Post: #1
Title: سفّاح الحيوانات
Author: Hatim Alhwary
Date: 05-15-2017, 07:17 AM
Parent: #0
واحد من الوزراء الجدد الشباب الذين ابتلانا بيهم البشير ونائبه بكري
متخصص قتل حيوانات
سفاح برضو وامكن اشر وانكا
زي البشير وبكري ديل بسفحوا دم البني آدميين تحت باب انهم متمردين ومعارضين
انت بتسفح دماء الحيوانات دي بياتو عذر؟
*وضع شدة على الفاء بكلمة سفاح بالعنوان
|
Post: #2
Title: Re: سفاح الحيوانات
Author: عبد العزيز محمد عمر
Date: 05-15-2017, 07:20 AM
Parent: #1
صباحك ورد يا حاتم
كدي ورينا رأيك في الضحية شنو ...؟؟؟
|
Post: #3
Title: Re: سفاح الحيوانات
Author: Hatim Alhwary
Date: 05-15-2017, 07:23 AM
Parent: #2
صباح الورد يا الشغيل
تقصد بالضحية
الحيوانات التي يقتلها؟
|
Post: #4
Title: Re: سفاح الحيوانات
Author: عبد العزيز محمد عمر
Date: 05-15-2017, 07:25 AM
Parent: #3
بقصد ذبح الخراف في العيد ..... لأنه في واحدة فرنسية قبل كدا شنت حملة على المسلمين
وقالت دا ضد الفطرة وضد الإنسانية....
|
Post: #6
Title: Re: سفاح الحيوانات
Author: ابراهيم عبد الوهاب
Date: 05-15-2017, 07:39 AM
Parent: #4
ههههههههههه
عاوز يا عزو تدردقوا
|
Post: #5
Title: Re: سفاح الحيوانات
Author: ملهم كردفان
Date: 05-15-2017, 07:26 AM
Parent: #2
أي قتل جائر لآي كا ئن
حي غير ضار بصوره مباشرة علي الإنسان
مرفوض
لك التحيه ياحاتم الهواري
|
Post: #7
Title: Re: سفاح الحيوانات
Author: ابراهيم عبد الوهاب
Date: 05-15-2017, 07:42 AM
Parent: #1
السيد حاتم
كان عندنا واحد في الحلة متخصص
قتل الكلاب والقطط
ما يكون ولد حلتنا دا البقي وزير
|
Post: #8
Title: Re: سفاح الحيوانات
Author: جلالدونا
Date: 05-15-2017, 07:49 AM
Parent: #7
سجم خشمك يا الهوارى
لا لقيت ليك صيد و لا لقيت ليك وزارة
و كمان حاسد !!!!
يا حليلك يا هيثم غالى
المرّة دى ما غلطت فى الاسم
|
Post: #9
Title: Re: سفاح الحيوانات
Author: Hatim Alhwary
Date: 05-15-2017, 07:54 AM
Parent: #8
Quote: بقصد ذبح الخراف في العيد ..... لأنه في واحدة فرنسية قبل كدا شنت حملة على المسلمين
وقالت دا ضد الفطرة وضد الإنسانية.... |
طبعا مسالة الخراف المهولة البتضبح دي خلال يوم او يومين فيها شبهة اهدار
هل ممكن التبرع بقيمة الضحية نقدا او الاستفادة منها في مجالات اخرى؟
|
Post: #10
Title: Re: سفاح الحيوانات
Author: عبد العزيز محمد عمر
Date: 05-15-2017, 08:05 AM
Parent: #9
Quote: ههههههههههه
عاوز يا عزو تدردقوا |
ههههههههههههه
الجيولوجي دا .. ما بتدردق بي سهولة ....
