تباشير بإنفراج الأزمة الخليجية بعد لقاء تاريخي يجمع خادم الحرمين والبشير مساء اليوم بقصر الصفا.

12:56 PM June, 19 2017 سودانيز اون لاين
عبد اللطيف السيدح-صرة الدنيا
مكتبتى
رابط مختصرهبطت الطائرة التي تقل فخامة المشير عمر البشير رئيس الجمهورية والوفد المرافق لفخامته قبيل دقائق بمطار جدة سيتوجه إلى مكة المكرمة لأداء شعيرة العمرةومن ثم سيلتقي بخادم الحرمين الشريفين بقصر الصفاوسينخرط الجانبان في إجتماع مغلق ستأتي بعده البشائر بحول الله.

ﻗﻄﺮ ﺗﺨﺘﺎﺭ ﺍﻟﺴﻮﺩﺍﻥ ﻛﻮﺳﻴﻂ
ﻭﺍﻟﺴﻌﻮﺩﻳﺔ ﻭﺍﻻﻣﺎﺭﺍﺕ ﻭﺍﻟﺒﺤﺮﻳﻦ ﻳﻘﺒﻼﻥ ﺑﺬﻟﻚ
ﺑﻌﺪ ﻋﺮﺽ ﺍﻟﺴﻮﺩﺍﻥ ﻟﻤﻘﺘﺮﺡ ﻣﻦ ﺳﺒﻌﺔ ﻧﻘﺎﻁ ﻻﻗﻰ ﺍﻟﻘﺒﻮﻝ ﻣﻦ ﺍﻟﺠﺎﻧﺒﻴﻦ .
ﺍﻟﻤﻘﺘﺮﺣﺎﺕ ﺷﺎﺭﻙ ﻓﻲ ﻭﺿﻌﻬﺎ ﻋﺪﺩ ﻣﻦ ﺍﻟﺘﻜﻨﻮﻗﺮﺍﻁ ﺍﻟﺴﻮﺩﺍﻧﻴﻴﻦ ﻣﻦ ﺍﺳﺎﺗﺬﺓ ﺍﻟﺠﺎﻣﻌﺎﺕ ﻓﻲ ﺍﻟﺨﻠﻴﺞ ﻭﺑﺮﻳﻄﺎﻧﻴﺎ ﻭﺫﻟﻚ ﺑﻌﺪ ﻭﺭﺷﺔ ﻋﻤﻞ ﻣﻊ ﻭﺯﻳﺮ ﺍﻟﺨﺎﺭﺟﻴﺔ ﺍﻟﺴﻮﺩﺍﻧﻲ ﻭﺍﻟﺘﻮﺍﺻﻞ ﻣﻊ ﺭﺟﺐ ﻃﻴﺐ ﺍﺭﺩﻭﻗﺎﻥ ﺷﺨﺼﻴﺎ ‏( ﻭﻫﻮ ﺍﻟﺬﻱ ﺗﻜﻔﻞ ﺑﺎﻟﺼﺮﻑ ﻋﻠﻰ ﻣﻨﺼﺮﻓﺎﺕ ﺍﻟﺤﺮﺍﻙ ﺍﻟﻤﻜﻮﻛﻲ ﻟﻠﻮﻓﺪ ﺍﻟﺴﻮﺩﺍﻧﻲ ‏) .
ﺗﺤﺮﻙ ﺍﻟﻮﻓﺪ ﺍﻟﺴﻮﺩﺍﻧﻲ ﻟﻢ ﻳﻬﻤﻞ ﺍﻟﻜﻮﻳﺖ ﺣﻴﺚ ﺳﺘﻜﻮﻥ ﺍﻟﻌﺎﺻﻤﺔ ﺍﻟﻜﻮﻳﺘﻴﺔ ﻫﻲ ﻣﻜﺎﻥ ﺍﻧﻌﻘﺎﺩ ﻗﻤﺔ ﺧﻠﻴﺠﻴﺔ ﻣﺴﺘﻌﺠﻠﺔ ﻳﺘﻢ ﺍﻟﺘﻮﻗﻴﻊ ﺧﻼﻟﻬﺎ ﻋﻠﻰ ﺍﻻﺗﻔﺎﻕ ﺍﻟﺬﻱ ﻻﺣﺖ ﺑﺸﺎﺋﺮ ﻧﺠﺎﺣﻪ ﻣﻨﺬ ﻟﻴﻞ ﺍﻻﻣﺲ
ﺩﻋﻮﺗﻜﻢ ﻟﻨﺠﺎﺡ ﺍﻟﻤﺴﺎﻋﻲ ﺍﻟﺴﻮﺩﺍﻧﻴﺔ ﺍﻟﺘﻲ ﺍﻥ ﻗﺪﺭ ﻟﻬﺎ ﺍﻟﻠﻪ ﺫﻟﻚ ﻓﺴﺘﻜﻮﻥ ﻓﺘﺤﺎ ﻛﺒﻴﺮﺍ ﻟﻠﺴﻮﺩﺍﻥ ﻭﺭﺃﺑﺎ ﻟﺼﺪﻉ ﻻﻳﻌﻠﻢ ﺇﻻّ ﺍﻟﻠﻪ ﻣﺎﻻﺗﻪ
"

