ترحيب بعودة الباشمهندس حاتم إبراهيم .. شكراً باشمهندس بكري

06:37 AM May, 15 2017

سودانيز اون لاين
محمد عبدالله مختار-
مكتبتى
رابط مختصر

الشكر لسيد الحوش على الإستجابة ..
مرحب يا حاتم وعوداً حميداً .. والله حنست بكري جنس تحانيس قلت ليهو الزول ده يمش وين يخلينا وعندنا مواضيع كتيرة ما حسمناها
حمداً لله على السلامة ..

بالتأكيد الترحيب ده مقدمة لبوست بخصوص عبارة ذكرتها إنت سابقاً في بوست أبوللو

Quote: نعم يمكن بالطبع الإقلاع بصاروخ لكن يستحيل عملياً الهبوط بصاروخ

جبنا ليك فيديوهات فيها تجارب وإتحججت بإنو دي تجارب ساكت وما حاجة عملية .. يا زول أنساك من التجارب
أسبيس أكس بقت ترسل صاروخ كامل يوصّل القمر الصناعي لي مدار منخفض ويجي راجع في أمان الله
الصاروخ القدامك ده (فالكون 9) للمرة الرابعة يوصل المدار ويجي راجع .. أها الفيديو ده في شهر مايو الحاضر ده ..



أها تعال ورينا يعني شنو (يستحيل عملياً الهبوط بصاروخ) ..



_________________________
الدعوة عامة للمشجعين ممكن يساهموا بي أي حنك يحل المعضلة دي

خبر مفرح حقيقة
مرحب حاتم إبراهيم

مراحب كتيرة ياحاتم .... إفتقدناك كثيراً .... شكراً بكري ....
والشكر أجزله ليك محمد عبدالله مختار ....

شكراً للحضور الأنيق .. غايتو رغم إني متأكد إنو بكري بحب الآكشن لكن بكون رجع حاتم ده بعد ما إستلم منو إثبات الشخصية
فاشنو أنا متأكد إنو تحانيسي راحت شمار في مرقة لكن الحمد لله (أيّاً كان السبب) فالشكر الجزيل لي بكري والترحيب الحار بعودة حاتم ..

حاتم يشرف أي صقيعة يبذل فيها إجتهاداتو المجيهة في شتى ضروب المعرفة
عودة مستحقة
وترحيب حار بعودته
شكرا ليك يامحمد

Quote: الشكر لسيد الحوش على الإستجابة .. مرحب يا حاتم وعوداً حميداً .. والله حنست بكري جنس تحانيس

Quote: كراهيتك للإسلام وللرسول الكريم محمد صلى الله عليه وسلم ماليه البورد وما تفتكر إنو الموضوع ده حا يمش ساي ، أي شئ بي وقتو المصدر : الروبوت الخطير والزراعة بالتسطيرالروبوت الخطير والزراعة بالتسطير

Quote: ولا خجلان انو الناس يعرفوا انك ملحد بعد ان فضحك الله ؟؟ المصدر : الروبوت الخطير والزراعة بالتسطيرالروبوت الخطير والزراعة بالتسطير

والله داير أصدقك في موضوع (التحانيس)

تمرقوني جدادة وشبح وما عندي بتاغة بيانات ولا حتى دين أبرد بيهو جوفي؟ زي ما قال الفنان زهير حمد بوسه أبرد بيها جوفي # بوسه أبرد بيها جوفي # بعدين (الله) ما فضحني أنا، كلنا عارفينو فضح منو، شفت العدل كيف؟ إتفاقية ملزمة لمحمد مختار وحاتم إبراهيم لحسم موضوع الDrone ..إتفاقية ملزمة لمحمد مختار وحاتم إبراهيم لحسم موضوع الDrone .. كدي أول شوف لينا موضوع الاتفاقية ومدى (التزامك) بيها، لأنو أنا هسع ما فاضي ليك، عندي جقر كبير راجيهو يمرق من الجحر الاختياري بتاعو، وجراي كان ما ركزت معاهو بيجي مارق فللي ما بتعرفو دا هو ولا ضلو. فما تشتت انتباهي بالله، الواحد ما يقنص لعشاهو معاكم يعني ولا ككيف؟ _______ كتال الجواذيب دا، هسع أقطع فيك منلوج.

