Post: #1
Title: الإستثمار في المزارع
Author: ناصر حسين محمد
Date: 05-15-2017, 05:03 PM
Parent: #0
05:03 PM May, 15 2017 سودانيز اون لاين
ناصر حسين محمد-
مكتبتى
رابط مختصر اقصد الاستثمار البستاني
حيث استمعت اليوم لتجربة ثرة للغاية
خلاصتها ان هذا المجال مربح للغاية
وصادف انني املك 5 فدان مهملة منذ فترة
وقلنا نشوف التجارب والخبرات الموجودة في البورد الممكن تعين كل صاحب فكرة
ابتدا من السور
والبئر والزرع
واي ملعومات اخرى
|
Post: #2
Title: Re: الإستثمار في المزارع
Author: علي دفع الله
Date: 05-15-2017, 05:18 PM
Parent: #1
هههههههههه
بعد التحول الذي غشاك ابشر بالخضرة والاستثمار والوجه الحسن ..
استثمار وييييييي
|
Post: #3
Title: Re: الإستثمار في المزارع
Author: ناصر حسين محمد
Date: 05-15-2017, 05:22 PM
Parent: #2
Quote:
هههههههههه بعد التحول الذي غشاك ابشر بالخضرة والاستثمار والوجه الحسن .. استثمار وييييييي
|
هههههههههه
الاخ علي
لا علاقة لهذا بهذا
وسبق اوضحت ان لا علاقة تنظيمية لي بالمؤتمر الوطني
وال5 فدان دي ياسيد علي حصاد غربة وجرجرة كبيرة
وابشرك واقول ليك كمان
وقسم بالله منزوعة من قبلها 5 فدان بشهادة بحث
...................
لو عندك شي عن الاسثمار ممكن يعين اصحاب الرغبة حبابك ياخ
|
Post: #4
Title: Re: الإستثمار في المزارع
Author: ناصر حسين محمد
Date: 05-15-2017, 05:24 PM
Parent: #3
سبق وتابعت باهتمام شديد بوست يتعلق بالاستثمار الحيواني ( انتاج الالبان)
وحقيقة كان بوست قمة وجميل وشامل
ويعطي خلفية كبيرة عن الاستثمار في الانتاج الحيواني
ياريت بوست بذات الزخم حول الانتاج الزراعي البستاني
|
Post: #5
Title: Re: الإستثمار في المزارع
Author: Mohammed Ahmed Saeed
Date: 05-15-2017, 07:13 PM
Parent: #4
مرحبتين اخ ناصر وربنا يبارك لك وجاهزين للمساعدة لكن عشان ندلو بدلونا في بعض الاستفسارات - أرضك وين في اى بقعة في السودان- مضرب بحر ولا قريبة من البحر ام بعيدة - هل زرعت قبل ذلك ام بكر - الرى كهرباء ام ديزل
|
Post: #7
Title: Re: الإستثمار في المزارع
Author: Salah Zubeir
Date: 05-15-2017, 07:19 PM
Parent: #4
تحياتي ناصر ...
بدون تفاصيل كتيرة أقع البرسيم وكحلو بي شجر الفواكه
منقه قريب ليمون ...الخ ... مساحتك صغيرة لكن ....
فدان البرسيم بصفي من 8000 الي 10000 جنيه (جديد)
شهريا" او (25 - 35يوم) ويظل يعطي لمدة 5 سنوات.
تبقي مشكلتك المويه ومدي توفرها إذ أن البرسيم الناجح
بيعتمد علي انتظام الري في مواقيت وكميات محددة.
دا رأس جبل الجليد وارحكا لي قدام.
