لم أقتني لادا في حياتي .. بيد أن خالد بسطامي الشهير بباسطة والقاب اخرى قد اقتناها (ولعلها هي من اقتنته .. لا أعلم) .. وبما أن باسطة صديقي التأريخي .. فيمكنني القول بأنني وثيق الصلة بالعربات اللادا لمن تكون تعبانة تعب الموت ..
تشاركنا -انا وبسطة واللادا- الكثير من المشاوير الحميمة .. كانت اللادا اذا دورت معانا .. فأغلب الظن هو اللا تعمل التعشيقة .. واذا عملت التعشيقة .. فمن المؤكد جدا أن ينقطع سير دواسة البنزين .. فاذا لم ينقطع .. فاللادا جنها والكباري .. ما أن تصل لكوبري أمدرمان حتى تتعطل (لا توجد مشاكل تذكر على طول شارعي العرضة والموردة) .. فاذا ما عبرت الكوبري بسلام كاحدى الصدف الجميلة , فستصيب اللساتك لعنة النزول ...
تكون بالله اعصابك مشدودة ومتوتر وانت تطالع خالد باسطة وهو يقود (عفوا يعافر) .. فلا تنزل عليك السكينة الا ان تحدث واحدة من كوارث اللادا .. فوقوع المصيبة اهون من توقعاتها !!
اذا ما فتحت معاك صفحة المنبر .. فاغلب الاحتمالات انو ما يفتح معاك البوست المنشود .. واذا فتح معاك كصدفة تأريخية جميلة .. فلا تأمل كثيرا في ان تمارس حقك الطبيعي جدا في اضافة تعليق .. فاذا ما فتحت معاك نافذة التعليق (يقول الانجليز ان هناك سبعة مستحيلات ممكنة قبل الافطار) .. فلا تحلم بارسال التعليق .. فاذا تم ارساله .. فلا ترهق نفسك في محاولة تكحيل عينك بسطورك الانيقة تتلألأ في صفحة المنبر البيجيه الخفيفة ..
ده منبر ولا لادا اصلو ؟!! هكذا تحدث زرادشت !!!
Post: #2 Title: Re: منبر زي اللادا الروسية لمن تكون تعبانة تع� Author: جمال ود القوز Date: 06-11-2017, 11:02 PM Parent: #1
مشرف رمضان كريم .. والله فعلا المنبر معصلج عصلجة لادا في كبري ام درمان الجديد .. تمنياتنا لبكري انه يقدر يجد حل سريع وناجع لمعالجة هذه المشكلة .. قبل ان تشرّد الناس من المنبر ..
Post: #3 Title: Re: منبر زي اللادا الروسية لمن تكون تعبانة تع� Author: عبداللطيف حسن علي Date: 06-11-2017, 11:04 PM Parent: #1
هكذا تحدث زرادشت !!! عشان انسخ دي بس الماوس قعد يتراجف كلو لابد من تفسير شفاف ياصديقي المشرف من قبل بكري المطلوب منه لمرة واحدة ان يكتب للجميع عن طبيعة المشكلة كي لانقل له : حتي انت يا بروتوس!!!
Post: #4 Title: Re: منبر زي اللادا الروسية لمن تكون تعبانة تع� Author: جلالدونا Date: 06-11-2017, 11:21 PM Parent: #3
غايتو الريس بكرى بقى زى رئيسة الوزرا البريطانية جات تكحّلا قدّتا ___ بالله ديل انتو القفلتو الكبرى ساعتين اليوم داك من صيف سنة 92 غايتو الناس سبّو ليكم جنس سب النصيحة لى الله انا قلت العربية دى كان سايقاها مرة ان شاالله لا تعرّس لا تموت
Post: #5 Title: Re: منبر زي اللادا الروسية لمن تكون تعبانة تع� Author: سيف النصر محي الدين Date: 06-12-2017, 00:42 AM Parent: #4
اتخيل لي مفروض يغير البواجي.
