تحية إجلال وتقدير واحترام للريس عمر حسن احمد البشير وهو يسجل
موقفا تاريخيا

الرجال مواقف

الله اكبر

سيدي الرئيس باذن الله في المقامات العلية

والحماية الربانية

اردم اخي صديق

اليوم يومك

وشكرا

(-) الرئيس عمر البشير ؟؟؟ اظًنك تقصد عمر بن الخطاب رضي الله عنه من كرمه الله
(-) هل من دليل على تكريم الله سبحانه وتعالى للسيد الرئيس ؟؟؟

حباب ودالباوقة وصباحك فل وياسمين
وحباب ودعتبرة البرنس طبعا الدليل على أن الله سبحانه وتعال كرم
الريس عمر حسن احمد البشير هو انه خلقه فى احسن تقويم
ثانيا جعله مسلما
ثالثا جعله يحكم بإذنه تحت ملكه
وهناك الكثير

(-) هذا تكريم بلفظ العموم كتكريم بني ادم او تكريم المُلك على عباد الله ولكن هل تكريم خاص له بالاسم عمر حسن احمد البشير
(-) احسن الناس تبعد من مسائل الدين فهذه مواضيع خطيرة وهكذا تبدأ الفتنة بالناس

Quote: ولقد كرمنا بنى ادم

ترامب أيضا بني آدم
وكذلك زوجته التي صافحها الملك السعودي

رشهم يا برنس
ديل تجار دين ..
وانتو الوهابية برضك فيكم جماعة شغالين تجارة بيه ..
غايتو الاتنين اكعب من بعض
اخونجية ولا وهابية .
شفت العالم دا لو ما كان فيه ابن تيمية وحسن البناء وما تفرع منهم كان بكون يا سلاااام ..
لا حاكم بإسم الله ولا قداسة لحاكم حتى لو كان اي فيه حاجة بس ما نخرج عليه ..
شفت المدرسة الوهابية ومدرسة الاخوان الفكرية هم سبب بلاوي العالم الاسلامي وعندي مليوووون دليل.
تبا لكم جميعا

(-) انت تريد العالم بلينين وماركس وفردريك انجلوس و فقط يا اخونا علي دفع الله ؟؟؟
(-) المنهج السلفي ضد الطائفية ولا نشجع على الحزبية كتاب الله وسنة رسوله فقط وشوف شغلتك وين ولا اوصي الناس بانصار السنة ولا اي حزب
(-) الدين منهج واتباع وليس حزب وافكار وابتداع وصراط الله المُستقيم بتشريعاته لمخلوقاته

حبابكم عشرة
برنس
عبدالله عثمان
على دفع الله
أها ماذا بجعبتكم والسودان محاصر
تحياتى

Quote: انت تريد العالم بلينين وماركس وفردريك انجلوس و فقط يا اخونا علي دفع الله

أنجلوس ديك براها

اسمو فريدريك إنجلز، التانية اسمها (لو أنغلوس). _____ تفتكر الاتنين الفوق ديل الله ما كرمهم؟

غايتو يا صديق لو كتبت كلامك دا عشان تغيظ الناس هنا فقد فعلت ، وإن كنت كتبه قناعة بما جاء فيه فللأاسف ليس لك من إسمك نصيب.

حيث قال الله سبحانه وتعالى بعد بسم الله الرحمن الرحيم (ولقد كرمنا بنى ادم ) صدق الله العظيم والرئيس عمر حسن احمد البشير واحد من بنى ادم وفوق ذلك الريس عمر حسن احمد البشير حاكم تحت ملك الله بإذن الله ، لذا لا يستطيع أحد ان يزيحه من حكمه إلا والبشير حروب لأنه يرفع راية لا اله الا الله محمد رسول الله لذلك يهمه رضاء الله وليس رضاء ملة الكفر اللهم احفظ السودان حكومة وشعبا ، واليهود والنصارى اصلا لن يرضوا عنك حتى تتبع ملتهم لذا الريس عمر حسن احمد البشير لن يتبع ملة اليهود والنصارى لذا لم يرضوا عنه وهذا فخر له والسودان وأهله. الله أكبر ولله الحمد


________________________كتابتك دي تذكرني الشاف هلال رمضان , شكروا قاليهم اهو داك واحد تاني ,,
دحين الكلام الكاتب ده الكيزان ما قاعد يقولوا ,,,,,,,,,,

انت يا ( المناضل ) صديق مهدي بتتكلم جد جد و له بتهظر .

