الـمـقـنـطـريّـن ...

06:18 AM June, 28 2017

سودانيز اون لاين
معاوية المدير-بكندا محافظة البرتا
مكتبتى
رابط مختصر

شكلو في انبثاقة 😂😂

قالوا يا ود المدير
فيما يحكى الحاكى .. او يروى الراوى .. او يرى النايم
او كلللللهم مع بعض
مولانا الملك قال للمشرف بتاعو
الشغلانة جاطت ,, اها الزبارة شنو
المشرف قال ليهو :::: يا مولاى الملك ظنيتك قاصد الدبارة
تنحنح الملك و قال :::: بالله هى الدبارة
معليش ما كنت عارف
يا قبًا ارحنا بها
ما كنت عارف ياريت .. ياريتنى كنت عارف
___
يعنى يا ود المدير ما لقيت غير صورة البت السمحة دى عشان تشوت الكورة المقنطرة دى
غايتو عليك جنس حركات
المهم .. جاييك صاد
عشان نشوف الشوتة دى ماشة وين

ملحوظة يا جلالدونا عشان ما تجيني طاير لي جوز،
المقنطرين نوعين،
النوع اللوّل مقنطرين خِلقة،
والنوع التاني قنطرو نفِسُن ...

Quote: شكلو في انبثاقة 😂😂

هههههههههههههههههه،

عليك الله عرفتها كيف ؟،
الظاهر عليك بِقيّت شِفِت .


هوي،
أنا ماشي إتخمد ...

برضها(قرقريبة) واللا شيتا فيهو فايدة!
ياخ حبوبات الزمن دا بقن يعوسن بي كروت الشحن

قال ماشى اتخمد قال
تفك لينا شوتة زى دى و تقول ماشى انوم !!!
يا قبا لو سمحت اغنية يا ملك
و دايرنك تكون ملك و ملك عظيم يا زول
غايتو بقت علينا البقت على النجار
قالوا بابو مخلّع
----
الملك ملك من يوم يلدوهو

(شفت )شنو يا ود المدير دا انا غلبااااان
بوستات المونساتية 😂😂😂 اصلا كنت ما بقربها او بالاحرى بتضايقني شديد ايام طيب الذكر Abu Hussein
لكن قلنا نجرب 😂😂

اقعدوا انتو اتنقطروا وارجو الشوت ..

القنطرة خشم بيوت


كل سنة وانت طيب يا ود المدير وضيوفك

كل عام وأنتم بخير
يا بتوع سجن القناطر

إبلي المقنطرات وسمهن فاخر.

Quote: اقعدوا انتو اتنقطروا وارجو الشوت

ود المدير و ود دفع الله
سجمكم و قبلكم وحّدكم
تشوتو و تنبثقو ساكت كده بلا فهم
اها قنطروكم

انا اسمي مكتوب ؟

قالوا يا ود المدير
فيما يحكى الحاكى .. او يروى الراوى .. او يرى النايم
او كلللللهم مع بعض
مولانا الملك قال للمشرف بتاعو
الشغلانة جاطت ,, اها الزبارة شنو
المشرف قال ليهو :::: يا مولاى الملك ظنيتك قاصد الدبارة
تنحنح الملك و قال :::: بالله هى الدبارة
معليش ما كنت عارف
يا قبًا ارحنا بها
ما كنت عارف ياريت .. ياريتنى كنت عارف
___
يعنى يا ود المدير ما لقيت غير صورة البت السمحة دى عشان تشوت الكورة المقنطرة دى
غايتو عليك جنس حركات
المهم .. جاييك صاد
عشان نشوف الشوتة دى ماشة وين
غايتو انا في الأول كنت فاكرك بتتكلم عن مولانا الملك و ود المشرف لكن اعتقد تشابه أسماء ساى مش؟
كل سنة و انت و كل الحضور طيبين و سنة بخيتة سعيدة عليكم جت

احلي واروع البوستات.
المونساتية و القرقراب.
و المقنطرين
و المقنطرات.
دايما يا ود المدير .
عندك أشكال مع احرف ق ن ط.
اروع 3 أيام في أُم قنينيطة.
نصيحة كلم بكري يسحب البوست.
و الا اكلم ناس الهوية.


***
مداخلة ع عجل.





عزالدين عباس الفحل
ابوظبي

زمان بنعمل كوم وآطة ؤ نقنطر (نوقي) فوقو الكورة ؤ نشوتا .

ناصر حسين صاحبي دا قدُر ما ينزلوهو من كوم الوآطة دا
يجري براهو يقنطر رقبتو !!!...

القنطرة هي الكبري .





وهذا للعلم ...

عبد العظيم عثمان خلاليك المدافع إتحنفش ؤ جا طاير،
في اللحظة الداير يشوّت هو فِرِت نزل من الكوم ...



شِفِت ...

العيدةيتباخد عليكن.
ضحكتني يا جنا كبوشية
قت لي تلاتة ايام في قنيريكة؟
والله ماهن كتار عليها.

الما عايز القنطرة يعمل حساب لي كوم ترابو
قنطروك ولا جوك جوك
قنطرة المقنطر
المقنطرين خلقة
وآخر القناطر
تحت شعار قنطرني يا.....
والحريف يتمها

ود الفحل أعد ..
مداخلتك دي ناقصة ..
يا جلال ود المدير لو شاتني عديل أنا عارف روحي بهز الشبكة ..
ود الملك مركب مكنة حاتم سوناتا هههه.

