Post: #1 Title: الاخوان الجمهوريون بكالقري يقدمون د دالي في ندوة / السبت 8 يوليو Author: بثينة تروس Date: 07-01-2017, 09:05 AM Parent: #0
يدعوكم الاخوان الجمهوريون بكالقري لحضور ندوة مفتوحة يقدمها الدكتور احمد المصطفي دالي السبت 8 يوليو الساعة 8:00-11:30 العنوان : Sandman hotel Airport 25 Hopewell NE
(-) هطرقة زي هطرقة المرتد وسب وشتم وطعن في الدين والرسالة الاسلامية المعروفة كالعادة (-) وكما جابت بؤس اسلامي ايها البؤساء !! والرسالة الثانية دي مقصود بها رسالة المرتد أم رسالة جديدة كمان من تألف الراجل دا ؟؟؟ (-) والله انت البؤس بعينه يمشي على قدمين وما عارفين تبدوا من وين بعد خلعة الاعدام للمرتد بواسطة ابو عاج (-) يا ريت واحد يسجلا وينشرها هنا عشان تكون توثيق لينا يوضع من الفرق والاديان (-) ونشوف كمية الكفر والزندقة في زيادة ام انحسار بالنسبة للبقية
وكما جابت بؤس اسلامي ايها البؤساء !! والرسالة الثانية دي مقصود بها رسالة المرتد أم رسالة جديدة كمان من تألف الراجل دا ؟؟؟
يا برنس في بُؤس اسلامي أكتر من الحاكميننا ديل ديل باسم الدين, سرقوا و كتلوا, و اغتصبوا ناس و بلد و حيوانات كمان ... هسع تصدير إناث الماعز ده ما اغتصاب للثروة الحيوانية.
البوست للدعوة ... ليس للمهاترة و قِلَة الشغله شكراً بثينة و الاخوة الجمهوريين لاتاحة هذه الفرصة نا لمقابلة و لاستماع ل د.دالي
انا لست جمهوري لكن عاوز امشي اسمع منهم شخصيا و كفاية ما سمعناه عنهم من كذب و تضليل يا برنس
انا لست جمهوري لكن عاوز امشي اسمع منهم شخصيا و كفاية ما سمعناه عنهم من كذب و تضليل يا برنس
(-) لديهم موقع نت شغال 24 ساعة باسم الفكرة على ما أعتقد وكُتب ومحاضرات محمود محمد طه المسموعة والمقروءة والمكتوبة موجوده فيه (-) انا كتبت كلامي من واقع ما قرأت وسمعت من الموقع وغيره وخصوصا كتب محمود محمد طه (-) أذهب وأسمع ونسأل الله ان يهيد بصيرتك الي الخير
Quote: (-) أمش او لا تمش يا اخ معاوية أنت حُر (-) لكن لو مشيت ياريت تسجل وتتحفنا بما سيقول (الهليفة) دالي وما سيُدلي به ليُضاف لسجل التوثيق
يا برنس نصيحتي ليك أن لا تفجر في الخصومة وأأكد لك إنّك إزددت علماً في رحلة توثيقك لمحمود محمد طه وأصحابه، وأُأكِد لك إنني سأزداد علماً من الدكتور دالي، بس إنت طوّل بالك وأنبُذ أُسلوب محمد مصطفى عبد اقلادر دا ...
حبيبنا وصديقنا ، اخونا مازن فضل..بين قوسين البرنس ود عطبرة..ولا ادري هل هي عطبرة التي نعرف ام عطبرة اخرى؟؟؟..!!
كلامك صاح يا مازن ، لو كل زول بعاين للحاجات من نفس الزاوية البتعاين ليها انت..!!..لكن ، من باب نظرية الخطأ و الصواب ، الدرسونا ليها سنة دو في الرياضيات..ضع هامش ..مجرد هامش لأن يكون كلامك خطأ..!!
قبل اسبوع يا مازن (بالتحديد عشرة ايام)..لاقيت صديق جمهوري ..ومن باب العنصرية والجهوية والذي منو..الزول ده من مدينة الدلنج..بكل ادب وذوق قال لي: دالي جاينا في المدينة,. وياريت تشرفنا..وقلت ليهو: بالحيل لو ربنا حيانا ، بجيكم يا قريبي..وكفاية علي اضعت فرصة ملاقاة استاذي دكتور عبد الله احمد النعيم..!!
الغربة حارة يا البرنس..بالجد حارة شديد..وفي الغربة ، لو الشيطان جا وقال ليك انا قريبك واقنعك ، علي بالحلال ما بتقدر تفوتها..!!
