سجم الحِلّة، إنتو بس شوفوا الصور وِاتمحنوا ...

00:53 AM May, 15 2017

سودانيز اون لاين
معاوية المدير-بكندا محافظة البرتا
مكتبتى
رابط مختصر

<>

<>

>



نبشركم جميعاً بأنّ كل الصور تمّ تحميلها عن طريق موقع سودانيز اون لآين،
يعني أيقونة تحميل الصور Upload Picture تعمل الآن ...

معاوية أعمل حسابك
ما تقوم من النوم تلقي روحك قرد

الجماعة ديل بسختو///

ينسخت اكتر ما لاهو يا الصاوي

هسع يجوك الجماعة عييك وعاك وفي نفسهم يقولوا " ليتنا كنا مكانه"
بس مختشين
الشينة منكورة

عمك عنده حواشة مسورة يا معا ...

كسرن عليهو غنم ... و دوروا اكل ...

سيد الحواشة جا طاير داير يطردهم ... جاهو الراعي و قال ليهو يا زول انت مجنون .

انت ما عارف ديل غنم سيدي ؟

عمك سكت و اتمحن ... الغنم رعوا زييين ... و كت جو مارقين عمك عاين و قال ليهم :

ما بدري يا خُـــلَفا ...

دي بالفت فيها يا باشمهنس
سجم الغنم

............

أرتضوا من الغنيمة بالأحذية .....

عندما يكون العقل ابن جزمه لن يرتضي لأمه الهوان

ياود المدير اخبارك
ياود المدير الواحد كم فخور باهلنا الانقرياب لم تسحبهم اوتمنعهم علاقة الرحم مع السيد على المرغنى البحث عن مصالح شخصبة او الانتماء لى اى حزب لم تتجاوز نطاق الافراح والاتراح تجدهم متواجدين فى كل الاحزاب (لاانا ولاانت ختمية) و لم اكتب دفاعا عن الصورة ولكنها ايضا تتضمن رجل نفسة كبيرا جدا جدا لم امدحة لصلة الغرابة التى تربطنى بة اوكزوج ابنت خالتى ولكن هى الحقيقة بكل معانبها من كلمة

ولابضاح الصورة للمنداخلين والدة السيد على المبرغنى من اهلنا الانقرياب اسمها امنة النور
لامعرفة لى بما شملتهم الصورة خلاف ماتربطنا بة علاقة وهو الذى يقف فى الخلف فى اقصى يمين الصورة لابس العمامة والنظارة وهو احد ابناء الانقرياب والدة شقيق والدة السيد على ا لميرغنى يعنى ابن خالة مباشرة
يسكن الحاج يوسف المايقوما فى منزل اكثر من متواضع وابنة الوحيد حضر للمملكة السعودية
يبحث عن عمل اتمنى ياود المدير ان تجمعك الظروف بة وفى منزلة ستجد نفسك امام رجل يندر امثالة فى هذا الزمان

(-) دا ساهل ممكن يغسل اياديه كعب البشرب موية غسيل الرجلين بتاعت الوضوء !!

يا ناس هووووووووي،
البركة فينا ؤ فيكم ...

يابرنس ياخ ماتبالغ كمان
موية غسيل كرعين
بالله هو الراجل دا تابع لي الخلفاء
انا قايلو كوز
محن

قلت أحسن أكون تقيّل
أنا ما جميّل،
ؤ بقيت تقيّل
لآمن سقوك موية الغسيّل
الوآطة اصبحت داير انوم
قام تاني جاب سيرة البحر !.
...

طيب ما قال فى اللقاء الصحفى هو شخصية قومية وما عندو علاقة بتنظيمات سياسية ؟؟وبعدين صراحة فى اجاباته بشان شهاداته المزورة ما عجبنى اجاباته مضطربة وقد يكونوا الناس الروجو لاتهامه بتزوير شهاداته محقين فيما زعموا فالرجل من خلال هذه الصور ومن اجاباته فى اللقاء الصحفى يبدو انه شخص بتاع لف ودوران.

