شورة مجانية للسيد رئيس الجمهورية

09:51 PM July, 02 2017

سودانيز اون لاين
Abureesh-أمريكا
مكتبتى
رابط مختصر

علاقاتنا الخارجية.
علاقاتنا مع كل دول العالم يجب ان تبنى على الثقة المتبادلة والاحترام المتبادل والمصالح المشتركة..
فى هذا الوقت لا شئ يعنى العالم الاسلامى او العالم العربى.. بل هناك دول مستقلة كاملة السيادة اسلامية كانت ام عربية وكل واحدة منها تراعى مصالحها اولا داخل حدودها الجغرافية ومصلحة مواطنيها اولا.. وكل من يدعى سوى ذلك فهو لا يدرى فيم يتحدث, فى احسن الفروض.
لو هذه الدول اتحدت تحت علم واحد وحكومة واحدة فحينئذ يمكن الحديث بصدق عن عالم عربى او اسلامى.. وحتى ذلك الحين فإن كل من يعزف على هذا الوتر إنما يريد تكبير كومه وتمرير أجندته القومية.
السودان ليس تابعا لاحد.. ولا يحتاج لتبعية احد لو رشد ادارة موارده الطبيعية والبشرية.. لا يحتاج ان يكون اسير ابتزاز ب 3 مليون فى مصر او غيرها.. من يحترم السودان على العين والراس.. من يريده تابعا ليساساته الوطنية فليبحث عن تابع اخر.
يجب ان لا تكون لنا علاقات خاصة الا مع دول تبادلنا ذات مستوى التعامل.. المعاملة بالمثل. العلاقات مع السعودية وقطر وايران واسرائيل وأمريكا وجيبوتي يجب كلها تكون متساوية. ما فى مشكلة لو الشعب انتخب رئيس كوز ولكن يجب عدم التبعية باى صورة للتنظيم العالمى للاخوان المسلمين.. فهذا نبت شيطانى غير معروف من ورائه حتى الان.. وأى اتجاه لتبنى أجندته او.التسهيل لنشاطه داخل السودان يعتبر عمل لصالح اجنبى وخيانة وطنية يعاقب عليها القانون.

ابوالريش
كل الطرق تؤدي لترمب

أبو الريش كلامك سليم

اخونا الصادق
اليبارى ترمب حيوديه الكوشة.
نحن عايزين كل الطرق تؤدى الخرطوم. فى الحقيقة دا الحاصل لكن ناس الخرطوم شايلين قرعتهم وحايمين برة.. كل الأجناس عاوزة تغترب فى السودان.. زميل مصرى فى قطر حاول يوسطنى اشوف ليه تأشيرة للسودانِِ العالم لعابهم سايل على السودان.. ارض وماء وبهايم و بشر.. محتاج شنو تانى؟ راس مال؟ كلام فارغ.. راس المال عاوزينو عشان يلغفوه.

الأخ أبو الريش,,, كلامك جميل لكن العالم أصبح لا يحترم إلي صاحب القوة أو المال...لو ما عندك واحد من الإتنين ديل حتكون تابع لا محالة

الأخ عثمان.. تقول القوة والمال.الناقصة شنو من ديل؟لاحظ القوة يجيبها المال ونحن عندما كل المقومات والموارد عشان نكون اغنى دولة فى العالم.
شوف الصين.. كانت فقر مدقع.. حتى موارد طبيعية مثلما لنا ما عندهم.. ما جروا ورا البنك الدولى ولا صندوق النقد العالمى.. ما مروا ورا منظمات الإغاثة.. ما شالوا قرعتهم وحاموا فى الدول يطلبوا قروض.
قبلوا نفسهم عليهم.. رفضوا عضوية الامم المتحدة.. جندوا الشباب والعلماء وفتحوا اقتصادهم.. اعطوا الاموال لمواطنيهم ليبداوا مشاريعهم.. بدل ينهبوا القليل منهم بالجبايات. حتى وقفوا كافة لكتب مع اعتى الدول.. اشترطوا حق الفيتو ليدخلوا الامم المتحدة فكان لهم ما ارادوا.

أبو الريش سلامات

رئيس الجمهورية وحكومته حاله ميؤوس منها

موارد شنو وخيرات شنو مع العصابة دي
مافي طريقة لنهضة هذا البلد في وجود هذه العصابة
ديل (فاشليـن وفاسديـــن ) إذا إجتمعوا الخصلتين في بلد
عليه السلام ... من الصعب النهوض في ظل هذا الفساد المستشري
هسي كلهم أعينهم شاخصة صوب أمريكا عشان يسلكوا البزنس حقهم
وعشان العمولات ... ما عشان خاطر عيون الغلابة