Post: #2
Title: Re: بالصورة...نهاية بطل اسفيري من بني علمان....
Author: قصي محمد عبدالله
Date: 05-22-2017, 02:36 PM
Parent: #1
قول ليه اختبار الرياضيات انكشف..
خليه يكتب غيرو..
-----
سلام صاحب المنشور.
وتحياتي لمدرس الرياضيات... الليلي.
|
Post: #3
Title: Re: بالصورة...نهاية بطل اسفيري من بني علمان....
Author: امجد الجميعابى
Date: 05-22-2017, 02:40 PM
Parent: #2
في المكتب بياكل عيشو من عرق جبينو
لا في زول اداهو مزرعة و لا بوفية
و شكرا
|
Post: #4
Title: Re: بالصورة...نهاية بطل اسفيري من بني علمان....
Author: ود الباوقة
Date: 05-22-2017, 02:42 PM
يا زول انت مستهبل ولاشنو
الراجل نايم في مكان العمل
هذا حلال ام حرام ؟؟؟؟؟؟؟
|
Post: #7
Title: Re: بالصورة...نهاية بطل اسفيري من بني علمان....
Author: امجد الجميعابى
Date: 05-22-2017, 02:45 PM
Parent: #4
ههههههههههههههههههههههههههههههههه
ههههههههههه
الحلال و الحرام جاي تفتشلو في نومة ود الصايم
فعلا
ان لم تستح فاصنع ما شئت
يا زول دا عمل خاص الزول دا مو موظف
|
Post: #8
Title: Re: بالصورة...نهاية بطل اسفيري من بني علمان....
Author: ود الباوقة
Date: 05-22-2017, 02:46 PM
Parent: #7
ماهي طبيعة العمل الخاص ؟؟؟؟
|
Post: #5
Title: Re: بالصورة...نهاية بطل اسفيري من بني علمان....
Author: ود الباوقة
Date: 05-22-2017, 02:43 PM
Parent: #2
قصي
منور ياااااخ
حمدا لله على السلامة
مودتي بالبراميل
|
Post: #6
Title: Re: بالصورة...نهاية بطل اسفيري من بني علمان....
Author: ود الباوقة
Date: 05-22-2017, 02:45 PM
Parent: #5
اين عارف ناشد ؟؟؟
بالابيض والاسود
هههههه
|
Post: #9
Title: Re: بالصورة...نهاية بطل اسفيري من بني علمان....
Author: ود الباوقة
Date: 05-22-2017, 02:50 PM
Parent: #6
وكمان رياضيات
غايتو الناس البدرس فيهم بربار ديل
مصيرهم مظلم
|
Post: #10
Title: Re: بالصورة...نهاية بطل اسفيري من بني علمان....
Author: د.محمد حسن
Date: 05-22-2017, 02:51 PM
Parent: #5
هو علماني يعني حسب تصنيفك لا دين له
او ضد الاسلام
انت المسلم
ماذا يقول دينك؟
(
﴿ يَا أَيُّهَا الَّذِينَ آَمَنُوا لَا يَسْخَرْ قَومٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلَا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ وَلَا تَلْمِزُوا أَنْفُسَكُمْ وَلَا تَنَابَزُوا بِالْأَلْقَابِ بِئْسَ الِاسْمُ الْفُسُوقُ بَعْدَ الْإِيمَانِ وَمَنْ لَمْ يَتُبْ فَأُولَئِكَ هُمُ الظَّالِمُونَ (11) يَا أَيُّهَا الَّذِينَ آَمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا وَلَا يَغْتَبْ بَعْضُكُمْ بَعْضًا أَيُحِبُّ أَحَدُكُمْ أَنْ يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَحِيمٌ (12) ﴾
ثم لماذا لا تظن انه مريض وجاته نوبة مرضية فجأه ، احسن الظن في اخيك حتى ولو كان مختلف معك
والما بترضاه لنفسك ما بترضاه لغيرك
شوف انت الان ايها المسلم ارتكبت كم \نب في حق هذا العلماني
اتجسست
وظنيت
ولم تستر
اسال الله لي ولك الهداية
|
Post: #11
Title: Re: بالصورة...نهاية بطل اسفيري من بني علمان....
Author: ود الباوقة
Date: 05-22-2017, 02:59 PM
Parent: #10
دكتور محمد حسن يتقمص شخصية القرضاوي
وشكرا
|
Post: #12
Title: Re: بالصورة...نهاية بطل اسفيري من بني علمان....