ود المدير وضيوفو
عيدكم مبارك
الزول من ما يقنطر نفسو
اعرف كورتو فكت او اصلاً ما عندو كوره
الايام دي خريف ابو السعن للشوتنجيه

في واحدين يشوتو اسه
تاني يرجع يقنطر نفسو في كوم جديد
ديل ما بعرف يقزلو عليهم شنو

غايتو انا مفرمل وماسك نفسي لغاية يوم الجمعة يا جلال .. بعداك عاطف القوز بس .. لا بعرف ده عظيم صاحبي ولا بتاع

هسع في موضوع بتاع شلليات وما ادراك ما شلليات وادانات وبتاع .. ووزلك طلع اكتر زول شللنجي

..
اصبروا لغاية الجمعة وايام العيد الفوقنا دي تنقضي ..

سلامات يا معاوية المديــر
أخوك حريف من زمان ما تخاف علي
قنطرة التراب هينة كعبة قنطرة كبري ود ربيعة في الخريف
(فتشها في قوقل)

يا ود المدير ياخى اضبط لينا البوست ده
ناس التخصصات و المؤهلات ناس الملك و ود الزبير و ود المشرف
قول ليهم ده ما بكانكن ..
هسى فى داعى للتهديد ده و شوت يوم الجمعة
___
الوليد الاسماء الجات فوق دى لى و ظائف ملك و مشرف بتاعو مع الزبارة
اى تماثل مع الواقع انما هو محض قصد ليس إلّا
____
يا ملكنا تسلم من الشوت ياخى .. بعدين ود المدير ده لفتاوى
دايما شوتاتو ماشة الكشافات
---
عبد العظيم بى غادى عامل فيها تيس زريبة .. اول ما الموضوع سخّن
براهو كوّم كومو و اتقنطر فوقو .. غايتو شوتّو ح تكون ضفّارية

Quote: عبد العظيم بى غادى عامل فيها تيس زريبة .. اول ما الموضوع سخّن براهو كوّم كومو و اتقنطر فوقو .. غايتو شوتّو ح تكون ضفّارية

إنت يا جلال أقعد تاوق في بوستات الكوماج الأسفيري زي (كلب السرة)
كلب السرة لا بن----- ولا بخلي الكلاب يني-------
لغاية ما تجيك شوتة طرشة تلحقك طه عثمان

تعال يوم الجمعه وجيب دلوكتك معاك

اسع يا عبد العظيم
مداخلتك بتاعة كلب السره
دي ما قنطرت بيها نفسك عديل
هههههههه

عاد نبقى فى جنس ده يا عظمة ياخى
تمسح بى البلاط كده
عشان لقيتنى خريج خلوة
غايتو يا ناس المؤهلات تانى ما عندى ليكم غير الفرّار
.. الفرّار دى جمعها فرارير ...
و أليس يوم الجمعة بقريب
غايتو الا يحلك منى ود اب سن
------
ود المدير ياخى تعال صلح قى قنطرة اخونا عظمة ده

في واحد اسمو
محمد عبدالله مختار
دا اكتر واحد بعرف يقنطر نفسو
والغريبة الهداف ممكن يحرز الهدف في دقيقة
لكن يراوغ في خط ستة والقون فاضي
وبرضو بدردق لمزيد من القنطرة....
......
أتوقع الموصلي حا يقنطر نفسو في اليومين الجايات...
......
البشاري برضو قنطر نفسو قنطرة شينة...
......
قنطرة تفوت ولا حد يموت ولا يتعور بالنبوت،
.....
والعبارة الاخيرة منبثقة باعتباري ثقافة مصرية،
.......
سلام لمعاوية وضيوفه الكرام؛

في واحد من الجماعة الفوق ديل كوم ليك كوم تراب صغير وخت فوقو ابو القنفت ميت
اوعك تتر حركة ورا وتشوت .... دي ما كورة شراب دا ابوالقنفت شوكو كان ركب فيك ببقى ليك كرو عمرك جت

قنْطَرة : (معجم الرائد)
قنطرة - جمع، قناطر - (اسم)
1- مصدر قنطر
2- بناء مقوس فوق الماء للعبور
3- ما ارتفع من البنيان

اها دة الفرق
تقوم تنصقع
تبقا راقد بس
ترقد تحت اي حاجة
شدرة
مظلة
بني ادم
والذين يصنعون التاريخ هم الواقفون
لكن تصلح وقفتك ما تقيف وقفة مايلة ..
ما تتقنطر
تتقنطر الفرار محمدك

Quote: برضها(قرقريبة) واللا شيتا فيهو فايدة! ياخ حبوبات الزمن دا بقن يعوسن بي كروت الشحن

كروت الشحن ما بيمرقن الطرقة نجيضة بيصوطنها بالزات حقات
زين . أركز مع الشوت الضفاري وإرتاح كويس عشان تجي لياقتك
فُل، حاتم دا أنا متخيلو زول نِحيفان الهوا يشيلو ...

Quote: يا قبا لو سمحت اغنية يا ملك و دايرنك تكون ملك و ملك عظيم يا زول غايتو بقت علينا البقت على النجار قالوا بابو مخلّع ---- الملك ملك من يوم يلدوهو

هههههههههههههههههه،

يأخ قنطيرة الملك دي عجبتني جِنِس عجبة !،
لأني أوّل مرّة أشوفو مقنطر ...

Quote: اقعدوا انتو اتنقطروا وارجو الشوت ..

ههههههههههههه،

حلآت الجمعة يوما ؤ حِلو شمبات مقيلآ ...

Quote: القنطرة خشم بيوت كل سنة وانت طيب يا ود المدير وضيوفك

وإنت طيّب يا ابو روضة .

اليومين ديّل القنطرة بالطشت ...