هههههه إنت قايل التحانيس دي حباً فيك ؟؟ ما ياهو جايبنك عشان ندخلك الحتات الضيقة دي ..
يا زول والله تشتيت الكورة ما بحلك كدي باصر لينا الإستحالة العملية بتاعة هبوط الصاروخ دي .. البوست ده عن الموضوع ده تحديداً
كلو جاينو والله وأقول ليك حاجة أنا ملتزم بي إتفاقيتي خت الشروط البتريحك بس عندي شرط سغيروني كده .. تجيني إنت ده وما ترسل لي زول
أنا فاضي ليك تب ..

شايفك بعد الرجعة بقيت تقول عبارات غريبة على شاكلة : السلام عليكم ، رمضان كريم ، وحشتونا هههههههههههههههههههههه





______________
شكراً يا بكري .. شكراً ياخ

أول حاجة أكرمني ياخي، الفيديوهات بقت ما بتنزل لي وداير أفتح كشكين بتاعات فيسبوك في بوست الكاونتربوينت والمال.
وحياة خوة المرمطة العودناك عليها دي.

Quote: هههههه إنت قايل التحانيس دي حباً فيك

Quote: شايفك بعد الرجعة بقيت تقول عبارات غريبة على شاكلة : السلام عليكم ، رمضان كريم ، وحشتونا هههههههههههههههههههههه

ومال التحانيس دي حباً في الله قال يعني!

ياخي انت اتدعوشت بعد ما اتدروشت إلا مسكوك ورحمنوك، تقول لي شنو وتقول لي منو! +++ شفت ليك (جدادة) خلا بيجيبوها يدخلوها الصالون أبو موكيت؟ بس بنعيشك في المناخ الأنت معتاد عليهو، _______ توطئة.

Quote: أها تعال ورينا يعني شنو (يستحيل عملياً الهبوط بصاروخ) ..

طيب، نبدأ الدعفسة!

شوف، عملياً يعني (practically) بمعنى يمكن توظيفها للأغراض الحقيقية وليست الاختبارية. أضف إلى أن سياق الجملة جاء في خضم الحديث عن التقنية قبل 45 عام ولغاية الوقت داك ناسا لا تحلم بأن تحل هذه الإشكالية ناهيك عن أن تهبط بها على سطح كوكب تزعم بأنها هبطت عليه ولعبت الغولف. إضافة لذلك إلى الآن (2017 بعد ميلاد المسيح) لا تزال التقنية مجرد تجارب، مش على مستوى الصواريخ، بل حتى على مستوى المركبات المسطحة من ذوات الأرجل والتي هي قطعاً أسهل في التطبيق، وعندك ياهم ناس ناسا ليوم الليلة بيجربوا على لعبات صغيرة وفي هناغر مغلقة https://youtu.be/5wvfttcOF4Y وفرحانين بالنتائج (الحالية) فرحة بصفقتها وصفافيرها وقالوا حيطبقوها مستقبلياً، بعد ما بقت تاريخ عتيق حسب زعمهم، تصور! https://youtu.be/1CReyk9RYz8 شرشحتو! _______ ليكم.

Quote: عملياً يعني (practically) بمعنى يمكن توظيفها للأغراض الحقيقية وليست الاختبارية.

قلت لي عملياً يعني Practically ؟؟
فكي حاتم ركز معانا عليك الله .. الفيديو الفوق ده بيزنس (توصيل قمر صناعي) وليس تجربة ، واهو قدام عيونك صاروخ قدر ميضنة الجامع مشا وجا نازل في أمان الله

Witness liftoff from Kennedy Space Center’s Launch Complex 39 as the SpaceX Falcon 9 rocket launches from LC-39A carrying the communication satellite for Inmarsat, based in London.

كلمة (مستحيل) القلتها دي تعال فسرا لينا بالله وخلينا من الجداد والموكيت ، قلت ليك تشتيت الكورة ما بحلك مني
عندي مجموعة من أقوالك (الماسورة) بخصوص الموضوع ده كلها جاية في الطريق ان شاء الله

Quote: أضف إلى أن سياق الجملة جاء في خضم الحديث عن التقنية قبل 45 عام ولغاية الوقت داك ناسا لا تحلم بأن تحل هذه الإشكالية

ما تحاول تحنك الناس بإنو ناس زمان ديل ما كانوا ناقشين حاجة والتلفزيون كان ابيض واسود .... الخ ، أهو عندك من الستينات وحتى يومنا هذا لا يوجد صاروخ (مطلقاً) في ضخامة وكفاءة Saturn V .. صاروخ يطلق 20 طن من الوقود في الثانية ويؤدي مهامه على أكمل وجه ولم يحدث مطلقاً أن حدث له أي فشل في أي من المهام العملية