(-) دا ساهل ممكن يغسل اياديه كعب البشرب موية غسيل الرجلين بتاعت الوضوء !!
--
يابرنس ده منظر شوفتو بعيني ورب الكعبة في حلتنا (الإمتداد الشرقي) حين دعاه رجل الأعمال الراحل محمد عمر لزيارة منزله
الحريم وبعض الرجال تزاحموا في الطشت (لاحظ موية الوضوء لاتذهب للأرض)
اللحقت قطرة موية إتمسحت بيها وشيخنا يعاين سااااكت ولا قال ده غلط (لانه عارف حايخسر كثير)
نحن مصيبتنا يعزو فيها كما يقولون

Quote: معاوية أعمل حسابك ما تقوم من النوم تلقي روحك قرد الجماعة ديل بسختو///

وحات الله زمان لآمِن كنت سغيّر كنت بخاف أدخل
اللوضة الفيها الفضية، عشان الفضية فيها البرآد ...

(-) محن يا اخونا حيدر تحير العقول وجهل في اعلى مستوياته يمارسه البعض اما جهلا او تجاهلا
(-) هذه المياة غذره وستسبب امراض والمصيبة شيوخ الصوفية عاجبهم الكلام دا وساكتين عليه خوفا من فقدان الهيبة لكسب الناس بالعاطفة
(-) الله المستعان على كل حال الي الله المُشتكى وعند الله تجتمع الخصوم كما يرددها مشايخنا

(-) عندي فيديو في الجوال ارسلوا لي واحد اخونا فيه شيخ قدر الدفار ما شاء الله عليه
(-) يتوضأ ويغسل في (كرعينوا) والجماعة مدقرين تحت يشربوا في موية الوضوء بتاعت غسيل (الكرعين)
(-) عليك الله يا sadig mirghani دي ما محن تحير الزول !!!!

أنا ما شايف فيها حاجة غايتو

هسع الرئيس الأمريكي قالو طوالي محل ما ماشي بيباريهو زول شايل شنيطة فيه (الشفرات) بتاعة الصواريخ النووية تحوطاً لقيام الحرب في أي لحظة. فانتو حقو تشجعوا (الصناعة الوطنية) من باب أولى. مش يمكن ديل شفرات (السخاتات)؟ _____ بعدين قصتو شنو الزول دا، باقي أنا كنت مافي.

الصورة دي ما فيها أي حاجة
شخصيا لو كنت مرافق أو جزء من تأمين شخصية دينية مشهورة زي الميرغني، ودا عملي الباكل منو وبأكل من عيالي، وكنا حضور في صلاة في جامع عام يعج بالمريدين،
موضوع تحضير النعلات له بعد الصلاة وبالسرعة المطلوبة بتكون من أولويات تفكيري + بحرص إنّو السائق ما يصلي معانا ويكون جاهز بالعربية مدورة في مكان قريب جدا من المخرج.
الاحتكاك بالمريدين الرجرجة صعب التخلص منو.

أحيي هذا الرجل المنجض شغلو

Quote: ينسخت اكتر ما لاهو يا الصاوي

ؤ كُلُو جمعة نزور الضريح،
بلآلِي متين يجي ...

Quote: هسع يجوك الجماعة عييك وعاك وفي نفسهم يقولوا " ليتنا كنا مكانه" بس مختشين الشينة منكورة

يا عمّك وحات خُوتنا أنا أسرع
من الكنجروّت ...

Quote: ما بدري يا خُـــلَفا ...

Quote: أرتضوا من الغنيمة بالأحذية .....

رجع بِخُفي حنيّن .
...

