استفسار هام وضروري حول اليمين الدستورى

09:05 PM May, 15 2017 سودانيز اون لاين
عبدالحفيظ ابوسن-no where
مكتبتى
رابط مختصروحياة الخوة جادىوحاة الملح والملاح

ماهي صيغة القسم الدستوري
ولا الحليفة البحلفوها للناس البجو وزرا ولا دستوريين
بالجد الصيغة كيف

غايتو حلفان الطلاق دة سمعتو
اول امس القريبة دى جوة البرلمان وزير
ورونا يا ناس
الواحد داير يشوف القسم ويدرسو
في وزارات طايرة امكن تقع لي واحدة في صمة خشمي
داير اعرف وادرسو
انا اصلا حالف حالف
ايا كان
لكن برضو الزول يكون عارف

زول يستاجر فينا يا جماعة
علي بالطلاق جادي
اها شنو

نحمد الله جاهزين
يحلفو فينا في وقية سكر
ما بنحلف في وزارة ولا غيرها
نحلف زي الترتيب
داير جواز تحلف
داير شنو تحلف
اها لكن حكاية اليمين الدستوري دي داير اشوفها كيف يعني

الوالد رحمه الله
رفض ان يستلم التموين ابو حليفة
قال
الله الغني
ولو حلف لكان صادقا

الحليفة على حسب الوظيفة

ابسن اخوي شغل موتورك واملاء خزانك واسقي جيرانك واعمل على قلع كيزانك ولك الجنة..

هو البحلف في الناس دا زاتو الحلفو منو ..
شرعية المحلف تنبع من شرعية المحلف( المحلف الاولى والتانية فيهن اختلاف في التشكيل)
انا لو بقيت رءيس ما بحلف ولا زول حا اختارو لانو ثبت عمليا ان هذا القسم برتكول لا يحترم ابدا ..
ودي يا ابو علاء

ماحصل وقع فى عينى القسم البتسال منو لكن خليتنى اسال نفس سؤالك ,وافبتش لقيت ليك فى دستور السودان دا قسم رئيس ......

(أنا ................... أقسم باالله العظيم بوصف ي رئيساً لجمهورية السودان أن أكون
مخلصاً وصادقاً في ولائي لجمهورية السودان، وأن أؤدي واجبا تي ومس ئولياتي بجـد
وأمانة وبطريقة شورية لترقية ورفاهية وتقدم الأمة، وأن التزم بالدسـتور وأحميـه
وأحافظ عليه وأن أرعي قوانين جمهورية السودان وأن أدافع عن سيادة الـبلاد، وأن
أعمل لوحدتها وأوطد دعائم نظام الحكم الديمقراطي اللامركزي، وأن أ صون كرامـة
شعب السودان وعزته، واالله على ما أقول شهيد )

؟؟؟؟؟؟؟؟؟؟؟؟؟؟؟؟؟

Quote: (أنا ..... أقسم بالله العظيم بوصفي رئيساً لجمهورية السودان أن أكون مخلصاً وصادقاً في ولائي لجمهورية السودان، وأن أؤدي واجباتي ومسئولياتي بجد وأمانة وبطريقة شورية لترقية ورفاهية وتقدم الأمة ، وأن ألتزم بالدستور وأحميه وأحافظ عليه وأن أراعي قوانين جمهورية السودان وأن أدافع عن سيادة البلاد وأن أعمل لوحدتها ، وأوطد دعائم نظام الحكم الديمقراطي اللامركزي، وأن أصون كرامة شعب السودان وعزته، والله على ما أقول شهيد).

سلامات ود اب سن وزواره الكرام ..
بمناسبة صيغة القسم الدستوري الجابو أخونا عاصم ..
أحكي ليكم طرفة من طرائف المحاكم ..
كان في زول معروف بسرقة السُخلان ..
قالو ما يشوفلو سخلة إلا يختفا رخ بس ..
حكمة الله قالو السخلة من يطبقا تحت أباطو ما بتفخ خشمها ..
عشان كدا قالو الروايعية ما كانو بنتبهو ليهو ..
أصحاب السخلان كانوا بشتكو بالشبهة ..
يمسكو يجي المحكمة يدق المصحف ؤ يمرق منها ..
أتاري في المحكمة كان في مصحف مطبوع صغير..
كلما يجيبو المحكمة يختو قدامو يدقو زي الترتيب ؤ يمرق منها ..
المرة الرابعة جابو المحكمة ؤ هو مكفكف ايدو راجي الحلف ..
قدر ما فتشوا مصحف المحكمة ما لقوهو ..
القاضي قال للحاجب شوف لينا مصحف من الجيران ..
الحاجب مرق ؤجا شايلو مصحف خطي النوع المابنفتح إلا فوق شيّال ..
القاضي قال للحرامي تعال احلف ..
الحرامي قالو عليك الله يا مولانا دحين دا مصحف سخيل أختلك فوقو أيدي ؟

أوعاك تسعلني االقسم الفوق دا أوفابو صاحبو ولّ نكص..
براك شوف وأحكم.

