البشير بيكون دق القسم علي الإريقط (حسب رواية شوقي بدري)
Quote: شوقي بدري
في كتاب حكاوي امدرمان كتبت عن شهود الزور في امدرمان . احدهم كان ود الحاجة وكان يتواجد في قهوة مهدي حامد غرب سوق الموية . كان الناس يقصدونهم للحلف علي المصحف الشريف ويقومون بالكذب بعد ان يستوعبون ادق المعلومات عن القضية . وكانوا يقولون ... مش الاريقط ؟ تدقو طوالي . والاريقط هو المصحق المطبوع . ولا يعتبرونه مصحفا . بالنسبة لهم المصحف هو مصحف المسيد المكتوب باليد والعمار . والعمار هو السكن المثبت بالصمغ والماء وربما اشياء اخرى . ولقد عرف الانجليز هذه المشكلة . وكانوا يحضرون المصحف الكبير من المسيد محمولا على الحمار , وبعد القضية يعود المصحف للمسيد والاجر هو 25 قرشا . احدهم سرق عتود وكان مزة في قعدة . وعندما اخذوه للمحكمة انكر التهمة وجلس مسترخيا في انتظار القسم . وعندما ظهر المصحف محمولا على الحمار انتفض وقال .... يا سعادتك ده اسي مصحف عتود ؟
البشير اذا جادي في محاربة الفسا يبدأ بأخوانه وعشيرته وأهله
غير كدا كلام في كلام وحلايف علي الفاضي
Post: #11 Title: Re: البشير يقسم بمحاربة الفساد Author: عبداللطيف حسن علي Date: 06-16-2017, 09:09 PM
يا سعادتك ده اسي مصحف عتود ؟ ــــــــــــــــــــ
ومالو يا عبدالعظيم ، يجيبو المصحف الهرش بتاع العتود دا ، المافي شنو !
اما اهله دي ، عفيناهو منها ، يشوف الباقين ـ تلتو ولا كتلتو ههه