اللمين البشاري،


والله صحي ...

بكرة الجمعة .. بكرة الجمعه

مقنطرين دى معناه ملقوفين ؟

Quote: مقنطرين دى معناه ملقوفين ؟

وضاحة

في لعبة الغولف قبل ضرب الكرة بالمضرب توضع في مكان ويتم تزبيطها
(التزبيط دا ) يعني القنطرة وهي أخر مرحلة قبل ضربها بالمضرب ..

مصطلحات ود المدير ما بتفك الا بكتاب عون الشريف قاسم

اهو الرد بتاع عظيم لي وضاحة ده ..
غولف وبتاع..
ناس جلالدونا و ود المدير لو قعدوا عشرة سنين ما كانوا ح يقدرو يشرحوه بذات الكيفية لوضاحه

..
تخصص ده ولا ما تخصص يا ما مؤهلين :)

العيدةيتباخد عليكن.
ضحكتني يا جنا كبوشية
قت لي تلاتة ايام في قنيريكة؟
والله ماهن كتار عليها.

محمد الشيخ

__^^___^^____^^____^^___^^___^^__
يا ود الشيخ
يا جنا فتوار. الباوقة
اروع 3 أيام في ام قنيربكة .
ياخي ناس الهوية و المؤخرات.
ديل افقهم واسع خلاص.
كويس ناس الخلاوي ديل .
يعني ما يخشوا سودانيز اون لايص.
الا اشبااااااااااااااح


***
مداخلة ع عجل.



عزالدين عباس الفحل
ابوظبي

مقنطرين
شوت
فرار


مستواكم اتدهور شديد

Quote: مقنطرين شوت فرار مستواكم اتدهور شديد

صديق ميرغنى ده مالو.. اتٱهل من ورانا وللا شنو
بكره النقه.. بكره النقه.. يا مليلك يا ود المدير
فى موضوع لعبة الغولف و كده
الحاضر يكلم الغايب.. انتظروا.. الرد الحاسم لكلام المشرف الغاشم

تابعنا وفالك طيب يا جلال

Quote: يأخ قنطيرة الملك دي عجبتني جِنِس عجبة !،

هههههههههه ..
نان دايرني اسويلكم شنو كان ختوني بواب ؤقعد يلبعوا بعضن بطن الحوش..
هسه والله عملت لي رد لذيذ ؤمشيت انزلو لقيت الريس شال العده ..
بركة سيد المستنير اب جلابية يطبلوكم ويريحونا.

البوستين اتقفلو..
قسما عظما لو كنتا محل بكرى كان لميت العده من اى زول دخل كراعو فيهن
هسى دى حالة ناس مؤهلين دى.. يافضيحة كلب السره ياخ...
المشكله يجو يتحكروا لينا فى بوستينا ده
غايتو كان جو ما عندى ليهم غير الرصاص فى الراس
و فرار و ساطور

ياتو عده ؟!

من المؤسف جدا أن تعامل ادارة سودانيزاونلاين اعضاء سودانيزاونلاين كما تتم معاملة الحيوانات ..

لم اطالب الا بتوضيح من الادارة بسبب حذف البوست .. وعن المخالفات الواردة فيه ..

هذه مسألة مبدئية جدا ..
ويجب أن تكون كذلك ...

لو ان سودانيزاونلاين تتدعى انها صوت من لا صوت له ..
فجدير بها احترام ذلك ..
واحترام اصوات الناس ..

وكأي منبر محترم ..
ستقوم اداؤته بتوضيح اسباب مصادرة آراء الناس ..
كنت اعتقد أن أدارة سودانيزاونلاين كذلك ..

لن اتقدم باستقالتي من هذا المنبر ..
بل سأكتب ذات هذه المداخلة وحتى يتم فصلي من المنبر او ان تتقدم اداؤة المنبر بتوضيح اسباب الحذف

يا مشرف اتحكر بجاي ؤ مدد كرعينك كمان ؤ جيب معاك كل
المقنطرين والشواتين كمان ثم،




يا ود الفحل لا تعليق ابدا .

يا ود المشرف .
انت زاتك بالغت.
الكلام الكثير و المقالات غير مقروءة.
خليك زي جني كدا.
سطر سطرين.
يا مؤهل.



***
مداخلة ع عجل .



عزالدين عباس الفحل
ابوظبي

يا ود الفحل لا تعليق ابدا .

معاوية المدير .

____^^____^^___^^___^^____^^___

يعني عشان قلت ليك .
انت بتلعب بثلاثة حروف ق ن ط.



***
مداخلة من الآيفون.
في السيارة و ع عجل.



عزالدين عباس الفحل
ابوظبي

Quote: كل عام وأنتم بخير يا بتوع سجن القناطر

هههههههههههههههه،

وإنت بخير يا درديري يا جميل .
اليومين ديّل القنطرة بالطشت ...

ود الفحل يا الراقي احساسك
فعلا عرفت محل وجعو
انا فاتني حوفا

Quote: مداخلة من الأيفون في السيارة وع عجل

صبرك ياااااا رب 😁😁

و ع عجل
وحاتو هو قايلها نمرة عربية

Quote: ع عجل

تصدق يا حفيض عا عِجِل دي أنا زمني دا كُلو قايلآ
بتاعت كتابي اللوّل الزمان دآك .

يا علي دفع الله أمشي بوست التوضيح ...