أنجلوس ديك براها اسمو فريدريك إنجلز،
التانية اسمها (لو أنغلوس). _____
تفتكر الاتنين الفوق ديل الله ما كرمهم؟

-------------------------------------

(-) أنا اسامي الملحدين والكُفار ديل ما شديد على حفظهم انجلوس او انغلوس او انجلز في النهاية كافر رجز ونجس وراح
(-) من تقصد بالاثنين اوعا يكون لينين وفردريك ؟؟؟ ديل وسخ الكون الفكري ومزابل الفكر في عصور الجهل

]ده موضوع خاص جدا بين البشير وربه انحنا دخلنا شنو ؟؟؟

محن سودانيزية والورجغة الاسفيرية في ابهي معانيها

Quote: نا اسامي الملحدين والكُفار ديل ما شديد على حفظهم انجلوس او انغلوس او انجلز في النهاية كافر رجز ونجس وراح

في دي معاك حق، الحفظ يحتاج لمعدة ممتلئة!

أصلو كلامهم موجه للعقول لا البطون، أضف لذلك كانوا فقراء ولم يكن بمقدورهم توفير إمداد متصل من (الكبسة). _____ مع ذلك (كرموا) انسان أوروبا بحيث لا يحتاج لإثبات الولاء يومياً لأجل الكبسة الكريمة أعلاه، بقال وقالوا، ثم الكثير من الانحناء.

حباب كل زوار البوست طبعا الله سبحانه وتعالى كرم كل بنى ادم بما فيهم
الملك سلمان وضيفه ترامب وحبيب شيوعيين السودان لينين وهيقل وكل
فلاسفة الشر
لكن هناك سؤال يطرح نفسه ما هو سبب غضب أهل اليسار فى السودان
من البشير وحكومته ؟

كتب
لذا لا يستطيع أحد ان يزيحه من حكمه إلا والبشير حروب لأنه يرفع راية لا اله الا الله محمد رسول الله لذلك يهمه رضاء الله وليس رضاء ملة الكفر اللهم احفظ السودان حكومة وشعبا ، واليهود والنصارى اصلا لن يرضوا عنك حتى تتبع ملتهم لذا الريس عمر حسن احمد البشير لن يتبع ملة اليهود والنصارى لذا لم يرضوا عنه وهذا فخر له والسودان وأهله. الله )

ولماذا إحتميت بنفس الكفار والنصاري ولجأت لأرضهم وعشت بين ظهرانيهم ؟
لماذا فررت وهاجرت من البشير الذي ( يرفع راية لا اله الا الله محمد رسول الله لذلك يهمه رضاء الله وليس رضاء ملة الكفر)
لماذا كنت وتعادي وتعارض الذي( يرفع راية لا اله الا الله محمد رسول الله )
هل كنت مواليا للنصاري والكفار وقتها ؟ أم كنت من الخوارج الذين يشقون عصاة ا لطاعة!
..

حباب كمال عباس تصحيحا لمداخلتك لم أهرب بل هاجرت والإسلام
اعطانى هذا الخيار والأرض أرض الله يحق لك ان تتحرك فيها بحرية
كاملة ولعلمك ليس هناك أرض كفر وأرض إسلام بل هناك أرض سلام
تحياتى
يا غالى

Quote: لكن هناك سؤال يطرح نفسه ما هو سبب غضب أهل اليسار فى السودان من البشير وحكومته ؟

هلا صديق
هل كنت انت من اهل اليسار السوداني عندما كنت غاضبا قبل يومين ثلاثة علي البشير..؟؟

الاخ عبدالكريم سؤالى واضح اذا كنت من اهلى اليسار عليك أن تجاوب
والا فعليك بالصمت ههها

صديق مهدي
كتب
ب بل هاجرت والإسلام اعطانى هذا الخيار والأرض أرض الله يحق لك ان تتحرك فيها بحرية كاملة ولعلمك ليس هناك أرض كفر وأرض إسلام بل هناك أرض سلام تحياتى
ولماذا هاجرت للأرض يتحكم فيها النصاري ؟
والسؤال لازال قائما
لماذا هاجرت من البشير الذي ( يرفع راية لا اله الا الله محمد رسول الله لذلك يهمه رضاء الله وليس رضاء ملة الكفر) لماذا كنت وتعادي وتعارض الذي( يرفع راية لا اله الا الله محمد رسول الله ) هل كنت مواليا للنصاري والكفار وقتها ؟ أم كنت من الخوارج الذين يشقون عصاة ا لطاعة!