ما قلت ليك يا علي دفع الله
ادوني عين وحات شيخي البزوروهو حفايا
الصهريج شغال طق طق
ينقط
هسة لو مشيت الزكاة وحلفت بدوني واحد
هذا زمانك يا فوضي
من يحلف من
كما قال ايمن
من اعطاكم حق تزييف الايات
يحلفوك ويكضبوك

انه قسم لو يعلمون عظيم يا عاصم
امسك لينا في اصون وحدة البلاد دي
البحلف زور بتعاقب ويتسجن
اها الناس ديل يحلفو ويتخارجو كأجراء شكلي ساي
ولا نقوم نقول ليهم انتو حلفتو
نحن الحليفة دي عندنا بتطلق المرة . تطلقها عديل كدة وقي كباية شاي
طلق تشرب
ما يشرب
المرة المسكينة تغسل في عدة نقس الشاي السوتو يكون سبب في طلاقها
والعيب تبقا التالتة
مافي تحايل
طلقانة طلقانة
نحمدو
ديل باهلنها
طلاق ومصحف

انه قسم لو يعلمون عظيم يا عاصم
امسك لينا في اصون وحدة البلاد دي
البحلف زور بتعاقب ويتسجن
اها الناس ديل يحلفو ويتخارجو كأجراء شكلي ساي
ولا نقوم نقول ليهم انتو حلفتو
نحن الحليفة دي عندنا بتطلق المرة . تطلقها عديل كدة وقي كباية شاي
طلق تشرب
ما يشرب
المرة المسكينة تغسل في عدة نقس الشاي السوتو يكون سبب في طلاقها
والعيب تبقا التالتة
مافي تحايل
طلقانة طلقانة
نحمدو
ديل باهلنها
طلاق ومصحف

قال ليهو
اقع الاغبش
يا الملك
لازمن تقدس ما تحلف به وتعزه
صحبي عارفو ملكلك
داير احلفو
قلت ليهو
قول وحياة خوتنا
فصدق القول

شنو يا ناس القسم دة سري مافي زول عارفو ولا شنو
اصلها 😢😢

سلام ود أبوسن لعلك والاسرة بخير
حسب ماعلمت ان السيد. الميرغني الوالد ( الكبير. عليه رحمة الله )
قد منع ابنائه من اداء القسم ( الخلف بالمصحف ) واذكر في مرة
من المرات. السيد. احمد الميرغني كان شاهد في قضية ورفض
وضع. يده علي المصحف وقد قبل القاضي. بذلك. .. وبعدين
حسب. الفهم العندهم هم ال البيت. ماعليهم من. قسم.




---------
بالجمبة. كدي حسب. ما اعلم من ابتكر وضع اليد علي. المصحف هم
الفاطميّون لتخويف مخالفيهم. .. وأهل السنة والجماعة عندهم رأي في
الفاطميّون إنهم. خارج الجماعة زاتها


------
وتاني. السادة المراغنة بيعتبروا اداء القسم. ده. بدعة مستحدثة من الغرب

تحياتي مسلمي وكيف العيال والدكتورة
منعهم اداء القسم ولم يأت بجديد
كذلك والدي وآباء معظمنا .. لا يحلفون بالمصحف وان اضاع ذلك حقهم .. بل ان والدي كاد ان يخسر الحج رفض ان يحلف لينال جوازه
الزعماء يفترض ان ينصحوا اولادهم بحسن معاملة الرعية وان لا يأكلوا اموال الناس بالباطل ولا يستعبدوهم لدرجة حمل احذيتهم
منعه القسم ولم يأمره بالتواجد في مكان عمله ليحلل اجره
من اخذ الاجر طالبه الله بالعمل
كدي خليني من ناس سيدي سيتجاوزهم الواقع .
كدي جازف لي نص القسم دة
نشوفهم بحلفوا عشان يعملو شنو وما يعملو شنو
وحدة الوطن دي سقطو فيها
نشوف غيرها
وماتنسي اخوك زاتو امكن تتنزل عليه وزارة

قالوا للحرامي احلف قال جالك الفرج!!!
دستور السودان وصيغ القسم الدستورية
((
قسم رئيس الجمهورية

56ـ يؤدي رئيس الجمهورية المنتخب, لتولي منصبه, اليمين التالية أمام الهيئة التشريعية القومية:ـ

