلتك العملتها دي يا شيخنا كوجين ساي و باريت فيها إحساسك زيّك و زي أي زول ساي و انت بنفسك أكدت كدا في مداخلتك الفاتت !! ... و بي كدا يكون رأيك دا لا يفرق كتير عن هوشة شلبي الشايف نفسو مستميت في الدفاع عن موصلي و بخصوص شيء هو ما فاهم فيه حاجة !! ... في النهاية مافي فرق بينكم و بين اي حوار في خلوة. يعني يا مستنير بتحاول تصوّر الوضع انو انت زول مرن و باحث عن الحقيقة بغض النظر عن صراع الأشخاص ، لاكين في الواقع انت أثبتت انك نسخة مكررة من الاخرين و بنفس العقلية كمان! ... لقد حاولت ان ترتقي مرتقي صعباً يا رُويعي الغنم ! 😂
يعلم الله ياشلبي انا من فتحت البوست دا كنت بتجنب اجيب اسمك في مداخلاتي عشان ما تجيني ناطّي بي ترهاتك دي و تحاول تتشبك معاي و. تعمل ليك معركة من غير معترك !! ... راجع سؤال ماهو الكموج أعلاه !!
Quote: يعلم الله ياشلبي انا من فتحت البوست دا كنت بتجنب اجيب اسمك في مداخلاتي عشان ما تجيني ناطّي بي ترهاتك دي و تحاول تتشبك معاي و. تعمل ليك معركة من غير معترك !! ... راجع سؤال ماهو الكموج أعلاه !!
يا خينا كتّر خيرك و في أمان الله !
وطيب في النهاية جايب اسمي مالك ؟؟؟؟؟؟؟
انا ما اتداخلت معاك الا بعد ما ذكرتني في مداخله هنا !
طيب كيف تكون متجنبني ، وتذكرني في مداخله !! تناقض غريب ياالبجا حتي في ابسط الأمور.
انت متجنبني ، خلاص ما تذكرني ، لكن الاتنين سوا والله ما يعملها الا البجا.
غايتو يا أموري، قدامك فرصة تقر للاستاذ الموسيقار الموصلي بالأستاذية زي ما أقر بيها العظيم وردي، لأنو وحات الله، لمان أرجع السودان ويستضيفوني مع الموصلي با BN أبداً ما ح أجيب سيرتك لو ما اعتذرت، بعدين يا كيشة، ما دام بقيت تسك الناس في الغلطات الإملائية، أمشي اتعلَّم اكتب كلمة اعتذار، الفرصة ما زالت قدامك (للاعتزار)
يا وهبة، الزول دا متشعبط في الموصلي داير يظهر فشنو؟ أنساهو
وردي لم يقر باستاذية الموصلي يابكور اقرا هذا اللقاء مع الموصلي نفسه https://www.wadmadani.com/html/try/mosili.htmhttps://www.wadmadani.com/html/try/mosili.htm
والله يا رُويعي الغنم ماشيه معاك باسطة ! ياخ بالمناسبة انا ما عندي اي مشكلة مع الموصلي ، و لم احاول ان اثبت انو صاح او غلط فيما يخص الأسطوانة بقدر ما حاولت الدفاع عن وجهة نظري و قناعاتي الشخصية و لو ملاحظ يا كيشتي انو انا حاولت ان لا اقحم اسم الموصلي في هذا البوست لانو ليس من اهدافي استهدافه في حد ذاته ، و فضّلت ان يكون نقاشي مع حيران الألفية التالتة و الرشّاشات الزيكم ديل ، بقعد ليكم و بطقطقكم ذي الترتيب !! ... مسألة إعتذار او إعتزار دي يا كيشة مسئول عنها المصحح الإملائي للآيفون الذي اكتب منه و سبق و قلنا الكلام دا لشيخك ! ... انشاءالله بعد دا كلو الموصلي يجيب اسمك في ال BN .... حكاية وردي اعترف بأستاذية الموصلي دي فيها كلام كتير ، لانو الواقع بقول عكس ذلك ! .... يا زول قوم علي حيلك ... و ما أظنّك تقوم !
يا رُويعي الغنم بالله لو عندك تواصل مع استاذ موصلي غير سودانيزاونلاين دي اسألوا قول ليه هل وردي الله يرحمو إعترف بأستاذيتك ؟!! لو قال ليك yes تعال قول لينا الكلام دا هنا عشان تشيف شيف ! والله صحي !! غير كدا كلامك دا بكون جقلبة حُوار ساي و إطلاق عبارات في الهواء ! يالله في انتظارك ! ... شفتا بتورّط نفسك كيف يا كيشتي ! ... عليك الله أبعدني عن ( حيحة) دا !!
المستنير دا يا حيدر بذكّرني بواحد اسمو ابو دحيّة ، كان مدّعي استنارة زي زولنا دا ! و كان فاكيها في الناس ساي، و لمّن يعصروه بعرف يخارج نفسو !! والله صحي قالوا ابو دحيّة كان قاعد مع تلاميذو ذات يوم و قاعد ينظّر ليهم ، فقال ليهم انتو عارفين انو الذئب الأكل سيدنا يوسف كان إسمو هملاج ؟!! نطّ ليه واحد من التلاميذ العكاليت قائلاً : لاكين يا مستنير سيدنا يوسف في الحقيقة لم يأكله ذئب ! بل أّلقي به في البئر !!
فاستدرك ابو دحية بسرعة و قال: طيب كان كدا ، هملاج دا اسم الذئب الذي لم يأكل سيدنا يوسف !😂😂 .. أها انا غايتو عندي ابو دحيّة دا مستنير كبير ... والله صحي !
وأتمنى أن لا يكون الموسيقار ابو القاسم زعلان من الموصلي في مكان ما، كلامك صاح يا ابابكر انا زعلان من الموصلي او بالاحرى خذلان هو اكثر من انو زعل ومن نفس حتت فهمك انو يستحيل الموصلي ما يكون عارف اذا كان في كاونتربوينت في المقطوعه او لا ،وعدم رده ماهو إلا ترفع عن الدخول في جدل مع هاوي ،ويظل حاتم مهما كانت معرفته بالموسيقى مقارنه مع الموصلي حامل الدكتوراه في الموسيقي مجرد هاوي..واذيدك يا ابابكر من الشعر بيت، انا كنت متوقع انو رد الموصلي يكون تحليل وتفنيد لكلام استرين وليس رد لكلام حاتم لان العمود الفقري لحُجة حاتم كان كلام استرين،يبقى من اولي كان يكون الرد من موسيقار لموسيقار،هذا ان سلمنا جدلاً ان عدم رده كان ترفعاً عن الجدل مع هاو..ولكن كانت القاصمه علي الاقل بالنسبه لي هي عندما طار الموصلي فرحاً عندما اتاه النصر المزعوم مِن مَن هو ابعد مايكون عن مجال الموسيقي وهو ما عنيته بذكري مهنتك وليس كما تبادر لذهنك..
Post: #93 Title: Re: كاونتر أتاك ! Author: سيف النصر محي الدين Date: 07-06-2017, 02:53 AM Parent: #92
انا غايتو كنت قاعد في القاهرة ايام كان فيها وردي و مصطفى و الموصلي و كنت حاضر التعاون الفني بين التلاتة و كانت معرفتي بوردي تتيح لي الجلوس معه عن قرب و التحدث اليه بدون حواجز و اعرف تمام المعرفة ان رأيه في الموصلي رأي ايجابي جدا بس ما عارف المقصود بانه اعترف باستاذيته دي شنو.