__________________________ هكذا تحدث الاسطى عبد الجابر
Post: #7 Title: Re: منبر زي اللادا الروسية لمن تكون تعبانة تع� Author: elhilayla Date: 06-12-2017, 00:59 AM Parent: #5
حسب التشخيص الأخير مشكلة كتينة لمن الكتينة تكون السنون بتاعاتها بردت بتفوت ولمن تفوت البلوفة بتلف بطريقة غير متزامنة – خلل في التايم عشان كدة التايمنق بيلت بحلج البلوفة ولازم تغير الفالفات كلها بالمناسبة اللادا فيها كم بلف يا ود المشرّف؟ تحية عبرك لكل الحضور __ الحليلة
Post: #8 Title: Re: منبر زي اللادا الروسية لمن تكون تعبانة تع� Author: يحي قباني Date: 06-12-2017, 01:17 AM Parent: #7
انا بقول موسكوVتش ...
او موسكوزفت كما كانت تلقّب ...
Post: #6 Title: Re: منبر زي اللادا الروسية لمن تكون تعبانة تع� Author: عماد الشبلي Date: 06-12-2017, 00:48 AM Parent: #4
لا دا ولادا يمكن دخلتو
سلحفاء
سلام مشرف
Post: #9 Title: Re: منبر زي اللادا الروسية لمن تكون تعبانة تع� Author: معاوية المدير Date: 06-12-2017, 02:55 AM Parent: #6
Post: #11 Title: Re: منبر زي اللادا الروسية لمن تكون تعبانة تع� Author: ملهم كردفان Date: 06-12-2017, 03:07 AM Parent: #10
المنبر صاروخان حاليا ماشاء الله اطيب التحايا لدكتور مشرف وصحبه الكرام
Post: #12 Title: Re: منبر زي اللادا الروسية لمن تكون تعبانة تع� Author: فرح الطاهر ابو روضة Date: 06-12-2017, 03:20 AM Parent: #11
اول شي رمضان كريم تاني شي مسعول من الخير
تحولت نضاليا لمكنيكي منابر ولا ايه
غايتو
Post: #13 Title: Re: منبر زي اللادا الروسية لمن تكون تعبانة تع� Author: معاوية المدير Date: 06-12-2017, 03:20 AM Parent: #11
Quote: شاحد ربى يطبلوك فى تمنة دار مالى
تُمنة دار مالي ما يطبلوك فيها إنت يا المسيخ ...
Post: #19 Title: Re: منبر زي اللادا الروسية لمن تكون تعبانة تع� Author: حاتم إبراهيم Date: 06-12-2017, 10:07 AM Parent: #6
بكري مشغل كمية من الاسكربتات غير المدروسة سببت البطء القاتل لكل همة. دلوقتي تنازل عن اسكربت تضمين الرابط أثناء النسخ (يأتي مشفوعاً بكملة "المصدر") فارتاح المنبر ذاته!
السيد (النضيف) إزيك ياخي! أنا حاتم. ذاك
Post: #14 Title: Re: منبر زي اللادا الروسية لمن تكون تعبانة تع� Author: Hassan Farah Date: 06-12-2017, 03:43 AM Parent: #1
لم أقتني لادا في حياتي .. بيد أن خالد بسطامي الشهير بباسطة والقاب اخرى قد اقتناها (ولعلها هي من اقتنته .. لا أعلم) ------------------------------------------------------------------------------------------------- دكتور محمد المشرف صباح الخيرات ياخى لا تظلموا اللادا حرام عليكم اللادا امها الشرعية فيات 124الكانوا بيغنوا ليها يا السايق الفيات الروس نقلوها بى ضبانتا فى المصنع البنوه الطليان على نهر الفولجا فى مدينة تحمل اسم سكرتير الحزب الشيوعى الايطالى تلياتى يخيل لى صاحبك باسطة دا عربيته مش لادا بل زابروشس( الروس يطلقون عليها جوباروجس )
Post: #15 Title: Re: منبر زي اللادا الروسية لمن تكون تعبانة تع� Author: أحمد الشايقي Date: 06-12-2017, 09:13 AM Parent: #14
شكرا أخ المشرف
العبارة دي عجبتني
(((فاذا ما عبرت الكوبري بسلام كاحدى الصدف الجميلة)))
لذلك وعليه,
قررت انكم من جيل الشباب ....