Author: د.محمد حسن
Date: 05-22-2017, 03:07 PM
Parent: #11
ومن هو القرضاوي حتى اتقمص شخصيته
احمد ربي واساله ان يهديني دايما للحق
وبعدين صكوك الدين بتاعتك وزعها لغيري يا عمر لان البينا اكبر من مهاترات منبر
فانا مازلت احترم ما بيننا
|
Post: #13
Title: Re: بالصورة...نهاية بطل اسفيري من بني علمان....
Author: ناصر حسين محمد
Date: 05-22-2017, 03:08 PM
Parent: #11
Quote:
اين عارف ناشد ؟؟؟
بالابيض والاسود
|
ههههههههههههههههه
المجاهد عمر
أردم لا نامت اعين بني علمان
|
Post: #14
Title: Re: بالصورة...نهاية بطل اسفيري من بني علمان....
Author: ود الباوقة
Date: 05-22-2017, 03:13 PM
Parent: #13
انت زعلت يا دكتور ؟؟؟؟؟
بعدين اين كنت عندما كان بربار ينزل لي
العديد من صور الازدراء والمسخرة
احكم بما يرضي الله
وشكرا
|
Post: #15
Title: Re: بالصورة...نهاية بطل اسفيري من بني علمان....
Author: د.محمد حسن
Date: 05-22-2017, 03:16 PM
Parent: #14
عمر
اعتذر جدا
سلاما
|
Post: #16
Title: Re: بالصورة...نهاية بطل اسفيري من بني علمان....
Author: باسط المكي
Date: 05-22-2017, 03:17 PM
Parent: #14
ماقايلك وصلت للدرجة دي سقطت من نظري اووووف ياود الباقة
|
Post: #17
Title: Re: بالصورة...نهاية بطل اسفيري من بني علمان....
Author: محمد المسلمي
Date: 05-22-2017, 03:37 PM
Parent: #16
المجاهد ودالباوقة سلام. لعلك. طيب🌱🌱🌱
|
Post: #18
Title: Re: بالصورة...نهاية بطل اسفيري من بني علمان....
Author: خالد حاكم
Date: 05-22-2017, 03:53 PM
Parent: #17
ماقايلك وصلت للدرجة دي سقطت من نظري اووووف ياود الباقة
يعمل شنو مع عدم الموضوع
الله لا كسبو ترامب منع سيدو من حضور القمة
حسع سيدو ده لو كان حضر القمة كان حيكون فرحان وكل راس ساعة كان حيفتح لينا بوست وبالصور
سيدى بيقدل فى القمة واجتمع بترامب فى مقر اقامته وقابل فلان وودع علان وفطر مع فلان واتغدى مع علان
لكن فرحة ما تمت ..
|
Post: #19
Title: Re: بالصورة...نهاية بطل اسفيري من بني علمان....
Author: قصي محمد عبدالله
Date: 05-22-2017, 05:40 PM
Parent: #18
خليهو ياود الباوقة.
خليهو ،
النومة بتريحو شوية.
|
Post: #20
Title: Re: بالصورة...نهاية بطل اسفيري من بني علمان....
Author: nour tawir
Date: 05-22-2017, 05:40 PM
Parent: #18
لعلمك يا ود الباوقة..
معاوية عبيد الصايم..
اشرف و أكرم منك و من قبيلة المؤتمر الوطنى فردا..فردا..
تعرف لييه ؟
لانه ما أكل مال يتيم..
و لا شال بندقية وكتل مواطن أعزل..
و لا سرق اللقمة من جعان..
و لا خطف كباية الحليب من طفل..
و لا كذب على شعب بى حاله..
و لا عمل ما يسئ الى السودان..
و ممكن نسترسل من هنا الى يوم الدين..
أت فالقنا بى حكاية انه بيشرب خمرة..
و كا ن شرب , شرب من حر ماله..
نائب رئيس جمهوريتكم المسخرة بلف سجارة بنقو ! فى زول قال ليه تلت التلاتة كم ؟!
و ربنا سبحانه وتعالى هو المسئول عن مواقف زى دى..
مش أت..
فار البوفيهات..
قرد الطلح...على سن و رمح..
معاوية عبيد الصايم..
رئيس جمهورية نفسه..
لا يتمسح فى بوت عسكرى..
