Post: #1 Title: نائب مستقل يقول لتراجي أن التعيين يشوه التجربة و أنتم مجرد أعباء مالية إضافية على الشعب - فيديو Author: محمد البشرى الخضر Date: 05-17-2017, 07:45 AM
عفيت منّك آب زرد قلت لي الدخول للبرلمان طريق واحد الإنتخاب ولو كنّأ عارفين التعيين بدخّل البرلمان ما كنت اترّشحت!! ياخوي كلّكم مستقلّين منتخبين و محاورين معيّنين و متحوّلين راجين دورهم ما أكتر من عيّان وميّت
للمستعجل اسمع من الدقيقة 20:00
Post: #2 Title: Re: نائب مستقل يقول لتراجي أن التعيين يشوه ال� Author: أحمد محمد عمر Date: 05-17-2017, 08:09 AM Parent: #1
للمستعجل أوعك تسمع كلام البشرى اللقاء دة كلو مهم وممتع من قولة تيت لحدي نهايتو والطاهر دة ذاتو حقار عصر علينا في الزمن .. متعة زي دي لو أنا صاحب البرنامج بخليها 4 ساعات أقل حاجة
____________ حضرته الصباح بدري قلت أكتب حاجة عنه لقيتو كلو يصلح عناوين مانشيتات .. في النهاية لصقتو لي ود الباوقة في البوست بتاعه وطلعت الشغل
Post: #3 Title: Re: نائب مستقل يقول لتراجي أن التعيين يشوه ال� Author: أحمد محمد عمر Date: 05-17-2017, 08:11 AM Parent: #2
محيراني البروفيسور دي الشايفة إنه الرئيس هو البقرر منو يشارك في البرلمان ! قالت للبرلماني المنتخب انتو ما اشتغلتو حاجة عشان كدة جابونا ليكم
لا وكمان معتبراها مساعدة مقابل ملاليم مفروض الناس تقدرها موش تتمسك بانتخابات وكلام فاضي
Post: #4 Title: Re: نائب مستقل يقول لتراجي أن التعيين يشوه ال� Author: أحمد محمد عمر Date: 05-17-2017, 08:12 AM Parent: #3
حاتم السر وابراهيم الميرغني لقو ليهم شلالايت من تراجي في صمة خشمهم
Post: #5 Title: Re: نائب مستقل يقول لتراجي أن التعيين يشوه ال� Author: Arif Nashed Date: 05-17-2017, 08:28 AM Parent: #4
البرلمان هي الجهة الوحيدة التي لا يتم في تعيين لانها تمثل الشعب .. اذا كان قد تم تعيين 65 شخصية للبرلمان اضربوها في 6.5 مليون شهريا كم يساوي هذا المبلغ .. هي اصلا عايرة وادوها سوط ..
Post: #6 Title: Re: نائب مستقل يقول لتراجي أن التعيين يشوه ال� Author: عبد العزيز محمد عمر Date: 05-17-2017, 08:33 AM Parent: #5
Quote: قالت للبرلماني المنتخب انتو ما اشتغلتو حاجة
في دي صدقت .....
Post: #7 Title: Re: نائب مستقل يقول لتراجي أن التعيين يشوه ال� Author: عثمان الأمام Date: 05-17-2017, 08:36 AM Parent: #4
بروفسيرات آخر الزمن !!
Post: #8 Title: Re: نائب مستقل يقول لتراجي أن التعيين يشوه ال� Author: عثمان الأمام Date: 05-17-2017, 08:44 AM Parent: #7
لا حولا ولا قوة الا بالله
بروفسير !!
والله تراجي ليها عذر !
Post: #9 Title: Re: نائب مستقل يقول لتراجي أن التعيين يشوه ال� Author: Arif Nashed Date: 05-17-2017, 08:46 AM Parent: #7
خزنة ومفتاحها فوق ضهره .. الغفن لغفكم سااااااي بلا رصاصة بلا بروف .. ما ينسن يجيبن معاهن الملوخية يقطفوها اثناء الجلسات ..
