الى جهاز الشرطة . نرجو التحقيق الفورى . ملازم شرطة/ ندى إسماعيل عبد الرحمن نموذج قلة الأدب وسوء التربية.. اليوم بجهاز المغتربين تعرضت المذكورة للمغتربين الذين حضروا للجهاز ﻹجراءات التاشيرة بأسوأ أنواع الاهانات وفيهم من فيهم من الشيوخ الكبار وغيرهم من المواطنين المغتربين.. أقل ما فعلت معهم هو ان ترمي ﻷحدهم بأوراقه عبر الدائرة الصغيرة وسط النافذة، وتقول: رتب اﻷوراق دي!! فتختلط أوراق زيد مع أوراق عمرو.. من الذين تكبدوا المشاق حتى يصلوا لهذه النافذة بعد الانتظار لساعات وبعضهم أيام.. لماذا هذه العنجهية وسوء الأدب مع المواطنين المتكدسين بسبب عدم وجود الموظفين أو (الشبكة الطاشة) ؟؟ طلب منها أحد المراجعين الذين رمت لهم أوراقهم في وجههم أن تبحث له على طاولتها عن استمارة أحد ابنائه التي سلمها لها، فأقسمت بالله وبكل قلة أدب أنها لن تفعل. السودانيون شعب تشهد لهم شعوب العالم بالاخلاق الحميدة والتربية الكريمة، فمن أين أتت هذه الملازم ندى إسماعيل عبد الرحمن؟؟!!! ألا تعِّلم الشرطة مثل هذه الضابطة الأدب واحترام المواطن؟ حتى متى يظل المواطن يتحمل مثل هذا النوع من قلة الأدب من أمثال الملازم ندى إسماعيل عبد الرحمن وغيرها؟ وحتى متى ننتطر أن تكون الشرطة في خدمة الشعب، كما هو الحال في كل العالم؟ حتى متى يظل أمثال الملازم ندى يحتقرون المواطن ويتفننون في إذلاله؟ من يعِّلم الملازم ندى وأشباهها في جهاز الشرطة إحترام المواطن؟ أتقدم باعتذاري باسم الشعب العظيم لكل الذين تعرضوا اليوم للاهانة والإذلال من الملازم ندى إسماعيل عبد الرحمن بجهاز المغتربين.. وأرجو أن تفعل الشرطة شيئاً مع الملازم ندى حتى تكون عبرة لكل من تسول له نفسه إهانة أو إذلال أي مواطن. ولكن هيهات.... ولك الله يا وطن!! منقول للاسف دا حاصل وكتير جدا
لو الكلام دا صاح بتفاصيلو الفوق دي لابد من ردعها بشدة حتي لو تم فصلها لأنها تصرف مرتبها من المواطن الذي أهانته وقلة عليهو الأدب .. أمثل هذه هذه الكائنات هي التي تشوه سمعة الشرطة وتجعل المواطنين يكشون منها وينظرون لها شذرا من وين ديل جوا ؟ وكيف أصلا وجدوا لهم مكانا في جهاز مثل الشرطة ؟ المؤسسات والمصالح الحكومية محتاجة كنس وقش نضيف. يا ريت الناس تنشر مثل هذه السلوكيات بالصورة والكلمة في مواقع التواصل الإجتماعي عسى ولعل يتأدب أمثال هولاء .
فمن أين أتت هذه الملازم ندى إسماعيل عبد الرحمن؟؟!!! أ ...
أتت من رحم الآنقاذ..
Post: #6 Title: Re: ملازم شرطة ندى إسماعيل بجهاز المغتربين نم Author: عمر عثمان عبد الوهاب Date: 05-24-2017, 12:38 PM Parent: #4
Quote:
لكل الذين تعرضوا اليوم للاهانة والإذلال من الملازم ندى إسماعيل عبد الرحمن بجهاز المغتربين
لو اجتمع هؤلاء الاخوه وفي حينها واخدو بعضهم وذهبوا لمدير الجهاز وقدمو شكواهم مجتمعين ضد تصرف هذه الموظفه وبعدها يشوفو اذا انصفهم مديرها ام لا ؟ لاكتملت الصوره
مرات نحنه وفي كتير مواقف بنضيع حقوقنا اما تخاذلا واما تواكلا او عدم اهتمام
في موظفين عندهم مرضة تقيف قدامو مجربع تتجرس ليو وتحنسو
لم يعد جهاز المغتربين هو المكان الوحيد لاصدار تأشيرة الخروج ودفع الضرائب للمغتربين. هناك مجمعات ضخمة في الخرطوم وبحري وامدرمان. تسير فيها الاجراءات بسهولة ويسر. مجمع الخرطوم جوار مكتب الحركة والامدادات الطبية. مبني ضخم. تسير الاجراءات فيه بكل سلاسة تدفع ضرايبك او تأجلها وتستلم خروجك. كنت مرافق لاحدهم وشهدت ما حدث.