التيكنوقراط حقينك ديل يا السيدح ما شافوا لينا حل للمشكل السوداني؟ المثل السوداني يقول العريانة امو ما بكسي خالتو.

تركيا ستتكفل بالساندوتشات للوفد السودانى.. الانقاذيين لو ما طبزوها بفضيحة ومرمغة كرامة السودان لا يرتاحون. تاكلوالسم. معنى كدا حيشلوا شنطكم للفندق وفى الأثناء دى جيوروكم تقولوا شنو ويذكروكم الساندوتشات فى السكة

هل هذا وفد حكومة من دولة ذات سيادة تتوسط فى مشكلة دولية وتعمل على ضمان استقلال تحركاتها.. ام صعاليك لقطوهم من الشارع ويصرفوا ليهم نثريات؟

Quote: ﺍﻟﻤﻘﺘﺮﺣﺎﺕ ﺷﺎﺭﻙ ﻓﻲ ﻭﺿﻌﻬﺎ ﻋﺪﺩ ﻣﻦ ﺍﻟﺘﻜﻨﻮﻗﺮﺍﻁ ﺍﻟﺴﻮﺩﺍﻧﻴﻴﻦ ﻣﻦ ﺍﺳﺎﺗﺬﺓ ﺍﻟﺠﺎﻣﻌﺎﺕ ﻓﻲ ﺍﻟﺨﻠﻴﺞ ﻭﺑﺮﻳﻄﺎﻧﻴﺎ ﻭﺫﻟﻚ ﺑﻌﺪ ﻭﺭﺷﺔ ﻋﻤﻞ ﻣﻊ ﻭﺯﻳﺮ ﺍﻟﺨﺎﺭﺟﻴﺔ ﺍﻟﺴﻮﺩﺍﻧﻲ ﻭﺍﻟﺘﻮﺍﺻﻞ ﻣﻊ ﺭﺟﺐ ﻃﻴﺐ ﺍﺭﺩﻭﻗﺎﻥ ﺷﺨﺼﻴﺎ ‏( ﻭﻫﻮ ﺍﻟﺬﻱ ﺗﻜﻔﻞ ﺑﺎﻟﺼﺮﻑ ﻋﻠﻰ ﻣﻨﺼﺮﻓﺎﺕ ﺍﻟﺤﺮﺍﻙ ﺍﻟﻤﻜﻮﻛﻲ ﻟﻠﻮﻓﺪ ﺍﻟﺴﻮﺩﺍﻧﻲ ‏) .

الكوز السيدح يكتب مثل هذا الكلام ومن دون أن يرف له جفن.