|
Post: #8
Title: Re: الإستثمار في المزارع
Author: ناصر حسين محمد
Date: 05-15-2017, 07:24 PM
Parent: #7
Quote:
مرحبتين اخ ناصر وربنا يبارك لك وجاهزين للمساعدة لكن عشان ندلو بدلونا في بعض الاستفسارات -
أرضك وين في اى بقعة في السودان-
مضرب بحر ولا قريبة من البحر ام بعيدة -
هل زرعت قبل ذلك ام بكر -
الرى كهرباء ام ديزل
|
الاخ محمد احمد
تحياتي وشكرا ليك على الدفعة
- الارض في شرق النيل - وادي سويا شرق - قرب الكوبري الجديد
- حوالي 10 كيلو من البحر وانوي حفر بئر ان شاء الله
- أرض بكر ما مزروعة
- الري كهرباء بعد التوصيل ان شاء الله
وكمان لو اديتني خلفية عن السور الافضل تكون ماقصرتا
|
Post: #9
Title: Re: الإستثمار في المزارع
Author: ناصر حسين محمد
Date: 05-15-2017, 07:26 PM
Parent: #7
Quote:
تحياتي ناصر ... بدون تفاصيل كتيرة أقع البرسيم وكحلو بي شجر الفواكه منقه قريب ليمون ...الخ ...
مساحتك صغيرة لكن .... فدان البرسيم بصفي من 8000 الي 10000 جنيه (جديد) شهريا" او (25 - 35يوم) ويظل يعطي لمدة 5 سنوات.
تبقي مشكلتك المويه ومدي توفرها إذ أن البرسيم الناجح بيعتمد علي انتظام الري في مواقيت وكميات محددة. دا رأس جبل الجليد وارحكا لي قدام.
|
الاخ صلاح
تحياتي وشاكر للتفاعل مع البوست
نعم، حسب استفساري الافضل زراعة اشجار ( مانجو، ليمون)
والكحل برسيم او خضروات
وياريت نمشي قدام نفيد ونستفيد
|
Post: #6
Title: Re: الإستثمار في المزارع
Author: sadig mirghani
Date: 05-15-2017, 07:15 PM
Parent: #1
واطاتك اصبحت
واطاتك وين؟
ممكن تشتغل فيها زراعة مكثفة
تزرع قريب red blush
ومانجو ابوسمكة
وجوافة
مسافات الزراعة تكون اقل شي 5*5
والاحسن 6*7 عشان بعدين التقليم
الشتول عندك شركة زادنا عندها شتول مخفضة
من البنك الزراعي مدعومة
المانجو بي 27 والقريب بي 23 بس
أهم شي التربة ومكان الواطة بديك فكرة عن نوع التربة هناك
بعداك ممكن تسقي بالغمر تجر جداول بالناموسة
أو لو لحقت ناس الحوار ممكن تجر ري بالتنقيط
بوفر الموية
وبحلك من الحشايش
وبطول عمر البير
عشان ماتملح العين وتنضب من الري السطحي
الفدان ممكن يكلفك ري بالتنقيط الشبكة 20-25 الف جنيه بالجديد
شامل المعدات والخراطيش والتركيب
بس عليك الموتور وشغل الكهربا
لو جبت الشتول عمر سنة او سنة ونص
حتاكل منها قبال انتخابات 2020
|
Post: #10
Title: Re: الإستثمار في المزارع
Author: ناصر حسين محمد
Date: 05-15-2017, 07:28 PM
Parent: #6
Quote:
واطاتك اصبحت واطاتك وين؟ ممكن تشتغل فيها زراعة مكثفة تزرع قريب red blush ومانجو ابوسمكة وجوافة مسافات الزراعة تكون اقل شي 5*5 والاحسن 6*7 عشان بعدين التقليم الشتول عندك شركة زادنا عندها شتول مخفضة من البنك الزراعي مدعومة المانجو بي 27 والقريب بي 23 بس أهم شي التربة ومكان الواطة بديك فكرة عن نوع التربة هناك بعداك ممكن تسقي بالغمر تجر جداول بالناموسة أو لو لحقت ناس الحوار ممكن تجر ري بالتنقيط بوفر الموية وبحلك من الحشايش وبطول عمر البير عشان ماتملح العين وتنضب من الري السطحي الفدان ممكن يكلفك ري بالتنقيط الشبكة 20-25 الف جنيه بالجديد شامل المعدات والخراطيش والتركيب بس عليك الموتور وشغل الكهربا لو جبت الشتول عمر سنة او سنة ونص حتاكل منها قبال انتخابات 2020
|
الاخ صادق
تحياتي وشكرا للمعلومات
نعم الجماعة قالو لي اقع منقة ابو سمكة وليمون ولو امكن نبق فارسي
اها الليلة لميت في واحد في قروب واتساب
زارع رمان وقال لي انتاج خيالي
بجيب المعلومات منو والصور ان شاء الله
|
Post: #11
Title: Re: الإستثمار في المزارع
Author: Salah Zubeir
Date: 05-15-2017, 07:51 PM
Parent: #10
| Quote: الارض في شرق النيل - وادي سويا شرق - قرب الكوبري الجديد - حوالي 10 كيلو من البحر وانوي حفر بئر ان شاء الله |
ههههه ناصر ... طلعنا جيران ... نملك 3 حواشات in one ...
