صورة بروفايلي والكاونتربوينت..!!

06:29 PM June, 14 2017

سودانيز اون لاين
Kabar-كـــندا
مكتبتى
رابط مختصر

تداخلت في بوست اخونا حاتم ابراهيم..(كاونتربوينت؟)..يوم 7 يونيو/حزيران 2017

وبعد شوية لاحظت اختفاء صورة البروفايل الخاص بي في سودانيز اونلاين..

وهي صورة اوريجنال واوثنتيك..لزولة صديقة من مدينة الدلنج..ومتصورة في الدلنج وهي ماسكة جيتار اوكستيك..!

لم اغير البروفايل بتاعي حتى اتهم باني طبزت حاجة بالصدفة..

المنبر اهتز اكثر من مرة..ولكن صور البروفايلات قاعدة زي ماهي..

اشمعني يعني صورة بروفايلي براها تختفي؟..هل هي محاول للقمع والتخويف؟..

كبر

ول ابا رمضان. مبارك. وينعاد عليك. بالخير. والبركة.




مين ده. البخاف. تاني. كيف. تشق. الفريق.
من. قام. وعاش. في مجتمع. به الفروسية
وحكامات لايخاف. الأسد.

ةل ابا سلام ورمضان كريم

ده كاونتر اتاك عديييل يا كبر
اكثر من الدعاء بعد تفك الصيام
المستنيرون مستهدفون :))

يحسبون كل صيحة عليهم

ولكنك لست بحاجة للتخويف يا كبر

تعال نشوفك:
http://sudaneseonline.com/board/490/msg/%D9%85%D9%8A%D8%B2-%D9%83%D8%A8%D8%B1-1497007396.html

الامير الكشف غطاية الزيف
ودمر مدفع الدلاقين
ازييك ياخ

صديقنا كبر
اعتقد دا موضوع تسأل عنه التقانة

يعني انا بتظهر لي صورة البروفايلات في كمبيوترات وتختفى في اخرى!

كدى حاول اعد البصر كرتين تلاتة

ول ابا محمد المسلمي..حبابك يا صديقي
كل سنة وانت طيب..وتصوم وتفطر على خير..
كتر خيرك يا صاحب على المطايبة..

بلا فخر يا صاحب..نحن ما بنخاف الإ من العلي الكريم رب العالمين..
عينا ما بملاها الإ التراب..

كتر خيرك يا صاحب..

كبر

ول ابا عبد الرازق..ازرق كحل الشيخات..
حبابك يا ولضمي ولينا طولة ياخ..

ول ابا الدابي اب سمين الغلـّب الحواي ..كباشي ..بقى في الأعالي الطيبة..

اما ول ابا بريمة..صدق اللقب الذي اطلقه على ذاته (رقاع جنب القد)..بقى يباري جنب الكلنكي ساكت..

سعيد بي شوفتك يا قريبي..والوصاة بالمهلة: ما تنقطع يا صديقي

كبر

ول ابا حيدر..حبابك يا صديقي
كل سنة وانت طيب..

كتر خيرك على التشجيع ومناداتنا لمواصلة المعافرة بي هناك..

لا لا يا حيدر..ده ما كاونتر اتاك..ده دواس عديييييييييييييل..!

الواحد قاعد يتنبر ساكت: انا الشافو خلو..انا سفروق النعناع..انا كدو النملة..

ياريت تلقى ليك فرقة تتفرج في حلقات (ارض السمر)..ياخي ناس النيل الأزرق طلعوا اكتر مثقفين في امسودان والبوادي المجاورة ناس اثيوبيا وارتريا والصومال وتشاد ومصر المؤمنة ذاتو..!!

كبر

ول ابا حاتم..حبابك يا صديق

(الصيحة) نحن عارفنها ومتأكدين منها..

لكن الكلام في (عليهم)..ديل ناس منو؟..
قاصد ناس كبر؟
قاصد ناس المنبر؟
ولا قاصد سيد اللبن في ذات نفسو؟..

جني وجن الحنبكة يا قريبي..وانتا يا شلت الكورة قديتها ، يا كمان سويت ليك تلاطاشر كورة وبرضك داير الناس تلعب معاك..!

بالرغم من تطاولك على استاذنا الموصلي..اندهشت لتطاولك على عزيز خطاب واسامة الخواض..!!

بالجنبة يا حاتم: عليك الله كلف نفسك نص ساعة وشاهد الحلقة 18 من ارض السمر..واسمها (انغام النيل الأزرق)..كن ما مرقت بي حاجة بتمرق بالآت موسيقية شعبية..عشان نشوف الكضب بتاعك ده حدو وين..!!

اوعك تتشعلك في حكاية الطمبور جاي من اثينا..بلد مادلينا..!!

طبعا زي ناس محمد سعد دياب ديل انتا الإ كن تمشي لفكي قوقل وتدفع خيرة عديل..!!