Post: #94 Title: Re: كاونتر أتاك ! Author: أبوبكر عباس Date: 07-06-2017, 03:45 AM Parent: #93
نقصد يا سيف، انو وردي كان معجب بمقدرات الموصلي الموسيقية الأكاديمية
أخيرا أنا ووهبة نختم هذا البوست بهدية للبجا الغالاط المطقطق بإسكتش لجمال حسن سعيد عن الطقطقة:
Post: #95 Title: Re: كاونتر أتاك ! Author: حيدر حسن ميرغني Date: 07-06-2017, 04:10 AM Parent: #94
معليش شايف الرابط الفوق ده ما اشتغل
Post: #96 Title: Re: كاونتر أتاك ! Author: حيدر حسن ميرغني Date: 07-06-2017, 04:16 AM Parent: #95
ما دام القصة فيها اهداءات و بقت زي الكاميرا الخفية و بمناسبة نهاية البوست السعيدة دي انا برضو بحب اهدي.. الهدية ممكن نقول 3X1 الفيلم قديم شوية بس فكرتو سمحة "Pretty Women" و الممثلين قمة في الاداء و الجمال , ريتشارد غير و جوليا روبرتس و اغنية الفيلم جميلة من روكست و أهم حاجة الاغنية مليانة و مثال حي "للكاونتربوينت"
يا ناصر قيامك دا ممكن تهديه لناس حيدر و البقية الحلوين
انا لمّا قلت ليكم رُويعي الغنم دا ثقافتو الموسيقية و معرفتو بالآلات لا تتجاوز البُنقز كنت جادّي و المعلومة دي موثّقة و من مصادر قريبة منو !! عشان كدا أهديت ليه الفنان بلة ابو حمار ، طبعاً هو في ذات نفسو بكون إتكيّف للدين !!
... عندي اغنية كااااربة ل بيونسيه بهديها ليكم في نهاية البوست! .... لاكين ما قلت لي رايك في الطقطقة الحصلت دي شنو ؟!!
Post: #105 Title: Re: كاونتر أتاك ! Author: محمد على طه الملك Date: 07-06-2017, 01:16 PM Parent: #104
يعني يا اميرهسه ارجّع العتلة والمرزبة والأجنة الكنت خاميهن ؤ جاي ؟ كنت مغرود في صاج عواسة ياخي .. على كل حال كونك ترجع لي المستنير ( لمراح حوارو ) فيها مصلحة معاي .. بس دير بالك كويس .. الزول دا ما زيك برجي الجونتات والكمامات والمشارط ؤ كدا .. ممكن عادي يدخل أيدو ؤ يطلع بلاوي .. بالمناسبة انا ممتن ليك بالفيديو دا .. تصدق من يوم سمعتو قبل سنوات في التلفزيون بفتش فيهو..
ههههه يا مولانا والله غايتو صاحبك المستنير دا طقطقناهو طقطقة السنين ! عليك الله بالله شوف رُويعي الغنم دا لقد أرتقي مرتقي صعباً ! الزول دا تاني ما برجع البلد بالساهل بعد لقي الموية الصاقطة و التلج و كمان بقي يفتي في الكاونتربوينت و الألطو و السبرانو !! ... غايتو كلُُ ميّسر لما خُلق له !! أهدينا ليه مطربو المفضّل بلة ابو حمار عشان نذكّروا بأيام زمان !! ... الفيديو فعلاً جميل يا مولانا ... لو عارفك كايس ليه كان من زمان رسلتو ليك !! تحياتي ... و خليك متابع اللمسات الأخيرة لجندلة المستنير ! ...
يا ناصر الجماعة بقي ليهم بمبي ! بقوا لاعبين اي دكّها!! طبعاً من البداية المستنير سمّي مربوطة ! زميلو الكيشة قال 13 ! قلنا ليهم ملعوبة !! ... شفتا كيف ... طقطقة من أُمها!!
بعد دا نحاول نلملم أطراف البوست و نبقي مارقين ! ... الواضح انو الجميع هنا إرتضي تحكيم مستر إسترين حول وجود كاونتربوينت من عدمه في السوناتا و رغم الشد و الجذب الحاصل و محاولات البعض مراسلة موقع استرين للحصول علي إفادات حول رأيه و بما انه هناك الكثير من اللغط و الاستفهامات حول من يقوم بالرد علي الأسئلة و هل هو فعلاً مستر استرين هيمسيلف او أحد أفراد التيم العامل في الموقع و لذلك ، بالنسبة لي الأمر محسوم تماماً !! بعيداً عن قالوا و قلنا و بعيداً عن أي مراسلات مشبوهة ... انا أكتفي بما كتبه الرجل فيما يخص السوناتا في موقعه الرسمي !! حيث قال الرجل بالحرف الواحد : However, not all polyphonic music utilizes counterpoint for example, if you’re playing Mozart you have a clear melody and harmony. In the famous C major sonata K545 you have a melody in the right hand but only broken chords in the left hand. The left hand by itself doesn’t really have much of a melody to it, it’s simply an accompaniment to the right hand melody. The same is true in Chopin’s E minor Prelude – you have clear delineation between the parts in the right and the left hands – one is the melody and the other is the harmony which supports it. These are not examples of counterpoint even though they are polyphonic (more than one note at a time).
و كمان نذيد علي البيعة الفيديو دا ، عشان الما يشتري يتفرّج !!
... يخيل لي الصورة واضحة جدا ... و مامحتاجة أي لولوة !! عشان الناس ما تضيّع زمنها و زمن الباقين في اللّت و العجن ساي ، قوموا الي أشغالكم يرحمكم الله! ... يا مستنير غايتو ليك شرف المحاولة و سعيك الحثيث لإنقاذ ما يمكن إنقاذه و لكن ... معليش يا خينا ، دي حقائق و ما فيها مجاملات !! تعيش و تاخد غيرها ... و لا عزاء لباقي الحيران 😂 ...
قوموا علي حيلكم واحد واحد ... و ما أظنّكم تقوموا !!
... مولانا الملك بالله يدك معانا نجر الجماعة ديل نودّيهم الضل ! ... انتهي
Post: #113 Title: Re: حوار الطرشان : الأميّين والجربندي Author: محمد على طه الملك Date: 07-06-2017, 06:12 PM Parent: #112
سلامات أستاذ أسامة وكل سنة وأنت طيب .. ياخي ما تاخد موضوع البوست بالجدية الصارمة دي.. دكتور أمير والمستنير بيناتم ونسات بطريقتم الخاصة .. موضوع الكاونتر مجرد كورة بتلاعبون به بيناتم .. لاحظ عنوان البوست .. هاكم هديثة من الشاب السوداني الجميل دا
البوست دا عاوز ليه مفتّش ... والله صحي !! أي زول راكب غلت ... او ما عندو تذكرة يتخارج طوالي لا مجال للإصطياد في المياه العكرة !! ...، يا مولانا الملك عثمان محي الدين ما بناباهو الا الفيك إتعرفت ! ... خالص التحايا
أبداً والله يا ملك ، بالعكس كلامك كان في محلّو ! ما تشتغل بالموضوع ... دا خلاف قديم !! انا والله الراجل دا لم اتداخل معه منذ فترة طويلة جدا و حتي في بوست كاونتربوينت لم اتداخل معه رغم التلميحات و الإساءات المبطّنة ! كنت لتجاهله تماماً ! انا شخصياً ما عندي كبير غرض في كل الهيلمانة الحاصلة دي يعني لا استهدف احد و لا عندي قضية لا مع موصلي لا مع غيره ! عشان كدا الراجل دا ماخد الموضوع جد جد و منصّب نفسو محامي دفاع بدون ما يُطلب منه ذلك ! انا ما عندي معاه شغلة طالما هو ارتضي لنفسه هذا الدور ، بس يخليني في حالي و يتركني ما تركته !! ... نحن ناس عاوزين نهرّج شوية و بنعمل البتعمل فيه دا بوعي كامل فما في داعي يجينا شايل بقجتو دي و لافّي عشان يثبت للناس اننا ناس طـُرُش ساي زي ما بيقول !! ... لا اريد ان اخرج بالبوست عن مساره الخفيف و روحه المرحه و لكن لي خياراتي بالتأكيد !