(أحيي هذا الرجل المنجض شغلو)

وزيادة في النجاض شايل جوزين... تحت الإبط واحد فهو في حرز أمين وقبضت الكف على جوز باصابع التمكين
فصروف الدهر غير مأمونة، والنفس البشرية بالسوء مشحونة، وربما سطا على النعلين لص من الدهماء والغوغاء والرجرجة و حثالة القوم ممن لا يرعوى عن سرق بصلة أو ليمونة، فهل يسلم حامل النعلات قفاه للص نفسه بالشر مسكونة؟

يا ود المدير
انت قايل الحكاية دي الواحد بحصلا بالساهل؟؟؟
احتمال كبير يكونوا عملوا قرعة

خخخخخخخخخخخخخخخخخخخخخ

لامن كانوا السيادة بجوا كادقلى يا معاوية..
المواطنين بشيلو التراب المّرت عليه عربية سيدى ويتمسحوا بيه..
و بعدين يتشاكلوا على موية البلاعة مكان ما بستحمى..
و يتمسحوا بالموية..
ويقولوا ليك دى بركة سيدى..

الواحد كان ما الملامة وحرارة القلب..
كان رفع ايده من السودان دا ظاهر وباطن..

لولا وليلى ديل مالم؟

يا شباب يعني الحكومة هيلة تكنوقراط طلعت دعاية ؟





ولكم التحية ...

هسي دي فرحة يفرحها زول شايل ليهو جوز نعلات واصحابها موجودين معاهو ؟؟؟
ست البنات.

Quote: عندما يكون العقل ابن جزمه لن يرتضي لأمه الهوان

يا ملهم خليهو يديها بوسة بوستين عشان يدخل الجنة ...