ما عارف..عندي احساس غريب انك بتسمع ام كلثوم كتير..عشان كده اتخلبطت عليك الحاجات..!!

كبر

استاذنا وصديقنا الموصلي..حبابك

الف حمدا لله بسلامة الوصول..

العالم دول يا صديقي محظوظين شديد.. ياهو الواحد فينا لقى ليهو (اجازة محلية) يومين ساكت لخبطنا ليهم الفي راسهم..فما بالك الواحد لو لقى ليهو اسبوع؟..

التباهي بالمصطلحات لا يصنع معرفة يا صديقي..!!

وصيتي ليك لو عندك عربية ضربت سلوك كهربا..اوعى توديها لصاحبنا..لأنو ح يرجعها ليك ابو القدح البيمشي على اربعة..!!

حاتم وابكر الطويل يا الموصلي..الواحد فيهم بتكون جايطة ليهو معلومة في راسو..لكن المكابرة بتكتلهم في السهلة..عشان كده دايما بيحبوا يمثلوا دور الخاين..!

كبر

ول ابا محمد الشيخ..حبابك يا صديقي
كل سنة وانت طيب..
كتر خيرك على المفاكرة..

متذكر نكتة الكوميديان محمد موسى زمااااااان..بتاعة الجعلي؟

الجعلي القبب ليهو زول في نص السوق وقال ليهو:انا داير منك مية الف جنيه..والعمدة عشان يزيل الحرج..
الـــ
Damage Control
يا امير بوب..شايف الشغلانة قسمت معاك..بختك..!!

قام قال للجعلي: فلان انت نسيت..المية الف دايرها مني انا..
فقال الجعلي: ميتك عارفة يا ابوي العمدة..الإ داير فوق عليها ميتي من الزول ده..!!

كل الدفياسز المعاي كانت الصورة بتظهر فيها..لكن اليوم ما ظاهرة..وما عارف سبب غير التداخل في بوست الكاونتر بوينت..!!

هناك مؤامرة يا ود الشيخ..فشنو..ما تميع الصراع ياااااااااااااخ..!

كتر خيرك يا صاحب..
كبر

Quote: قاصد ناس كبر؟ +++ بالرغم من تطاولك على استاذنا الموصلي..اندهشت لتطاولك على عزيز خطاب واسامة الخواض..!! +++ بالجنبة يا حاتم: عليك الله كلف نفسك نص ساعة وشاهد الحلقة 18 من ارض السمر..واسمها (انغام النيل الأزرق)..كن ما مرقت بي حاجة بتمرق بالآت موسيقية شعبية..عشان نشوف الكضب بتاعك ده حدو وين..!! +++ اوعك تتشعلك في حكاية الطمبور جاي من اثينا..بلد مادلينا..!! +++ ما عارف..عندي احساس غريب انك بتسمع ام كلثوم كتير..عشان كده اتخلبطت عليك الحاجات..!!

أيوة قاصد كبر، يعني انت دا ذاتك!
أزخرفها ليك يعني عشان تفهم!
ثم أنا مالي ومال (بروفايلك)؟
أنا بضرب في الراص ذاتو، جهرة، فتعال يا الفيل، أنا الصورة ما علي بيها
http://sudaneseonline.com/board/490/msg/%D9%85%D9%8A%D8%B2-%D9%83%D8%A8%D8%B1-1497007396.html
سيب الحجج المبكرة جداً دي
الموضوع ما صعب

+++

جاتك البرقية ههههه
عزيز خطاب رجل محترم وأقدر مواقفه
يعلم متى يقول رأيه ولا يخوض في النفاق والدجل
لم يتطاول عليه أحد، بل حددنا للبقية مواطيء أقدامهم

+++

والله ما متابع خصوصا لما يجي الموضوع في قالب المونساتي
فأنا يهمني التوثيق المرهون بتقديم المعلومة المجردة بدون سكسك وودع
وإشراك الناس فيها والاستفادة منها، لذلك طرحت مسألة أدراج
الآلات الموسيقية في البرامج مفتوحة المصدر، حتى يسمعها العالم
كل العالم، ولا تنحصر في (الونسة) المقفاة والمذيلة كفاحاً بلازمة (أمسودان)
بلا مسوغ أو معنى
يا إلهي!

فاخرج من دور (الحكواتي) إلى شيء أكثر فائدة.
Re: كاونتر نُقطة ...Re: كاونتر نُقطة ...

+++

الكلام دا قولوا للبقية في (عليهم)

+++

Assumption is the mother of ALL fuckups!

Quote: حاتم وابكر الطويل يا الموصلي..الواحد فيهم بتكون جايطة ليهو معلومة في راسو

عشان كدة الواحد فينا بيدق الدلجة ست مرات في سبيل معرفة مكانها!
ومن ثم يسرقها من بكان الشفع، وبرضو يغلط في نقلها ويقول أدوني
فرصة (تازعة)

Impressive!