دالي يا البرنس..ليجند..تاريخ نقاش واركان نقاش..وثقافة متكلمين في زمن سوداني كان يعز فيهو حتى الكلام..انتا محظوظ يا البرنس لأنك ما حضرت زمن جعفر نميري وما قبله من ازمان قاحلة..!! الكلام ده قبال سيدنا محمد عبد القادر مصطفى بتاع (والله صحي)..وقبال مازن فضل..!!
ليه العنف ده يا مازن؟..نفس طريقتك دي ياها الطلعت عين الإسلام والأمم الإسلامية البقت مسيطرة عليها بقايا اليهود: يودوكم شمال ويمين..زي عساكر الحضور: يقولوا ليهم يمين دور..طوالي يدوروا ويضربوا صواريخ كاتيوشا زي الترتيب..حتى لو صواريخ بتضرب في بيت الله الحرام..!! في المدينة التي اعيش فيها يا مازن فضل (البرنس ود عطبرة)، ومفروض يتكلم فيها دالي ، لو ربنا مد في اعمارنا ، الجمهوريات والجمهوريين ، وحدهم من جمع شباب وشابات المدينة..وكانوا بيدقوا ناقوس الخطر حول فكرة الهوس الديني بتاع داعش والقاعدة وشنو كده ما عارف..!!..وقفوا في باب اي سوداني او سودانية يستطيعون الوصول اليهم سبيلا..!!
واحب اطمئنك يا مازن وغيرك من اهالي امسودان: حتى اللحظة مافي شاب او شابة ، سوداني او سودانية ، من المدينة التي اعيش فيها ذهب الى داعش..والفضل يرجع الى الله العلي الكريم ومن بعده الى اختي وصديقتي الجميلة الهميمة بثينة تروس صاحبة هذه الدعوى..!!..جمهورين بتاعين الرسالة التانية؟..شنو يعني ّ!! اها يا قريبي..بثينة ومعاها الجمهوريين والجمهوريات في المدينة التي نعيش فيها..لو قالوا تعالوا يا جماعة عندنا بوش..على بالحلال يا البرنس ود عطبرة..نمشي زي الترتيب..! وانتا قايل روحك يا مازن بتخوف الجمهوريات والجمهوريين بحكاية جيبوا لينا تسجيل؟..ياخي ناس ختوا ليك الصورة يمين وشمال وفوق وتحت..يعني باقي ليك بخافوا من تسجيل..!! اها انا ناوي امشي الجلسة دي يا مازن ، ولو شفت أي زول بيسجل ح اقلع منو اداة التسجيل ، اللهم الإ كن الجمهوريين أو الجمهوريات..ولو نشروها في سودانيز اونلاين..ح اقبب ليك حنانهم ذاتو..!!..عارف ليه؟.. لأننا سودانيين ، والأخلاق السودانية عمرها ما بتنكسر قدام الشوفونية والمباهاة والوهم الفارغ العايشة فيهو بعض اهالي امسودان اليوم..!!
هل جربت الغربة يا مازن؟..
مرحب بي قدوم الليجند دكتور دالي..ودكتور دي غريبة علينا يا احمد..لكن تقول شنو..نمشيها في شان خاطر اهالي امسودان..!!..مرحب بيك زول سوداني..كريم ود اكارم..والمعاك جملة يا حبيب..! كل الحب لصديقنا المغاضب العامل فيها جاب ديلها من الاخر..صديقنا الجمهوري الحردان ابوبكر القاضي..!!..غنوصية بتاعة فنيلتك يا ابوبكر..!! الحيكومة يا ابو بكر (المدام) ليها تلاتة شهور مخلوعة..!!..عارف ليه؟ لأنها ذات مرة مشت لمسجد ، عجبها الصيوان والبنيان الجميل المشيد ، اتوضت عشان تلحق صلاة المغرب..ولمن سمعت القراية..اتلطشت..لا عرفتها قران ولا عرفتها احاديث نبوية ولا عرفتها كلام الناس ساكت..!!..فقطعت صلاتها.. وقامت جارية صوف..!!!! ثم جات وملتني فقر في ديني يا مازن وهي تصرخ:ليه الجمهوريات والجمهوريين ما عندهم مسجد في الصقيعة دي؟.. قلت ليها: هم فقراء يا بت الناس..!!..فقراء..ولو عندهم القدرة كان بنوا ليك مسجد انيق عشان تلحقي فيهو صلاة المغرب..من غير يطالبوك بحق الوضوء ونظافة المسجد..!!!! الكلام ده حقيقي يا حبيبنا ابوبكر القاضي...!!
