Post: #1
Title: موسم القبقبة..
Author: ombadda
Date: 07-02-2017, 08:07 PM
طيلة أواخر شهر رمضان وأيام عطلة الفطر
شهد البورد منازلات ساخنة جدا
تميزت ب"القبقبة" أي واحد ماسك التاني ويسأل فيه: أثبت لي كلامك
ربما السبب أن اسلوب القبقبة أثبت نجاحه الباهر
قبقة ود البشرى لزهير في بوست افطار بورداب الأمارات لمن جاب الزيت وولى الدبر ههههه
قبقبة ود البشرى للأمين موسى البشارى. ياخ دي قبقبة كتمت أنفاس الأمين وتوارى عن الأنظار وترك البوست بما حمل
ما شاء الله ود البشري اثبت لياقة عالية
نجي لقبقبة جورج بوك الشهير بدينق لبكري عباس.. صراحة ما اتوقعنا قبقبة دينق تطلع زيت المستنير ههههه سقطة معلم
قبقبة حاتم لمعاوية الزبير
قبقبقة محمد حيدر المشرف لأبوروضة
والكثير المثير
Action
كلاكيت تاني مرة
|
Post: #2
Title: Re: موسم القبقة..
Author: محمد على طه الملك
Date: 07-02-2017, 08:36 PM
Parent: #1
يعنى دي حقرية ؟
اشمعنى فاطي قبقبة أحمد محمد لي ؟
كل سنة وأنت طيب ياخي.
|
Post: #3
Title: Re: موسم القبقة..
Author: ombadda
Date: 07-02-2017, 08:42 PM
Parent: #2
ياخ أنا شايفك مقبقب كم واحد يا مولانا لمن احترنا ذاتو
والبقبقب قاضي دة الله قال بقوله
وكل لحظة وأنت بخير مولانا
|
Post: #4
Title: Re: موسم القبقة..
Author: حيدر حسن ميرغني
Date: 07-02-2017, 09:11 PM
Parent: #3
بين حاتم ومعاوية الزبير مافي قبقبة بالمعنى القاصدو يا امبدة
|
Post: #5
Title: Re: موسم القبقة..
Author: ombadda
Date: 07-02-2017, 09:17 PM
Parent: #4
وأنا قاصد شنو؟؟؟ loooool
بداية قبقبة ههههه
|
Post: #6
Title: Re: موسم القبقة..
Author: حيدر حسن ميرغني
Date: 07-02-2017, 09:24 PM
Parent: #5
على خلاف بوستاا الباقين بوست حاتم ومعاوية
والبوستات الانبثقت عنه لسه مدورة
_
المساخة العليك شنو :))
يلا قبقبني
|
Post: #7
Title: Re: موسم القبقة..
Author: Ahmed Alim
Date: 07-02-2017, 09:36 PM
Parent: #6
شكلك يا دوك ما اتيت لحوار!! :)
دي ما قبقبة ياخ! دا حوار في زمن الكوليرا
|
Post: #8
Title: Re: موسم القبقة..
Author: الصادق عبدالله الحسن
Date: 07-02-2017, 09:55 PM
Parent: #7
=
سودانيزاونلاين يا أحمدونا هي صورة مصغرة لما يجري من حولنا في العالم العربي/الإسلامي
حيث انبهمت صورة العدو الحقيقي
فالسلفي الوهابي يكيل الاتهامات ويطارد زميله الوهابي، والشيوعي يشتبك مع الشيوعي
والليبرالي "المستنير" يُمسك بخناق المستنير، بل إن بعض أعضاء منبرنا
بلغوا درجة من حراق الروح جعلت الواحد منهم يبدو على استعداد لأن يقبقب نفسه ويمسح بها الأرض إن لم يجد من بين رفاقه من يصلح للقبقبة.
منذ غزوة البسوس إيفانكا والمنطقة قد اختلط حابلها بنابلها ودخلت في عراك وفي حالة من الاشتباك المميت..
ولعل عجوبة لم تكتف فقط بتشليع وتخريب سوبا الممتدة من المحيط إلى الخليج وإنما انتقلت العدوى من الواقع إلى الأسافير.