Quote: يا ملك، المرّة دي جليتها واقفة!!! مداخلة اسامة ليست بتلك الصرامة هو قال حوار طرشان أميين بينهم كاتب المداخلة ويقصد نفسه
طبعا رد الكيشة لاسامة استند على قراءتك فأصبح أوف أوف بوينت
ابداً يا مستنير ردّي لم يستند علي قراءة الملك !! زي ما قلت في المداخلة الفاتت ، دا خلاف قديم و انا قررت ان لا اتداخل معه منذ ذلك الحين و كنت أتجنّب الاشتباك معه في بوست كاونتربوينت رغم تلميحاته الغير كريمة و لكني كنت أضبط أعصابي و أتجاهل الرد عليه ، و الان وقد تداخل في هذا البوست ، عرفت منذ البداية انه لم يأتي لحوار و إنما إجترار لنفس الأسطوانة و الاضطلاع بدور المحامي و من ثم محاولاته ان يثبت أشياء هي خارج دائرة إهتماماتي شخصياً علي الأقل !! و منذ اول مداخلة له أردت ان اتداخل معه و أحسمه و لكني لم أرد ان اخرب البوست لانو ردّي سيكون عنيف و انا عارف كدا ! و مررتها ، لكنه كتب مداخلة تانية اسخف من الاولي و انا بقيت علي الهبشة بس ! لما مولانا استشعر بإنو زولنا بعرض برّه الحلبة و شابت ضفّاري ، تداخلت انا و كتبت بعض مما كنت انتوي كتابته !! ... فعليك الله يا رُويعي الغنم ما تجي تنظّر لي ساي لانو انت ذاتك قاعد ساي ! ... طقطقتك هنا علي رؤوس الأشهاد عشان تاني ما تجيني تتفاصح !😂 و بشهادة مولانا كمان ... يعني عندي سند قانوني و ممكن مولانا يعمل لي صك بذلك !! ... ح اهدي ليك اغنية اخيرة بمناسبة جندلتك !! تماماً كما فعل عمرو بن عبد وُد بالمسلمين في معركة الخندق !! ... و بعدها سنعزف ليك لحن الوداع ... لن ننسي اياماً مضت مرحاً قضيناها .
Post: #125 Title: Re: حوار الطرشان : الأميّين والجربندي Author: محمد على طه الملك Date: 07-06-2017, 07:47 PM Parent: #122
شكرا على ذوقك يا امير حقيت الاسم .. يا بكور ما تندرع في مداحلة أسامة .. امشي اكحت الصدا الفي بنطون رفاعة وادهنو دوكو وتعال صادي لامير دا .
عرب شنو و ليبرالي شنو يا كيشتي انت ! الزول بفتح البوست للتفاعل مع الناس و الأخذ و الرد معاهم و البوست يا كيشة بكون زي صالون بيتك ، بتفتحو للناس ، ترحب بيهم و تكرمهم و بعد داك تتجاذب معاهم أطراف الونسة و الحديث ، فلو كان هناك زول انت ما عاوزو يكون في صالونك دا او انت غير مرحّب بيه فيستحسن توريه الحكاية دي و بعد داك هو حر يقعد او يتفكفك !! ودي يا كيشة قمّة التحضّر و الرّقي !! ما شفتا امبارح عبد الحفيظ أبو سن فتح بوست اعتزار لأحد الزملاء لانو فطّاهو في الردود بدون ما يقصد !! يا كيشة البوستات دي عندها إحترامها و أدبياتها مش هرجلة ساي زي البتعمل فيها انت دي !! ... يا ملك الزول التعبان دا يعلّموا فيه لمتين ؟!! قال حركات اطفال قال !! الزول دا قايل الشغلانة فتح بوست و السلام ، قلت فيه شنو ما مهم ، تفاعلك مع الناس كيف مامهم ، ردودك للآخرين و إحترامهم ما مهم !! كونك تدّيهم حقهم برضو ما مهم !! وداير تمشي فور اول ؟!! انت محتاج تتعلم ابجديات الكتابة في المنابر في الاول و بعد داك ممكن نشوف ليك فرصة في مجلة ميكي او سمير حتي تتمرّن شوية و تفهم الحاصل بعد داك ممكن نوصي بنقلك لمستوي تاني ! ... عينة كلامك دا ياها البتعكّرأمزجتنا ... والله صحي. قوم علي حيلك بالله ... و ما أظنك تقوم ! ... يا ملك العينة دي جبتوها من وين ؟ إنا لله ياخ 😂
Post: #129 Title: Re: حوار الطرشان : الأميّين والجربندي Author: محمد على طه الملك Date: 07-06-2017, 08:39 PM Parent: #128
Quote: يا ملك العينة دي جبتوها من وين ؟
نسوى شنو ؟
كلو من عبد الله بن أبي السرح .. قلنا ليهو مافي مانع سويلك زاوية بي هنووك تبقى منزلة لجماعتك البجو ضهبانين .. ما صدقو.
إذاً يا اسامة، كلام صديقي المثقف الكبير هاشم الحسن من ضواحي تكساس؛ صاح، قال لي: أحسن من يشتغل كاونتربوينت في السودان هم أولاد حاج الماحي تذكرت وأنا في المتوسطة وكنت ضمن منتخب الجزيرة لصغار الكرة الطائرة، بت جيرانا قالت لي: التي شيرت بتاعتك حلوة قلت بسري: معقول أنا عندي حاجات أساميها حلوة كدا؟!
كويس يا فضيل انك أشرت لحكاية التلاعب في عنوان البوست دي ! ... و يجيك المستنير يقول ليك حركات طفولية ! يبدو فعلاً انها كذلك !! ...
يا ملك أها شن قولك ؟!!
Post: #136 Title: Re: كاونتر أتاك ! Author: قسم الفضيل مضوي محمد Date: 07-06-2017, 11:58 PM Parent: #135
تغيير العنوان من جانب المشاء بيعتبر تخريب متعمد للبوست ... ودي خرخرة بالدرب العديل ... . . . . . اضغط اعلى البوست على (اقراء المداخلات في شكل سلسلة) ولاحظ لعنوان البوست بعد اول مداخلة للمشاء ...