شيخ حاتم..وانتا لا تقل مثقال ذرة عن شيوخ الحيض والنفاس..!!..والله صحي..!!
ككيف يعني الصورة ما ليك عليك بيها؟
ومال انا بجوعر من سنة حفروا البحر فوق كم؟..
الصورة اوريجينال واوثونتيك يا حاتم..دي صورتي الخايف عليها عدييل..!
البنية من الدلنج..وماسكة جيتار..اوكوستيك.. ولو قعدت معاها بتقعدك في علبك ذاتو..وانتا بكل بساطة بتقول لي ما خصاك بيها؟..
ما ياهو ده التجهيل والتستطيح في ذات نفسو يا حاتم..يا بتاع الدراماتيك افيكشن..!!
اعتذارك المبطن لعزيز خطاب..حدنا معاهو كلمة من عزيز خطاب..لو قبلو نحن بنقبلو لو قال لا ده اعتذار عدي من وشك ساكت..نحنا بنشدها معاك للطيش..والفارغة يتمها الله..!
اسامة الخواض يا حاتم..ده الزول الوحيد الوقف قدامو محمود درويش وقال للخلق قدمنى كما لم يقدمني احد من قبل..!!..واكيد (من باب الظن السئ ياااااااخ) انت بتكون واحد من الناس البتقيف قدام تجربة درويش بكل ضخامتها وفخامتها..!!خلي بالك درويش بقاري يا حاتم..!!
ياخي مظفر النواب..لمن زار الخرطوم ، وزار القماير ..عرف حاجات وحاجات..والسبب فيها العيال ابان خرتيات على قول استاذنا عبد الله بولا..!!
لاحظ انا ما حنكوش من العاصمة السودانية يا حاتم، ولكني مواطن من امسودان يعرف ان يميز بين الأشياء..ويا حاتم..اسامة الخواض بتاع منبر سودانيز اونلاين ده ما بيساوي واحد في المية من المثقف اسامة الخواض الذي كان ينحت الصخر باظافره ليكون هناك مشهد مفارق ومختلف في دنيا الثقافة السودانية..مشهد يثير الأسئلة بكل شجاعة..يعني باختصار البتسوي فيهو انت يا حاتم ..وتزعم انك بتسوي فيهو من باب المعرفة ولا شنو كده ما عارف (مساءلة الناس الكبار والخطاب الكبير)..اسامة الخواض سواهو قبل عشرات السنين وبفهم عميق للغاية..ومن غير ملتميديا وسوشيال ميديا.. وفيس بوك وتويتر..واشقر طيبة البتقول عليهو انت اشجار ..!!..مثقف حقيقي وبالباب العديل..!!
حصل وقفت قدام نفسك وسألتها..انك لمن تطلق الأحكام الجزافية في حق الموصلي وعزيز خطاب واسامة الخواض..انت بتسئ لمنو بالضبط؟..ولا انت حتة ديكتاتور صغير لا يهتم برأي الجماهير؟..يعني نظام جبهة اسلامية بتجبيب مفهوم اعادة صياغة الإنسان؟..ما تخليني اجيب ليك فيديوهات كبر في حضرة محمد المكي ابراهيم..!!
حصل فكرت يا حاتم..بانك لمن تسئ للناس ديل وتتطاول عليهم..انك مش بتعمل ذلك في حقهم وانما بتستعدي خلق وجماهير كتيرة؟..فكر فيها من تاني وتالت ورابع كمان..وصدقنى مهما تطاولت واعتديت فانت الخاسر..!!
صديقتنا واختنا الصغنونة ، الذكية ، دكتورة فردوس جامع ، التقطت اشارتنا الذكية..عن التجهيل والتستطيح الذي تفعله انت يا حاتم..فهل توقفت امام نفسك بصدق وبحثت عن التجهيل والتستطيح؟..يا حاتم نحن لسنا نتاج تربية ومنظومة الإنقاذ وجبهتها الإسلامية التي خرجت امثال صديقك امير بوب..نحن عالم تاني وليهو خصوصية..سيبكي عليها السودان سنين وسنين..!!
قلت لي افلام ارض السمر الوثائقية مجرد مونساتية وحكواتية..؟!!..أي جهل يا صديقي هذا الذي تسبح فيها؟
كن شجاعا يا حاتم وتفرج عن حلقة واحدة..من مسلسل ارض السمر..ولوكنت انسان ، وسوداني ، ستعرف شجاعة الفريق الذي قام على مسلسل ارض السمر..!!
ارض السمر كسرت ايقونة الحكواتية والمثقافتية والصوالينية..!!..وفوق ذلك التشوه والمسخ تجاه الغرب البتغالط في الكاونتر بوينت..!!
كسرت سطوة الحناكيش من امثالك المستلبين تجاه ثقافة الغرب وتفاصيلها..!!
وقدمت امسودان عاريا وميطى كمان..والعارف هو من يتوفق في التقاط الإشارة..!!
الموصلي ايقونة مفارقة ، مش بحسابك وحساب كبر (عليه السلام) وانما بحساب خلق كتيرة انتا لا تعرفها ولن تعرف قيمتها الى ابد الدهر..ياحاتم افندي (اوعك تقول لي ما بتعرف دكتور خالد الكد عليه السلام..)!!
لست انت الأول يا حاتم..في هذا المنبر ، اتغالطنا مع بشاشا وخالد كودي وتراجي مصطفى ، وكلما احتدم النقاش بتظهر الحالات القرعا اياها..مرة المنبر يتهكر ..ومرة تغيب بعض الملامح..!!
أسال بكري ابوبكر عن هذه الصدف العجيبة..!!
حصل يا حاتم قريت حاجات محمد فضل الله المكي ، حامد بدوي بشير ، منوت..وكلهم اعضاء في هذا المنبر العجيب..؟!!
فيهم يا صاحب..ح تلقى ما يتجاوز النموذج الغربي للموسيقي..لأنهم ما بيدوك مجرد نوتة تغالط فيها صباح ومساء وانما بيدوك معرفة سابقة لأوانها..!!
خليك من صورة بروفايلي الهكرتها ياحاتم ،و محاولتك الدنيئة لتهكير المنبر ،
ناس كبر معرفة وبيحاولوا يملكوا جماهير امسودان معرفة صادقة..انت عندك شنو غير الشخبطة والتباهي بالمصطلحات؟؟..
نعم يا حاتم ، انتا المسئول من الحاصل في المنبر خلال الأسبوع الفات..وانت المسئول عن غياب صورة بروفايلي..!!