Post: #10 Title: Re: ملازم شرطة ندى إسماعيل بجهاز المغتربين نم Author: نادر الفضلى Date: 05-25-2017, 00:08 AM Parent: #9
المحاسبة الإدارية والعقوبة النظامية واجبة وإرسالهاه لكورس تتعلم فيه كيف تتعامل مع الجمهور وهنا هم (زبائن) يدفعون والإعتذار للجمهور واصة المتضرر
Post: #11 Title: Re: ملازم شرطة ندى إسماعيل بجهاز المغتربين نم Author: أبوبكر عباس Date: 05-25-2017, 00:49 AM Parent: #10
في زيارتي الأخيرة برضو اشرت لي ضابطة مهذبة جدا، وطلبت مننا بعد فتحت الشباك عشان تبدأ الشغل، طلبت مننا عشرة دقائق تشرب شاي اللبن بتاعها، طلعت ليها كيس من شنطتنا فيهو لقيمات، كانت بتشيل اللقيماتايا وتغمسها في الشاي وتاكلها، أكلت ليها زي تلاتة لقيماتات، ومسحت يدينها مع بعض لتقليل باقي الزيت، بعد داك، الشهادة لله خلصتنا بسرعة شديدة
Post: #12 Title: Re: ملازم شرطة ندى إسماعيل بجهاز المغتربين نم Author: ابوحراز Date: 05-25-2017, 06:58 AM Parent: #11
المشكلة ليست في تعامل الملازم والنقيب والشرطة وحرس الصيد وغيرهم .. المشكلة والأزمة والمعضلة الحقيقية في اعتقادي في تاشيرة الخروج نفسها .. هسي لو تم الغاء تاشيرة الخروج زي الملازم البتشاكل دي والله تاني الا تشاكل راجلها في البيت !!!!! اليس من الممكن ايجاد آلية للمغادرة دون هذه الفوضى ؟؟؟؟ ضياع زمن وضياع اموال وارهاق لأجهزة الدولة وترهل اداري بلا حدود عملت في احد الأيام تاشيرة لابني الذي كان بالسعودية.. ويحتاج لمغادرة السعودية والعودة للسودان وتاشيرة للعائلة وقبل كل ذلك تسديد مخالفة مرورية وكل ذلك وانا في المطبخ اتناول كباية شاي
في المغغتربين بمدني صراحة الاجراءات ساهلة جدا ولاتاخذ في الغالب اكثر من ساعة وعمك بتاع الزكاة لابس جلابية وعمة ومتحكر في الواجهة ولو ضحكت معاهو ضحكتين ثلاثة بخفف عليك شوية من الزكاة التي تؤخذ عنوة
يبدو لي من خلال مراجعاتي ان المعلومات الموجودة لديهم بالكمبيوتر تختلف من معلومات الجواز الالكتروني لأن البنت المختصة بتحصيل المساهة الالزامية كل مرة تسالني هذا السؤال ... شغااااال شنو ؟؟؟؟؟ فأجيبها سريعا { راعي ضااااااااااااااااااااان } !!!! اقسم بالله تبدأ تعاين فيني من الراس وانت نازل وفي النهاية تاخذ ضرائب مهندس !!!!!!! وتبني كل قراراتها على صفحة بالجواز خاصة بالجوازات السعودية والمتعلقة بنقل المعلومات والمكتوب بها صفة العمل والوزارة { قال راعي ضاااااااااان قال } !!!
