Post: #1
Title: علماء الدين والفنانين "المغنواتية" كرهتونا التلفزيون في رمضان
Author: عبدالعظيم عثمان
Date: 06-10-2017, 11:47 AM
10:47 AM June, 10 2017 سودانيز اون لاين
عبدالعظيم عثمان-
مكتبتى
رابط مختصر
ياخي أصله ما معقول
فتاوي رمضانية كل عام نفي القصص
ونفس الفتاوي ....
واحدة تتصل : عندي الدورة والدم لسه ما وقف
واحدة تتصل عن صوم المرضعه والنفساء
واحد يتصل ويقول : أجامع زوجتي قبل الفجر ولم أتوقف عند سماع الآذان
وبي هنالك السر قدور الشلة أياها شغالين معط شديد
سلمي سيد ومعاها ناس فرفور وعصام محمد نور
وقبل يومين شغالين بكاء شديد علي مدحة
ة سليمان وأصحابه وسهرة بايخة وغنا في غنا
ذبحتونا ما مكن البلد دي بولها وعرضها مافيها زول مبدع واحد
|
Post: #2
Title: Re: علماء الدين والفنانين andquot;المغنواتيةandquot; ك
Author: مني عمسيب
Date: 06-10-2017, 11:53 AM
Parent: #1
عبد العظيم لك التحية ..
بالمناسبة قنواتنا وما تقدمه من برامج مكررة وفارغة
تدل علي مدي فقر الوضع والازدواجية العايش فيها !
كمان انا اخير لي يا عبد العظيم الغنا من تصريحات
المسئولين الفعلآ ممكن تخليك طابي بزبجة ولا جلطة
هههههه والله زي ما اقول ليك تصريحاتهم لما كنت
زماااااااااااااااااان بحضرها واسه ربنا رحمني بتركها
كنت اليوم كله بتكلم براي بكرر في كضبهم وبدعي عليهم
لكن اسه سبت القنوات دي زمان لانها فعلآ بتضيع الزمن .
واللهم لزمنا الصبر الجميل ..
ولك الشكر ,,,
|
Post: #3
Title: Re: علماء الدين والفنانين andquot;المغنواتيةandquot; ك
Author: عبدالعظيم عثمان
Date: 06-10-2017, 11:57 AM
Parent: #1
مثلا أمس في سهرة في قناة الشروق بيقدمها زوول دمه تقيل خلاص
بصبغ شعرة كله يوم ( سهرة عن الفكر الإسلامي وما عارف أيه كدا)
المهم لاني ليه ناس وشغالين نقة فارغه ..
الشيخ محمد أحمد حسن في الشروق كل يوم ساعه
ونفس الفتاوي كل عام ونفس القصص
الشيخ مين كدا الحكيم في النيل الأزرق برضه
نفس القصص والفتاوي
ياخي دي برامج ما ليها أي داعي وتضيعوا بيها زمن الناس
كل الفتاوي مكررة ونفس الإجابات ومافي أي جديد
وبي هناك الحبر يوسف نور الدائم برضه شغال ونسة إسلاميه
وديكور بالألوان وكله هواء في هواء
وعبدالحي يوسف
البلد فيها كوليرا وفيه كوارث
أنتجوا برامج لتوعية الناس من خطر الإصابه
وعدوا الناس بمخار إنتشار العدوي .... ما معقول تضيعوا وقت الناس في برامج فارغه
|
Post: #4
Title: Re: علماء الدين والفنانين andquot;المغنواتيةandquot
Author: عبدالعظيم عثمان
Date: 06-10-2017, 12:11 PM
Parent: #3
غايتو البلد دي محنها ما بنتنهي كله كله
بلد فيها أزمة إنتاج والناس كلم عطالي حكومة علي معارضه
مافيكم زول الله فتح بصيرته علي إنتاج برامج ترفع إنتاجية المجتمع
وتنشر التقينات الجديده في المجال الزراعي
يعني بدل ما تفتحوا المجال للعطاي من الفنانين والعطالي من رجال الدين
مفروض تفتحوا المجال للمنتجين الشغالين وتغطوا قصص نحاج مشروعاتهم
وتعملوا ورش للتقيف رفع الكفاءة الإنتاجية للمجتمع ....
بلد فيها مشكله تعليم مفروض تنشروا الطرق الحديثه في التعليم والبحث العلمي
بلد فيها مشاكل أساسية للصحة العامة وفيها كوارث وأوبئة
مفروض الخط الإعلامي يشتغل وفق حاجة الناس
مش علي حسب مزاج بعض العطالي الفاقدين للموهبة والإبداع
بلا يخكم
|
Post: #5
Title: Re: علماء الدين والفنانين andquot;المغنواتيةandquot
Author: عبدالعظيم عثمان
Date: 06-10-2017, 12:18 PM
Parent: #4
Quote: عبد العظيم لك التحية ..
