كيف تعرف نفسك كبرت ؟؟؟؟؟

09:02 PM June, 03 2017

سودانيز اون لاين
درديري كباشي-
مكتبتى
رابط مختصر

كيف تعرف نفسك كبرت ؟؟؟
لمن تبدا تحب الاشياء التي كنت تكرهها زمان واهلك الكبار كانوا يترجوك لتناولها ويغروك بقيمتها
انا غايتو حاولت احصرها في الاتي
الحلومر
العصيدة
ملاح الشرموط
ملاح الروب الابيض
الرقاق
الابري الابيض
عصير القريب فروت
اللوبا العفن
اللوبا العدسي
الكوارع
المرارة
الكمونية
ام فتفت
البصل
الفجل
نشرة الاخبار في التلفزيون
الجرايد السياسية
برنامج الرياضة في الرادي
لبس الحلابية والعمة والشال والمركوب
andandandandandandandandandandand
انا غايتو عملت مراجعة لقيت نفسي فعلا بديت احب نصف الحاجات دي
وباقي لي نص
يعني لسع في شوية رقشة

كيف تعرف نفسك كبرت ؟؟
2
هذه عكس السابقة تماما .
عندما تبدأ تكره الأشياء التي كنت تحبها زمان وأهلك الكبار كانوا يحذروك منها وأنت ما شغال بيهم .
1- الباسطة
2- الطحنية
3- الشطة
4- الليمون
5- العرديب ( تمر هندي)
6- القنقليز
7- الجبنة ( الجبن ما القهوة )
8- الأفلام الأجنبية
9- الأفلام العربية
10- حفلات الأعراس والمناسبات الخاصة
11- (الهارت في لعبة الكتشينة .. حل محله الحريق )
12- الشطرنج
*******************************
13- لمن يقوم ليك واحد من مقعده في البص وأنت شايفو أكبر منك ... دي حارة غايتو
😜😜😜🤔🤔🤔🤔😅😅😅😅😅😅😅😅

لمن تمشي المغتربين وتسأل عسكري وين الخدمة الالزامية يقوم يعاين ليك مسااااافه كده ويسالك يقول ليك مواليد كم ؟!

- 71
يقوم يقول ليك بمنتهى السادية: ما عندك خدمة الزامية !!

عندما تجد صعوبة في قراية المعلبات
وعلب الأدوية وتقعد تزح العلبه بعيد عشان تقدر تشوف الحروف
الصغار .. موضوعك بيكون إنتهي خالص
تمشي سريع تحج وتجهز نفسك لعملية الموية البيضاء
وترجا الكريم في الكريدة

لمن تمشي المغتربين وتسأل عسكري وين الخدمة الالزامية يقوم يعاين ليك مسااااافه كده ويسالك يقول ليك مواليد كم ؟! - 71 يقوم يقول ليك بمنتهى السادية: ما عندك خدمة الزامية !!
ا------------------------------

هههههههههههه صدمة مزدوجة يا دكتور لا تعرفها تفرح ولا تزعل

لما تحس نفسك ما قادر تفارق
سودانيز اون لاين

لامن تلقا زول تخجل تسف قدامو

او كما قال الأخ عبدالعظيم عثمان.
اليوم شغال اقدم واخر، رفع وانزال، في التقويم عشان اعرف موعد اذان الفجر.
المهم بزاوية معينة شراكة بين الوريقة والرأس و اسقاط النظر... صفيت الارقام وظهرت النتيجة 3:44.

سلام

لما تفكر في مستقبل الاخرين ، من الدرجة الاولي .
تكثر النظر للمراة وتزيل الشعر الابيض من علي شارب الصبا.وتخففه .
يكثر ترددك علي المساجد ، ويكبر سقف الامنيات . بخاتمة جيدة .

النقيض :

لا هم ولا تفكير ، طالما الامور ماشية ، دعها ..
تهتم بمظهرك العام ، وتهتم بالتفاصيل .
قليلا ماتذهب ..



تحياتي ،،،،

Quote: لامن تلقا زول تخجل تسف قدامو

دى ما فهمتها
____
لما تكون ماشى فى الشارع و واحد يقول ليك لو سمحت يا عم

لما تركب الطيارة و داير تخت شنطتك المعاك فوق لي كرسيك ...