وزي ما قال ليك، يا البرنس ، صديقنا الخلوق المهندس حامد الصاوي ، من بعده صاحبي العريبي معاوية المدير: لسنا جمهوريين يا مازن ، وعني ، بيني بينك المصحف الشريف..عشان نحاكم الجمهورييين..!!! هل جربت الغربة يا مازن؟..
لو ربنا كتب لي عمر..ح احضر الندوة..وساسعي لأقالد اصدقائي..معاوية المدير ، المهندس حامد الصاوي واخرين كثر..اقلهم صديقتي واختي الجميلة بثينة تروس..اما اذا حظيبت بمقالدة دكتور احمد المصطفى دالي..فهذى خريدة ساعيش عليها مدى الدهر..!!!
كن انسانا ، ولو مرة يا مازن (البرنس ود عطبرة)..!!
استاذنا دالي: يا ودباقير ما قلت خبير، وين السلمة ، وين درب البير..!!
وبرضو نحن ، لسع بنغالط ، انو ظعن ام ضمير ، تب ، لسع ما شتا..!!
فشنو ، الدنيا نعيم ، عرضا زايل...!!
ح احضر ، يا البرنس ، ندوة دالي..فيها رساللة تانية ،ولا يحن قلبها علي البولاد..حنين الوالدة على الأولاد..!!..مش مهم..!!
النفسو مسك وعرقو جلاد..!!..دي يا مازن شيلها بضمتها وانشرها في بوست وضاحة بتاع: عطرك المفضل..!!
(-) الأخوة الأفاضل ود المدير وكِبر تحيه وسلام عليكم من الله ورحمته وبركاته
(-) اولا : أنا اكثر الناس معرفتا بالجمهوريين سواء كُتب او محاضرات سواء جلسات وصداقات وجلست معهم على فترات طويله وليست قصيره فهم اكثر الناس ادبا وأخلاقا ومن قبل كتبت هذا في بوست يخص الاستاذ مصطفي عبد الجليل واكثر الناس علما واوسع الناس ثقافتا وهذا لا ينكرها الا كل مُكابر ومُخالف للراي ؛ الغضب عندما يكون لله وفي الله يُعذر من غضب وخصوصا اذا كان الغضب في مسائل تمس العقيدة والتشريع فهذا ما جلعني افجر في الخصومة لأن الخصومة أخذت مجالات أخرا واصبحت مُدد للتشريع وعمق العقيدة الاسلامية ؛ وسمعت للاستاذ دالي وجها لوجه ولكثير من الجمهوريين ؛ وأكد لك ان الجمهوريين هم من يُفجروا في الخصومة وليس غيرهم وهذا استنتاج أسال الله ان لا يكون في مكانه فأنظر بوستاتهم هنا ستجد العناوين (الهوس الديني) و(التطرف السلفي) و(الارهاب السياسي والهوس) وووألخ من هذه المُسميات ؛ وما ان يجد احدهم موضوع يمس التيار اسلفي ولو بعيدا او غير مُؤكد ياتي به هنا كموضوع ونعيده له ادراجه بان الموضوع غير سليم ؛ كموضوع الاخ ياسر عن الشرطة السعودية تجلد اشخاص غير صائمين أكدنا له بان هؤلاء شرطة هندية وليس سعودية .
