Post: #1
Title: أيقونة التعديل، مسّاحة إلا شوية، آفة المنشور و قاطعة حلقاته!
Author: قصي محمد عبدالله
Date: 06-19-2017, 06:00 PM
Parent: #0
05:00 PM June, 19 2017 سودانيز اون لاين
قصي محمد عبدالله-حيث كان رزقي.
مكتبتى
رابط مختصر الواحد يكتب بناء على شئ مكتوب مسبقا،
يجي يلقى المكتوب عُدِّل، والمداخلة التالية في الهواء!
....
يابكري شيلها ، كي تضيف المزيد من الجدية والمسؤولية للكتابة.
|
Post: #2
Title: Re: أيقونة التعديل، مسّاحة إلا شوية، آفة المن
Author: أحمد محمد عمر
Date: 06-19-2017, 06:41 PM
Parent: #1
ياخي جل من لا يسهو
وقت الزول عرف غلطه وعدله انت عاوز تبقى ليه نكير !
خليهو الـ يعدلو ياخ
أرقى سلوك في الدنيا إنك تراجع نفسك وتغير فهمك للحاجات كلما وجدت قصور
____________
ملحوظة:
أنا ما عارفك بتتكلم عن ياتو مداخلة .. دة كلام عام ساي
|
Post: #3
Title: Re: أيقونة التعديل، مسّاحة إلا شوية، آفة المن
Author: قصي محمد عبدالله
Date: 06-19-2017, 11:27 PM
تحياتي الاخ أحمد ،
وشكرا على المرور الجميل.
كلنا نخطئ، وكلنا نعدل ، ولكن لابد أن يكون هنالك مدة معينة قصيرة (ربع ساعة، تلت ساعة)بعدها لا تعمل أيقونة التعديل.
ياخي الأمثلة كثيرة وكنت على وشك إيرادها...
ما مكن ترد على مداخلة وتجي بعد فترة تلقاها اتعدلت وأصبح ردك خيالي!
عشان كده كثيرا من ألجأ لأسلوب الكبشرة .
---
فائق تقديري
|
Post: #4
Title: Re: أيقونة التعديل، مسّاحة إلا شوية، آفة المن
Author: أحمد محمد عمر
Date: 06-20-2017, 03:01 AM
Parent: #3
ومالو!
ما تجي تعدل ردك بعد تعديل المداخلة !
وليه تخنق ليك زول بسبب كلمة قالها ثم اكتشف إنها غلط
ياخي كل واحد فينا عندو لحظات من حياته بتمنى يرجع بيه الزمن ويغيرها .. وقت لقينا الميزة دي في الأسافير داير تقلعها مننا !
واشمعنى تلت ساعة ولا نص ساعة ؟ وليه ما يكون العمر كلو
انت هنا اهتمامك بمداخلاتك فقط ودي بعتبرها أنانية .. يعني ما مهم بالنسبة ليك الموقف العام للبوست وصاحب المداخلة الاكتشف خطأه وقام عدلو .. كل البهمك إنك قبضتو كربون وقام اتفك منك
عموماً التعديل في أغلب أنظمة المنتديات بما فيها الاونلاين حدو الأرشفة ودي مهلة مناسبة جداً في رأيي
|
Post: #5
Title: Re: أيقونة التعديل، مسّاحة إلا شوية، آفة المن
Author: منتصر عبد الباسط
Date: 06-20-2017, 03:13 AM
Parent: #4
أطمنك حتى بعد الأرشفة خيار التعديل مستمر
الرد على المأرشف يتوقف وخيار التعديل يستمر حتى بعد الأرشفة
وكتير ما كنت لما أريد إعادة نشر مشاركة سابقة في الإرشيف غالباً أقوم بفتح أيونة التعديل لنقل المشاركة
حتى استفيد من نقلها بألوانها الأحمر وغيره
|
Post: #6
Title: Re: أيقونة التعديل، مسّاحة إلا شوية، آفة المن
Author: قصي محمد عبدالله
Date: 06-20-2017, 09:01 AM
Parent: #5
تحياتي اخ احمد،
تحياتي اخ منتصر،
تعديل او تصحيح الكلمة شئ جميل،
المصيبة في تعديل او حذف رأي كامل بنيت عليه ردود كثيرة.
الاخطاء الاملائية ليست مشكلة اذا لم يوجد لبس في الكلمة،
فغالبا من خلال الالفاظ المحيطة بالكملة يمكن معرفة المعنى المراد ....
......
بخصوص التعديل الذي يمكن اجراءه في المنشورات المؤرشفة فقد لاحظت ذلك منذ مدة طويلة،
وزي ماقلت، تنسخ كل المشاركة بعد الضغط على ايقونة التعديل للاستفادة من التنسيق .......
كنت استخدم هذه الطريقة لادراج مشاركة داخل مربع....
....
ياريت الاخ بكري يجرب الامر شهر واحد، وبعدين يحدد الاستمرار ام التوقف.
|
Post: #7
Title: Re: أيقونة التعديل، مسّاحة إلا شوية، آفة المن
Author: قصي محمد عبدالله
Date: 06-21-2017, 12:23 PM
Parent: #6
ده مثال:
http://sudaneseonline.com/board/490/msg/-%3f-1498041855.html
مع العلم أني في الرد اكتفيت بتعديل عنوان المشاركة فقط.
يمكنك معرفة ذلك من خلال زمن المشاركات حيث الأسبقية!
-----------------------------
"""ما مكن ترد على مداخلة وتجي بعد فترة تلقاها اتعدلت وأصبح ردك خيالي!
عشان كده كثيرا من ألجأ لأسلوب الكبشرة ."""
|
|