توضيح من حاتم إبراهيم

05:50 AM June, 30 2017

سودانيز اون لاين
حاتم إبراهيم-
مكتبتى
رابط مختصر

أوجه التحية لكل الأعضاء

لا شك أن بعضكم ظل يتابع البوستات الأخيرة التي تعنى بشخصي رغم الادعاء (بعمومية) مظهرها واقصد البوستات التي تناقش موضوع المؤهلات والهوية وغيرها. فتح عضو المنبر معاوية الطيب (معاوية الزبير) قبل أيام بوست بالمضمون أعلاه، ورغم زعمه بأنه إنما يناقش موضوعاً عاماً إلا أنني بالكاد أرى ذلك نظراً للظروف التي تم فتح ذلك البوست فيها وتأكيده "كتابة" على علاقتي الشخصية بالبوست إضافة لتحول البوست إلى ذكر مواقف خاصة بنشاطي في المنبر مع محاولة ربط كل ذلك ببعض التوصيفات التي لا داع لسردها هنا. وبالرغم من صحة موقفي من النواحي المبدأية والأخلاقية والقانونية إلا أنني أرى نماذج مشرفة جداً لأناس لا تربطني بهم صلة أو حتى مجرد مداخلات يدافعون عن موقفي بطريقة أدهشتني حقاً وألجمت لساني عن مجرد التواصل معهم، هؤلاء ما ظهر منهم وأعي تماماً أن أضعافهم يعملون في الخفاء لذات الغرض، ولهم كلهم أبدي وافر شكري وعرفاني. وبالتأكيد أرى في الجانب الآخر من ينهمك في الفعل المضاد لهذا وتحري اتهام شخصي بالنزوع للسباب وهذا بالطبع غير مقبول ولا يمكن التعويل عليه نظراً لتاريخ نشاطي المعروف في المنبر وعزوفي عن ما يشين، والغرض هنا هو محاولة إدانة شخصي بتوجيه السباب لعضو المنبر (معاوية الزبير) رغم أن ليس بيني وبينه أية (ضغائن) أو (سوء قصد) أو (غبن) كما ألمح ويصر بعض أولئك. لكل ما ذكر أعلاه ولمطالبة البعض من الفريقين أعلاه بتوجيه اعتذار كتبت هذا التوضيح، فإذا كان العضو (معاوية الزبير) قد أخذ "تعليقي على أسلوب محاولته إعادة توصيف البوست تبعه والعدول عنها لبيان أن شخصي سبب رئيس في فتحه على أنها "سباب لشخصه فهذا اعتذار مني له، مع تأكيدي على وضوح عدم صحة ذلك بالطبع مالم يكن يصر على أنه مقصود في شخصه الأمر الذي يصعب اثباته على ضوء حقائق كثيرة لا تقبل الجدل.

صباح الخير بتوقيت السودان

خطوة موفقة تؤكد انك حقاني.. و قادر على افتراض حسن النية في

الاخرين. احترامي لك و لود الزبير و المشرف و الملك و كل من جعل

الوقوف مع الحق هدفه الأول و الأخير .

هسى يا حاتم ده توضيح ولّ اعتذار ولّ اعادة لتدوير البوستات المطبولة
قسماً عظماً انت الشر يمشى بقدمين

تحياتي لك يا حاتم

ولك كل الاحترام وانت تعتذر عن هذا اللفظ اللذي لا يشبه معاوية

مع تأكيدي لحقك الكامل في دفاعك عن نفسك رغم اني ادرك تماماً

ان معاوية حينما فتح ذلك البوست لا يضمر لك ولا لغيرك شراً

ولكن ربما كان كتوجيه الاخ الاكبر(بقليل يا معاوية😀)

فانا مثلاً استطيع قراءة ما يكتبه معاوية من خلال سلوكه وخط مشاركاته

لكن بالتأكيد انت غير ملزم بقراءة غيرك.

هذه خطوة شجاعة منك تشكر عليها يا حبيب

-----------

يا جلال سلامات

الرجل ذكر بالحرف الواحد جملة: هذا اعتذار مني له

فأين الشر في هذا ؟؟؟؟


تحياتي لكم ولمعاوية

يا جلال يا صديقي
قسما عظما انت من من يبحثون عن الاختلاف مع حاتم
لمجرد الاختلاف
وانا ما عارف ليه بالضبط
ياخ حاتم لم يتطرق حتى لاسمك في هذا البوست
لذا يا قول خير أو اصمت
أما إذا كنت من من يبحثون عن وسيلة لمجرد كسر عظم
فأنا حسب قرايتي شايف حاتم ده شديد ولضيض ما أعتقد
أنه بتكسر ليكم بسهولة بدون تحطيم عظام كل المصارعين
فباركوها
مادام في نفاج للمباركة

مرحب بأي بادرة صلح فالغرض من المنتديات التواصل عبر الحروف
لأغراض التوثيق أورد الحوار بين حاتم ومعاوية من بدايته حتى لحظة اعتراف معاوية بأن حاتم هو المستهدف بالبوست
معوية بالأحمر وحاتم بالأزرق

إذا تسبب أحد الأعضاء من ذوي الهويات المجهولة
بضرر مادي أو معنوي.. الخ لأي طرف آخر
من حق الأخير على الإدارة أن تكشف له (أو للجميع) هوية هذا الطرف الضار
كلام جميل جداً
ما تعريفك للضرر المادي والمعنوي؟
إذا زول شكك على الملأ في صدقية مؤهلي الأكاديمي وأحقيتي به.. هذا ضرر معنوي
إذا ترتب على ذلك فصلي من وظيفتي أو ما شابه فهذا ضرر مادي
دا كلام سليم وأثني عليه.
فمافي أسهل من إثبات الحصول على المؤهل، صاح؟
طيب، إذا بناء على المؤهل دا، صاحب المؤهل بقى يقول كلام لا علاقة له بمجال التأهيل
وتم التحاور معه هنا أخذاً ورداً وثبت أنه كاذب في حين ومدعي في أحايين
هل تصنف حالته هذه إلى (ضرر معنوي) يمسه هو؟
وكيف تصنف تأثير كلامه هذا على الآخرين؟
هل أي أقوال أدلي بها هنا ستحسب ضدي في المحكمة ؟
إذا كان كذلك فأنا عايز المحامي بتاعي
السؤال يا حاتم:
من هو هذا المحاور الذي يأخذ و يرد معي؟
هل هو مؤهل علميا وأكاديميا وعقلياً ونفسياً ليحكم على كذبي وادعائي ؟
لهذا السبب طلبنا الحد الأدنى من التعريف بهويات الأعضاء
سؤالك غير منطقي.
فالحوار يكون بالأدوات لا الشخصيات
ومن هذه الأدوات الأسئلة والحقائق والتثبيت والاستدلال والإقناع
بمنطقك دا يجب تقسيم المنبر إلى مجموعات مهنية لا يتداخل أفراد مجموعة في أخرى
إذا الطفل أشار وقال (الملك عريان) فعلى العقلاء التأمل في مقولته بأن يفتحوا عيونهم وعقولهم وليس التحقق من مؤهله
ولو داير الحجة دي من باب الدين فرسولك قال (يسعى بذمتهم أدناهم) ما قال شوفوا مؤهلاته شنو أول وعمره كم وساكن وين.
لكن يا حاتم قبل هذه الأدوات هناك أخرى أولى وأجدر وأحق:
المؤهل العلمي والأكاديمي والمؤلفات والأبحاث والأعمال التطبيقية
وبالطبع الهُوية هُو WHO
لا أولى ولا أجدر!
إلا لمن يرغب في المراوغة بحجة عدم التخصص والهروب من الاستحقاق بالتملص
الحقائق هي الأولى بالاهتمام والأجدر، ولحصول عليها يكون بالسؤال والاستدلال والتحقق
أضف إلى ذلك أن هذا المنبر غير تخصصي! لذلك سمي بالعام
مايكل فاراداي مكتشف الكهرومغنطيسية غير مؤهل أكاديمياً
غريغور مندل مكتشف الشفرة الوراثية غير مؤهل أكاديمياً
هل المذكورين أعلاه حنجردهم من أعمالهم لأنهم غير مؤهلين أكاديمياً؟
مين مؤهل عشان يناقش بيل غيتس في الوندوز؟
وهو لم يكمل الجامعة حتى.
ما فهمت اتفاقك مع حاتم على شنو، بينما هو يرفض ذكر المؤهل التعليمي!
+++
أليس من المفيد للحوار أن تعرف هوية الطرف الآخر؟
إذا كان دا مطلبك من البوست فأنا حاصل على دبلوم هندسة كهربية
وعندي شوية شهادات من مراكز كمبيوتر تجارية
وبعض الاطلاع الخاص على مسائل متعددة تهمني.
+++
أها، ناقص ليك شنو تاني من متطلبات (الهوية)
عشان تناقشني! هههههههه
طبعا يا حاتم لا أنكر إنو موضوعك مع الأستاذ الموصلي
كان من الأسباب الرئيسية في بالي وأنا افترع هذا البوست

يا حاتم كيفنك
ياخ امشي بالدرب البطابق
فيه خطوك
صوت حوافرك
يا فرس كل القبيلة
تلجمو ويكسر قناعتو يفر
يسكن مع البدو في الخلاء
ما يرضى غير الريح تجادلو وتقنعو
تحياتي لك
ولمعاوية الزبير

اها كلامى ما وقع واطا
المزيناتى .. الحلّاق .. احمد محمد عمر جابا صلعة على الزيرو
____
معاوية الزبير ما اول زول كتب عن اعلان الهوية او التأهل
قلناها و نعيد كتابتا
كل ما تحصل مشكلة بين عضوين على الاقل بيتفتح بوست عن المشكلة من اطراف اخرى
عنطكم نافذة الفيس بووك
الاستيكة اللائحة
الاس كتبت ما كتبت و مافى زول شخصن الموضوع
و نقولا تانى .. حاتم سبب من اسباب فتح البوست لكن هو ما المقصود بالبوست

طيب يا جلال
معاويه قال الكلام ده في بوست الهوية
يعني ما محتاج لعتالي يرحلوا بي هنا
ومعاوية قادر يجي يقول الكلام ده بنفسه من دون
محامي دفاع
ياخ المنبر ده غير دفاع الوكالات ما في شي مدخلو
في دوامة صراعات
وآلله صحي

سلام الاخوان جلالدونا و احمد عمر

عليكم الله ايدكم معانا نوجه البوست ناحية التصالح

و العفو والعافية .

،،،،،،،،،،،،،،،،،،،،،،،،،،

اطلب منك العفو و العافية لشخصي كمان يا جلالدونا.

ازيك يا نعمات
أنا بهمني إنه المنبر يكون ساحة آمنة للكتابة

يا جلالدونا استهدى بالله ياخي
هو معاوية بنفسه قال حاتم سبب رئيسي انت مصر تخلي الموضوع عام بالنيابة عنه !
إذا انت ما شايف كمية التحقيقات الاتعملت مع حاتم فأنا شايفها
لو ما شايف إنه معاوية ساكي حاتم في بوستين أنا شايفه
والشايفه أنا وأنت ما حتشوفه - بشوف القلب - إنه معاوية قرر ينقل معركته الاختلقها بنفسه لسوح القضاء
كل الجوطة دي كان يمكن تعتبر مناقرة عادية لو لم أشاهد بادرة اللجوء للقضاء

اها يا جلال
قنطرة
أحمد دي كويسة معاك

فتكم بعافية

تحياتي حاتم
وضيوفه
اثني نعومة
دعونا نقرأ ماهو مكتوب
دعونا نحسن الظن
دعونا دون قراءات سابقة او تأويل
تشكر حاتم

كضاب يا شيخ حاتم..ولو عملت ستمائة توضيح..!!

المشكلة يا قريبي ، انو الناس بتتصدى لظاهرة (الهاوي) القال بيها ادوارد سعيد..وقام نسى يخط معاييراخلاقية ومعرفية لمحاسبة الهاوي (شفت النجر ده ممكن يودينا وين؟..السودانيين ممكن يغالطوا ليك اجعز جعيز وبنفس منطقو)..!!

مشكلتنا الآن ظاهرة حاتم ابراهيم الكضاب المتطنقع في الفارغة..وقع ليك ولا اعيد؟..

مشكلة معاوية الزبير ، والغيرو ، انو عندهم معايير انسانية حتى الآن مافي زول بتجاوزها..!!..جيب نظريتك وواقعك وتجربتك في الدنيا الفانية دي يا حاتم ابراهيم ..واقنعنا بيها..!!

انت قاعد تسب الناس وتتطقنع عليها في الفارغة الغير المؤسسة..يا حاتم..!!

بالحساب يا حاتم..انت شنو وليه بتسب الموصلي ومعاوية الزبير..وغيرهم..؟..

بيني وبينك..الموصلي حاجة قاعدة قدامي ، وممكن بكرة اقوم اصلو في محلو اقبقبو زي الترتيب وكذا معاوية الزبير..لكن حاتم ابراهيم ده حاجة ما بعرفها ولا بقدر امسكها..لا تجربة ولا نظرية..اللهم الإ علف من حصول الناس الإخترعت الشبكة العنكبوتية..!!

اهو امير بوب لمن اتذكر انو انسان سوداني عادي..جاب ليهو سكة ممكن الناس تغالطو فيها زي الترتيب (حنين في ظاهرة اجتماعية صفوية)..يعني لو ما عرفناهو بنعرف الناس العاش في زمانهم..يعني نظام تجربة وتجريب بالباب العديل..!!

ناس الكهربا وخريجي الكهربا ، سواءا كانوا ناس دبلوم او بكالوريس او ماجستير او دكتوراة بنحترمهم..بنشوفهم قدامنا يا حاتم.. شوارع مدينة الدلنج الصغيرة..انارتها واضاءتها ..ببوردات اشعة طاقة شمسية..واقعة قدام عيوننا بنشوفها ليل ونهار..والزول الإخترع الفكرة دي سوداني وعندو دبلوم كهربا من الجامعات والمعاهد السودانية..!! وقاعد قدامنا وممكن عادي نقبقبو من لياقتو ونقول ليهو عينك في راسك..!!

اين حاتم ابراهيم؟..

اشجع زول قالها على بلاطة هو صديقنا ..حمد عبد الغفار (انو الجواز بتاع المعيار عند بكري ابوبكر..جايز عادي يكون جواز زول ميت أو ايدنتتي سيفت بكلامنا نحن ناس نورث امريكا..!!)...

انت ، يا حاتم ، شغال تستطيح وتجهيل وتسويف وخستكة بفكرة المعرفة وانتاج المعرفة..بالباب العديل..باقي ليك داير توضح شنو بالضبط؟..

حننتني ببوستك بتاع (مايكل جاكسون) يعني داير تقول لناس الموصلي: يا جماعة انا زول صغير ساكت..؟..

في سبيل الـــ
Damage Control
المحنة مش في حاتم ابراهيم وتوضيحاتو..المحنة في الهدر الثقافي والمعرفي..العامل فيها يا مؤمن يا مصدق انو حاتم ابراهيم بتاع معرفة وثقافة كمان..!!!!!!!!!

قلتا لي توضيح؟..
انتا قايل البوستات المتناسلة دي طريق معرفة حقة؟..

كضاب يا حاتم..وستين كضاب..!!

ضحكت لمن اخونا المهندس محمد عبد الله مختار ، فتح بوست ، قبال يعدل المصلاية..دخلوا عليهو ناس ابو ريش وزين العابدين (الحليلة) وبريمة..وشباب اخرين زي الورد.. ناس قاعدة قدامنا يا حاتم..وممكن نقدر نصلهم زي الترتيب..!!


تجريب ساكت..تجربتك شنو ، كهاوي ، في المزيكا والكمبيوتر؟..

الحتة دي ضرورية عشان اعرف الزول البيغالط الموصلي هو شنو بالضبط؟..

اعمل توضحيات لغاية يوم القيامة العصر..والسؤال حارسك: تجربتك ونظريتك ودروسك شنو في المزيكا البتخليك تتطاول على الموصلي وترهاقا وباقي ناس المزيكا السودانية البنعرفها؟..

لا يغرنك نقة الناس الطيبة البتسال عن مؤهلات وتقوم ترش ليها: موقعي معروف وعندي دبلوم كهربا وشوية كورسات في الكمبيوتر..!!

جيب نموذج واحد فقط يا حاتم ابراهيم ، بيوضح انك شغال مزيكا ، ياخي ان شاء الله في الحمام ساكت؟..بخلاف ذلك..اخير تقعد معانا في التراب..وتحترم نفسك..عشان الناس تحترمك..!!

ما تزعل من التطويل في المداخلات..انا بكتب من كمبيوتر ومقالات محفوظة..ومافي مانع تب يا حاتم ممكن تتطفل عليها (زي حكوة صورة بروفايلي) وتشطبها وتلخبطها زي الترتيب..لكن ذاكرتي الفي دماغي ..عمرك ما ح تلحق تطولها..!!..كلام كعب مش؟..
بعد التوضيح المزعوم بتاعك: نفرك شنو يا حاتم في المزيكا وغيرها؟؟..معليش خدنا على قدر عقلنا المافيهو مخ كما زعمت انت من قبل ، او ناس جامعة الخرتوم بتاعين الحفظ كما زعمت انت عبر ناس الفيس بوووك واحدين؟..




كبر

يهدو من الرف يطلع في القمبور..
------------------
في مساحات اوسع واجمل عشان تتمدد فيها يا حاتم
لي شنو مصر تجر الشكل وتعمل آكشن مافي محلو
موصلي الخواض واحد في الموسيقى والتاني في الترجمة
معاوية الزبير حدك معاه شنو !!!
ومنو في لستتك تاني !!!!

بصراحة انا شخصيا شايف لعبك مع الموصلي كان فير وعلمي ومع الخواض كان علمي لكن ما فير اما مع معاوية الزبير كان لا فير لا علمي عكلتة من امها فقط ..

اكن لمعاوية الزبير محبة جارفة ولي حاتم ابزمبارة نفس الاحساس وعلي الحلف لو شايف موضوع معاوية الزبير يستاهل هذا التدوير والعكلتة لدعمتك لكن القصة ما جديدة بتاعة الكشف عن الهوية فما تقعد تتلايق ساي
تبا لك يا اخي ...