"كلام الغضب لا لوم عليه ولا عتب"
Post: #10 Title: Re: نائب مستقل يقول لتراجي أن التعيين يشوه ال� Author: عمر سعيد علي Date: 05-17-2017, 08:55 AM Parent: #4
النائب المستقل كلامو صحيح . . البروفيسير ممثل حقيقي للمؤتمر الشعبي كلام كلو شعارات . . قالت جايين نحل مشاكل البلد . . نحيا ونشوف . .
Post: #11 Title: Re: نائب مستقل يقول لتراجي أن التعيين يشوه ال� Author: ياسر منصور عثمان Date: 05-17-2017, 09:42 AM Parent: #1
غايتو المستقل اتلبع لبيع من تراجي والبروف المعاها لمن عرف حاجة
ههههههههههههههههههه
Post: #12 Title: Re: نائب مستقل يقول لتراجي أن التعيين يشوه ال� Author: Haytham Ghaly Date: 05-17-2017, 02:41 PM Parent: #11
بعدين النايب هو البشع بيهم يا ياسر ياخي طلعهم عبارة عن زيادة عبء وهو صادق طبعاً غي دي
بعدين البروف دي بروف في شنو عاملة طريقة كلاما الغياظة دي
هي عارفة والدنيا كلها عارفة انو الموضوع دا موضوع محاصصات
ثم انو الملاليم البقولوها دي طالعة من دين الشعب الروحو مرقت دا وكت شايفاتنها ملاليم
ما يتنازلن عنها وللا هو كلام للاستهلاك والاستهبال بس
حاجة تمغس والله
Post: #13 Title: Re: نائب مستقل يقول لتراجي أن التعيين يشوه ال� Author: وهبه الشبلي احمد Date: 05-17-2017, 02:56 PM Parent: #12
ما نقول الا حسبنا الله ونعم الوكيل ...دا حال الوطن فعلا
Post: #14 Title: Re: نائب مستقل يقول لتراجي أن التعيين يشوه ال� Author: عبدالعظيم عثمان Date: 05-17-2017, 03:00 PM Parent: #13
معقوله الزوول بسهوله كدا يدخل لي 40 مليون شهريا في السودان وهو مدرس (الكلام دا معقول!!!)
Post: #15 Title: Re: نائب مستقل يقول لتراجي أن التعيين يشوه ال� Author: محمد المسلمي Date: 05-17-2017, 03:02 PM Parent: #13
ياهندسة. سلام الذين أتوا عن طريق الانتخاب كلفوا الدولة اكثر من تراجي انتخابات مكشوفة ومخجوجة. ومعروف من هو النائب. من يوم ترشيحه تخصص. له كل إمكانيات الدولة .. وبعد فوزه يجي. ينوم ويطالب وزير المالية برفع الدعم
الله فرجيني
Post: #16 Title: Re: نائب مستقل يقول لتراجي أن التعيين يشوه ال� Author: Nasser Amin Date: 05-17-2017, 03:22 PM Parent: #13
مبارك النور ما قصًر تب.. واثق من نفسه ومن مصادر تمويله و سنده الانتخابي شايف تراجي رخت ليهو و ايدتو في بعض النقاط البروفيسورة , شكلو ناس الشعبي اتخلصوا منها في البرلمان (احسن تنوم)
Post: #17 Title: Re: نائب مستقل يقول لتراجي أن التعيين يشوه ال� Author: وهبه الشبلي احمد Date: 05-17-2017, 03:48 PM Parent: #16
تامين رٌكب ...!!!!!!!!! قاصدة منو انتي يا زولة
Post: #18 Title: Re: نائب مستقل يقول لتراجي أن التعيين يشوه ال� Author: حاتم إبراهيم Date: 05-17-2017, 03:57 PM Parent: #1
الضيف ما بدور الضيف.