Post: #137 Title: شبهينا واتلاقينا Author: أبوبكر عباس Date: 07-07-2017, 00:15 AM Parent: #136
شبهينا واتلاقينا يا كيشة، منك ليو، العنوان في المداخلة ملك لصاحب المداخلة عشان يعمل هاي لايت لمداخلتو، أي شيء في صفحة المداخلة حقك غايتو جنس كياشة
Post: #139 Title: Re: شبهينا واتلاقينا Author: أبوبكر عباس Date: 07-07-2017, 00:26 AM Parent: #138
أيوا كدا مداخلة الخواض فتحت subject جاني جديد في البوست، استحقت عنوان جديد العنوان في المداخلة حقل، ممكن تكون مداخلتك تعقيب على المداخلة القبلك وفِي الحالة دي بجيك الديفولت Re للعنوان السابق أو تكون عازم تناقش زاوية جديدة في الموضوع؛ فتفترع عنوان جديد دا زول أديب، شغلتو الكتابة فعلا جربندية
ما بالضرورة العرف الساري في الكتابة يكون صحيح يا جربندية
Post: #141 Title: Re: شبهينا واتلاقينا Author: محمد على طه الملك Date: 07-07-2017, 00:35 AM Parent: #138
المستنير جا يكحلها .... يعنى على طريقة سفارة في بلدك مش؟ طيب هل من حق البلد عدم قبول السفير ؟ ياللا جاوب؟ شايفني كيف يا أمير ؟ أقوم على حيلي ولّ تجيبلي كرسي جلوس؟
يا ملك والله بالجد جد الراجل دا طلع قاعد امفكّو !! ياخ انا كنت قايلو بهظّر و كاواي ساي ، لاكين وحاتك لقيتو قاعد في الصقيعة ساي ... معقولة بس ؟!! ... زول تقول ليه انا غير مرحب بيك في بوستي و لا ارغب في التداخل معك ، يجي رُويعي الغنم دا يقول لي حركات طفولية ! بالتأكيد انا لن أستطيع منعه من التداخل في البوست و حتي لو كانت الاستيكة متاحة ، فسوف لن الجأ لها ... يكفيني فقط إبداء رأيي و التعبير عن إمتعاضي ... و اعتقد دا من أبسط حقوقي في ان أحدد مع من اتداخل !! .. المستنير كالعادة يا ملك كلامو أشتر و كثيراً ما يجي يكحلها فيعميها !! سؤالك في محلو يا مولانا ... تقوم علي حيلك وين ؟!! انت تستاهل نرسّل الزول التعبان دا يجيب ليك كرسي وقزازة بارد... والله صحي ! ...
Post: #143 Title: Re: كاونتر أتاك ! Author: على محمد على بشير Date: 07-07-2017, 00:56 AM Parent: #142
اول مره اشوف المستنير متدثرا بعتمة الليل مع كامل احترامى لاستاذنا اسامه الخواض ليس من حقه تغيير العنوان وتدقيسنا بالشكل دا
امير انتا المستنير دا عملت ليهو شنو ؟ شايفو بقى يرجف وفاقد اعصابه ومتنرفز شديد والاهم لاعب لى دكها
انا شايف المستنير صاح و في كل الاحوال يا ملك موضوع الخلاف في رأي دا لازم ينتهي هنا و الان..و الله انا بقدر لاخونا اسامة الرغبة في التواصل و الحوار...بكرة ان شاء الله بالتفصيل
Quote: امير انتا المستنير دا عملت ليهو شنو ؟ شايفو بقى يرجف وفاقد اعصابه ومتنرفز شديد والاهم لاعب لى دكها
سلام يا علي الزول دا انا من الاول عارف روحي بعصرو ! طبعاً هو قاعد ميطي دي ما دايرا نقاش بس لمّا الطقطقة كترت عليهو ، بقي يهضرب و يتكلم برّه راسو ... والله صحي !! ... شايف الاعصاب مشدودة و في توتُّر حاصل ! عشان كدا نهدي ليكم الزول المبدع دا :
... يا مستنير عليك الله مع الاغنية دي اشرب ليك كباية ينسون !
قال الموسيقار وجامع التراث الموسيقي "عاصم الطيب" عن الوازا:
Quote: أما بخصوص الوازا فالهارمونى والكاونتربوينت هما طبيعة الاداء الموسيقى فيها , حيث أنها واحدة من الاستثناءات
فى غياب الهارمونى فى الموسيقى السودانية إذ أن أغانى الوازا قائمة على مركبات وخطوط لحنية رغم بساطة
جملتها الموسيقية التى تتردد بشكل دائرى.
Post: #148 Title: Re: كاونتر أتاك ! Author: حاتم إبراهيم Date: 07-07-2017, 08:40 AM Parent: #1
Quote: بالله، يا أخوانا، ركزوا في التحدي علي: حدد لينا ولو ثانية واحدة ختوا تحتها خط ولونوها بالأحمر +++ التحدي كان انو.ماف كاونتر بوينت ولو لثانيه واحده في السوناتا والان امير اعترف انو في كاونتر بوينت قدر الشمومه في السوناتا +++ يعني في مدة ثانية كاونتربوينت في السوناتا
وهذا ما ظل يبحث عنه المستنير الخطير لا زالت النتيجه علي حالها يا بوب
الإخوة أبوبكر وعلي محمد مجرد إثبات وجود (ثانية) كاونتربوينت في مقطوعة موسيقية يثبت بالتالي عدم وجوده في المؤلف فالشرط في الكاونتربوينت هو استقلاله كلحن مستمر، وثانية أو حتى عشرة ثواني ليست تعتبر لحن مستقل أو مستمر، التحدي كان مجرد مصيدة يا شباب مع أني كتبت ما يكفي في الصفحة الأولى لتوضيح هذا.
+++
طيب يا أسامة
هل تفضلت بالرد أعلاه للتدليل على شيء محدد؟ فأنت أسميت الصورة أعلاه (sonata_answer) هل نفهم منها أنك أتيت بالدليل على وجود كاونتربوينت في السوناتا؟ وماذا يقول روبرت هنا لو تفضلت وشرحت بلسانك؟
يبدو يا حاتم، هناك خلاف بينك وربرت في اعتبار الكاونتر ميلودي مثال للكاونتربوينت، أو قد تكون اقتنعت وصعب عليك التراجع أنا مستعد للذهاب غدا لجامعة Duke لحسم هذا النقاش بشكل يرضيك أكتب صيغة السؤال بالطريقة التي ترضيك وترى فيها بيان كاف وسوف نرسل لك صورة من الاجابة على بريدك زايد بعد رمضان فات، صورة سلفي لي مع الموسيقارة إليزابيث
نقطة الخلاف الاساسية هي : استاذ موصلي قال السوناتا 16 تنضح بالكاونتربوينت !! هذا الرأي يسانده بعض الدهناء مثل بكور و شلبي وباقي الهتّيفة ! الدولي حاتم يقول بعدم وجود كاونتربوينت في السوناتا و هذا الرأي أدعمه انا و بعض المستنيرين الحقيقيين ! ... تم اللجوء لمستر روبرت استرين لمعرفة رأيه حول الأمر و تقريباً وافق الطرفين ضمنياً علي تحكيمه. .. خلاصة إفادات استرين تفريباً تقول بوجود شمومة كاونتربوينت في السوناتا و هذه الشمومة لا تصلح ان تكون مثالاً للكاونتربوينت !! النتيجة : السوناتا لا تنضح بالكاونتربوينت كما زعم الطرف الاول !! و بالتالي خسارته للمعركة. محاولة البعض للإلتفاف حول جوهر القضية و محاولة إثبات وجود كاونتربوينت و لو لثانية واحدة في العمل لدحض كلام حاتم ، لا يعني شيئاً لانه عملياً وجود كاونتربوينت لمدة ثانية او ثواني يعني لا وجود للكاونتربوينت بمعناه العلمي و الذي يتطلب وجود خط ميلودي معاير بطول العمل !! و لذلك تبقي الخلاصة هي ان السوناتا لا تنضح بالكاونتربوينت و هذا هو جوهر الأمر !! اما هذه الشمومة التي قال بيها مستر استرين فهي تدعم وجهة النظر الآخري و ذلك من حيث إلإخلال بضرورة إمتداد خط الميلودي يطول العمل ... و لذلك يؤكد مستر استرين في اكثر من موضع انه رغم القول بوجود شذرات كاونتربوينت هنا و هناك و لكنها لا ترقي لتكون نماذج عملية للكاونتربوينت !! ... ظللنا نقول لهؤلاء المساكين ان الذي تخمّونه و تجو جارين بيه من ردود استرين هي التي ستقلب الطاولة عليكم و تدعم وجهة النظر الآخري بعكس ما تتوقعونه و تسعون اليه !!