للتوضيح
حاتم ما عمل بوست في معاوية يبدأ بيه الشكلة
معاوية هو العمل بوست في حاتم
ثم سكاهو في بوست تاني عاملو صاحبو

عشان تكون الناس فير

العزيزة نعمات
ايدنا يمين الله فوق ايدك لو كان المقصد خير
لكن عاينى ده
دى اول سطور فى مداخلة اخونا احمد محمد عمر
مرحب بأي بادرة صلح فالغرض من المنتديات التواصل عبر الحروف
***** لأغراض التوثيق
أورد الحوار بين حاتم ومعاوية من بدايته حتى لحظة اعتراف معاوية بأن حاتم
هو المستهدف بالبوست **** معوية بالأحمر وحاتم بالأزرق
و دى اخر سطور المداخلة بلسان معاوية الزبير
طبعا يا حاتم لا أنكر إنو موضوعك مع الأستاذ الموصلي
كان من الأسباب الرئيسية في بالي وأنا افترع هذا البوست
و براك شوفى الفرق بين انو يكون واحد من الاسباب الرئيسية و اعتراف معاوية
بأن حاتم هو المستهدف بالبوست .. ركّزى على الكلام البين النجمات
شوفى التفسير المخل ده و تحميل الحاجات ما لا تحتمل
يا اختى نعمات .. ده نفس التفسير المشى عليهو حاتم .. شخصنة المشكلة ..
و بى كده عايز يمشى الناس فوق العجين و ما يلخبتوهو
____
يا ابوروضة
اول حاجة شوف العتّل كلام معاوية منو
تانى حاجة
شوف الجاب سيرة معاوية شنو
لو فى حاجة ممكن تمسكا علىّ قرايتى للتوضيح المجلام ده
انو اعادة تدوير للمشكلة فقط لا غير
احمد محمد عمر ما قصّر تب
جاب عدتو و زيّن البوست بى كل مداخلات معاوية
و اساس مداخلتى دى فى التعليق على تفسيرو لى مداخلة معاوية
كتوضيح للاخت نعمات التى افترضت حسن النية فى هذا البوست
ف شنو يا حبيب انا ما قاعد ادافع عن معاوية
انا بدافع عن وجهة نظرى فى هذا البوست
وقع ليك
____
هيثم يا غالى
مش ده كلامك
لكن بالتأكيد انت غير ملزم بقراءة غيرك.
بى نفس الفكرة انا ما ملزم اقرا البوست بى طريقة قرايتك
انت شايفو اعتذار
انا شايفو غير
اعادة تدوير للمشكلة
و احمد محمد عمر ما قصّر تب

احمد محمد عمر تبا لك
تخير لمواقع الآكشن مواضيعه ..ما كل بوست بتخلق ليه آكشن بالغصب ..
مع مودتي يا لايوق😂

أقسم بالله يا علي الموضوع لا آكشن ولا فراغ مني
الموضوع دفاع عن حرية الكتابة
الموضوع كيف نتحاور اخوان بدون ندخل البوليس وسطنا
الموضوع إدانة لأمثالك البكبروا اللفة من استدعاء القضاء بواسطة صاحبهم
استدعاء السلطات القانونية أثناء الحوارات دي أسوأ عائق للحوار ولطبيعة المنتديات

ببساطة دي طبيعتي كدة ودة خطي في المنبر
لو حسيت بي إنه في زول اتظلم ظلم بين والأخوان ما أنصفوهو بكفكف وبدخل نص الشكلة


________
تعديل سوء فهم

يا جلال
محمد أحمد عتل كلام معاوية رد على دفاعك عن معاوية
بعني بعد انت جيت دافعت عن معاوية
وما كان محمد حيعتل كلام معاوية الرد بيه على دفاعك
يعني عتالة محمد أحمد عمر ما جات من فراغ
ثانيا
انت لا ترى في هذا البوست اعتذار
وانا شايفو بادرة حسنة لتخفيف حدة الاختلاف في هذا المنبر
وانت يا جلال غير معني بالبوست وبالتالي
من المفترض تترك التقيم للشخص المعني
أن تأتي مشاركتك قبل معاوية الزبير وبهذا
التحامل الواضح على حاتم
ده يا جلال اسمه صب الزيت على النار لا أكثر
ومحاولات قمع لحاتم
ياخ بأمانة
الحملات الشرسة البتقودوها ضد حاتم دي مخجلة
ومستفزة والصمت عنها بدخل الأعضاء في دائرة
الجبن
فاتركوا حاتم ما ترككم

يا ابو روضة لى تانى مرّة بقول ليك
مداخلتى الاولى تعليق على كلام حاتم
انو ده ما اعتذار و لا توضيح
ده اعادة لتدوير البوستات المطبولة
دى وجهة نظرى فيما كتب حاتم
وين دفاعى عن معاوية هنا
مداخلة احمد محمد عمر مستقلة تماماً عن مداخلتى و لا علاقة لها بها
و كويس انو رجع عن تفسيرو الاول انو المستهدف حاتم
ثم انو من وين اكدّت انو معاوية الزبير ح يشارك فى هذا البوست
مش يمكن ما يدخل البوست ده كلو جلو
و وين التحامل فى مشاركتى
قرايتى انو الزول ده شر يمشى على قدمين
بالمناسبة باقى مداخلتك دفاع عن حاتم
و فيها شبهة تجريم لكل من اعترض على مواقف حاتم الاخيرة
لا تنه عن خلق و تأتى بمثله
باقى بيت الشعر عارفو ود البشرى
ياما اديناهو على راسو لامن قال الروب
عمرو ما قال انتو مستهدفنى
تحياتى ليهو
و دليلى مداخلتو الاولى فى هذا البوست

اسمع يا جلال
معمعتكم دي ليها أكثر من شهرين
شفت لأبو روضة دفاع عن حاتم أو اصطف أو صفق لواحد فيكم
مع اني متابع جيد لكل البوستات الكتبت هنا
وحتى تلك التي تم حذفها
والآن حتت انا بدافع عن حاتم دي ما عايزه ليها شرح منك
كوني أدافع عن عضو هنا وحقه في الكتابة وإبداء رأيه لا يعني بأنني اتفق معه
كوني أرفض البوستات الكثيرة التي تنشر هنا والتي تستهدف عضو واحد لمجرد إبداء رأي ومعرفة
ده من حق أي عضو هنا وليس أبو روضة
هنا انحنا يا جلال ضقنا مرارة الشلليلة والاصطفاف والتكالب
على العضو بمفهوم الشلة
وتم ايقافنا وتخفيض مشاركاتنا ليس لشي فعلناه
غير التدافع من أجل اساكتك
بعني ما يحدث هنا ما جديد إطلاقا
وحسب رويتي على رفضه بكافة الوسائل
ياخ مبروك عليكم كلكم اتحولوا لموسقيين ومختصين وناس موسيقى
وفقها تبرير على الله بكرة نشوف طبيب ليكم اختلفوا معاه هنا
أبقوا بتاعين جراحة
ثانيا
افترض انه معاوية الزبير ما حيدخل البوست ده انت ما مكلف للدفاع عنه
كل الاعضاء هنا عارفين رأي معاوية
وملخص حوارات بين حاتم ومعاوية
ثالثا
قلت ليك للمرة الألف يا جلال مداخلتك شترا
وما ليها تفسير غير صب الزيت على النار

طيب يا جلال اذا انت شايف انك غير ملزم بقراءة غيرك

ليه عايز تلزم حاتم بقراءتك انت لي بوست معاوية

Quote: و كويس انو رجع عن تفسيرو الاول انو المستهدف حاتم

منو الرحع دة ؟

والساقية لسسسسسه مدورة ...
ساقيتنا لسه مدورة ...

دي بور الشلليلة والاصطفاف والصحوبية
المعيقة يا Haytham
وده في الأساس سر الهجوم الشرس على حاتم
حاتم لا كفر ولا سب ليه نبي
عضو اختلف مع أعضاء هنا ومن حقه أن يختلف أو يتفق
ومن حق الآخرين يتفقوا ويختلفوا معه
ولسنا مجبرين على البصمة لحاتم بالعشرة أو غيره
شنو كل يوم بوست لحاتم
وكل يوم شلة ترحل وتقتبس
وتتفنن في التبرير لتدوير المعمعة
يعني هسي لو ما الشلليلة والضيق من الرأي الآخر
البلد دي ما فيها شي بحرق الروح غير الاختلاف في الموسيقى
والجملة الموسيقية والسوناتا وغيره
ياخ السودان ده الموسيقيين إلفيه وصلوا درجة العالمية وما حد
يفوق علمن افترضنا وهم الجدعو الفن الراقي حول العالم
وبتهوفن نفسه سوداني
والأطباء برضه
والأدباء والمثقفين والساسة هم الأسسوا النظريات الاقتصادية والاجتماعية
وهم الركبوا جناح الطيارة
اها غيرنا شنو
ماياها البلد البقتل ناسه الكوليرا
وإنسان البلد الممكن يموت لمجرد خطأ طبي
والسياسي الممكن ينبطح
والموسيقى البعيد إنتاج خال فاطنة
والعجاج البكتح
ويانا انحنا الما لينا غير إنتاج الخيبات وما يحدث هنا
انعكاس طبيعي لخيباتنا على أرض الواقع
لا أكثر

دي بور الشلليلة والاصطفاف والصحوبية المعيقة يا مكرر

حولااااا
آمنتو بي الله

احمد محمد عمر سلمات يا صاحب

تعبير تكبير اللفة دا اظنك قلتو لي في بوست قباني وانا ما فهمتو في سياقو زي ما بقولو

لكن بعد كلامك لي علي دفع الله هنا فهمتو

ابداً يا حبيب انا ما كبرت اي لفة بل قلت رايي وهو حرية حاتم في الدفاع

عن نفسه وحرية معاوية اذا احس بانه مسه الضرر من كلام حاتم

انا بصفة شخصية اختلفت مع حاتم في توصيف معاوية بالكذب وذلك

لانو انا استطيع قراءة ما بين سطور معاوية مقروء مع شخصيته وصفاته

وذكرت اني لا استطيع الزام حاتم او غيره بهذه القراءة وقلت ان كل القرائن الحرفية

توحي بما ظن به حاتم .

لذلك يا محمد انا رايي في الموضوع ككل هو سوء تفاهم من الدرجة الاولى


عموماً بما ان بوادر التصالح بدأت تظهر

اضم صوتي لود ابسن ونعومة ودعونا نتغافل عن الشوك ونركز على الورود


تحياتي

ما تاخد الكلام شخصي ليك يا هيثم
كبر اللفة معناها زاغ من الرد

انا زيك ممكن أكون مع حرية معاوية إذا أحس بإنه مسه الضرر
لكن بشرط ما يكون هو المتعدي والمساكك من بوست لبوست
ما ممكن تكربن زول وتخنقه بالاتهامات والأسئلة وتخليهو في حالة دفاع عن نفسه ثم تتصيد كلمة قالها لإقامة دعوى قضائية
علماً بإنه الزول دة ما عندو بيك شغلة ولا ساءلك انت البتقابض فيه
أنا قلت البتصدر للحوار يكون قادر عليه موش أول ما يتزنق يقول نكمله عند وكيل النيابة .. ما تنادي زول لحوار انت ما بتقدر عليه

ثانياً
انت عارف ادخال السلطات القانونية في حوارات المنبر يعني شنو !
عارف إنه أغلب الأعضاء ديل مقيمين في الخليج الممنوع فيه الكلام في السياسة!
عارف إنه عندك زملاء هنا محبوسين بسبب تسريب نشاطاتهم السياسية للسلطات السعودية !


هتفت في يوم (الجامعة جامعة حرة والعسكر يطلع برة) ولا زلت مصر على إننا ممكن ندير حواراتنا بدون بوليس
الزول المتضرر يا هيثم يعرض قضيته أمام رفقاء الحوار ويشوف بينصفوهو ولا لأ لكن ما يدخل بوليس
قبل كدة عضو أساء لرشا شيخ الدين جبريل تم سلحه داخل المنبر لمن مشى يتجرس في المنابر والتانية ويتبكى ويعتذر لآل شيخ الدين
دي سلطة الكلمة البنسعى ليها لما نشارك في المنابر .. ما سلطة القانون

عامل فيها محامي البورد على وزن محامي للحكومة😂😂
هسي حاتم الشرير دا داير ليه محامي 😄😄
--------------------
شوف يا صديقي احمد م ع قصة القضاء و إستشارة المحامي دا كلام بتاع زعل ساي من معاوية الزبير وانا وصلت لي رسالة معاوية الزبير في الحتة حسب فهمي انو وصل مرحلة بدل ما يقول لي حاتم فك او شيت او ابو اهل اللخلفوك استعاض منها بي حتة القضاء ومش القضاء على طول بل بعد استشارة المحامي فمن وجهة نظري وتحليلي لموقف معاوية شفتو انو ردة فعل لحظية فقط عشان كدة كبرت اللفة .
لايمو الموضوع بلييييز ما تقعدو تكترو من الانبثاق .
وشكرا

يا احمد كدى انت استهدى بالله ده كلامك فى صدر اول مداخلة ليك
أورد الحوار بين حاتم ومعاوية من بدايته حتى لحظة اعتراف معاوية بأن حاتم هو المستهدف بالبوست
و التانية نجيبا ليك باللخدر عشان بحب اللخدر و بنيت عليها كلامى
يا جلالدونا استهدى بالله ياخي هو معاوية بنفسه قال حاتم سبب رئيسي انت مصر تخلي الموضوع عام بالنيابة عنه
ده انا بعتبرو تراجع .. تعال لى بى وجاهة اعتراضك على الحتة دى
_____
هيثم يا غالى ... وين انا ألزمت حاتم بى قرايتى
كلامى محدد و واضح
لا اعتذار فى مداخلة حاتم ..
كحالة عامة تخص المنبر دى عادة هنا
كل ما تحصل مشكلة بتفتح بوستات لمناقشة المشكلة دون قصد لاصحاب المشكلة
الدرويشة بت ضياء مثالا .. بالتأكيد اطراف المشكلة كانو حاضرين
لكن النافذة و استغلال بعض العضوية لها كانت الفكرة الاساس
يعنى معاوية ما ابتدع بدعة جديدة
كلام معاوية واضح حاتم سبب من ضمن الاسباب الرئيسية
وين بقية الاسباب فى كلام معاوية
و ليه حانم مسك فى جزئية و شخصنا و ترك بقية الاسباب التى تفيد التعميم
ثم تعال هنا
جيب لى مداخلة ألزمت حاتم فيها بى قرايتى
___
ابو روضة يا حبيبى
ممكن تروق شوية

فلتمضي مسألة البوست لغايتها الكويسه ولكن ..

أنا عندي سؤال واحد لابوروضه ..
اتمنى الاجابة عليه هنا في هذا البوست ..
ولن اقوم بالتعقيب عليها حفاظا على مسار البوست ..

هل انا محمد حيدر .. واحد من الناس القلت عليهم انهم بقودوا حملة مخجلة ضد حاتم ؟!

وانا يا محمد حيدر المشرف عير ملزم بالإجابة على السؤال
انا أتحدث عن حالة تعم هذا المنبر
منذ شهور
وكمتابع ركب المساطب طيلة هذه الشهور من حقي
اقول رأي يحتمل الخطأ والصواب بلا شخصنة

وانا يا محمد حيدر المشرف عير ملزم بالإجابة على السؤال
انا أتحدث عن حالة تعم هذا المنبر
منذ شهور
وكمتابع ركب المساطب طيلة هذه الشهور من حقي
اقول رأي يحتمل الخطأ والصواب بلا شخصنة

وانا يا محمد حيدر المشرف عير ملزم بالإجابة على السؤال
انا أتحدث عن حالة تعم هذا المنبر
منذ شهور
وكمتابع ركب المساطب طيلة هذه الشهور من حقي
اقول رأي يحتمل الخطأ والصواب بلا شخصنة

مع وافر احترامي لكل الاخوان اقول

قولوا خير ....

لا انكر ان هدفي مصالحة حاتم و معاوية الزبير عاجلا غير اجلا .

اري في حاتم انسان طيب يهمه تعزيز ثقته بمن يحاوره لان ظروف

ايقافه لم تكن واضحة.

معاوية الزبير لا يحتاج لتعريف و ظروفه الصحية معروفة للجميع

ولو كنت لا قدر الله عندي ضمادات و مسامير و علاج طبيعي امكن

اقول امكن كنت انفعلت و جبت سيرة المحامي هههه.

المهم يا احمد محمد عمر انت ماشي صلاة الجمعة الساعة كم ؟

عشان جلالدونا يمشي ينوم مسافة الناس الطيبة دي تتصالح .

يا علي دفع الله سوّق الجماعة ديّل واجرو
ود الفحل عندو بوست إسمو زول جميل من بلدنا
وحات الله ما فتحتو عشان أشوّف فيهو شنو لكن
أكيّد بيلهيكم لحدي ما الجماعة ديّل يِتعافو ...

Quote: يا صديقي احمد م ع

بصرآحة محمد عمر،
أنا ما شايفا مُرهقة للدرجة دي !...

Quote: المهم يا احمد محمد عمر انت ماشي صلاة الجمعة الساعة كم ؟

الليلة داير اجرب صلاة البيت

دي مشكلتي معاكم يا علي دفع
الراجل كتب كلام واضح وضوح الشمس
وما جاء برره ولا كتب حرف بعده
انتو غالبكم تقولوا البغلة في الابريق وبتبرروا ليه بسبب الصحوبية

Quote: المهم يا احمد محمد عمر انت ماشي صلاة الجمعة الساعة كم ؟ عشان جلالدونا يمشي ينوم مسافة الناس الطيبة دي تتصالح .

طيب يا احمد
الراجل كتب ياتو من ديل
انو مستهدف حاتم شخصياً
ول ًكتب
حاتم سبب من ضمن الاسباب الرئيسية
عشان نسك البغلة و نخليها تخش الابريق براها

يا نعمات
لو الشلة بتدخل الضل انحنا دخلنا
وشكرا المساعي الحميدة
تحياتي لكي ولكل ناصح ومتناصح

الجنا اب زُمبارة دا كان ما سوالو مُصيبة ما بيرتاح . والله صحي .

بصرآحة أنا من شِلّة معاوية الزبير، لكن البوست دا لو حاتم ما قاصد مِنّو
الإعتذار (ولا أعتقد) فأنا أحمله علي محمل الإعتذار دون تردد .

شكراً حاتم ...

هههه
حتومة ابزمبارة
الحنك شنو في البوست
مامن عرفناك ياهو شايت ضفاري وبتعوق في الناس وانت ماشي
لا يوم وقفت قلت اعتذار لا قلت احقاق حق ...!!!
اها الجديد شنو

جلال

انت قرايتك لي بوست معاوية زي قرايتي انا ليهو يعني ما مختلفين

وهي انو معاوية فتح البوست لموضوع عام وحاتم واحد من اسباب فتح البوست

انا وانت قراءتنا لمعاوية انو مستحيل يضمر الشر لأي شخص

لكن حاتم غير ملزم بهذه القراءة ليه؟؟

لانو ذكر انو في بوست محزوف للموصلي موجه لشخص حاتم واتداخل فيهو معاوية

وكانت مداخلتو بتحمل نفس مطالب البوست الاتفتح بعد تلاتة ساعات من هذه المداخلة

اذاً هنا من حق حاتم يظن بما لا يدع مجالاً للشك انو هو المقصود بالبوست

حاتم قرأ البوست حرفياً بعيد عن صفات الكاتب او اتجاهاته لانو دي حاجات لا تعنيه

كل ما يعنيه هنا انو يواجه محاولات لتجريمه (حسب تعبيره) لذلك عليه ان يقرأ الاحداث كما هي ودا حقه

اها يا جلي بعد كل ما ذكر اعلاه يبقى اصرارك على انو ملام معاوية واضح وحاتم شخصن الموضوع

من تلقاء نفسه دا في حد زاتو محاولة لالزام حاتم بقرائتك انت وفهمك للموضوع


اها كدا وقع ليك😁

الفحل هههههه يا ود المدير بذكرني صاحبي اسمو مجاهد عامل فيها شاعر وكل يوم يقرينا نص في الاول كنا بنجاملو بعد شوية كتر علينا المعط فوريناه انو البعمل فيه دا ما عندو علاقة بالشعر تتصور اتجاوزنا وبقى يسال ناس تانيين في النهاية وحات النبي قرض الشعر جننو بس هسي بقى كويس
انا خايف على الفحل قريبك دا 😂
احمد عمر شنو معلق في حتة صحوبية دي شوف ليك مدخل تاني ممكن تلقى فيني فرقة تدقني لمن اقول الروب لكن وحات النبي معاوية الزبير وحاتم ابراهيم معزتهم متساوية عندي واتمنى التقيهم ..
فياريت تشوف ليك حتة تانية غير حنك الصحوبية دي .
الآكشن في غير محلو ببقى متعب اتمنى انك تتلاشى او تسعى للتقارب في الموضوع المستحمي دا ..
امش صلي الجمعة واقراء ما تيسر لك من سورة الكهف ولك الجنة 😃

يا جلالدونا سبب رئيسي ياها ذاتها استهداف
ولو ما استهداف ما كان سكاهو في البوست التاني

البغلة هدييييك ليها
واحد بدخل القضاء في حوار هو مبتدره .. وبس

داير فيكم زول يقول أنا ضد إدخال القضاء في حوارات المنبر ومعاوية غلطان في الحتة دي
صعبة شديد كدة ؟؟!!!

سلام يا احمد
إدخال القضاء في حوارات المنبر
معاوية ربما قال الكلام ده على سبيل المزح
واكيد بتعرف ذلك من طريقة كتابتو في المنبر
اتمنى ان لا يكون هناك اي سوء فهم بينه وبين الاخ حاتم
تقديري ليهم الاثنين ولك

يا أحمد محمد عمر وِكت أصلك ابيّت تصلي
امِش نوّم ...

يا حيدر انتو بتقولوا (ربما) وبعديها بتجيبوا ليه تبريرات ما قالها ولا أشار ليها
دي مشكلتي هنا في الـ (ربما) دي .. موش ممكن تكون في (ربما) تانية معاكسة بتجي معاها أمر قبض؟!
ليه نربمها وسيدها قاعد ممكن يحولها لي (قطعاً)



______
خلاص ماشي الصلاة يا مدير
هسة اجي راجع القاهو مطبول

لا والله ماتبرير ولا حاجة
حتى حاتم يتفق معي في تفسيري ده
معاوية لايحتاج لنبرر كلامه لأني بعرف قصده تماما
-
رد لي بعد الصلاة عشان ما اشيل ذنبك لو فاتتك

روقو المنقة ياخ
خلو حاتم يرد لينا
نحن ناس باركوها
خلو حاتم يرد
وخلو معاوية يرد
مستفتح البوست
والمقصود
معقولا ياخ
ترد نيابة عن الزول وتصف التاني شللية
وداك يرد ويصف التاني شللية
انا غايتو راجي حاتم يرد لي
يا يقول لي شكرا
ولا كو

شوف يا احمد
كوبس وصلت معانا يى حتة سبب رئيسى
لكن وين من ضمن الاسباب و اقوليك برضو اسباب رئيسية كمان
غايتو تحب السواقة من الاضان زى عيونك
____
يا ود المدير ياخى فى بوستيك بتاع المقنطرين
ممكن تجهز لينا غرفة فى الدو ال 55 بى
بلكونتا و فوق درابزينا قاعدة وقاية جبنة
خت لى احمد ده فوق الوقاية دى
ما محتاج شوت محتاج بس لى اففففف و بالنخرة كمان ما بالخشم
و عينو ما تشوف الا النور
هو و وشوشو الضاحكة دى
___
بالمناسبة وين سيد البوست ... فتاها و زاغ
غايتو زول بتاع فتنة بشكل

Quote: خلاص ماشي الصلاة يا مدير هسة اجي راجع القاهو مطبول

خلآس ركّز في الصلآة ما تركّز في الطبلة عشان الخشوّع ؤ كدي،
وإنت يا جلالدونا أمِش إتخمد ؤ بعد تصحى من القون للقون ...