Post: #19 Title: Re: نائب مستقل يقول لتراجي أن التعيين يشوه ال� Author: طلحة عبدالله Date: 05-17-2017, 05:08 PM Parent: #18
انا مع مبارك النور كلامو واضح وصريح ومنطقي وفيهو نبرة صدق لا ينكرها إلا من أبى .. عافي منو . البروف مع كامل الاحترام لمكانتا العلمية لكنها أكثرت من الشعارات الحنجورية وأفرطت في مخاطبة العواطف بلا قول نجيع .. وفشلت في أن تخفي ال ( أنا) المتحكرة جواها .
الأخت التانية تراجي لا جديد .. نفس عنترياتها الخنفشارية وكواريكها العدائية .. وأكاد أجزم انها لو دخلت انتخابات فلن يصوت لها إلا تراجي وأسرتها .
Post: #20 Title: Re: نائب مستقل يقول لتراجي أن التعيين يشوه ال� Author: Hatim Alhwary Date: 05-17-2017, 06:29 PM Parent: #19
اب سن يبستف امات سنتين النور ذاتو مستند على انتخابات مخجوجة
Post: #21 Title: Re: نائب مستقل يقول لتراجي أن التعيين يشوه ال� Author: محمد على طه الملك Date: 05-17-2017, 07:44 PM Parent: #19
الغريبة البروف دي بتتكلم وكأنو النظام الحاكم دا ما حصاد أيدهم .. وبتتكلم عن الدعوة للسلام وكأنو هم ما كانوا وراء تدمير السلام الاجتماعي الكان موجود في السودان .. كلام البروف دي بقى لي زي الطبيب البجري ليك عملية خاطئة .. ؤ بدل يعترف بخطئة وعمل يده الآثمة .. يجي يفتخر ويتفضال عليك بأنو عايز يضمد جراحك وينقذ حياتك !!!!!!.. كل الناس عارفا النظام دا جاء راكب ضهر مين يا بروف .. وأي زول عندو فهم إولي لللعبة السياسية بعرف أنو الحوار دا مبدئيا من استراتيجيات قيادتكم السياسية .. التي استطاعت بسرية إقناع الرئيس لتبنية بدلا عنهم مكررين ذات النهج القديم ( سوف أذهب إلى السجن حبيسا ....).. بكل أسف أي شخص صدق أن فكرة الحوار طلعت وصعدت عشان عيون الشعب السوداني .. أو عشان يضمدوا جراحات البلد التي تسببوا فيها ودمروا نسيجها الاجتماعي .. كما تدعي البروف يكون وقع في شباك التضليل وغسيل المخ المستمر 28 سنة .. فكرة الحوار والاعداد لها بما صاحبها من زخم واستقطاب وتحنيس وإغراءات .. كان الدافع الأساسي له تلافي مستجدات إقليمية تمثلت في ثورات الربيع العربي من جهة .. وقرارات بدأت تتخذها بعض الانظمة المؤثرة في الإقليم تجاه تنظيمات الإخوان المسلمين .. دا كان الدافع الرئيس وراء ابتداع فكرة الحوار كوسيلة لترقيع النظام حتى لا يسقط .. لإنو وقوفهم متفرجين بعيدا عن مساندة النظام .. يعني أول ما يعني أنهم سوف يكونون من أوائل الضحايا سواء كانوا مشاركين أو غير مشاركين .. سبحان الله .. قالت أيه جايا تصنع السلام وما عايزة اقصاء .. في الوقت الفيه النظام بواسطة أغلبيته الميكانيكية المسترزقة .. مرر قبل أسبوع فقط قوانين مش إقصائية فقط بل تمنع حتى مجرد حرية الرأي .. بس في النهاية الواحد ما بستغرب كلامها لإنو دي هي طريقة الكيزان من يوم عرفناهم .. ياريت يا بروف بدل اللف والدوران وتغليف اهدافكم بموضوع سلام لن تسمحوا بتحقيقه .. أن تصدقوا مرة واااحة بس ؤ تعلنوها واضحة لهذا الشعب الصابر المكلوم بأن هدفكم هو التأسيس لنظام خالف.. نعم نظام خالف يلم شعثكم مع شعث سدنة المؤتمر الوطني وآخرين ممن يرتضون الفتات .. لضمان استمرار النظام ولو بمسحة شبه ديموقراطية جديدة .