Quote: عقارب الساعة كانت تشير للساعة التاسعة أمسية يوم (الجمعة)، والمحل القصر الجمهوري. حضر كل وزراء حكومة (الوفاق الوطني) لأداء القسم أمام رئيس الجمهورية عمر البشير حسب العرف السائد. كان وزير العدل أبوبكر حمد ضمن مجموعة الوزراء الجدد المنتظر أداؤهم القسم، ولكن قبل وصول الرئيس عمر البشير، وقبل التوجه تلقاء المصاحف، طلب موظف مراسم القصر الجمهوري بلباقة من وزير العدل الجديد الانسحاب إلى أحد القاعات الجانيبة إلى حين ترتيب بعض الأمور، ومن ثم يلحق برصفائه الوزراء، ولكن في الواقع لم يحضر الوزير الجديد بعدها، الأمر الذي بعث أكثر من علامة استفهام. (الصيحة) استنطقت د. أبوبكر حمد عن سر تنائيه قبل أداء القسم وخرجت بالمحصلة التالية. حوار : عبدالرؤوف طه · لماذا منعت من أداء القسم ضمن الوزراء الجدد؟ – هو ليس منعاً. · إذاً ماذا تسميه؟ – هو تأجيل. · لماذا تم تأجيل أدائك للقسم دون غيرك؟ – تم تأجيل اثنين من الوزراء من أداء القسم. · من هو الوزير الآخر؟ – لا أدري. · نعود لسر ما وراء التأجيل؟ – هنالك عدد من الدستوريين لم يؤدوا القسم منهم بعض مساعدي رئيس الجمهورية. · لم تحدثنا عن سر التأجيل فيما يليك شخصياً؟ – حسب قولهم إن سر التأجيل لمزيد من التداول في الأمر. · تدوال في أي أمر؟ – تدوال في شأن الذين لم يؤدوا القسم. · التدوال حول ماذا؟ – الأسافير تتحدث ولذلك تم تأجيل أدائنا للقسم. · يقال إن شهادة الدكتوراه التي تحملها مزوّرة؟ – هذه أحاديث من خيال بعض الناس. · من أين جاءت هذه الأحاديث؟ – من 7 أشخاص. · هل ستلاحق من قالوا بتزويرك شهادة الدكتوراه قضائياً؟ – أملك ماجستير في جرائم المعلوماتية وسأقوم بملاحقة من قاموا بذلك وسأعرف من هو أول شخص قام بكتابة هذه الموضوع. · كيف ستتعرف عليه؟ – أنا متخصص في هذا الشأن وسأعرف أول من قام بإرسال هذه المعلومة. · كيف عرفت أنهم 7 أشخاص؟ – المهم عرفت من هم وسأقدمهم لمحاكمة وسأقول لهم أنتم قلتم إن شهادتي مزوّرة. · هل هنالك شخص محدد يقف وراء هذه الاتهامات؟ – نعم هو شاب مقيم في قطر، وقد قام بإصدار اعتذار في حقي بعد الاتصالات التي تلقاها من بعض الأشخاص وقالوا له هذا عيب منك. · هل اتصلت على الشاب الذي قال بتزوير شهادة الدكتوراه؟ – اتصلت على أهله وأخبرتهم بالأمر وللأسف هو يعمل الأن مستشاراً قانونياً في قطر. · هل ينتمي لحزب سياسي؟ – ينتمي لحزب المؤتمر الشعبي. · ماذا قلت لأهل الشاب الذي شكّك في شهادة الدكتوراه؟ – قلت لهم هذا ما صدر من ابنكم وهذا كلام خطـأ وعليكم أن تتحدثوا معه في الأمر. · هل تملك مستندات كافية تنفي ما صدر من الذين شككوا في شهادة الدكتوراه؟ – الشاب الذي سرب الاتهام أرسل اعتذاراً. · ماذا قال في اعتذاره؟ – قال أنا من سرب الاتهام وأبوبكر حمد صاحب مقام رفيع وغيره من الكلمات. · لكن مازال الاتهام يلاحقك؟ – هنالك معايير للمشاركة في الحكومة من ضمنها أن يحمل أي شاغل منصب تنفيذي درجة البكالوريس كحد أدنى وبالنسبة لوزير العدل هو أن يحمل بكالريوس بالإضافة لاجتياز امتحان (المعادلة). · أيضاً يقال إنك لا تحمل شهادة اجتياز المعادلة؟ – أحمل شهادة اجتياز المعادلة وقدمت سيرتي الذاتية شاملة وتمت مراجعتها والآن هي بطرف الآلية. · تقول قدمت سيرتك الذاتية وهنالك من يقول إنك لا تحمل شهادة اجتياز المعادلة؟ – الشاب الذي يتبع لحزب المؤتمر الشعبي قال في الأسافير أن أبا بكر حمد لم يدرس حتى في جامعة الخرطوم ولا يملك معادلة. · للتاريخ هل تملك شهادة دكتوراه حقيقية؟ – أملك ثلاث شهادات ماجستير وشهادة دكتوراه وسأدخل من روجوا لعدم امتلاكي شهادات المحاكم وممكن أدخل مروجي الشائعات السجن بأنني أملك دراسات عليا من أمريكا كحد أدنى. · متى جلست لامتحان المعادلة؟ – نعم جلست ووقع على شهادة المعادلة هو د. حسن الترابي زعيم المؤتمر الشعبي الذي يروج منسوبو حزبه بأنني لا ملك شهادة معادلة. · بأي صفة وقّع الترابي على شهادة المعادلة التي تخصك؟ – كان وزير عدل عندئذٍ ومعروف أن وزير العدل يوقع على شهادات المعادلة وهذا ما سأفعله في الفترة القادمة. · هل نفهم بأنك تتوقع مباشرة عملك في منصب وزير العدل؟ – انا واثق من سلامة موقفي تماماً وسأقوم بأداء القسم وساقوم بأداء مهامي قربياً. · هنالك حديث عن طردك من قطر بسبب تزوير شهادة الدكتوراه؟ – هذه أكاذيب كبيرة جداً جداً (كررها مرتين). · هل كنت تعمل في جامعة قطر وتم فصلك؟ – كنت أعمل معهم كمتعاون وزوجتي تعمل الآن في جامعة قطر. · كم من الزمن عملت في جامعة قطر؟ – عملت على مدى أربع سنوات ولكن هنالك من روج وقال إنني عملت ستة شهور وطردت بعد ذلك، وللمعلومية أنا ظللت بقطر على مدى ثمانية أعوام. · إذاً لماذا تركت العمل في جامعة قطر؟ – أصلا لا علاقة لي بجامعة قطر بل أعمل معهم كمتعاون وحالياً أتعاون مع ست جامعات بالسودان. · أقصد لماذا تركت التعاون مع جامعة قطر؟ – تركت التعاون معهم من تلقاء نفسي. · لماذا؟ – لأنني استقررت بالسودان. · حدثنا عن طريقة التعاون بينك وجامعة قطر؟ – كنت أتلقى اتصالاً من جامعة قطر بداية كل فصل دراسي (سمستر) وألقي محاضرة واحدة بعد الساعة 2 ظهراً ثم أتلقى المقابل المادي نظير المحاضرات التي أقوم بتدريسها. · هل انتهى التعاون بينك وجامعة قطر؟ – قطر ليس بها جامعات متعددة بل هي جامعة واحدة وساعدتهم في إنشاء بعض الجامعات. · هل التقيت رئيس الوزراء بكري حسن صالح بعد سحبك من أداء القسم؟ – نعم التقيت به. · ماذا دار بينكما؟ – قال لي تم تأجيل أداء القسم بالنسبة إليك وبعد عودة الرئيس من الرحلة الخارجية التي سيقوم بها بعد أيام ستقوم بتأدية القسم. · هل شرح لك كل الموانع التي حالت بينك والوزارة؟ – قال إن الظروف الموجودة حالياً ستمر بعون الله. · هل أوضح لك رئيس الوزراء سر تأخيرك عن أداء القسم؟ – تم إحضار تقرير لرئيس الوزراء وقالوا له إن الأسافير تتحدث.. ثم قال لي نحن إذا تابعنا الأسافير فإن الأمور لن تمضي إلى الأمام وهي ذات الأسافير التي ظلت في حالة اتهام دائم لنا. · ثم ماذا بعد؟ – قال لي رئيس الوزراء (عندي نقطتين في راسي بعرف أخلصهم كيف). · ماذا يقصد بنقطتين؟ – لم يحدثني عن النقطتين بل قال لي سأنتهي من النقطتين وستقوم بأداء القسم. · هل كان الحديث بينكما إيجابياً؟ – العلاقة بيني وبكري حسن صالح قديمة منذ أن كان وزير دفاع واستقبلني بحفاوة في مكتبه وكان يخاطبني بكلمة (يابروف) وقلت له أفضل أن تقول يا مولانا كنوع من الدعابة بيني وبينه. · هل ماحدث مؤخراً ألقى بظلال سالبة على مسيرتك الأكاديمية والسياسية؟ – ألقى بظلال سالبة على الأسرة وأنا لديّ عدد من الأبناء ولي اثنتان من البنات متزوجتان وولد خريج وقالوا لي (أبوي الحاصل شنو وليه إنت ساكت ومالك ومال السياسة وما تخش جحر الضب). · ما كان ردك عليهم؟ – قلت لهم إماطة الأذى أمر مهم وقلت لهم ما حدث يجب أن تتم معالجته. · هنالك لغط حول انتمائك السياسي البعض نسبك لحزب الأمة ومواقع إلكترونية نسبتك للحزب الاتحادي وآخرون يقولون انك تنتمي للمؤتمر الوطني؟ – الشاهد في الأمر حينما تم تكوين آلية الحوار مناصفة بين الحكومة والمعارضة، كان الدكتور الراحل حسن الترابي والصادق المهدي في ضفة المعارضة، ولكن الشعبي سيطر على الآلية فكان هنالك قرار لدعوة الأحزاب والحركات المسلحة والشخصيات القومية وتم دعوة 70 شخصية قومية كنت من بينهم. · كيف كانت توجه الدعوات للشخصيات القومية؟ – جانب الحكومة المحاور اقترح 35 شخصية والمعارضة المحاورة اقترحت 35 شخصية. · من اين تلقيت دعوة الانضمام للحوار؟ – من طرف المعارضة المحاورة ومن ثم تم توزيعنا على لجان الحوار وحضرنا 56 شخصية قومية وواصلت في الحوار الوطني. · بمعنى أنك شخصية قومية ولا علاقة لك بحزب سياسي؟ – نعم أنا اُخترت كشخصية قومية ولا غضاضة في ذلك. · وهل تم إخطارك مسبقاً باختيارك وزيراً للعدل؟ – لم يتم إخطاري مطلقاً وحديث الرئيس عن اختيارنا دون علمنا كان حقيقياً. · هل ترددت في قبول المنصب؟ – أنا أملك مكتب محاماة ضخم جداً هو مكتب حمد للاستشارات القانونية يعمل به أكثر من 14 محامٍ. · هل كنت متفاجئاً باختيارك في موقع وزارة العدل تحديداً؟ – بصراحة فوجئت باختياري كوزير عدل خاصة أن القرار صدر في خواتيم الأسبوع (الخميس) وفي وقت متأخر من الليل، بالتالي أصبحت مطالباً بإغلاق مكتب المحاماة وتسريح العاملين به. · برغم عن قولك إنك متفاجئ بالاختيار إلا أنك لم ترفض التعيين؟ – صحيح لم أرفض وشرعت في إجراءات إغلاق مكتبي وحضرت لأداء القسم. · الشاهد في الأمر هو تواجدك اليومي في آلية الحوار رغم قولك بأنك تملك مكتب محاماة؟ – في بداية الأمر ظننت أن العمل بالحوار سيستمر لمدة شهر ولكن امتد الأمر لمدة عام وبالتالي أصبحت لا أذهب للمكتب إلا مرة واحدة في الأسبوع ، بل تركت عملي بأمريكا التي كنت أذهب إليها سنوياً لإجراء البحوث والدراسات وكرست كل جهدي لخدمة الحوار من خلال جولات مستمرة لكل ولايات السودان للتبشير بالحوار. · تتحدث بشئ من الحسرة من خلال سردك لتضحياتك من أجل الحوار هل تشعر بظلم بعد الحادثة الأخيرة؟ – لم أظلم حتى الآن، بل كرمت باختياري في موقع وزير العدل ومستعد لترك كل أعمالي وخدمة الحوار من خلال موقع وزير العدل. · وأخيراً؟ – نحن لدينا مخرجات بها معالجات لكل قضايا البلاد من نواحي أمنية واقتصادية ونحن نريد تطبيق مخرجات الحوار وكنت ضمن خمسة من الذي يلمون بكل تفاصيل الحوار ويحفظون كل التوصيات وهم حالياً يعملون على ضرب شخصية أبوبكر حمد من أجل ضرب الحوار ونسفه وأنا طامع جداً في الإمساك بالمنصب وتنفيذ كل السياسات التي اتفقنا عليها في الحوار من أجل حياة طيبة وكريمة وليس لي عداء مع أي شخص ولا أستهدف أي شخص واذا كان هنالك شخص في نفسه غرض أو مرض فهذا أمر آخر. الصيحة