يا جلال ممكن سؤال
هو انتو كم الوصل معاكم محمد لحتت سبب رئيسي دي

أكشن
أحد الأعضاء جاء داخل في الاختلاف ده بي قدرة قادر
شكله تم استدعائه

بعد ما حاتم دخلوا فرن من الأسئلة المنطقية الفعلن محتاجة
لإجابات
اتضح انه ما متابع .
وكب الذوقة
ولم يفتح الله عليه بالإجابة على سؤال واحد
الشوت الضفاري لزومو شنو
وشي كريه لما تتساقط الهامات
ويا ريتني لو بعمل كوبي بوست لأفران حاتم
لكن برضه اتقنطرت تاني
الممطورة الما بتبالي من الرشة
موعدين بالفرن
وداك ياهو الزيت حايم
بس اوعى الذوقة لو تم تدوير الأسئلة
وترانا حضور

Quote: يا جلال ممكن سؤال هو انتو كم الوصل معاكم محمد لحتت سبب رئيسي دي

في اللوّل جاوب لود المشرف يا عمّك الحكاية بالدوّر عشان
ما تفتِل البوست ...

يا ود المدير
زي ما قلت لود المشرف وشرحت من خلال البوست ده
انا بتكلم بواقع متابعة وقراية لتطور هذا الصراع
منذ إيقاف حاتم الأول
الي عودته الأخيرة
وما ملزم للإجابة على أي سؤال يقود وما يمكن أن يفرذ
صراع جانبي
من رأي في رؤية أبو روضة أمر يخصه فهذا شأنه
أما الحديث بلغة المجموعة واتفقت معانا واختلفنا معاك
أمر يستدعي الانتباه والسؤال
انا والله شوف يا ود المدير لو اتطورت الموسيقى بقينا يشار
لينا بالبنان الموضوع ده ما يهمني كتير
وشايفو من ضروب المستحيلات في ظل الواقع المذري
ولو انحطت وصلت إلي أي مستنقع ما شايف ده شي غريب في زمن الانحطاط ده
لو انتصر حاتم ما حياخد كأس الاجتهاد والتفرد
ولو انتصرت مجموعة الموصلي برضه ما حيضيفوا شي
كلمة حق نقولها
ما يحدث منذ شهور استهداف مباشر لعضو إبداء رؤية ودافع عن نفسه
كغيره من الأعضاء
وبالتالي تسليط الضؤ على هذا الاختلاف وجرجرته وأطالة عمره
لا أرى له أي وجاهة
غير إيقاف حاتم وإرجاعه من حيث اتى
وهذا البوست ومشاركة جلال الاستباقية وغيرها من مشاركات أكبر دليل وسند لما
قلت به
فما تجرفوا لينا البوست في حتت أبو روضة ما جاوب على ود المشرف
لو جاء البوليس الدولي انا ما بجاوب وما أعتقد هناك من يجبرني على الإجابة أو الانجرار إلي انا وانت
ومن أراد التأويل فمرحبا بابه مفتوح

أس المشكلة وسبب البلاوي الحصلت دي كلها انه هناك بعض الأعضاء ..
بالذات القدامى منهم مفتكرين انه المنبر ده حقهم وبيفتكروا إنهم بي أقدمية ..
أو بي علاقات اجتماعية أو بي شلليات أصحاب / أو توافق رؤى سياسية ,,
أو بي أي وسيلة تانية إنهم حيقدروا يفرضوا سطوتهم على باقي الاعضاء ..
ودي مصيبة كبيرة جداً...

الحصل ده كله بسبب الشلليات ومحاولات التسلّط على الأعضاء ..

طيب،

أنا صراحة يادوب اطلعت على أول عشرة مداخلات وشايف محاولات إضافية لجرجرة الموضوع من أفراد جدد
والبوست عنوانه (توضيح) هذا التوضيح شمل وصف المشكلة واعتذار للعضو المعني عن سوء فهم عباراتي
هذا مبين في الفقرة الأخيرة وليس أوضح منه إلا النص الذي يؤكد استهدافي في البوست مثير المشكلة

لم أتوقع أن ينفتح النقاش والاحتجاج مرة أخرى هنا، فهذا البوست غرضه واضح
كان بإمكاني المواصلة في البوستين إلى أي حد قانوني مسموح به
ولا احتاج لإعادة التدوير، فأنا من طلب تجميد البوست الأول
ضماناً لحقوقي القانونية، إذا تطور الأمر.

حقوقك القانونية محفوظة يا حاتم..

طيب رأيك شنو في حقوق الأخرين القانونية ..زي يوسف الموصلي ، ممن ترتكب في حقهم افعال تصل لحد اركان الجريمة القانونية الكاملة؟..

ح توضح شنو ولا شنو يا حاتم..؟..

كبر

ذهب الظمأ وابتلت العروق ... ولا هو بقولوا شنو بعد صلاة الجمعة؟

داير اقول للجميع أنا ما بدافع عن حاتم
وما عندي أي مشكلة مع الحوار الدائر حول المهنية والمؤهلات وغيره ولا عندي فيه إلا رأي صغيروني حول المؤهل قلتو زمان ومشيت لحال سبيلي
وما شايفو حوار منتج ولا كنت داير اتابعو ذاتو .. كنت شايل مرتبتي ماشي على ناس حبوبة ونسيني شايفهم مستضيفين الفحل
لكن بس شفت أمر القبض نزلت مرتبتي معاهم
أنا كل مشكلتي في العسكري الشايل أمر القبض وواقف في باب المنبر

مافي زول ماسك كيبورد حاتم ولا معاوية ولا قاعدين نرد بالنيابة عنهم

يا حيدر الزول كتب كتابة واضحة قال عاوز يلجأ للقانون وحاتم قال ليه خير
كيف تقول لي قصدو ما كدي
وليه ما جاء هو قال الكلام دة !
أهو دة نحن من أمس شغالين مظاهرات ضد بوليسه دة مالو ما جاء قال لينا دة تمثال ساي ما بوليس جد جد !
ما ملاحظ إنكم بتعتذروا بالنيابة عنه وفي نفس الوقت أغلبكم بطالب حاتم باعتذار واضح من كيبورده !

Quote: ذهب الظمأ وابتلت العروق ... ولا هو بقولوا شنو بعد صلاة الجمعة؟

نعم بنقولها بعد الصيام أرجوا التركيز مع البوست وترك الاستهتار بالدِّين


/------
كان في وجه ضاحك في الاقتباس بس ماظهر معاي

اعتذر عن وعدي بعدم التداخل مرة أخرى ..

فقط والى ابوروضه ..

أنت اخطات في حقنا .. وأحدد معاوية والملك وأنا .. لما دمغتنا بادارة حملة مخجلة في الضد من حاتم .. دمغتنا بالعموم ولم تذكر أسماء ولكن الموضوع هنا يدور حول بوست معاوية وبوستي عن رأى الملك .. الكلام هنا يدور حولنا نحن اصحاب البوستات ذات الصلة .. لو تريد ان تضيف زملاء منبر آخرين فانت وشأنك .. ما يخصني هو المباشر الذي أمامي

وقف معاوية موقفا يحتمل عمومية الطرح على العكس تماما من موقفك هنا .. ومن بعذاك اجاب بشجاعة عندما سئل.. وللمفارقة فان ذلك ما تنقمونه على معاوية ..

المهم ..
الكلام ده غلط ..
لم نقم بادارة حملة اصلا ..
ولو ادرناها لما كانت لتكون مخجلة لاننا ما بنسوي الشين
اتمنى ان تعتذر عن الكلام ده بعدما قمت بحذفه بالاعلى..
أو تنفي كوننا المقصودين
وكمان من حقك تماما أن تعبر عن رأيك فينا بوضوح وسنكون عندها مطالبين بالرد..

المداخلة أعلاه دي كتبتها مرغما والله ولاسباب كثيرة لا يتسع المجال لسردها ولكن اهمها على الاطلاق اني لا اريد المساهمة الاضافية في تأزيم المنبر المأزوم أصلا .. واتمني ان ينتهي الموضوع باعتذار ابوروضه.أو نفيه كوننا المقصودين كما يفهم من السياق الواضح جدا

عارف يا حاتم انا قرأت كلامك فقط فى بداية البوست وقرأت الاعتذار.. وما عارف الموضوع شنو.. فنزلت متخطيا كل المداخلات. وتعليقى هو.. الإعتذار والنزول عن الخطأ يعنيان الثقة فى النفس والشجاعة.. اى زول يكتشف انه أخطأ ويعتذر معناها الزول دا عنده ثقة فى نفسه

قلت لي أخطأت في حقكم
برضه يعني من سؤال عن شخصك لدفاع عن كل المجموعة
يا ود المشرف
انا والله لا بمهني البناء ولا البناول الطين
وأعتقد موضوع الشلليلية لم يقل به أبو روضة وحده
ود واقع مشاهد مهما يحاول البعض نفيه أو التدثر
حول أطروحات معقولة واقع الحال بفضح
ومتابع بصورة شبه يومية
خاصة فيما يتعلق بالعضو حاتم
ده الخطأ وليس تشريح الخطا ولو اعتبرته خطأ في حقك أو المجموعة التي تفترض الدفاع
عنها جيب لي صك تفويض منهم اعتذر ليكم
ياخ ما تجبرونا على الكلام الشين وحكاية الكترة البتغلب الشجاعة
وتأليب الأعضاء دي انا ما خد منها حصانة يا ود المشرف

تشكر حاتم
حسبت اول عشرة مداخلات لقيت مداخلتي في نصهم
هذا امر جيد
ان نمضي للامام
ان نتقبل قول بعضنا كصدق وان نبحث عن ما يجمعنا لا ما يزيد شقة الخلاف

يامان نسأل الله التوفيق لحاتم ومعاوية في كل مدافراتهم في المنبر ده لانهم ناس بحبهم جدا واتمنى مايجي يوم تكون محبتي دي محل امتحان
اكره ما اكره في الدنيا دي الاصطفاف دون وعي
لمعاوية وحاتم كل الياسمين والرياحين

تُشكر أخونا حاتم إبراهيم على اعتذارك .. لقفل هذا الباب ..
مع تمنياتي بالتوفيق لك ولأخونا الاكبر معاوية الزبير ..
وربنا يتمم شفاؤه ويواليه بالصحة والعافية ويعود لاهله سالم غانم ..
وربنا يهدي النفوس .. ويصلح الحال ..
والعترة بتصلح المشية زي ما قالوا ..

ومعاك بعتذر وبقول آسف وحقك عليّ لاخونا معاوية الزبير ..
وللموصلي وللمشرف وللملك ولي أي زول تاني زعل مني ..
أو شال في نفسه من أي مداخلة لي أو كان كلامي قاسي عليه ..
أو جاء عكس ما يشتهي ويأمل ..
خربانه أم بناياً قش .. دار الغش ..
الناس بتختلف وتزعل لكن يبقى الود والإلفة ..
كلنا أخوان ووالله لا احمل لكم جميعا في قلبي إلا المحبة ..
فسامحونا ....





تعديل حروف ...

يا ودالقوز انت لا تحتاج للاعتذار لي اصلا .. طبيعي جدا ان نختلف .. وطبيعي جدا ان يختلف ود القوز مع الناس باحترام .. طبيعي جدا يا صاحب .. هذا هو المقصود اولا واخيرا من منبر حواري

تسلم مشرف يا أصيل ..
ونتمنى للنفوس ان تهدا والناس تتجاوز ما حدث ..
شكري لكـ ....

يا علي دفع الله سوّق الجماعة ديّل واجرو
ود الفحل عندو بوست إسمو زول جميل من بلدنا
وحات الله ما فتحتو عشان أشوّف فيهو شنو لكن
أكيّد بيلهيكم لحدي ما الجماعة ديّل يِتعافو ...

معاوية المدير

____^^^__^_^__^^^____^^^__^___^^^^_____^^^__

ود المدير .
ياخي بوستات المناكفات والجرجرة.
و الكلام الكثير الممل.
بصراحة ما بحبها.
سطر سطرين . و كفي .
انا بستغرب الناس دي خالية من المسؤولية.
بحس انو عندهم فرااااااغ عريض .
مع الاعتذار.





عزالدين عباس الفحل
ابوظبي

مساء الخير


الحمدلله ثم الشكر لصاحب البوست على سعة الصدر و للاخوة المعنيين

بالتوضيح و المتداخلين و القراء .

اهديكم اغنية الطير المهاجر . اكتب من تلفون لذا تجدوها في اليوتيوب

( تسجيل خرافي لأغنية الطير المهاجر .. محمد وردي)

شاركوني الاستماع و الترحم على روح الراحلين وردي و صلاح احمد

ابراهيم.

توضيح غايه في الوضوح وده ياهو الحصل بالضبط بدون زياده
او نقصان ..ولو اخونا معاويه الزبيره كما يحاول ان يصفه بعضهم بصفات
نبويه كان استلم المايك من حاتم وختم التوضيح بكلماته وتقبل
الاعتذار او رفضه مع تبيان جانبه من القصه،يعني البوست راس
مالو مداخلتين لا اكثر ..لكن 75 مداخله حتي اللحظه ومعاويه ما
ظهر ولا اظنه حايظهر ..إحاءاً بانه مظلوم ومُفترى عليه وهو فى
نظر جوقته كذلك ..حيث انبري بعضهم باستلام المايك وهاك
يا ردحي فارغ.. لكن تظل الحقيقه واضحه بان معاويه هو من بدا
المواجهه بنيه اكدها تجاهله المتعمد لتوضيح موقفه ابعد ماتكون
انها حسنه او بريئة ..وبى كده يكون قد نسف الصفات التي استمات
بعضهم إلباسها اياه ..لانو ياخ ما حلوة منك انو زميل تراشق معك بكلمات
بالرغم من انك انت من بدا القصه وجا عشان يعتذر ويصفي الشغله
تعمل فيها تقيل ..ولا منتظر بقيه الجوقه عشان تحدد موقفك اكوردنقلي
تراهو جاء بعضهم شايل بقج غباينو ..
يا هيثم انت قلت (لانو انا استطيع قراءة ما بين سطور معاوية مقروء مع شخصيته وصفاته)
هل يا هيثم معاويه صديق شخصي بالنسبه ليك معرفة سنين ..ولا قدرتا تعرف معاويه
بالعمق ده شخصيته وكمان صفاته من خلال المنتدي!!؟
جلالدونا.. الملاحظ لي حوارات حاتم انه بركز نقاشاتو مع اصحاب المواهب
ومُدعيي المواهب ولا ارك منهم،.. فياخ روق المنقه

فغض الطرف إنك من نمير **** فلا كعبا بلغت ، ولا كـلابا

ههههههه
جلال أو جرير والله مافي أبلغ من كدا .... مع إنو ما بحب العربي
بي هناك الدكتور فتح لينا حصة بالعنوان ... هههه زكرتونا اياما" مضت.
تحياتي.

اوووووخ صلاح الزبير
المكاء و التصدية ديل زى القسمة و النصيب
لكن خنثى دى النصيحة لى الخلقنى ... غلبتنى
____
جرير دى و انا عدمان الموهبة
علىّ الحلف ألقى حبة منها أعسَم ليك ود المشرف ذاتو

( وَمَا كَانَ صَلَاتُهُمْ عِنْدَ الْبَيْتِ إِلَّا مُكَاءً وَتَصْدِيَةً فَذُوقُوا الْعَذَابَ بِمَا كُنْتُمْ تَكْفُرُونَ )
الأنفال/35
.دي صلاة الكفار من قريش في عهد الرسول صلي الله عليه وسلم...
يعني صفيق وصفير ساي.
خنثي دي خليها في الواتساب ...
ود نمير الدخل بين جرير والفرزدق زاتو شقي.

Quote: لكل ما ذكر أعلاه ولمطالبة البعض من الفريقين أعلاه بتوجيه اعتذار كتبت هذا التوضيح، فإذا كان العضو (معاوية الزبير) قد أخذ "تعليقي على أسلوب محاولته إعادة توصيف البوست تبعه والعدول عنها لبيان أن شخصي سبب رئيس في فتحه على أنها "سباب لشخصه فهذا اعتذار مني له، مع تأكيدي على وضوح عدم صحة ذلك بالطبع مالم يكن يصر على أنه مقصود في شخصه الأمر الذي يصعب اثباته على ضوء حقائق كثيرة لا تقبل الجدل.

تلك هي الصيغة المبينة للسبب الذي يعتبره الأخ حاتم موجبا لاعتذاره ..
فقط لكي لا ينسى الناس في زمرة هذا التهويش العبارات التي طلبت أنا وغيري الأعتذار منها هي ..

Quote: أعرف أن معاوية يتحايل ويكذب وهذه لا تحتاج لخبرة

وتأكيد مرة أخرى

Quote: أما معاوية الزبير فيكذب، هذا قولي أنا، فليأت بما يقنعني بسواه.

لكن البدخل القضاء في الحوارات المنبرية ما مطالبينو بحاجة
!!!!

يا أحمد كلامك دا كان موجه لي أنا أنا ما طرف ..
كان موجه لمعاوية وجهه ليهو باسمو ..
مع ذلك لم نسمع يوما أن اللجوء للقضاء جريمة أو يلام عليه الشخص ..
من حق معاوية كما من حق حاتم اللجوء للقضاء ..
مثل هذا الاجراء أو التصريح به لا يصنف ضمن معرفات التهديد أو الإرهاب لأنه حق مكفول للناس..
مودتي .

سلامات الملك
لو لم تستخدم كلمة (التهويش) فوق ما كنت جيتك

هل تعتقد إنه مساككة زول بحوارات واتهامات من بوست لبوست وتصيد كلمة قالها لإقامة دعوى قضائية سلوك أخلاقي قويم
هل بنسى المساكك دة إنه متعدي ومتحرف لقتال وبراهو القام يقابض في زول ما جاء بي جمبه !
هل الناس القاعدة تتونس وتتحاور في كل القضايا العامة هنا جوة المنبر دة مفروض يسيبوا عفوية الكلمات ويعينوا مستشارين قانونيين يراجعوا مداخلاتهم قبل إرسالها عشان عادي جداً نقاضي الناس في مداخلات !

انت بتقول لي أنك ما طرف في موضوع القضاء القالوا معاوية لكن أنا شايفك طرف في موضوع الكذب القالوا حاتم .. دي ما فهمتها !
اشمعنى بتحاسب في كلمات حاتم وما بتحاسب كلمات معاوية !
وسألتك في البوست السابق ليه أبدلت مصطلح التحايل بالإحتيال شايفك ما رديت !

ولما واحد يقول أنا ما قريت من مداخلات حاتم قدر صفحة ورقة
وفجأة يطلع ليه مداخلة من بوست تالت وحافظها برقم صفحتها وكمان تطلع في الصفحة التامنة
هل في احتمال إنه يكون كاذب في موضوع إنه ما متابعو ولا لأ ؟
وهل احتمالية هبوط ليلة القدر عليه وإرشاده للمداخلة دي وارد ؟
وهل في احتمال إنه ورقته القراها دي قراها بنظام يا إيدي شيليني ختيني وبب كدة بالصدفة وقعت في الصفحة التامنة ؟

يا أحمد انا ما فاهم انت محتج على شنو بالضبط؟ على مسألة اللجوء للقضاء بصفة عامة ومطلقة أم على الكيس دا تحديدا و البتصوّره كأن معاوية دفع حاتم دفع واستدرجه ليقول عليه كاذب ومن ثم قرر اللجوء للقضاء ؟

على الكيس دة بالضبط

كدا كويّس لأن بعض مداخلاتك تشي برفض استصحاب البوليس و القضاء لنقاش المنابر بشكل مطلق

أيوة عندي اعتراض على استصحاب البوليس للمنابر
لكن ما بشكل مطلق
لما يجي واحد في صمة خشمك يتهمك في عرضك مثلاً ما بنكر عليك لجوءك للقضاء لكن بشوف لو اعتمدت على سلطة الكلمة بكون أبرك

احيانا لا حل سوى اللجوء للقضاء وإن كان هذا اللجوء نفسه عجز عن اعادة الحق كامل لكن على الأقل عاد الحق الأدبي واعني كيس منال خوجلي ومحمد ناصر / وائل طه
على الأقل ثبت شبحية وبالتالي كذب محمد ناصر في ادعاؤه عليها أمّا وائل فشال الدرب بي وشه
عموما دا يرجّعنا لأن المسالة تقدير شخصي وأراء ليست منزله لا يأتيها الباطل من بين يديها, من حق معاوية و غيره ان يلجأ للقضاء حتى في الما بتراه انت يسوى و يستحق, لذا لا يستقيم ان تعيب على الناس خياراتهم بل و على الآخرين السكوت عليها
وفي النهاية القضاء ليس ملكا لأحد الخصمين و اللجوء له يعني ان فرصهما متساوية أمامه وصاحب الحق يأخذه

إطلاقاً ما اعترضت على حق معاوية في اللجوء للقضاء لكن انتقدت أخلاقية القرار واعتقدت من الانصاف إنه الباقين يتحسسوا انسانيتهم