بالمناسبة قنواتنا وما تقدمه من برامج مكررة وفارغة تدل علي مدي فقر الوضع والازدواجية العايش فيها !
|
بت عمسيب تحياتي
بالجد نحنا بنعيش مرحلة إنحطاط
يعني ما معقول الخارطة البرامجية كلها كوبي بست
طيب جيبو روبوتات وخلوا البرمجة تدور من غير أي إبداع
يعني بالجد موضوع غريب
العالم دا كله ماشي يتطور الا نحا في الإعلام محطاتنا من الصعب تقدر
تشوفها ل5 دقائق قمة في الرتابة والتكرار
|
Post: #6
Title: Re: علماء الدين والفنانين andquot;المغنواتيةandquot
Author: Hani Arabi Mohamed
Date: 06-10-2017, 12:33 PM
Parent: #4
لمثل هذه الأشياء وغيرها انصرفت عن التلفزيون تماماً
أحياناً قليلة وعلى فترات متباعدة قد تطول شهوراً أتفرج على فلم أجنبي هنا أو هناك ثم أعود لإغلاق التلفزيون
|
Post: #7
Title: Re: علماء الدين والفنانين andquot;المغنواتيةandquot
Author: قصي محمد عبدالله
Date: 06-10-2017, 01:17 PM
Parent: #6
سلام صاحب المنشور وجميع المتداخلين،
والقراء...
انت عارف انو الاجيال تتعاقب،
وبإختصار كده...
ماتراه انت ايها العجوز معلومة قديمة منذ عشرات السنين وليست ذات فائدة اضافية لك،
يراها المتأخرون من الاجيال معلومة جديدة، وربما اخرجتهم من ظلام وجهل....وهكذا.
بيد ان كثير من المتأخرين اهدى سبيلا من المتقدمين لقوة عقيدتهم ، وفلسفة المتقدمين.
.....
ان شاء بس مازلت تقرأ في صلاتك بداية كل ركعة بفاتحة الكتاب "الحمدُ" ،
ولم تستبدلها بسورة اخرى من اجل التجديد والتغير....
|
Post: #8
Title: Re: علماء الدين والفنانين andquot;المغنواتيةandquot
Author: عبدالعظيم عثمان
Date: 06-10-2017, 03:22 PM
Parent: #7
الســر قدور لامي ليه عواطليه من المغنيين
نفس الأغنيات
نفس الضحكة
تتغير الأصوات ونفس الموضوع المتكرر الممل
سلمي سيد عاملة نسخة كوبي بست من أغاني أغاني
لامي عواجيز الشباب ونفس الحوار الركيك والسماجة
طه سليمان دا منو الغشاه وقاليه يشتغل مقدم برنامج
البرنامج نفسه تعبان تعب الموت
حوار ضعيف وأسئله مكرره من شاكلة ( كيف بديت تغني)
يعني السؤال بكون إتكرر مئات المرات يعني عباطة وعدم موضوع
بالجد الموضوع دا فات حده ومفروض النقاد يرفعوا صوتهم شوية
يعني ما معقول يستمر المعط دا كل السوات دي دون توقف
|
Post: #9
Title: Re: علماء الدين والفنانين andquot;المغنواتيةandquot
Author: قصي محمد عبدالله
Date: 06-10-2017, 04:31 PM
Parent: #8
ما فات حدو ولا شئ،
أصلا مما بدأ... بدأ بي هناك للحد....
زي ما يقول المثل:
عايرة وأدوها سوط....
.....
....
|
Post: #10
Title: Re: علماء الدين والفنانين andquot;المغنواتيةandquot
Author: سيف الدين محجوب
Date: 06-11-2017, 11:20 AM
Parent: #9
دا كله كوم
والمذيع المصبغ شعرو كوم تاني
معقولة صبغة سوداء للدرجة دي
وكمان عامل سوالف بيضاء يعني بغشنا بنظام دابو طلع ليهو شيب بالجنبات
بعدين الصبغة لما كان بعملا قبل عشرة سنين كانت مهضومة شوية
بس القصة مسخت
ولي متين عاوز تفرض نفسك علينا وتورينا إنك وسيم
مرضونا الله يمرضهم
وبلا يخمهم كلهم
ولا أقول ليك طالب من الله كوليرا توديهم في ستين داهية
وتريحنا منهم
|
|