Post: #1 Title: أسرة الحاجة بتول في حاجة لوقفتكم معها.. Author: الأمين عبد الرحمن عيسى Date: 06-14-2017, 09:29 AM Parent: #0
08:29 AM June, 14 2017 سودانيز اون لاين الأمين عبد الرحمن عيسى-قطر مكتبتى رابط مختصر فلنتسابق إخوتي لتقديم المساعدة لهذه الأسرة المنكوبة.. والله لا يضيع أجر من أحسن عملا..
Post: #2 Title: Re: أسرة الحاجة بتول في حاجة لوفقتكم معها.. Author: elhilayla Date: 06-14-2017, 10:40 AM Parent: #1
الأخ عبد الرحمن من أراد أن يضمن الجنة فعليه بحاجة بتول وأسرتها أشياء لا تحدث إلا في السودان أخي الأمين _____ الحليلة
Post: #3 Title: Re: أسرة الحاجة بتول في حاجة لوفقتكم معها.. Author: elhilayla Date: 06-14-2017, 10:47 AM Parent: #1
الأخ عبد الرحمن نسيت أن أعلق على آداء المذيعة المتواضع جداً في القدرة على الحوار الفعّال في حالة الحاجة بتول ____ الحليلة
Post: #4 Title: Re: أسرة الحاجة بتول في حاجة لوفقتكم معها.. Author: يوسف الطيب احمد إدريس Date: 06-14-2017, 11:20 AM Parent: #3
سلام عليكم الأخ عبد الرحمن ضيوفه
لا حول ولا قوة إلا بالله العلي العظيم .. الناس مشغولة بطه جا وطه مشى وناسية انو في ناس زيل ديل
ياريت الأخ بكري يعلق البوست دا فوق لناس الخير في شهر الخير
حاجتين لاحظت ليهن :
إصرارها أنو تكرم الضيوف موية شاي نخت ليكم أكل رغم انو الاكل والشاي ديل يكونن حقت اولادها والله اعلم يكون عندها غيرو
لم ادوها القروش في نهاية البرنامج شوف كمية القناعة الفي وشها وختت القروش في التربيزة رغم ان الفي حالتها يكون متهافت لاي قرش يجيهو
ربنا يفرج كربها ويشفي عيالها
Post: #5 Title: Re: أسرة الحاجة بتول في حاجة لوفقتكم معها.. Author: ست البنات Date: 06-14-2017, 03:38 PM Parent: #4
سلام، ياريت لو في انسان يعرف وسيلة تواصل مع الاسرة. ومشكور مقدما. ست البنات.
Post: #6 Title: Re: أسرة الحاجة بتول في حاجة لوفقتكم معها.. Author: elhilayla Date: 06-14-2017, 03:50 PM Parent: #5
Quote: سلام، ياريت لو في انسان يعرف وسيلة تواصل مع الاسرة. ومشكور مقدما. ست البنات.
الأخت ست البنات الأخ عبد الرحمن ربما هو الأقرب ولو لا علم له أرجو أن يجتهد بالتواصل مع القناة ليعطوه المعلومات المطلوبة إكون على الأقل دخل معاك في الأجر ونحن برضو حسنة واحدة تكفينا كيفك يا ست البنات وين مطرك ووين رعودك؟ ربنا يثبت الأجر ___ الحليلة
Post: #7 Title: Re: أسرة الحاجة بتول في حاجة لوفقتكم معها.. Author: elhilayla Date: 06-14-2017, 03:55 PM Parent: #1
يا أمين الغربيون جننونا بي إسم العائلة صادق اعتذاري على تجاوزي لثقافتنا وأعرافنا السودانية ومناداتك بإسم العائلة في ميزان حسناتك ___ الحليلة
Post: #8 Title: Re: أسرة الحاجة بتول في حاجة لوفقتكم معها.. Author: الأمين عبد الرحمن عيسى Date: 06-14-2017, 04:25 PM Parent: #7
أعزائي الحليلة يوسف الطيب وست البنات لكم مني التحية والتقدير .. قمت بالدخول على موقع مقدمة البرنامج في الفيس بوك وناشدتها مدنا بهاتف الحاجة بتول.. وأظنها لم تقرأ الرسالة بعد لكن أتوفع رد منها في أي وقت
Post: #9 Title: Re: أسرة الحاجة بتول في حاجة لوفقتكم معها.. Author: ست البنات Date: 06-14-2017, 05:37 PM Parent: #8
الاخ الحليلة رمضان كريم، خلي التحشر ! حتى الاجر عاوز تقاسمو معايى! عموما بخلي ليك مثقال ذرة من الاجر ، دا لو لقيت التليفون ، كان اجتهدت معاي . تاني الواحد يدسدس منكم (وجه ضاحك )! وان شاء الله رمضان عندكم سمح ومريح . ست البنات.