(أنا ................... أقسم بالله العظيم بوصفي رئيساً لجمهورية السودان أن أكون مخلصاً وصادقاً في ولائي لجمهورية السودان، وأن أؤدي واجباتي ومسئولياتي بجد وأمانة وبطريقة شورية لترقية ورفاهية وتقدم الأمة، وأن التزم بالدستور وأحميه وأحافظ عليه وأن أراعي قوانين جمهورية السودان وأن أدافع عن سيادة البلاد، وأن أعمل لوحدتها وأوطد دعائم نظام الحكم الديمقراطي اللامركزي، وأن أصون كرامة شعب السودان وعزته، والله على ما أقول شهيد).
...........********
((
قسم الوزير القومي

71ـ يؤدى الوزير القومي عند تعيينه اليمين التالية أمام رئيس الجمهورية ليتولى مهام منصبه:ـ

" أنا ..................... وقد عُينت وزيراً قوميا، أقسم بالله العظيم أن أكون في كل الأوقات مخلصاً لجمهورية السودان، وأن التزم بالدستور واحترمه وأصونه وأن أراعى كل قوانين البلاد، وأن أدافع مخلصاً عن استقلالها، وأن أعمل لوحدتها وتوطيد نظام الحكم الديمقراطي اللامركزي الذي أقامه الدستور وأن أبذل صادقاً أقصى جهدي في خدمة الشعب والبلاد، والله على ما أقول شهيد ".))

************
((قسم عضو الهيئة التشريعية القومية
89 ـ يؤدي كل عضو في الهيئة التشريعية القومية ، لتولى مهامه ، اليمين التالية أمام المجلـس
المختص: ـ
" أنا ................. وقد أُ نتخبت عضوا ً في المجلس الوطني / ممـثلاً فـي مجلـس
الولايات، أقسم باالله العظيم أن أكون صادقاً ومخلصاً لجمهورية السودان وشـعبها، وأن
التزم بدستور البلاد و احترمه وأن أمتثل للقانون، وأن أؤدي واجباتي عضواً في الهيئـة
التشريعية القومية بصدق وتجرد، وأن أبذل قُ صاري جهدي في خدمة الشعب، واالله على
ما أقول شهيد " ))
********** حبر علي ورق:- ************
حبر علي ورق:-
((الإقرار بالذمة المالية وحظر الأعمال الخاصة
75 ) ـ 1( يقدم شاغل و المناصب الدستورية التنفيذية والتشريعية و قضاة المحكمـ ة الدسـتورية
والمحاكم العليا و قيادات الخدمة المدنية ، لدى توليهم مناصبهم ، إقراراً سرياً بالذمـة
المالية يتضمن ممتلكاتهم و التزاماتهم بما ف ي ذلك ما يتعلق بأزواجهم وأبنائهم وفقـاً
للقانون.

تشكر كمال
وكتر خيرك
يعني الحلايف الشكلية

يؤدي القسم من هو في موضع شك .

يجب ان لا يوكل امر العامه الي من هو ليس موضع ثقه .

الشريعه الاسلامية مافيها قسم علي القران الا لمن انكر في عدم و جود البينه .

لا وزير و لا غفير عليه قسم علي المصحف الي امر اوكل له . كلها بدع مستحدثه .

ود ابوسن قريبى ماشى نظيف مالك بدور تخربها

ابعد من الشر وغنيلوا احسن لك يا قريبى

القسم أما القاضي:

اقسم بالله العظيم وكتابه الكريم أن اقول الحق وكل الحق ولا شيء غير الحق

يالله استاذ كمال عباس دي حاجة صعبة
الناس لو بتتأمل الكلام الموجود في القسم ده
ما اظن تنوم ساعة واحدة

تحياتي ود ابوسن

فعلا الزبير
وتمت الاستهانة بالقسم بشكل ظاهر
يحلفوك في اي شي
اي شي
تموين
استخراج اوراق
الخ
ولو اردت دقة التعبير لقلت تم إبتذال القسم فإنتفت هيبته من القلوب

مرحب يوسف
لابد ان يقولها احدهم
فليكن انا

دة زمان يا المسافر
هسة تحلف في اي مكان
واسمو
القسم المشفوع باليمين
ويحلفوك في مالك زاتو هل هو كدة ولا اكتر

فعلا اسامة
انهم لو يعلمون
والدي كان دايم التذكير لينا بحاجتين في القسم
بقول
اهلنا بقولو القسم شوال دقيق لو دخلت يدك مهما تكون حريص بكون فيها دقيق
و
الصحابة لو لاقاهم زول وغالطهم في قميصهم وبقت علي الحليفة بملصو ليهو
وقد كان والدي رحمه الله غير حلاف
لم اراه حتي موته حلف بطلاق
وقليلا ما يحلف بصيغة
والله و تا الله
ويعز حلفه

في كلام ل جعفر المرغني حول انهم اهل فضل فلا يجوز تحليفهم
للاسف الخبر مصور وعجزت عن رفعه