وامتد الخراب ليضرب سودانيزاونلاين التي لم يبق من بين أعضائها هذه الأيام من لم تصبه ضربة سيف أو طعنة رمح.
تحياتي لك ولضيوفك المُقبقِبين والمُقبقَبين
...
..
.
|
Post: #11
Title: Re: موسم القبقة..
Author: ombadda
Date: 07-02-2017, 10:07 PM
Parent: #8
يا الصادق هووووي
أعمل حسابك هسه اقبقبك
احمدونا شنو كمان هههههه
اسم أمبدة دة ما عاجبك
|
Post: #14
Title: Re: موسم القبقة..
Author: قصي محمد عبدالله
Date: 07-02-2017, 10:32 PM
Parent: #11
تحياتي أم بدة، والمعنيين بالقبقبة الافتراضية.
....
انت عارف الشيطان بعد ما طلع من تصفيد رمضان يكون مات من الضحك...!
لقي ليه تيراب جااااهز.... يمشيه كم اسبوع، قوت شر اضافي...
....
طبعا ناس ضب الككو ديل تابعين لفئة "الوقع على رقبتو"
.....
متابعين القبقبات،،ونتحفظ على الدخول ،
انت عارف ممكن الواحد فيهم يفك التاني وتبقى في البتفكك منو!
....
لي عودة هنا إن شاء الله.. بدون قبقبة جانبية....
هه
|
Post: #10
Title: Re: موسم القبقة..
Author: ombadda
Date: 07-02-2017, 10:05 PM
Parent: #7
أحمد عالم
نجي للمنبر علشان ننسى المرارات..
وفي ناس تجي المنبر علشان تتذكر المرارات وترضي ضميرها
بعد انكشاف عورة المعارضة في ثورة سبتمبر 2013م
والعصيان المدني الأخير
كفرنا بالسياسة وبالمعارضة
|
Post: #9
Title: Re: موسم القبقبة..
Author: محمد حيدر المشرف
Date: 07-02-2017, 09:57 PM
Parent: #1
يا زول انت مؤهل تتكلم عن القبقبه ولا سااااي كده ؟ 
ههههههههه
تحياتي يا دكتور ياخ وكل عام وانت بخير ..
|
Post: #12
Title: Re: موسم القبقبة..
Author: ombadda
Date: 07-02-2017, 10:10 PM
Parent: #9
أهاااا المؤهلات دي كمان موضوع قبقبة بهناك ههههه
كل لحظة وانت بخير د. المشرف
وفك الزول ياخ الموضوع لا يستحق..وجه قلمك لما يفيد فلك قراء وأنا منهم
|
Post: #13
Title: Re: موسم القبقبة..
Author: الصادق عبدالله الحسن
Date: 07-02-2017, 10:26 PM
Parent: #12
=
Quote: يا الصادق هووووي
أعمل حسابك هسه اقبقبك
احمدونا شنو كمان هههههه
اسم أمبدة دة ما عاجبك.... |
لعلها متلازمة إيفانكا وسهامها أردتني أخيراً وأعشت بصري
وأصابني الداء العضال برغم أنني تكرفت بخور التيمان، وقرأتُ المعوذتين، وبلعت الترياق (الـ Antidote)
والآن ما العمل وإلى أين المخرج؟ فحتى إن اعتذرت لكم ونجوت من قبقتكم فأخشى ما أخشاه يا أمبدة
أن يأتي أحمدونا ويقبقبني هو الآخر في بوست "منبثق" 
أكرر التحية لك وللأخ أحمدونا
...
..
.
|
Post: #15
Title: Re: موسم القبقبة..
Author: فرح الطاهر ابو روضة
Date: 07-03-2017, 00:47 AM
Parent: #13
يقبقك حاتم يا امبدة
|
Post: #16
Title: Re: موسم القبقبة..
Author: aosman
Date: 07-03-2017, 01:22 AM
Parent: #1
أها يا المقبقباتي الرمضاني
|
Post: #17
Title: Re: موسم القبقبة..