قلنا نساعدك بي أول اقلاع لملكة الأجواء (الكونكورد) سنة 1969 نفس السنة النزلوا فيها القمر ، اهو نحنا في 2017 والفرق شاسع بين سرعة الطائرات الآن وبين الكونكورد وكذلك التصميم الذي تتواضع أمامه كلمة إبداع

Quote: قلت لي عملياً يعني Practically +++ كلمة (مستحيل) القلتها دي تعال فسرا لينا بالله

نخت ليك فوقها شدة؟

مشكلتك بتعاين لأحداث آنية، وأنا ذكرت كلمة (مستحيل) في سياق مشروع أبولو سنة 1969. فما عارف الملاطعة دي تستفيد منها في شنو؟ هل تلمح إلى أن التقنية موجودة منذ السبعينات مثلاً؟ ياخي ناسا بتتكلم عن مركبات مأهولة نزلت بنفس التقنية دي في القمر في السبعينات فهل تجي في الثمانينات والتسعينات تتكلف المليارات عشان تضع أقمارها بصواريخ تقليدية تقع في البحر بعد دقائق؟ طيب يا سيدي، السماء فيها ما يقارب أربعة آلاف قمر صناعي قديم وجديد تم إطلاقها منذ السبعينات. أدينا اسم واحد فيها، قمر واحد بس تم إطلاقه بصاروخ متعدد المهام (يعني يطير ويرجع ينزل بقاعدته) قبال تأسيس شركة إسبيس إكس. فإذا أفلحت في تسمية قمر واحد من الأربعة آلاف ديل، معناها كلمة (مستحيل) بتاعتي دي تبقى غير صحيحة، غير ذلك دا يبقى ضياع زمن ولكاعة منك ساكت. _____ صعبة دي؟

الناس بتاعين ناسا ديل

بيجو في الالفية التالتة يعيدوا التجارب والاختبارات لتطبيقات زعموا أنهم نزلوا بيها في القمر قبل 45 سنة؟ البذار دا لزوموا شنو؟ مش نجحت في السابق وجربتوها وبقت عملية (practical) فمعناها المسألة مجرد روتين لا يحتاج تجارب ولا كوراك. نسخة فيديو جديدة الحاصل فوق دا تجارب على نماذج مصغرة، وياريتها بالحجم الطبيعي، والفيديو منشور سنة في 2011 ومع ذلك ذلك طاروا السماء من الفرح وتسمع الصفقة والصفافير، عشان (التجربة نجحت). ديل يكونوا أشبال ناسا يا ربي؟ _____ واحتمال البراعم، ما بعيد.

آسف لعدم الترحيب بالإخوة
فرح الطاهر أبو روضة
وحيدر حسن وبابكر قدور،

ويشرفني كتير تهنئتكم لي بالعودة وآمل في حسم هذه الهلوسات في أسرع فرصة.

الزول دا بدأ كلامه بالتملق وحركات الموظفين ديك (حنست ليك تحانيس قال)،
وهو كان داير يقطع رقبتي لو لقى طريقة هههههه

حباب الباشمهندس حاتم والله

زول مفيد جدا


بس يخلي حركاتو الماياها ديك

حباااااااب حبيبنا حاتم ... جيدآ جيت .

ليك وحشاااااااااات .

مرحب حاتم
وهو من الاقلام التي تستوجب التقدير ايا كان موقفك منه
يجيد عمله
ويأخذه بجدية
ويبذل فيه جهدا
وهو من الاذكياء الذين تعجبني كتاباتهم
يضيف لسودانيز جدية وصرامة علمية

مرحب حاتم
وهو من الاقلام التي تستوجب التقدير ايا كان موقفك منه
يجيد عمله
ويأخذه بجدية
ويبذل فيه جهدا
وهو من الاذكياء الذين تعجبني كتاباتهم
يضيف لسودانيز جدية وصرامة علمية

Quote: مرحب حاتم وهو من الاقلام التي تستوجب التقدير ايا كان موقفك منه يجيد عمله ويأخذه بجدية ويبذل فيه جهدا

مرحب أستاذ عبد الحفيظ

مشكور على الثقة والمساندة. أهو شغالين مع أخونا ود مختار بندرجو بشيش بشيش وبجدية لكن بنطعمها ليهو بشوية هزل عشان ما يسخن وبكرة يجي يهاجم من منطلقات لاهوتية. ______ بغية تحقيق نصر سماوي.

