حتى احمد المخترع الساعة من ضحايا طه الحسين

00:55 AM June, 20 2017

سودانيز اون لاين
usama Babiker-
مكتبتى
رابط مختصر

الفريق طه عثمان الحسين وكيف كان استقباله لاحمد محمد مخترع الساعة وأسرته بالسودان
كانت الدعوة من رئيس الجمهورية السيد عمر البشير لاحمد لزيارة بلده السودان وتكريمه ثم أكدها وزير الخارجية السيد ابراهيم غندور عند لقاءنا به بنيويورك وتكريمه له وكثير من السفراء الابرار من أبناء بلادى الحبيبة وكان الواجب يحتم علينا استجابة الدعوة واحترام سيادة السودان متمثلة فى شخص الرئيس البشير وكان الفريق طه هو من تولى الاتصال بِنَا حيث ذكر لنا ان كل شئ جاهز من مراسم الاستقبال بالمطار والإقامة بفندق الفاتح لاحمد وأسرته فحضرنا بمطار الخرطوم ولم نجد الفريق طه ولا الذى يمثله واتصلنا عليه بهاتفه فلم يجاوبنا وقلنا قد يكون مشغولا وأخذنا تاكسى وذهبنا للفندق وقلنا انه قد حجز الغرف ولم نجد حجزا باسمنا فاضطررت لحجزها باسمى ودفعها مقدما بالكاش لأنهم لا يأخذون أوراق الإتمان وأقمنا بالفندق لأننا كنّا مرهقين جدا والأطفال نامت والسفر كان طويلا وهو قد اخبرنا ان لا نتصل الا عليه و العالم كله يتمنى استقبال احمد وتكريمه بفضل الله فى ذلك الوقت وما زال وسيظل ولن ينفك باْذن الله ولولا كان علينا لزاما عمل اجراءآت الجوازات بقسم الأجانب لأننا نحمل جوازات أمريكية لسافرنا فورا لواشنطن فاتصلت على الفريق طه فى الصباح ورد هذه المرة فقلت له يا الفريق طه قل للسيد الرئيس عمر البشير نحن استجبنا لدعوتك لنا وشكرا لك وما عندنا زمن ولابد ان نسافر لان لقاءنا مع الرئيس اوباما بعد غد فسنزوركم مرة اخرى ان شاء الله فقال لى انا سوف ارسل إليكم عربة المراسم مساء الْيَوْمَ فلا تغادروا و فعلا حضرت السيارة واخذتنا الى منزل السيد الرئيس بكافورى بحضور زوجته وداد والفريق اول عبد الرحيم محمد حسين واستقبلنا الرئيس عمر البشير بابتسامة عريضة ورحب بِنَا خير ترحيب وتجاذبنا معه الحديث واما الفريق طه كان منزعجا عابسا فى وجووهنا وقبل ان نشرب العصير ونكمل الحديث طلب منا الفريق طه الذهاب للإعلام وبعد الاعلام طلب منا مغادرة المكان فورا لان الرئيس برنامجه ملأن نظرنا الى وجه الرئيس البشير وكأنه غير راضٍ عن ذلك ولسان حاله يقول خذهم للعشاء ولكن الفريق طه اخذنا الى الخارج لا تكريم ولا عشاء فغادرنا الى الفندق بنفس عربة المراسم ثم الى المطار بنفس عربة المراسم والتى امرنى الفريق طه ان ادفع حق السائق اى والله العظيم والدنيا رمضان وفعلا دفعت للسائق ما طلبه منى وتشهد زوجتى بذلك وأتمنى السائق ان يقرأ هذا المقال ليشهد بالحقيقة وعند مغادرتنا المطار ونحن فى الطائرة فقد ابنى احمد كمبيتره لأب توب الذى أهدته له شركة المايكروسوفت وفيه معظم ذكرياته وهو ذاته ذكرى وباهظ الثمن وفقدت انا تلفونى الجوال وفيه كل التلفونات المهمة والشخصيات المهمة التى قابلناها وفقدنا أيضا بطاقات القرين كارد التى أكرمنا بها قسم الجوازات بقسم الأجانب بالخرطوم مجانا لهم الشكر فهل كان الفريق طه يتصرف من عند نفسه ؟ ام ان تصرفه هذا كان باْمر من احد ؟ ثم لماذا طلب منا الفريق طه عدم اعلان حضورنا للسودان الا من خلال سيادته ؟وعدم التحدث للإعلام الا من خلال الأجهزة الرسمية التى سوف يحضرها بنفسه اثناء اللقاء ؟ ثم كيف تضيع كل تلك المستندات الكمبيوتر والجوال والبطاقات المهمة لنا ونحن فى اعظم فندق فى السودان بعلم الفريق طه وذهبنا للمطار بسيارة المراسم باْذن الفريق طه و المغادرة كانت من خلال قاعة كبار الزوار باْذن الفريق طه وكل الأمتعة عندهم وتحت مراقبتهم وما علينا استلامها الا فى امريكا لان هذه إجراءات قاعة كبار الزوار .ما كنّا نظن هذه الظنون لولا ان الفريق طه ظهر على حقيقته وخيانته للدولة التى وثقت به وقلدته اعلى المناصب فنحن وثقنا فيه على ثقة الدولة فعاملنا تلك المعاملة الغير محترمة و التى كان لها سود العواقب على ابنى احمد و أسرته فما زال ابنى احمد يحزن اذا ذكر كمبيوتره المفقود لانه يذكر تلك الذكريات الحبيبة الى نفسه فنرجو من رئاسة الجمهورية وقسم المراسم رد الاعتبار لاحمد مخترع الساعة وإعادة تلك المفقودات ان وجدت بمكتب الفريق طه واعادة دعوة احمد للسودان وتكريمه كما فعلت السعودية وقطر وأمريكا وتركيا وولايات أمريكية كثيرة لان تلك العملية تركت انطباعا سيئا على نفسية احمد عن السودان فنرجو من رئاسة الجمهورية تصحيحها بعد ان اساء اليها طه والذى انكشفت حقيقته اليكم ونعتذر لجميع اهلنا وأصحابنا وللشعب السودانى لعدم مقابلتنا لهم عند زيارتنا لانها كانت تحت إدارة الفريق طه والذى أعدها أعدادا غريبا بالطريقة أعلاه ولا ندرى مالذى بيننا وبينه ؟ حتى يعاملنا تلك المعاملة المريبة ؟ وأتمنى ان يرد علينا اذا قرأ هذا المقال ؟ لانه الان فقط تحت سيطرة ضميره ؟ فهل فعل ذلك من تلقاء نفسه ام انه غضبان لان ابو احمد كان مرشحا لرئاسة الجمهورية ونسأل الله ان يغفر له اذا اخطأ فى حقنا وان يغفر لنا اذا اخطأنا فى حقه بفضل رمضان المبارك .
بقلم
محمد الحسن محمد الحسن
والد الطفل السوداني الأمريكي “أحمد” صاحب الساعة الشهيرة