طير ورك..والمعرفة الحقة ح تفضل يا صاحب..!!
كبر

Quote: التباهي بالمصطلحات لا يصنع معرفة يا صديقي..!!

Re: الموسيقار يوسف الموصلى يفتح النار على عثمان النو فى اربعة مقالات لاهبة Re: الموسيقار يوسف الموصلى يفتح النار على عثمان النو فى اربعة مقالات لاهبة

لهذا أحدد للبعض منتهى مواضع أقدامهم
شفت كيف!

You are shooting your "feat"
if any.

Quote: العالم دول يا صديقي محظوظين شديد.. ياهو الواحد فينا لقى ليهو (اجازة محلية) يومين ساكت لخبطنا ليهم الفي راسهم..فما بالك الواحد لو لقى ليهو اسبوع؟..

إذن، ياني القعدت ليك، واستأذنك، نحمي النقاش شوية.

Quote: ومال انا بجوعر من سنة حفروا البحر فوق كم؟.. +++ ما ياهو ده التجهيل والتستطيح في ذات نفسو يا حاتم..يا بتاع الدراماتيك افيكشن..!! +++ اسامة الخواض يا حاتم..ده الزول الوحيد الوقف قدامو محمود درويش وقال للخلق قدمنى كما لم يقدمني احد من قبل..!! +++ اسامة الخواض بتاع منبر سودانيز اونلاين ده ما بيساوي واحد في المية من المثقف اسامة الخواض الذي كان ينحت الصخر باظافره ليكون هناك مشهد مفارق ومختلف في دنيا الثقافة السودانية..مشهد يثير الأسئلة بكل شجاعة..يعني باختصار البتسوي فيهو انت يا حاتم ..وتزعم انك بتسوي فيهو من باب المعرفة ولا شنو كده ما عارف (مساءلة الناس الكبار والخطاب الكبير)..اسامة الخواض سواهو قبل عشرات السنين وبفهم عميق للغاية..ومن غير ملتميديا وسوشيال ميديا.. وفيس بوك وتويتر..واشقر طيبة البتقول عليهو انت اشجار ..!!..مثقف حقيقي وبالباب العديل..!! +++ انك لمن تطلق الأحكام الجزافية في حق الموصلي وعزيز خطاب واسامة الخواض..انت بتسئ لمنو بالضبط؟..ولا انت حتة ديكتاتور صغير لا يهتم برأي الجماهير؟..يعني نظام جبهة اسلامية بتجبيب مفهوم اعادة صياغة الإنسان؟..ما تخليني اجيب ليك فيديوهات كبر في حضرة محمد المكي ابراهيم..!! +++ صديقتنا واختنا الصغنونة ، الذكية ، دكتورة فردوس جامع ، التقطت اشارتنا الذكية..عن التجهيل والتستطيح الذي تفعله انت يا حاتم..فهل توقفت امام نفسك بصدق وبحثت عن التجهيل والتستطيح؟..يا حاتم نحن لسنا نتاج تربية ومنظومة الإنقاذ وجبهتها الإسلامية التي خرجت امثال صديقك امير بوب..نحن عالم تاني وليهو خصوصية..سيبكي عليها السودان سنين وسنين..!! +++ قلت لي افلام ارض السمر الوثائقية مجرد مونساتية وحكواتية..؟!!..أي جهل يا صديقي هذا الذي تسبح فيها؟ كن شجاعا يا حاتم وتفرج عن حلقة واحدة +++ ارض السمر كسرت ايقونة الحكواتية والمثقافتية والصوالينية..!!..وفوق ذلك التشوه والمسخ تجاه الغرب البتغالط في الكاونتر بوينت..!! كسرت سطوة الحناكيش من امثالك المستلبين تجاه ثقافة الغرب وتفاصيلها..!! وقدمت امسودان عاريا وميطى كمان..والعارف هو من يتوفق في التقاط الإشارة..!! الموصلي ايقونة مفارقة +++ اتغالطنا مع بشاشا وخالد كودي وتراجي مصطفى ، وكلما احتدم النقاش بتظهر الحالات القرعا اياها..مرة المنبر يتهكر ..ومرة تغيب بعض الملامح..!! أسال بكري ابوبكر عن هذه الصدف العجيبة..!! +++ فيهم يا صاحب..ح تلقى ما يتجاوز النموذج الغربي للموسيقي..لأنهم ما بيدوك مجرد نوتة تغالط فيها صباح ومساء وانما بيدوك معرفة سابقة لأوانها..!! +++ خليك من صورة بروفايلي الهكرتها ياحاتم ،و محاولتك الدنيئة لتهكير المنبر ، +++ ناس كبر معرفة وبيحاولوا يملكوا جماهير امسودان معرفة صادقة..انت عندك شنو غير الشخبطة والتباهي بالمصطلحات؟؟. +++ نعم يا حاتم ، انتا المسئول من الحاصل في المنبر خلال الأسبوع الفات..وانت المسئول عن غياب صورة بروفايلي..!!