|
Post: #11
Title: Re: سفاح الحيوانات
Author: محمد البشرى الخضر
Date: 05-15-2017, 09:17 AM
Parent: #10
غايتو يا حاتم برضك مدخلك أخير من مدخل مرتو المذيعة
|
Post: #12
Title: Re: سفاح الحيوانات
Author: أحمد محمد عمر
Date: 05-15-2017, 10:55 AM
Parent: #11
ولا أخير ولا حاجة
مرتو شخصية عامة جمالها معروض جوة البيوت كل يوم وبيشكل 80% من الكارير بتاعها
والتعليق على لبسها شعرها أو أي حاجة في شكلها الجمالي سلوك طبيعي بسبب مهنتها
بكون قلة لو كانت في الشارع لابسة توب وماشة مدنقرة دي مفروض نغض عنها البصر ونحفظها من لسانا
لكن كونه مهنتها بتتطلب متخصصي مكياج بجهزوها بالساعات قبل تطلع الكاميرا معناها مافي مشكلة في التعليق على المجهودات البتبذلها هي وفريق العمل
الكلام في تسابيح حسد سوداني عادي بائن بينونة كبرى لا رجعة فيها
من الله خلقنا شايفين السمحة راجلها ما بستاهلها .. عايزين نقول بنستاهلها نحن ديل لكن بس شايفينها شينة 
وحاة الله يا حاتم قدر ما حاولت أقرأ البوست بدون ما أضحك غلبني
سفاح عديل كدة !
غايتو أديتني احساس الحنكاكيش بتاعين شرير متوحش ناس يوم عيد الضحية جاء عمو الجزار كتل الخروف وقشرو لينا
الشئ ما بتاكل شية! ولا عايش على العدس أبو من غير لحمة !
شوف يا حبة
أي ملاح أكلتو أي شية أي كبدة أي كفتة أي بيرجر جاي من حيوان اتكتل بالطريقة بتاعة ابراهيم الميرغني دي
أي تونة ساردين سمك في واحد متوحش قد شلوفتها بي سنارة وسحبها ولا غشاها بأكل جوة شبكة وطلعها من البحر خلاها تموت بالاختناق البطئ
أي جبنة لبن زبادي سمن قشطة كان مفروض ترضعها نعجة بريئة مسكينة ولا حمل ولا عجل لكن جاء واحد متوحش شال غذاءهم دة وفضى ليهم ضرع امهم
أي بيض ولا كيكة ولا بسكويت داخل في صناعتهم البيض جاء من متوحش مارس جريمة إبادة جماعية لأطفال دواجن كان عندهم مستقبل جميل
فااا شنو
أكل الإنسان العادي لمنتجات اللحوم العادية الناتجة من قتل عادي للحيوانات العادية هو سلوك عادي ما فيه أي شبهة سفح
الما عادي جمال تسابيح دة .. ما ينفعو 
|
Post: #13
Title: Re: سفاح الحيوانات
Author: محمد البشرى الخضر
Date: 05-15-2017, 11:04 AM
Parent: #12
تحب الغلاط يا احمد عمر زي عيونك بقيت ههههه
ياخي هو معرس تسابيح من الليلة ولا امس! الناس ما تناولت السيرة إلّا بعد اعلان الوزارة
يعني من دخل من ذلك المدخل ليس لجمالها او انها شخصية عامة الفكرة النيل منه لأنه قبل ان يشارك الكيزان في وزارة الحوار , دي كل المسالة
ثم ياخي البيض بدون تخصيب الديك ليه لا يعتبر (اطفال دواجن)
|
Post: #14
Title: Re: سفاح الحيوانات
Author: Haytham Ghaly
Date: 05-15-2017, 11:20 AM
Parent: #13
| Quote: الما عادي جمال تسابيح دة .. ما ينفعو |
يا كافي البلا ناس حاسدنو في الغزال البري
وناس حاسدنو في غزال النيل الازرق
ههههههه
غايتو يا احمد محمد عمر عليك جنس حسادة لا حكت ولا بقت
بعدين الهواري ما قاصد بسفاح الحيوانات دي انو فظيع ومتوحش واللذي منو ياخ
متوحش منو يا عمك انت ما شفت الصورة وللا شنو
قرايتك ما تبقى حرفية يا احمد ياخ .. غوص .. تعمق .. اقرأ ما بين السطور
فتح مخك معانا يا مان
تحياتي يا هواري
|
Post: #15
Title: Re: سفاح الحيوانات
Author: أحمد محمد عمر
Date: 05-15-2017, 11:33 AM
Parent: #14
الصورة شفتها قبل 3 سنين في صفحة واحد من شباب الاتحادي المنشقين من المراغنة وكاتب عليها العربية عندو والبندقية عندو والغزالة عندو وهو ذاتو عندو
وكمان في شاعر مشهور علق ليه والغزالة الفي البيت برضو عندو
|
Post: #16
Title: Re: سفاح الحيوانات
Author: أحمد محمد عمر
Date: 05-15-2017, 11:34 AM
Parent: #15
يا البشرى
ههههههه طيب نستبدلها ليك بالكافيار ؟