الحروب الأهلية التي دارت ومازالت تدور في السودان اليوم تفوق جميع مشاكل دول العالم أجمع.
فمن أين خرجت هذه الكوكبة من "التكنوقراط السودانيين" واين ومتى عقدت تلك الورشة ؟
فهل يستطيع السيدح أو غيره أن يمدونا بتلك الأسماء "المنقذة"؟
لعلنا قد نستفيد منها في السودان وجنوب السودان!!

يا السيدح هنالك مثل سوداني يقول:

الضو لو كان بضوي كان ضوا في بيت أبوهو.



ويا السيدح عليك الله أختشي ، باقي لي رمضان ايام قليلة حاول أن تختشي وتنستر فيهم.

اتابع قناة العربية الآن
الفناة غطت زيارة عبادي العراقي لايران والكويت
ضخت كنية اخبار عن ازمة الخليج
لم تشر من قريب ولا بعيد لوصول وفد حكومة المجرمين للحجاز

السيد ح
ياخ ما تقل في شاي اللبن
جني

تحياتي السيدح
وضيوفه
صياغة الخبر فيها مايحط بنا
تكاليف الرحلة .. معقولة ياخ رئيس دولة يدفعو ليهو مصاريف السفر . شنو هي يعني كبو جاز للطيارة ولا دفعو ليهم حق مأمورية
الخبر حول رئيس السودان مرسال لاوردغان .. مجرد رسول

يبدو أن بشه قد تم استقباله بواسطة ضابط الجوازات
و قال إيه (تركيا) يعني الكيزان عملوا خطتهم و رموها في البلد الأهوج عشان يخل مشاكل البلدان الييتصدق عليه
دا فير أن تكنوقراط الكيزان معروف همهم شنو
داهية تاخدكم

وفي حاجة ثانية مهمة ..

استمعت قبل قليل لقناة سكاي نيوز عربية ..
وكان الموضوع عن مشاريع الوساطات التي قامت بها قــطر في السودان وبين اريتريا وجيوبتي ... إلخ
وكيفية عملها بوجهين .. مما أدى الى زيادة حدة المشاكل بدل حلحلتها ..
تحدث في اللقاء (خليجيا) وقال بان البشير دكتاتوريا يقتل شعبه ومطارد من المحكمة الدولية ..

هذه اشارة واضحة لما سيؤل إليه الأمر في الايام القليلة القادمة ..

سلام يا دكتور
ليس البشير فقط
فالبشير جزء أصيل من تنظيم الأخوان المسلمين الذي نهب و سرق و قتل و باع و انبطح...إلخ
البشير و الوطني و الشعبي و أبان دقون اليس و القماش المقصر
جاتهم داهية تاخدهم

سبحان من يضع سره في أضعف خلقه

تم استقبال رئيس الوزراء العراقي الشيعي بواسطة ولى العهد حسب البرتوكول لانو بيعتبر الرجل التنفيذي الاول والسيادي التاني فى العراق واستقبل استقبال الترامبيين. اما ريسنا فاستقبله نايب امير مكة ومدير مطار جدة وشوية موظفين. وساطة شنو

غايتو اذا الكلام المكتوب الفوق دا صح تبقي مصيبة بالجد
كيف تقبل دولة ذات سيادة أن تقوم دولة أخري بالصرف علي
منسوبيها في الوساطة المزعومة (إن صحت) .. بالجد الإنقاذ دي
إتفننت في إراقة دم وجه السودان...
بلا يخمكم من البشير حتي السيدح

الحروب الأهلية التي دارت ومازالت تدور في السودان اليوم تفوق جميع مشاكل دول العالم أجمع. فمن أين خرجت هذه الكوكبة من "التكنوقراط السودانيين" واين ومتى عقدت تلك الورشة ؟ فهل يستطيع السيدح أو غيره أن يمدونا بتلك الأسماء "المنقذة"؟ لعلنا قد نستفيد منها في السودان وجنوب السودان!! جاز لك يا سيدح ان تضحك ملء فاهك ...قال ليك التكنوقراط ديل يستفيدوا منهم فى جنوب السودان للحل!!!!!!!!!!!!!!!!!!!!!!!!!!! والله جنوب السودان ما احل مشكلته الا الله بس وحده لكن بشر كدا ماشى برجلين اتنين عشان احلها كضاب والله بحليفتها ....يا خى ديل اساتذة اللولوة ههههههههههههههههههههههه.