(-) ثانيا : قد شهدتم نزالاتي هنا في المنبر منذ اول يوم مع الصوفية والنصارى والجمهوريين والشيوعيين وكانت بنفس القدر من الخشونة فاصحاب البدع اصحاب منهج واحد لا نحابي احدا على احد ولا نتراخي مع صاحب بدعه دون الأخر مهما كان الموقف والامر فإن الله تعالى سيسأل لما صمتم عن الامر بالمعروف والنهي عن المُنكر فلا يميز الله تعالى بين ضلال وضلال وبين بدعة وبدعة ؛ لذلك الجمهوريين لا اقسوا عليهم اكثر من غيرهم ولا احابيهم اكثر من غيرهم فهم عيلى حد سواء النطيحة والمتردية وما اكل السبع ؛ والله تعالى وحده يعلم مافي القلوب وما نحمل في قلوبنا للناس الا الخير للناس فلا نريد انتصار للذات فالله اعلى وأجل وقادر على ان يحمي دينه وعقيدته وقادر على ان يحمي شرائعه التى انزلها لعباده ؛ ولكن خوفنا ان نكون نحن في زمان من يرفع القران الكريم من صدورهم وتشغلنا المزامير والدنيا وهمها الزائل ونكون اتعس الناس الذين قال عنهم رسولنا الكريم صلى الله عليه وسلم من اتعس الناس واشقاهم من وافته الساعة وهو حي ؛ وعلامات الساعة الصغرى بدأت بالاقتراب بالخلاف بين الناس والقتل العشوائي وكثرة الراقصات وانتشار الزنا فلم يبقى الا الكبرى منها خروج الدجال مؤسس الماسونية مع ابليس عليه لعنة الله والناس اجمعين
(-) ثالثا طلبي للتسجيل ليس تهديدا او ما شابه بل احب دوما ان انتقد او اجرح من وثائق ومن كلام مكتوب او مسموع وليس من شيمي ان انتقد منهجا او تشريعا او كلاما لا اسمعه مباشرتا او سمعته عن طريق شخص ؛ فقد يقبل النقل الزيادة والنقصان وقد يقبل التزوير والتحريف والتعديل والتبديل ؛ لذلك طلبت من الاخوة الافاضل تسجيلا ليكون توثيقا لي في الرد على هذه المحاضرة ان مد الله في الآجال وبقينا على ظهر الارض احيا ولم نغادر الي رب رحيم ؛ فلدي مكتبة كبرى اجمع فيها كل التوثيقات وكل المخالفات والرد عليها حتى ردودي في المنبر محفوظة وفي كل مكان ولدي فيها الكثير من الكتب والمراجع ومراجع الافتاء وأسال الله المزيد
(-) الاخوة الجمهوريين يلومهم الشعب لوما سياسيا فبعدما قدموا كبيرهم للمحكمة اختفى اثرهم وتشتتوا في بلاد الله الواسعة واغلبهم خارج السودان والفكرة ميته الا من محاضرات خجوله بين بعضهم كما يحدث في المانيا وامريكا ولم نشهد لهم تطورا وظهور علني الا قبل سنوات معدوده بعدما كبر الاولاد ودخلوا الجامعات وتخرجوا منها اصبحوا يتلمسون طريق العودة وتصفية الحساب وهذا رأي لعدد من الناس وليس براي لي ؛ اين هم من قضايا الشعب طوال المعارضة المُسلحة والموافقة والمتدحرجة ؟؟ واين هم من قضايا الدولة منذ عام 1990 وحى 2009 م ؟؟؟ اين هم مما يحدث حاليا سياسيا ودعنا من دينيا ؟؟
(-) آمل ان اكون اجبت على كثر من الاسئلة التى طرحتماها اخوتي الافاضل فالدين لله وما نحن الا عاملين باوامره وناهين بنواهيه تقبل الله منا وان يجعلنا في طريق الصواب فان اصبنا فمن الله وان اخطأنا فمن انفسنا وان النفس لامارة بالسوء الا من رحم ربي ؛ واخيرا داعش لدي العديد من الردود هنا وبوست كامل يوضح تكوينها بواسطة المخابرات العالمية لتشويه صورة الاسلام وكبح جماح من لديه نوازع الاسلام في اوروبا بعدما اصبح الاسلام في اوروبا اكثر مما يتصورون ؛ وكتبت عن القتال المشروع فالقتال في الاسلام ليس مفتوحا واول اية نزلت بالقتال بنزلت بقول الله تعالى (أُذن للذين يقاتلون بانهم ظُلموا ....) اى نزلت كإذن وترخيض ونعلم ان الاذن لا يتم الا بعد استفاء المشروعية وتحدثت عن مشروعيات القتال وان الله يحرم الدم وقتل النفس ويبيح الشرع حتى الدفاع عن الكافر المظلوم ؛ تحاتي وسلامي مُجددا وشكرا على لفت النظر
لاحظت أن الأخ مازن "البرنس ود عطبرة" قد ذكر هذه العبارة عني في معرض كلامه هنا في هذا البوست بعاليه:
كموضوع الاخ ياسر عن الشرطة السعودية تجلد اشخاص غير صائمين أكدنا له بان هؤلاء شرطة هندية وليس سعودية . فقط أريد التصحيح: هذا هو البوست: أفطروا في نهار رمضان فماذا حصل لهم؟؟أفطروا في نهار رمضان فماذا حصل لهم؟؟ وقد كتبت في المداخلة الأولى فيه: ((في باكستان والعهدة على يوتيوب.. ))
وقد جاء تصحيح من البعض ومن البرنس ود عطبرة نفسه الذي كتب:
Quote: (((-) الفيديو الاول لبس الشرطة الهندية وليس باكستان هذا الزي مستحيل يكون زي الشرطة الباكستانية !!!))