انا غايتو كنتا محظوظ بوجود كميات متوسطة من شجر
المسكيت وانخفاض الملح في التربة لكن بعض الأماكن
الملح كتير ويتم معالجته باستعمال الجبس ال active
وهو متوفر ويتم رشه في الأرض المالحة ليقوم بالأتي :-
1 :- تحييد ملوحة الأرض بتفاعله كيميائيا" مع الملح.
2 :- ناتج التفاعل يعتبر من أميز أسمدة التربة.
3 :- قتل بذور المسكيت المنتشرة بكثافة في المنطقة
واي طفيليات اخري
|
Post: #12
Title: Re: الإستثمار في المزارع
Author: ناصر حسين محمد
Date: 05-15-2017, 09:19 PM
Parent: #11
ياحلاوة
ياحلاوة
معلومة قيمة للغاية تم تسجيلها
بس ياجاري ياريت الكميات للفدان من الجبص
|
Post: #13
Title: Re: الإستثمار في المزارع
Author: Haytham Ghaly
Date: 05-16-2017, 05:04 AM
Parent: #12
ما شاااااء الله
متيييييييييييييييييييييييييين وصلت مرحلة المزارع؟؟؟؟؟؟؟!!!!!!!!
ود الباوقة اظنو اخد سنين عددا لحدي ما وصلها
صدق اللقال الموديلات الجديدة سريعة وبتكسب زمنها
عملاً لله كدا .. اسمع كلام صلاح الزبير واقع البرسيم او ابو سبعين
|
Post: #14
Title: Re: الإستثمار في المزارع
Author: د.محمد حسن
Date: 05-16-2017, 06:26 AM
Parent: #13
في ظل هذه الحكومة اي مشروع فاشل
وبس
يكفي ان معظم من دخل الزراعة دخل السجن
لان مصدر دخل الحكومة هو المواطن
وحيث لا يوجد قانون
تسود الفوضى
ومن امن العقوبة اساء الادب
|
Post: #16
Title: Re: الإستثمار في المزارع
Author: Salah Zubeir
Date: 05-16-2017, 07:20 AM
Parent: #14
| Quote: يكفي ان معظم من دخل الزراعة دخل السجن |
معظم من استدان من البنوك لتمويل زراعته ودخل السجن لم
يصرف التمويل علي الزراعة وإنما ذهب به لمشاريع اخري
تدر ربحا" سريعا" وهذا هو حالنا كسودانيين (بنفتش علي
الرزق الساهل) ... نجاح المشاريع الزراعية الخاصة في
السودان ليس مرتبطا" بالحكومة أو أي جهة أخري....
(دا ضرب ايدك) ....
تحياتي دكتور ...
|
Post: #17
Title: Re: الإستثمار في المزارع
Author: بدرالدين بابكر مصطفى
Date: 05-16-2017, 07:25 AM
Parent: #14
السلام عليكم يا ناصر
الزراعة وتربية الحيوان بقت من أكتر المهن النضيفة في السودان
أي مهنة تانية بتدخلك في شبهات
اتوكل على الله
ونصيحتي ليك إن زرعت برسيم لازم تربي ليك بهايم معاها، شوف ليك غنم سعانين نسبة متوسطة واتأكد من خلوها من الأمراض
وجيب عليها تيس بيور واستمتع بالرحلة
دكتور محمد حسن بيقول المزارعين في السجن، ما كل المزارعين في السجن
السجن فيهو تجار وفيهو محامين وفيهو عتالة وفيهو وفيهو ..