وأبرزت الأرض أثقالها

بتجوعر فوق فارغة طبعاً. +++ لكنك لم تستطع إبراء المتسبب في الدراماتيك أفيكشن، يا أفوكاتو، بل ورط (الجاني) نفسه بحليفة وأضدادها. +++ بكل تأكيد، فما عهدته سوى شخص (يقدم) الآخرين ويتوارى خلفهم، ثم يأتي أخيراً. +++ ثم لا يجد من ينشر له كتاباً، سوى ذاته، فلا يجد رواجاً إلا منه. +++ who cares؟ +++ صديقتك لا ترى أين المشكلة، هي تفعل ما تتخيله. ثم لا تجيد ذلك فلا تجد لا الحمد ولا الشكر ولا التثنية. +++ Absolutely! فإن كانت تتطلب (الشجاعة) فهذه تصنف شيئاً آخر غير الثقافة. +++ ومال نحنا بنأذن في كوريا الشمالية؟ الاستلاب هو الذي فرض علينا من (يستغرب) في كوننا لا نستخدم البيانو وزولك فعلاً (أيقونة مفارقة)، الدقيقة 14 إلى 15 يعاير رصفاءه بأنهم لا يستخدمون البيانو بل لا يعرفونه! لأن البيانو يعبر عن الموسيقى (المتحضرة الغربية)، حداثة! في ظنه! تخيل! مع أن البيانو ليس مالمبو يا الحكواتي. فتخير التختة التي تناسب حجارتك، بل أعرف أين وجهتها أولاً ههههه أو عليك بالمتابعة حتى توفق في الذود عمن يستأهل فأسك الصديء البليد هذا. +++ لم لا تسأله أنت قبل أن تستعرض (أهميتك) منزوعة الدسم هذه؟ فأنا سألته (مرتين) وأعرف كيف هي أجاباته +++ معرفتهم هذه لمسناها! تزعة مرات من كبيرهم الذي علمهم السحر ستة منها جاءت سابقة لأوانها، فعلاً +++ فكيف أهكر المنبر؟ والمنبر هو من يهكرني رغماً عني يبدو أن تهم التشبح والإرهاب والجداد لم تفلح فعادوا بك لإطلاق تهم التمثيل ثم التهكير هههه +++ ناس كبر مهزلة أرجو أن تستمر وسنرى معرفتهم هنا، ونستمتع بالحكواتي (storyteller parody) +++ خلاص أبكي. ______ ثم ما أهمية صورة بروفايلك؟

Quote: فلم يبق لك من حيلة غير الهرب إلى الأمام. وما هذا الاضطراب والارتباك والقفز من موضوع إلى موضوع٬ وماهذه المراوغة وافتعال القضايا إلا تجلّياً لهذا الهروب إلى الأمام صرفاً للأنظار عن واقعة الهزيمة. +++ إن الفاضل المفضال يوسف الموصلي لهو أرفع شأناً وأعظم خلقاً من أن تلتصق به أيّ من تلك الصفات غير الكريمة التي تنعته بها فهو درة هبطت علينا من السماء. +++ وهو في صفوة من يجري الخلق في دمهم مجرى الدم. وهو مثال لفنان شامل آبتلاه آخر الزمان الرديء بمجهولٍ خالي الوفاض(خالي الوفاض عديل كدا!) من أي إسهام يشار إليه بالبنان +++ فإن كنت مخطئاً في حكمي هذا عليك فلك أن تتقدم (وما أنت بفاعلٍ إلى يوم الدين!) وتطرِق على حديد هذا الكلام وهو حامٍ بأن تصوّبني وتبيّن للقراء حقيقة أمرك خارج هذا الغبار الكثيف الذي تثيره للتعمية: من تكون٬ وماهي مساهمتك الفعلية في مجال التأليف الموسيقى أو الترجمة أوغير ذلك.