نحنا من زمــن الـ بــولقـــا Volga
Post: #16 Title: Re: منبر زي اللادا الروسية لمن تكون تعبانة تع� Author: عبدالعظيم عثمان Date: 06-12-2017, 09:26 AM Parent: #15
Quote: عشان انسخ دي بس الماوس قعد يتراجف كلو
عبداللطيف حسن علي سلامات دا ماوس دا ولا عربية باسطة زمان مدافع المريخ أبراهيم عطا كان كبابة ورجافة صحافة الهلال ناس أبو آمنة حامد سموه عربية الباسطة
Post: #17 Title: Re: منبر زي اللادا الروسية لمن تكون تعبانة تع� Author: عبدالعظيم عثمان Date: 06-12-2017, 09:32 AM Parent: #16
Quote: تكون بالله اعصابك مشدودة ومتوتر وانت تطالع خالد باسطة وهو يقود (عفوا يعافر) .. فلا تنزل عليك السكينة الا ان تحدث واحدة من كوارث اللادا .. فوقوع المصيبة اهون من توقعاتها !!
سلامات يا مشرف تعرف علي ذكر اللادا الكركعوبة حقتكم دي .. السودان زمان العربات التبعانة والعاوزة لزة كتيرة خلاص ورغم صعوبة ذلك الزمن لكنها كانت تقضي كل الأغراض عندي صاحبي بحب ليك العربات البيجو حب عجيب وكان كل فترة يشتري ليه بيجو أو 4 أو أو 5\ المهم كل يوم هو في ورطة وعاوز لزة أو عربيته ما بتدور يعني كان ركبت معاه ووب .. كان مار كبت معاه وبين
تصوم وتفطر علي خير
Post: #18 Title: Re: منبر زي اللادا الروسية لمن تكون تعبانة تع� Author: محمد حيدر المشرف Date: 06-12-2017, 09:57 AM Parent: #1
تعرفوا !! ناس الضهاري ديل ما عندهم ديبلوماسية أولاد قلبا نوهائيا .. مسألة "نحن من باب الشجى .. والزخرف الرمزي .. والالغاز والمغزى" الكلامات الزي دي ما بعرفولها .. خائنة الأعين كما قال .. بقولوا الكلام طااااخ كده يا جلالدونا
Post: #20 Title: Re: منبر زي اللادا الروسية لمن تكون تعبانة تع� Author: Basamat Alsheikh Date: 06-12-2017, 10:10 AM Parent: #18
ود المشرف وود المدير قالو اليد الواحدة ما بتصفق... معقولة في عضوية المنبر العام مافي مهندسين تكنلوجيا يساعدوا الباشمهندس بكري في حل مشكلة المنبر العام...!!! وبعدين انا اليوم شايفة المنبر العام بقى اسرع من المارسيدس ..واظن المشكلة اتحلت خلاص ودمتم بالف خيروصحة وعافية
Post: #21 Title: Re: منبر زي اللادا الروسية لمن تكون تعبانة تع� Author: عبدالحفيظ ابوسن Date: 06-12-2017, 10:11 AM Parent: #18
سقت لادا زي خمسة سنة بقول اللادا مسكونة تكون سايقها لو ادوك فيها اخر موديل ما تبدلا توقفها عشرة دقايق . وتجي تدورها ما تقوم معاك . تبعبص فيها وتنادي الميكنيكي سعيد لادا .. يجرها تستلمها بكرة والله تدور براها . مرة وقفت بي ناديت سعيد لادا . دخل السويتش دورت . بطل دور بطل دور وكذلك المنتدي
Post: #22 Title: Re: منبر زي اللادا الروسية لمن تكون تعبانة تع� Author: معاوية المدير Date: 06-12-2017, 12:34 PM Parent: #21
Quote: أنا حاتم. ذاك
مِنّو ؟!...