تصدّق يا على ود دفع الله
كل ما اقرا ع عجل دى
بتذكّر طيّب الذكر عثمان عووضةرد الله غربة باص ويرديهو
___
معاوية ..
جهزت لى غرفة اخونا احمد
ايوووة ياخى
احمد محمد عمر ياخى
اهم حاجة البلكونة ام درابزين و الوقاية

جينا من الجمعه لقينا المقنطرين زادو اثنين
جلالدونا وعلي دفع الله انتو ما اتحصنتو الباح ولا شنو

الظاهر ح نبداء نسجل لسته للحفظ

عادل الباهي قنطره معاها كج

جلالدونا،

Quote: إبلي المقنطرات وسمهن فاخر.

هيييييييييييييييييييييييع،

حرّم عفيت مِنّك يا اب زُبارة إنت آ زوّل
الممطُوّرة فوووو فُتها بغادي ...

Quote: انا اسمي مكتوب ؟

إنت بالزآت أعمل حِسابك وإيآك أشوفك حايم في بوستات
الشِبك لأنك راسك خفيف ومن السهولة تتقنطر فوق الكوم ...

Quote: غايتو انا في الأول كنت فاكرك بتتكلم عن مولانا الملك و ود المشرف لكن اعتقد تشابه أسماء ساى مش؟ كل سنة و انت و كل الحضور طيبين و سنة بخيتة سعيدة عليكم جت

يا سلآم عليك يا الوليد إنت عاد ماك زولي وانا عارفك سمح بالحيل،
عِلآ يأخوي وحات خوتنا الزوس ديّل في راس القايمة، لكن الملك
إضاير عِلآ ود المشرف حالف عِلآ يتقلقل فوق الكوّم !، نسويلو شنو
عآد غِبينا حِيّلة !.

العيد يتبارك عليك ...

Quote: دايما يا ود المدير . عندك أشكال مع احرف ق ن ط. اروع 3 أيام في أُم قنينيطة.

شكيتك علي .... إستغفرتك يا مالك روحي .
وحات الله يا ود الفحل أنا غِبيّت فيك حِيّلة،
أسويلك شنو عآد !، بعد دا عِلآ موية ليمون .

ووووووووب، يا علي دفع الله تلحقني ؤ تنجدني ...

Quote: الما عايز القنطرة يعمل حساب لي كوم ترابو قنطروك ولا جوك جوك قنطرة المقنطر المقنطرين خلقة وآخر القناطر تحت شعار قنطرني يا..... والحريف يتمها

هسّع يتموها ليك كيفِن، وإنت مشيت قنطرت رِويحتك برآك ؟!.
الداقس من قنطر نفسه، أو كما ورد في سلسلة الأمثال ...

أنا قلت حرم ما أجي داخل يدي فاضية
جبت ليكم عادل الباهي مقنطر فوق كوم تراب قدر الضربة

سلام ناس الونسة الطاعمة جدا

Quote: يا جلال ود المدير لو شاتني عديل أنا عارف روحي بهز الشبكة .. ود الملك مركب مكنة حاتم سوناتا هههه.

ههههههههههههههههههه،

يا ملك مكنتك خفّت، والله عِلآ كان تهز شبكة الهلآل، لكن اسمعا
مِني حرّم تركب مكنة اب زُمبارة دا اكان بزقت اقلآها تبزُقلك دفتر ...

سجمنا كمان جابتلها مُكاء وتصدية !،
دا كُلللللو من المؤهل ...

Quote: ود المدير وضيوفو عيدكم مبارك الزول من ما يقنطر نفسو اعرف كورتو فكت او اصلاً ما عندو كوره الايام دي خريف ابو السعن للشوتنجيه

هههههههههههههه‘

علينا وعليك يتبارك يا ود الفكي .
اليومين ديّل المكنات خفّن شديد الجنبو ترزي
اليلحقنا بمزيتة سريييييع بالله ...

اها النضحّكك زيادة يا جنا المدير
مشيت جسّيتو ليك
زولك من الناس البتكتب لكننى .... لاكننى
و الذين ... اللذين و اليتامى ... اليتاما
و الاخيرة دى فى عنوان بوست
اها لو ماجاب شهادة انو قرا لغة عريبة يكون ما مؤهل عشان يخاطبنى
غايتو جدعت ليهو بيت شعر
كان فهمو ف بها
كان ما فهمو ما ف بها
____
احمد محمد عمر
.. يا حليلك ياخى ....
ود الباهى ده مقنطر من زمن الغجر
ما شايفو لى يوم الليلى نفسو قايم و هبيش و كُج

Quote: ود الباهى ده مقنطر من زمن الغجر

غجري شديد الزول دا يأخي ؤ حُشري كمان، من جخانين الغجر
لكوم الوآطة، دا مُش مرمي الله دا مقنطر الله المافي زول بيقدر
يقِلّو من الكوم ...

ابن ابى ربيعة قال
خلّى بالك و ابقى عاقل ... انت فى شارع المناقل
هذا و لا يخفى عليكم كترت القناطر بى هنوكعت
تحبّو تسمعوها !!؟؟

يا سلآم عليك يا الوليد إنت عاد ماك زولي وانا عارفك سمح بالحيل،
عِلآ يأخوي وحات خوتنا الزوس ديّل في راس القايمة، لكن الملك
إضاير عِلآ ود المشرف حالف عِلآ يتقلقل فوق الكوّم !، نسويلو شنو
عآد غِبينا حِيّلة !.