Post: #10 Title: Re: أسرة الحاجة بتول في حاجة لوفقتكم معها.. Author: elhilayla Date: 06-14-2017, 08:38 PM Parent: #9
ست البنات البحبو كلو كريم برضو الأجر دا حاميننا ليو، حسادة الشوم مافضل ليك إلا تقولي لي البتحشر بودو بحشر ورمضانا طويل طولاً إدي ربك العجب التلفون في الدرب شيلي الصبر __ الحليلة
Post: #11 Title: Re: أسرة الحاجة بتول في حاجة لوفقتكم معها.. Author: الأمين عبد الرحمن عيسى Date: 06-17-2017, 02:20 AM Parent: #10
تحصلنا من مقدمة البرنامج الإبنة نضال النعيم على رقم هاتف إبنها ( إبراهيم ) وهو 096 806 1624
Post: #12 Title: Re: أسرة الحاجة بتول في حاجة لوفقتكم معها.. Author: elhilayla Date: 06-17-2017, 02:37 AM Parent: #11
الأخ عبد الرحمن السلام عليكم ورحمة الله وبركاته في تقديري تحتاج هذه الأسرة لشخص يدبر أمرها خاصة وقد تصلهم أيادي المحسنين هل فكرت في هذه؟ تقريباً في جزء من اللقاء ما تابعته: أود أن أعرف وضع زوج الحاجة بتول؟ لم يظهر في اللقاء أرجو الإفادة
أخيراً التلفون دا ما لو جاني غريب كدا؟ في أي دولة هذا التلفون؟ ___ الحليلة
Post: #13 Title: Re: أسرة الحاجة بتول في حاجة لوفقتكم معها.. Author: الأمين عبد الرحمن عيسى Date: 06-17-2017, 02:59 AM Parent: #12
زوجها توفي إلى رحمه مولاه. وقد حكت هي عن وفاته في المقابلة. التلفون وصلني قبل دقائق ولم أتصل بهم بعد ربما كان صحيحا وربما به خطأ حقيقة لم أفكر في وجود شخص لرعاية الأسرة كل تفكيري كان في تحويل ما يتيسر من المال لهم. عبر التحويلات التي تتم بصورة شخصية من الخليج إلى السودان حيث يتم الإتصال بالأسرة وأخطارهم بأن يستلموا مبلغا معينا من مكان معين في السودان. .. شكرا الأخ الحليلة
Post: #14 Title: Re: أسرة الحاجة بتول في حاجة لوفقتكم معها.. Author: الأمين عبد الرحمن عيسى Date: 06-17-2017, 03:37 AM Parent: #13
الأخ الحليلة تحياتي التلفون فعلا كان غير صحيح هذا هو الرقم الصحيح 0968061624 00249968061624 إبراهيم ليس إبنها بل إبن خالتها بالإمكان الإتصال به للتمكن من التحدث للحاجة بتول لإخطارها بالمبلغ المرسل لها ومن ثم تكليف إبراهيم لإستلام التحويل
Post: #15 Title: Re: أسرة الحاجة بتول في حاجة لوفقتكم معها.. Author: elhilayla Date: 06-17-2017, 12:12 PM Parent: #13
الأخ عبد الرحمن تقديرات للأمور منطقية ربنا يوفقك ويثبت أجرك _____ الحليلة