Quote: الاخ عبدالكريم سؤالى واضح اذا كنت من اهلى اليسار عليك أن تجاوب والا فعليك بالصمت ههها

هلا صديق وحبابك
من الذي اوجب علي ان اجاوب او خلاص..؟؟
---
انت اطلقت مقولة وانت من عليك تثبيت مرجعتيها المنطقية وشرحها للمتلقي وربطها في ركزتها
وعليه يظل سؤالي قائما
هل كنت من اهل اليسار عندما كنت تعارض هذه الحكومة البشيرية...!!

وهل إمام الأنصار الصادق المهدي يساري ؟
الصادق المهدي ل (السبت (20 مايو2017م)وصف رئيس حزب الأمة القومي الإمام الصادق المهدي الحكومة الجديدة بالمسرحية!!
الحكومة فشلت في خدمة الناس ففضلت أن تضحكهم!“
أن من يحكم السودان هو من ينتخبه الناس عبر انتخابات نزيهه لا بانتخابات مزورة”،!!“
أن استغلال الناس باسم الدين هو السبب الرئيس في ظاهرة الإلحاد !
((السودان الان خاطفاهو حدية ودايرين ننزل الحدية بمهمة حكيمة05-21-2017 01:48 PMوصف رئيس حزب الأمة القومي الإمام الصادق المهدي الحكومة الجديدة بالمسرحية، وأشار في خطابه أمام حشود جماهيرية بميدان القلعة بمدينة سنجة السبت (20 مايو2017م)، إلى أن الحكومة فشلت في خدمة الناس ففضلت أن تضحكهم؛ وقال: “إن كل الطغاة الذين حكموا السودان حاولوا أن (يقلعونا) إلا إنهم في آخر المطاف (يتقلعوا)، وإنهم جربوا فينا الإعدامات والسجون، وفي النهاية سقطوا”.وأضاف المهدي: “السودان الآن (خاطفاهو حدية ودايرين ننزل الحدية بمهمة حكيمة)؛ مشيراً إلى: “أن من يحكم السودان هو من ينتخبه الناس عبر انتخابات نزيهه لا بانتخابات مزورة”، ونوه المهدي بأن هناك محاولة للاستقواء بالأسماء؛ وقال: “إن هناك من يحاولون تسويق اسم المهدي؛ وهؤلاء (ما عندهم التكتح)”. وحول انتشار ظاهرة الإلحاد وسط الشباب، أوضح الإمام الصادق المهدي “أن استغلال الناس باسم الدين هو السبب الرئيس لهذه الظاهرة”، مضيفاً: “هؤلاء الشباب شافو الآخرين بستغلو الناس باسم الدين ففقدوا الثقة في دينهم”.التحريرhttp://alrakoba.net/news-action-show-id-276286.htmhttp://alrakoba.net/news-action-show-id-276286.htmhttp://alrakoba.net/news-action-show-id-276286.htmhttp://alrakoba.net/news-action-show-id-276286.htm

كتابك يا صديق فضلا على خواءه الفكري
الا ان يضرس
لجهة الصياغة
ولجهة تركيب جملة مفيدة...

فشنو
بالله اردمنا كل يوم ببوستين تلاتة
وتتداخل ما استطعت الا ذلك طريقا
وسي سي
للوهم التاني....

