أغاني وأغاني في زمن الكوليرا ...

02:21 AM July, 02 2017

سودانيز اون لاين
معاوية المدير-بكندا محافظة البرتا
مكتبتى
رابط مختصر

أو إرتداد شخصياتنا ورموزنا القومية إلي أسفل سافلين ...

بوست عبارة عن تهيئات ودع قريبة جداً من الحقيقة ...

[/url]
يا السر قدور،
مثلك يُجلب من إستديوهات التلفزيون لِيُضحك ربات الخُدور البواكيا

قبضت كم يا عمو السر في الجلسة الفرايحية دي ؟.

لا يهم المهم العكنيبة والظيطة والزمبريطة القايمة في المنبر دي !...

يبدو أننا في زمن الهبوط من أعلى عِليين إلي أسفل سافلين،
وأقول لك يا حوش بكري قول المتنبئ،

أعيذها نظرات منك صادقة أن تحسب الشحم فيمن شحمه ورم

وما انتفاع أخي الدنيا بناظره إذا استوت عنده الأنوار والظلم

والله ما أخاله إلا رجُلٌ إستوت عنده الأنوار والظُلم ...

Quote: في هذا البوست وكما اسلفت .. أنا أثبت وأكرر لا أنا ولا معاوية ولا الملك قد قمنا يقيادة حملة اسفيرية مخجلة او حتى نزيهة ضد زميل المنبر حاتم.

المقتبس أعلآه هو السبب المباشر في غضبة الزميل المشرف علي الزميل
أبو روضة .
هذا البوست ليس للحديث عن مشكلة المشرف وابو روضة فهذه المعركة لها
ميدانها لمن أرادها، لكن الذي يعنيني في المُقتبس والذي جلبته كمثال هو محاولة
زميل أو زميلة لإقصاء زميل أو زميلة من البورد لسبب مشكلة بينهما ايً كان
سبب المشكلة .
نختلف نعم، نأتلف نعمين يحاول زميل أو زميلة التآمر لرفت أو شطب زميل
أو زميلة من المنبر لا وألف لا .

اكرر البوست في صيغة العموم وليس المقصود به غزوة المشرف وابو روضة،
ولكن الخصوصية في البوست تأتي بتوجيه رسالة خاصة لعضو سابق شتت
من هنا ...

يا الحبيب عاين لي جاي،
إنت تمشي لأقرب ترزي بلدي تفصل عراقي ؤ سروال طويل ؤ تغشى سوق العناقريب
تشتريلك عنقريب ؤ تمشي تختو وسط برندتك ؤ ما تنسى تخليهو هباب ؤ فوقو شلتوت
وِسادة تخُت راسك ؤ تخلف كُراعك ؤ تخلي الهواء يدخُلك من كل الجنبات، ؤ لآمن
تدور السر قدور وأولياء نعمته فهم فركة رِجِل مِنّك .
مع تمنياتي لك بإقامة سعيدة ...

Quote: ولكن الخصوصية في البوست تأتي بتوجيه رسالة خاصة لعضو سابق شتت من هنا ...

يا زول داير تحمينا الشغل مالك الليلية!! ح تجيب اسمه ولا تقعد تلولي بينا النهار كله؟

السر قدور فرد واحد
وما بقا القندول الفنقل الريكة
لكن عاين
شوفنا وكم
واقلب ليك كلامك
المنبر في زمن الكوليرا

ياود المدير كل عام وانت بخير
قالو الاغانى الكثيرة تكتل القلب كل القنوات اغانى
بقو زاتو مابيعرفو ينضمو بدون اغانى كل بنية اجلبطط واضرب ليها فنان فى صفحتة واحدين يقرقو ويشهققو براهن ماتحوشن الانشرة الاخبار
كدى الان افتح اى قناة لو مالقيتن يغنو تعال لومنى
ماعندنا فنان بياخد معاش من الحلبة للجبانة غايتو فيروس اشعبط فينا زى القرادة يحلنا منو الحلى بلة

Quote: يا زول داير تحمينا الشغل مالك الليلية!! ح تجيب اسمه ولا تقعد تلولي بينا النهار كله؟

ومن غيره يا ود البشرى !، الرجل مِتفرجخ هنا منذ تأسيس هذا الصرح
ؤ مافي زول حظي بذرة من الإحترام الذي طوقه به أعضاء هذا الحوش
حتي نسي نفسه وظنّ أنه فوق النقد وأنه أكبر بكتير من أن يقارعه أحد
أعضاء هذا الصرح الحِجة، وكانت مفاجأة كبرى له أفقدته صوابه وجعلته
ينقلب زي الشرآب ليفصح عن صورة كريهة ويقوم بعمل لم يسبقه عليه
عضو من أعضاء هذا المكان ألآ وهو محاولة إقصاء عضو حتي يبقى هو
هنا يصول ؤ يجوّل ؤ يقول لكل إنسان أدار معه نقاش، (إنت داير تظهر
علي حسابي) !،.
ذالكم يا ود البشرى هو الشخصية القومية الهرم يوسف الموصلي .

ثم، وأبقى مارق علي شغلك ...

تااااااني 😎😎😎😎

ؤ تااااالت كمان يا حفيض
عشان الناس تعرف أُس المشاكل منو ...

