Post: #1
Title: ما أبشع واقع الوطن وما آل إليه حال أهلنا!!!
Author: ست البنات
Date: 05-15-2017, 04:45 PM
Parent: #0
04:45 PM May, 15 2017 سودانيز اون لاين
ست البنات-
مكتبتى
رابط مختصر وزراء ثابتون في مقاعدهم عددهم يقارب نصف عدد السكان يتبعهم وكلاءهم وامنهم الخاص ,
يعتمدون كلهم على خزينة دولة الغبش في منصرفات واسفار نسائهم وأسرهم , واسرهم الممتدة في القرى والنجوع .
نسمع عن ذهب وبترول يستخرج ثم لا نرى عائدا !
بيع الوطن واراضيه والآثار بأثمان بخسة واستؤجرت اراضي أخرى لكل الطامعين من دول شتى . استثمرت أقاليم لدفن وقبر نفايات دول تخشى على شعوبها المرض ! فتفشى السرطان بأنواعه ولا مداوي !! لا نكاد نسأل عن قريب او صديق او جار إلا جاءنا الخبر المفجع !!
وضاق ما تبقى من الأرض بأهله الذين يعانون تضييق الخناق والفاقة بعد ان جف الزرع والضرع !!!
وتقاسمت مصر وأثيوبيا الاطراف والجيش يستاثر بأعلى المرتبات الشهرية والعلاوات والتدريب خارج السودان من مال الغبش الغلابة ! كما وانمحت الحدود بين السودان ودول مثل مصر وتشاد وأثيوبيا وصارت وهمية , وهذه لوحدها قنبلة موقوتة يعلم الله وحده موعد انفجارها !!
فماذا بقى لنا ؟؟؟
ست البنات.
|
Post: #2
Title: Re: ما أبشع واقع الوطن وما آل إليه حال أهلنا!!!
Author: صباح حسين طه
Date: 05-15-2017, 04:59 PM
Parent: #1
مرحبتين حبيبة البنات وست البنات
عودك أحمد وعودك أخضر دائماً
تعرفي يا ستو أنا متفائلة شديد بالمستقبل لأني شايفة الشباب إتحول تماماً من إعلام الحكومة لوسائل الإتصال الجديدة وبدأيثقف نفسه بنفسه خارج الخط الرسموه ليه وديل أمل المستقبل أما ما يجري حالياً فهو مخجل لأنهم حولوا الوطن لحزب والحزب لوطن الداير يجي يركب معانا سفينتنا والماداير يهاجر ولا يقع البحر
|
Post: #3
Title: Re: ما أبشع واقع الوطن وما آل إليه حال أهلنا!!!
Author: ست البنات
Date: 05-15-2017, 05:15 PM
Parent: #2
صباح يا أخية ,
حباب اشراق صباحك,
خلاص استفردت العصابة بالوطن وقايلين مافي البقولهم كر !
فعلا الخير والبركة في الشابات والشباب والجيل من اليافعين واعيين
وفاجأوا الجميع بصلابتهم !
رغم انهم شبوا في عهد الانقاذ السيئ !!
وبقت الوزارات متبادلة بين افراد العصابة
والكراسي من الفولاذ وهم مصبوبين فوقها
يعني مافي واحد ينقلع من الكرسي ابدا !!
خجلة واستحاء مافي ابدا !
ياريت لو بفهموا في الشغل العام !!
لكن ليهم يوم !
ناسين غضبة الشعب .
يا شعب اصبح مرجلا يغلي !!
تحياتي
ست البنات.
|
Post: #4
Title: Re: ما أبشع واقع الوطن وما آل إليه حال أهلنا!!!
Author: مني عمسيب
Date: 05-17-2017, 11:40 AM
Parent: #3
التحية لكن الكنداكات الحبيبات .. ستو وصباح .
يا صباح كلام الطمانئينة دا المفروض نمسك فيهو قووووي
لانه الشئ الطبيعي كلامك الصرحتي بيهو دا . وطيلة ...
ما العالم متطور لازم يحصل تاثير وتطور للشعوب وزي
الشعب والشباب السوداني عندو بنية التغيير جاهزة لانه
شباب واعي ومثقف لو قورن والحركات الفي الساحة ..
السياسة البنتمي ليها الشباب دا صنع يداهم وبأكد انه في
وعي شباب لايستهان به ! واليوم من الملاحظ معظم ...
المعتقلين هم من الشباب وهذه بشري بغدآ مشرق . ربنا
يوفقهم ويثبتهم علي الحق الذي يضيع بالرغم من طريقه
الشائك في دولة نازية فاشية وادوات اجهزة امنها القمعية !
لكم وافر الشكر يا حبيبات .. والبوست دا نبقي عليه عشرة .
ودمتن .
|
Post: #5
Title: Re: ما أبشع واقع الوطن وما آل إليه حال أهلنا!!!
Author: عبدالحفيظ ابوسن
Date: 05-17-2017, 11:55 AM
ستهم
وضيفاتها
سيتجاوزهم الواقع
اتمني ان اكون حاضرا حينها
|
Post: #6
Title: Re: ما أبشع واقع الوطن وما آل إليه حال أهلنا!!!
Author: مني عمسيب
Date: 06-13-2017, 11:43 AM
Parent: #5
مصيبتنا يعزوا فيها !!!
وينك يا شعب .
السودان خطر ...
|
Post: #7
Title: Re: ما أبشع واقع الوطن وما آل إليه حال أهلنا!!!
Author: Arif Nashed
Date: 06-14-2017, 04:18 PM
Parent: #6
لقد هرمنا ..
|
Post: #8
Title: Re: ما أبشع واقع الوطن وما آل إليه حال أهلنا!!!
Author: nour tawir
Date: 06-14-2017, 06:12 PM
Parent: #7
ستهم...
رمضان كريم...
فماذا بقى لنا ؟؟؟
.....
لم يبق لنا الا الصبر...
فأن ما احدثته الانقاذ فى السودان فى هذه ال28 عاما..
أمر لا يصدق..
وحتى لو عّددنا مواقع التهلكة التى رمتنا فيها الانقاذ..
حتى يوم يبعثون...
فسوف لن ننتهى..
وأسوأ ما فى هذا الخراب المستعجل الشامل المانع..
هو ضرب الانسان السودانى..
وتغيير دفة أخلاقنا 180 درجة..
فالسودان يا ستهم ..
يستوجب العزاء كما تفضلت منى...
|
|