العيد يتبارك عليك ...
كل سنة و انت طيب و ربنا يفتحا عليك محل ما تقبل
لي فترة من سودانيز و عندما دخلت وجدت البوست و كتبت تعليقي السابق و لم اكن أدري بالحاصل و اليوم قرأت بوست ودالمشرف الذي عنوانه مكاء و تصدية و بدأت أفهم سياق بوست القنطرة و الحمدلله بعد التمعن وصلت الى أنني لم أقنطر نفسي.
بالجنبة كدة عجبني تفسير عظمة للقنطرة لكن الغولف ده شنو ما عرفته بس بعد تدبر و تفكر تخيلت انو لعبة حقت ناس هاى يعني من مستوى وضاحة و انت طالع.
بوست ود المشرف الأنا ما عارف المشكلة الخلتو يكتبه شنو ذكرني قصيدة جميلة للكتيابي بقول فيها
على الطلاق
مكاء اليمين عليك تصدية
و كذب اليسار نفاق
أو شئ من هذا القبيل فقد وهنت الذاكرة و يا ريت لو انت أو أى واحد من الإخوة الكرام يتحفنا بالقصيدة كاملة
ختاما أرجو ألا أكون قنطرت نفسي و لك و لضيوفك الكرام كل الود و الاحترام

شكيتك علي .... إستغفرتك يا مالك روحي .
وحات الله يا ود الفحل أنا غِبيّت فيك حِيّلة،
أسويلك شنو عآد !، بعد دا عِلآ موية ليمون .

ووووووووب، يا علي دفع الله تلحقني ؤ تنجدني

معاوية المدير
____^^^____^^^____^^^^_____^^^_____^^^^__

ود المدير.
بصراحة كدا بحب السفرجل. و الأجاص.

***
مداخلة ع عجل .



عزالدين عباس الفحل
ابوظبي

امسك يا عمك
إجَّاص : (معجم الغني)
شَجَرٌ مِنْ فَصِيلَةِ الوَرْدِيَّاتِ، مُتَوَسِّطُ الطُّولِ، أَسْفَلَهُ مُنْتَفِخٌ، لَهُ ثَمَرٌ لَذِيذٌ. يُعْرَفُ فِي سورِيَة وفلسطين بِالكُمَّثْرَى، وكان يُعْرَفُ فِي مصر بالبُرْقُوقِ- اللهُ يُطْعِم الإِجَّاصَ لِمَنْ لَيْسَ لَهُ أَضْرَاسٌ. (مثل).
يقول الشاعر:
-كَأنَّمَاالإجَّاصُ فِي صِبْغِه ... ... مُسْتَرِقٌ فِي اللوْنِ صِبْغَ الْمُهَجْ.

سَفَرجَل : (معجم الرائد)
سفرجل - جمع، سفارج - (اسم)
1- سفرجل : شجر يحمل ثمرا ذا رائحة عطرية يؤكل نيئا أو تصنع منه المربيات
2- سفرجل : ثمر السفرجل

ود ابوسن.
ياخي فضحتنا ع الهواء.
البرقوق غير.
الكمثري غير.
الأجاص غير.
ياخي حلاااااااااس الدووووووم.
والله ناس الهوية ديل ما خاتين.



***
بعطر السفرجل.



عزالدين عباس الفحل
ابوظبي

Quote: غايتو انا مفرمل وماسك نفسي لغاية يوم الجمعة يا جلال .. بعداك عاطف القوز بس .. لا بعرف ده عظيم صاحبي ولا بتاع

هههههههههههههههه،

جلالدونا يا عمّك ألحق،
الفرملة إتلحست ...

Quote: سلامات يا معاوية المديــر أخوك حريف من زمان ما تخاف علي قنطرة التراب هينة كعبة قنطرة كبري ود ربيعة في الخريف (فتشها في قوقل)

سلآمات يا عظمة .
فتشتها ما لقيتا، مافي طريقة ترشها هنا،
واللآ خايف تتقنطر ...

من يكتب بأسم الفحل
نمرة العربية مافي

معاوية المدير كوم كوم ترابه براهو وطلع فوقه

Quote: ؤ من باب الشللية ؤ كِدا خليني أقولك إنت إستطعت أن تخلي أصحابي في الشلة معاوية الزبير ؤ محمد حيدر المشرف يفكوا آخِرُن،

تعال وريني منو من اصحابك ديل حاتم ناداهو لي حوار ولا هابشو
براااااااهم مشوا ليه بي كرعينهم

الواحد يلاعب العقرب من ضنبها ووقتين تقرصه يقول يخسي عليها

اوووووو معلم ياخ
قنطر ود المدير قنطرة شنو كدة ما عارف
شوت ساي يا معلم عنو ما مرق منها
اضف ليهو جلال

Quote: تعال وريني منو من اصحابك ديل حاتم ناداهو لي حوار ولا هابشو براااااااهم مشوا ليه بي كرعينهم

علي قول المُتلبطيّن ؤ ديّل كوّم براهُم كمان،
أراك بترت المدآخلة لتخفي الحقيقة .



ملحوظة،
في فرق بين أصحاب ؤ شللنجية لا تتلآعب
بمصطلحات الحوش رجاءً ...

Quote: سلآمات يا عظمة . فتشتها ما لقيتا، مافي طريقة ترشها هنا، واللآ خايف تتقنطر ...

يا معاوية كبري و ربيعه دا كوبري في طريق
مدني - المناقل (عند قرية أسمها ود ربيعه) في الجزيرة
الكبري دا في الخريف أحرف سواق بكون برجف زي عربيه الباسطه
لانه ما بقدر يفرز الكبري من الترعه ..