أبو الزفت، قولوا واحد.

لا أقفز، بل مواضيع كانت في السابق مجرد سطور
تغافل عنها من (هبط من السماء) تخاذلاً حيناً وتأمراً في أحيان
فنبتت وربت، فهي إلى الأذقان اليوم وهم مقمحون
بوستات كاملة الدسم،
لله دري!
فأي هزيمة؟
وهذا العواء والنميمة
دلالة على قلة القيمة.

+++

أي صفة غير كريمة تقصد؟
فقد تكاثرت علينا الصفات
والآفات

+++

فالبلاء هو ما يكشف الخواء
وخلو الوفاض لا يعيب الهواء
لكن يعيب درتكم مر البكاء

+++

فهل يجب أن أوافق حكمك حتى أتناول الشامل درة السماء؟

سيقولون إرهابي وقاطع قلبهم
ويقولون جدادة والظاهر منهم
ويقولون شبح رجماً بالغيب
ويقولون هاكر وشايل حسهم

وهو من بعد ذا، مجرد
انسان.

عد لمواصلة مسرحيتك الهزلية يا كبر الحكواتي.

ول ابا معاوية الصائم..حبابك يا صديقي
كل سنة وانت طيب..
تصوم وتفطر على خير..
تحياتي لك وللأسرة..
كبر

ول ابا حاتم..حبابك يا صديق

يبدو انك يا صاحب اصبت بمرض نفسي اسمو (عصاب الموصلي)..

البوست ادى غرضو يا صديقي..والغريبة..انت تداخلت اكثر من كذا مرة..وصورة بروفايلي رجعت ظاهرة بهية وجميلة وانيقة..!!!!
يبقى تاني نواصل في شنو يعني؟

حكاية الثرثرة الدائرية دايرة زول متفرغ للنقة زيك..وهذا لا نستطيعه يا صاحب..

مشروع الالات الموسيقية السودانية..ممكن ينظر ويفاد فيه..يعني ممكن (حسب المزاج) ممكن نقترح عليك بعض الآلات..طرق صناعتها ، استخدامها ، توظيفها..غيابها فيما يسمى بالأوركسترا السودانية..يعني سيوسيولوجيا وانثروبولوجيا كل الة على حدة..وبعد داك ممكن نشوف كضبك في انو نمرقها للعالم..
طبعا كنا منتظرين ناس المزيكا ان يقوموا بالشغل ده..فلو ما حدث..ففي غياب الماء يجوز التيمم..

الحاجة الوحيدة التي نشكرك عليها هي تواصل ناس الفيس بوك..
كبر

Quote: نحن عالم تاني وليهو خصوصية..سيبكي عليها السودان سنين وسنين..!! قلت لي افلام ارض السمر الوثائقية مجرد مونساتية وحكواتية..؟!!..أي جهل يا صديقي هذا الذي تسبح فيها؟ كن شجاعا يا حاتم وتفرج عن حلقة واحدة..من مسلسل ارض السمر..ولوكنت انسان ، وسوداني ، ستعرف شجاعة الفريق الذي قام على مسلسل ارض السمر..!! ارض السمر كسرت ايقونة الحكواتية والمثقافتية والصوالينية..!!..وفوق ذلك التشوه والمسخ تجاه الغرب البتغالط في الكاونتر بوينت..!! كسرت سطوة الحناكيش من امثالك المستلبين تجاه ثقافة الغرب وتفاصيلها..!! وقدمت امسودان عاريا وميطى كمان..والعارف هو من يتوفق في التقاط الإشارة..!! الموصلي ايقونة مفارقة ، مش بحسابك وحساب كبر (عليه السلام) وانما بحساب خلق كتيرة انتا لا تعرفها ولن تعرف قيمتها الى ابد الدهر

لكن في الدقيقة 14:23

Quote: لهسع عندنا فنانين، لغاية اللحظة الحالية في فنانين كتيرين ما عارفين البيانو ولا غنوا بيهو. بينما إنو لا زال العالم في الموسيقى المتحضرة الغربية وغير الغربية بيستخدموا البيانو كجزء من عناصر الحداثة أو حتى ما يسمى ب (contemporary music)

الحكواتي هذا يجلس فيما أبرز.