معاوية ما عندو أي مشكلة مع حاتم لكن جاهو بنية السوء كمجاملة لصاحبو الموصلي من البداية وألمح لمسألة القضاء والمحامي من تاني رد لحاتم في بوسته وقال ليه بالنص (هل أي أقوال أدلي بها هنا ستحسب ضدي في المحكمة ؟
إذا كان كذلك فأنا عايز المحامي بتاعي)
بوست معاوية عرّض فيه بحاتم باعتباره سبب رئيسي للبوست .. ثم قطع فيه بعدم رغبته في نقاش حاتم ويفترض أن ينتهي الأمر هنا
طالب في البوست بوضع المؤهل كشرط عضوية فتكالب عليه الأعضاء ثم اعترف بخطئه وتراجع عنه وأنهى البوست
جاء بعدها الملك إثر اتصال هاتفي مع معاوية وحديثه بحزن عن انحراف البوست ثم جاء بمداخلة مطولة ليرجع فيها مسألة المؤهل التي اعتذر عنها صاحبها في إطار آخر
بعدها أتى محمد عبد الله مختار في ذات البوست وبدأ في محاكمة جديدة لحاتم في موضوع آخر
فأخذ الذي تولى كبره مداخلة الملك وفتح بها بوست آخر بذات الموضوع وامتداد له ولم يكن غريباً أن يأتي حاتم مدافعاً عن حالة تأهيله التي كانت سبباً رئيسياً للبوست الأول وكان تداخله عاماً تماماً بدون أي استدعاء لمعاوية
تداخل معاوية متضجراً في البداية معاوية عن تناول مسألة المؤهل مرة أخرى وقال أنه اعتذر وأن اعتذاره كافٍ لوضع حد للنقاش
ثم فجأة كشف عن عضلاته بزرزرة حاتم بمداخلة صفحة 8 رغم أنه أعلن مراراً عن عدم قدرته ورغبته في النقاش
بل وتخاطب مع حاتم مرة أخرى مسائلاً ومستجوباً وحين أجاب اتهمه باللولوة
ثم رجع وعلق على كلام حاتم مرة أخرى مقولاً إياه ما لم يقصد في زرزرة جديدة
وحين أشار حاتم إلى كذب معاوية بعد ما بدت له من قرائن لم يصبر معاوية واستدعى المحامي وقال برغبته في الذهاب إلى القضاء

أخلاقياً معاوية طارد حاتم بالاتهامات من بوست لبوست وحاتم كان مدافعاً عن نفسه طيلة الوقت
ومن جرجروهو في الحوارات كان يفترض أخلاقياً أن يحافظوا على حرمة حوارهم الذي افترعوه بأنفسهم بدلاً من اعتبار القضاء سلوك عادي وما يشتكي كان داير !
أخلاقياً الأعضاء مطالبين بإبداء الرأي في جرجرة أحدهم بين البوستات واتهامه واستفزازه وإعلان عدم الرغبة في حواره ثم اتهامه ومساءلته المرة تلو المرة وحين يقول ما يراه متماهياً مع موقفهم يسحبونه للقضاء

اعتراضي أخلاقي بحت وليس منعاً

كويّس انّك حاصر نفسك في كيس واحد ولا تطلق أحكام مطلقة, يلّأ بنفس الروح دي تذكّر أنّك تملك وجهة نظر واحدة وتنظر من زاوية واحدة فقط لا تكفي لإطلاق حكم شامل كامل باخلاقية أولا أخلاقية تصرّف أو فعل قد يبدو من زاوية نظر أخرى مختلفا تماما عن فهمك له
من ناحية أخرى تاني اعيد ان اللجوء للقضاء في حد ذاته ليس عيبا أو ظلما بل فيه قمة العدالة و الفرص المتساوية للخصوم ولو كان أحدهم متعديا فللآخر الفرصة كاملة لأخذ حقه

Quote: إطلاقاً ما اعترضت على حق معاوية في اللجوء للقضاء لكن انتقدت أخلاقية القرار واعتقدت من الانصاف إنه الباقين يتحسسوا انسانيتهم

قول بسم الله يا أحمد أنت مدرك للكلام البتكتب فيهو دا ولّ بتكتب تحت تأثير الغضب ؟
شنو معنى أخلاقية قرار اللجوء للقضاء ؟
هل تقصد أن اللجوء للقضاء أو التلويح به مسالة غير أخلاقية في الحوارات ؟
شنو الشرخ في إنسانيتنا لما نطالب باعتذار من زول سب آخر بعبارات في غاية الوضوح ؟
نفسي أعرف أنت متحامل على معاوية في شنو ؟
أهو داك أنت بنفسك نقلت النقاش الدار بين الطرفين ..
هل وردت فيه أي عبارة مسيئة ؟
لنفترض إنو معاوية فتح البوست باسم حاتم عدييل وطلب منه يكشف هويته ..
وريني الجريمة أو الفعل المعيب الممكن نلوم عليه معاوية في إجراء كهذا ..
إن جيت للجد يا أحمد حاتم هو المتحرف بمعاوية ..
فهو الذي لاحقه بالاسئلة في بوست عام لم يرد به اسمه..
عشان يعرف هل كان هو من ضمن المقصودين أم لا ..
ولما معاوية قال ليهو بكل أمانة نعم أنت كنت في بالي ..
على طول مسك في الحتة دي ..
وبقى يفسر كل ما جاء في البوست بانه وحده المقصود ..
اليست هذه هي الحقيقة المجردة ؟
ولكن هل اكتفى حاتم بذلك ؟
أبدا ..
بل جا في بوست المشرف الكان موضوعه بعيد عن ما يدور بخلده تجاه معاويىة ..
وكتب عبارات السباب المكوته فوق ..
دي الحتة الاثارت إنسانيتنا يا أحمد ودفعتنا لمطالبته بالاعتذار ..
أنت زعلان من كلمة تهويش مش؟
وفسرتها بأنك مقصود بيها ..
مش دا نفس سلوك حاتم في بوست معاوية ؟
بذمتك زول عاقل زي الأخ ابو القاسم ..
لما يجي يكتب ويستنتج أنو عدم دخول معاوية لهذا البوست ايحاء يقصد بيهو استعطاف الناس ..
دا تهويش ولّ موكدا؟
انت ذاتك كلامك يبقى تهويش ساكت لما تجي تلوم زول يقول عايز يلجأ للقضاء .
مودتي.

لكن يا الملك لقيتك عكيت عكلتة،

طبعا انا من شلة من لا شلة له

احمد محمد عمر
تعجبني كدة ساكت في الله...
......

هههههه ..
العكلتة تعلم العكلتة ..
يا منعم حالتي أنا شادي اللجام للاخر عشان ( جبة مولانا ) الضابني فيها دي ..
كدى فكوها مني عشاء انزل الملعب بالمهارات اللازمة للعكلتة .

تشكر يا ملك
بعجبني المنطق المرتب العقلاني

تشكر يا ملك
بعجبني المنطق المرتب العقلاني

غايتو اخلاقية القرار دي مبالغ فيها يا مان :))
اشرحها بالله بلغة قدرنا كده :))

نعم يا الملك
لما تقعد تحاصر زول بأسئلة واتهامات وترجى منه زلة عشان تمرق بيها اتهاماتك خارج المنبر لسوح القضاء دي مسألة لا أخلاقية عندي
وبينت ليك إنه نية معاوية سيئة من قولة تيت وجاب سيرة المحامي من تاني رد لحاتم
انت تحسست انسانيتك لما الموضوع كان مساندة لمعاوية في حتة اعتذار لكن لما زول انت كنت بتزرزر فيه مع معاوية بقى معرض للتقاضي والسجن جراء محاوراتكم واتهاماتكم المتكررة لجنت انسانيتك وبقيت في حتة دة من حقه وشئ طبيعي
أيهما أجدر بتحسس الانسانية زول زعلان ولا واحد ماشي السجن ؟
مع ملاحظة إنك بتطارد في حاتم نيابة عن معاوية في البوست داك وحتى البوست الاتفتح والناس قالت يا صلح انت جيت شايل اتهاماتك ولسة كايس حق معاوية
ممكن أقبل كلامك بتاع حاتم لاحق معاوية بالأسئلة لو لم يعترف معاوية بعضمة كيبورده إنه حاتم سبب رئيسي .. بالاعتراف دة أصبح لحاتم كل الحق في تحديدها معاهو .. زول يقول لي عامل البوست فيك وتقول لي ما تتكلم معاهو !!!!
ولما حاتم مشى البوست التاني ما لاحق معاوية .. معاوية هو الجاء لاحقو باتهامات جديدة .. ولمن زرزره حاتم في حتة الصفحة التامنة زاغ من الإجابة بموضوع التقاضي والزوغة اللي يوم الليلة
أنا ما بلوم الزول العاوز يلجأ للقضاء .. وهسة لو الموصلي فتح بلاغ في حاتم بقول من حقه .. لكن أنا بلوم في البقابض في حاتم بالبوستات ولمن يزرزروهو يقول نمشي وكيل النيابة
بنتقد انسانيتك انت الموجهة اتجاه واحد وشايفة السجن حاجة عادية لكن زول زعلان من استنتاج تحتاج نعين ليها اتحاد محامين
زعلان من انسانيتك الما خلتك تنبه صاحبك لإنه يواصل حواره عادي ويطلب الاعتذار بنفسه بدل تقول ليه انت امشي القاضي حلال عليك وانا بساكك ليك اعتذارك هنا


بتسأل شنو البيني وبين معاوية
فتش مداخلاتي مع حاتم حتطلع بعشرة خلافات رأي أقل حاجة وفتش مداخلاتي مع معاوية حتلقى إنه عمري ما اختلفت معاهو في رأي .. بل زبون دائم في كل بوستاته وبجي بفرش لحافي سيد بوست واتونس
معاوية أقرب لي من حاتم بمسافات بعيدة شديد .. لكن الحق أحق أن يتبع
والشايفو إنه حاتم مظلوم ومعاوية ظالم وبعد ظالم مطنش وسايبكم تبرروا بالنيابة عنه


__________
يا منعم عليك الله موش محامي ضل طريقة للكمبيوتر ؟

يا احمد انت ليه طوالي ناطي من التقاضي للسجن؟ التقاضي مرحلة كاملة ويتساوى فيها الطرفان قد تؤدي للبراءة او التعويض او التوبيخ ساي والالزام بالاعتذار ثم السجن كخيار أخير.
لجوء معاوية للقانون لا يعني سجن حاتم مباشرة عشان تثير تعاطفك الانساني للدرجة دي بل شايفك فوق قدمت مرافعة و جبت احتمالات عديدة تثبت الحق لحاتم في افتراضه كذب معاوية

تعرف يا احمد اصلا انا ما كنت عايز اعتب البوست دا ..
لكين بصراحة مداخلة أبو القاسم هي الخلتني أجيب الكوتات وأذكّر الناس بالوقائع ..
حبوبتي الله يرحمها لما كنا نقعد نتونس جنبها بتاخد ليها دقسة ..
ؤ فجاة تصحصح وتختف آخر كلمة سمعتا ؤ تخش في النقاش ..
نظام أنا ياولاد ما دقست ؤ كدا .

محمد البشرى قرار تحويل الموضوع للقضاء في حد ذاتو كارثة انسانية بالنسبة لي بغض النظر عن مآلاته
فكرة تأييدك للجوء للقضاء عند مناقشة مواضيع عامة فكرة غريبة شديد
يعني زي ما قلت فوق تاني ندي مداخلاتنا لمستشار قانوني يراجعها قبل الإرسال !
انت ما شايف إنه دة تشويه لطبيعة الحوار المجتمعي الهنا ؟
ما شايف إنه سلوك زي دة ممكن يضر بحرية الكلمة ؟
تاني أي كلمة تقولها ولا بسألك منها ذاتو بس طوالي يا قضاء جاتك عريضة !!
ما شايف إنه رفع خلافات المنبر للجهات القانونية ممكن تضر ناس موجودين في دول سلطاتها صعبة وقوانينها ما بترحم ؟
بالنسبة لمرافعتي نعم بالخط العرييييييض أنا أرجح احتمالية كذب معاوية في إنه ما قاعد يقرأ لحاتم بدلالة إتيانه بمداخلة في صفحة تامنة لبوست تالت .. أييييييوة أرجح احتمالية الكذب ما لم يأتي معاوية بنفسه ويبرر كيف توصل للمداخلة دي وهو ما قرأ صفحة لحاتم !
نعم معاوية تحايل في البوست وادعى إنه عام ثم اعترف بأنه حاتم سبب رئيسي وأنا ذكرتها في ذات البوست وقلت لم تعجبني لولوة معاوية

السؤال ليك انت يا البشرى
هل لجوء معاوية لموضوع القضاء بدون حتى طلب اعتذار أو شرح أو تبرير بس بب كدة هو قرار حكيم وبيلقى تأييدك وممكن تعملو أو تأيد اتخاذه بواسطة شخص آخر ؟

انا كنت حريص على سؤالك في البداية عما اذا كنت تتحدث بشكل عام ومطلق ولا عن الكيس دا تحديدا. ومشكور وريتني انك تعني الموضوع دا فقط. بنفس الفهم وقت سألتني عن رأيي فهو كالتالي انا انظر له من زاوية حق كل انسان وخياراته واحترامها. انا لو محل معاوية لن الجأ للقضاء في حالة اتهامي بالكذب فأنا لم افعل او حتى اهدد في ما هو اسوأ وأفدح من ذلك. لكن في نفس الوقت احترم خيار معاوية وهذا حقه وخياره. كما احترمت من قبل خيار منال خوجلي في اللجوء للتقاضي الذي كلفها الاستقالة من وظيفتها ! فلا اقبل ان يجير تفهمي لخيار معاوية باعتباره شراكة معه في التآمر كما فعلت انت في تفسيرك لاحترام الزملاء لخيار معاوية اللجوء للقضاء. دي النقطة المختلف معك فيها. الشي التاني لا ارى اللجوء للقضاء بتلك الفظاعة التي تصورها ولا ارى فيه غمط لحق احد الطرفين بل ارى فيه عدالة افضل مليون مرة من اللجوء لبكري مثلا الذي سيتصرف غالبا كرجال المرور حال وقوع حادث الاستدعاهم اول التاني غلطان 😁

Quote: انا لو محل معاوية لن الجأ للقضاء في حالة اتهامي بالكذب فأنا لم افعل او حتى اهدد في ما هو اسوأ وأفدح من ذلك. لكن في نفس الوقت احترم خيار معاوية وهذا حقه وخياره.

شكرا ود البشرى ..
اولا اثمن الاعتذار/التوضيح (موضوع البوست) هنا عاليا ..

اتنين لما سئلت انا في ذلك البوست اجبت بذات اجابتك هنا .. باني لا ارى ما يستوجب الذهاب للقضاء ولكني احترم خيار معاوية .. واكثر من ذلك عبرت عن رغبتي في التحدث مع معاوية في الأمر بالرغم من ثقتي المطلقة في أن معاوية لن يلجأ لذلك ..

ولكن الاطراف في الطرف الثاني لا تريد سماع هذا الكلام المنطقي جدا ..
كانوا يريدون مني ادانة معاوية ولا شيء غير ذلك ..
غصبا عنك وعن المنطق تدين معاوية والا هي شللية وحملة مقصودة الخ ..

تماما كالذي جاء هنا ليدين مسألة عدم قبول معاوية للاعتذار في الاطار الزمني الذي حدده هو لقبول الاعتذار .. تصور !!!

لا افهم كيف يفكر الناس ..
ما معنى الاعتذار ؟!
وهل يتحتم قبول الاعتذار ؟!
وهل يجب أن يكون في ذلك في اطار زمني محدد ؟!!
24 ساعة مثلا من الاعتذار ؟!!

حقيقة لا اعلم كيف يفكر الناس؟!!
ومن الذي يكسبهم هذه الحقوق الهائلة في تفسير الامور وفق رؤاهم الشخصية وفرضها على الجميع ..

شكرا يا ود البشرى ..
في تقديري انك تمثل رمانة القبان في هذا المنبر
ومن لا يعرف رمانة القبان فهي وكما يرد في القواميس
". ورُمّانة القَبّان: ثقل من الحديد ونحوه على شكل الرّمّانة، تحرّك على قضيب الميزان حتّى يعتدل فيقرأ رقم الوزن"

مافي علاقة بين حق منال وحق معاوية
منال تم اتهامها بجريمة خارج إطار المنبر ومعاوية تم استنباط نتيجة من كلامه
القصة موضع الاتهام عند منال كانت خارج المنبر وشئ طبيعي يتم حلها خارج المنبر بينما قصة معاوية جوة المنبر
منال ما سعت لمتهمها وقالت ليه تعال النزرزرك وساككتو بالبوستات بل هو استقصدها كفعل كامل وليس رد فعل
مافي أييييي علاقة من أي نوع بيناتهم يا محمد ودة البقولو أنا ما يحدث داخل المنبر يتحل داخل المنبر لكن البجيب ليك خصوصياتك خارج المنبر من حقك تتعامل معاهو خارج المنبر

وعشان اطلع منك بنتيجة نهائية
عاوزك توريني إنك فاهم إنه معاوية هو اللي طارد حاتم بالبوستات وليس العكس وكال ليه الاتهامات والأسئلة ووفر ليه القرائن البتخليهو يتهمه بالكذب ولم يعطِ أي تبرير لما اعتبره حاتم كذب ولم يزل أي لبس حتى هذه اللحظة
عاوزك توريني إنك عارف كل الحقائق دي ورغم كدة بتعتبر إنه من حقه اللجوء للقضاء بدلاً من الحوار في وجود الحيثيات دي
وبس

شكرا ود المشرف

يا أحمد موضوع منال كتب في المنبر ولولا ذلك لما كانت هناك قضية اساسا
نجي للجزء التاني من كلامك, أنا لا مافاهم المطاردة البتقول عليها دي وحقيقة كنت مستغرب جدا وانت تعيد وتكرر فيها وراجعت المداخلات ولم يصلني نفس الفهم و الاحساس الوصلك, وقلت رأي شبيه لحاتم في بوست معاوية الأول المغلق أظن
بعدين هل تظن زول زي حاتم بالسذاجة التي تجعله ينساق لفخ منصوب بعناية لكي يتهم معاوية يالكذب نتيجة مداخلات و بوستات ومطاردات؟ هذا اذا تجاوزت عن ظنّك ان معاوية بهذا الخبث الذي يجعله يخطط بشكل بهذا الشكل البعيد بل ويستعين بآخرين أيضا!!
كم اوون يا أحمد أنت في رأيي افضل من كدا !!
الموضوع دا كله بما فيه موضوع المشرف وابو روضة موبوء بسوء الظن المتبادل و عدم افتراض حسن النية واعطاء افضلية الشك للمحاور, لكن هناك نقطة يجب ان ننتبه اليها جميعا ما أراه يقينا ليس بالضرورة ان يكون صحيحا دائما
أنا يوما ما وقعت في نفس هذا الفخ وبناء على معطيات واضحة أمامي وصلت لقناعة بل وقرات نوايا الآخرين ولم اعطهم الفرصة لكني تعلّمت الدرس, ومن يومها ابتعد بقدر الإمكان عن قراءة النوايا و افتراض ما في الصدور وافضل السؤال المباشر

أخيرا حتى لو كنت مقتنع بوجهة نظرك أن معاوية تعمد الإيقاع بحاتم ثم يلجأ للقضاء برضو ارى انه من حقه - رغم عدم دعمي بل عدم احترامي الشخصي له - ولا ضرر على حاتم لأن الموضوع أمام القضاء يمكنه اثبات حقه.

Quote: فتش مداخلاتي مع حاتم حتطلع بعشرة خلافات رأي أقل حاجة وفتش مداخلاتي مع معاوية حتلقى إنه عمري ما اختلفت معاهو في رأي +++ يا منعم عليك الله موش محامي ضل طريقة للكمبيوتر ؟

هذه حقيقة لم أعرفها إلا الآن، تحياتي، كل يوم اكتشف أن السودانيين بخير ما عدا قلة.
التهويش بمصطلحات (محامي) و (محكمة) ربما تخيف بعض السذج في السودان
لهذا يستمر التجهيل المتعمد لغالبية الشعب بحقوقهم انطلاقاً من هذه الحقيقة.
+++
بخصوص جمعك للكمبيوتر والمحاماة، ربما يمكنك الاطلاع على هذا المنتج

http://www.kalmasoft.com/KAMS/indexa.htm

أتعامل مع محامين في 19 دولة، ولا أعرف الحكمة من إيراد كل هذه المصطلحات في البوست الأول.