و لا بيركع لرئيس حرامى وفاسد زى ما بتعمل كدا..
يعنى يعمل اللهى هو دايرة..
ينوم..؟
يسكر..؟
يطلع السما ؟
ينزل الآرض ؟
هو حر فى نفسه..
و محبوب ومحترم...
الدور و الباقى على عبد سيدو ..
ود الباوقة..
و كان فيك خير اكتب الوالدة..
أو بت تاور..
زى ما بتهّرج فى البورد..
تخاطبنى بى اسمى المكتوب هنا..
زى ما بنخاطبك بى اسمك المكتوب هنا..
و على فكرة ..
وصلت وين فى رفع الدعوة ضدى ؟
أنا ما زلت عند وعدى..
كان قصر معاك حق المحامى..
أنحنا سدادين..
|
Post: #21
Title: Re: بالصورة...نهاية بطل اسفيري من بني علمان....
Author: ود الباوقة
Date: 05-22-2017, 05:58 PM
Parent: #20
معليش في كركبة برة
اشوفها وارجع ليكم
بالردود
وللوقت داك ممكن بربار يكون قام من النومة
هههه
وشكرا
|
Post: #22
Title: Re: بالصورة...نهاية بطل اسفيري من بني علمان....
Author: Arif Nashed
Date: 05-22-2017, 05:58 PM
Parent: #20
Quote: اين عارف ناشد ؟؟؟
بالابيض والاسود
هههههه |
بق بق اخبار المخلاية شنو .؟
الكااااااااك طه شكلو اتوصي بيك !!
ياااااااخي كان تعزمو ان شاء الله سندوتش في البوفية
|
Post: #24
Title: Re: بالصورة...نهاية بطل اسفيري من بني علمان....
Author: Arif Nashed
Date: 05-22-2017, 06:04 PM
Parent: #22
بق بق والصغيروني ناصر حسين ..
حفل تعميد المتحولين ..
قال اردم قال
كااااااااااك وتاني كاااااااااااااااااااااااااااااك..
وشكرا
|
Post: #23
Title: Re: بالصورة...نهاية بطل اسفيري من بني علمان....
Author: بشير أحمد
Date: 05-22-2017, 06:00 PM
Parent: #20
يانور تاور
معاوية وودالباوقة اصحاب من زمان ...والمناكفات البينهم مناكفات محبة
ف اطلعي منها ....
تحياتي ياشيخ عمر وتحياتي لبربار وضيوفه ...هههه
نوم العوافي...
|
Post: #25
Title: Re: بالصورة...نهاية بطل اسفيري من بني علمان....
Author: Arif Nashed
Date: 05-22-2017, 06:12 PM
Parent: #23
نحن الكيزان جند البشكير كااااك كااااك
نشتري الذل بابخس الإثمان كااااك كااااك
فليعش بشكيرنا غائبا بين الأمم كووووك كوووك
يا بني الكيزان اين بشكيركم كااااك كااااك
يحمل العار ويهرب من بنسودا
كتلوك كاااااك ولا جووووك كااااااك
Looooooooooool
|
Post: #26
Title: Re: بالصورة...نهاية بطل اسفيري من بني علمان....
Author: حيدر حسن ميرغني
Date: 05-22-2017, 06:14 PM
Parent: #23
تصدق قايلو بني مالك :))
_
عمر اختشي
|
Post: #27
Title: Re: بالصورة...نهاية بطل اسفيري من بني علمان....
Author: ود الباوقة
Date: 05-22-2017, 06:19 PM
Parent: #23
دكتور بشير
يا اخي دي اسلوبها عنيف جدا
الله المستعان بس
وشكرا
|
Post: #28
Title: Re: بالصورة...نهاية بطل اسفيري من بني علمان....
Author: Deng
Date: 05-22-2017, 06:36 PM
Parent: #27
ود الباوقة
ح تختشي متين؟
|
Post: #29
Title: Re: بالصورة...نهاية بطل اسفيري من بني علمان....
Author: nour tawir
Date: 05-22-2017, 07:34 PM
Parent: #28
ف اطلعي منها ....
...
يا بشير احمد..
محل أخش..
و محل أطلع..
دا موضوع ما يخصك..
فأنت ما ولى علىّ ولا من بقية أهلى و الحمد لله..
و مرة تانية ما تكلف نفسك تدينى نصائح أو أوامر..
و موضوعك معاى ينتهى لحدى هنا..