ناس حلتنا مثلاً 90% مزارعين .. ما فيهم ولا واحد في السجن
بس واحد ودخل السجن بسبب نزاع في أرض ما تعسر ولا شي
في قروب واتس اسمو الزراعة العضوية حاول خش معاهم .. فيهو واحد زارع أي شي .. رمان برتقال، ليمون، عنب 7 أصناف، نخيل، زيتون وماشاء الله ناجح نجاح مدهش
ربنا يوفق ..
|
Post: #15
Title: Re: الإستثمار في المزارع
Author: الصادق عز الدين
Date: 05-16-2017, 07:11 AM
Parent: #1
حسب ميزانيتك يمكنك الإستثمار
أنصح ب عمل صالة محمية ( الصالة تكون عدد ٥ أقواس) ، مع حوض الموية وخلافه تقريبا ٧٥٪ من الفدان
زراعة برسيم مساحة ١٫٥٠ فدان
وسط البرسيم تزرع منقة أبوسمكة فدان ومنقة كنت جنوب أفريقيا نص فدان
تزرع فدان ليمون أخضر في حدود ١٤٣ شتلة
باقي المساحة تعمل فيها إستراحة مميزة (غرفتين وصالة وصالون مع الحمامات والمطبخ) مع ممرات للدخول والخروج من المزرعة
تزرع بعض الشتول للإستخدام الشخصي البحت مثل رمان ، جوافة ، منقة الفونسو ، منقة د نايف ، عنب (يعني تشكيلة كده)
|
Post: #18
Title: Re: الإستثمار في المزارع
Author: ناصر حسين محمد
Date: 05-16-2017, 07:27 AM
Parent: #15
Quote:
ما شاااااء الله متيييييييييييييييييييييييييين وصلت مرحلة المزارع؟؟؟؟؟؟؟!!!!!!!!
ود الباوقة اظنو اخد سنين عددا لحدي ما وصلها صدق اللقال الموديلات الجديدة سريعة وبتكسب زمنها عملاً لله كدا .. اسمع كلام صلاح الزبير واقع البرسيم او ابو سبعين
|
الاخ هيثم اطمئنك
لو نجحت وجبتها فيها غزلان 
واشتهيت لحم غزال
ما بكتلهم
بكلكلهم لمن يموتو ...
وفي رواية ( بقرصهم لمن يموتو)
بالنسبة للبرسيم وابو سبعين هم في البال ياهيثم ، زي مابقولو كحل تحت الشجر
شكرا على الافادة وياريت لو عندك معلومات تانية تدينا دفعة
|
Post: #19
Title: Re: الإستثمار في المزارع
Author: Frankly
Date: 05-16-2017, 07:28 AM
Parent: #15
ما شاء الله المنبر دا كله تربالة
والله نصايح جيدة وممتازة باقي نشوف لينا فدان فدانيين ننفذ فيهم توجيهاتكم
أنا عايز مزرعة وقفص دجاج وكم خروف وكم بقرة (يعني ما بزيدوا من العشرة) ومساحة معقولة لبرسيم أو ابوسبعين كعلف وحوض استزراع سمكي وبيت محمي وكل دا في حدود فدانين الكلام دا ممكن؟
وأرخص مكان للفدان وين وبكم؟
|
Post: #20
Title: Re: الإستثمار في المزارع
Author: ناصر حسين محمد
Date: 05-16-2017, 07:29 AM
Parent: #15
Quote:
في ظل هذه الحكومة اي مشروع فاشل
وبس يكفي ان معظم من دخل الزراعة دخل السجن
لان مصدر دخل الحكومة هو المواطن وحيث لا يوجد قانون تسود الفوضى
ومن امن العقوبة اساء الادب
|
سلامات يادكتور
وتحياتي
عاش السودان عاليا
نعم، لا اختلف معك ان هنالك بعض اللهفنجية ولكن وعيك بحقك يكفي لحفظه
|
Post: #21
Title: Re: الإستثمار في المزارع
Author: ناصر حسين محمد
Date: 05-16-2017, 07:31 AM
Parent: #15
Quote:
حسب ميزانيتك يمكنك الإستثمار أنصح ب عمل صالة محمية ( الصالة تكون عدد ٥ أقواس) ،
مع حوض الموية وخلافه تقريبا ٧٥٪ من الفدان زراعة برسيم مساحة ١٫٥٠ فدان وسط البرسيم تزرع منقة أبوسمكة فدان ومنقة كنت جنوب أفريقيا
نص فدان تزرع فدان ليمون أخضر في حدود ١٤٣ شتلة
باقي المساحة تعمل فيها إستراحة مميزة (غرفتين وصالة وصالون مع الحمامات والمطبخ) مع ممرات للدخول والخروج من المزرعة
تزرع بعض الشتول للإستخدام الشخصي البحت مثل رمان ، جوافة ، منقة الفونسو ، منقة د نايف ، عنب (يعني تشكيلة كده)
|
شكرا الصادق
تخيل نفس الفهم العندي
تم الاعتماد تماما
................................................
