تحياتي قباني وضيوفه يا رجل عمرك دة هناك ياهو لو عشت هنا هسة كان عمرك زاد 30 سنة احمد الله عشت بدون مغايس هسة انا العمري كم وعشرين لو عاينت لي تقول كم واربعين
Quote: تحياتي قباني وضيوفه يا رجل عمرك دة هناك ياهو لو عشت هنا هسة كان عمرك زاد 30 سنة احمد الله عشت بدون مغايس هسة انا العمري كم وعشرين لو عاينت لي تقول كم واربعين
ههههه..
ذكرتني احمد اخوي الله يطراو بالخير ...
كان فاطر معاي يوم اتنين رمضان ... كنا في الرياض في صيفاً حاااار ...
اليوم كان جمعة ... صاحين من النوم الضهر ... و المكيفات تهدر ...
تزح الستارة كده ... تعاين للصهد بره ... تقفلها بالراحة و تشوف التلفزيون الفيو شنو ...
Post: #10 Title: Re: زمن امو بتلوليهو .. و برخي بنانو للطبّاح .. Author: Hamid Elsawi Date: 05-19-2017, 07:45 AM Parent: #7
باشمهندس قباني و ضيوفو الكِرام البص ماشي في الكبري ضرب لستك البص طار و انقشط في البحر (النيل) جا الدفاع المدني و أنقذوا كل الركاب مافي زول مات و الجماعة آخر فرحة و حمدلله علي السلامة الا الكمساري قاعد جنب شجرة و يبكي .... و ينخج من البكي سألوه بتبكي مالك ...... ينخج زيادة يا الله يا الله نطق قال ليهم صحي الناس كلها طلعت قالوا ليهو آآي قال ليهم مافي زول غرق قالوا ليهو مافي قال ليهم و لا زول قالوا ليهو الموت فيهو كضب كمان قعد يبكي زيادة
قالو ليهو ال ببكيك شنو قال ليهم أنا ما فارز الدفع من الما دفع
هسع يا باش مهندس أنا ما فارز ال احساسو مرهف من الاحساسو رهيف في البوست ده و أقصد المتداخلين فرداً فردا استثني معاوية لأنو معانا في المدينة و عارفين احساسو لا مرهف و لا رهيف حاجة تانية لا يسع البوست لذكرها ساهرتوا بينا بدون شاطي يا حِبان