غايتو الله يعينك يا تراجي سوف تكشف لك أيامك المقبلات صحة ما قلته أعلاه.
Post: #22 Title: Re: نائب مستقل يقول لتراجي أن التعيين يشوه ال� Author: محمد على طه الملك Date: 05-17-2017, 07:46 PM Parent: #21
انتو تراجي جاية البرلمان بمكنة مصممة ازياء ؟ اول مرة اسمع سياسي يقول عن جمهوره "المفترض" "they love my style"
Post: #24 Title: Re: نائب مستقل يقول لتراجي أن التعيين يشوه ال� Author: aosman Date: 05-17-2017, 08:35 PM Parent: #1
جاتني رسالة في الواتس آب بتقول بي أنه تراجي دخلت المجلس الوطن ممثلة لدائرة المواقع الإسفيرية,,,
Post: #25 Title: Re: نائب مستقل يقول لتراجي أن التعيين يشوه ال� Author: محمد على طه الملك Date: 05-17-2017, 08:46 PM Parent: #24
فات عليّ برضو أعلق على كضبة تضليلية أخرى أطلقتها البروف من الدقيقة 44:48.. لما قالت الآن نتنفس رفع الضغط الدولي .. والحوار اقنع المجتمع الدولي إنو عندو حاجات صحيحة !!! بينما الحقيقة الموضوعية الملموسة ومعروفة إلى الآن .. أن هنالك ظروف موضوعية دفعت ليس ( المجتمع الدولي ) بهذه الصيغة التضليلية التي أطلقتها السيدة البروف .. بل الغرب الأوربي والولايات المتحدة .. ظروف موضوعية دفعتهم لتأسيس نوع جزئي من التعاون المحدود مع النظام .. المشهور ومعلوم منه للكافة : 1 ـ محاربة الإرهاب المنظم .. إذ لم يعد خافيا على أحد تعاون جهاز الأمن السوداني معهم في هذا الملف .. 2 ـ الهجرة الكثيفة غير الشرعية إلى الدول الغربية بوجه أخص من أفريقيا .. لذا ذهبت استراتيجية الاتحاد الأوربي المعلنة .. لاستغلال الحكومة السودانية كبوليس هجرة مدفوع الأجر.. يعمل على الحد من تسرب المهاجرين عبر حدوده إلى بلادهم .. غير أن هذا التعامل لا يعني بأي حال من الأحوال أنهم ائتمنوا في النظام الحاكم بالمطلق .. أو أنهم يعملون على أسقاط العقوبات الدولية المقررة عليه .. بالنسبة للعقوبات الأمريكية التي رفعت جزئيا أواخر عهد الرئيس السابق .. فهي في حقيقتها كانت بمثابة الجزرة .. أو رد الجميل للتعاون والخدمات الأمنية التي وفرها جهاز الأمن السوداني .. يعنى حتى في جزئية رفع العقوبات الأمريكية لا أثر للحوار ومخرجاته فيه .. بل إن كان هنالك فضل فهو يعود لجهاز الأمن السوداني .