Quote: حباااااااب حبيبنا حاتم ... جيدآ جيت . ليك وحشاااااااااات

الأميرة منى عمسيب

كيف الأخبار في هولندا بلد الأزهار والازدهار! ______ منورة البوست بتلاتة ميغاوات.

=

أوووووو... أخيراً ... شخص الدين شمسياً ؟! .
حمداً لله على سلامة العودة

وقيقاوات من الترحيب

تحياتنا لكم ولصاحب البوست وضيفة البوست وضيوفه
...
..
.

Quote: مشكلتك بتعاين لأحداث آنية، وأنا ذكرت كلمة (مستحيل) في سياق مشروع أبولو سنة 1969

فكي حاتم إنت ما ذكرت سنة 1969 وسكتّ بل إنت مصر إنو الحاجة دي مستحيلة حتى في الألفينات
الكلام التحت ده برضو تبعك :

Quote: الحقيقة أنه وحتى الآن 2014 لا يمكن الهبوط بمحرك صاروخي

لو كنت قاصد سنة 1969 جايب سيرة 2014 ليه ؟؟
الحقيقة المجردة الواضحة إنك كنت مؤمن تماماً بإنو الكلام ده مستحيل لغاية ما شفت بي عينك وهسي بقيت تحاول تشوف ليك طريقة مخارجة بي إنو الكلام كان في (سياق) سنة 1969
أنصحك من هسي تشوف ليك طريقة مخارجة لي موضوع الهبوط على سطح القمر .. مسابقة قوقل للهبوط على سطح القمر في مرحلتها النهائية ، التصوير حيكون HD يعني الحنك بتاع زمان ده ما بجيب حقو

شكرا يا باشمهندس محمد مختار على الاسهام في عودة حاتم

وجودكما وصراعكما خلق لنا جوا مختلفا في مجالات مختلفة على كل حال هي رائعة ( حتى في شخصنتها هههههههه)

أنا شخصيا حاتم هذا يذكرني بشخصية العقاد المصري ( محمود عباس العقاد )

كما هو معروف صاحب القدح المعلى في التعليم الذاتي والاطلاع الكثيف في عدة مجالات .

والكتابة في الصحف في ذاك المجالات
ومن ثم جمعت مقالاته في سلسلة كتاب أسمه يوميات العقاد .
كتابات العقاد في المجالات العلمية المختلفة خلقت له صراعات مع العلماء المتخصصين

أذكر من ضمنها كان كتب في علم الفلك عن الثقوب السوداء وما هيتها .
انبرى له عالم فلك دكتور في الجامعة .وانتقده وخطأ مذهبه ..
وتوالت السلسلة بين الرد والرد المضاد
حتى هي لم تخلو من الاستفزاز والشخصنة ..
أنشاء الله نلاقيها في النت ونفتح لها بوست
لكن هي على كل حال ظاهرة صحية ورائعة
نرجو ألا يتحسس منها أحد .
ونرحب مرة ثانية بعقادنا السوداني
حاتم ابراهيم

التحية لضيوف البوست الكرام ..

Quote: لو كنت قاصد سنة 1969 جايب سيرة 2014 ليه ؟؟

خير

لغاية 2014 دي، هل ممكن تدلنا على اسم مشروع تم فيهو استخدام التقنية عملياً؟ يعني شالوا بيهو قمر صناعي مثلاً. لأنو الاستحالة العملية كانت واضحة، أما التجارب فمتاحة في ظروف تختلف عن الواقع، عندك مثلاً الموصلات فائقة التوصيل الكهربائي تتحدث عن طاقة شبه مجانية، هل دا متاح حالياً؟ أبداً هنالك استحالة في التطبيق وإلا لرأيناها في الواقع، لكن التجارب موجودة في الظروف المعملية. أنا بعرف ناس كانوا بيفترضوا إمكانية زراعة مشروع الجزيرة بالدرون أبو بطاريات، من واقع نجاح تجربة على (حوض تربة) لا يزيد عن حجم صندوق تورتة. لذلك ممكن دلوقتي، 2017 ميلادية، أؤكد استحالة تحقيق هذا الحلم. ______ حاول مرة أخرى.

Quote: لذلك ممكن دلوقتي، 2017 ميلادية، أؤكد استحالة تحقيق هذا الحلم.

هههههههه جلجغت كما قال ود الباوقة .. فكي حاتم إنت كده جبت آخرك

ده فيديو سنة 2014 ..