نشوف السور والبير والتفاصيل
|
Post: #22
Title: Re: الإستثمار في المزارع
Author: الامين جبارة الله التوم
Date: 05-16-2017, 09:29 AM
Parent: #21
Quote: شكرا الصادق تخيل نفس الفهم العندي تم الاعتماد تماما
|
اسال الله لك التوفيق
على حسب خبرتي ناصر في الزراعة انا شايف مساحتك صغيرة وحا تعمل فيها زراعة اكثر من اللازم
فرضنا اذا زرعت ليمون لازم في الارض البعيدة من البحر تكون المسافات 7 متر والا حا تكون مستقبلاً
بقطع صف من الشجر
زراعة البرسيم تحتاج لي تسويق لان مرات ما حا تجد شخص يشترى منك خاصة منطقتك بعيدة من المدن او القرى
اكون عندك بوكسى وتسوق في الخرطوم حلة كوكو او تشترى عجول وتشتغل تثمين هنا بتحتاج وجودك او شخص
اكون حريص بمعنى الكلمة
حا يكون في تكلفه مالية عالية جدا لازم تكون مستعد ليها عشان ما توقف في النص .... الزراعة مرهقة مادياً
الشخص النزيه لي ادراة العمل ده مهم شديد
اسال الله لك التوفيق
|
Post: #23
Title: Re: الإستثمار في المزارع
Author: الصادق عز الدين
Date: 05-16-2017, 09:40 AM
Parent: #22
أوعاك من زراعة النخل لغير الإستخدام الخاص يعني كم نخلة وبس سوق ماف تماما
و ح تحتاج مولد لنغطية قطوعات الكهرباء في حالة وجود صالة محمية
السور عادي ممكن يكون مواسير وشبك قرن الغزال وتبني برضو سور من شجر الليمون بعد يقوم بيقفل تماما وتستفيذ برضو
أما إذا ما عاوز تستفيد تزرع الكتر في السور تاني فار ما يقدر يدخل
السلك بس ما كفاية لتأمين المزرعة
طبعن كتفتين للباب وعمل باب جرار بعد تعلية الأرض قليلا وعمل إنترلوك في مساحة الباب فقط
|
Post: #24
Title: Re: الإستثمار في المزارع
Author: sadig mirghani
Date: 05-16-2017, 10:25 AM
Parent: #1
Frankly
الفدانين بتعمل الحاجات دي
لكن برسيم مابتقضيك
انصحك بي 5 فدان على الاقل
ارخص اراضي
في شرق النيل لو في الخرطوم
غرب امدرمان الموية هناك على ابعاد سحيقة
والبير بتكلف معاك
|
Post: #25
Title: Re: الإستثمار في المزارع
Author: Frankly
Date: 05-16-2017, 11:06 AM
Parent: #24
شكراً يا صادق
لو ممكن متوسط سعر الفدان في شرق النيل وياتو منطقة فيها مزارع شغالة كويس عشان الواحد يستفيد من خبراتهم وما يبدأ من صفر
|
Post: #26
Title: Re: الإستثمار في المزارع
Author: Haytham Ghaly
Date: 05-16-2017, 11:09 AM
Parent: #24
Quote: الاخ هيثم اطمئنك لو نجحت وجبتها فيها غزلان واشتهيت لحم غزال ما بكتلهم بكلكلهم لمن يموتو ... وفي رواية ( بقرصهم لمن يموتو)
|
هههههههههههههههههههههههههه
راكب غلط يا لذيذ .. ما تستعجل اقرا كويس
اذا الارض طين اسود ولايوق ابوسبعين بكون ممتاز
اما اذا مخلوطة رملية وطينية البرسيم بنجح فيها وابوسبعين زاتو بنجح فيها
اعملك قفص اليل غزلان لكن الا تسويلك كم شرك تحوطاً من حضرة الوزير الصياد الصغير
|
Post: #27
Title: Re: الإستثمار في المزارع
Author: ناصر حسين محمد
Date: 05-16-2017, 08:30 PM
Parent: #26
...