أجمل حاجة صورة بروفايلك يا السيد ح ربنا يغتيهو ..
راكبه مظبوط مع موضوع البوست هههه.

Quote: ﺍﻟﻤﻘﺘﺮﺣﺎﺕ ﺷﺎﺭﻙ ﻓﻲ ﻭﺿﻌﻬﺎ ﻋﺪﺩ ﻣﻦ ﺍﻟﺘﻜﻨﻮﻗﺮﺍﻁ ﺍﻟﺴﻮﺩﺍﻧﻴﻴﻦ ﻣﻦ ﺍﺳﺎﺗﺬﺓ ﺍﻟﺠﺎﻣﻌﺎﺕ ﻓﻲ ﺍﻟﺨﻠﻴﺞ ﻭﺑﺮﻳﻄﺎﻧﻴﺎ ﻭﺫﻟﻚ ﺑﻌﺪ ﻭﺭﺷﺔ ﻋﻤﻞ ﻣﻊ ﻭﺯﻳﺮ ﺍﻟﺨﺎﺭﺟﻴﺔ ﺍﻟﺴﻮﺩﺍﻧﻲ ﻭﺍﻟﺘﻮﺍﺻﻞ ﻣﻊ ﺭﺟﺐ ﻃﻴﺐ ﺍﺭﺩﻭﻗﺎﻥ ﺷﺨﺼﻴﺎ ‏( ﻭﻫﻮ ﺍﻟﺬﻱ ﺗﻜﻔﻞ ﺑﺎﻟﺼﺮﻑ ﻋﻠﻰ ﻣﻨﺼﺮﻓﺎﺕ ﺍﻟﺤﺮﺍﻙ ﺍﻟﻤﻜﻮﻛﻲ ﻟﻠﻮﻓﺪ ﺍﻟﺴﻮﺩﺍﻧﻲ ‏) .

ادانة صريحة للبشير وحزبه في انه لايزال في حلف فضول الاخوان المسلمين .
ولو صدق تكفل اردوغان بنثريات الوفد السوداني ح بقى عار دولى ,

قدر ما حاولت اتخيل تكاليغ الحراك المكوكي دي كمها ما قدرت ..
هم سبعة نقاط
ثووول كل نقطة ب 10 الف دولار
التوتال 70 الف دولار ..
خت عليهم رسوم التحويل من تركيا لصرافة ارقين في السوق العربي ..
يعني تقريبا 71 الف دولار ..
حيفكوها سوق اسود ب 20 الف ..
تعمل ليها مليار واربعمائة سوداني ..
على سبعة نقاط النقطة واقعة مع اردوقان بي 200 مليون ..


...

واقعة معاهو عالي والله ..
اللهم اعلم تخارج معاهو !!

يا عبد اللطيف كدي عليك الله خلينا نطلع بفائدة من البوست دا
وأكتب لينا (السيدح) دي بالانجليزي...
ما قدر اقرا الاسم دا كلو كلو ... دا اولا ...
خامسا واخيرا :)
ما علاقة اختفاء ود الباوقة باقالة طه الحسين ؟؟؟

[SIZE=24]
"خت عليهم رسوم التحويل من تركيا لصرافة ارقين في السوق العربي .."

ود المشرف.. الواحد لو ما بعرفك كان قال دا صنف خطيرِ
بالله وفد رئاسى ما قادر يغطى مصاريف سفره وماشي يحل مشكلة دولية؟

[/SIZE]