....
انتهي !!
Post: #157 Title: Re: كاونتر أتاك ! Author: عبدالمنعم الطيب حسن Date: 07-08-2017, 00:29 AM Parent: #156
Quote: هذا الرأي يسانده بعض الدهناء مثل بكور و شلبي وباقي الهتّيفة !
Quote: هذا الرأي أدعمه انا و بعض المستنيرين الحقيقيين !
هههههههها يا بوب لكن لقيتك حامض كيف!!!!
انا متاكد انو المستــــــــــــــــنكح الوهمي دا ما سمع بالسوناتا 16 دي من الاساس؛ ولا كاونتربونت؛ ولاميلودي قبل بوست حاتم الشهير؛ دا زول عاطل عن اي فكرة ليس لديه فكرة جوهرية عن اي موضوع؛ وهذ ليس عيبا مطلقا..... العيب ان الرجل بتاع شو؛ وعاوز يصنع لنفسه اسم بدون اي موقف او مؤهلات فكرية؛ يشوف الموضوع اي موضوع يمشي النت يفتش، يتبنى موقفا معارضا غالبا لفكرة صاحب البوست؛ الرجل عندو برضك فراغ؛ وزمن فاضي كتير!!! من الله خلقك شفتا ليك جمل عيان ول غنماية مريضة؛ عشان كدة الزول دا قاعد في المنبر دا 25 ساعة لاذى الناس؛ يحرجهم يجهلهم ولا ينسى ان يختم اي مداخلة انا انا انا جعلي انا غنيان انا امريكي؛ تبا لك ياخ الزول دا اكتر واحد مسيكين في الاسافير دي؛ ولكنه لا يدري؛ ودا مشكلتو الوهمي!!!
Post: #158 Title: Re: كاونتر أتاك ! Author: أبوبكر عباس Date: 07-08-2017, 00:34 AM Parent: #156
يا ولد، أقرأ السطرين الأخيرات بتاعت مداخلة الأديب الشاعر اسامة الخواض لو سمحت
Post: #159 Title: Re: كاونتر أتاك ! Author: أبوبكر عباس Date: 07-08-2017, 00:37 AM Parent: #158
مرحب بعبد المنعم، الطيب
Post: #160 Title: Re: كاونتر أتاك ! Author: وهبه الشبلي احمد Date: 07-08-2017, 00:48 AM Parent: #159
يا كيشتي الشمومة هنا : A melody played over chords (or broken chords as in alberti bass in Mozart) involves very simple counterpoint. It isn't really a good example of counterpoint since there is clearly a melody and harmony instead of equal voices. ... قلت ليكم تبحّتوا كدا لامن تلدغكم عقرب !! هسي في داعي للإحراج دا ؟ أها الراجل قال ليكم شمومة بس و لا تصلح كنموذج كمان ! برضو تقولوا لي تنضح ؟؟؟😂 ... محاولة إثبات انو فيها و لو ثانية بس كاونتربوينت لإحراج حاتم ، دي محاولة مضحكة جداً و مضيعة زمن !'لانو زي ما قال ليك حاتم وحود كاونتربوينت في ثانية او عشرة ثواني يعني مافي كاونتربوينت علمياً و عملياً !! ... نحن بالنسبة لينا قيم اوفر بس بحكاية الشمومة القالها مستر استرين و نسف مقولة تنضح دي !!
( زي ما قال ليك حاتم وحود كاونتربوينت في ثانية او عشرة ثواني يعني مافي كاونتربوينت علمياً و عملياً !!) يطلع شنو حاتم دة حتي يكون قولهو هو الفصل ,اول مرة اسع بيهو ,هل هو موسيقي؟ نزل اعمالة الموسيقية هنا اذا كانت لة اعمال اصلا
Post: #166 Title: Re: كاونتر أتاك ! Author: MAHJOOP ALI Date: 07-08-2017, 10:24 AM Parent: #165
يابوب المستنير شغال باستراتجية ترمب نجروا مصطلح لمواجهة الحقائق اطلق عليه Alternative facts والفيديو هدية للمستنير
طيب يا أسامة أنا طلبت منك بكل وضوح تترجم رد أسترين بلسانك وعملت رايح لأنو مشكلتك بقيت تتعقد وتخاف من الترجمة ودي ذاتا رحمة للناس ورحمة للغة في عضمها دا، من الوالغين في غير ما خلقوا له، والله صحي هههه
شوف: رد أسترين الأنت خفت تعبر عنو بلسانك لأنك لا فاهم الإنجليزي ولا فاهم الموسيقى وشابكنا (Peer-review Jouranal) مع إنو الموضوع أساسي ولا يحتاج، وكاتبها غلط ذاتك انت قايل المصطلح نحنا ما سمعنا بيهو؟
لما قال ليك (any time you have more than one melody playing at a time, that is counterpoint) يعني لو عندك (لحنين) (لحن = ميلودي) وفي حالة السوناتا مافيش لحنين، في لحن يؤدى باليد اليمنى وهارموني باليد اليسرى وعبر عنه بالكوردات وتحديداً (broken chords) أو الأربيج في حالتنا دي تحديداً. فلو كنت فهمت النص الإنجليزي كنت حتكتفي بدون ما تضطر تجيب الرد هنا كأنو درع تكريم ليك في حين إنو مجرد توضيح إضافي لعدم وجود الكاونتربوينت.
ولما قال ليك (has parts that demonstrate counterpoint well) كنت تركز في المفردة (demonstrate) لأنو السوناتا مقطوعة تعليمية والملمح الفيها ليس كاونتربوينت بغية التأليف بل لمجرد التمثيل عشان كدة استخدم ليك الفعل (demonstrate)
ولو رجعت لكلامي الأول عن اشتراطات الكاونتربوينت ومن رد أسترين ذاتو الكتب ليك (more than one melody palying at a time) المفروض تفهم إنو دا ما كاونتربوينت، فلا هو لحن مستقل بذاته ولا هو مستمر، دا كل الموضوع. فما تقوم بطريقتك السخيفة دي تعلم لينا المفردات بالأصفر كأنها أدلة جنائية وخلاص الولد جاب لينا الحل.