ابو احمد ده ما عنده سالفة
وكل عام وانت بالف خير

سلام يا أسامة كل عام وانتم بخير

باقي الكوليرا بس
يشوفوا ليها طريقة يلصقوها في طه دا

أبو أحمد منذ بداية المشكلة حقت أبنه أحمد و هو يحاول أستغلال أبنه أبشع أستغلال

اش معنى الكلام دا ظهر بعد التور وقع؟

باقي الكوليرا بس يشوفوا ليها طريقة يلصقوها في طه دا

صدقت يا درديري

أسلوب جرجرة وشحدة ..
هسي قصة العشا دي بتتحكي بالله ؟


__

أب أحمد انت بتاع جرجرة زيك زي طه و زيك زي البشير ..
غايتو الله يعين أحمد


تحياتي أسامة ،،

صاحبي محمد الحسن محمد الحسن

صديق و زميل دراسه

علي نفسها جنت براقش ود النيل الابيض

لا تبكي علي اللبن المسكوب

جريت خلف الرهاب ( السراب ) و فقدت كل شئ التعويض الامريكي و الهبه القطريه

الشفقه ما سمحه و انت زول شفقان

ما صبرت ان صبرت كان غرتك لي صرتك

زي ما بقولوا لا حيله مع الرزق ( و انت كنت بتتحايل ) و لا شفاعه مع الموت

صاحبك زمااااان ايام الجامعه

الزبير

هههه
طه بالغ جنس بوليغ لكن

الحبيب اسامة
بركة الجيت ياخ

الراجل ده ضيع على ولده فرص ذهبية، شكله راجل رمة وحبرتجي

Quote: الراجل ده ضيع على ولده فرص ذهبية، شكله راجل رمة وحبرتجي

وشفقان وغليان كمان
بس الولد تربية امريكا اديهو سنة ولا سنتين ح يجيك تاني ف الاخبار.

