والي القضارف يعلن إسترداد كافة اراضي الفشقة

11:16 AM May, 22 2017

سودانيز اون لاين
ناصر حسين محمد-
مكتبتى
رابط مختصر

السودان يسترد الأراضي الزراعية بمحلية الفشقة الحدودية مع إثيوبيا *🍂

أعلن والي القضارف، المهندس ميرغني صالح سيد أحمد، عن استرداد الأراضي الزراعية كافة بالشريط الحدودي التي يتم استزراعها عبر المزارعين الإثيوبيين بمحلية الفشقة لتتم زراعتها بواسطة مزارعي القضارف، وفقاً للاتفاق الموقّع بين الطرفين في العامين 2004 2005. 
وأكد الوالي لدى مخاطبته مواطني منطقة الأسرة بالحدود، قيام جسر بالعطبراوي، وتوفير العبّارات لتمكين المزارعين من الزراعة في الموسم الزراعي الجديد.
وجدد عزم الحكومة على المضي قدماً في تنمية وتطوير الشريط الحدودي ومحاربة الجماعات المتفلتة التي تسعى لزعزعة أمن الولاية والجارة إثيوبيا، مشيراً إلى تطور العلاقات السودانية الإثيوبية .
وقطع الوالي بمواصلة وإكمال مشروعات التنمية في مجالات المياه والصحة والتعليم، والاهتمام بشرائح المرأة والشباب والطلاب.
وطالب الوالي مزارعي الشريط الحدودي بتنوع التركيبة المحصولية، وحيّا الوالي المجاهدين بالشريط الحدودي، وثمن دورهم في تنمية واستقرار الحدود.
كما تفقد مستشفى "تبارك الله" لمرض الكلازار، وتعرف على توفر المعينات والعلاجات بالمستشفى، ووجه وزير الصحة بإعداد دراسة لترفيع مركز الأسرة إلى مستشفى.
كما ترأس اجتماع مجلس الوزراء الذي ناقش تقارير أداء محليات القلابات الكبرى، والتي تضم "باسندا والقلابات الشرقية والغربية والقريشة"، بجانب عدد من القضايا التي تهم محليات القلابات الكبرى

توووووووووووووووووووووووووووووول
هل النظام اعترف بان الفشقة محتلة
وليه عامل نايم الزمن دة كلووووووووووووو
منتهي الانهزامية ..

كلام جرايد ساي
لم ترجع و ح تسمع الكلام دا

هذا كذب وافتراء مشاريعنا الزراعية لم ترجع ولا زال الاحباش يحتلونها اها منو الكذاب لعنة الله علي من ادمن الكذب انهم ليسوا منا كما قال الرسول الكريم عليه افضل الصلاة والسلام

للتأكيد اتصلت الآن على اقاربي في تلك المناطق و افادوني بان الاثيوبيين ما زالوا يحتلون
المنطقة
يا ربي يكون بيتكلم عن فشقة تانية و لا شنو

هل الاسترداد عسكريا ام سلميا ؟
اذا سلميا هل والى القضارف هو من قام به ومع من جلس من الطرف الاخر واين ومتى كان هذا وهل توجد صور لذلك وخاصة ده حدث كبير يحتاج لتصوير ؟
اذا كان عسكريا متى كان هذا ومن هو القائد العسكرى الذى حرر واسترد الفشقة وهل والى القضارف هو الناطق باسم وزير الدفاع والقوات المسلحة ؟

كثيرون لا يفهمون حقيقة النزاع في الفشقة السودانية

ويعتبرونه احتلال عسكري إثيوبي مثله مثل احتلال حلايب السودانية

وبعضهم لا يعرف أين تقع الفشقة بس قاشر بالموضوع

نعم انه احتلال عدييييل كان استئجار ثم تحول احتلال يحميه الشفته وتدعمه الحكومة الاثيوبية لان المحتلين هم اغلبهم من قومية التقراي قادمون من شيري لا سلاسي ومن دانشا ومن عداقة عربي ووغرو وغيرها نعم هم متواجدين بالارض وقد قتلوا كثير من ابناء اصحاب هذه المشاريع عندما ذهبوا قبل شهور لمعاينة مشاريعهم تصديقا لكلام الوالي وقتها بان الاحوال تسمح بذلك فمات الكثير بعضهم اقاربي احزن ان اقدم تبريرا او توضيحا لمعلومة اوردتها لكوز او اتداخل معه

Quote: كثيرون لا يفهمون حقيقة النزاع في الفشقة السودانية ويعتبرونه احتلال عسكري إثيوبي مثله مثل احتلال حلايب السودانية وبعضهم لا يعرف أين تقع الفشقة بس قاشر بالموضوع

اها يا عالم زمانك

نورنا وافيدنا بطبيعة الاحتلال في الفشقة

غايتو زمنكم عجيب حتى الاحتلالات بقى فيها انواع واشكال


رد على اصحاب الوجعة الواطين الجمرة وعارفنها حراقة ليه

زي ناس ازهري طه العارف حتى القومية الاثيوبية المحتلة المنطقة ومن وين جات

بقيت تكتب بوستات على منوال
انخفاض الدولار
ههههههههههه
ارجع لي طساشك الزمان
اخير من أمامية بق بق

تمام
خليهو يمشي هناك
ويعمل لوكيشن
ويرسل لينا في الواتس
والدايرا الله بتبقى

كالعادة
ردود محنة
تقول الشمش بتطلع من الشرق
يجيك واحد ناطي جوز
يقول ليك لا
صورها لينا ..