نجي لمقولة (تنضح) يا أوساموس كوادريسيس، نحنا الدغمسة ما غالبانا، لكن لما نشوف (الشعراء) الكيري بيحاولوا يخارجوا بيها الناس نحنا ذاتنا بنبقى شعراء، ومال انت قايل شنو؟
شوف، النضح المقصود إذا استخدم صفة لشيء فيعني امتلاؤه بالماء لدرجة أن ينضح منه ومش المقصود إنو (مرشوش) على خفيف زي ما بتحاول توحي للناس بفهمك المضحك دا فلما زول يستخدم الفعل (ينضح) في الوصف والإخبار عن شيء فهو يقصد امتلاءه
اعتقد واضح ويميناً بالله ترجع تتلغوس في المحل دا إلا نجيب ليك ترجمة شومسكي ونساهر بيك شهر كامل قال ملونين قال، يقول مفردة شائعة ويرجع يقول تقديراتي الشخصية
+++
Quote: أنا مستعد للذهاب غدا لجامعة Duke لحسم هذا النقاش بشكل يرضيك أكتب صيغة السؤال بالطريقة التي ترضيك وترى فيها بيان كاف
آآآي يا ابوبكر عباس حأكتب ليك صيغة سؤالي وأرسلها ليك بس نفضى من لاعبكم المطوفش دا، الناس في السوناتا وهو يكورك الوازا الوازا
Quote: عندي مفاجأة روبرت بحلل في الطير المهاجر فيديو ستة حتات فيها كاونتربوينت
كونك تقسمها (حتات) دي ذاتا نسفت بيها الكنترة
لكن الفكرة كويسة، يعني: ليه ما نفرض موسيقتنا على الآخرين؟ ليه ما نطلع نعرضها للموسيقيين الزي أسترين وغيره؟ ليه ما نطلب من كيني جي ولا ياني يعزف يؤدي لينا غنانا؟ راحيل الأمريكية غنت لينا فإيه المانع الآخرين يعملوا زيها؟ العازفين الكتار القاعدين برة ديل شغالين شنو؟ ليه بيخافوا يتواصلوا مع النجوم؟
Post: #188 Title: Re: كاونتر أتاك ! Author: قسم الفضيل مضوي محمد Date: 07-10-2017, 11:06 PM Parent: #186
ولم أتداخل للرد على حاتم لانه بدأ بطريقة أشبه بلغة العصابات والمافيا "العين الحمراء"،
كما واصل تحريف اسمي رغم تحذيري له،
وتدخل الدكتور المشرف.
وكان أمامي حلان، إما مجاراته وتحريف اسمه،
وشتمه وشتم أبيه ، أو الصمت.
فاخترت إيقاف النقاش معه ، حتى لا أنفعل وأخرج عن طوري.
شكرا مرة أخرى على روحك الطيبة.
Post: #195 Title: Re: كاونتر أتاك ! Author: حاتم إبراهيم Date: 07-13-2017, 06:21 AM Parent: #1
وين الشتيمة يا أوساموس؟ Οσαμοσ Χαωαδρεσισ أوساموس اسم يوناني وياهو أصلو (Ισαμος) وبينطقوها إيساموس وكوادريسيس دي طريقة كتابة اسمك التاني بالإغريقية وبينطقوها (Chaoyadisis) يعني خواضيسيس، والزيادة دي حقت التذكير في الأسماء اليونانية، إت ما سمعت بدميقريطيس وأوناسيس وأدونيس وديوجينس وأرخميديس وطاليس؟ ديل كلهم رجال يا أخينا، هي! عان دا ما عارف الناس الكايس ليهم يبقوا أصلو.
مش انت قررت إنو أصلك (بيكون) يوناني بجامع الدليب؟ أهو بنريحك وبنبين ليك احتماليات اسمك قبل (السودنة) والأفرقة، الله ينعلهن الكعبات أمات شلاليف ديل كرهونا عيشتنا وأورثونا العقد وكلفونا المال اللبد
هسع أنا يا أوساموس لما شتمتني وسميتني (الشبح) سألتك؟ لما شبهتني بالطفيليات وصورت لي المبيدات سألتك؟ لما كتبت في المنبر دا (جعبة حاتم) أنا شفتني أنكرتها عليك؟
ماياهو طبعك وياهو أسلوبك، عشان كدة ما بتنفع معاك إلا العين الحمرا ودا ذاتو ما أسلوب عصابات، د مجرد حسم بالمنطق من واقع جهلك المريع باللغة الإنجليزية وتلاعبك الطفولي الفظيع بدلالات اللغة العربية، انت يا أوساموس قايلنا ما بنفهم؟
وشفتني يوم انفعلت ولا خرجت عن طوري معاك؟ والله أنا انفعل فيك إلا يكفنوك وقافي حي وبتناضم هههه بعدين ثقف نفسك ياخ، داير تبقى يوناني أوانطة ساكت؟ أوساموس بالاسبانية يفيد معنى (الجرأة) ما شايف جرأتك على تحريف المعاني والرقص بالكلمات!
بعدين ياخي حركتك بتاعة تصوير النصوص دي سخيفة خلاص ياخي اسألنا نوريك كيف (تلون) الخلفية بالأصفر يا (ملون)
ياخوانا روَقوا المنقة وتعالوا الضل وواصلوا الحوار و النقاش و اكيد مافي واحد بكون خسران كلنا ح نستفيد اقتراح بهدنة ووقف العدائيات و استئناف الحوار
* استاذ اسامة , كنت عايز اسألك قبل كدا بس ما اتيحت لي فرصة مناسبة ,في بوست لاحد الاخوة وفي مداخلة زكرت انك في سالونيكي ...لو سمحت عايز اسالك بعلاقتك باليونان وهل درست بها وشكرا
غايتو يا امير لو منتظر اعتذار من المستنير فأبشر بطول انتظار لانو المستنير بشوف الاعتذار نقيض للاستنارة ولا تليق بمستنير حقيقي الكلام الفوق قالوا المستنير في بوست و ذات مداخلة لاحد الاخوة في بوست هسي مدوَر وصل الصفحة التانية و سيدو مقبقبو عشان نسبة % المستنير يُراجع و لا يتراجع
يا امير بوب بابكر دا شنو المسويلو راس وقعر ومستنير؛ ياخ دا زول ساكت ساهي؛ متاكد واحلف وابصم بالعشرة انو الموهوم دا ما سمع بي السوناتا 16 دي ولا سمع كاونتر بوينت؛ الا مع بوست حاتم داك ومتاكد عمرو ما سمع غنوة للنهاية؛ واستمتع بيها ولا لعب قيم وست ولا حريق واستمتع بيهو ولا بشجع الفرق الرياضية ولم يقرا كتاب عمرو كلو ولم يكمل مقال مكتوب في جريدة او مجلة؛ ممكن يقرأ بوست كامل بالحرف والشولة ليس للمتعة ولكن لاكتشاف فارغ لاي نقطة او ثغرة ينفذ من خلال حتي يصنف كونه مميزا ومستير؛ والاناء الفاضي زي الزول دا اكتر ضجيجا وتحقيرا للخلق والناس اعرفه منذ منتدى سودانيات بذات السخف والشوفونية فشنو انسى ولاتهتم فانت محترم من كتابتك واسلوبك وباباكر دا اي كلام فلا ترهقن نفسك!!! مع شخص لا يعي ولا يتعلم ولا يود!!!