بيض السمك بطلع ما مخصب وبكون أطفال مستقبل عادي
بالإضافة لي إنه أنا شخصياً كنت باخد البيض المخصب من جدادي كل يوم الصباح وبعدم أطفال المستقبل ديل بعد ما اجتهدوا الديوك في تخصيبهم .. متوحش خلاص أنا
بالنسبة لموضوع الغزالة وتسابيح فهو ما جديد .. ظل يتناولوهو من سنين على الفيسبوك
|
Post: #17
Title: Re: سفاح الحيوانات
Author: Hatim Alhwary
Date: 05-15-2017, 11:39 AM
Parent: #14
تحياتي يا شباب
عزيزي احمد محمد عمر في صور بس ماعارف انزلها كيف ....بصراحة او ماعايز انزلها :)
الوزير دا كاتل ليهو كدروك (خنزير بري)...بل اكثر من كدروك ومتصور معاهم
غايتو الا يكون دا "العشاء" ليهو وللمدام :)
ممكن تفسر لي سفحو لدماء الخنازير البرية شنو ؟
برضو من اجل البروتين ؟
طبعا كلامك عنك اللحوم وحاجة الانسان لها كغذاء وصيد السمك ....دتا موضوع تاني ولا ينطبق على حالة الوزير دا
دا نوع تاني خالص من القتل والسفح للحيوانات...وهى شهوة وهواية مريضة
بجيك في نهاية البوست للدلالات النفسية لمن يمارسون العنف والوحشية ضد الحيوانات
|
Post: #18
Title: Re: سفاح الحيوانات
Author: sadig mirghani
Date: 05-15-2017, 12:35 PM
Parent: #1
كان تحط الشدة فوق الفاء
عشان الفهم ما يتلخبت
|
Post: #20
Title: Re: سفاح الحيوانات
Author: sadig mirghani
Date: 05-15-2017, 01:02 PM
Parent: #1
بمناسبة تعيين ابراهيم الميرغني
زوج هناية وزيرا .
وبعد فوزهم بمقاعد حكومة الحوار
الوطني ...عملوا ليهم احتفال ومدايح وساوند سيستم تقيل ...ودوروا الهتيفه وكان معاهم واحد مسطول فبدأوا....
تكبييير .. الله اكبر.....
تهليييل.....لا اله الا الله ..
قام المسطول فجأه هتف تسبييييح ....الناس كلها قالت احييييييي انا 😂😂😂😂😂😂🔊
منغوووول
والله منغول دون تسرف
|
Post: #21
Title: Re: سفاح الحيوانات
Author: عبدالحفيظ ابوسن
Date: 05-15-2017, 01:10 PM
Parent: #20
وهو زاتو عندو
يعني شنو
اخدونا معاكم نفهم
|
Post: #22
Title: Re: سفاح الحيوانات
Author: محمد البشرى الخضر
Date: 05-15-2017, 01:18 PM
Parent: #21
دا كلام سفاهة يا ود اب سن
السفاهة السودانية المعتادة في النقد السياسي - أو النقد على اطلاقه - للشخصيات العامة
حجة الشخصية العامة الحجة المفضّلة للسوداني كي يستبيح بها العرض و السمعة و الشرف ... إلخ
|
Post: #23
Title: Re: سفاح الحيوانات
Author: عبدالحفيظ ابوسن
Date: 05-15-2017, 01:38 PM
شكرا ودالبشرى
نحن ناس خلا
واقاليم ساي
نضم ناس المدن دة ما بنفرزو
|
Post: #24
Title: Re: سفاح الحيوانات
Author: أحمد محمد عمر
Date: 05-15-2017, 01:53 PM
Parent: #23
بسبب الكلمة دي يا ابو سن المنشور وصل آلاف التعليقات وأعتقد إنه العبارة دي بالذات هي اللي ساهمت في النشر
لأنه بدونها الموضوع مجرد ود راحات مشى يصيد
بتذكر الوقت داك صاحب المنشور رفض يحذفه رغم كمية الرجاءات وقال أنا ما قاصد الفي بالكم وأي زول يقرأ بطريقته
الفكرة إنه عدد مقدر من الاتحاديين زهجانين من سيطرة آل الميرغني على الحزب ومزعلهم تعيين الشافع دة ناطق رسمي بإسم الحزب
شخصياً حضرت ليه حلقة مع الطاهر التوم وشايفه شاب مثقف وواعي وكلّام .. وما عندو :)
أعتقد إنه من أفضل الخيارات المطروحة للوزارات الحوارية بفقه المتاح
|
Post: #25
Title: Re: سفاح الحيوانات
Author: Hatim Alhwary
Date: 05-15-2017, 01:58 PM
Parent: #24
المهم على مسئولية الصفحة بالفيسبوك
وهم صفحة مليونية ما اعتقد مفبركة
ببقى السؤال قائم....الكدروك دا برضو بروتين؟
|
Post: #26
Title: Re: سفاح الحيوانات
Author: عبد العزيز محمد عمر
Date: 05-15-2017, 02:02 PM
Parent: #25
| Quote: نضم ناس المدن دة ما بنفرزو |
أحسن ليك والله ...