أما أذا داير تستمر..
برضو حاضرين..
|
Post: #30
Title: Re: بالصورة...نهاية بطل اسفيري من بني علمان....
Author: بشير أحمد
Date: 05-22-2017, 07:50 PM
Parent: #29
يانور تاور
ههههه شايفاني ماسك يدك....ادخلي وامرقي علي كيفك
|
Post: #31
Title: Re: بالصورة...نهاية بطل اسفيري من بني علمان....
Author: معاوية عبيد الصائم
Date: 05-22-2017, 08:16 PM
Parent: #30
شكرا المرور عموم وتبا للكيزان من طرف
شكرا د محمد حسن وبت ابوى تاور
زمان لامن كتبت هنا انو هذا الجهلول
العولاق عديم الذمة اشترى مزرعـــــة
زول مشلول واشتراها بوسطة مناقصة
معلوبة من البنك الزراعى واشتراها ب
20 % اول اقل ..جا ارباع الانبياء ةبعض اتمان الانبياء
وقالو دا كلام غلط وكذب وشان خاص..وبعد ما نزلت صـــــور المزرعة
جاء نفس الارباع والاتمان للتهـــــــــــــــــانى ...سبحان الله الغربية الجا وقال
لى ات مسيلمة..ودى اشاعة هسى هو وكيل مزرعة الخلبوص فى السودان
وهو زميل منبر ..بدرجة تلات ارباع نبى ..وكذلك موضوع البوفيه ...المهم
هذا الجهلول المستهبل ..يعمل ب راتب 3 الف ريال...فتاملووو!!!!........
ثم ي جهلول دا مكتب خاص ..وسيدو زميل منبر الله يسد نخريك ومخارجك
بركة النبى ..
توضيح للسادة المشاهدين
ي جماعة انا فعلا نائم كنت شوية عيان ب التهاب حاد امراض ناس العمرة بتاع معتمرين شرق اسيا
عادة الجو بكون صعب ومغتربين جدة مكة المدنية عارفين كدا كويس ...
الصور دى نزلت فى قروب مقفول بتاع اصحاب وتم تهكير القروب قبال ايام
واتنشرت كمية من الصور الخاصة ب القروب فى الفيس....
دكتور الخلا كنت غاتس وين اهن وصلت الدور الكم فى السرايا
ي وهم تصل لاهاى بركة النبى شايل مخلاية سيدك
لى عودة ب التفصيل الممل لتحضيرات المحتال بق بق
والتجهيز للنصب على الوهابية فى السعودية ب اسم فقراء ولاية نهر النيل
وتوجد مستندات حصرررررية ..وصور دفاتر تبرعات
انتظرووووونا
|
Post: #32
Title: Re: بالصورة...نهاية بطل اسفيري من بني علمان....
Author: إحسان عبد العزيز
Date: 05-22-2017, 08:21 PM
Parent: #30
ياخى دة شنو المرض دة
نغيب 100 سنة نرجع نلقى ود الباوقة مكانك سير!!!
صورة البشير..
كسير التلج..
الحماقة مع رفاق المنبر..
شايل وش القباحة وحايم..
ياخى تراجى بقت عضو برلمان إنت تلجك دة كله سايح ساى!!!
الله يعينك..
حالتك صعبة وخرفك بقى بين
|
Post: #33
Title: Re: بالصورة...نهاية بطل اسفيري من بني علمان....
Author: Ahmed Yassin
Date: 05-22-2017, 09:38 PM
Parent: #32
معاوية عبيد الصائم .... نائم
ودا دلالة على انه مستقر نفسيا .. وزول سعيد وبسيط
نشوف الجانب التاني من النومة العميقة دي
نفترض المواطن دا بتاع لف ودوران وبياكل مال المسلمين
او بياكل حرام ... ولا يخاف الخالق المنتقم ... المهم بس يستفيد ويكوش
ولو كان ماكله وملبسه حرام ..هل كان ممكن ينوم النومة دي ؟
لان أي نبت في جسمه من الحرام .. النار اولى بيه
عاينوا الزول دا بسيط كيف ومتواضع كيف .. لا فخفخة لا عنطظة في الفاضي
هنيئا لك يامعاوية ... والله انا زاتي محتاج لي نومة زي دي .. في مكتب في باص في دفار
في جامع في السوق العربي في باب شريف .. المهم نومة وخلاص
|
Post: #34
Title: Re: بالصورة...نهاية بطل اسفيري من بني علمان....