لو سمحت لي بالرد وبعض التوضيح المستنير في بوست كاونتربوينت اعترف انو ما بيفهم في الموسيقي بعدين ياخ احتمال اتا ما فهمتو وما عارف سبب سوء الفهم البينك و بينو سببو شنو المستنير حركاتو كلها مقصودة و يقصد الفكاهة و السخرية حتي لمن بيشكَر ويفكها في نفسو دا نوع من السخرية و الدعابة عشان كدا لو ملاحظ امكن هو اول زول في المنبر قاعدين نهظًر و نطربق معاهو اخ منعم لا تحكم علي شخص من كتاباته او من موقف او رد لم يعجبك ربنا يصلح الاحوال...و آسف اذا تجاوزت في ردي او اعتبرته تدخلاَ
يا بوب هو جادي جدا، وبشوت المداخلة المخرمجة كدة بعد تمحيص وتعب وجهد والرجل معاه زمن فهو مصاقر المنبر دا 25 ساعة وبشوتها اي المداخلة يا خابت يا كمان خابت!!! والمنبر دا حياتو كلها كونه يضعه دوما-اوهكذا يعتقد متوهما- في دائرة الضوء وبعد دا ما يهموش الهم الشو؛ وبابكر دا بينا معرفة تجاوزت السبع سنوات؛ وبعرفني زي جوع بطنو؛وبعرفوا اكتر مما هو عارف نفسو؛ فشنو برشو ليك والجمال ماشة رش من لا يخشى البلل؛ واكتر حاجة بقدر عليها ان يضع اسم والد الطيب بين قوسين؛ باختصار بابكر دا اكتر واحد فاكا منو في الاسافير على تعددها كلي امل ان ياتي يوما يقنع من الشو بالاياب وانه: لا كاتب ولا مستنير ولا حاجة!!!!!
Post: #211 Title: Re: كاونتر أتاك ! Author: حاتم إبراهيم Date: 07-14-2017, 07:54 AM Parent: #1
Quote: لقد حرِّفت اسم الموصلي وشبلي ودكتور محمد صديق .... أحذرك للمرة الأخيرة من تحريف اسمي
ياساتر، غايتو شلبي بعترف بيها، أصلو اسمو صعب في النطق، وشلبي فيها نغمة حلوة وهو ذاتو ما مابيها، لكن تعال النسعلك الباقين الفوق ديل حصل شنو لأساميهم، ولا الحكاية تكبير كوم؟ ولا خساسة ساكت؟
قال حرِّفت قال.
Quote: كما واصل تحريف اسمي رغم تحذيري له، وتدخل الدكتور المشرف.
أها، أوساموس خليها (الدكتور) القلت عليهو دا مالو؟ يعني لازمة حشره هنا شنو؟ أعشاب طبية مضاضة للحموضة؟ نبجلو يعني وما نجل إلا إياه ولا كيفن؟ لو شايف اللقب يستاهل رعاية مني فأخير تشوف شغلة تانية تقضاها أنا أساساً هوس جمع الكراتين دا عندي ليهو نظرة مختلفة.
موضوعك انتهى في البوست دا، نهايتك مرة.
Post: #212 Title: Re: كاونتر أتاك ! Author: وهبه الشبلي احمد Date: 07-14-2017, 10:50 AM Parent: #211
Quote: ياساتر، غايتو شلبي بعترف بيها، أصلو اسمو صعب في النطق، وشلبي فيها نغمة حلوة وهو ذاتو ما مابيها،
ومنو القاليك راضي بيهو ؟؟؟؟؟
لاحظ انو الانت بتحرفو دا اسم ابوي الحقيقي !!!
دا اسم أبوي الحقيقي يا حاتم سوناتا الانت قاعد تستهزئ بيهو عينك عينك !
حرف اسمي انا ممكن اقبل بيهو ، بس اسم ابوي , ان شاء الله حتدفع تمنو.
والله نفسي الم فيك في زقاق ضيق ، والله اخلي كرعيك الاثنين لي فوق ..انتو ومعاك حوارك الاهبل داك.
طيب يا كيشة، ما أنا ضاحك عليك مرّة تانية بطلبي دا!!
يا وهبّة، التكتيك في البوست دا، اصلو ما نخلي حاتم وأمير يغيروا موضوع الكاونتربوينت نحن متقدمين، خليهو يغيّر ليك اسمك، هو ذاتو يتقلب طيّرة، ينقلب ابو القنفت بس التراك ما يتغيّر، شغل التشتيت وتأجر ليك سبابين، تعملو لمان موقفك يكون ضعيف، هنا طقطقة كاونتر وبس
واخد بالك يا منعم ، الكيشة دا اول ما الزول يعصرو يعملا ليك هظار!! لا يا خفيف ... الكلام دا ما بقسّم معانا 😂 ...
يا زول ها معركة الكاونتربوينت انتهت زمااااان و انتو أخدتو سيك في قبولكم ... انت ما جايب خبر ولا شنو ؟!! زول يطقطقوه علي رؤوس الأشهاد و هو ما عارف انو إتطقطق !
Quote: واخد بالك يا منعم ، الكيشة دا اول ما الزول يعصرو يعملا ليك هظار!!
ههههها والله يا بوب انت بديت تفهم المستنــــــــــــــــــــــكح دا؛ ياها طبيعتو اقل عصرا يهظر؛ او يقول فهمتوني غلط ؛ ويجيب تبرير افطر من الفهمنا فيهو غلط؛ هسع النوريك بكون عمل شنو بعد الرشة الاخيرة بتاعتي؛ طبعا المؤكد انه مانام ابدا؛ ولا ارتاح؛ ولا استرخى ويكون كتب عشر مداخلات وشبطا؛ ولسن حالو يقول: انها لاتعبر عن الحاجات ياخ!!!! واخيرا اهتدى لهذا الحل الطفولي الذي يعتقد -ساذجا- انه قنبلة وهوعدم الرد؛ كانونتربونت بس!!! كان ممكن بعدها ينوم لكن افسدت عليهو الحل الساحر بهذه
Quote: لا يا خفيف ... الكلام دا ما بقسّم معانا 😂
.................... قد يحاول ان يرد على هذه المداخلة لان الرش فيها خفيف!!!! بس يجب ان يفكر الف مرة ويمسح ويشطب؛ لانو اي كلمة منو حا ابلعا ليهوناشفة؛ الليلة رست فهو يوم للرش بهيج؛ لا التزامات عمل؛ ولا Uber؛ ولا Creem؛
Quote: دا اسم أبوي الحقيقي يا حاتم سوناتا الانت قاعد تستهزئ بيهو عينك عينك !
حرف اسمي انا ممكن اقبل بيهو ، بس اسم ابوي , ان شاء الله حتدفع تمنو.
وفي واحد هسع قاليك أنا (ابن سوناتا)؟ بعدين انت ياخي رضيت تبقى (محمد أحمد) بتاع الفيسبوك عشان تشتمني براحتك، ولا ما كدة؟ تكتر كلامك هسع أشغلا ليك وأجيب ليك البيانات ومحل رسلتهن
Quote: شاحد الله الم فيك ، الا اوريك الشي العمرك ماا شفتو يا...كان راجل تعال لاقيني
أنا ذاتي من هذا المنبر بشحدو معاك وبطني طامة عشان يديك شخسية واعتبار لأنو ما ممكن تقلدني في المربع وتقلدني في الصلبان وتقلدني في الأسلوب وتقلدني حتى في كتابة الإنجليزي للمشاهير! لمن أبوبكر يتهمني بالركاكة بتاعتك الحامضة حميض الأنجيرة دي تعال بعد دا نديك السيلاويت والزمبارة! وأقغد أنا هلهلي ساكت أفكر فيك واتأمل وأراك تتجلى وتتهبل.
