*** المريخ والهلال بطولة يتيمة وصفر دولي ... فرق تجيب المرض ****

08:49 AM May, 24 2017

سودانيز اون لاين
الهادي الشغيل-السعودية - جدة
مكتبتى
رابط مختصر

شاهدت أمس مباراة المريخ ضد النجم الساحلي وياليتني لم أشاهدها

هزيمة المريخ ما مشكلة لكن طريقة اللعب أمام النجم الساحلي واختلال التوازن في الدفاع جلب لنا السخرية ما المعلق وبقينا مهزلة

الغايظني الهدف الأول .. كرة ثابتة .. المفروض كل مدافع يغطي لاعب .. يعني أنا كمدافع بضع اللاعب الخصم في صدر .. كيف يفلت المهاجم من بين المدافعين ويضع الكرة بكل أريحية برأسه في المرمى في ظل غياب تام من المراقبة .. دفاع شورية وراكوبة

حليل المدافعين كمال عبد الغني ترسانة الدفاع وعبد السلام حميده وعاطف القوز وابراهيم عطا ( جيل مانديلا الذي نتغنى به وأصحاب البطولة اليتيمة التي نحتفل بها زي كريسيدا 80 لحدي الآن بعض السودانيين ماسكين فيها أو بوكس تويوتا 78 ، 81 )..
وقبلهم حليل سليمان عبد القادر ملك التقريش وكاوندا وأحمد سالم والطاهر هواري وفيصل كوري وخورشيد

المريخ منح أمة السودان الأفراح ببطولة جوية أخرجتهم مرة لإستقبال الأبطال في مطار الخرطوم وتاني أصابه العقم أما الهلال وصل نهائي الأبطال مرتين وشاخ بعد أن وصل سن اليأس وانقطعت دورته الشهرية باي باي لهلاريخ

حقيقة موجعة

منذ تأسيس المريخ فى العام 1927 لم بفتح الله عليه بالوصول الى دور الاربعة فى بطولة الاندية الافريقية الابطاااااااااااااااااااااااااااااااال

قال زعيم .. مع نفسك ..

وصول الهلال لنهائي الأبطال مرتين ده إخفاق وليس انجاز .. وأذكر بكاؤهم بأن السبب التحكيم ...
صارت هاتين المبارتين حائط المبكى للصفراب

Quote: حقيقة موجعة منذ تأسيس المريخ فى العام 1927 لم بفتح الله عليه بالوصول الى دور الاربعة فى بطولة الاندية الافريقية الابطاااااااااااااااااااااااااااااااال

راجع معلوماتك فالمريخ الموسم قبل الماضي تقريباً أو الموسم الماضي .. ما بتذكر بالضبط ياتو موسم المهم واحد في المواسم الثلاثة الأخيرة صعد لدور الأربعة في بطولة أبطال إفريقيا ...

إنت ما عارف مشاوير فريقك وكمان جايي تتكلم عن المنطق :)


أنا هلالابي :)

بعد قوقلتها في 2015م المريخ صعد لنصف نهائي دوري أبطال إفريقيا وخرج على يد مازيمبي الكنغولي بعد أن فاز عليه بالسودان بهدفين مقابل هدف وخسر بالكنغو بثلاثية نظيفة ...

يا صبري

كلامك صحيح ولك وللمريخاب العتبى
حقق المريخ إنجازاً تاريخي غير مسبوق بالنسبة له وذلك بعد أن وصل إلى مرحلة نصف النهائي من بطولة دوري أبطال إفريقيا قبل جولة كاملة من نهاية مرحلة المجموعتين ، وهي المرحلة التي لم يصلها المريخ من قبل من (18) محاولة حيث كانت أكبر إنجازاته الوصول إلى مرحلة ربع النهائي في العام 1975 في النسخة القديمة من البطولة وفي النسخة الحديثة والتي بدأت منذ العام 1997 وصل المريخ إلا مرحلة المجموعتين لمرة واحدة وكان ذلك في العام 2009 ، وهو العام الذي بدأ المريخ يشارك في بطولة دوري أبطال إفريقيا بصورة متتالية دون أن يغيب ، منها ثلاث بطولات شارك فيها دون أن يحقق لقب الدوري .

كسرة :
هلالك بوديك التوج شجع هلال كادقلي أحسن ليك يا صبري ... الهلال تعادل مع فيروفياريو بينما النجم طقاهو 5 صفر ... أفتح مخلايتك وعبي أهداف من النجم الساحلي ..