سلامات ود المدير و عبد العظيم

انتو كبري ود ربيعة لمن الكنار و الترع تفيض

و تغرقو في الخريف .. سواقين العربات بشوفوه كيف؟

ود المدير و القناطير المقنطرة من الذهب مالا ؟

لكن يا نعومة لقيتك غبشا ساي زينا
قلت لي شنوكنار
كنار دي الا ناس بحر ازرق اظن البعرفوها
خليك مثقفة ياخ
قول قنال ولا ترعة
ماتجي تقولي لي ابوعشرين

داير تزوغ مني بي بلي يا المدير !
هو الدو عندي فيه رأي

كلامي واااااااضح
منو الهابش التاني ؟

النصيحة دي مااا حااااااااارة .. أو كما كانت تقول عديلة في المسلسل الإذاعي

Quote: داير تزوغ مني بي بلي يا المدير ! هو الدو عندي فيه رأي

أسمع، إنت حاتم دا قريبك ؟.
طيّب طلما إنو ما قريبك إنت السغالة دي جايبا من وين ؟،
القبحة فوقك ...

ود المدير ... تحياتي يا قريبي ولي شلتك ولي ضيوفك ...
بوستيك دا ساعة انفتح كتا قايل رقبتي معني بيهو ... اصلا"
دينق يشيل ويدردق فيني من اول رمضان للقنطرة ... علي
اية حال عندي بعض الملاحظات الفنية ...
1 :- ياخي حلاة الشوته في البيجيك مدردق مش مقنطر ...
2 :- بعدين تكنيك الشوته مهم جدا" ... يعني لاعبتك الفي
الصورة صدرها الفي السما دا لو كان لي تحت كان سترت
حالها وادتنا شوته أمها بت عم أبوها.
3 :- مؤهلات الشوت البت عندها دكتوراه عديييل وهي
عضلات عظمة الفخذ عند التصاق الساق بالحوض وباقي
الجسم (ارجع للصورة).
4 :- كوم التراب خلوهو زمان ... ما شفتا الخواجات
بتاعين الرجبي عندهم كوم تراب بتاع تبخ جاهز.

تعرف يا معاوية المدير
أسوء أنواع القنطرة " قنطرة أم شويحة لسطان الداجو "
القصة دي أنا سمعتها في قطر نيالا قبل 20 عام
من خشم مرة حكاية شديد (العهدة هنا علي الراوي)

في سلطان في دارفور متقطرس جدا ومتسلط شديد إسمه (كسفروك) سطان قبيلة الداجو
الزوول دا شاف ليه جبل مطرف من سلسلة من سلاسل جبل مره
أمر شعبه بنقل الجبل من مكانه الي باقي السلسله .. أستمرت عملية نقل الجبل
سنوات ومات أناس كثيرين , في النهاية غلبتهم الحيله
أوفدوا له حكامة تدعي ( أم شويحة) أنشدت فيه شعرا
المهم السلطان قربها منه وكانت وداعية وبعض من دجل, وثق بها السلطان ثقة عمياء
في يوم من الأيام أوحت لسلطان أن يغير الدابه , وأنه السلطان الأعظم كيف يركب
الخيل زي باقي خلق الله , ولازم يركب تيتل , وتم إحضار التيتل ووضع عليه سرج
سلطاني خاص بالسلطان , وركب عليه السلطان وشدوا وثاقه علي التيتل
وإنطلق التيتل المتوحش بالسلطان نحو الغابة مسرعا يصدم الأشجار وتقطعت أوصال
السلطان وهو مربوط علي ظهر التيتل .. وتخلص الناس من جبروته وطغيانه ...

دي أسوء قنطرة في التاريــخ ( قنطرة أم شويحة لسلطان الداجو)

يا ابسن يا قريبي ( قد تكون حقيقة) الغبش احسن ناس.

ثقافتي سماعية من بعض الاهل و للاسف لا افرز الكنار من

الترعة . سافرت مرتين او تلاتة مرورا بود ربيعة و تمنيت

ان اسكن وسط الخضرة و النسمات المشبعة بالاكسجين .

المقنطرين إزيكم .. لعلكم طيبين في ( حيكم )..
تُقرأ : كوم ترابكم .. هههههه ..

البرنس ود عطبرة جاكم بي بوكسي الكشة قال ليكم كووووووولكم برة يا بتاعين الونسة

Quote: (-) بما انك فتحت البوست دا وعشان ما افتح بوست جديد نوفر على المنبر عندي ملاحظة لصاحب المنبر (-) فتح منبر فرعي مع المكتبات الكتيره الموجودة للنزالات الشخصية والتوضيحات والبوستات الموجهة لاشخاص ونوستات النقاش الشخصي والمشاكل وبوستات الونسة (-) ليظل المنبر العام يحمل فقط البوستات العامة الهادفة التي تخص المواطن السوداني المغلوب على امره وتهمه افكاركم وكشفكم للحقائق والاخبار (-) فمنبر اغلب البوستات نزالات شخصية ومشاكل تضيع وسطها البوستات العامة التي تهم امر المواطن السوداني

غايتو فى قنطرة بى غادى بس تخليك تخت ايدك فوق جضمك من المحنة
قنطرة ضرّابا طبلة .. و الله صحى

Quote: غايتو فى قنطرة بى غادى بس تخليك تخت ايدك فوق جضمك من المحنة.

هههه ..
فترنا يا جلالدونا كداراتنا ذاتا اتفتقت من كترت الشوت بقينا نخليها تتدردق براها .

Quote: فترنا يا جلالدونا كداراتنا ذاتا اتفتقت من كترت الشوت بقينا نخليها تتدردق براها .

ههههههههههههههههه،

يا ملك أقيف ورا القون جيب الكُور ...

..

