هههه مبالغة سيدي الوزير

07:23 AM May, 15 2017

سودانيز اون لاين
عبدالحفيظ ابوسن-no where
مكتبتى
رابط مختصر

الشعب السوداني دة بقا عندو سخرية مبالغ فيها

كنت راكب المواصلات
اتصل علي ولدي ... قال لي : يابابا اختاروك وزير.
طرت من الفرح ... نزلت من المواصلات وأجرت امجاد بي سبعين جنيه
وصلت البيت وبي لهفة ... يا ولد : ادوني وزارة شنو؟
.
.
.
.
.
.
.
.
.
قال لي :يا بابا بكري جارنا داير يعرس.
واختارك تكون وزيرو ( وزير عريس يعني).
شكيتك لي الله يا ... هسي سبعين جنيهي دي القاها وين؟

ألف مبروك يا سعادتك

بدلة عليك وبدلة علينا


على طرقة ناس الاتصالات

هههههههههههههه

شوف استهانة الوزارة يا درديري
كأن الوزير تمومة جرتق
لو داير تشغل معاك خادم في البيت بتكلمو
توريهو داير منو يعمل شنو وتديهو كم . وتوريهو قوانينك
خلي وزير
والاستهانة الاكبر الوزير زاتو يحكي انو سمع سمع .. وظيفة قدر الضربة وسمع سمع . بل وضح استهانته بالاخبار ومتابعتها لامن كلمو ولدو
حتي بعد دك قنب يتجاري والزمن ضيق
ياخ اقل وظيفة بعملو ليها انترفيو وغلا امتحان
وتنتظر النتيجة
امكن تسقط
هسة انا بقيت يوماتي احضر اخبار الولاية ما معروف امكن يذيعوني

Quote: هسة انا بقيت يوماتي احضر اخبار الولاية ما معروف امكن يذيعوني

بالهناء يا سعادتك،
ؤ ليك علي نعلآتك أطبُقِن ليك في اباطي ...

ود اب سن
مالك بقيت متلقى حجج
الوزير دا ود كيف بكرى وبكرى داير يكيفو
مشكلتك شنو

نعلات شنو يا ودالمدير .. هو انا بمشي في الواطة
تشيلو بس
الفنانين بشيلوهم خلا انا وزير
دايرلي محفة مزدانة بالجواهر وفوقها كسكتة بي فوق ومدلية بالجمبات بحرير ناعم
اتدلا من عربيتي اركب من فوق ليكم
قال نعلات
وهو كرعينا ديل بتحملنا مشي الحفا

انا اخو الكيف
كدي اليختاروني
أكيفم ليك كيف
جبنة وشاي
لو عندك سكة يا بدر رسل ليهم رسالة
حقك محفوظ
حنك ولدنا و زولنا وكدة
رسل انت بس

الايامات دي كاشا حل الحكومة
اها ارخو اضانكم معانا
بياضكم برة

بالضبط يا أبو سن,

بالضبط


أحمد الشايقي

كسكتة انت قايل نفسك..
الكاردينال..ههههه
اكان ماطلعت مريخابى كنا نقول..
نقول منو العوض واليه العوض..ياصديقى
الوطن اتشلهت تب

وشوف الكلام يا الشايقي
الناس كلها نكرتو
وقال شخصية قومية
لامن قال شخصية قومية تذكرت رد المؤتمر الصحفي
نحن لا نستوزر افراد
غايتو انا شخسين موتفايل
شختك بختك
امكن تقع لي الصرفة رغم اني ما خاش الختة

ههه
يا منعم اخوك صاقط كورة
لا لعب لا مشاهدة
ف غابت عني الطرفة
الكسكتة علاقتها شنو
طول بالك معاي
لكن شوف ودالمدير دة داير يمشيني حفيان

ههههههه
الكسكيتة..للملياردير ..الكاردينال
رئيس نادى الهلال..بانى الجوهرة الرياضية
ماتقولى الجوهرة دى شنو..هههههه
يشتهر بلبسها..عندما يقوم بخبطة رياضية
تهم الهلال
ويقوم يلبسوا كسكته ويتصوروا سوا
وكده يكون الله فتحها عليهو
انت كمان الله يفتحها عليك
بكسكتة التوزير..الحايم الايام ديل
ارخى اضانك..
ههههههههه

===========================
بالهناء يا سعادتك، ؤ ليك علي نعلآتك أطبُقِن ليك في اباطي
===========================

===========================
نعلات شنو يا ودالمدير .. هو انا بمشي في الواطة تشيلو بس الفنانين بشيلوهم خلا انا وزير دايرلي محفة مزدانة بالجواهر وفوقها كسكتة بي فوق
ومدلية بالجمبات بحرير ناعم اتدلا من عربيتي اركب من فوق ليكم قال نعلات وهو كرعينا ديل بتحملنا مشي الحفا
===========================


هههههههههههههههههههه
غايتو أنا علي العصا .. وممكن أسوقلك العربية يا أب سن




هههههههههه

النبي فيك يا انور
الجوهرة دي شنو
ما تقول لي الحشرة البتجي في الخريف ديك

تسوق شنو يا بدر
عاين دة
وهو انا مارق وين
انا فاضي ليكم
لومك علي الطيارة ما اخليهم يبطلوها

أمس قريت في الفيس بك
كتابا رائعا عن أناس ضمهم مجلس
جمال الوالي في منزله
في المقال الجميع جالس في الصالون وجمال نزل من فوق بعد نحو ساعة
من الانتظار
وما ان هبط حتى تبارى تلاتة من الحضور
في تكسير التلج الذي استمر زهاء ساعة برضو
يقول الكاتب ان جمالا اكتفى بالابتسام معظم الوقت
ولَم ينبث ولا كلمة

دحين سيدي الوزير جاهزين لتكسير اي تلج

ويمكنك ان لا ترد على هذه الرسالة
والوجوه الضاحكة تكفي

هوي يا منعم الطيب
شحاد ما بدي شحاد
وكسار ما بدي كسار
انا زول دوغري جني وجن كسير التلج
تدخل يدك في جيبك تكسب
تكسر تلج بعاين ليك بس