فكي حاتم .. إنت مشكلتك في (الهبوط بمحرك صاروخي) مالك ومال القمر الصناعي؟ ركز معانا عليك الله
جبنا ليك الفيديوهات وأثبتنا ليك إنو الحاجة دي حاصلة تاني المكابرة في شنو ؟؟

نسيت أقول إنو فكي حاتم مستغرب الناس بتعمل تجارب في حاجة إتعملت قبل سنين ليه ..
السبب بسيط جداً .. تطوير في ظروف مختلفة وأغراض مستحدثة ، هسي دي دايرا ليها درس عصر ؟؟
عندك الباراشوت استخدموهو في الكبسولات الفضائية للهبوط نهاية الخمسينات وهسي في الفيديو ده تجارب جديدة للباراشوت على أورايون ، الغريب شنو ؟؟

Quote: يا زول أنساك من التجارب أسبيس أكس بقت ترسل صاروخ كامل يوصّل القمر الصناعي لي مدار منخفض ويجي راجع في أمان الله الصاروخ القدامك ده (فالكون 9) للمرة الرابعة يوصل المدار ويجي راجع

لست أدري، لكن يبدو لي أن ظهور شركة اسبيس إكس - في حد ذاته - ينسف حقيقة منجزات أبولو، لأنها تبدو سائرة عكس التاريخ التكنولوجي أي تسعى جاهدة لتحقيق ما حققته أبولو قبل عشرات السنين؛ بينما يفترض أنها تبدأ - وفقا لمنجزات أبولو والتراكم التكنولوجي الذي يفترض حدوثه من سبعينات القرن الماضي- من مهام مثل نقل بعض الأشياء من القمر إلى المريخ! (اللهم إلا إذا كانت اسبيس إكس مركبة مكنة كوريا الشمالية شايتة براها). التفسير المنطقي الوحيد هو اعتبار وصول الإنسان للقمر معجزة لم تتكرر مثل المعجزة التي قام بها من أوتي علم من الكتاب وأتى بعرش بلقيس قبل أن يرتد طرف سيدنا سليمان عليه السلام إليه.

مرحب دكتور محمد الأمين ..
أسبيس أكس لا تسعى لتحقيق ما حققته ناسا .. أسبيس أكس شركة خاصة إستفادت كثيراً من إحالة ناسا لقراية العشرة آلاف مهندس وفني بسبب الضائقة المالية ووظفت عددا كبيرا من الخبراء وهذه الشركة لها أهداف تجارية وترى الآن أمامك أن معظم الأقمار الصناعية الجديدة يتم توصيلها الى المدار بواسطة التعاقد مع شركة أسبيس أكس ..
ناسا الآن لديها روفر في المريخ ويرسل الصورة والمعلومات بصورة دورية وناسا فعلياً وبعد قرابة عشر سنوات من إطلاق نيوهورايزونس وصلت بلوتو
التجارب الحالية لناسا تركز على إرسال بشر الى المريخ .. لا مقارنة على الإطلاق بين ناسا وأسبيس أكس

ناسا أعلنت رسمياً أن وجهتهم إرسال بشر الى المريخ .. هل هذه خدعة جديدة كما يظن الفكي حاتم ؟؟

Quote: إنت مشكلتك في (الهبوط بمحرك صاروخي) مالك ومال القمر الصناعي؟ +++ تطوير في ظروف مختلفة وأغراض مستحدثة ، هسي دي دايرا ليها درس عصر ؟؟ عندك الباراشوت استخدموهو في الكبسولات الفضائية للهبوط نهاية الخمسينات وهسي في الفيديو ده تجارب جديدة للباراشوت على أورايون ، الغريب شنو ؟؟

الغريب فهمك الطوباوي

قبل شوية حكينا ليك عن الموصلات الفائقة وقلنا ليك حققوها في ظروف معملية، هل دا معناها أنها جاهزة للتطبيق؟ بنفس المنطق أنا ذكرت بوضوح استحالة الهبوط العمودي للأغراض العملية وأنا شايف التجارب من سنة 1969، لكن ما شايف تطبيقها في نقل أقمار صناعية تجارية، وحتى الفيديو بتاعك الفوق دا مكتوب عليهو (Flight test) يعني مش غرض عملي معتاد، ممكن ببساطة يكون مشروع أكاديمي (Proof of concept) مجرد الكونسبت وليس التقنية، وإذا نجحت بصورة (عملية) فقط في العام 2017 فدا أكبر دليل على فشلها قبل ذلك وبالتالي كذبت ناسا وأصاب حاتم. +++ الباراشوت استخدموهوا للتحقق من مناسبته للمركبة جديدة بتصميم مختلف، مش عشان (يتأكدوا) من اختراع جديد اسمو (المظلة). هسع انت دا في رويحتك دي لمن تمشي السوق تشتري جزمة جديدة بتجربها كاختراع جديد ولا عشان تشوف مناسبة مقاسها لضلفك؟ ______ درديري كباشي إزيك، بعلم فيهو والله.