يا صديق ياخي روق المنقة وامشي أسمع أغاني وأغاني
الكيزان كلهم اليومين ديل واقعين السر قدور

شوف انا كلما أقرأ أو أسمع الأية بتذكر عمر البشير والكيزان :

" والذين لم يلبسوا أيمانهم بظلم ـولائك لهم الأمن وهم مهتدون "
صدق الله العظيم

ناسك ديل عاملين فيها مؤمنين ولكن ظالمين ظلمهم للناس ستحكي عنه كتب التاريخ
عشان كدة هم متخبطين "رفعت عنهم الهداية" وعشان كدا هم في حالة هلع وخوف
لانه رفع عنهم الأمن ...
تقولي الله كرمه دا الله حيطلع ..... يوم القيامة

حباب عبدالعظيم يا زول شكلك زعلان شديد الحاصل شنو ؟
تخريمة
انت ود عباس دا مالو مفلس ولا شنو ؟ ههههها

؟؟؟؟؟؟؟

Quote: هل كنت من اهل اليسار عندما كنت تعارض هذه الحكومة البشيرية...!!

هلا يا صديق
والهروب الي الامام ما بنفع يازول
وحاول تعمل لي حاجة في السؤال بتاعي ده
لانو لو قعدت تتزاوغ ح اسكك بيهو
او لو ماعاوز تجاوب قول بالواضح ماعاوز اجاوب عشان انا اشوف لي شغلة تاني
ولكن التجاهل ده لابليق بيك كرسالي ووافد جديد في سلطة المشروع الحضاري..؟؟

يا صديق ياخى اهل اليسار ديل حاقدين
قول ليهم يكفى انو البشير خلّى الشعب السودانى ده كلللللو مليونيرات
هسّى عبد الكريم البتفاصح معاك ده و صاحبو التانى الاسمو كمال عباس
لو كل واحد فيهم شايل ليهو 100 دولار بس
نزلتم مطار الخرطوم بى قدرة عمر البشير
خ يبقو مليونيرات
هو التكريم ده كيف
قووووول ليهم ..
ما لكم كيف تحكمون

ده حالتو رشحوك وزير دولة للزراعة كما قلت امال لو رشحوك وزير كان كتبت شنو؟

لن يتبع ملة اليهود والنصارى لذا لم يرضوا عنه وهذا فخر له والسودان وأهله. الله أكبر ولله الحمد
....

و هل النوبة و الفونج و الفور و الجنوبيين...
ملة يهود ؟
يا له من زمن عجيب..
قلبت فيه كل موازين القيم والاخلاق فى السودان و على يد عمر البشير و جوقته..
راسا على عقب...

(تحية إجلال وتقدير واحترام للريس عمر حسن احمد البشير وهو يسجل موقفا تاريخيا).

اها ياتو موقف ؟؟؟

عليك الله هسي الجابرك شنو على فتح بوست زي دا ؟؟؟
وكمان جهلول بهناك شابكك أردم أردم !!!
غايتو بتضعوا نفسكم في مطبات عجيبة !

سبحان الله رب العزة .
ست البنات.

حبابكم آلاف
غايتو ناس حاقدة بشكل ههههههها

في دي معاك حق، الحفظ يحتاج لمعدة ممتلئة!
أصلو كلامهم موجه للعقول لا البطون، أضف لذلك كانوا فقراء ولم يكن بمقدورهم توفير إمداد متصل من (الكبسة).
_____ مع ذلك (كرموا) انسان أوروبا بحيث لا يحتاج لإثبات الولاء يومياً لأجل الكبسة الكريمة أعلاه، بقال
وقالوا، ثم الكثير من الانحناء.

-------------------------------------

(-) اريتهم كان ملوا بطونهم (كبسة) بدل ان يملوا عقولهم (افكار جوفاء) انهارت واتمسح اثرها من الوجود
(-) لا لموا في العير ولا النفير لا شيوعية ولا دين

البرنس ود عطبرة كتب:

Quote: ديل وسخ الكون الفكري ومزابل الفكر في عصور الجهل

انا فهمت من كلامك انهم في عصور الجهل عبارة عن مزابل خلافا لوضعهم المعتاد باعتبارهم وسخ الكون الفكري؟
ارجو التصحيح/التوضيح لو سمحت

بوستات في زمن الكوليرا ,,

الكوليرا تحاصر النيل الابيض
وتحصد الارواح المواطنين ,,

(انه كرمه الله)
دي زي كتابة اسمك كتب بكري برضو
عالم تجيب الكوليرا