السلام عليكم
الكلام دا جد واللا شتل واتساب؟

سلام يا اسامة.. اعتقد اتلاقينا فى الدوحة الشهر الفات.. ابو احمد وانا كنا (اغلب الوقت)واللا فى بيته واللا فى منزلتى لغاية ما غادرت.
رب ضارة نافعة وأحمد وأخوته الان يدرسون فى نفس المؤسسات التعليمية الأمريكية والمعلمين امريكان.. يعنى ما فقد شئ سوى اصدقائه.

أمشي خلي ولدك يسوي ليه حاجة تانية
وتعال قابل ود بخيت الجديد

يمكن تلحق العشاء

العشاء.. قلتو محمد زعل عشان فاتو العشا؟

حكمة والله.. وفعلا المثل صحيح.. الما بيعرفك يجهلك. محمد عشى جموع الصحافيين الامريكان بتزا لما استغربوا.. لما جوه فى بيته ايام المشكلة.. وحوار الشيخ المكاشفى اعتبرهم ضيوف وأصر ما يمشوا بصمة خشومهم.. طبعا سلوك غريب فى امريكا حين عادة الصحافيون يسألوا أسئلتهم ويتخارجوا.

الله يكرمك يا طه الحسين .
في الدارين.
دنيا و آخره.
ببركة ليلة القدر.
والعشرة الأواخر من رمضان.
كفاية الملفات الصعبة التي حملتها .
علي ظهرك من أجل الوطن.
و كفاية انك كنت الدينمو.
في ارجاع العلاقات السودانية الخليجية.
حملت أعباء أكثر من كونك .
مدير مكتب السيد الرئيس.
و لا اقول إضاءتك في عودة .
العلاقات الأمريكية السودانية
جعل الله كل ما قدمته من صالح الأعمال.
من أجل الوطن السودان.
في موازين حسناتك
و تلك الايام تداولها بين الناس.


***
مداخلة من الهاتف.



عزالدين عباس الفحل
ابوظبي

لا اعرف الرجل وكلامى اعلاه عن الشيخ محمد الذى اعرفه شخصيا لأكثر من ثلاثين عاما. ولكنك قلت عنه يا اخ عزالدين انه قام بأعباء خارج سلطات وظيفته كمدير لمكتب الرئيس.
لقد ذممت صاحبك من حيث اردت مدحه.. فمهة اعادة علاقات خارجية او قطعها او ايجاد تقارب مع امريكا وغيرها هى مهمة اصلية من مهام وزارة الخارجية فى اى دولة تحترم المؤسسات.

الجنى ده لقى فرصة ذهبية لكن الأب جنى عليهو بي تهافته ...
هل هو اخترع الساعة ؟ ..
الكلام ده فيه كثير من المبالغة ..
لكن هو نواة مخترع إذا وجد الرعاية الكافية ..

ابو الريش .
سلام.
كل سنة و انت طيب.
؟ You didnt understand what I mean





عزالدين عباس الفحل
ابوظبي

الاخ عزالدين عباس الفحل

لك العتبى إن اخطأت فهم ما سطره قلمك.تعليقى كان على ما قلته أنت:"و كفاية انك كنت الدينمو. في ارجاع العلاقات السودانية الخليجية.حملت أعباء أكثر من كونك .مدير مكتب السيد الرئيس. و لا اقول إضاءتك في عودة .العلاقات الأمريكية السودانية جعل الله كل ما قدمته من صالح الأعمال.من أجل الوطن السودان.في موازين حسناتك"والعبارة أعلاه أكيد قدح فى الرجل وليست مدح.لأن المهام التى أعددتها من اختصاص وزارة الخارجية.. فى نظام دولة ومؤسسات وليس دلالة السوق العربى
الرجل مسماه الوظيفى مدير مكتب.. واترك لك تفاصيل عمله اليومى.
تحياتى

ابو الريش.
Briefly
سعادة الفريق طه الحسين.
لم يحمل أعباء الملفات الملتهبة قيحا.
طوعا منه وإنما تم تكليفه بها.
addition
كونه
President's Office Manager
والرجل به من النشاط و الذكاء الخارق.
فكان ناجحا فيما كلف به.
في ال Assign tasks
اشواقي



***
مداخلة من الهاتف.




عزالدين عباس الفحل
ابوظبي

زين يا عزالدين.. كل زول قال رأيه والباقى حيكون تكرار.

تحياتى

اشواقي.
الاخ الفاضل ابو الريش.
تصبح علي خير.
بتوقيت الخليج العربي.