Post: #26 Title: Re: نائب مستقل يقول لتراجي أن التعيين يشوه ال� Author: صباح حسين طه Date: 05-17-2017, 08:53 PM Parent: #25
Quote: جاتني رسالة في الواتس آب بتقول بي أنه تراجي دخلت المجلس الوطن ممثلة لدائرة المواقع الإسفيرية,,,
أضحك الله سنك يا عثمان
أنا غايتو من مطالبي تقنع بكري يعمل مكتبات لكل الأعضاء ويعمل مكافآت لأي بوست يحصل عشرة ألف مشاهدة وترفع نسبة العضوية النسائية وتعيد الناس الما قاعدين يكتبوا وتتأكد إنه بكري ما عندو بيوت أشباح
Post: #27 Title: Re: نائب مستقل يقول لتراجي أن التعيين يشوه ال� Author: معاوية المدير Date: 05-17-2017, 09:34 PM Parent: #26
دي شِلّة بتاعت لصوص . والله صحي ...
Post: #28 Title: Re: نائب مستقل يقول لتراجي أن التعيين يشوه ال� Author: محمد البشرى الخضر Date: 05-18-2017, 04:33 AM Parent: #27
اهلا بالشباب هلا والله حقيقة ركّزت على تراجي وانا اتابع الحلقة و حتى في كتابتي لعنوان البوست من واقع العشرة هههههه لكن بعد استماعي لها مرّة ثانية بتركيز أكثر لقيت ان النكتة الحقيقية هي البروفسر بتاعة الشعبي التي ما فتئت ترد الأمر لرئيس الجمهورية كلّما سُئلت عن التعيين و المحاصصة و بتاع بالإضافة لطريقها في الحديث, يبدو أن الترابي رحمه الله قد خلّف خوازيق في الشعبي أكثر ممّا فعل في الوطني وفي كل شر ! امّا السيد النائب المستقل الذي يعترف انه ليس بمقدوره فعل شيئ في البرلمان مع الأغلبية الميكانيكية للمؤتمر الوطني فحاله أشبه يحتج على مزاحمته في المركز الأخير في السباق, ياخي وقت اصلك مو قادر تسو شي خلّيهم اليسترزقوا معاكم الحسادة فوق شنو!
Post: #29 Title: Re: نائب مستقل يقول لتراجي أن التعيين يشوه ال� Author: محمود على Date: 05-18-2017, 05:51 AM Parent: #28
سبحان الله .. عشنا وشفنا!! والله ما استغربت الا على قوة عين تراجي البتقول (نحن مستعدين للانتخابات هسي دا)!!! لا .. ليس هذا فحسب .. قولها للبرلماني المنتخب بانك لا تمثل إلا نفسك!! زول انتخبوه الاف الناس عشان يمثلهم تقول ليهو ما بتمثل الا نفسك بس!! سبحان الله الذي أسرى بعبدته من "المنفى" إلى البرلمان السوداني عبر الكمبارز! اليس هذا هو نفس الاسطوانة التي تهدد بها تراجي خصومها في سودانيزاونلاين؟! كل ما تختلف مع شخص أيّ كان موقعه، تهدده بمقولة (انت لا تمثل الا نفسك) وفي نفس الوقت تدعي بانها تمثل العالم كله ولديها جمهور بحجم سكان الصين!! البروف ديك كمان حاجة تانية خالص (الله يعينها في بروفها)
كامل تعاطفنا مع اخونا البرلماني الزعلان من الشقيانيين الزاحموه في الشقاوة بس عفيت عنو تب (جلد النسوان ديل جلد) محظوظين بقية الكمبارز الما دعوهم للبرنامج
Post: #30 Title: Re: نائب مستقل يقول لتراجي أن التعيين يشوه ال� Author: اسماعيل عبد الله محمد Date: 05-18-2017, 06:04 PM Parent: #29
مؤهلات البروف في عهد البشير: قدوم كبير وشلوفة غليدة و بجاحة.
Post: #31 Title: Re: نائب مستقل يقول لتراجي أن التعيين يشوه ال� Author: أبوبكر عباس Date: 05-18-2017, 06:24 PM Parent: #30
يا ملك، قبول الاتحاد الأوربي ولاحقا أمريكا لنظام الخرطوم، زي علاقة الدعم السريع بالحكومة، فعال، لكنو غير قانوني
Post: #33 Title: Re: نائب مستقل يقول لتراجي أن التعيين يشوه ال� Author: ست البنات Date: 05-18-2017, 07:41 PM Parent: #31
كان قطفن الملوخية كانن فرمنها لهسي !! ست البنات.