بلا مريخ بلا هلال ... نحن عالم الرياضة بتاع يوم الجمعة ذاتو بقينا ما بنشاهدو

يا الشغيل لا تغرنّك هزيمة المريخ من النجم وفوز النجم بخماسية على الفريق الموزمبيقي ...

وحسب ما شاهدت النجم فريق تعبان .. لكن المشكلة إنّو الهلال برضو تعبان ...

مباراتي الهلال والنجم بتقبل كل السيناريوهات ولا أتوقع أن يكون فيها أهداف كثيرة ...

سلام من الله عليك


شاهدت أمس مباراة المريخ ضد النجم الساحلي وياليتني لم أشاهدها

بختك انت بس شاهدت كورة المريخ طيب نحن حالنا كيف الحضرناهم الاتنين
بالله مصنقرين من العصر قلنا كلام الصحفيين دا معناها التسجيلات دى جابت لينا الكاس المفقود

و يا ريتك دى زاتها جاتنا لو ما كان حضرناهن

كتب حيدر بشير :

Quote: سلام من الله عليك شاهدت أمس مباراة المريخ ضد النجم الساحلي وياليتني لم أشاهدها بختك انت بس شاهدت كورة المريخ طيب نحن حالنا كيف الحضرناهم الاتنين بالله مصنقرين من العصر قلنا كلام الصحفيين دا معناها التسجيلات دى جابت لينا الكاس المفقود و يا ريتك دى زاتها جاتنا لو ما كان حضرناهن

حبيبنا حيدر :
بقت علينا حال المغني البيقول ( انا من ضيع في الأوهام عمره)
إتذكرت نكتة الرباطابي لمن دخل مطعم طلب شية وقعد ياكل جاء احوص طلب فول وقعد جنبو الاحوص يشيل عيشة وياكل من الشية الرباطابي زعل منو شديد قال ليهو: احوص عرفناك كمان ما بتضوق ...

يعني مدافعين المريخ عرفناهم ما بيعرفوا أبجديات الكرة ولا كيف يقيفوا في الميدان وتغطية الثغرات .. كمان ما بيتفرجوا في الكورة العالمية ؟ يعني ما بيتفرجوا على كليني بتاع يوفنتوس ولا بيكيه برشلونه ولا فاران وراموس ريال مدريد ؟؟؟ .. ألم يشاهدوهم وهم يقومون بالتغطية اللصيقة ؟ كم شاهدنا فرق مغمورة تنتصر خارج أرضها وبدون جمهورها لأن كل مدرب وكل لاعب يعرف مهامه بالضبط !! ويقوم بتنفيذها بطريقة صحيحة ؟!!
هذه علة الكرة السودانية التى تعيش فى عالم آخر غير عالم كرة القدم حولنا !
تباً لهم ..

إنتو يا جماعة مباراة الهلال إنتهت كم؟ أنا ما حضرتهم الإتنين, بس نتيجة مباراة المريخ لقيتها بالصدفة في الخال يوتيوب

سندة: إنتو لي هسي بتابعو مباريات الفرق السودانية؟

كتب aosman :

Quote: سندة: إنتو لي هسي بتابعو مباريات الفرق السودانية؟

وبنبكي لمن يتهزموا ههههههههههه
الهلال اتعادل مع فيرفيارو اللي اتهزم من النجم الساحلي 5 صفر ..

Neither Merriekh nor Hilal

وأسعدنا الهلال الأبيض بالفوز وإن كان بشق الأنفس

طبعن فنقلة باسكال واوا كانت بداية هجمة هدف الفوز وإكتملت بفقلة جمال سالم والمدافع

الغريب باسكال بيلعب في ملعبه ويفترض حافظ أرضية ملعبه كيف يتفنقل فنقلة زي دي

وأسعدنا الهلال الأبيض بالفوز وإن كان بشق الأنفس


حياك الله أخونا الصادق

هلال الأبيض فاز لأنه ما معاه صحفيين طبالين

فلان جاب هاترك في التمرين
و داك حير المدرب
و تسجيلاتنا في القمة و تركنا الفتات للبقية
بالرغم من انه انا بعتبرهم افضل فريق في الساحة الان ولولا رعونة مهاجمهم معاذ لامتلات شباك زيسكو بالاهداف

و اللاعب السودانى هش و يتأثر بى كلام الاعلام و يعتبر نفسه وصل القمة و ما محتاج لى توجيهات مدرب
مع انه هو أصلا ما في مدربين عشان يوجهوا لكن قدر الموجود