لكن مولانا دا مالو نشيط كدة؟

مولانا الملك وودالبشري والمشرف
بما ان الحديث عن الحقوق في منبر عام
يتطلب استشارة قانونية ، فيحق لكبر ان يتهم
حاتم بمايشاء من تهكير وتعكير المنبر
رغم ان كبر تطاول علي المقدسات
لكن رحابة الانحيازات بررت وتجاوزت
في المقدس واستعصمت في مايجوز عليه الاختلاف

العزيز احمد محمد عمر..حبابك يا صديقي
عبرك دعني اوجه تحية لصديقنا ول ابا محمد البشرى..لأنو استعدل فكرة البوست وخرج بيها لأفاق جديدة ومهمة..وممكن تكون حسنة لشيخ حاتم لو الناس واصلت فيها..فكرة الإعتذار وثقافة التقاضي وحماية الحقوق..!
انا ما عارف ليه ، يا احمد، انت متحسس من حكاية محامي ول ابا معاوية الزبير؟..
ياخي مش جايز انو معاوية داير يحمي الجماهير من انفعالتو..او ما داير يغلط في حق الناس؟..بمعنى ادق..ليه ما يكون معاوية داير المحامي بتاعو يكون حاضر عشان لو معاوية قال كلام بيدخلو في مشاكل قانونية يقوم المحامي ويقول ليهو يامعاوية الكلام ده مش كويس؟..
التقاضي ثقافة اصيلة وجميلة يا احمد و ليست كارثة اخلاقية وانسانية ، وانما الكارثة الأخلاقية هي الطبطبة والسكوت على ارتكاب انتهاك حقوق الناس بكل سهولة كما يفعل حاتم ابراهيم..وغيره..!
ولأن المنبر يا احمد مش مجرد حتة بتاعة ونسة وفقط..وانما هو في مثابة الصحيفة وليهو كيان ومركز وشخصية اعتبارية..والنشر فيهو عام ومقروء للعامة..عشان كده ما تستسهل حكاية الإستشارة في أي نقة..!!
زمان يا احمد..جاتنا زولة جديدة في مدينة ريجانيا..واول حاجة قالت دايرة لي محامي..المجتمع السوداني في المدينة خت الخمسة في الإتنين..ككيف يعني؟..وهي سوت شنو غلط عشان تعمل محامي؟..وهل عندها انشطة غير مشروعة عشان كده دايرة محامي؟.. وعييك وعاااك..مع انو الأمر اصلا ما كان محتاج وساع الخيال ده ..وكل الأمر الزولة دايرة تكون متحضرة وكده..!
ما كل القضايا يا صديقي لازم تبدا بنيابة وتنتهي بسجن..حليلك يا قريبي..ياخي لا قدر الله هسع انا لو انشبكت مع حاتم ، قال ليك بكون ساكي انو حاتم يمشي السجن؟..ليه ياخي؟..قول اتسجن خمسين سنة الفايدة شنو؟..في قضايا تانية عندها عقوبات تانية لمن تخلي الزول يقول :ياخي اخير ودوني السجن..!
الحساسية الأخلاقية والإنسانية مهمة يا احمد..وبنشجع الناس تمارسها ، واسألك: انت بتفتكر انو الناس بتتكالب على حاتم وبتطاردو بعقلية القطيع..يبقى السؤال: رأيك شنو في مطاردة حاتم للناس؟..النموذج مطاردة حاتم للموصلي ، ومطاردة حاتم لكبر ..اهو داك فاتح بوست باسم كبر..؟..ضروري اسمع رأيك..
سيبك من الموصلي وكبر..ياخي واحد عندو دكتوارة في الحقوق..وشغال انتهاك لحقوق ناس كتيرة (تصل لحد انتهاك العروض باخلاقنا السودانية يا احمد)..صباح ومساء ..وفي المنبر ده..ويوم واحد ما شفنا الإنسانية اصطفت في مواجهة هذا الزول..علي الأقل دفاعا عن مبادئ واخلاق الإنسانية التي لاتقبل الغلط في حق الناس بدون مبرر..!!..المعايير مختلة شديد يا صديقي..!
حرية التعبير حق اصيل وبندافع عنه سواءا لنا او لغيرنا ، لكن هل الحق ده مضبوط بالقانون ولا جاغت ساكت؟..حق التعبير ممكن في كسر عين يتحول لأساس تشكيل جريمة ودعاوى قضائية اخرى..!!
ودمت
كبر

كتب حاتم:

Quote: التهويش بمصطلحات (محامي) و (محكمة) ربما تخيف بعض السذج في السودان لهذا يستمر التجهيل المتعمد لغالبية الشعب بحقوقهم انطلاقاً من هذه الحقيقة. +++ بخصوص جمعك للكمبيوتر والمحاماة، ربما يمكنك الاطلاع على هذا المنتج http://www.kalmasoft.com/KAMS/indexa.htmhttp://www.kalmasoft.com/KAMS/indexa.htm أتعامل مع محامين في 19 دولة، ولا أعرف الحكمة من إيراد كل هذه المصطلحات في البوست الأول.

ده شنو يا شيخ حاتم؟

يعني نفهم من كده انو الناس البتخاف وتحترم القانون هم مجرد سذج؟..

دي واسعة خالص يا حاتم ..!

العضلات التبش التي تظهر هنا وحكاية التعامل مع محامين في 19 دولة..ده بيحرج الناس الوقفت في صف حاتم وكانت تحاجج لصالحه..يعني يا شباب الكانوا زعلانين من رفع سؤال المؤهلات والحقوق في وش حاتم ، وناس نجر الطائفية الإسفيرية وغيرهم..اهو حاتم شغال بنفس عقلية القداسة والتأهيل وكب ليكم البضاعة زي ماهي :
ما بيخاف من القانون ولا بيحترم القانون لأنو مش ساذج..
والتانية عضلات تبش (بتعامل مع محامين في تسعطاشر دولة)..!

في اخر مداخلة يا حاتم قلت ليك:حقوقك محفوظة لكن مارأيك في حقوق الأخرين التي تنتهكها لحد فعل الجريمة الكاملة؟..

كبر

محجوب..حبابك يا صديق
كل سنة وانت طيب..
الموضوع ، كالعادة ، دخل في نقاط كويسة للغاية..وحاتم ما كان قاصدها..
حكاية الثقافة القانونية المتعلقة بالحماية ، سوءا حماية الناس منك او حمايتك من الناس..!
صحيح في ناس كتيرة عندها الفكرة بانو المنبر زي كوم تراب تحت عمود نور الحلة الواحد ..الناس بتلم وتتونس وتتخارج..ولكن..!
المنبر يا صديقي ، في حكم الصحيفة ، كيان ليهو شخصيتو القانونية الإعتبارية..ومقروء للعامة.. وبالتالي أي نقة فيهو ممكن تشكل اساس لشغل قانوني..!
والناس البتابع تطور المنبر ، دخلت شروط جديدة للتسجيل يعني على الأقل تكون عندك معلومات اتصال واضحة ومعروفة..وده تطور يا محجوب..لأنو سيد المنبر وقعت ليهو قيمة المنبر شنو ومركزو القانوني شنو..وحوم المنبر في أي ملف بتلقى لازمة (الأراء المنشورة لا تعبر عن صاحب المنبر والشركة وانما هي رأي خاص بصاحبه)..!

حبابك عشرة يا محجوب..واصلا الحقوق ما بتحتمل مجاملة..لو انت شايف كبر سبب ليك أي ضرر..عادي ممكن تمشي للقانون..و ساحترمك كثيرا..لأنك بتمارس في حق من حقوقك..وح ادافع عن حقك في ذلك!..عشان لمن انا امارس حقي تحترمني وتدافع عني..!
واخونا حاتم لو حاسي بضرر قانوني في حقو..حبابو عشرة ويمشي طوالي ويشتكي زي الترتيب..!!
وغيرو..اي زول في المنبر ده عندو احساس بانو كبر سبب ليهو ضرر..طوالي يمشي القانون..وده حق اصيل ما فيهو لعب يا صديقي..!

ونشوفك..
كبر

النجيضة يا ول ابا محمد البشرى..
معاوية الزبير جاب سيرة المحامي بتاعو..
وشيخ حاتم قام صوف وفتح في المنبر بوست توضيح..
دي عندنا في نورث امريكا اسمها..انو شيخ حاتم..
Trying to cover his a.s.s.
يعني التوضيح ده مش حاجة مجانية وثقافة اعتذار بقدر ما هو سكة ملتوية لحماية الضنب..واهلنا قالوا: نبيح الكـــلب..خوفا على ضنبو..!!
وتيب..
كبر

كالعادة..غنية..وبرضك لشمت محمد نور..




كبر

سلامات يا محجوب كل سنة وانت طيب ..

Quote: رغم ان كبر تطاول علي المقدسات لكن رحابة الانحيازات بررت وتجاوزت في المقدس واستعصمت في مايجوز عليه الاختلاف

وين الكلام د يا صديق ا؟
إن لم تخني الذاكرة لم تكن هنالك تبريرات ..
البشوفو كبر بياخد على راسو عادي من المتداخلين سواء في مقدسات أو سواها ..
بالمناسبة يا محجوب في عدد من المصطفين مع حاتم في البوستات الأخيرة دي ..
منطلقين من ظنهم بانو بجضم ليهم خصوم مثل كبر ما قادرين يناطحو في طروحاته ..
لأنهم ببساطة ما ظهرت ليهم اي اهتمامات..
فيما كان يطرحه حاتم من مشاركات مفيدة ..
قبل الرسلنق الحصل في بوست الموصلي /معاوية ..
ولا اعلم لهم مشاركات ولو من باب رفع البوست بنقطة وانا من المتابعين لكتابات حاتم..
حاتم كان صادق لما عبر عن دهشته من مواقفهم الآن قائلا..

Quote: أنني أرى نماذج مشرفة جداً لأناس لا تربطني بهم صلة أو حتى مجرد مداخلات يدافعون عن موقفي بطريقة أدهشتني حقاً وألجمت لساني عن مجرد التواصل معهم،

ولو أن حاتم فهم ( تكاتيكم دي ) كان زمان سمع نصيحة المهتمين بادائه .
مودتي

.
ياكبر انت تبرعت بالدفاع عن حتي كحه للموصلي
فافرد لك بوست خاص ، الا تشكره لاتاحة الفرصة لك
للدفاع حتي عن كحة الموصلي بدل اتهامه بالمطاردة
هل هو عجز عن الحوار والتستر خلف الضوابط
لايجاد مخرج

مولانا
القابلة علي الاماني
اصل القضية ليس اعتراض ود الزبير
انا متابع بدايات الاختلاف وشاركت فيها عفويا
وتحديدا في تصنيف الاصوات بي جبلي وصحرواي
وكيف ان محاوري حاتم طالبوه بفدية للاجابة علي السؤال !!!
بابراز الهوية ووجود كفيل ، وانتهي الامر بابعاد حاتم عن المنبر ،
الامر لاعلاقة له بخصوم فلان او علان ، لقد مارس البعض
مايملكه من حظوة وعلاقات لاسكات الاسئلة المحرجة التي يطرحها
حاتم ، موضوع حاتم لاعلاقة له باستقطابات المنبر السياسية والحزبية
والمناطقية والقبليبة ، حاتم طرح سؤال من وحي معلومة تفاخر بها
البعض في مجال الغناء بين السودان واثيوبيا ، وكل ذنبه انه قال لايوجد
تصنيف اصوات جبلي وصحرواي ....فاقيمت له المشانق /B]

محجوب..حبابك يا صديق
وللمرة الثانية..كل سنة وانت طيب..

راجع مداخلة استاذنا الملك الموجهة ليك..!

دي طبيعة الناس هنا يا محجوب وانت خير مثال للتجربة..ابسط حاجة كبر يقول ليك: كل سنة وانت طيب..والملك يقول ليك نفس التحية..وتقوم تشيل تحية واحد وتخلي تحية التاني..!!..انفعال للطييش وبدون مبرر..!!


مش ياهو ده الإنفعال العاطفي والإصطفاف؟..


نعم يا محجوب لا انكر..اني قلت لو الموصلي عمل كحة سوف ادافع عنها..ولسه ثابت في القول ده..ببساطة لأني بزعم اني بعرف تجربة الموصلي في الموسيقى بصورة بتخليني ممكن ادعي الدفاع عنو وعن تجربتو..بسمع الموصلي ،كموسيقي، قبال ما اعرف الكمبيوتر والنت ونورث امريكا..تجربة قدامي وشفتها بعيني وسمعتها وشكلت بعض من وجداني الإنساني وذاكرتي..ودي معاير يمكن انت ما بتشتغل بيها..لكن بتعني معاني كبيرة لناس كتيرة وممكن تدافع عنها..وكل البطالب بيهو حاتم انو يجيب ربع التجربة دي وممكن ادافع عنو زي الترتيب..!!

انتو هنا يا صاحب بتحاولوا تبترو الذاكرة الإنسانية زي ما ناس علي عثمان محمد طه عملوا تجربة (اعادة صياغة الإنسان ) فيما يسمى بجاكة (الدعوة الشاملة)..وقاموا حاولوا يتبنوا نظرية فرانسيس فوكايما بتاعة (نهاية التاريخ) وانو التاريخ السوداني ممكن يتشطب بجرة قلم وتكون البداية من حضور الإنقاذ..!!
حاتم بيحاول نفس الفكرة دي..عشان كده قاعد يتطنقع على الموصلي ، عزيز خطاب ، ترهاقا ..بشير عباس..وغيرهم كثر..!!
حصل يا محجوب بتعرف وبتذكر سيكولوجية تماهي الضحية في الجلاد..!!
حاتم ابراهيم جلاد..زي الإنقاذ والجبهة الإسلامية..وانتو بتتماهو في الجلاد لدرجة انكم دايرين تفرضوه نبي نقد موسيقي على الناس..!!!!!

تجربة الموسيقى السودانية وتاريخها بصورة عامة ، وتجربة يوسف الموصلي بصورة خاصة ، ما بتتشطب بنقة حاتم ابراهيم..ودي الحتة الكايسها حاتم ابراهيم لو ما عندك عنها فكرة يا محجوب..!..حاتم ابراهيم داير يشطب الناس الأيقونات عشان يبني مجدو ويبقى رسول الموسيقى الجديدة كما يحلم..!

الملك ختاها ليك يا محجوب..وعشان نشرح ليك فهم الرجل شنو..اهو قبيل سكتنا عليك واتكلمنا معاك بي ذوق وهدوء..واهو قدام الخلق دي كلها: وين في المنبر ده ولعشرات السنين كبر كتب، ولو، كلمة فيها اساءة لمقدسات زول اسمو محجوب علي؟..

في داعي لده يا قريبي..!!

حتى لو شلت بندقية ووجهتها لصدر كبر.. برضك كبر ح يقول ليك:سلام عليك يا محجوب ..مش لأنك سفيه بالفهم القرآني الكريم ، ولكن عشان عين ، ناس كبر بتكرم مية عين..ولا انتا يا قريبي قاعد تتونس ساكت في المنبر ده..!!

افرد بوست خاص ليه يا محجوب؟ يعني انت بتؤمن بنظرية (تمييع الصراع)؟..
في أي حتة ، حاتم ابراهيم اتكلم ، ح نتكلم معاهو..!
الموصلي لم يعجز عن الحوار يا محجوب..مع انو هنا مافي حوار وانما انتهاك لحقوق الموصلي بالباب العديل لحد ما يصل لدرجة ارتكاب الجرائم وتأسيس القضايا القانونية..والرجل..طيبان..اشتغل بمبدأ العزة السودانية وترك المنبر لحاتم وبقية الباشبوزك ،الكل حدها في الدنيا انها تقمع ليها زول وتكرهو المنبر وتسكتو..!!


البوست ده يا محجوب..حاتم مش فتحو عشان عيونكم وعشان عيون الأخلاق والإنسانية وثقافة الإعتذار..وانما فتحو حماية لي ضنبو(شفت الأنانية كيف)..لأنو في مواطن سوداني قال خلوني استشير المحامي بتاعي..!!


المسكين ، حاتم ابراهيم ، فاكر روحو..لمن يتعصر، يرجع يقول كتبت اعتذار في نفس الصحيفة وعام ومقروء للناس..!!

حاتم ابراهيم خبيث يا محجوب..خبيث لحد مجيه للغاية..!!
الأنكي عندو القدرة لمعرفة الناس البتتخابث عليهو وترد عليهو بضاعتو..!!

اخير تمشي الضل يا محجوب..!!

وما تخليني اجيب ليك غنية لأستاذنا شمت محمد نور..!!!!!!!!!


ودمت طيبا..

كبر

أولا احب اقتبس العبارة التالية من حاتم واهديها ليك يا أحمد عمر

Quote: التهويش بمصطلحات (محامي) و (محكمة) ربما تخيف بعض السذج في السودان لهذا يستمر التجهيل المتعمد لغالبية الشعب بحقوقهم انطلاقاً من هذه الحقيقة.

ليطمئن قلبك بالنسبة لموضوع التقاضي وأنه أمر عادي و حاتم لا يخاف منه او ينزعج على ان يضيع حقه.
دا حسب ما فهمت من حديث حاتم

الأخ محجوب تحياتي, ذكرت اسمي في حديثك عن مقارنة حق كبر في اتهامه لحاتم بما يشاء ثم ذكرت شيئ عن الانحياز و التبرير وتطاول كبر على المقدّسات
صراحة لم أفهم المقصود بالتحديد, لكن للضمان كدا وعن نفسي فأنا لا ابرر لأحد قد أؤيد موقف بشكل متجرد غض النظر عن الأطراف المتورطة فيه لكن أبدا لم اعتد التبرير عن الناس لإيماني بقدرة اي شخص على التبرير بشكل افضل عن مواقفه
مسألة اتهامات كبر لحاتم بشكل مبدئي من حقه اي شخص ا يتهم لكن عليه ابراز الدليل أو الشواهد التي دفعته لهذا الإتهام وإلاّ يكون تعدّي منه و افتراء ساكت وعلى الطرف الآخر دحضها ودا شيئ طبيعي
أخيرا تعدّي كبر على المقدّسات هل تعني عبارة كتبها كبر في حق المولى عز وجل و نبهه الأعضاء حينها وفي وقتها و اعتذر وتراجع عنها؟ هل هذا هو المقصود؟ أيضا لم أفهم الغرض من استدعائه هنا

تحياتي كبر
وخليني اختلف معك في فهمك وتفسيرك لفكرة البوست التي بدت لي واضحة وهي كما كتب حاتم في المداخلة الافتتاحية الإعتذار عن "ما قد يحسبه معاوية سباب موجه له " لحدّي هنا يكفيني لن اقرأ ما خلف الكلمات و افترض لها اسباب أخرى, مناهدتي وقومة النفس مع أحمد عمر اللايوق كلّها تدور حول الحتة دي :)
كما في نفس الوقت بما أنّي لست المعني بالإعتذار فلن ابدي فيه رايي قبولا أو رفضا قبل صاحب الشان دا بالذات مبدا عندي من زمان لأنه يزعجني غاية الإزعاج قصة قبول - أو رفض - الإعتذارات عنك وهي عادة في سودانيز أنا نفسي تأذّيت منها من قبل
فيا كبر يا عزيزي دعنا نأخذ الجانب الإيجابي و الظاهر وندع ما في الصدور ودا نفس ما أقوله لحاتم حتى يخمد وميض النار التي اراها تشتعل تحت الرماد مع الأخوان مولانا الملك وود المشرف ولا داع للإسراف في سوء الظن

Quote: بالمناسبة يا محجوب في عدد من المصطفين مع حاتم في البوستات الأخيرة دي .. منطلقين من ظنهم بانو بجضم ليهم خصوم مثل كبر ما قادرين يناطحو في طروحاته .. لأنهم ببساطة ما ظهرت ليهم اي اهتمامات.. فيما كان يطرحه حاتم من مشاركات مفيدة .. قبل الرسلنق الحصل في بوست الموصلي /معاوية .. ولا اعلم لهم مشاركات ولو من باب رفع البوست بنقطة وانا من المتابعين لكتابات حاتم.. حاتم كان صادق لما عبر عن دهشته من مواقفهم الآن قائلا.. Quote: أنني أرى نماذج مشرفة جداً لأناس لا تربطني بهم صلة أو حتى مجرد مداخلات يدافعون عن موقفي بطريقة أدهشتني حقاً وألجمت لساني عن مجرد التواصل معهم،

ما بحب اتكلم بالنيابة عن الناس بالتالي ما حأجيب سيرة عبد العظيم وجمال
لكن تعال وريني الخصومة البيني وبين كبر شنو ؟

Quote: بخصوص جمعك للكمبيوتر والمحاماة

لا لا دي عبارة ضاحكة مني ساي
ما عندي أي علاقة بالمحاماة ولا بفهم في أي مجال تاني غير الكمبيوتر
دة بفرض إنه قرايتي للكمبيوتر ممكن تصل توصيف فهم وما ظنيتها

سلامات كبر الكنت فاكره صديقي وطلع خصمي الداير ناس حاتم يجضموهو لي

Quote: رأيك شنو في مطاردة حاتم للناس؟..النموذج مطاردة حاتم للموصلي ، ومطاردة حاتم لكبر ..اهو داك فاتح بوست باسم كبر..؟..ضروري اسمع رأيك..