Mohamed Elboshra

أي نعم الإجازة انتهت والتركيز قل وفتح المنبر بقى بالدقائق .... لكن ما لدرجة ما أميز المداخلات الفيها غرة صلاة داقينها في سوق الغوير
دخلت بوست ألقى ليك زول بكورك يا محمد البشرى رغم إنه مداخلة محمد البشرى ما ليها أي علاقة بسؤال مداخلة غرة الصلاة البتفتش للآكشن
غايتو ..... بعد فترة حتين انتبهت للاسم الانجليزي
رغم إنه عضو قديم شديد بس حيكون مقنطر لأي شلوت أعمى جاي طاير كايس ليه محمد بشرى .. وماااااا أكثر الأرجل الباحثة

يا وليد ..
القصيدة للكتيابي واسمها "على الطلاق"
والله صحي !!

***

علي الطلاق ..

مكاء صلاة اليمين عليك ..

وحج اليسار إليك نفاق ..

وأقطع حد ذراعي رهانا

ستصبح ثم تراهم سمانا ..

وثم يشد عليك الوثاق

لتعرف أن المنابر سوق ..

وأن البضاعة أنت

...

وليس هناك إمام .. وليس هناك رفاق

ستعرف أني صدقتك نصحي ..

وأني أحبك ، قلبي أبوك وأمك ..

قلبك أمي وطفلي .. مَحَنَة أهلي ـ

أحبك أنت تغني وأنت تصلي ..

وليس كمثل اشتياقي إليك اشتياق ..

أحبك طميا شهي النفاحة ، حنى خيالي

وجذبة وجد لمشهد وجهك فوق احتمالي ..

وأني أخاف عليك اليمين اليسار

أخاف عليك بقايا التتار ، وأن تتحمل ما لا يطاق

...

وأعرف أنك تحلم في الله

كيف يكون خداع المخادع " في الله " ..

كيف يكون النفاق ..

ومن قال إني لوجه الكريم أعد لذبحك

قلت لأجل الكريم سأقبل ..

جل الكريم إليه المساق ..

ستعرف أني بطينة طبعك أني خلقت

وأني صدقت .. وأني بررت علي الطلاق ..

وأما المكًاء .. فلقدت تصرفت فيها تصريف الحكاء "الكثير الحكي الجميل في سرده" .. فالمكاء هو الشخص كثير المكاء ..

مالها بقت زي (كأننا والماء من حولنا قوم جلوس حولهم ماء) ..

وضاحة

في لعبة الغولف قبل ضرب الكرة بالمضرب توضع في مكان ويتم تزبيطها
(التزبيط دا ) يعني القنطرة وهي أخر مرحلة قبل ضربها بالمضرب ..

مصطلحات ود المدير ما بتفك الا بكتاب عون الشريف قاسم
*****************************************

شكرا يا حبيب للتوضيح
طيب الاسد دا ما تقنطرو لي
عزبنا ياخى شايل عدتوا وحائم

ناصر قنطر رقبتو تااااني

صدق من قال

مقنطر الله ما بنزل من الكوم😂😂

Quote: .. فالمكاء هو الشخص كثير المكاء ..

غلت ...

هههههههههههههههههه،
ود الفحل بتاع الآي فوون في بوست المطار إن شاء الله
يا البشتنة اللِتبشتنا والقنطرة اللِتقنطرا لا تشوفوها لا تضوقوها،
قنطرة العدو ...

يا وليد ..
القصيدة للكتيابي واسمها "على الطلاق"
والله صحي !!
ألف شكر يا ود المشرف و فعلا الشاعر بشوف فالقصيدة قرأتها في فترة الديمقراطية و الناس مبتهجة بها و بسقوط الحكم المايوي البغيض و لعل في أفعال هذه الحكومة المجرمة خير شرح للمكاء و التصدية.

عزبنا ياخى شايل عدتوا وحائم
سلام يا بتنا
الكبر حصل و الشوف بقى طشاش عبارتك الفوق دي قريتها
شايل عدتو و حاتم

ودالفحل يقطع لسانك ....اسكت كفي احشاااااكمان فاتح بوست ..يالحم الراس.----------------------------------[
هههههههههههههههههه
اجمل قنطرة
ود المدير
الزول طلع لحم راس
وانا اقول الزول دا اخلاقوا ما اخلاق اهلى الجعلين والله صحى
لكن قنطيرت السرور
شكرا يا باسط يا مكى

بالله يا وليد شوف شاعرية هذه التعابير

وليس كمثل اشتياقي إليك اشتياق ..

أحبك طميا شهي النفاحة ، حنى خيالي

وجذبة وجد لمشهد وجهك فوق احتمالي ..

بالله يا وليد شوف شاعرية هذه التعابير

وليس كمثل اشتياقي إليك اشتياق ..

أحبك طميا شهي النفاحة ، حنى خيالي

وجذبة وجد لمشهد وجهك فوق احتمالي ..
يا سلام يا ود المشرف جمال ما بعده جمال
غايتو الواحد لوما خايف ود المدير و جلالدونا ديل يقنطرونا و يشوتونا بعد داك بحجة حرف البوست كنت اندحت معاك في شعر ناس نهر النيل ديل من شمال الخرطوم و أمدرمان لحدي أبوحمد لكن خليها لبوست تاني و يكون المزاج رائق.

ود المدير.
بقيت كمان تلم .
الاشبااااااااااااااح.
قل هو الله احد.

***
الشبح دا.
ضكر والا خنثي.

عزالدين عباس الفحل
ابوظبي

ود المدير.
بقيت كمان تلم .
الاشبااااااااااااااح.
قل هو الله احد.

