Post: #1
Title: نصائح لغير الصائمين ( ناس الرُخص)
Author: Osama Mohammed
Date: 05-30-2017, 11:57 AM
Parent: #0
10:57 AM May, 30 2017 سودانيز اون لاين
Osama Mohammed-England - United Kingdom
مكتبتى
رابط مختصر دي اول سنة لي ما اقدر اصوم من بدايتها . تسعتاشر ساعة وانا عندي سكري ؟
استشرت قلبي وكان ان قررت ان الصيام لن يفيدني مع مرضي .
السنة الفاتت ف السعودية صمت 18 يوم ولكن بعدها اخدت 4 شهور اجازة
المهم احترام الصائمين اول الوصايا ونجد ان الاندبندت البريطانية قد نشرت موضوعا بهذا العنوان
وهو مترجم على العربية نت
Quote: شرت صحيفة "إندبندنت" البريطانية تقريراً حول كيفية قيام الأشخاص غير #الصائمين بالتعبير
عن تضامنهم واحترامهم للمسلمين الصائمين في #شهر_رمضان، ذكرت فيه أن شهر رمضان هو شهر معظم في
التقويم الإسلامي، ويواكب ذكرى نزول الوحي على الرسول محمد (صلى الله عليه وسلم). |
نصائح لغير الصائمين
|
Post: #2
Title: Re: نصائح لغير الصائمين ( ناس الرُخص)
Author: Osama Mohammed
Date: 05-30-2017, 12:03 PM
Parent: #1
اهم نصيحة نقلا عن الاندبندنت
Quote: 5 - حاول ألا تأكل أو تدخن أو تشرب أمام الصائم
وتقول فيززا جعفر على موقع "كورا": "إن ما يمكنك القيام به للمساعدة على ألا تغري (المسلمين الصائمين في رمضان) وذلك عن طريق عدم التحدث عن ا
لطعام اللذيذ، وبالتأكيد لا تدخن أو تشرب أمامهم". وتضيف: "يمكنك أيضا أن تقوم بطهي أي شيء مناسب لإفطار صديق لك وتحتفل معه باكتمال يوم الصيام الناجح". |
غير كدة بالنسبة لينا كمسلمين ما تحاول تحاكي الصائمين بالابتعاد عن الطعام والشراب على حساب صحتك
ولكن احترم الصائمين وفي نفس الوقت حافظ على صحتك .
وبرضو لو عندك ادوية م تخجل من ( بلعها - شمها - شربها ) بحجة انها تؤثر على الصائمين
صحتك برضو مفيدة
وما تنسا انو استعمال الرخص ايضا يعتبر عبادة .
لو في واحد عندو نصائح تانية يكون احسن
|
Post: #3
Title: Re: نصائح لغير الصائمين ( ناس الرُخص)
Author: جمال ود القوز
Date: 05-30-2017, 01:14 PM
Parent: #2
ربنا يشفيك يا اسامه .. وكل سنة وانت طيب ..
السكري خطير مع الصيام ..
وربما نتجت عنه آثار لايمكن تلافيها بسهولة ..
الانسان المريض عنده رخصة إنه يفطر..
الصوم عبادة بين المرء وربه ..
يعني انت مفتي نفسك حتى لو قال طبيب ..
انك ممكن تصوم مع السكري العندك ..
إنت ادرى بنفسك عادي ممكن تفطر وتطعم لو بتتعب وتعاني ..
عندي والدتي عندها سكري وبتتعب قدر ما اتكلمت معاها ..
عشان تفطر رفضت وزعلت والآن هي صايمة ..
قلت ليها الله سبحانه وتعالى ادرى بمرض عبده الذي لا برء منه ..
ولن يؤاخذه في فطره واعطاه رخصه للفطر والاطعام ..
برضو مافي فايدة .. بندق في بحر ..
وبتعمل الفطور للبيت كله ومابتخلي زول يشتغل معاها ..
حريمنا والله فايدة قدر راس الشوكة ما عندهن ...
بس اديهن النوووم والتراطيب ... ..
|
Post: #4
Title: Re: نصائح لغير الصائمين ( ناس الرُخص)
Author: Osama Mohammed
Date: 05-30-2017, 02:40 PM
Parent: #3
شكرا يا ود القوز
ورمضان كريم وتصوم وتفطر على خير
والله قصة انو الواحد يصوم وهو عندو رخصة انا شايفة قوة راس ساكت ( مع الاعتذار للوالدة )
والله السنة الفاتت صمت 18 يوم ولحدي الآن ما قدرت اتخلص من المضاعفات .
اقل حاجة ممكن يعملها الصيام مع السكري
انو ممكن يأثر على الكلي والاعضاء الداخلية
لا قدر الله ممكن براحة يحصل مضاعفات وفشل كلوي
غير سرطان البنكرياس والامعاء ودهون ف الكبد ممكن لي قدام تعمل امراض الكبد المختلفة .
بس قول للوالدة ربنا يديها الصحة والعافية انو استعمال الرخص يعتبر عبادة .
السكري خطير والصيام عليهو زي الاهمال المتعمد .
|
Post: #5
Title: Re: نصائح لغير الصائمين ( ناس الرُخص)
Author: Osama Mohammed
Date: 05-31-2017, 11:21 AM
Parent: #4
برضو نصيحة تانية مهمة
اذا كنت تدخن او بستعمل اي نوع من المكيفات
ممكن الشهر دة يكون مشروع لتقليل ومن ثم ايقاف العادة دي .
الصايمين بكون تفكيرهم كلو ( لو كانو بتعاطو مكيفات ) انو يصومو وطوالي يقبلو على سجايرهم ، شيشتهم ، تمباكهم .. الخ
والله مرات كنت بمش بعض الافطارات الجماعية اقسم بالله الواحد بعد يخت كباية الموية ولا العصير تلقاهو باليد التانية ماسك كيس تمباك ولا صندوق صجاير
|
|