Post: #26 Title: Re: ملازم شرطة ندى إسماعيل بجهاز المغتربين نم Author: Saifelyazal Elmaki Date: 05-28-2017, 07:59 AM Parent: #11
Quote: في زيارتي الأخيرة برضو اشرت لي ضابطة مهذبة جدا، وطلبت مننا بعد فتحت الشباك عشان تبدأ الشغل، طلبت مننا عشرة دقائق تشرب شاي اللبن بتاعها، طلعت ليها كيس من شنطتنا فيهو لقيمات، كانت بتشيل اللقيماتايا وتغمسها في الشاي وتاكلها، أكلت ليها زي تلاتة لقيماتات، ومسحت يدينها مع بعض لتقليل باقي الزيت، بعد داك، الشهادة لله خلصتنا بسرعة شديدة
يا ابوبكر ياخي اضحك الله سنك رغم الماساة في موضوع البوست
Post: #17 Title: Re: ملازم شرطة ندى إسماعيل بجهاز المغتربين نم Author: Adam Youssif Date: 05-25-2017, 08:14 AM Parent: #7
اخونا عبدالباقي الجيلي لك التحية لا أستبعد حدوث مواقف كهذه من موظفي الخدمة في السودان "بشقيها المدني والنظامي" ... المصدر :
Post: #13 Title: Re: ملازم شرطة ندى إسماعيل بجهاز المغتربين نم Author: حاتم إبراهيم Date: 05-25-2017, 07:08 AM Parent: #1
الإشكالية ليست في الأفراد بل في في المبدأ والنهج والذي يقوم عليه
التدريب للقوات النظامية يتم على أساس أن جماهير الشعب مجرد (ملكية) و(أهالي) المفردتين عند المؤسسات النظامية لهما دلالات تختلف عن الظاهر للعموم
والمبدأ ذاته والنهج كان مطبق عند المماليك للنظاميين وللموظفين الرسميين في الدولة
وتلاحظون أن لا فرق في معاملة الجمهور بين صاحب الدبورة والأفندي الأسطورة
Post: #14 Title: Re: ملازم شرطة ندى إسماعيل بجهاز المغتربين نم Author: Hatim Alhwary Date: 05-25-2017, 07:13 AM Parent: #13
Quote: هسي لو تم الغاء تاشيرة الخروج زي الملازم البتشاكل دي والله تاني الا تشاكل راجلها في البيت
Post: #15 Title: Re: ملازم شرطة ندى إسماعيل بجهاز المغتربين نم Author: عبدالحفيظ ابوسن Date: 05-25-2017, 07:17 AM Parent: #13
تحياتي للجميع الموضوع قريتو قبل شهور وهذا لا يفسده فهو موضوع حيوي يا ربي ماذا تم في الامر !؟ اتفق مع حاتم الموضوع في مؤسسة الحكم نظرتها للمواطن كان بوليس ولا بتاع نفايات ينهزروك ويهرشوك ويطردوك ولو نضمت تخش حراسة وتعاكس مصلحتك ينهرك لامن تستغرب تعممممم ما شايفني بتكلم بالتلفون ما شايفني بفطر بشرب في الشاي مارق
Post: #16 Title: Re: ملازم شرطة ندى إسماعيل بجهاز المغتربين نم Author: درديري كباشي Date: 05-25-2017, 07:33 AM Parent: #15
السلام عليكم آدم وضيوفه المشكلة الرئيسية في أنه هذه وظائف كتابية أي موظف خريج ثانوي ممكن يقوم بها لماذا يوكلوها الى ضباط ورتب عسكرية . واحد قضى اربعة سنوات في كلية الشرطة تدرب على السلاح ودرس القانون وعلم الجريمة وغيرها في النهاية يجي يقف في شباك عشان يجدد جواز ؟ أكيد هذا الضابط شاعر بمهانة أكثر من الناس لذلك تنعكس في سلوكه قهر ونرفزة .. وهل الجوازات ما فيها موظفين مدنيين .. من زمان كان بالجوازات موظفين ما عندهم أي علاقة بالشرطة ولا حتى أفراد . هم من يقومون بهذه الوظائف . الشرطة دورها رقابي فقط مثلا في حالة إكتشاف تزوير أو عدم تطابق صورة مقدم الطلب مع شخصه ..
Post: #18 Title: Re: ملازم شرطة ندى إسماعيل بجهاز المغتربين نم Author: أحمد الشايقي Date: 05-25-2017, 11:04 AM Parent: #16
يا أخ أدم
شوف كلام الأخ حاتم واالاخ أبو ســن
فظاظــة المسؤولين بدءا من متحصــل الجبايات على التفاتيش وانتهاء بالفريق فلان واللواء علان
من (غياب الحريات) وإن وجدت (فهي مكتوبة) ولا تجدهــا حين تحتاجها في الواقع العملي
بعدين الناس ديل كلهم (مجاهـدين) وجهادهــم دا (بس فوقنا نحنا) ....... وياهــو دييييييييييييييييييي
عجبك ... ما عجبك ... باقي الكلام (مأثـــووووووور)
خليتك بعافيــة وفهــم ووعي عميـــــق
أحمد الشايقي
Post: #21 Title: Re: ملازم شرطة ندى إسماعيل بجهاز المغتربين نم Author: Adam Youssif Date: 05-25-2017, 11:24 AM Parent: #16
اخونا درديري كباشي تحية وسلاام من زمان كان بالجوازات موظفين ما عندهم أي علاقة بالشرطة ولا حتى أفراد . هم من يقومون بهذه الوظائف . المصدر : انا كنت واحد منهم
Post: #19 Title: Re: ملازم شرطة ندى إسماعيل بجهاز المغتربين نم Author: الزبير بشير Date: 05-25-2017, 11:09 AM Parent: #1
الجهاز العجيب
مره نحن واقفين منشحطين و السيد الملازم شغال وات ساب .