***
الشبح دا.
ضكر والا خنثي.

عزالدين عباس الفحل
...................................................................
يالنبي نو ح الشبح منو ياود الفحل
الضكر ولا انتاية منووووو؟الفهم تقل
ابوظبي

Quote: في واحد من الجماعة الفوق ديل كوم ليك كوم تراب صغير وخت فوقو ابو القنفت ميت اوعك تتر حركة ورا وتشوت .... دي ما كورة شراب دا ابوالقنفت شوكو كان ركب فيك ببقى ليك كرو عمرك جت

ابو القنفذ شنو يا البوش
علي الحلف في نوعيه تلقاها مقنطره تفتكره كورة شراب
تجي تشوت قبل ما تصله تردك الريحه
ود المدير شكيتو علي جدي اب عصايةً سيف
لم لينا في بوستو الهوام

عصام دهب :

Quote: اتحدى وزير العدل و كل من يقف معه و يدعمه ان يثبت ان شهادة الدكتوراة تبعه شهادة صحيحة وغير مضروبة و غير مزورة .

ابو الريش :

Quote: يا عصام انت بصحك؟ البينة على من؟ انت نفسك قلت فى العنوان انها مزورة وقطعت الشك.. ولكن داخل البوست نقضت نفسك وقلت لو كانت وموش عارف ايه.. يعنى ترددت. فهل على ادريس جميل ان يبارى شكوك الناس او حتى اتهاماتهم؟ انت تدعى اذا عليك الاثبات.. ان ادريس جميل (بالاسم) شهادته مضروبة وتأتى بالدليل.. وتعلن تحملك المسؤولية.

Re: وزير العدل الجديد .. شهادة الدكتوراة مضروبRe: وزير العدل الجديد .. شهادة الدكتوراة مضروب

غايتو يا جنا المدير
ابتدعت بدعة سيئة فى هذا المنبر و عليك اثمها و اثم من عمل بها الى يوم القيامة
قال ونسة قال
و الصفحة الاولى بقت كلها ونسة
شكيتك لى اب عصاية الشقّ موية البحر و عبر
ياخى ديىق بقى يتونس !!!!
خيط العطور كوللللو فيهو 30 مداخلة .. دينق لوحده عندو 57 مداخلة
شفت العجب العجيب ده كيف
ستؤثم يا آثم

طيّب و المشكلة وين يا جلّي ما يتونّسوا ياخ هو في أحلى من الونسة
ولاّ انت اخدت لقب مونّساتي دا بجدية وشكلك خفت يضايقوك في اكل عيشك

ما قلنا حاجة يا ود الخدر اليتونّسو زى ما عايزين
و بالذات ديىق ده .. محتاج لى جرعات ونسة مكثفة
لكن شوف المصيبة وين
لامن فاق و لقى نفسو ما ياهو و لا ده طبعو
جانا بى غادى و قال مشرّك لينا
و بى شنو !!!!
بالريحة ام تلاته خمسات
شفت العجب العجيب ده
قال تلاتة خمسات قال
هووووى يا دينق النكلّمك عاد
الدايرنا يشرك لينا بى الامبريال ماجستى
غير كده تشمّونا قدحة

Quote: الامبريال ماجستى

دِي إشني دِي كمان، أكلة خواجات !.

في ضُمّتك دينق بقى يتونّس !، سجمنا كان كدي ...

و أيم الله هى جنس و نسه هى
مقلّع نعلاتو و خاتّى سفتو كمان
___
خبر الصباح
وضاحة تانى قنطرت روحا

Quote: خبر الصباح وضاحة تانى قنطرت روحا

ما فضلها عِلآ تبقى ناصر حسين ...

البسف اخير من البسجر

Quote: البسف اخير من البسجر

هههههه ..
غايتو دي يكونو آخر ناس سمعوبا ياهم ولاد جيلكم يا عبد الحفيظ ..
بقيتو تجيبو من اللآخر .

ادهشتني يا الملك تخيل
اصلا مافي بالي تلقطها وانت بالذات
ماعارف ليه
ههههه
زمن لكن

حليلكم
فاكرين كل مقنطرة بتهز الشباك؟
شوف عيني في نادي النصر بالشعديناب قنطروها ضربة جزاء
جاء الباك جارى لاحراز الهدف طلعت
رمية تماس!

سلامات يا أحمد محمد عمر ..
تصدق من شفت اسمك جيت جاري افتش لمداخلتك لقيتك حاشرها فووووق ..
المهم عايز أقول ليك لي كم يوم كلما ادخل بفتش في اسمك ..
عارف ليه ؟
خايفك تكون اخدت في خاطرك من نقاشي معاك .

بالله هي طلعت فوق !
كان كدي النجيبها تحت


_____________
والله يا الملك في وقتها اتضايقت لكن تاني نسيت الموضوع
ما ماخد البورد دة بجدية شديد كدة :)
الزعلات الزي دي علاجها غياب 24 ساعة من البورد وخلاص .. والله صحي

Mohamed Elboshra

أي نعم الإجازة انتهت والتركيز قل وفتح المنبر بقى بالدقائق .... لكن ما لدرجة ما أميز المداخلات الفيها غرة صلاة داقينها في سوق الغوير
دخلت بوست ألقى ليك زول بكورك يا محمد البشرى رغم إنه مداخلة محمد البشرى ما ليها أي علاقة بسؤال مداخلة غرة الصلاة البتفتش للآكشن
غايتو ..... بعد فترة حتين انتبهت للاسم الانجليزي
رغم إنه عضو قديم شديد بس حيكون مقنطر لأي شلوت أعمى جاي طاير كايس ليه محمد بشرى .. وماااااا أكثر الأرجل الباحثة