Post: #23 Title: Re: منبر زي اللادا الروسية لمن تكون تعبانة تع� Author: محمد حيدر المشرف Date: 06-29-2017, 11:03 PM Parent: #1
كتبت بوستين لادارة المنبر وتم الحذف
من المؤسف جدا أن تعامل ادارة سودانيزاونلاين اعضاء سودانيزاونلاين كما تتم معاملة الحيوانات ..
لم اطالب الا بتوضيح من الادارة بسبب حذف البوست .. وعن المخالفات الواردة فيه ..
هذه مسألة مبدئية جدا .. ويجب أن تكون كذلك ...
لو ان سودانيزاونلاين تتدعى انها صوت من لا صوت له .. فجدير بها احترام ذلك .. واحترام اصوات الناس ..
وكأي منبر محترم .. ستقوم ادارته بتوضيح اسباب مصادرة آراء الناس .. كنت اعتقد أن أدارة سودانيزاونلاين كذلك ..
لن اتقدم باستقالتي من هذا المنبر .. بل سأكتب ذات هذه المداخلة وحتى يتم فصلي من المنبر او ان تتقدم ادارة المنبر بتوضيح اسباب الحذف
Post: #24 Title: Re: منبر زي اللادا الروسية لمن تكون تعبانة تع� Author: بكرى ابوبكر Date: 06-29-2017, 11:21 PM Parent: #23
يا قريبى كل سنة و انت طيب اللادا دى لمن نكون بنصلح فيها حقوا نلوك الصبر
Post: #25 Title: Re: منبر زي اللادا الروسية لمن تكون تعبانة تع� Author: محمد حيدر المشرف Date: 06-29-2017, 11:36 PM Parent: #1
يا بكري سلامات وكل عام وانت بخير ..
نحن ندين لهذا المنبر بالكثير .. ودافعنا عنو كثير ولن نوفيهو حقو ..
ما طالبت به ليس بالكثير .. طالبت بي توضيح .. لماذا تم حذف البوست ..
المطلب ده عادل جدا .. لا سيما وأن لا شيء يبدو مخالفا لقوانين المنبر ..
Post: #26 Title: Re: منبر زي اللادا الروسية لمن تكون تعبانة تع� Author: محمد حيدر المشرف Date: 06-29-2017, 11:42 PM Parent: #1
نبذل جهودا كبيرة في كتابة البوستات .. ونلتزم بقوانين المنبر بصورة تلقائية جدا فلمن يتم مصادرة كل ذلك .. على الاقل ان هناك توضيح ..
في البوست المحذوف اتهمني زول من اعضاء المنبر بانني طلبت منك حذف بوست قبل سنه تقريبا .. والكلام ده ما صحيح .. ولكن الزول ده لقى فرصة يكضب لانك لمن حذفت البوست ما كتبت توضيح ..
فياخي كتابة التوضيح دي على الاقل بتحفظ حقوق الناس .. ولا تجعلهم عرضة للاكاذيب المنسوجة بالكراهية والغل ..
Post: #27 Title: Re: منبر زي اللادا الروسية لمن تكون تعبانة تع� Author: بكرى ابوبكر Date: 06-30-2017, 00:28 AM Parent: #26
Quote: تم حذف البوست
يا حبيب ما بنحذف بوست الا بوست كعب شديد بالحيل لكن بنقفله لما يصل النقاش الى نهايتو او خرج عن موضوع البوست