ثم مبروك صورتك الخايف عليها
what an obsessed!

Quote: يبدو انك يا صاحب اصبت بمرض نفسي اسمو (عصاب الموصلي).. البوست ادى غرضو يا صديقي..والغريبة..انت تداخلت اكثر من كذا مرة..وصورة بروفايلي رجعت ظاهرة بهية وجميلة وانيقة..!!!! يبقى تاني نواصل في شنو يعني؟ حكاية الثرثرة الدائرية دايرة زول متفرغ للنقة زيك..وهذا لا نستطيعه يا صاحب..

أفو!
لكن بركة العرفت العصاب!
مش انت رابط بوستك دا بالكاونتربوينت يا خليفة؟
يبدو لي it is the other way around
يمكن عشان كدة حاتم غاب مرتين.

ويبدو لي الآن أصيب آخرون بعصاب حاتم
بتاع التمثيلية والهكر المنبر والمسؤول عن صورة بروفايلك
وأيضن الإرهابي والجدادة والشبح والكعب هههه

مش طرحت نفسك مثقفاتي وعايز تشرح لينا مآثرك وبطولاتك؟
وأهميتك لأمسودان
ولامي ليك كورجة من البشر موكلينك للدفاع!

وبتتكلم برة من راصك، فلان مبدع وفلان أيقونة وفلان قابل فلان
وفلان قدم فلان، هو شنو هو؟
وتعال شوف حلقات فلان وأنا ما من أمدرمان وحناكيش وتغريب واستلاب
إنا للاهي وإنا إليهي راجعين

هسع إذا كانت (قضيتك) هي صورة البروفايل في داعي للجعير دا كلو؟
وفاتح ليها بوست!
اكتب لسيد المنبر وعوي براك بدل ما تتهم الناس يا كبر

المرض عندك يا كبر، إذا في مجرد صورة عامل مقال مليان تناقضات
دي الميغالومينيا الحكواتية.

ياخي انت بسيط بساطة، ولو كنت محامي أخير موكلك يترافع عن نفسه براهو.

عموما طالما فضيت
أرح عندي ليك ميز، وانت تعهدت بالرد وتفسير الكحة، وما عهدناك عريداً

http://sudaneseonline.com/board/490/msg/%D9%85%D9%8A%D8%B2-%D9%83%D8%A8%D8%B1-1497007396.html

هههه..
ده شنو يا شيخ حاتم التراش ده؟..

البوست مشروح في اول مداخلة..مش مرتبط بفكرة الكاونتر بوينت..وانما مرتبط بخيطك عن الكاونتر بوينت..ودي الناس ده كلها عارف الحاصل شنو..!

زمان يا حاتم..صديقنا بشاشا شابكنا الزنجي الكاره لذاتو وشنو كده ما عارف..ولمن بقينا نقولها ليهو برانا..صاحبنا وقف حمار شيخه في العقبة..!!

وهسع بقولها ليك من تلقاء نفسي يا حاتم: كبر محامي فاشل وانفق خمسة سنين من عمره في كلية القانون بجامعة الخرطوم (اصلا الدراسة في كلية القانون اربعة سنين وكبر عمل سنة خامسة بلادة ساكت لأنو اختار يقاطع الإمتحانات لتثبيت موقف ضد سلطة غاشمة..)..وما عندو موضوع كلو كلو..واحمق..وحمار افندي ذاتو..!!

فهل الحقائق دي بترضيك؟..

هل الإعتراف بالحقائق دي ح يسوي منك زول فاهم ومثقف؟..

كون كبر مثقف..ما محتاجة رأيك يا حاتم..وتجربة كبر مطروحة للملأ هنا..ودع الملأ يحكم..وهي شنو طعم الثقافة الحقة ان كان امثالك هم من يحاكمونها؟..

الشخبطة والرسومات الإيضاحية..لا تجعل منك زول عندو تجربة واضافة للتأريخ البشري يا حاتم..فشنو شوف ليك شغلة تانية يا عمك..

البوست ادى غرضو..الثرثرة الدائرية لزومها شنو يا حاتم؟..ولا انت داير تتونس ساكت؟..

كبر

Quote: كون كبر مثقف..ما محتاجة رأيك يا حاتم..وتجربة كبر مطروحة للملأ هنا..ودع الملأ يحكم..وهي شنو طعم الثقافة الحقة ان كان امثالك هم من يحاكمونها؟.. الشخبطة والرسومات الإيضاحية..لا تجعل منك زول عندو تجربة واضافة للتأريخ البشري يا حاتم..فشنو شوف ليك شغلة تانية يا عمك..