جداً
أسمعك رأيي وبي أثر رجعي كمان

Quote: حاتم المطاردة كما الصوت العالي تضعف الحجة المراهنة على غباء القارئ وأنه يحتاج للتذكير والبرهان في كل بوست وكل لحظة ينفره من الكاتب

Re: يوسف الموصلي في برنامج أغاني وأغاني اليوRe: يوسف الموصلي في برنامج أغاني وأغاني اليو
حاتم طارد الموصلي لكن انت اللي طاردتو وفتح ليك البوست بعد ما أغرقت البوست بتاعه بمداخلات كتيرة شاف إنها محتاجة بوست

سلامات محمد البشرى
موضوع منال كتب في المنبر لكن لم يكن عن تناول منال للقضايا داخل المنبر كان عن مسألة شخصية في حياتها العملية الخاصة خارج المنبر
يعني القضية أساساً خارج المنبر بالتالي حلها ما ممكن يكون داخل المنبر .. المنبر كان معبر فقط
لكن قضية معاوية داخل المنبر دة وما اعتبره إساءة كان ممكن ببساطة تتم معالجته داخل المنبر ودة البحصل كل يوم هنا .. يا زول انت قلت أنا كضاب عشان جبت ليك كوت الصفحة التامنة ؟ تعال نوريك كيف الصفحة التامنة دي بالصدفة وقعت جوة الصفحة الوحيدة الما تميتها
وبس
فهمي وفهمك للمطاردة عادي جداً يختلفوا وما شايف مشكلة في عدم التفاتك ليها .. أنا كل البهمني في الموضوع إنه حاتم ما هوى بناحية معاوية بل معاوية هو اللي جر حاتم للحوار والمساءلة والاتهامات وهو اللي شال نعلاته جرى وراهو البوست التاني بالاتهامات برضو بالتالي مسألة اللجوء للقضاء عندي ما انسانية حتى لو كان من حقه .. لأنه متعدي ما متضرر
أنا بتعامل مع المعطيات القدامي يا البشرى بالتالي ما بهمني كون حاتم بالسذاجة أو معاوية بالخبث وكدة .. يعني أنا هنا بدافع عن وجهة نظر ما عن حاتم

شكراً لإفادتك الواضحة في الفقرة الأخيرة وهي تكفيني

Quote: ياخي مش جايز انو معاوية داير يحمي الجماهير من انفعالتو..او ما داير يغلط في حق الناس؟..بمعنى ادق..ليه ما يكون معاوية داير المحامي بتاعو يكون حاضر عشان لو معاوية قال كلام بيدخلو في مشاكل قانونية يقوم المحامي ويقول ليهو يامعاوية الكلام ده مش كويس؟.. التقاضي ثقافة اصيلة وجميلة يا احمد و ليست كارثة اخلاقية وانسانية

المقتبس دة يا كبر كان نفسي أرد ليك عليه بطريقة الونسة الملانة غناء ومحاننة
الماركة حقتك واللي انت عارف إني من متابعينها والمشاركين فيها من زمان
لكن أقسم بالله اتهام الملك عماني عدييييييل كدة .. بس فرقي لما أزعل بفضل اسكت وابعد عن الحبان واديهم مسافة التراجع ما بكورك لمحامي

المهم يا صديق (مؤقتاً فربما يثبت مولانا بطلان هذه الصفة)
بيناتنا بوست وونسة عن الحوار المجتمعي وسط عساكر الشرطة

سلامات البشرى
انتبهت الآن لمقتبسك دة وكان مفروض أضمنه ردي الأخير عليك

Quote: ليطمئن قلبك بالنسبة لموضوع التقاضي وأنه أمر عادي و حاتم لا يخاف منه او ينزعج على ان يضيع حقه. دا حسب ما فهمت من حديث حاتم

أنا ما بكتب في موضوع التقاضي عشان حاتم خايف منه
أنا بكتب وجهة نظري - أنا دة - الشخصية
ما بعبر عن مخاوف حاتم وادافع بالنيابة عنه وكدة

شايف البوست مشي في نقاش جيد وعقلاني في ظني
انا قلت وين ما عارف
ممكن تقطع بصدق زول . لكن صعب تقطع بكذبه . اختلاف زاوية النظر بعكس صورة مختلفة تماما
ف شنو
ممكن تكون اتعودت الصدق من احدهم . فيصعب عليك تقلب كذبه والعكس . قد تجتهد في فهم وجهة نظره قبل ان تدمغه بالكذب عكس ما عهدت عليه الكذب
انا ممكن اتصور انو معاوية اصلا ما متابع البوست فقط قرأ آخر صفحة فيه لسبب ما . يشجعني في ذلك اني اصدقه
ويشجعني في ذلك اني افعل ذلك . لا اتابع البوست ولكن اقرأ اخر صفحة فيه لاشارة ارجعتني لها . او وجدت اخر مداخلة من كاتب اتابع كتاباته
اصدق انه لا يتابع البوست فقط لانه قال ذلك ولا يوجد سبب ينفي هذه الفرضية . سبب موضوعي قوي

حبيبنا ول ابا محمد البشرى خضر..حبابك
كل سنة وانت طيب..وتحياتي للأسرة الكريمة..

مافي حاجة اسمها حاتم ابراهيم..دي فقاقيع ساكت يا قريبي..!!

كلامك سمح بالحيل يا محمد..وانت واحد من الناس البتمنى اختلف معاهم..قبال اتفق معاهم..عارف ليه؟..لأنو فيك القدرة انك تهدي الناس عيوبها من غير تكون عندك اجندة انتقام..او حاجات تحت تحت..!!

حاتم ( أو أي كان اسمو) خبيث يا محمد..وبوست الإعتذار والتوضيح ده..واحدة من الحاجات البتوضح خبث حاتم..!!

ممكن عادي انتا تقرا الحاجات في سياق برئ للغاية..لكن لمن حاتم يجدع ليهو رابط بتاع شركة بتوزع منتجات لمحاميين (وكما يزعم حاتم في تسعطاشر دولة)..كما قريبتنا واحدة كانت بتوزع طعام الفطور علي محاميين ومحاميات واحدين..هنا يا قريبي مافيش براءة وانسانية في الحاجات ..هنا في ناس بتحاول تظهر للناس عضلاتها التبش وبتحاول تفرض قداستها الغير مساءلة على الناس..يعني نظام انتو بتتكلموا عن المحامين بتاعنكم..اهو نحن بنعرف محاميين عابرين للقارات..!!

يا صديقي ، اخونا حاتم ابراهيم ظاهرة ، ليست كما يتصورها البعض من امثالكم..!!

وهسع دي جربها يامحمد: الموصلي زول معروف ما عندو حاجة بيخجل منها..وممكن عادي تقبقبو زي السلامو عليكم ، وكذا عزيز خطاب ..وكذا ترهاقا..وكذا كبر العفين ده..لكن خلي واحد..امو بت عم ابوهو يقدر يقبقب حاتم ابراهيم..!!

مش انتا خريج هندسة يا محمد البشرى؟..اهو قدامك حاتم ابراهيم..خلي يجيب عشرة انفار بتعرف انو هو منو؟..وما تنسى يا صديق كلام اخونا الفنان الجميل حمد عبد الغفار..القال حتى البيانات والباسبورات البتتقدم لبكري ابوبكر..ممكن نساءلها..ياخي ان شاء الله بينات ميتين او ايدانتتي سيفت ذاتو..!!
يا محمد..الموصلي وكبر ..ناس حقيقية وومكن تثبت ذلك..حاتم ابراهيم ظاهرة..وشبح اسفيري عدييييييييييييييييل...وحدنا معاهو:الموصلي تجربة ماشة قدامنا..حاتم نفرو شنو؟..
عرفت ليها يا محمد ، انو حاتم ابراهيم زايغ..وكلما يتعصر يمرق بجاكة (توضيح) وبوستات من شاكلة (ميز كبر)؟؟؟؟
من حقك يا صديقي تختلف معاي في فكرة فهم البوست..!
ولكن الشواهد يا محمد..وده سياق كل زول ممكن يفهمو بطريقتو البتريحو..!

كلام قصير يا صديقي ، كبر بعرف الموصلي وحرمو المصون وعيالو وبناتو..ومزيكة الموصلي ومزيكة حرمو المصون..الفنانة السودانية البتذكرها خلق كتير قبال كبر..!!..دي حاجة قاعدة قدام الناس وومكن تختبرها وتناقشها؟؟

حاتم ابراهيم نفرو شنو يا ود البشرى؟..حتى الموقع الأضافو حاتم هنا ..ماظاهر فيهو اسم حاتم ابراهيم...يعني لو حاولنا نقبقب ألأيقونة يوسف الموصلي بنلقي زول اسمو يوسف الموصلي ..لكن لو حاولنا نقبقب حاتم ابراهيم ، وباسم الشركة القال بتاعتو وعبرها قاعد يبيع سوفت وير ويتعامل مع محامين في تستعطاشر دولة..حتى الشركة دي ما بتلقي فيها اسم بتاع (حاتم ابراهيم)..وفي حاجات كتيرة للغاية ممكن عادي تلقى اسم يوسف الموصلي..!!..

ده مناط نقتنا يا ود البشرى..وحاتم ، عارف محل العصرة وين..!!

الغريبة يا محمد البشرى..كنت داير اهدي ليك ،و معاك صاحبنا (الشبح) حاتم ابراهيم..غنية ام روبة في بوست حبيبنا محمد النيل..ولكن..!!

محمد النيل ، عضو في المنبر يا ود البشرى..كان لمن يغني في الحفلات..اول غنية بيبدا بيها ..غنية ابراهيم موسى ابا ( يا بنات الحي قولوا لأم روبة)؟..كاونتر بوينت للطيش ..!!!

مافي حاجة ، يا ود البشرى ، اسمها حاتم يا ابراهيم..كلها فقاقيع..زي محمد ناصر ورودا مردا وسارة عيسى..وصلاح ليون..!!!



وبرضو غنية ، لكن في موود تاني..هدية لحبيبنا امير بوب..!!



نورة يا امير، دي الزولة الخلت حمد الريح يحنبك ايد ورجل..!!

اما الغنية دي..قام لطشها حبيبنا المرحوم (عبد العزيز العميري)..يا امير..جكس العميري في المنبر ده ، لو لمه فينا عكاكيز ساكت..على بالحلال ما يمرقنا غير نغطس في موج النيل..والله صحي يا قريبي..!!


سلام يا صاحب..!!

كبر

ود أبسن إزيك
معليش أنا ما رديت علي مداخلتك بخصوص (أول عشرة مداخلات)
الصراحة إطلاقاً لم أفكر في فتح هذا البوست لإعادة النقاش، لذلك تراني شحيح المشاركة
لكن لو علمت لك مشاركة لتخطيت لها المداخلات بدون إلزام نفسي بالعدد.

وأثمن محاولة توضيحك لأمر لصفحة التامنة التي (تم العثور) فيها على مداخلة مصادفة لم تكمل نصاب الفولسكاب.

لكن أقول لك بصدق: لا يأتي لخير من يضع نصب عينيه منصة القضاء عند الكلام، ويلوح بها قبل السلام.

شاكر ليك لطيف تعليقك حاتم
وانك من الذين اقرأهم بتمهل
امكن يا حاتم انت ما ملزم بقرايتي لي معاوية زي ما قال هيثم
معاوية بعرفو لصيقة جدا
ما داير اتكلم عن معرفتي بيهو
لكن سألتو مباشرة عن كلام البلاغ في لحظتها ولم يزد ان افهمني انو دة كلام ساي . لم اورد ذلك القول حينه . ايراده وقتها لن يوقف الحوار
معاوية ليس من الذين يلجأون للقضاء وان اكل احدهم حقو عديل فما بالك بحوار
الود الذي تعلم

عارف يا اب سن
أيام مشكلة البشرى مع مع معاوية الصائم كانت أغلبية المشاركين بحاولوا يؤمنوا على حكاية إنه معاوية الصائم راجل وأخو أخوان ويتتاقل بالدهب خارج البورد
لكن الحقانيين كانوا مصرين على محاكمة ما اقترف كيبورده بغض النظر عن شخصيته الحقيقية

اووو معلم
تعرف يا احمد ما بتذكرها والله ديك
لكن موضوع معاوية ما ركزت كتير علي شخصية معاوية
معاوية قال ما متابع
حاتم استند علي الصفحة الثامنة دلالة علي متابعة معاوية
انا فكرت في الامر لحظتها مفترضا صدقه . مش صدقه هو بل صدق كل من يقول لي مالم يثبت عكسه بدليل مادى قوي
صدقتو وفكرت هل يمكن ان معاوية لم يقرأ سوي صفحة تمنية . لقيتها ممكن
برضو حاتم ليهو حق في ان يشك . فما دفع به معاوية ليس دليل مادي قوي
والامر بالنسبة له مهارات حوار واكتشاف التناقض او التأمين علي التطابق
ببقا بالنسبة لي
حاتم ومعاوية متحاورين كل يحاول تثبيت وجهة نظره
المأساوي في الامر ما اختلفا عليه لم يكن سوى تفصيلة صغيرة في النقاش يمكن تجاوزها
ولكنها كانت القندول ال ولا القشة ال
رأي شخصي
اري حاتم ومعاوية متشابهان في جدية قراءتهما وصرامة ردودهما واختيار التعابير المضغوطة التي تشير للامر مباشرة
ليس وحدهما بل يشترك معهما كثير ممن اقرأ لهم لذات الصفة

Quote: انا ممكن اتصور انو معاوية اصلا ما متابع البوست فقط قرأ آخر صفحة فيه لسبب ما . يشجعني في ذلك اني اصدقه

تعرف يا ودأبوسن.. جميل أن يبدأ الناس النظر للأمور من منظور النسبية. بعض طلبتنا - هداهم الله - يتسلحوا للامتحانات ببخرات مكتوبة بخط دقيق جدا (ربما بحجم بنط واحد أو بنطين) من خلال عمليات النسخ المتكرر المصحوب بالتصغير. ووفقا لهذا الأسلوب يمكن أن تضمّن الصفحات الثماني في ورقة فلوسكاب عادي!! لدي صديق مدمن على القراءة يقول أن له أسلوبا يجعله يقرأ الكتب بطريقة سريعة تقوم على المسح الانتقائي فيتجنب الحشو.

يا محمد احمد عمر مش قلت الناس تبعد من محاولة قراءة نوايا الناس ولبس الطواقي ..
هي غير دي الجابت العكة دي كلها شنو ؟
هسه في مداخلتي دي في اسمك ولّ أي من الذكرتهم ..
مش يمكن أنا قاصد ناس الفيس أو أي زول غير الذكرتهم ..
أنا لما ادرج كلام يا محمد أحمد بكون عندي تحت يدي وقائع ببني عليها ما فرضيات ظنية أو قراءة نوايا زيكم ..
إفتكرتك تنتبه للغرض وتقراه في إطار لفت انتباه حاتم ..
وليس انتقاد موقف من عنيتهم فلهم ما شاؤوا..
خلاص اطمئن لا أنت ولا الذكرتهم طرف في الكلام الكتبتو خت في بطنك بطيخة صيفي .

مرحب محمد الامين
عندنا استاذ فنون في القوز الثانوية زول مبدع وافقو واسع . علمنا طرق التفكير اكتر من الرسم . اظن اسمو مهدي
المهم
قال بعرف زول بقرا بالقايمة . نظرة واحدة بس بقرا عشرين سطر . والمدهش انو الجريدة البقراها في زمن وجيز بضع خط احمر تحت الخطأ
نظريته في ذلك اننا بنقرأ اللوحة في برهة واللوحة عبارة عن تفاصيل كتيرة .
ونحن ما بتهجأ بعد التعلم لفترة طويلة . بل القراءة مهارة . نحن كناس ما مطورين مهارتنا ما بتقرا الجملة حرف حرف وكلمة كلمة . بل بنقرا الجملة كاملة في لمحة
طيب
ممكن نقرا اكتر من جملة في برهة بالمران

تصدق يا محجوب بوست الصوت الصحراوي الأشرت ليهو دا انا أصلا ما تابعتو ..
وأقول ليك حقيقة انا ما انتبهت لايقاف حاتم إلا من خلال مشاركتو من الفيس ..
في بوست الأخ عبد الله جمعة عن استخدام الحرف العربي في كتابة لغة البدوات ..
الباقي بعرفو حاتم .

لكن الحقانيين كانوا مصرين على محاكمة ما اقترف كيبورده بغض النظر عن شخصيته الحقيقية
الحمد لله انا كنت منهم وطالبت بطرده كمان
رغم علاقتي الطيبة معه .. بس الغلط غلط
-
اها طلع ليك واحد حقاني
وحتى حاتمنا ده طالبت بعودته وبكري سحب البوست
ولازلت اراه شيخ المستنيرين في المنبر

Quote: الناس تبعد من محاولة قراءة نوايا الناس ولبس الطواقي ..

لا يا الملك
سوري شديد والله
الناس المفروض تبعد من الشتائم المتدثرة بالعموم
البوستات الأخيرة أهي دي ظاهرة قدام الناس كلهم
بعضها شغال والمطبول منها لازال في الصفحة الأولى
وانا موجود فيها يا الملك ومصنف مصطف رئيسي وأساسي
لما يكون كلامك حول البقول باع وبضبحوهو في عيد الضحية ما تستغرب لو الناس قالوا خروف

سألتك في البوست الأول ليه حولت تعبير التحايل لاحتيال وزغت من الاجابة
كررت ليك السؤال تاني هنا وبرضو زغت
قلت بعيداً عن التهويش واللي أنا شايف روحي وشايفيني الناس جزء كبير منه ولما علقت عليها جيت قلت لا لا قاصد بيها ناس تانيين مع العلم بإنك كان ممكن تذكرهم صراحة
كتبت ليك أسئلة وحيثيات واضحة وأسئلة عاوزة إجابات واضحة زغت منها وقلت اتمنيت لو ما جيت البوست .. وما سألتك يا الملك بعدها لأني بحترم الانسحاب من المناقشة أياً كان شكلو
جيت تاني قعدت تشاتم وقلت الناس المصطفين في الفترة الأخيرة (اللي اي زول ممكن يعددهم ليك in name يا الملك) ناس دايرين حاتم يجضم ليهم خصومهم زي كبر وبرضو لما سألتك زغت
مادام عندك وقائع بتبني عليها ليه ما تذكر وقائعك وأسماؤهم بدل تطلق تحقير زي دة في بوست معروف مشاركينه وطاقيتك مقاس كمية فيهم !

أخيراً أنا ما منتظر منك تطمني أنا من الناس الكايسين حاتم يخوض ليهم معاركهم ولا لأ
ما راجي نتيجة امتحان حتصححوا لي انت
أنا لما سألتك داير منك وضوح شايفو مافيش
وبس



.

Quote: موضوع منال كتب في المنبر لكن لم يكن عن تناول منال للقضايا داخل المنبر كان عن مسألة شخصية في حياتها العملية الخاصة خارج المنبر

ياأبو حميد نعم ممكن من ناحية فنية كلامك صاح الموضوع المثار تناول أمر من خارج المنبر لكن يقى المنبر هو الوسيط الذي دار فيه الإتهام و الحتة الوحيدة البتجمع محمد ناصر / وائل طه مع منال
لكن يتخّيل لي زي الفهمتك انت بتتناول من ياتو زاوية, كأنّك عزلت المنبر وما يدور فيه من نقاشات وملاسنات وغيره عن الحياة فا زي العايز تقول حتى التحاكم يتم بأدوات المنبر والناس ما تمرق برة, وجهة نظر مقدرة بالطبع يلّا انت عليك ان تقدّر من يختلف معها فهي مهما كنت تراها صائبة تبقى وجهة نظر زيّها زي غيرها ولاّ شنو..

كبر يا حبيب
اولا الشكر على الكلام الطيّب البتمنى الواحد يستحقّه جد ما مجاملة لطيفة منك
الثاني و الأهم, بعد إذنك يا حاتم ما كنت عايز اقول الكلام دا هنا مالم تذكره أنت صاحب الشأن أولا
يا كبر أنا بيني وحاتم تواصل بالتلفونات و بالإيميلات وغيرها اي نعم ما تقابلنا لكن هذا لا يعني ان اشكك في شخصيته و حقيقته فانا لم اقابل الكثيرين ولا اشكّك فيهم, عموما دي شهادتي و قناعتي بحقيقة شخصية حاتم وكان جيت غالطتني ما عندي ليك حيل غايتو لكن دي قناعتي و خلّيني اسألك ماذا تعرف عن أحمد عمر مثلا أكثر من اسمه وكونه بتاع آي تي و أخيرا عرفنا انه زنطورابي :) ولايوق, هل تشكك فيه برضو؟
الأهم من دا يا كبر - وأرجو أن لا تقرأ حديثي كأنه دفاع عن حاتم - غض النظر عن من هو الكاتب هل توجد مشكلة في النقاط التي يثيرها خاصة النقاط الفنية و العلمية و الحقائق التاريخية؟ هل لابد من معرفة من هو و اصله وفصله وتاريخه وطوله وعرضه أولا ثم من بعد مراجعة نقاطه التي يثيرها و التي غالبا ما تمس عضم الموضوع
أحيانا حتى لو كان ما يثيره في خلل أو يسهل دحضه لكن للأمانة الدقة و الترتيب الذي يتميز به يشكل حافز ممتاز لتجويد الرد و البحث و يرفع المستوى للحد الأقصى- هذا طبعا لو قدرنا ناخذ الكلام بتجرد و نتغاضى عن السخرية و التحدي وما إلى ذلك مما يصرف الناس عن لب القضايا.
يبقى السؤال لأي مدى سيغير معرفة تفاصيل دقيقة عن شخصيته تقبل الناس لنقده وتعاملهم معه! استخدمت لفظ تفاصيل دقيقة لأن التفاصيل المبذولة حتى الآن اعتقد تكفي وزيادة للتحاور
هل وضعه لصورة أو فيديو مع دفعته سيجعل السوناتا المعنية تنضح بالكاونتر شنو كدا أم ستنفي اسطورة حزام فان آلن .
إن كان لحاتم عيوب فهي كثيرة يمكن اتيانه منها لكن قطعا التخفي و كونه شبح اسفيري ليس أحدها

بالحيل يا صديقي يا احمد..وانا زول راعي وود خلا ساكت..لو حصلت نار بخوضها قبالك:عشان احميك..والله صحي يا احمد..
وبعد

كذاب يا احمد محمد عمر، ياصديقي ..انا محمد النور كبر..لم اطارد الشبح حاتم ابراهيم ..ولم افتح بوست باسم حاتم ابراهيم..وناقشتو بدءا في بوست الكاونتر بوينت الشهدت فيهو نساء ورجال بحجتي..وانما حاتم ابراهيم هو من زاغ من الحجة والمنطق وقام ميع الصراع ، وفحط بيهو من باب الصياعة في بوستات زي ناس (ميز كبر)..ولو عندك دليل يا احمد بيثبت انو كبر فتح بوست باسم حاتم ابراهيم جيبو هنا..!!