تم حذف البوست

لانه حرام الرد علي مثل هؤلاء

الكتابه فهم كتيره

الزبير بشير
بالله انت ختمي
يخسي ثم يخسي

الصادق ميرغني

اشيل نعلات ، امشي عريان

الانسان حر فيما يعمل

هم دخلهم شنو و هل هذا انتقاد سياسي .

ايوه انا ختمي

بس ايامنا بدت تقل في وجودنا هنا في المنبر

الزبير الختمي

Quote: تم حذف البوست لانه حرام الرد علي مثل هؤلاء الكتابه فهم كتيره

البوست ياتو الحذفوهو ؟.

عليك امان الله يا ود المدير
شوف عيني
في واحدين يطوفوا بالقير زي ما بطوفوا بالكعبة
و كمان يتمسحوا باستار القبر

دي امة يرفعوا ليها علم ؟

واحد يشيل لى مولانا نعلاتو والتانى يغسل للريس لباساتو ...هل صرنا أمة من التبع والخدم ؟
لك الله ياوطنى .

.

وزير عدل !!!!

يا لهواننا والله
ويا لخيبتنا


سلام ود المدير

Quote: الزبير بشير بالله انت ختمي يخسي ثم يخسي

إنت قايل الشايل النعلات فى الصورة دة منو؟؟؟؟

إنت قايل الشايل النعلات فى الصورة دة منو؟؟؟؟
-------------------------------------------------------------

تصدق ما فيها حاجه

Quote: تصدق ما فيها حاجه

كِدي امِش شيلك فردة نعال إصوربها
عشان أحومبك اللسافير لحدهن ...

ياود المدير اخبارك ياود المدير الواحد كم فخور باهلنا الانقرياب لم تسحبهم اوتمنعهم علاقة الرحم مع السيد على المرغنى البحث عن مصالح شخصبة او الانتماء لى اى حزب لم تتجاوز نطاق الافراح والاتراح تجدهم متواجدين فى كل الاحزاب (لاانا ولاانت ختمية) و لم اكتب دفاعا عن الصورة ولكنها ايضا تتضمن رجل نفسة كبيرا جدا جدا لم امدحة لصلة الغرابة التى تربطنى بة اوكزوج ابنت خالتى ولكن هى الحقيقة بكل معانبها من كلمة ولابضاح الصورة للمنداخلين والدة السيد على المبرغنى من اهلنا الانقرياب اسمها امنة النور لامعرفة لى بما شملتهم الصورة خلاف ماتربطنا بة علاقة وهو الذى يقف فى الخلف فى اقصى يمين الصورة لابس العمامة والنظارة وهو احد ابناء الانقرياب والدة شقيق والدة السيد على ا لميرغنى يعنى ابن خالة مباشرة يسكن الحاج يوسف المايقوما فى منزل اكثر من متواضع وابنة الوحيد حضر للمملكة السعودية يبحث عن عمل اتمنى ياود المدير ان تجمعك الظروف بة وفى منزلة ستجد نفسك امام رجل يندر امثالة فى هذا الزمان




تخريمة

ما عارف المداخلة دى الخلاها تقفز بداية البوست اشنو

Quote: طيب ما قال فى اللقاء الصحفى هو شخصية قومية وما عندو علاقة بتنظيمات سياسية ؟؟ وبعدين صراحة فى اجاباته بشان شهاداته المزورة ما عجبنى اجاباته مضطربة وقد يكونوا الناس الروجو لاتهامه بتزوير شهاداته محقين فيما زعموا فالرجل من خلال هذه الصور ومن اجاباته فى اللقاء الصحفى يبدو انه شخص بتاع لف ودوران.

يا علي الزول دا ابداً ما واضح لدرجة ان المُحاور سألة عن ثلاثة أحزاب نسبهُ الناس
لها ! وكان ان راوغ في الإجابة وقفذ إلي أنه قد اُختير كشخصية قومية !، فما إستبعد
يكون متورط في عملية تزوير .

Quote: · من اين تلقيت دعوة الانضمام للحوار؟ – من طرف المعارضة المحاورة ومن ثم تم توزيعنا على لجان الحوار وحضرنا 56 شخصية قومية وواصلت في الحوار الوطني. · بمعنى أنك شخصية قومية ولا علاقة لك بحزب سياسي؟ – نعم أنا اُخترت كشخصية قومية ولا غضاضة في ذلك.

