متى يفك عبدالإله ابوسن اسر المركز الثقافى السودانى بالدوحة

07:43 AM June, 14 2017

سودانيز اون لاين
بدر الدين الأمير-دولة قطر
مكتبتى
رابط مختصر

المركز الثقافى السودانى بالدوحة هو عبارة عن اتفاقية شعبية ثقافية بين الشعب قطري والشعب والسوداني
مركز في الدوحة ومركز في الخرطوم لذا كنت دوما اقول اقول للذين يقاطعون فعاليات المركز الثقافى ياخوانا
المركز الثقافى مش دار للموتمر الوطنى السفارة قديكون له دور اشرافى وتفاصيل الاتفاقية موجودة بالسفارة
وموجودة بوزارة الثقافة والرياضة القطرية ووزارة الثقافة السودانية وهى قديمة قبل مجى الانقاذ

حين اتى الملحق الثقافى السودانى الجديد السيد عبدالإله ابوسن
حدثنى البعض انه لن يكون زى اللذين سبقوه الذين تعاملو
مع المركز كمحمية تخص السفارة وسكن لبعض العمال
لان ابوسن كان وزير ثقافة اقليمى في القضارف اكتر
منطقة فيها تجمع للثقافات السودانية وكان برضو وكيل
لوزارة القافة واستبشرنا خير لكن الحصل

ابو سن
اجتمع باللجنة التى كانت تدير فعاليات المركز بحيوية ونشاط وبرامج متنوعة
اكثر من فرقة موسيقية برنامج تدريب مسرحى لاطفال باشراف القامة محمد
الفنان محمد السنى والسنى من السودانيين القلايل العندهم علاقة متميزة بالابداع
والمبدعين القطرين بل بعض القطريين بتعبرو السنى حقهم ابوسن اجتمع بتلك
اللجنة وشكرهم على ماقدمو واوقفهم لانه لديهى خطة متكاملة لادارة المركز
وفعالياته والان مضى اربعة اشهر والمركز بقى عبارة عن صالون للعزاء

غايتو مادايرين نفقد الامل ونحن كشعب سودانى بكل تنوع ثقافاتنا
والونا الفكرية والسياسية لدينا تواصل وتداخل مع كل المبدين والمثقين
القطريين ممايجعلنا ان يكون لدينا مركز للثقافات السودنية ياشر له

وكان دايرنا ياعبدالإله نخليهو لناس الطقى المابحتملو مبدع ولا ابدع ولاثقافة ولامثقف
ولعلك طالعت تهجمه الشخصى على الفنان محمد السنى بعد حفل اوسهرة رؤى محمد نعيم سعد
بالمركزواعتذر للسنى بالتلفون بعد ماطلبتم منه انتم ذالك والسنى قبل الاعتذار لكن طلب منه ان يكتب اعتذار
في المكان الذى كتب فيه تلك الشتيمة ووعد ولكنه لم يوفى بوعده
يبقى دا مامركز للثقافات السودانية ولا بتبقى انت ملحق ثقافى

دحين إنت ( الطقي ) دا مش عضو معانا هنا ولا شنو ..؟؟

ياهو زاتو ياعبدالعزيز

الكلام لمحمد مستجاب
الغربال الجديد له شدة لماذا لم نقل العود او الكمان

سلام يا ود الأمير،

جيت أشوف ال حاصل شنو ..! وأعرف ال ممكن نساعد بيهو شنو
فإذا بي أشعُر كأنّي ذاك الذي جاء يــلِــز "مع الجماعة" لكنه لم يجد
موطئ لَـزَّة ..! فوقف متفرّجا
لا تسرّه لزّة اللاّزّين! ولايجد لــ"طاقة" لزّه ال واقفة تتفرّج موطئا ..؟!

وعلى كل حال، أقووووول (بتاعة أهلنا السعوديين):

سيبوا ليهم المركز، واعملوا ليكم مركز بالاسم والميسَم ذاته
واتركوا للسودانيين أن يختاروا ..! ما بين جنائن (المعارَضة)
وبين (قصور) الشموليِّين الفاضين من أدنى المكارم.


وبس!

ــــــــــ
مع التحايا

ابوجود اكرام لوافدك هنا اهديك هذا النص للشاعر الصحفى الصديق فيصل محمد صالح
وبجيك صادى لكلامك اعلاه

طوبى للرجال العصافير
للكاتب الصحفى فيصل محمد صالح
غناء الراحل : مصطفي سيد احمد
طوبى للرجال العصافير
كلما حط طائرهم فوق غصن..
غنوا بشجي الكلام..بديع الصور
وبؤسا لنا نحن الرجال الشجر
كلما جرفتنا شجون المنافي
تهاوت جذور الكلام..جفت ينابيعنا
وارهقتنا ليالي السفر
تؤرقنا الذكرى
توقد نار المواجد فينا
فيوجعنا الشوق في صرة القلب
يتابى حتى السكون الذليل
نخرج الآن من جلدنا
ونخدش صمت السؤالات
نركض عبر الطريق الطويل
------
من اي ثقب في الحكايات جئنا
ومن اي باب في السماوات
كان التماس السكينة
ومن اي ذنب عصي..تعلم القلب
سفر الرحيل
الطيور قطعت رحلتها..ثم عادت
والاماني استكانت
والليالي ما عاد صمتها مستحيل
والنساء اللاتي علمننا العشق
في زمانات النداء الجميل
نسجن ..كعادتهن..من كذوب الروايات
ما يخلع الدفء عن جسد الحب
ثم تذوقن
للحبيب البديل
-----
يا صديق المسافات اركض
ما عاد في الحزن متسع
لصغير الجراحات-قلبي
وقلبك
ولا صبر في الافق..لانتظار الخيول
كل المراكب تاهت
انكرتنا الشموس
والحبيبات خانت
لفظتنا البحار
فهل يستطيع البنفسج
ان يكون الكفيل؟
ايوجعك الوصف؟
آه من زمن كنا ننتقي فيه
العبارات
من فصوص المحار
نتمشى في مفاصل الشعر
تاخذنا كل ساعة..في مدار
آه من..آه..ثم آه
من كل ذاك الزمان النبيل
اصرخ الآن..او
اخرج الآن..او
انزف الآن..او
اكتم الشدو في الفؤاد العليل

الشفقة تطير
انت ما تنتظر
يمكن قطر بعد ما تطلع من الازمة تقلب على الكيزان .
هسي دا وقتو !

انا التطير عشيتى انا معاك ياعريبى الجزيرة
هو انا يالقاك معلق ليك بلوة في مشلعيب بكرى يالقاك
متلحنى انتو يا اهل العوض زى شوال الفحم الواحد اكان
وقع عليكم بتبهدلو وكان وقعتو ليهو بتجننو

أشكرك، عزيزي البدر، على الإهداء الشــعري الجــوّاب ..

طلاّع أودية حَمــّـَــال ألوية ..

وفي الصدق الفنيّ معطون وفوّاح ..

تحية للأخ الأستاذ فيصل، ورحمة وسلام للراحل المقيم مصطفى ..

ابو جودة
بجيك لتفصيل ماحدث ويحدث

في تقديرى اى كوز كائن من كان حين يعتلى وظيفة عامة
لاتسال عن من هو بل اسال عن رتبته الامنية هل هو حاكم
ام محكوم اي الرتبة الاكبر منه منو وفي المظومة الكيزانية ممكن
يكون كويز صغير بس بكون هو الامر الناهى ماهم جميعا بجو للوظيفة العامة
كحكام ويتحكمون في المصاير والمصير وماتصير له رغباتهم .......