حاتم لم يكتفي بمطاردة الموصلي فقط..وانما عجز عن مقارعة حجة كبر في بوست فاتحو حاتم..لدرجة انو فتح بوست موازي اسمو (ميز كبر)..!!

انسانيتك وين يا احمد..لمن ناس في المنبر ده بتفتح بوستات وبتنتهك عروض الناس؟..اجيب ليك الروابط و الأقتباسات يعني؟

كبر هين يا قريبي..وحدنا معاك جيب بوست انو كبر طارد فيهو حاتم ابراهيم؟..

واهو قدامك ،حاتم ابراهيم فاتح بوست اسمو (ميز كبر) مطاردة في الفارغة..وغاب على حاتم انو ناس كبر ديل بيتفاهموا مع الناس وفق ياتو معايير..!!

حاتم كذاب وخبيث يا احمد..والأغرب انك انت في ذات نفسك في ذات حجة بتقوم تنسى انسانيتك..!!

اهو داك قدامك وقدامي وقدام الخلق الحايمة هنا..حاتم جاب رابط شركة سوفت وير..وما قادر يجيب مركزو القانوني شنو منها..يعني حاتم جاب اسم الشركة ما قادر ولا بيقدر يكتب ليكم اسمو وحقيقتو شنو..!!
كلام واضح يا صديقي العزيز: حاتم ابراهيم هو منو وشنو؟..

يعني زول يجيب ليهو اسم شركة..وتوش يخش في الناس ويتكلم باسمها..هنا نحن ، من حقنا ،نطالب بهوية الزول ده هو منو..ومن حقنا..في الونسة هنا نطالب..وقانونا بنعرف كيف نطالب..وصدقني لمن نبقى في الجد..انتو ح تبكوا كتير لمن تكتشفوا انو مافي حاجة اسمها حاتم ابراهيم..!!

من الآخر يا احمد: يوسف الموصلي حاجة موجودة علي الأرض..وح نقبقبها من تلابيبيها..معاوية الزبير حاجة موجودة في الأرض وومكن نجيبها ليك..حاتم ابراهيم حاجة وهم ما بنقدر نجيبها ليك..ولو داير تختبرني: هسع دي ممكن اجيب ليك يوسف الموصلي ومعاوية الزبير وبشهادة خلق كتيرة هنا..يعني فيزكال بجيب ليك الموصلي ومعاوية الزبير..انت بتقدر تجيب لي حاجة اسمها حاتم ابراهيم؟؟؟

النجيضة يا ناس المنبر: حاتم ابراهيم خت رابط بتاع شركة خدمات سوف وير واتكلم باسمها..وأي زول يتابع الرابط ده ما ح يلقى اسم حاتم ابراهيم في الشركة دي..!!
يعني واحد من اتنين:
يا حاتم ابراهيم صحيح عضو اوعميل في شركة كالم سوفت وير الظاهرة في سجل ولاية اوهايو بالولايات المتحدة..وهنا من حق الناس تسال وين اسم حاتم ابراهيم..ولو طلع عندو اسم تاني ..الناس من حقها تتهموا بانو شبح بيخفي حقيقيتو على الناس..
ويا اما انو حاتم ابراهيم ما عندو علاقة بالشركة المعنية ، وقام انتحل اسمها بصفة ناس (اتعامل ) حسب ما وارد في عبارتو الفوق..ومنها الناس تعرف انو حاتم كضاب وقاعد ينتحل صفة الأخرين..يعني مزور ومدلس..!!
اهو يا حاتم الحاجات قدامك وتعال وضح للناس..!!

ده مناط النقاش يا احمد محمد عمر..!!

خلونا من التجريد بتاع الأخلاق والإنسانية وحرية التعبير والقداسة والطائفية الإسفيرية وشنو كده ما عارف..!!
بالباب العديل..حاتم ابراهيم كضاب وخبيث..واهو اسئلتنا قدامو وقدامكم..ونسمع اجابتو الواضحة..!!

من الآخر يا حاتم ابراهيم: الشركة الجبت رابطها وبتسرق اسمها وبتقول فيها انك بتتعامل مع محامين في تسعطاشر دولة: هل اسمك القانوني فيها حاتم ابراهيم ولا عندك اسم تاني؟..ولو اسمك فيها حاتم ابراهيم ليه ماظاهر في الويب سايت بتاعها؟..ولوعندك اسم تاني مع الشركة دي ليه ماقاعد تتعامل بيهو في المنبر ده؟..وهل من حقنا وحق يوسف الموصلي يتهمك بانك شبح اسفيري؟..

نعم اتهمتك بتهكير البروفايل بتاعي يا حاتم..و بكرر الإتهام..ولو بتقدر اظهر بهويتك..معلوماتي ظاهرة عند بكري ابوبكر..ولو نقصت فيها حاجة..عضوية المنبر..ابراهيم ناصر ، معاوية المدير ، حامد الصاوي ، منصور المفتاح ، عبد المنعم خير الله ، بثينة تروس ، ابراهيم خميس ، سهير الشيخ ، النصري امين ، امير مساعد ، وغيرهم ممكن يتموا المعلومات ويشهدوا عن حاجة اسمها كبر..فهل بتقدر تعمل الحاجة دي يا حاتم..؟..


النجيضة: بكرر كلام الموصلي: مافي حاجة اسمها حاتم ابراهيم..ولو عندو اثبات ياهو يختوا قدامكم هنا..!!


كبر

Quote: بعدها أتى محمد عبد الله مختار في ذات البوست وبدأ في محاكمة جديدة لحاتم في موضوع آخر

يا عزيزي أحمد محمد عمر رجاء ما تدخلني في موضوع الشلليات القايمين بيهو ده ..
انت عايز تقول انو في تنسيق بيني وبين الشلة المفترضة بتاعة موصلي ومستهدفين حاتم .. صححني لو أنا غلطان
بقول مفترضة لأنو معاوية الزبير اكد انو ما بيعرف موصلي ولا حتى رحب بيهو في بوست زيارة الدوحة وانا بصدق الزول ده من واقع وجودي في المنبر لسنوات ..
يا عزيزي انا قلتها قبل كده وتاني بقولها ما عندي علاقة لي بي موصلي ولا بي الموسيقى زاتو ولا قاعد اسمع موسيقي من اصلو
ما بعرف معاوية الزبير ولا الملك ولا المشرف ولا حصل حضرت لمة واحدة من لمات البورداب لا في قندهار ولا غيرو
انا زول براي يا أحمد وما عندي شلة ومشكلتي معا حاتم ما داسيها وهسي جديد انا فاتح ليهو بوستين بدل واحد
ما عندي شئ بخجل منو وحاتم ده بداوسو لامن يتضح الحق من الباطل
رايي في موضوع المؤهلات كتبتو .. انا ما عندي شغلة بي شهادات الزول لكن بيهمني انو لمن يجي يتكلم يكون عندو مؤهل ..
المؤهل ده خبرة متراكمة .. مشاريع .. ابتكارات .. حاجات زي دي ، حاتم ما عندو الحاجة دي خالص بي إعترافو
ما بيهمني انو الزول يكتب بي نك نيم لكن برفض الزول المراوغ البيستخدم عدة أسماء
يبقى السميتها انت (محاكمة) لي حاتم هل كانت في موضوع اخر ولا كانت في صلب الموضوع؟!
جبت ليكم إثبات إنو حاتم مرسل في سودانيز اونلاين وبيقول (اسمي علي ماهر) خت مليون خط تحت اسمي
الما شايف انو ده دليل كافي بي راحتو انا قلت رايي وانا حر فيهو
بعدين الشلليات دي الا لي ناس بيعرفوا بعضهم على ارض الواقع؟! الان ظهرت شلة Virtual تبع حاتم وواضح الخط بتاعها وعندها بوستات كمان
على العموم اتمنى اني اكون وضحت وجهة نظري وما عندي اكتر من كده ..


احترامي الذي تعرفه يا أحمد ..

Quote: انت عايز تقول انو في تنسيق بيني وبين الشلة المفترضة بتاعة موصلي ومستهدفين حاتم .. صححني لو أنا غلطان

لو قلت ليك قريت العبارة دي وما تميت الباقي بتصدقني !
أيوة غلطان
كل الحاصل إني كنت بسرد في حيثيات البوست داك وبس

وانا كنت ناوي أجيب سيرتك هسة في ردي على كبر حأرجع أقرأ تاني باقي كلامك أشوف هل ممكن تعتبرها حاجة عادية ولا بتتحسس

حيدر حسن ميرغني
عمرك ما كنت محل شك بالنسبة لي
احترامي ليك بلا حدود والله العظيم

سلامات كبر

Quote: وانما عجز عن مقارعة حجة كبر في بوست فاتحو حاتم

دة بالضبط القاصدو أنا
انت مشيت ليه في البوست بتاعه وبقيت تناقشو يبقى هو المطاردك كيف ؟

بالنسبة لكلامك عن شخصيتو أنا ما بهمني أي حاجة عن أي زول عدا ما يكتب خلال المنبر
والله جد
بناقش المكتوب وبتونس مع الكاتب بشخصيته المنبرية

حبيبنا محمد البشرى..حبابك يا صديقي
نعم انا قاعد اثق فيك كتير..
اعتبرني دقة قديمة..وناس بيان بالعمل..!!
اها ياود البشرى..وانا من منبر سودانيز اونلاين ده..اتعاملت مع ناس بالتلفون الإيميل..ووجها لوجه.. واخدت سنبك زي التريب..قرضتها في حناني ذاتو..مش من حقي اشك؟..
حاتم يا ود البشرى لو جاب غيرك ناسك بتقول انها اتفاهمت معاهو بالتلفون والإيميل..برضو كويس..
انا شفت يوسف الموصلي بعيني..هل في ناس بتقدر تقول شافت حاتم بيعينها؟..
امير بوب يا ود البشرى..واحد من الناس الواقفة في صف الدفاع عن حاتم..واهو داك لم قعد يتكلم عن ظاهرة الكوادر الخطابية ولا شنو كده ما عارف..الناس لقت ارضية مشتركة معاهو..!!
بالعكس يا حبيب..لمن زول زي حاتم ابراهيم يقوم يتلح يوسف الموصلي..نحن معيارنا انو شفنا يوسف الموصلي..سواءا مغني او مؤلف أو مؤدي..يعني زول عندو تجربة قدامنا ومتاحة وممكن ننقاشها زي الترتيب ونغالطها ذاتو..اها حاتم ابراهيم تجربتو شنو؟..يعني في شان زول حريف في الكمبيوتر ومصاقرة قوقل..خلاص نقول ليهو انت ابو العريف ذاتو؟..
حاتم يا ود البشرى ، حتى في النقل من قوقل..ما عندو ساس متين..وبيخاف لمن الناس تعصرو..وكل همو حكاية الون ما شو..
حاتم ابراهيم لا بيفهم في حقائق فنية ولا علمية ولا تاريخية يا محمد..والدليل انو لمن الناس تتناقش معاهو بنفس المعايير البتقول عليها دي..بيقوم يعير ويفتح بوستات موزاية..الرجل عيان عديل يا صديقي وعندو نقص في حتة ما بيحاول يتموا بالظهور على الفارغة..!!
خبث حاتم يا محمد بيظهر في البوست ده بتاع التوضيح..وزي ما قلتها سابقا..حاتم لا يعتذر من اجل الإعتذار بفهم انساني..وانما بيعتذر لأنو جاتو رسالة وفهم مغزاها..!!
المحك يا صديقي..هسع دي كبر ممكن يجيب ناس بتقول شافتو وعرفتو..وكذا الموصلي وكذا معاوية الزبير..خلي حاتم يجيب ناس بتقول شافتو وعرفتو..!!
فوق لي ده..حاتم متلصق في المزيكا..وانا بجيب ليك مزيكة الموصلي وترهاقا وعزيز خطاب وبشير عباس (علي الأقل ديل الناس الإتطنقع عليهم حاتم ابراهيم) ولو عندك نموذج لتجربة حاتم في المزيكا (تأليفا وغناءا واداءا) جيبها لينا هنا عشان نفهم ليه حاتم بيغالط في الناس ديل وبتريق عليهم وبينتهك حقوقهم للحد الممكن يعرضو لمساءلة قانونية..!!
حاتم يا محمد استمرأ حكاية الصفقة وافتكر انو ممكن بالصفقة دي يصنع معرفة..!!
خدني على قدر عقلي يا قريبي..واقنعني بالتجربة وجيب لي تجربة حاتم ابراهيم في المزيكا..!!
ودمت طيبا يا صديقي..
كبر

Quote: أيوة غلطان كل الحاصل إني كنت بسرد في حيثيات البوست داك وبس

ولك الإعتذار يا أحمد على قراءتي الخاطئة والتي في الواقع شككت أن تكون خاطئة لمعرفتي بك لذا قلت لك :

Quote: صححني لو أنا غلطان

سياق الجملة في وسط الأحداث يوحي بما ذكرته لك فشكراً على رفع اللبس ..
بقية المداخلة خاصتي فيها توضيح لمن قرأ العبارة وأخطأ في التقدير


تحياتي

Quote: سألتك في البوست الأول ليه حولت تعبير التحايل لاحتيال وزغت من الاجابة

عييييييك يا جماعة محمد أحمد دا ودو الضل الظاهر مرهق ..هههه ..
وين زغت من الاجابة أنت ما متابع ولّ بتقرا كيف ؟
مش دي إجابتي ليك ؟

Quote: بالنسبة لسؤالك دا يا أحمد .. معليش ما فهمتك قاصد شنو بالصبط .. على كل حال من حيث اللغة .. تحايلُ مصدر تَحايّل / تحايل عليّ فلان .. احتيال مصدر احتال / ويعد الاحتيال جريمة يعاقب عليها القانون .. لما زول يقول لي فلان تحايل علي .. المعنى قد ينصرف لوقوع فعل الاحتيال وقد ينصرف لمعنى محاولة المحتال التحايل عليه .. لكن لما أقول فلان احتال علي / المعنى ينصرف لوقوع فعل الاحتيال ..

اها تعال وريني زغت كيف ؟ كون اجابتي دي ما أقنعتك أو ما عجبتك ما بديك الحق تدمغني بالزوغان على الأقل من ناحية أمانة ساكت ؟

Quote: كتبت ليك أسئلة وحيثيات واضحة وأسئلة عاوزة إجابات واضحة زغت منها وقلت اتمنيت لو ما جيت البوست .. وما سألتك يا الملك بعدها لأني بحترم الانسحاب من المناقشة أياً كان شكلو

يا سلالالام على الأخلاق ..
طيب راجع تاني بتسأل ليه ؟
المهم أنت برضو فسرت مداخلتي على هواك ..
بس وريني وين الاسئلة الماجاوبت عليها ؟
مش دي مداخلتك :

Quote: لو لم تستخدم كلمة (التهويش) فوق ما كنت جيتك

ودا كان ردي عليها :

Quote: أنت زعلان من كلمة تهويش مش؟ وفسرتها بأنك مقصود بيها .. مش دا نفس سلوك حاتم في بوست معاوية ؟ بذمتك زول عاقل زي الأخ ابو القاسم .. لما يجي يكتب ويستنتج أنو عدم دخول معاوية لهذا البوست ايحاء يقصد بيهو استعطاف الناس دا تهويش ولّ موكدا؟ انت ذاتك كلامك يبقى تهويش ساكت لما تجي تلوم زول يقول عايز يلجأ للقضاء .

انت ليه بتعتبر أي كلام اكتبو صيحة عليك ؟ أنت في بطنك حرقص؟

Quote: هل تعتقد إنه مساككة زول بحوارات واتهامات من بوست لبوست وتصيد كلمة قالها لإقامة دعوى قضائية سلوك أخلاقي قويم هل بنسى المساكك دة إنه متعدي ومتحرف لقتال وبراهو القام يقابض في زول ما جاء بي جمبه !

هسه دا كلام يردو عليهو ؟ زول يصف شتيمة واضحة بأنها مجرد كلمة اتقالت !!!
كلام زي دا يطمس الحقيقية على عينك يا تاجر أكيد ما برد عليهو لإنو دا زول منحاز غير محايد ..
لن يقتنع مهما قلت له ..
بعدين بصراحة يا أحمد أكثر ما يثير حيرتي في موقفك من الكيس دا ..
كلامك المتكرر بصورة راتبة من بوست لبوست إنو معاوية مساكك حاتم ..
مع إنو إدعاءك دا ما عندو أي سند من الوقائع المعروضة قدامنا ..
بل أنت نفسك نقلت هنا كل الحوار الدار بين معاوية وحاتم ..
وين المساككة هنا ؟ خت صباعك وخلى الباقي علينا ..

Quote: اشمعنى بتحاسب في كلمات حاتم وما بتحاسب كلمات معاوية !

هههه ذكرتني بشكلات تلاميذ الوسطى ..
سؤالك دا فاقد المنطق ..
كيف ؟
أولا أنا ما جيت عشان أحاسب ولا عندي سلطة لمحاسبة زول ..
أنا طلبت أعتذار من حاتم هل دي محاسبة حسب فهمك؟

Quote: جيت تاني قعدت تشاتم وقلت الناس المصطفين في الفترة الأخيرة (اللي اي زول ممكن يعددهم ليك in name يا الملك) ناس دايرين حاتم يجضم ليهم خصومهم زي كبر وبرضو لما سألتك زغت

ههه الظاهر عاجباك كلمت زغت دي وعايز تدخلا في جملة سواء مفيدة او ما مفيدة ..
بهدوء كدا يا أحمد طلع العبارات البتفتكرها (شتايم ) في كلامي لمحجوب ..
انت ما بتعرف تعريف شتيمة شنو؟

Quote: مادام عندك وقائع بتبني عليها ليه ما تذكر وقائعك وأسماؤهم بدل تطلق تحقير زي دة في بوست معروف مشاركينه وطاقيتك مقاس كمية فيهم !

تحقير !! يازول أنت بتستخدم المفردات بدون ضوابط ولّ كيف ؟
عليك الله تعال وريني حقك القانوني او حتى الأخلاقي البلزمني أذكر الوقائع والأسماء ؟
شنو حقك القانوني البخليك تحاسبني وتصف من راسك بانو كلامي تحقير؟
فيما يخص شخصك الكريم أنا وضحت ليك تاني شنو؟

Quote: أخيراً أنا ما منتظر منك تطمني أنا من الناس الكايسين حاتم يخوض ليهم معاركهم ولا لأ

أهو دا التناقض أمو بت عم أبو هههه..
طيب أنت جيت سألت ليه من أصلو وكت ما منتظر مني توضيح ؟
اجابتي ليك مكتوبة بالعربي الواضح في ردي السابق عليك .
أي أسئلة أخرى ؟
قال ما محامي هو المحامي إلا روب وبنش؟
هههه.
هسه دا ما استجواب زي الاستجواب.

يا مولانا الملك ..
سكتك الدخلت فيها بمداخلتك الاخيرة أبشرك بانها لو انتهت في العام 2030 تكون محظوظ ..

ستتوه يا مولانا بين حمد وخوجلي الف مرة .. لامن تلقى نقسك مرقتها في القضارف
والله صحي

سلامات الملك
اعترف إني ما شفت ردك على تحايل إلا هسة ودة قصور مني وأعتذر

Quote: انت ليه بتعتبر أي كلام اكتبو صيحة عليك ؟ أنت في بطنك حرقص؟

لو كلامك لم يأت باقتباس كلام حاتم ممكن أقبل فكرة إني برة

Quote: Quote: حاتم كان صادق لما عبر عن دهشته من مواقفهم الآن قائلا.. أنني أرى نماذج مشرفة جداً لأناس لا تربطني بهم صلة أو حتى مجرد مداخلات يدافعون عن موقفي بطريقة أدهشتني حقاً وألجمت لساني عن مجرد التواصل معهم،

أسأل أي زول في البوست دة منو المقصود بكوت حاتم دة
كان قدرت تخته على أي مجموعة بشرية في المنبر دة أنا برة منهم ليك علي اعتذار
مع ملاحظة إنه كوت حاتم دة مخصص لبوست معين ولناس معينين وانت قلت هم المقصودين بكلامك
صاح ولا لأ ؟

يا كبر ما تدفعني دفع لأتحدث بلسان حاتم او ابدو مدافعا عنه بالتالي متحاملا على استاذنا الموصلي و آخرين دارت بينهم وحاتم اشتباكات
لكن الحقائق تبقى حقائق شئنا ام أبينا, لحاتم علاقة بالموسيقى نعم, كتب بوست بعنوان ساكس بتاريخ سبتمبر 2014 وتناول الموضوع اي نعم بشكل تقني تناول العارف بتكلم عن شنو! لا اقول مؤلف او ملحّن او مغنّي لكنه يعرف عن الموسيقى الكثير على الأقل تقنياتها
اشتباك حاتم المؤسف مع الموصلي - و الخواض في ما بعد - بدأ في بوست إيقاع الدليب اليوناني للأستاذ الخواض بعد سنة تقريبا من بوست ساكس
ثم يعد كدا افترع بوست عن الموسيقىالموسيقى بتاريخ فبراير 2016 بعد بوست ايقاع الدليب الذي جرى فيه ما جرى

السرد الزمني دا يوريك انه قصة "تلّيح" حاتم للموصلي لم تأت متعمّدة أو جا بيها الشبح حاتم من بيته بل هي نتائج انحراف النقاش وكونه موبوء بسوء الظن - جزء من سوء الظن هذا افتراض أن المحاور قاصد ومتعمّد و من هو وداسي اسمه ليه و هو شبح وكذا ومن حهة أخرى الاحساس ان هناك مؤامرة وشللية و سعي للإيقاف وكذا
اعلاه فيما يخص علاقة حاتم بالموسيقى
أمّا مسالة شخصيته وحقيقته فا اسرفنا فيها فوق ويبقى لكل قناعاته دون الغاء حق الآخر في ان يكون له قناعة مختلفة
أمّا بوست الإعتذار فا بنفس المنطق لا استطيع سوى حمله على ما كتبه وقدّمه به صاحبه, اعتذار راسه عديل ولن اجهد نفسي في البحث عن ما وراء الكلمات و ما تخفي الصدور
نقطة أخيرة اشارتك لتريقة حاتم وسخريته التي تفسد النقاش, ح اعلق عليها كمتابع ومستفيد من النقاشات و المواضيع التي يثيرها قلتها من قبل واعيدها تاني واتمنى ان لاينزعج منها حاتم, بصراحة مسالة مزعجة جدا وتقتل متعتنا في متابع النقاش و المعلومات الثرة المتبادلة
ليت حاتم يتخلّص منها وهو قادر على طرح حجته و الدفاع عنها بالمنطق و القوة اللازمة دون اللجوء للسخرية و الاسراف فيها

أنا فاجأني موقفك حول مطالبتك المتكررة بالاعتذار من حاتم ولما نسألك ليه ما طالبت معاوية بإبعاد القضاء عن الحوارات المنبرية بتقول أنا ما طرف !!
شئ طبيعي أسألك شنو البخليك طرف في مطالبة حاتم وببعدك عن مطالبة معاوية !!