Post: #32 Title: Re: نائب مستقل يقول لتراجي أن التعيين يشوه ال� Author: جمال ود القوز Date: 05-18-2017, 06:34 PM Parent: #30
الواضح إنه تراجي حاولت تخلي كلامها قليل .. ومن قل كلامه قل ذلـله .. لانها لو قتحت في النضمي ما مضمون تقوم تنسى نفسها وتسرح .. وتفتكر نفسها في اليوتيوب وتشتم وتنبز وتجيب العيد في البرنامج .. صراحة انا شخصيا خذلتني تراجي جيت وفاكرها حتفضفض وتورجغ .. وتملا البرنامج غلاط وكلام وجوطه .. لكنها تركت البساط للبروف اللي مش جابت العيد جابت المولد معاهو .. وقلبت النضمي لي معايرات وكلام كلو مهاترات .. مع انه عضو البرلمان كان زول موضوعي .. ووجهة نظره معتبره رغم انه الانتخابات الشكرها دي الناس عارفاها مخجوجة .. لكن برضو ما ممكن يجيبوا ناس بالكوتة زي ناس تراجي .. يجوا يشاركوهم في البرلمان بلا أي سند جماهيري رغم هنته ..
غايتو البروف ربطت الحبل في رقبتها بي حكاية دخلها البيصل لي 40 مليون في الشهر .. وحييقى ليها المخارجة من كلامها ده ان لزم الأمر قاسي وصعيب .. غايتو اتجلجغت وما خلت شي وتراجي من شافتها اتدفقت بقت تتكشم .. البروف كان تتم الناقصة وتعلن تنازلها عن قريشات البرلمان .. وتعلن خدمتها للشعب السوداني مجان لانها ما محتاجة ليها .....
Post: #34 Title: Re: نائب مستقل يقول لتراجي أن التعيين يشوه ال� Author: ست البنات Date: 05-18-2017, 07:47 PM Parent: #32
تذكرت القديرة الراحلة سعاد ابراهيم أحمد والفضلى فاطمة أحمد ابراهيم اللائي كن يدرين ويدرين بانهن يدرين ! وخنقتني العبرة!! عاش نضال المرأة السودانية. وهذا زمانك يا مهازل !! ست البنات.
Post: #36 Title: Re: نائب مستقل يقول لتراجي أن التعيين يشوه ال� Author: محمد على طه الملك Date: 05-18-2017, 08:36 PM Parent: #34
يا مستنير نقد نجيض مش ؟ لالا أنا عارفك قتها بسرك .. بعدين وكت قلت غير قانوني دي الركة .. لإنو تهمني الشرعية .. الشرعية الدولية للقيادة.. : صحيح يا ود القوذ تراجي كانت متحفظة .. لإنها في ظني بدت تحس أنو الصراع ما صراع حكومة وممانعين بس .. وإنو موضوع الممانعين والحركات ووقف الحرب وهموم الشعب بجي في آخر الأولويات التنفيذية للناس ديل .. وإنو الصراع الحقيقي صراع داخلي بين الاسلاميين وسدنة المؤتمر الوطني وومواليهم من الفلوترز والنفعيين.. وح تكتشف إنو هياكل الحكم ومؤسساتو كلها موظفة لحماية القيادات على الرغم من صراع السلطة والثروة المحتدم بين قواعده. وهي حتلقى نفسها لا إلى هؤلاء ولا إلى هؤلاء.