ياخي تعال طيب أثبت (ثقافتك) دي وناقشني
في المفاهيمية والتاريخ والمنهجية أو على الأقل
اثبت ياخي إنو تعريفات حاتم متضاربة ومتناضة

الموضوع ما يبقى إطلاق مصطلحات ساي يا كبر
انت بديت معاي من الصفر توجيهات اتهامات
مرة أنا بمثل
ومرة أنا بهكر المنبر
ومرة أنا هكرت صورة بروفايلك
ومرة أنا ما جبت تعريف
ومرة أنا عندي خلط مفاهيمي

ولا واحدة من الفوق ديل طلعت صاح!
فعايز تكون ناجح في شنو بالضبط غير مهارة الحكي والونسة؟

أمرق تعال سيب اللكاعة، والله والله أطلعك أمي ومنافق زي النحوي داك
والخوف، الناس دي عندها عقول تحكم بيها
ولا تخضع للأسماء والأصنام، وأظن دي كسرناها
باقي انت يا أخوي، شكار نفسك

الميز هنا
http://sudaneseonline.com/board/490/msg/%D9%85%D9%8A%D8%B2-%D9%83%D8%A8%D8%B1-1497007396.html

والرسومات خليك منها، دايرك تكلمنا عن المفاهيم
والتاريخ والمناهج والاصطلاحات، مش دي زعوماتك الباطلة؟
أرحكا.

يا أخوانا الزول دا احلفوا عليهو بالطلاق.
بتاع الدنب دا

شيخ حاتم..

يازول انت لسع مصر على الثرثرة الدائرية الما جايبة همها؟..

نعم يا حاتم..الإتهامات في حقك انا قلت بيها ، وبضيف عليها اتهام اخر انك قاعد تكتب باسماء عديدة من الفيس بوك..

صورة البروفايل اختفت لمن بديت التداخل معاك في بوست (كاونتربوينت؟) ورجعت بعد ما انتا اتداخلت هنا..صدفة مش؟..

اما حكاية المعرفة الحقة والمنهجية وغيرها..فهذه دع القراء والقارئات يحكموا فيها..وانت غير مؤهل ، لا اخلاقيا ولا اكاديميا ولا معرفيا ، بالخوض فيها..
ولقد اتفق معنا كثيرون وكثيرات في انك شغال تستطيح وتجهيل بالباب العديل..

حكاية تفرض على الناس انو تتكلم معاك فهذا سلوك مرضي يا حاتم..وفي عقر بوستاتك فضحنا جهلك واستهبالك وتستطيحك بالناس.. فشنو..اركز في بوستاتك ولو عندك حجة منطقية وقوية ناقش الناس هناك..!

انا ..اخر تجلياتي..قاعد اكتب رواية يا حاتم..يعني الكارير بتاعي للسنين القادمة من عمري لوربنا حياني هي اني طارح نفسي حكواتي عديل..ولو بتفتكرها نبذة او استفزاز فاسمح لي اقول ليك انت:زول قاعدي ساي..!!

كبر

عثمان محمد صالح من نافذة "الفيسبوك":

في شأن المدعو حاتم ابراهيم:

Quote: إلى المدعو حاتم إبراهيم ليس المثير للضحك واقعة الهزيمة التي مُنيتَ بها في سجالك مع الموسيقار يوسف الموصلي ، حيث كيلت لك الضربة النجلاء. وماكان للأحداث أن تسلك مجرى آخر غير الذي اتخذته . فالنزال بدءً لم يكن متكافئاً بين دعيّ مثلك يحسن التغرير سولت له نفسه الأمّارة بالسوء مناطحة صخرة صماء بقرنين من ورق (ماو تسي تونغ) وبين موسيقار غني عن التعريف.. ما يثير الضحك هو الكيفية التي استقبلت بها الهزيمة التي لم تكن في حسبانك فلم يبق لك من حيلة غير الهرب إلى الأمام. وما هذا الاضطراب والارتباك والقفز من موضوع إلى موضوع٬ وماهذه المراوغة وافتعال القضايا إلا تجلّياً لهذا الهروب إلى الأمام صرفاً للأنظار عن واقعة الهزيمة. إن الفاضل المفضال يوسف الموصلي لهو أرفع شأناً وأعظم خلقاً من أن تلتصق به أيّ من تلك الصفات غير الكريمة التي تنعته بها فهو درة هبطت علينا من السماء. وهو في صفوة من يجري الخلق في دمهم مجرى الدم. وهو مثال لفنان شامل آبتلاه آخر الزمان الرديء بمجهولٍ خالي الوفاض(خالي الوفاض عديل كدا!) من أي إسهام يشار إليه بالبنان.. فإن كنت مخطئاً في حكمي هذا عليك فلك أن تتقدم (وما أنت بفاعلٍ إلى يوم الدين!) وتطرِق على حديد هذا الكلام وهو حامٍ بأن تصوّبني وتبيّن للقراء حقيقة أمرك خارج هذا الغبار الكثيف الذي تثيره للتعمية: من تكون٬ وماهي مساهمتك الفعلية في مجال التأليف الموسيقى أو الترجمة أوغير ذلك. عثمان محمد صالح