في الإقتباس إكتفى بقوله، لا غضاضة في ذلك ولم ينفي علاقته بحزب
سياسي تحسُباً طبعاً . يجيد المراوغة كمان .

Quote: (-) دا ساهل ممكن يغسل اياديه كعب البشرب موية غسيل الرجلين بتاعت الوضوء !!

يعني دا زي كأنوا أكل طماطماية مصرية ...

Quote: فانتو حقو تشجعوا (الصناعة الوطنية) من باب أولى. مش يمكن ديل شفرات (السخاتات)؟ _____ بعدين قصتو شنو الزول دا، باقي أنا كنت مافي.

هههههههههههههههه،

يأخي بركة الجيّت، أقلآها تلحقلك سختة صناعة محلية .
علي العموم ما فاتتك حاجة، الراجل خاتنو في الكنبة، بَس ...

Quote: الصورة دي ما فيها أي حاجة شخصيا لو كنت مرافق أو جزء من تأمين شخصية دينية مشهورة زي الميرغني، ودا عملي الباكل منو وبأكل من عيالي، وكنا حضور في صلاة في جامع عام يعج بالمريدين، موضوع تحضير النعلات له بعد الصلاة وبالسرعة المطلوبة بتكون من أولويات تفكيري + بحرص إنّو السائق ما يصلي معانا ويكون جاهز بالعربية مدورة في مكان قريب جدا من المخرج. الاحتكاك بالمريدين الرجرجة صعب التخلص منو. أحيي هذا الرجل المنجض شغلو

حياك الغمام .
برضو منطق،
واهو الزبير مُستعد يطبُقِن بلوّشي ؤ يقطع عيش الراجل
ثم يقف حائل بينه والوظيفة ...

سلام وتحية لود المدير وضيوف البوست الكرام

من الصباح بجاول أدخل البوست ده تجيني رسالة

this page cannot be displayed

قلت الله يستر الخلفا ديل الظاهر لحقو ود المدير ههههه

واحد من عندينا شال أمو الحج قامت الحاجة وقعت قدام
الكعبة وهي بتقوم علي حيلها قالت يا سيدي الحسن أبو جلابية

ولدها قال ليها يا أمي قولي يالله والله سيدك أبو جلابية هنا ما يشتغل مرمطون هههه

Quote: وزيادة في النجاض شايل جوزين... تحت الإبط واحد فهو في حرز أمين وقبضت الكف على جوز باصابع التمكين فصروف الدهر غير مأمونة، والنفس البشرية بالسوء مشحونة، وربما سطا على النعلين لص من الدهماء والغوغاء والرجرجة و حثالة القوم ممن لا يرعوى عن سرق بصلة أو ليمونة، فهل يسلم حامل النعلات قفاه للص نفسه بالشر مسكونة؟

هههههههههههههههههههههه،
مبالغة يا عرفات .
والله صحي .
طيب ليه شابكني أنا يا ود المدير بتتسخت، يا ود المدير بيسختوك !،
المفروض النعلات يكونن في حرز أمين بحيث إذا فكر هذا اللص
المشحون بالشر مجرّد تفكير فيهِن اليدين الضاربة بدو سلوك دي
تنشفو ...

Quote: يا ود المدير انت قايل الحكاية دي الواحد بحصلا بالساهل؟؟؟ احتمال كبير يكونوا عملوا قرعة خخخخخخخخخخخخخخخخخخخخخ

ههههههههههههههههههههه،
يعني يا ياسر صاحبنا دا هو سعيد الحظ، ؤ واحدين كتيرين يتمنوا هذه
المكانة العليّة والدرجة الرفيعة، ولسان حالهم يقول، أريتني كان أنا !...

Quote: كِدي امِش شيلك فردة نعال إصوربها عشان أحومبك اللسافير لحدهن

______
سلام ود المدير ..