Author: امجد الجميعابى
Date: 05-22-2017, 09:53 PM
Parent: #33
عجبني ليك يا باوقة مليح النتفوك
|
Post: #40
Title: Re: بالصورة...نهاية بطل اسفيري من بني علمان....
Author: ود الباوقة
Date: 05-23-2017, 01:08 PM
Parent: #33
احمد يس
ما طالبني حليفة
ختت راسي وشخرتي واحد
الحمد لله
مطمئنين انو البلد في ايدي امينة
ومحروسة من الرحمن وقادتنا الاوفياء
لكن مع ذلك ما حصل نومنا في مكان العمل
لان ذلك حرام شرعا
وشكرا
|
Post: #39
Title: Re: بالصورة...نهاية بطل اسفيري من بني علمان....
Author: ود الباوقة
Date: 05-23-2017, 01:04 PM
Parent: #32
احسان
اولا حمدا لله على سلامة عودتك
ثانيا
توقعتك مع وفود الحوار
ثالثا
معزومة معانا الشهر الجاي باذن الله
رابعا
شكرا
|
Post: #38
Title: Re: بالصورة...نهاية بطل اسفيري من بني علمان....
Author: ود الباوقة
Date: 05-23-2017, 12:33 PM
Parent: #2
تمام
|
Post: #35
Title: Re: بالصورة...نهاية بطل اسفيري من بني علمان....
Author: الزبير بشير
Date: 05-23-2017, 05:41 AM
Parent: #1
بالله ده هو بربارد
زي الحربويه كل مره بي شكل .
كفاره يا بربار ، عليك بالقرض بداوي من المرض .
و اذا في زول جاي من السودان خليه اجيب ليك بركه من ضريح السيد علي او ضريح السيد الحسن .
انت مع النزله عندك صاموله فاكه .
|
Post: #36
Title: Re: بالصورة...نهاية بطل اسفيري من بني علمان....
Author: علي الكرار هاشم
Date: 05-23-2017, 07:20 AM
Parent: #35
كامل التضامن مع ابن عمنا الطوربيد
نائما او صاحيا
ومن حقه كمان ان يردد
نحن ولاد عرب نقعد نقوم علي كيفنا
في لقا في عدم دايما مخدر صيفنا
هييييييييييع
|
Post: #37
Title: Re: بالصورة...نهاية بطل اسفيري من بني علمان....
Author: عمار عبدالله عبدالرحمن
Date: 05-23-2017, 07:37 AM
Parent: #36
بوست في بلد تحاصرها الكوليرا ,,
|
Post: #41
Title: Re: بالصورة...نهاية بطل اسفيري من بني علمان....
Author: خالد العبيد
Date: 05-23-2017, 01:41 PM
Parent: #37
بوست في بلد تحاصرها الكوليرا ,,
------------------------------------
عبدالرحمن اخوي باوقة وجماعتو ما بيختشوا
الكلام ده تقولو لي زول قلبو على البلد شوف ردو قال شنو
منتهى الاستخفاف والقرف
----------------------------------------
مطمئنين انو البلد في ايدي امينة
ومحروسة من الرحمن وقادتنا الاوفياء
|
Post: #42
Title: Re: بالصورة...نهاية بطل اسفيري من بني علمان....
Author: أبوبكر عباس
Date: 05-24-2017, 02:55 PM
Parent: #41
سلام يا بقّة،
يا أخي، دي فعلاً صورة رائعة جدا، ممكن لو شاركت بيها في مسابقة تصوير؛ تحقق فوز مستحق.
رسلها وأكتب عليها:
طالب سوداني من تعليم الكبار في قيلولة أثناء أداء إمتحان الرياضيات النهائي.
شكرا مرّة أخرى، لتصحيح معلومة صورة الصائم في خيالي، كنت مفتكرو هو الزول الرافع يدينو ومبتسم ابتسامة شفوت الفي صورة بروفايلو،
كدا الأمور اتسقت في خيالي
|
Post: #43
Title: Re: بالصورة...نهاية بطل اسفيري من بني علمان....
Author: aosman
Date: 05-24-2017, 03:17 PM
Parent: #1
الأخ ود الباوقة
ممكن تشرح لينا أسباب النوم في مكان العمل؟ حتى لكي نتفادى الوقوع في أحدهم.
|
|