الشتيمة أهي دي

Quote: عدد من المصطفين مع حاتم في البوستات الأخيرة دي .. منطلقين من ظنهم بانو بجضم ليهم خصوم مثل كبر ما قادرين يناطحو في طروحاته ..

شلت الكوت اللي كتبه حاتم يشكر فيني أنا وكم نفر وقفنا معاهو في البوست اللي عامل توضيح عشانه ووصفتنا بإننا ضعفاء ما قادرين على كبر وبنشجع في حاتم عشان ياخد لينا حقنا منه هل دة تحقير ولا لأ ؟
ما بقول ليك أسأل حاتم قاصد منو
لكن أسأل أي زول في البوست دة يوريك فهم حاتم قاصد منو ويجيب ليك دليل على فهمه

أنا ما ألزمتك بذكر الوقائع والأسماء إنت القلت لي رأيي مبني على وقائع .. صح ولا لأ ؟

لما سألتك ما عشان تطمني إني زول كويس .. أديتك مساحة حسن ظن عشان تراجع كلامك وتقيس الكوت الاقتبستو من جديد وتقر بسوء تقديرك إن وجد وبس

الاخ احمد محمد عمر تحياتي
واضح انو المقصود فى جزئيه التهويش وما ادراك ما التهويش
في حديث مولانا له التحيه ،العبد الفقير لرحمه ربه انا،فقد ذكر
مولانا صراحه ان سبب دخوله البوست هي مداخلتي .. وله الحق
ان يراها كما يشتهي ..فيا ابوحميد علي رِسلك في حتة التهويش
دي..بالنسبه لي انا..حتت انو مولانا شايف كلامي تهويش دي ماها
المسأله المؤرقه المُلزمه ادبياً في ان ادخل في غُلاط معه فله الحق
فى ان يري ما يري ..ولكن تظل رؤيتي للمسأله كما اوضحتها في مداخلتي
الاولى بان تماطل معاويه وعدم توضيح المسأله من جانبه هو انتظار
للدعم المعنوي من الشباب والرد بدلاً عنه وقد نال ما اراد من دعم
ودفاع ،ولكنها تظل في خانه الهتافيه والشلليه ما لم يأتي هو يقوم بتوضيح
موقفه....
التحيه يا مشرف
(تماما كالذي جاء هنا ليدين مسألة عدم قبول معاوية للاعتذار في الاطار الزمني الذي حدده هو لقبول الاعتذار .. تصور !!!)
اذا كنت انا المقصود واظنني كذلك فالرجاء الاشاره بإقتباس للاطار الزمني الذي حددته
واذا المقصود زول تاني فاسمح لي اقول ليك اشارتك المبهمه تضعك انت كذلك
في سرج ابوروضه الوضعته انت فيه!!!!

هههههههههه

يا جماعة رايكم شنو كلكم كدا مع بعض تقولو الشكلة انتهت

ونوقف لحدي هنا.. طبعاً دا اقتراح عشان ما واحد يجيني طاير

تكميم افواه وبتاع

وايم الله كلكم نفسكم قايم

وللمفارقة اكتر اتنين نفسهم بارد وهاديء هم حاتم ومعاوية.. والله جد

سلامات أبو القاسم
أنا ما أدنت كلمة التهويش ولا أخدتها لنفسي كإساءة وإنما قصدت أقول ليه لو كانت مداخلتك لحاتم براهو أنا ما كنت سألتك لكن طالما علقت على ما يدور في البوست اللي أنا جزء منه ووصفته بالتهويش بعد دة من حقي أتكلم معاك
والغريبة برضو في المرة التانية ما فهمني !
أنا ما قلت ليه تعال طمني أنا كويس ولا كعب .. سألته سؤال واضح شنو الخصومة البيني وبين كبر ؟
سؤال زول عاوز يعرف جد جد والله
لأنه قال كلام في الناس القال فيهم حاتم (كذا)* وانا (كذا) دة ذااااااتو
فجأة كدة تلقى روحك نص شكلة وخصام وانت ما خابرو


_______
*اتذكرت نكتة ابوسن بتاعة (كذلك) .. غايتو نكات قلة الأدب اصلها ما بتتنسي

يا أحمد محمد عمر ..
بداية : أنا بعتذر ليك وللأخ محمد أحمد عمر على الخلط الحصل في الأسماء ..
ثانيا : أنا ما طالبك اعتذار وأصلا أنت ما كتبت ما يوجب الأعتذار ..
سؤالك مشروع ولأني توقعت إنك لم تفرأه قلت ليك في ردي (( أنت ما متابع ولّ بتقرا كيف ) ..
ثالثا : فيما يتعلق بجزئية كلامي لمحجوب ..
وفيما يخص شخصك قلت عليك بالواضح أنت ما في (البال) ..
اصلو قصة في ( البال ) دي بقت تجرجر هههه ..
رابعا : أنا لما قلت ليك ما ببني كلامي على استقراء النوايا بل بالوقائع المطروحه قدامي ..
لو أنت متابع بوعي بتعرف بدون الحاجة لسؤال ..
وهسه ناو بتعرف معنى كلامي دا ..

Quote: لو كلامك لم يأت باقتباس كلام حاتم ممكن أقبل فكرة إني برة

صدقني يا احمد أنت بره وبعيد ..
ولو كنت طلعت من جلباب أنا المقصود وحكاية الطواقي دي ..
وتعمقت في الغاية من الربط بين الكوت وكلامي ..
لوصلت أنو الغاية تنبيه لحاتم على الحتة اللفتت انتباهه وأثارت دهشته..

Quote: أسأل أي زول في البوست دة منو المقصود بكوت حاتم دة كان قدرت تخته على أي مجموعة بشرية في المنبر دة أنا برة منهم ليك علي اعتذار

غايتو ما شفت لي زول بقنطر روحو ذيك ؟ وين ود المدير ههههه ..
طيب وكت مصر يا أحمد نرجع نشوف حاتم كتب شنو في الكوت الضابي أنت كربون دا ..

Quote: أنني أرى نماذج مشرفة جداً لأناس لا تربطني بهم صلة أو حتى مجرد مداخلات

تقدر تقول والله يا أحمد انك أصلا ما عندك مداخلات مع حاتم عشان يشملك كلامو دا ؟
عشان ما تزوغ ( الكللمة هنا في بكانا الصاح ) دا مش كلامك :

Quote: فتش مداخلاتي مع حاتم حتطلع بعشرة خلافات

أها قلت لي أسأل أي زول حااااضر ..
يا جماعة أحمد دا بعد إقرارو الفوق مشمول في الناس القصدهم حاتم ولّ لا؟
ما تعتذر لكن فك من رقبتي ..ههه..

Quote: أديتك مساحة حسن ظن عشان تراجع كلامك وتقيس الكوت الاقتبستو من جديد وتقر بسوء تقديرك إن وجد وبس

كريم وأصيل والله ..
يازول أنت راميك جمل ..
وين مساحة حسن الظن في كلامك دا وأنت سلفا افترضت سوء تقديري ومطالبني بالإقرار بذلك؟
غايتو بعد راجعت شغلك مع غيري تصدق أنبت روحي ..
طبعا حتجي تقول لي وين شغلى دا ؟
هاك ليهو ..
هيثم غالي مخاطبا أحمد الواااحد دا في البوست دا:

Quote: تعبير تكبير اللفة دا اظنك قلتو لي في بوست قباني وانا ما فهمتو في سياقو زي ما بقولو لكن بعد كلامك لي علي دفع الله هنا فهمتو ابداً يا حبيب انا ما كبرت اي لفة بل قلت رايي وهو حرية حاتم في الدفاع

دا ردك على الغالي :

Quote: ما تاخد الكلام شخصي ليك يا هيثم كبر اللفة معناها زاغ من الرد

شفت أنت بتسوق الناس لى شنو ثم تجي بكل عفوية تقول ليهو انت ما مقصود وتفسر ليه تكبير اللفة بالزوغان ..
ههههههه كان أخير تكبير اللفة ..
غايتو زي ما قال جلالدونا ياها سواقة الاضان ..
أحمد يا خوي كان طلعت من الجلابية الدارعا في البوست دا وهي ما مقاسك ..
مافي اظرف منك في تعليقاتو ..
كان عدتم لن نعود لإني بكره اللت والعجن..
أسرح ساكت ههه
ربنا يديك العافية .

شكرا أبو القاسم لأريحية تقبلك لنقدي وإن قسوت فيه .

لا حولاااااااااااااا
يا الملك ياخي منو القال ليك هيثم زعل مني !
كل الحكاية إنه جبت ليه كلمة تكبير اللفة في بوست تاني

يا زول اقول ليك حاجة
الله معاك

هههههههههههههه

ياخي قلنا الشكلة انتهت😂😂

حاشا لله ما زعلت منك ولا انت قلت شي يزعل

ولا حتى الملك قصد في كلامو انو هيثم زعل يا احمد

الله لا جاب زعل يا حبيب

والله حيرني ذاتو يا هيثم لمن اتخلعت
ياخي لو عاوز يعرف القصة يسألني ما يستنتج براهو كدة ويعمل ليه شكلة من عدم بيناتنا
يعني عشان افك من رقبتو يدرعني في رقبتك !

المهم يا الملك
خليتك تب والله وما داير منك رد ذاتو
اعتبر روحك اقنعتني وافحمتني وأي حاجة

حقائق:

• هذا المقتبس (أنني أرى نماذج مشرفة جداً لأناس لا تربطني بهم صلة أو حتى مجرد مداخلات) عنيت به الكثيرين ظاهرين ومستترين، ولو لم يكن في قائمة الظاهرين غير شخص واحد فسيكون الأخ العضو "أحمد محمد عمر" وأحجم عن ذكر البقية تجنباً لحرج قد أدخلهم فيه.
• الأخ محمد عبد الله مختار أشهد بنزاهته في هذا المنبر فيما يتعلق بتداخله معي، وبخلاف انتهازيته للبوستات التي تنال من شخصي فلم أر من الرجل أي بادرة تآمر أو كيد أو اصطفاف مدبر.
• لست أتداخل في المنبر بإيعاز من مجموعة أو دوافع سياسية أو حتى رياضية ولا تربطني علاقة قرابة أو معرفة وثيقة بأي من الأعضاء المسجلين في المنبر واعتبر الجميع إخوة.
• الاسم (حاتم إبراهيم) هو اسمي الحقيقي الدال على شخصي في المنبر ولا استخدم أسماء رمزية في المنبر أو الفيسبوك من تاريخ تسجيلي في الموقعين.
• فتحت نافذة الفيسبوك لعل أحد الذين يريدون توجيه أية تعليقات في الموضوع من خارج المنبر أو من داخل المنبر باسم آخر.

سلامات حاتم
الموضوع ما كان محتاج توضيح
أي زول لو سألته عن الناس الشكرهم حاتم في الوقوف معاهو في مشكلته مع معاوية حيختني وش
محمد الملك بضرب تحت الحزام وانا الزول البضربني تحت الحزام ببعد من طريقه
لما أديته حسن الظن في الأول للتراجع لأنه الظهر لي وقتها بسوء الظن إنه عاوز يعمل فتنة بيني وبين كبر في اقتباسه بتاع الواقفين مع حاتم وشكرهم ديل ما قادرين على كبر وعاوزين حاتم يجضمو ليهم
وحتى لما سألته عن الأسماء اتزاوغ منها قال ما بذكرها .. يعني يفك الإساءة مقاسك ويقول ليك انت القال ليك منو البس
فكرة تطويع اللغة ومساككتها ظهرت لي من تحويله لكلمة التحايل المخففة الممكن تكون ظريقة نوعاً ما للاحتيال الجريمة الكبيرة الما ممكن اعتبارها حاجة بسيطة وتفسيره للتحويل دة جاء بلوي عنق اللغة وانا اعتذرت ليه عنها لأني ما شفتها لكن الكتبه دة ما حنك ولا حاجة وإنما كسر رقبة اللغة وكرعينها ذاتو وأهي ديك فذلكته اللغوية واضحة في بوست مجاور برضو مناصرة لأصحاب
أوكي استخدم اللغة في مناصرة اصحابك عادي .. أصلاً العوة دي كلها جات من مناصرة الأصحاب
لكن ياخي تجي بكل برود تحاول توحي إنه عندي مشكلة مع هيثم الغالي اللي بعتبر علاقتي بيه مميزة جداً وبتسمح لي بأي كلمة من أي شكل !!!
انت الدخلك بيني وبين هيثم أساساً شنو
علاقتي بهيثم وحواري معاهو ما محل امتحان ولا شايف إنه بيناتنا سوء تفاهم من أساسه .. ياخي الراجل صاحبي وكلامنا أصلو كدي
وبتفتش في مداخلاتي مع الناس لشنو ؟ ونحن بيناتنا موضوع واضح ومحدد
وكمان تقول لي كان أخير تقول ليه كدة وما تقول كدة !
البداية بكبر ومشى على هيثم يا ربي تاني حيوصل وين ؟
عشان كدة أنا وصلت لإنه زول ما فير وبضرب تحت الحزام وممكن يعمل أي مصيبة تانية عشان ينتصر لرأيه
وصدقني لو كنت واصل للمعلومة دي من أول ما كنت اتبادلت معاهو كلمة
وهسة بعد وصلت ليها بقول ليه من ضربنا تحت الحزام انهزمنا له
عديلة عليك المعركة الكسبتها ضدي ودي رايتي البيضاء مرفوعة فوق


_______
موضوع البوست انتهى عندي بمداخلة ابو سن الكان فاكرها ما بتغير حاجة
ولو كتبها من البداية كان حسم الجدل دة كلو وما كان حيكون البوست دة موجود ولا البوستات المجاورة

Quote: حاتم ابراهيم نفرو شنو يا ود البشرى؟..حتى الموقع الأضافو حاتم هنا ..ماظاهر فيهو اسم حاتم ابراهيم.

كبر أنت ثرثار، تظن أن إضافة الاسم مأثرة، لكني أراها مجرد ثرثرة مهرج
هذا التهافت منك لا يثبت إلا بساطة و(أهلية) الباحث عن المجد في قالب كراغوز شعبي متواضع يكْلَف بالقشور والترتر والصفافير والنفير.

http://www.kalmasoft.com/papers/PE-13-ST01.pdf

http://www.kalmasoft.com/papers/PA-13-ST01.pdf

http://independent.academia.edu/Kalmasoft

وفي إمكانك بالطبع أن تكتب لكلماسوفت تسألهم عن حاتم!
بدل كل هذا التخبط و(التذاكي) غير الفطن.

+++

Quote: افرد بوست خاص ليه يا محجوب؟ يعني انت بتؤمن بنظرية (تمييع الصراع)؟.. في أي حتة ، حاتم ابراهيم اتكلم ، ح نتكلم معاهو..!

Beat around the bush.
والميز برضو (حتة كبيرة) ومريحة، وثرثرتك الأقرب لأفلام هوليود ببطلها وخائنها وأغانيها و(عويرها)
هذه لن تحصنك ضده إن كنت تظن أنك بهذا العوار الحكواتي الممل تتلافاه
أو تثبت مقدرتك على ولوجه ولو لمرة واحدة فنراك فيها على حقيقتك المجردة
فتعال بمفردك (اتكلم معاهو) بدل (التخفي) ودس الكلام وسط مداخلات الرجال.
ميز كبرميز كبر

+++

Quote: يا حاتم ابراهيم صحيح عضو اوعميل في شركة كالم سوفت وير الظاهرة في سجل ولاية اوهايو بالولايات المتحدة..وهنا من حق الناس تسال وين اسم حاتم ابراهيم..ولو طلع عندو اسم تاني ..الناس من حقها تتهموا بانو شبح بيخفي حقيقيتو على الناس.. ويا اما انو حاتم ابراهيم ما عندو علاقة بالشركة المعنية ، وقام انتحل اسمها بصفة ناس (اتعامل ) حسب ما وارد في عبارتو الفوق..ومنها الناس تعرف انو حاتم كضاب وقاعد ينتحل صفة الأخرين..يعني مزور ومدلس..!! اهو يا حاتم الحاجات قدامك وتعال وضح للناس..!!

أوهايو المدينة ولا التقاطع؟

فبالأمس (تم تنبيهك) لإغفالك التثبت من الأمور والهياج
Re: طائفيـة الأسافيــر andquot; هيبة الألقاب وقدRe: طائفيـة الأسافيــر andquot; هيبة الألقاب وقد

مع أن المكتوب يبين (kalmasoft)
لكنك تتعجل القراءة بدون رشد (Legal entity KALMSOFT, INC. is a business company registered in the Register of State Ohio with the Entity Number 1321598)
هذه تصرفات كرغوز ولا تشبه سلوك القانونيين.
ربما هذا هو سبب خوفك من الميز! ولهذا تفضل عليه (عصاب حاتم) المنتشر هذا
اعتقد حان الوقت لمواجهتي فهذا أكرم لك من أن تندس وتزاحم الرجال هنا
رغم أن مداخلاتك صارت تضحكني من القلب.
ميز كبرميز كبر

Quote: الموضوع ما كان محتاج توضيح أي زول لو سألته عن الناس الشكرهم حاتم في الوقوف معاهو في مشكلته مع معاوية حيختني وش محمد الملك بضرب تحت الحزام وانا الزول البضربني تحت الحزام ببعد من طريقه لما أديته حسن الظن في الأول للتراجع لأنه الظهر لي وقتها بسوء الظن إنه عاوز يعمل فتنة بيني وبين كبر في اقتباسه بتاع الواقفين مع حاتم وشكرهم ديل ما قادرين على كبر وعاوزين حاتم يجضمو ليهم وحتى لما سألته عن الأسماء اتزاوغ منها قال ما بذكرها .. يعني يفك الإساءة مقاسك ويقول ليك انت القال ليك منو البس فكرة تطويع اللغة ومساككتها ظهرت لي من تحويله لكلمة التحايل المخففة الممكن تكون ظريقة نوعاً ما للاحتيال الجريمة الكبيرة الما ممكن اعتبارها حاجة بسيطة

أنا أعرف أن (مولانا) هذا "نشيط"
جداً.

احمد عمر
الاختلاف مع مولانا الملك فيه افادة
لان التحاور معه بيكشف جوانب
متعددة للنظر لنقطة الاختلاف ،
بغض النظر عن الاختلاف او الاتفاق
في المسارات او المأَلات ، لكن المعضلة
انك تختلف مع شخص ترقي من مرحلة
nut الي insane مع ايماني المطلق ان الاختلاف
والتحاور اضافة مهما بلغت خشونته اذا كان المسعي
هو توصيل فكرة او الانتصار لحق بمعزل عن الانحيازات بكل اشكالها واطيافها .
اختلفوا تفيدوا

شكراً يا محجوب
لكن بختلف معاك في حتة الخشونة دي
ما حبابها والله
الدنيا دي فيها شنو ياخ يستاهل يتخاشنوا فوقه !
في ناس كدة بدوني احساس إنه حياتهم في الواقع رايقة شديد عشان كدة كايسين للآكشن في الأسافير
أنا وحاة الله حياتي برة المنبر مأكشنة لمن بي هناك وكمان نوع اكشن البطلو البموت داك والمخرج يقرر يعمل جزء تاني يصحيهو من راحة الموت بحيلة غبية ويبهدلوا ليك ساعتين ويكتلوا تاني
فاااا شنو الحوارات إذا كانت بطيب نية وضحكة صافية وتقريب وجهات النظر حبابها نفيد ونستفيد
لكن إن بقت امتداد لواقعنا المهبب .. هدا طرفنا منها