|
Post: #28
Title: Re: الإستثمار في المزارع
Author: ادريس خليفة علم الهدي
Date: 05-17-2017, 07:37 AM
Parent: #27
أها يا زول باركتها .. نبدأ إجراءات نقل الحواشة
|
Post: #29
Title: Re: الإستثمار في المزارع
Author: ناصر حسين محمد
Date: 05-17-2017, 07:55 AM
Parent: #28
Quote:
السلام عليكم يا ناصر الزراعة وتربية الحيوان بقت من أكتر المهن النضيفة في السودان أي مهنة تانية بتدخلك في شبهات اتوكل على الله ونصيحتي ليك إن زرعت برسيم لازم تربي ليك بهايم معاها، شوف ليك غنم سعانين نسبة متوسطة واتأكد من خلوها من الأمراض وجيب عليها تيس بيور واستمتع بالرحلة دكتور محمد حسن بيقول المزارعين في السجن، ما كل المزارعين في السجن السجن فيهو تجار وفيهو محامين وفيهو عتالة وفيهو وفيهو .. ناس حلتنا مثلاً 90% مزارعين .. ما فيهم ولا واحد في السجن بس واحد ودخل السجن بسبب نزاع في أرض ما تعسر ولا شي في قروب واتس اسمو الزراعة العضوية حاول خش معاهم .. فيهو واحد زارع أي شي .. رمان برتقال، ليمون، عنب 7 أصناف، نخيل، زيتون وماشاء الله ناجح نجاح مدهش ربنا يوفق ..
|
الاخ بدر الدين
تحياتي
وشكرا للاضافة الجميلة
وياريت توريني درب القروب بتاع الزراعة العضوية ده وين
ضروري يااخ بدر
وتخيل الزراعة العضوية دي المحيراني ذاااتو
.........................
|
Post: #30
Title: Re: الإستثمار في المزارع
Author: ناصر حسين محمد
Date: 05-17-2017, 07:56 AM
Parent: #28
Quote:
وأرخص مكان للفدان وين وبكم؟
|
سلام ياكمال
تحياتي
لو عندك رغبة راسلني في الماسنجر بديك جوال( واتساب) لواحد اخونا شغال فدادين باسعار جميلة جدا
|
Post: #31
Title: Re: الإستثمار في المزارع
Author: ناصر حسين محمد
Date: 05-17-2017, 07:58 AM
Parent: #28
Quote:
اسال الله لك التوفيق على حسب خبرتي ناصر في الزراعة انا شايف مساحتك صغيرة وحا تعمل فيها زراعة اكثر من اللازم فرضنا اذا زرعت ليمون لازم في الارض البعيدة من البحر تكون المسافات 7 متر والا حا تكون مستقبلاً بقطع صف من الشجر زراعة البرسيم تحتاج لي تسويق لان مرات ما حا تجد شخص يشترى منك خاصة منطقتك بعيدة من المدن او القرى اكون عندك بوكسى وتسوق في الخرطوم حلة كوكو او تشترى عجول وتشتغل تثمين هنا بتحتاج وجودك او شخص اكون حريص بمعنى الكلمة حا يكون في تكلفه مالية عالية جدا لازم تكون مستعد ليها عشان ما توقف في النص .... الزراعة مرهقة مادياً الشخص النزيه لي ادراة العمل ده مهم شديد اسال الله لك التوفيق
|
الاخ الامين
تحياتي
والله يوفقك ياغالي
نعم المساحة صغيرة بحسبان انو شي جديد علي لكن لقدام ممكن تتوسع
اما بالنسبة للاستعداد
ان شاء الله بتحرك بعد دراسة جدوى قد يساعد فيها هذا البوست
|
Post: #32
Title: Re: الإستثمار في المزارع
Author: ناصر حسين محمد
Date: 05-17-2017, 08:00 AM
Parent: #28
Quote:
