Post: #1 Title: عديلة: أغنية مشاويرك عديلة: يا لها من كلمات و يا لها من أغنية تملك مفتاح القلوب Author: محمد عبد الله الحسين Date: 07-01-2017, 07:45 AM
06:45 AM July, 01 2017 سودانيز اون لاين محمد عبد الله الحسين- مكتبتى رابط مختصرعديلة: يا لها من كلمة تلملك مفتاح القلوبلقد فارقت الاستماع و الاستمتاع لأغاني الشايقية من زمن النعام آدم و محمد كرم الله و محمد جبارة و المبدع المنسي( و أبو عبيدة حسن)..
Post: #2 Title: Re: عديلة: يا لها من كلمة تلملك مفتاح القلوب Author: محمد عبد الله الحسين Date: 07-01-2017, 07:53 AM Parent: #1
المهم استوقفتني هذا الصباح في برنامج لا أدري اسمه لكنه يستضيف الفنان صديق أحمد. فكنت مشغول بكتابة موضوع ما.... فإذا أذني تلتقط كلمة لها مكان في الذاكرة و في التراث الشفاهي الذي زرعته الامهات و الحبوبات في ذاكرتنا الطفلة و في وجداننا الباكر ..إنها كلمة عديلة ..تلك الكلمة السحرية المفتاحية لتدخل القلوب.
Post: #3 Title: Re: عديلة: يا لها من كلمة تلملك مفتاح القلوب Author: محمد عبد الله الحسين Date: 07-01-2017, 08:00 AM Parent: #2
في لحظة من الزمن التقطت أذناي هذا الصباح كلمة عديلة من أغنية عابرة لم أركز عليها من قبل..لفتتتني كلمة (عديلة) لما تحمله من دعاء صادق و جوى التوديع و معاني الفراق..
المهم لفت نظري كلمة عديلة ملحنّة ..فأرخيت أذني لباقي الأغنية فوجدت بلاغة و حلاوة و انسياب في الكلمات فأسرعت إلى صديقنا الفيلسوف (ق) لاستجلاء باقي القصيدة .. .........................فوجدت إبداع عجيب من الشاعر..
Post: #4 Title: Re: عديلة: يا لها من كلمة تلملك مفتاح القلوب Author: محمد عبد الله الحسين Date: 07-01-2017, 08:17 AM Parent: #3
أرجو أن تقرأوا معي كلمات القصيدة: مشاويرك عديلة كلمات : عبدالله محمد خير غناء : صديق أحمد مشـاويـرك عديـلـه.. عديلة عليك عديله إن كان قصيره إن كـان طويلـه عديله عليك محـل مـا تمشـي تمشـي يـا عديلـه أبقيلـو زي الغيمـه رُشِّـي أما أنـا الهامانـي راحتـك أول شـي ليـك تأمرنـي وعلـي أمـرك بمشـي بس عليك توعدنـي مـا تطـول بيـك غيبـه وعد من أنبـل حبيـب لأجمـل حبيبـه فيـك شفـت الدنيـا قاصيهـا وقريبـه ومنـك اتعلمـت كيـف أقـدر أجيـبـه لا متين يا نومي فيـك رؤيـاي تصْـدِق ولا متين يا شوق موالي قليبـي تحـرِّق تاني جود باللقيـا يـا زمنـي المفـرِّق وتاني يا اجمل صباح في عمري أشـرِق يا حلاة العُشرة وكتين تبقي صـح صـح ويا حلاة الريده وكتيـن تصفـى تفـرح يا حلاة ليلاً معـاك مـا درنـا يصبـح ويا حلاة صبحاً معاك تكون إنت المُصبِّح في الربيع قالوا الزهـور تنضـر تفتـح يا ربيع في حضنو كـم لفانـي وارتـح صار يباب بستاني من غيـرك مكـردح غير سموم في أم شير وغير أم شير تكتح حبـك الخلانـي لـى زول مـا بجافـي وحبـك العلمنـي أنظـم ليـك قـوافـي حبك أكبر مهر لـي طهـري وعفافـي آي بحبك وأصلـو حبـك زيـو مافـي
Post: #5 Title: Re: عديلة: يا لها من كلمة تلملك مفتاح القلوب Author: محمد عبد الله الحسين Date: 07-03-2017, 11:00 AM Parent: #4
يا جماعة الخير يا مرهفين يا ذواقين و يا ذوق وينكم؟ و الله أنا ما بالحيل على الغناء من جم ... يعني عزّال شدييد... لكن الكلمة الجميلة و المعاني الراقية بـاسرني و كذلك اللحن الحنين و الموسيقى الحزينة... طيب مالكم؟ مالكم ما في زول هبّبوا لي؟ و لا زول نزل فيديو الأغنية؟ هسه كان بوست مكاجرات و شكلات و حِمِّببر عيون كان الأعمى شايل المكسر و السكة مقفولة... و المتداخلين و المتفرجين ما يدّوك الدرب ههههعههههه
يلا في انتظاركم يا رايعين يا الكلكم إحساس و جمال.. في كسير تلج أكتر من كده؟؟؟
Post: #6 Title: Re: عديلة: يا لها من كلمة تلملك مفتاح القلوب Author: اخلاص عبدالرحمن المشرف Date: 07-03-2017, 11:08 AM Parent: #5
ههههه. ما فاضيين الجماعة امس غلبني ارفع زيدان غايتو انتظر انا معك منتظرون
Post: #7 Title: Re: عديلة: يا لها من كلمة تلملك مفتاح القلوب Author: محمد عبد الله الحسين Date: 07-03-2017, 11:40 AM Parent: #6
الأخت إخلاص و الله على قولك..طلبنا و كررنا المطالبة و عيييك لا حياة لمن تنادي غايتو زي ما قلتي ننتظر . ...نعمل شنو؟ إن شاء الله نطلع بي فايدة معقول الإنية السمحة دي و الكلام الجميل ما يحرك شعرة؟؟
Post: #8 Title: Re: عديلة: يا لها من كلمة تلملك مفتاح القلوب Author: Nasser Amin Date: 07-03-2017, 11:54 AM Parent: #7
سلامات الاخ محمد و كل عام وانتم بخيرو عديلة عليك
التعديل لتصغير حجم الفيديو
Post: #9 Title: Re: عديلة: يا لها من كلمة تلملك مفتاح القلوب Author: محمد عبد الله الحسين Date: 07-03-2017, 08:37 PM Parent: #8
الأخ ناصر ألف شكر يا حبيب كلك ذوق والله تسلم يا صديق