وقد كتبت شاكرا المصححين :
سلام وشكرا لكما على التعليق اليوتيوب صار مسرحا للتزييف
الشريحة همجية لو كانت تنفيذ حكم قضائي، ولكنها لو لم تكن تنفيذا لحكم قضائي فهي انتهاك للحقوق ، بغض النظر عن التهمة.
لم أقم بسحب الفيديو حتى يكون تعليقي هذا مفهوما
اما فيديو داعش فقد ذكر المعلق بالصوت ان الحكم خمسين جلدة وحد. ليس هناك حد خمسين جلدة، وحتى معاقبة المفطر في رمضان هكذا باعتبارها تعزيرا انما تمثل انتهاكا لحقوق الإنسان الأساسية والمعترف بها عالميا.
والآن إلى النقطة المهمة: كيف تعاقب السلطات السعودية المجاهر بالإفطار في رمضان؟؟ بالسجن والجلد والإبعاد للمقيمين. هذا ما أوردته قناة العربية في عام 2013.
Quote: آخر تحديث: الثلاثاء 2 رمضان 1434هـ - 9 يوليو 2013م KSA 10:20 - GMT 07:20 السجن والجلد عقوبة المجاهرة بالإفطار في رمضان بالسعودية وزارة الداخلية وجهت الهيئات وأقسام الشرطة لرصد الحالات ووقف المجاهرين الثلاثاء 2 رمضان 1434هـ - 9 يوليو 2013م
العربية.نت قامت وزارة الداخلية السعودية بتوجيه هيئة الأمر بالمعروف والنهي عن المنكر والشرطة، برصد حالات المجاهرة بالإفطار في نهار رمضان. وأكدت الداخلية، بحسب ما ذكرت "الوطن"، على ضرورة ضبط "المجاهرين" وإحالتهم لجهات التحقيق حتى تصدر بحقهم أحكام شرعية تتناسب مع مقتضى المخالفة التي ارتكبوها. ويصل حد العقوبة بحق المجاهرين إلى السجن والجلد، إضافة إلى عقوبة الإبعاد من المملكة العربية السعودية للمقيمين. وأكد مصدر مطلع في هيئة الأمر بالمعروف والنهي عن المنكر للصحيفة، أن وزارة الداخلية وجهت الهيئات وأقسام الشرطة، برصد هذه الحالات وإيقاف المجاهرين، ومن ثم إحالتهم لجهات التحقيق حتى تطبق العقوبات اللازمة بحقهم. وأشار المصدر إلى أن "الهيئة تسير دوريات خلال نهار رمضان في بعض الأماكن التي من المتوقع أن تشهد مثل هذه الحالات"، مؤكدا أن "عملية ضبط المجاهرين تشمل السعوديين والمقيمين من المسلمين وغير المسلمين، وفقاً لأنظمة البلد التي تحذر من المجاهرة بالإفطار خلال نهار الشهر المبارك مراعاة لمشاعر الصائمين". عقوبة تعزيرية المحامي والمستشار القانوني عمرو الرافعي، أكد أنه "لا خلاف على معاقبة المجاهر بالإفطار في رمضان لغير عذر شرعي، والعقوبة الموجهة له هي عقوبة تعزيرية متروكة للقاضي لتحديد الحكم المناسب، والذي قد يختلف من قضية لأخرى تبعا للظروف المصاحبة لكل واقعة، علماً أن العقوبة الشرعية غالباً ما تكون بين الجلد والسجن أو العقوبتين معا". وأضاف الرافعي أنه فيما يخص غير السعوديين، فإنه تكون هناك عقوبة أصلية، والتي هي عبارة عن الحكم التعزيري، الذي يكون غالباً بالسجن لمدة يحددها القاضي، وتأتي بعدها عقوبة تبعية وهي الإبعاد، وتكون في عدد كبير من هذه القضايا، نظراً لأن المخالف لم يحترم أنظمة وقوانين هذا البلد، ولم يراع مشاعر المسلمين.
تكرم العزيز ياسر على رفع فيديو الندوة..... الواحد يفخر بانه يعيش في نفس المدينه مع المتداخلين حامد الصاوي، فيصل سعد، كبر، ودالمدير.. وقد تشرفنا كثير بالحضور الكريم .. شكرا لناس كالقري..