|
Post: #27
Title: Re: سفاح الحيوانات
Author: جمال ود القوز
Date: 05-15-2017, 02:23 PM
Parent: #25
Quote:
الصورة شفتها قبل 3 سنين في صفحة واحد من شباب الاتحادي المنشقين من المراغنة
وكاتب عليها العربية عندو والبندقية عندو والغزالة عندو وهو ذاتو عندو
وكمان في شاعر مشهور علق ليه والغزالة الفي البيت برضو عندو
|
حولا ... يا أحمد محمد عمر .. هههههههههههه ..
انت وجماعتك ديل بقت عليكم حسادة المجزّم وفتوهو بي غادي ..
يا أبوحميد والله ضحكتني بي تركيزك على غزلان المداين ..
سليل المراغنة تخصص صيد غزلان .. كان طرف المداين او جوه المداين ..
علقت علي أغنية في الضواحي لي قباني .. فبقت كده بصرة .. ههههه ..
تسابيح شنو كمان (الشيبسي) التشطيبة .. ههههه ..
|
Post: #28
Title: Re: سفاح الحيوانات
Author: أحمد محمد عمر
Date: 05-15-2017, 05:06 PM
Parent: #27
| Quote: سليل المراغنة تخصص صيد غزلان .. كان طرف المداين او جوه المداين .. |
Quote: المهم على مسئولية الصفحة بالفيسبوك وهم صفحة مليونية
ما اعتقد مفبركة |
شفت الصورة واعتقد إنها حقيقية
باقي نسمع وجهة نظرك حول الموضوع
لأنه البقر تشابه علي .. ما شايف تعذيب ولا دماء زائدة عن الطبيعي
ما عرفت هل الحلوف عندو مشكلة تانية غير إنه حرام !
المهم .. ننتظرك تكمل
|
Post: #29
Title: Re: سفاح الحيوانات
Author: ناصر حسين محمد
Date: 05-15-2017, 05:13 PM
Parent: #28
رفقا بالغزال قلت لي ..!!
ده الباقي كملتو كل الفهم وبقت على الصيد الحلال
|
Post: #30
Title: Re: سفاح الحيوانات
Author: Asim Ali
Date: 05-15-2017, 05:29 PM
Parent: #25
ببقى السؤال قائم....الكدروك دا برضو بروتين؟
مش برضو الخنزير حرام والا شنو ؟؟؟ يا ناس الطريق والسياده ؟؟؟؟!!!!!
|
Post: #31
Title: Re: سفاح الحيوانات
Author: جمال ود القوز
Date: 05-15-2017, 06:57 PM
Parent: #30
أكل لحم الخنزير محرم فلايجوز صيده هكذا للمتعة ..
ففي الأمر تعدي خصوصا ان كان لا خطر على حياتك منه ..
غايتو الخنزير القتلة ود الميرغني ده فيه وزر عليه ..
طبعا هو خنزير واحد والصورة مأخوذة من ناحيتين ..
أو بالأصح هي خنزيرة .. هههه ..
|
|