****
مداخلة من الهاتف




عزالدين عباس الفحل
ابوظبي

http://**** مداخلة من الهاتفhttp://**** مداخلة من الهاتف

نفسي اعرف الفرق شنو يالفحل لو المداخلة من الهاتف ولا اللابتوب .؟؟؟؟؟

"سعادة الفريق طه الحسين.
لم يحمل أعباء الملفات الملتهبة قيحا.
طوعا منه وإنما تم تكليفه بها"

فى هذه الحالة لا شيئ عليه. والرئيس يستطيع تكليف اى شخص بمهمة خارجية حتى لو كان مواطن عادى.

Quote: نفسي اعرف الفرق شنو يا الفحل لو المداخلة من الهاتف او اللابتوب ؟؟؟؟؟؟

ههههههههههههههههههه
اسامة اعاصبك يا صديقي 😂😂😂

والله ده كلو كوم ، وحشر الإنجليزي الدراب وسط العربي ده كوم تاني !!!
ما عارف هل المسألة كلام مثقفاتية ؟؟ ولا نوع من الحضارة ؟؟؟ ولا إيش الفهم ؟؟؟
الواحد يا شيخنا بكون مضطر بعض الأحيان يدخل بعض الكلمات الإنجليزية أثناء
الكلام لما يحس إنو ما في كلمة عربية توصل المعنى فيضطرإضطراراً لإدخال كلمة إنجليزية
قد تساعد أكثر في توصيل المعني ، مش زي ما بتعمل انت شغال ترجمة حرفية
وحشر للدراب والكلمات الإنجليزية بمناسبة وبدون مناسبة !!! أكرر بمناسبة وبدون مناسبة
غايتو جنس محن ...

ابو الريش .
الرجل الامير سلام .
ان شاء الله تكون وصلت .
واشنطون بخير .
المعذرة علي الازعاج عند الاتصال هاتفيا .
فجركم عندنا ظهرا .
الساعة الخامسة صباحا في ال USA
كانت في ال GULF الساعة 1.25 am


***
مداخلة من الهاتف.




عزالدين عباس الفحل
ابوظبي

ما فى اى ازعاج يا ابو العز.. الساعة خمسة كنت فى البص الى واشنطن.. قضيت الغرض والان فى البص الى نيويورك.. البص طبعا فيه انترنت وفيشات كهرباء للشحن.. التقول ابو رجيلة.. دى صورة اخذتها للبص قبل يتحرك نحو نيويورك. فى المداخلة ادناه

الصور دى قاعدين ترفعوها كيف.. ما شايف اى ايقونة لتحميل الصور.

url=https://www.0zz0.comhttps://www.0zz0.com][/url]

[url=https://www.0zz0.comhttps://www.0zz0.com][/url


***
تم التحميل بواسطة الآيفون.

url=https://www.0zz0.comhttps://www.0zz0.com][/url]


***
تم تحميل الصور بواسطة الآيفون.

***
عرفانا لصديقي العزيز ابو الريش.



عزالدين عباس الفحل
ابوظبي

صباح الخير .
الصديق العزيز ابو الريش.
الحمد لله رفعت ليك الصور بتاعتك .
الخاصة برحلتك من نيويورك الي واشنطن .
تحياتي.







عزالدين عباس الفحل
ابوظبي

تعيش يا عز الدين.. وما بتقصر.. شكرا على العتالة اكيد عملت ليك قطايع.بالمناسبة شهر 4 كنت فى أبوظبي.. حر الخالدية لحوالي اسبوعين.. كنت امشى دبى يوميا 6 صباحا وارجع بعد 8.زرت بيت السودان وما ادراك..

ابو الريش.
معقول تكون في الإمارات شهر 4.
وكمان في الخالدية قلب ابوظبي.
ونحن مانسمع بيك.
كنت لابس طاقية الإخفاء.
والا شنو ؟
فعلا الصيف هذا العام بدأ من شهر 4.
لكن الكندشة بغاز الفريون.
ترطب الابدان و تعدل الأمزجة
سبحان الله .
في حي الخالدية دايما بكون حايم بالسيارة.
رغم أن المنطقة مزدحمة.
لكن بالغت و لا همس.



عزالدين عباس الفحل
ابوظبي

ابو ظبى جميلة جدا.. ونظيفة وشوارعها سهلة ساى.
نعم كنت نازل فى حى الخالدية فى منطقة خالدية كى اف سى.
ما كانت عندى باسوورد المنبر الوكت داك.