ؤ تااااالت كمان يا حفيض
عشان الناس تعرف أُس المشاكل منو ..


طلاق التلاتا ياود المدير طب مافية اجاوبد

(-) في حديث صحيح صححه ابن القيم وغيره رحمهم الله ولفظه (ليشربن أناسٌ من أمتي الخمر يسمونها بغير اسمها) وفي ولفظ (تضرب على رؤوسهم المعازف ويضرب على رؤوسهم بالمعازف)
(-) حديثٌ صحيح ويشهد له أيضاً ما رواه البخاري في صحيحه فيما ترجم عليه باب من يشرب الخمر ويسميها بغير اسمها ؛ فنحن في اخر الزمان وقارب ميعاد الخسف
(-) فالحديث فيه الخسف كما ورد ( يشرب ناس من أمتي الخمر يسمونها بغير اسمها، يضرب على رؤوسهم بالمعازف والقينات يخسف الله بهم الأرض)

(-) وفي ما رواه البخاري معلقًا عن أبي مالك الأشعري أنه سمع رسول الله صلى الله عليه وسلم يقول : ليكوننّ من أمتي قوم يستحلون الحر والحرير والخمر والمعازف
(-) الحر (الزنا) والحرير والخمر والمعازف اجمع العلماء ان بينهما رابط في كون ان الرسول صلى الله عليه وسلم جمعهم

(-) الخمر يُذهب العقل وكذلك الموسيقي (المعازف) تصور وجدت انسان يرقص في الشارع من غير موسيقي او غناء ستقول مجنون
(-) وتجد في الحفل اب العريس بالسبحة والجلابية والبيشت وجالس يذكر الله مع بداية الموسيقي يدخل السبحة ي الجيب وينطط مع الشفع القدر اولادوا
(-) ما ان تتوقف الموسيقي يتوقف ويجلس واذا واصل ينطط بعد الموسيقي سيقول الناس مجنون سبحان الله
(-) كذلك الغناء والمعازف يرتبط مع الزنا فالفنان لا يغني الا اذا اتى البنات واول ما يطلع يسأل اين الشباب ؟؟؟
(-) جيب لي فنان رجال بس وخلي يغني !!! ولا جيب له غنم قول ليه غني للغنم ديل بديك قروش الحفلة دبل !!! ما يغني
(-) ونشاهد في الحفلات الاختلاط والسفالة وقلة الادب وتجمع السكران والعازف والزاني والزانية
(-) اللهم الطف باهل هذه البلد وابعد عنهم هؤلاء السفلة والسُفهاء

(-) كل هذه المقدمة لعجوز الشؤم هذا الذي ياتي كل عام مع شهر رمضان كالقدر المستعجل يجمع حوله البنيات والوليدات والعازفين والصعاليق
(-) للغناء في شهر رمضان وفي مواعيد صلاة التراويح وكأنه مُخطط مأسوني مدفوع الاجر لاشغال الناس عن صلاة التراويح
(-) عليك لعنة الله الي يوم القيامة ما لم تتوب وتتوقف عن هذه المهزلة وعليكم لعنة الله انتم يا مغنين ومغنيات وعازفين
(-) تشغلون الناس عن الصلاة بواسطة هذا العجوز الهالك اهلكه الله ورما به في جهنم مع من معه

Quote: السر قدور فرد واحد وما بقا القندول الفنقل الريكة لكن عاين شوفنا وكم واقلب ليك كلامك المنبر في زمن الكوليرا

والله يا اب سِن قلب الكلآم أنا ما باباهو تب ؤ دا حال أهل البلد من
جم، لكن البرنامج وجد رواج منقطع النظير وصاحبه جلبط نفسو
بتغوط حكام السوء والناس أخالهم إنتبهو لهذا وطنشو أو ربما قد
يكونوا ما إنتبهو، لكن المثير للشفقة أنهم ما زالوا مفتونين بهذا
العابث وبرنامجه !!!...

Quote: ياود المدير كل عام وانت بخير قالو الاغانى الكثيرة تكتل القلب كل القنوات اغانى بقو زاتو مابيعرفو ينضمو بدون اغانى كل بنية اجلبطط واضرب ليها فنان فى صفحتة واحدين يقرقو ويشهققو براهن ماتحوشن الانشرة الاخبار كدى الان افتح اى قناة لو مالقيتن يغنو تعال لومنى ماعندنا فنان بياخد معاش من الحلبة للجبانة غايتو فيروس اشعبط فينا زى القرادة يحلنا منو الحلى بلة

الزاكي يا قريبي،
وإنت وعموم الأهل بألف خير .

وكذلك الكوليرا تزهق النفس، بكل أسف هذا أمر مخطط له ؤ حليل الغُنا
وأهل الغُنا. لكن إن كان البشير رمز الدولة فالسر قدور يعتبر رمز قومي
وكذلك يوسف الموصلي، فبدلاً من أن يسقط رمز الدولة وحده في المستنقع
الآسِن سقط السر قدور معه ولحق بهم يوسف الموصلي الذي قضى في
هذا الصرح منبر سودانيز ما يقارب العشرين عاما ليخرج مغاضباً بحجة
إنه لن يكتب في منبر يضايقه فيه عضو بما يسميه هو ملآحقة ! ويذهب
ليسعى ليؤسس ما أطلق عليه إسم (البرندة) !،...