أوعاك من زراعة النخل لغير الإستخدام الخاص يعني كم نخلة وبس سوق ماف تماما و ح تحتاج مولد لنغطية قطوعات الكهرباء في حالة وجود صالة محمية السور عادي ممكن يكون مواسير وشبك قرن الغزال وتبني برضو سور من شجر الليمون بعد يقوم بيقفل تماما وتستفيذ برضو أما إذا ما عاوز تستفيد تزرع الكتر في السور تاني فار ما يقدر يدخل السلك بس ما كفاية لتأمين المزرعة طبعن كتفتين للباب وعمل باب جرار بعد تعلية الأرض قليلا وعمل إنترلوك في مساحة الباب فقط
|
الاخ الصادق
تحياتي
النخيل ده ما تبعنا وعارفنو كويس
حاشا وكلا ان ازرعو
والله العندنا في الشمالية ماقادرين عليهو
بالنسبة لزراعة الكتر حول السور
سمعت انو بجيب حشرات وزواحف مثل الدبايب
ممكن تديني فكرة اكبر عنو وتكون مشكور
|
Post: #33
Title: Re: الإستثمار في المزارع
Author: ناصر حسين محمد
Date: 05-17-2017, 08:02 AM
Parent: #28
Quote:
اذا الارض طين اسود ولايوق ابوسبعين بكون ممتاز اما اذا مخلوطة رملية وطينية البرسيم بنجح فيها وابوسبعين زاتو بنجح فيها
اعملك قفص اليل غزلان لكن الا تسويلك كم شرك تحوطاً من حضرة الوزير الصياد الصغير
|
هيثم تحياتي
جاري فحص التربة كمجموعة من الملاك ( نظام شيرنغ وكده )
هههههههههههههههههههههه
قفص الغزلان مابترفع ليه بوست نظام ( أأأأي الكوز ناصر ده متوحش خالص)
|
Post: #34
Title: Re: الإستثمار في المزارع
Author: ناصر حسين محمد
Date: 05-17-2017, 08:04 AM
Parent: #33
Quote:
أها يا زول باركتها .. نبدأ إجراءات نقل الحواشة
|
يا عمدة ياخ اخطاني
حريقة فيك انت وسيف
قلنا أدوها الطاهر ( الحواشة المتعشفة دي)
انا مابنقلها لا يحزنون
|
Post: #35
Title: Re: الإستثمار في المزارع
Author: Saifelyazal Elmaki
Date: 05-17-2017, 08:12 AM
Parent: #34
أها يا زول باركتها .. نبدأ إجراءات نقل الحواشة
ــــــــــــــــــــــــــــــــــــــــــــــــــــــــــــــــــــــــــــــــــــــ
هههههههههههههههههههههههه مبروك يا ادريس الوساطات
ومبروك لناصر الحذاء الاخضر
يا ناصر هس سيف وادريس عليك الله لو ما عاوزين مصلحتك بندخل في موضوع زي ده
_________________________________________________
جاري نقل ملكية الحواشة
وجاري تجهيز الدهب
و حجز الفنان قيقم
|
Post: #36
Title: Re: الإستثمار في المزارع
Author: ناصر حسين محمد
Date: 05-17-2017, 08:24 AM
Quote:
يا ناصر هس سيف وادريس عليك الله لو ما عاوزين مصلحتك بندخل في موضوع زي ده
|
ههههههههههههه
انا لله
المصلحة دي قلبو معناها
رجاء اخطوني نهائي
البوست ده استثماري
الورجغة مابتنفع
|
Post: #37
Title: Re: الإستثمار في المزارع
Author: عادل الباهي عبدالرازق
Date: 05-17-2017, 08:28 AM
طيب الحمد الله الوافق ناصر علي نقل ملكية الحواشة
مبروك يا ناصر تقطع سفنجاتا بي عرق العافية
بالمناسبة السعيدة دي زول ينزل لينا أغنية عمر احساس
حبيبي أخدر اب شبشب أخدر لو شفتو بخدر
الله لا كسبكم أدريس وسيف الواحد لو ماعاوز يبارك يدخل يبارك بعد
كلامكم دا
|
|