ابو الريش.
عرفت ال Location بتاعك في ابوظبي.
مطعم ال KFC علي الشارع العام في الخالدية.
تقريبا بجوار حديقة الخالدية.
Approximately



***
مداخلة من الآيفون.



عزالدين عباس الفحل
ابوظبي

بالضبط كدا.. وأول ما انزل من بص دبى (ما كنت أسوق لدبى) أقول لبتاع التاكسى
خالدية كى اف سى انت معلوم؟
التاكسى رخيص بصورة مبالغة. لو لقيت الصور فى مسجد الشيخ زايد طيب الله ثراه انزلها.. حاجة مبالغة.. غايتو اولاده ما قصروا معاه ابدا.

ابو الريش.
سلام.
بالله كمان اتعلمت لغة الاردو بتاعت الهنود .
صديق معلوم .
بالعكس كان تسوق سيارة
ما دام عندك ال Driving License
ابوظبي من اجمل العواصم العربية .
البلد نظيفة و كل شي حسب ال system
شفت كيف كورنيش ابوظبي.
بالمناسبة الاسبوع الفات كنت في السعودية.
و طبعا مرينا بجدة . الرياض. المدينة المنورة.
ثم مكة المكرمة
وكمان كورنيش جدة .
العامل زي كورنيش الحاج يوسف.
اشواقي .




***
مداخلة من الآيفون.



عزالدين عباس الفحل
ابوظبي

ياه دا كورنيش واللا مصيبة.. كم تمنيت انزل من السيارة وامشى كدارى من المنزلة حتى مول شنو داك الفاتح على الكورنيش والمراكب.. المشوار كان قريب والمنزل على الكورنيش.. عمارة الاماراتية كانت حوالى دقيقتين تلاتة مشى.
مدير, نفرات مال ابوظبى زين.. لكن كورنيش مال جدة مافى زين

ههههههههه
ابو الريش ود الفحل عاداك تب هههه
الله يستر من المداخلة ام ايفون

أبو الريش والفحل ونستكم دي زي ونسة أولاد المغتربين
لمن يرجعوا السودان ...
بتكون كدا : تعرف يا ميمي الشاطيء الجمبنا
واااو مبالغه وأحلي من الشاطيء القريب منكم ..

تعرف يا حمادة الشاطيء الجمبكم داك لا حلو ولا حاجة بس نضيف
خليني أصوره ليك بكاميرتي حقتة الإيفون ....

زي ونستكم دي ناس السودان بسموها "قلوطة" وقنط مغتربين

كل عام وأنتوا بألف خير

الإخوان الأعزاء.
علي دفع الله.
عبد العظيم عثمان .ود كبوشية .
لو ما غلطااااااان.
كل سنة و انت طيبين
المهم خليتوني اضحك حتي ادمعت.
لكن نحن اولاد غبش.
اولاد صاقعة عديييل.
لكن رب العالمين الرزاق الكريم.
من علينا بالاغتراب والاسفااااااار.
فلله الحمد من قبل و من بعد.
سرا بيني و بين الضحك شعرة.
اشواقي.


***
مداخلة من الآيفون.



عزالدين عباس الفحل
ابوظبي

ابو الريش.
شفت كيف بالله كورنيش ابوظبي.
حاجة تشرح القلب.
بس وين شعراء الحقيبة الزمااااااان.
كانو عملو Updates
اما كورنيش ابوظبي
من بداية فندق الشيراتون وحتي مدخل كاسر الأمواج.
Breakwaves
اية من الجمال . و لوحة رايعة
غايتو كورنيش ابوظبي .
بيذكرني كورنيش مانيلا في الفلبيين .
روعة.
يا ابو الريش .
المول الفي أخر كورنيش ابوظبي اسمو مارينا مول.
لكن كورنيش جدة متواضع .
مع الاعتذار لناس جدة نفر.



***
برضو المداخلة من الآيفون.




عزالدين عباس الفحل
ابوظبي

عبدالعظيم عثمان. سلامات.يا زول انت جادى؟.. نحن نتقطع عشان نقلد الهنود للمزاح فقط.. لكن لو رطنا معاك بلغة أهل العوض الحناكيش حيضحكوا عليك.ولو بلهجة البجا إنتك ما تأرف تجرى بوين.. ولو بعربى جوبا نبقى فى افصلوا المكرفون..

مداخلة من الاندرويد

يا ابو الريش.
اول مرة اعرف انك.
ألذ من موية الأناناس.
ال Pineapple

***
مداخلة علي عجل.



عزالدين عباس الفحل
ابوظبي

الكبر... الكبر