المهم
كما قال الاخ كمال
الفشقة ليست محتلة بفهم من عقبوا في هذا البوست

والحكومة معترفة اصلا بان هنالك مزارعين اثيوبين يستغلون اراضي الفشقة
ووجود عصابات الشفتة المتفلتة اضاف الكثير من العنت للمزارعين السودانين
واثيوبيا معترفة اصلا بالمشكلة هذه

الامر ليس احتلال كما صورته المعارضة الممحونة
واخيرا تم تنظيم الامر واعادة الاراضي الزراعية للمزارعين السودانيين
وحصر تفلتات عصابات الشفتة

احتلال اثيوبيا للفشقة كان بعد محاولة اغتيال حسنى مبارك فى اثيوبيا فى عام 1995م
وقد احتلت اثيوبيا الفشقة بقوة السلاح وبكتيبة مدرعة .
اى كلام عن استرداد الفشقة كلام جرايد .. لان الاسترداد اما :

- بالتقاضى الدولى
- او بقوة السلاح ( وما اُخذ بالقوة لا تسترد الا بالقوة )

اى كلام غير دا يفتح الله .

Quote: اى كلام غير دا يفتح الله .

رجااااله كده

من حظوظ الانقاذ ان انعم الله عليها بمعارضة ومعارضين يفترضون الغباء في القاري والمواطن

ياخ هو شنو يفتح الله ويستر الله كوم طماطم

Quote: رجااااله كده

ياخ طالما بتعرفوا الرجالة ما تستردوها وتستردوا حلايب برجالتكم دى !!! بدل الكلام الفطير الجايبنوا دا !!! عالم وهم

أنت يا علاء ما راجل؟ ما تمشي تشيل سلاحك وتسترجع حلايب وشلاتين والفشقة لو واجعاك شديد كدا؟المعارضة المسلحة كلها شابكة الناس حلايب وشلاتين والفشقة وهم يقتلوا في أبناء الوطن بسلاحهم المأجور. فليستخدموا هذا السلاح ويوجهوه لتحرير حلايب وشلاتين والفشقة أن كانوا فعلاً صادقين و لو كانوا رجال أولاد رجال لكن طبعاً خلوها مستورة


بالعكس الحركات المسلحة والمعارضين يقفون مع المستلب للأرض السودانية ظناً منهم أن ذلك يطعن في خاصرة الحكومة ويتمونوا أن لا تعود للوطن بل ويدعموا أي توجه لا يعديها للوطن حتى وأن استخدموا السلاح مع المحتل.

Quote: أنت يا علاء ما راجل؟ ما تمشي تشيل سلاحك وتسترج خحلايب وشلاتين لو واجعاك شديد كدا؟

والله وبالله ثم تالله يا اخوى كمال الشئ دا موجعنى وجع الموت .. السلاح لو كان فى ايدى والله وبالله لكنت اول المحاربين ولكن السلاح فى يد غير اهله

طيب يا علاء نحن كلنا واجعانا احتلال حلايب ولكن الأمر خارج إرادنتا كأفراد لكن لا نألو جهداً في استحضارها والتأكيد على سودانيتها كل نفس طالع ونفس داخل

مشكلة أراضي الفشقة ليس أحتلال بقوة السلاح من الحكومة الإثيوبية وهناك تفاهمات واتفاقيات كثيرة على حل مشكلة المزارعين الإثيوبيين وعصابات الشفتة من التعدي على أراضي الفشقة السودانية

صحيحي أي أراضي يتم التعدي عليها من جهة خراج الوطن هي بمثابة احتلال لكن ليس بالمعنى السياسي

في كثير من الدول تحدث مشاكل التعدي على الأرض خاصة عند شح الموارد والتعدي قد يكون بواسطة المزارعين ولكن أيضاً بواسطة الرعاة والمعدنيين

لكن قضية حلايب قضية واضحة المعالم ويجب على الجميع الاسطفاف لإرجاعها من المحتل المصري, حكومة ومعارضة ويجب أن لا تكون المكايدات السياسية سبباً في طول بقائها خارج سيادة الوطن.

Quote: ياخ طالما بتعرفوا الرجالة ما تستردوها وتستردوا حلايب برجالتكم دى !!! بدل الكلام الفطير الجايبنوا دا !!! عالم وهم

انا لله ياخ
يارجال استهدى بالله
انا بسالك هل ((((اي كلام غير ده ماينفع)) التي اوردتها
رجالة ولا منطق
يعني مانجيب كلام بخلاف رايك لاي سبب

وطوالي يا فهيم نطيت جوز وقمتا سداري

Quote: أنت يا علاء ما راجل؟ ما تمشي تشيل سلاحك وتسترج خحلايب وشلاتين لو واجعاك شديد كدا؟

ههههههههههههههه
الاخ كمال
صدقني اسه لو قام الجيش السوزداني وتوووش دخل حلايب
حيجيك ناطي يقول ليك لا ماحصل
المهم لو اقتنع انو الجيش السوداني جوه حلايب
حيقول ليك اتنازلتو عن شي ما


وتسالو كيف
يقول ليك
كده بس وغير كده يفتح الله

يا ناصر

خليك من الفشقة .. تعال استرد حواشتك العندي .. وبيت كوستي حي النصر..

Quote: يارجال استهدى بالله انا بسالك هل ((((اي كلام غير ده ماينفع)) التي اوردتها

لا يا ناصر كلامك : { رجاله كدا }

حمالة اوجه يا ابو الفهم :

Quote: الاخ كمال صدقني اسه لو قام الجيش السوزداني وتوووش دخل حلايب حيجيك ناطي يقول ليك لا ماحصل

يا ناصر امشوا خشوا وحرروها زى ما فرطوا فيها وبعد داك مستعدين نعمل ليكم احتفالات وكرنفالات ( اهااااا قصرنا معاكم )