Post: #35 Title: Re: نائب مستقل يقول لتراجي أن التعيين يشوه ال� Author: Ali Abdalla Hassan Date: 05-18-2017, 08:13 PM Parent: #32
البروف سرقت أضواء البرنامج .. وباين عليها آثار تربية الترابي
ولكن لا أدري لماذا يجاملها الطاهر التوم كثيراً ولا يريد أن يحرجها بأسئلة صعبة ؟ .. مثلاً هي تقول إنها جاءت البرلمان لحل مشاكل السودان وللسلام وترفض الإقصاء وتطالب بالحريات .. طيب أنتم كنتم جزء من النظام منذ البداية وحتى المفاصلة .. لماذا فشلتم في حل مشاكل السودان؟ ولماذا لم تأتوا بالسلام عندما كنتم شركاء في النظام؟ وأين كانت هذه الحريات منذ بداية نظام الإنقاذ؟ ولماذا تم إقصاء الذين خالفوكم في بداية الإنقاذ؟
أما تراجي مصطفى فأداءها كان دون المستوى في نظري أنا .. لم تستطع إقناع المشاهد لماذا جاءت إلى البرلمان بالتعيين .ودورها كمستقل في ظل وجود الأغلبية الميكانيكية من المؤتمر الوطني .. كذلك لا يعجبني في تراجي فشخرتها باللغة الإنجليزية .. في كل لقاء لازم تدخل ليك كلمات إنجليزية .. حاجة بايخة خلاص ..
كذلك كان ينبغي لتراجي مصطفى أن تحترم الشعب السوداني والموظفين الغلابة بألا تبخس مرتباتهم السودانية وتصف الـ 6 مليون جنيه بأنها ملاليم .. كثير من الموظفين خريجي الجامعات مرتباتهم دون الـ6 مليون بكثير وعايشين في السودان ويعولون أسر وأبناء ومسؤوليات أخرى .. فكان المفروض من تراجي أن تقدر هذا الجانب ولا تحتقر مرتبات الناس ..
لكن أعجبني كثيراً كلام البرلماني المستقل .. فعلاً التعيين تشويه للبرلمان .. فكل أعضاء البرلمان المفروض يأتوا عن طريق الإنتخابات فقط .. وهؤلاء الأعضاء الجدد الذين تم تعيينهم حسب نظام الترضيات والمحاصصة مجرد أعباء مالية تزيد من معاناة الشعب السوداني ..
Post: #37 Title: Re: نائب مستقل يقول لتراجي أن التعيين يشوه ال� Author: محمود على Date: 05-19-2017, 01:20 AM Parent: #35
Quote: كذلك كان ينبغي لتراجي مصطفى أن تحترم الشعب السوداني والموظفين الغلابة بألا تبخس مرتباتهم السودانية وتصف الـ 6 مليون جنيه بأنها ملاليم .. كثير من الموظفين خريجي الجامعات مرتباتهم دون الـ6 مليون بكثير وعايشين في السودان ويعولون أسر وأبناء ومسؤوليات أخرى ..
يا علي تبخس شنو .. بعد النرفسة دي كلها تراجي فشلت في ان تتحدث عن مصدر دخلها كم ومن أين تأتي بها!!ماشاء الله البروف "إتنرفست" وتبخترت عندما بخست الملاليم ولكنها في النهاية ذكرت مصدر دخلها ومن اين تأتي بها، أما الخالة تراجي فغلبها من ان تثبت كبريائها الزائف!!تراجي لم تأتي إلى هذه الوليمة إلا تلك الملاليم من اموال الغلابة، وهذا فقط على الظاهر أما ما خفي من ملاليم الغلابة التي تتعاطاها تراجي لهو اعظم!دا شكل زول قضى عشرات السنين يكورك ويزرف دموع التماسيح في سودانيز اونلاين "اموال الغلابة" وسراريق وشنو كدا ما عارف!الان أشبعي من أموال الغلابة السائب دا الكنتي بتتكلمي عنو داك!!المعادن الاصيلة تبلى وتظهر عليها الكدمات ولكنها لا تصدع