يقوم يجيك واحد شكلو قدرك يقول ليك عنك يا حاج ...
_____________________________________________________________

او لما تجي تقرا علبة دوا و ما تشوف الحروف ... تمد ايدك لي اخرها ...

____________________________________________________________
ود خالتي قدري مشى يقم لي حاجة و لابس جينز و تي شيرت و شنطة شبابية معلقة في كتفه بي زاوية ...

مسك الفورم بيملا فيو و هو واقف ...

واحده مصرية معاها تلاتة شفع قاعده في تربيزة قدامو ... شافتو وقفت حيلها قالت ليهو اتفضل اقعد يا عمو ...

ليهو سنتين ما قادر ينسى الموضوع ده ...

يا جلال سقطت الما مع عطش رمضان خفت ان تفطرني
لامن تلقا ما زول تخجل تسف قدامو
كنا ما بنسف قدام كبارنا ولو شنقة

لمن تفقد اهتمامك بنوع موبايلك أو ماركة الساعة أو الحذاء الذي ترتديه أو حالتها
=================================================
لمن تفكر في مستقبل المعاك أكثر من تفكيرك في نفسك ومستقبلك
=================================================
لمن الأكل الدسم بيعمل ليك حموضة وحرقان
=================================================
لمن السهر يتعبك و تبدأ تميل للعزلة والهدوء (إذا كنت زول بتاع هجيج وونسة)
================================================
لما تقبل الواقع والدنيا على علاتها وتتيقن أن الحياة مصبوغة باللون الرمادي وأن الأمور الأبيض والأسود قليلة جداً

عندما لا تستطيع لبس شُرّاب الجزمة أو السروال وأنت واقف على حيلك
وهي أول علامات الكبر

تحياتي للجميع

ما شاء الله انشاء الله كلكم شباب دايم يا رب

--------------------------

الحقيقة الكبر يضرب الكلام ضربة مزدوجة

تكسر الآسنان يؤثر في النطق فتطلع حروفك معجونة مع بعض ومهرودة زي الفاصوليا المفروكة وتتحول السينات الي شينات

يصعب تجد من يفهمك من أول مرة الا القريبين جدا ... دي المرحلة قبل الأخيرة طبعا .

والضربة الثانية تقل سمع مع أمراض الضغط والسكر كذلك دائما يمناك مرافقة لأذنك مع تكرار عبارة (آآآآآآآآآآآآآآآآآآ؟)

لمن واحد تقرب تقول ليهو ياعم؛
ولكنك تبدلها في اخر لحطة ب يا استاذ
احتراما لسنه؛
ولكنه في الاخر يقول لك شكرا ياعم!!!!

عم في عينيك؛؛؛؛
................................
لمن يحتد النقاش مع شاب تراه اصغر منك ربما بسنين قليلة؛
ولكنه يفاجئك في نص النقاش؛
دا انت في عمر بابا؛؛؛
تتلخبط في شكلتك وتتهاوى دفاعاتك؛
اب ببو؛؛؛؛؛
...............................
لمن مديرك يقولك ياعم
.............................
واحد صاحبنا عامل فيها صغير؛ وهوموظف معانا
هو اصغر منا ربما بسنين؛؛؛
المهم شكيت ليهو لانو المدير بقول لي ياعم؛
قال لي عادي؛
ولكنه زعل جدا لمن مديرنا قال ليهو يا عم؛؛؛
انا ضحكت سرا وعلانية وانبسطتا؛
.كلنا في الهم
عم....
..................
سلام حبيبنا الدرديري؛

لمان تبطّل تندهش

As you grow older (and hopefully wiser), you learn to see people for who they are, strengths and weaknesses.
You learn that people are not perfect, yourself included.
You learn to love despite the shortcomings because you know you need to be loved the same way, imperfections and all.
It is very liberating.

Quote: لامن تلقا .. ما ...زول تخجل تسف قدامو

برضو ما ياها
انت الما دى شربتها بى نخريك
___
لامن تلخبت زى لخبتة اب سن دى

مالك داير تفطرنا في رمضان
زي ما قال السودان دة مسقوف بي زنكي
اها يا جلال والعتب علي الصيام
لامن تبقي ما بتخجل تسف قدام اي زول

وأنت ما عارف عيونك لم تسرح وين بيودونا ..

****************

لم تبقى بكاي و ما تستحي تصرح ببكاك .. وكسيرك في ( فلانة )