اتكلمنا معاه ، و كان سبب في زياده في التاخير و زياده في قله الادب .
الناس ديل نحن مؤجرنهم بي قروشنا بقلوا في الادب ليه .
Post: #20 Title: Re: ملازم شرطة ندى إسماعيل بجهاز المغتربين نم Author: ياسر منصور عثمان Date: 05-25-2017, 11:23 AM Parent: #1
لمن يقولون ان المراجعين كان عليهم الشكوى لرئيسها اقول عن تجربة حصلت معاي في المغتربين مشيت اشتكي المتحصلة لرئيسها .. عمك لما جا معاي من مكتبو شايل نضارتو في يدو قلت خلااااااص الليلة بتترفد لما وصلنا الشباك ولقاها مافي قال لي طيب ما تحولوا للشباك التاني!!!!!
قلت ليهو قدام الناس (تصدق انا غلطان البشتكي لي واحد زيك).. والله ما قال لي بتقول في شنو...رجع مكتبو بكل برود,,,
في آخر نزلة لي فضلت أدفع حق إذن السفر المؤقت على الذهاب للخرتوم وتجديد بطاقة أداء الخدمة الوطنية. صحيح المبلغ أكثر كدفعة واحدة ، لكن بالقطاعي (تذاكر سفر ، وتنقل ، وصرفيات طريق) غير الجهد والتعب يكون أقل بكثير.
Post: #27 Title: Re: ملازم شرطة ندى إسماعيل بجهاز المغتربين نم Author: حاتم إبراهيم Date: 05-28-2017, 08:35 AM Parent: #1
المسألة أعمق بكتير في العقل الجمعي للسودانيين (الأهالي، الملكية) الخاضعين لمنطق (حكومة والناس أهالي) وفي السلوك المشترك للموظفين والأفندية الشغالين بمنطق (إن فاتك الميري اتمرغ في ترابه)
مسألة الحقوق والواجبات تدرس في الدول المحترمة في المدارس الابتدائية ومعاها السلوك الصحيح في المجتمع لغرض السلامة والأمن والتعاون المشترك
في مناطق أخرى من العالم يتم تعليم الأطفال كيفية التصرف والاتصال بالجهات الرسمية عند الخوادث وكيفية اللجوء لأماكن معينة ومساعدة المحتاجين ساعة الكوارث
عندنا يتم تخويف الطفل من الطبيب وحقنته ومن العسكري وبندقيته والأستاذ وسوطه بل من بعض أقاربه المشهورين بالحزم والدق وسلخ الجلد وتطليع العين
بل لدينا مؤسسات للقهر الشرعي المنظم! في الفيديو أدناه جلدوا الطفل لأنه (كان يلعب)! وآخر قيدوه بالجنازير لأنه أراد الذهاب للمدرسة وآخرين أجبروا على شرب الماء المخلوط بالتراب والحبر! هؤلاء هم ابناؤنا وهم أيضاً آباؤنا وأعمامنا وأخوالنا. هؤلاء نحن، فلماذا لا يقهرنا موظف؟
Post: #28 Title: Re: ملازم شرطة ندى إسماعيل بجهاز المغتربين نم Author: ALazhary2 Date: 05-28-2017, 09:29 AM Parent: #27
. .
كل عام وانتم بخير . قصة حدثت معي في المغتربين : مشيت أطلع إعفاء من الخدمة العسكرية في شارع 61 ، فأخبرني العسكري أنه تم فتح مكتب في جهاز المغتربين للتسهيل عليهم .
قمت مشيت المغتربين ودخلت مكتب الخدمة الإلزامية قدمت الورق قال لي تجي تستلمه بكرة والرسوم زادت للضعف تقريباً .