بعدين اسمها (my life) لأنو (my live) غلط ودي غلطة أوساموس ما بيعملها.
يا وهبّة، يا أخي، قاعد تفتح ليهم مخارج بمزاجم خلينا نفتح الممرات بمزاجنا. شتموك، شتمونا، أجروا سبابين من السعودية، ما مهم ما تخلي الموضوع الاساسي يتغيير
هسع موضوع السوناتا خلصناهو، يا أستاذ حاتم يا محترم، وعدتنا بتحليل موسيقي للطير المهاجر نحن في الانتظار بصفتي مدير مكتب الموصلي نعتذر لك عن أي شيء ممكن يأخر إنزال الفلسكابات نكرر أسفنا يا استاذ
يا مستكح ياوهم؛ يا طيرة يا مبارية السيرة... انا متاكد إنّو الطير المهاجر دي ما كنت بتفرزا من الحزن النبيل ومتأكد انك مشيت سمعتها وعرفت شاعرا وفنانا بعد جاب البحر سيرتا انت افرغ من اي تصور زول الله ساكت مسيكين؛ بالله مش دا الحاصل بالضبط شفتا انا حافظك كيف ..... يا وهيمتي في بقريتي.... هسع تلقاك مستغرب انا عرفتا الحاجة دي كيف.... دا منهج تفكيكي لقراءة الصفائح الفاضية الضجيجة... انت بلا مواعين فكرية.... وبلا خلفية ثقافية..... وبلا منهج او رأي او روى تلك كلها تتأتى من القراءة ام دق.... ودا شغلة انت ما عندك ليها شعر.... انها صعبة دونها الامرين وانت تستسهل استفزاز الناس وتجهيلهم لتغطي على فقرك الفكري والمعرفي المطبوع...
يا مستنير طيب خلينا في المهم ... موضوع الكاونتربوينت حسمناه ليكم بدري بدري اما حكاية الطير المهاجر دي انا ما خشيت فيها دا رأي حاتم و لو بتختلف معاه في الحتة دي فإنت ملزم تدحض الرأي دا بشكل علمي و مقنع ! ... انا بكون مراقب من قريب و بجهّز كبابي الليمون للبعطش فيكم ! ... معاك للصباح !!
المستنير انا كاشف نومتو ..ليهو زمن بهاتي بالطير المهاجر و الظاهر لقي ليهو تحليل من الخواجة و تقريبا فيديو و الموضوع دا محرًقو و بسببو فتح بوست و طبلوهو ليهو. و حاتم عندو 10 صفحات فولسكاب , ليهو زمن شغال و بجهَز المواجهة النهائية بين بنطون رفاعة و ايزنهاور في انتظار البداية
خليك في الطهورة الراجياك في البوست دا !! انا امس كنت في Imperial College London و قابلت زول رب الموسيقي ذاتو ... لو قلت ليك إسمو بتتخلع ... والله صحي 😜 تكتر تقلل بطقطقك انت و زولك القافل عليه دا !!
انا لابد ليك من زمان و زي ابو القدح بعرف أعضّيك وين !
ما تعدّيها لي مقدمات و تجهّز في المرّاقات من هسّي !
يا ناصر الكيشة دا عامل فيها عندو سند و جايب ليه تحليل و عامل فيها مشرّك بيه !! انا ما كنت عاوز أوريه انا كمان ممكن اعمل شنو او محضّر ليه شنو !! بس يلّا ... أهو سهر الجداد ولا نومو !! انا مع انو موضوع الطير ابمهاجر دا ما خشيت فيه ، لاكين شايفو عايز يتجدّع و عامل فيها قافل بالجوكر !! هناك الكثير من المفاجآت !! و ح أقبضو ليك بي ورقو فوق !! ...
الزول دا يا ناصر لو دخل التحدي دا ، صدّقني ح يشرب الدوا !😂 ح انتهي ليك من حاجة اسمها مستنير تماماً !! ... الكيشة دا في مرمي نيراني زي كل مرة !! والله صحي !!
Post: #251 Title: "شاتم إبراغيث"، كائن كامل القمل Author: osama elkhawad Date: 07-17-2017, 04:26 AM Parent: #250
يا "شاتم إبراغيث*"،
ما زلت تواصل تحريف اسمي؟؟
*"ابراغيث"هو اشتقاق لغوي برغوثي،
يناسب الكائنات "ألمقمّلة"،
كاملة "القمل" و الدسم.........
Post: #252 Title: Re: andquot;شاتم إبراغيثandquot;، كائن كامل القمل Author: أبوبكر عباس Date: 07-17-2017, 04:59 AM Parent: #251
يا ناصر، يا أخي، تحليل الطير المهاجر المعاي دا ح يكون أروع مداخلة تشهدها سودانيزاولاين
Post: #253 Title: Re: كاونتر أتاك ! Author: حاتم إبراهيم Date: 07-17-2017, 07:41 AM Parent: #1
Quote: "شاتم إبراغيث"، كائن كامل القمل +++ يا "شاتم إبراغيث*"، ما زلت تواصل تحريف اسمي؟؟ *"ابراغيث"هو اشتقاق لغوي برغوثي، يناسب الكائنات "ألمقمّلة"، كاملة "القمل" و الدسم
هههههه أياهو الكلام البشبهك الخالق الناطق يا (الشاعر) الكيري بس إن شاء الله تكون ارتحتا
نفضى بعد دا للناس المحترمين والمواضيع المثمرة الجادة انت موضوعك انتهى.
Post: #254 Title: شاتمسكي قملوف إبراغيثوفيتش : "لا بد أن تشرب من نفس الكأس Author: osama elkhawad Date: 07-17-2017, 06:59 PM Parent: #253
Post: #255 Title: Re: شاتمسكي قملوف إبراغيثوفيتش : andquot;لا بد أن Author: Nasser Amin Date: 07-17-2017, 07:30 PM Parent: #254
الظاهر راعي البوست ما شايف شغلو شايف في انفلات امني خطير في البوست من هنا و رايح انا الألفة بتاع البوست دا اي اخلال بالامن بًبلغ اب صلعة و يجي يطبلو ليكم و يرًيحكم
* بعدين يا استاذ اسامة انا سألتك سؤال في مداخلة كدا و شايفك مشخًت لي..ان شاء الله المانع خير ...بتكون ما شفتها مش؟ ركًز مع الجمهور شوية و انسي حاتم (اللئيم) دا
مشكوووور استاذ اسامة ............................... طيب طلب صغنوني كدا اعملوا هدنة صغيرة وواصلوا في موضوع الطير المهاجر وامكن بعدها في مواضيع تانية مع خالص الود و التقدير
الحمد لله علي السلامة جوطة و هرجلة شديدة في اتنين عاصي X وفي واحد غايب بدون اذن وعندو واجب وما عملو و حايم بغادي ابي يجي و كمان نطَ بالشباك ديل عايزين احتياطي مركزي
كلما نشتل الافراح ... يجي "حاتم" يمد ايدو ... 
البداية