Quote: وإذا نجحت بصورة (عملية) فقط في العام 2017 فدا أكبر دليل على فشلها قبل ذلك وبالتالي كذبت ناسا وأصاب حاتم.

فكي حاتم إنت بتفهم كيف ؟؟ هل كانت تجارب ناسا في الستينيات إنو يوصلوا قمر صناعي للمدار ويرجعوا الصاروخ تاني ؟؟ على العكس تماماً ناسا كانت بتخترع في صاروخ يتفكك لي 3 مراحل .. المحرك الصاروخي الخاص بالهبوط في القمر للعلم فقط ما عملتو ناسا زاتا بل واحدة من الشركات المتعاقدة في برنامج الفضاء فاشنو ارحم نفسك من البتعمل فيهو ده
ثم إنو شرح الباراشوت ده أنا جبتو ليك عشان اقرب ليك الفهم لأنك مفتكر التجربة ما بتتم إلا في حاجة جديدة وأنا وضحت ليك إنو الباراشوت ده موجود من زمن حفرو البحر وإستخدموهو في الكبسولات الفضائية في نهاية الخمسينيات ولا زالت التجارب مستمرة لموافقة الأغراض المستحدثة (الكلام ده قلتو ليك قبيل وقلت ليك انو ما محتاج درس عصر) ..

يا درديري ما عملت فينا خير أها عمك صدق إنو العقاد

Quote: لست أدري، لكن يبدو لي أن ظهور شركة اسبيس إكس - في حد ذاته - ينسف حقيقة منجزات أبولو

بالضبط ومن اكتر من وجه

فمقابل حوالي 20 ألف موظف في ناسا وحوالي نصف مليون فرد موزعين على الجهات المتعاقدة نجد اسبيس اكس توظف إجمالاً ستة ألف موظف، معظمهم شباب يلبس الجينز ويلوك اللبان أثناء العمل بعكس قوانين ناسا الصارمة. ومع ذلك فالشركة تعيد (اختراع) تقنيات تزعم ناسا بأنها استخدمتها قبل 45 سنة ومنها تقنية الهبوط العمودي الذي تعيد ناسا ذاتها (تجاربها) عليه وتفرح للنتائج، فإذا كانت لديها التقنية قديمة وممارسة بصورة روتينية فمن الأولى أن تزود بها شركة إسبيس إكس بدلاً من تركها تصارع الفشل فترة 15 سنة منذ عام إنشاءها في العام 2002، أليس كذلك؟ كلهم أمريكان. ناسا مضخة شافطة للمال العام لدافع الضرائب والكل يعلم ذلك وظهور الشركات التجارية الصغيرة يرجح أن الإدارة الأمريكية في سبيل تصفيتها، فمشروع المكوك لوحده اتضح أن تكلفة صيانة أكثر من صناعة صاروخ ساتيرن 5 القديم، مع أن الهدف من المكوك هو تقليل الخسائر، ساتيرن 5 لم يقتل أحد في السماء، ولكن المكوك قتل أكثر من عشرة أفراد (شالنجر + كولومبيا). تجارب إسبيس إكس أثبتت أن حفنة من الشباب يمكنها أن تنجز أضعاف ما يفعله (خبراء) ناسا وبعشر التكلفة ولنفس الغرض فلماذا تستمر ناسا؟ ______ أما حكاية الهبوط على القمر فدا حلم قديم متجدد.

Quote: ناسا كانت بتخترع في صاروخ يتفكك لي 3 مراحل .. المحرك الصاروخي الخاص بالهبوط في القمر للعلم فقط ما عملتو ناسا زاتا بل واحدة من الشركات المتعاقدة ++ وأنا وضحت ليك إنو الباراشوت ده موجود من زمن حفرو البحر

آي كلامك صاح، أنا ما كنت عارف.
تراني.
عشان كدة قلت نفس كلامك دا سنة 2009 في شبكة المعلومات الدولية
أظن اسمها (الاونترنيت)

سلامات الاخ محمد عبد الله مختار
مرحب بالاخ حاتم ابراهيم
حمد لله علي السلامة و عودا حميدا