أها دا الكلام يا أبا ذر.. أحكي ليك حالي في نكتة! قالوا راجل بحب المديح شديد خلاص و دقة الطار يدخل في الدايرة و يرقص رقبة! أها بناتو كبروا و بقوا ينحرجوا من رقيص الرقبة دا.. كلم أبوهم و حنسوه ما يرقص بالرقبة! وافق! أها بناتو عشان يلتزم قالوا ليهو "قول على الطلاق تاني ما برقص رقبة! " حلف بالطلاق! أها على التعترو بعد كم يوم الطار نقر في بيت جيرانهم --- جو مداح جداد في الحلة.. أها بدا الطار تبل دنق تبل دنق! دنقل دنق دنقلنك دنق! أها زولك مرق جاري قال لبناتو أها البطلقو أمكم وصلوا! و هاك رقبة و رقيص! دحين في بوستات حايمة و فيها احراج كدا على موافقة القطيع و إنو في طرب عالي لازم نحسو! ما في إحساس نحسو!إتعقدنا من روحنا دي و قلنا يمكن بقينا " من نفسه بغير جمال"! لمان جاء بوستك دا..و دخلت و الطرب و صوت الكروان! لا حولا! والله قربت أرقص رقبة! أها البطلق امهم أياهو كرومة دا.. الحقنا بالحاج سرور و البدائع خلينا من زمن الإنحطاط دا ! الزولة إتطلقت قبيل و البنات مجهودن ضاع! قول على الطلاق قال!
الكابلى دائما بدى طعم جميل لاغانى المطربين التانين والطعمية الحلو ده بطلع عشان الكابلى اصلا بغنى الحاجات ال بحبها زى أغنيات أبوداود و حسن عطية والشيعة والنكهة الحلوة جايه عشان هو ب يؤدى الأغنية بطريقته هو
أحسن مثال لما يغنى رائعة الخليل ماهو عارف قدمو المفارق بحتفظ طبعا ب اللحن والميلودى البيزك لكن بغذيهو ب اسلوبو وطريقته السمحة هو نفس اللحن والإيقاع الاصلى بتاع إبراهيم عبد الجليل لكن لما تسمعه عند الكابلى بتحس بطعم جديد
حقيقة كل الذكرتوهو يا إخوه . الكابلى بدى اى اغنية يؤديها طعم ولون مختلف وبيعنيها باحساسو وحبو ليها ، دمعة الشوق كأنما كتبت ولحنت ليغنيها فى يوم من الايام عبد الكريم الكابلى
التقليد يا أميرة زى ما بقولو هو بحث ساذج عن تطابق الأصلوالكابلى إنسان ذكى و فطن و لبيب لأقصى درجه عشان كده ما بحاول يقلد عشان يكون نسخه من الأصلوكلما تنكب ذاتية روحه وتمسك باحساسه الخاص كلما أدى الأغنية بعد جديد وطعم مغاير لطعمها المعروف والمالوف عند المتلقىأتذكر قبل سنوات ظهر واحد قال إنه بقلد أبوداود منتهى السذاجة وربما العباطه كمان فى الشى الكان بعمل فيه الزول دهفعلا فى شوية تشابه طفيف فى طبقات الصوت عند الزول ده وعند عبد العزيزلكن شتان ما بين الثريا والثرى الزول ده مفروض يعاقب والله ويحاسب على الجرم الشنيع وبشع
جرم محاولة تقليد ابوداود
Post: #8 Title: Re: مصدرو الزهرة الفى نواحى الخرتوم بحرى Author: إبراهيم عبد الحليم Date: 06-05-2017, 04:50 PM
دمعة الشوق اشتغلتها شغل كبير مع الفنانة الهولندية فنوليا. حاولت اختها هنا من اليوتيوب للاسف ما قدرت.
ابحث باليوتيوب دمعة الشوق بين فنوليا الهولندية وابراهيم عبدالحليم السوداني والعازف العالمي داني.