Author: محمد البشرى الخضر
Date: 07-03-2017, 08:17 AM
Parent: #16
تحياتي دكتور أمبدّة
النموذجين الذكرتهن لي ديل ما أمثلة مثالية للقبقبة, ديل زبايني و بعرفهم بجوك محاورين براهم الواحد شايل بيضته في ايده كل ما عليك تسوقه الكورنر و ترجاه براه يقع ويقوم ويزلقا لي روحه ويديك ليها خاصة الخبير الخطير ههههههه
نماذج القبقبة المثالية زي الترانسفورمر الجديد ناصر والصور البلفحها تقول ليه دي غلط يقول ليك تشابه علي الـ"جالاري"
|
Post: #18
Title: Re: موسم القبقبة..
Author: محمد مجيدو
Date: 07-03-2017, 09:06 AM
Parent: #17
ود البشرى ... عيدك مبارك ..
عجبتني العبارة دي ..
| Quote: الواحد شايل بيضته في ايده |
يعني عادي تلقى واحد شايلها في كيس .. او تلقى واحد شايلا في قفه ..
وناس الضهاري ممكن الواحد يجي شاحنها في هايلوكس ... وكلو حسب تعليمو
| Quote: الترانسفورمر الجديد ناصر والصور البلفحها |
واوع ناصر يجي يقبقبك ...
ويا د. امبدة ... كل عام وانت بخير ,,
قبقبني واقبقبك ....
وعايزين منبر خالي من القبقبة ...
عاالم بطاالــــــــــــــــــة ,,,,
|
Post: #19
Title: Re: موسم القبقبة..
Author: أبوبكر عباس
Date: 07-03-2017, 10:42 AM
Parent: #18
لكن يا بدّة، قبقبة المشرف لأبي روضة قمة الكوميديا!!
البوستين:
المكاء
والنجيضة
وحات أولاد جابر، كتلني من الضحك
المداخلات عبارة لوحة تشكيلية
وكمان جادة جدا
في بوست المكاء،
النرجس يقول ليهو:
أيها المكاء في الحرو تعاني
المكاء يرد بهناك في بوست النجيضة الوعد:
طرابيل التعاني من رزق البلد حفيان
اللذيذ في البوستين إنّو التراكيب شترا،
لكن بتلقى روحك فاهم جدا الناس دي قاصدا شنو
المهم وأنا بقرأ في البوستين، طريقة يونس شلبي
كانت هي ونيسي
|
Post: #20
Title: Re: موسم القبقبة..
Author: أبوبكر عباس
Date: 07-03-2017, 11:00 AM
Parent: #19
يعني أنا جورج أو أيّاً * كان اسمه
مقبقبني في مرجعية التسعين في ال١٠٠؟
كنت داير أرد ليهو بالجوهو حرامية كتار وقال للضابط في البلاغ:
أمس هجمو علي في (امبدّة) في البيت ستين حرامي
الضابط: سرقو شنو؟
أمبدّة: ساعة
الضابط: يعني كل حرامي نفتح ليهو بلاغ سرقة دقيقة؟!
لكن خفتو يزعل
------
* أيّاً دي لو كدا ما صاح؛ فوتوها لي
|
Post: #21
Title: Re: موسم القبقبة..
Author: حامد محمد حامد
Date: 07-03-2017, 11:12 AM
Parent: #20
انا جيت اسلم عليك د. امبدة وراجع المصيف لعلك بخير
|
Post: #22
Title: Re: موسم القبقبة..
Author: محمد البشرى الخضر
Date: 07-03-2017, 12:29 PM
Parent: #21
مجيدو كل سنة وانت طيب أنا يابا قاصد بيضة الكورة !
|
Post: #23
Title: Re: موسم القبقبة..
Author: جلالدونا
Date: 07-03-2017, 08:30 PM
Parent: #22
القبقبات انواع يا دكتور
اخطرهن القبقبه من الخلف
بتخنق عديل و احتمال كبير تودى التوج
زيق الجلابيه حار ياخ
|
Post: #24
Title: Re: موسم القبقبة..
Author: ombadda
Date: 07-10-2017, 04:50 PM
Parent: #23
قصي
أبو روضة
aosman
محمد البشرى الخضر
مجيدو
أبوبكر عباس
حامد محمد حامد (ليك وحشة والله--زمن)
جلالدونا
لكم جزيل الشكر المرور
ولكم مني عاطر التحايا..
===========
معذرة
تم اعلاق البوست لعدم تفرغي للمتابعة
أكرر أسفي
|
|