قلت ليه يا أخي أنا مشيت شارع 61 قالوا نقلوها هنا عشان يسهلوا علينا !! وكنا بنستلمها في نفس اليوم وبرسوم أقل ، وين التسهيل القلتوا عليه ؟
وانا بتكلم معاهو جاء داخل وزير ناسي هو في جولة تفقدية ، فحكيت ليه القصة ، فرد علي قال لي إنتو مغتربين وعندكم قروش ماتدفعوا للجيش الحاميكم . قلت ليه مامشكلة القروش المشكلة في تأخير اليوم . زمان من شارع 61 بنستلمها في نفس اليوم وهسع لمن جابو المكتب هنا بقى الإستلام تاني يوم!! مارد علي ومشى . أول ما مشى العسكري قال للضابط ياسعادتك الزول ده اشتكانا للوزير . قلت ليه يازول انا ما اشتكيتكم أنا قلت وجهة نظر ، بعدين القرار ده ماطلعته إنت عشان تقول اشتكيتكم؟ الضابط صر لي وشه قال لي أمشي جيب شهادة من الجامعة إنك طالب، قلت ليه أنا ما جاي هنا أطلب إعفاء لأني طالب. أنا جاي أخد إعفاء لأنو عندي إقامة خارج السودان . قال لي يازول ماتتكلم كتير أمشي جيب ورقة من الجامعة . طلعت من عنده مشيت لي مكتب مدير المغتربين قابلته وحكيت ليه الحاصل ، ماقصر الراجل جاء معاي لي مكتب الخدمة الإلزامية وقال ليهم ماليكم حق تطلبوا خطاب من الجامعة ، الزول ده مقيم في الخارج ويستحق إعفاء . ومشى خلاني معاهم .
أول ما مشى الضابط قال لي : مشيت اشتكيتنا تاني ؟!!! يازول مافي ليك إعفاء الليلة . أجهزتنا بايظة تعال بكرة . اتوكلت على الله ومشيت وجيت تاني يوم أدوني الإعفاء مع نظرات كراهية غريبة .
ده كله ما مشكلة ، المشكلة السنة الجاية لمن جيت أخد الإعفاء العسكري إتذكرني وقال للضابط ياسعادتك الزول ده السنة الفاتت اشتكانا للوزير . مانساني العواليق .
. .
Post: #29 Title: Re: ملازم شرطة ندى إسماعيل بجهاز المغتربين نم Author: عثمان الأمام Date: 05-28-2017, 10:33 AM Parent: #28
الغريبة انو كل مواطن (بما فيهم انا البكتب حسع دا) عندو مشكلة ووجعة مع أي جهاز خدمي حكومي اتعامل معاه ....
Post: #32 Title: Re: ملازم شرطة ندى إسماعيل بجهاز المغتربين نم Author: Adam Youssif Date: 05-29-2017, 01:37 PM Parent: #28
اخونا ازهري رمضان كريم ده كله ما مشكلة ، المشكلة السنة الجاية لمن جيت أخد الإعفاء العسكري إتذكرني وقال للضابط ياسعادتك الزول ده السنة الفاتت اشتكانا للوزير . مانساني العواليق . المصدر : العسكري دة خاتيك في راسه
Post: #33 Title: Re: ملازم شرطة ندى إسماعيل بجهاز المغتربين نم Author: Salah Habib Date: 05-30-2017, 01:15 AM Parent: #32
تحية طيبة ورمضان كريم ومبارك عليكم انا مشيت اول امس وعملت التاشيرة فى اقل من 10 دقايق مشيت المغتربين سألت واحد بتاع امجاد قال لى امشى المجمع الجديد فى السجانة.(شمال بنك تنمية الصادرات ) قبل الكوبرى.. بصراحة مجمع فخم ومريح ومكيف ومزود بالبوفيهات ودورات المياه ومصلى كبير وبقدم كل الخدمات للمغتربين وغير المغتربين. خدمة الجوازات والمرور والسجل المدنى وعدد العاملين بالشبابيك اكتر من كافى !بس ينقصهم لوحات ارشادية . لكن ما بقصروا بقولوا ليك امشى شباك رقم كدا. المهم اشرت فى وقت وجيز واستخرجت كرت الرقم الوطنى كمان ودفعت كل الالتزامات بسرعة.
Post: #34 Title: Re: ملازم شرطة ندى إسماعيل بجهاز المغتربين نم Author: Adam Youssif Date: 05-30-2017, 02:24 PM Parent: #33
اخوانا صلاح حبيب لك التحية انا مشيت اول امس وعملت التاشيرة فى اقل من 10 دقايق مشيت المغتربين سألت واحد بتاع امجاد قال لى امشى المجمع الجديد فى السجانة.(شمال بنك تنمية الصادرات ) قبل الكوبرى.. المصدر : لو كدة نرجو من جميع المغتربين يمشو المجمع دة ويخصلو اجراءاتهم هناك
