و طبعاً التسجيلات الحديثة و الإمكانيات ممكن تخليني انا ذاتي اطلع شغل جميل ...
لكن طبزتها بالأول لما قالت :
و قوموا خلوا ( ألضيق ) في الجناين ...
ألضيق يا انصاف ما فيها همزة على الالف ...
يعني الألف الفيها ما بتنطق ...
و طبعا وقعت في الخطأ التاريخي و نطقت كلمة ( قط ) بالغين ...
عموما تجربة جميلة ...
Post: #2 Title: Re: إنصاف فتحي ( ما في مثلك andquot; غط andquot; في الأما� Author: عبد المنعم سيد احمد Date: 05-12-2017, 02:49 PM Parent: #1
التحية للباشمهندسة الغناية لك التحية ودقبانى يافنان
Post: #3 Title: Re: إنصاف فتحي ( ما في مثلك andquot; غط andquot; في الأ� Author: جمال ود القوز Date: 05-12-2017, 02:57 PM Parent: #2
فووووق .. روعة انصاف والله .. الغنا بالعود بيفتح مساحات وبيوري جمال وتمكّن الصوت .. أعجبني بُعد صوت الأورغ .. وقرب العود الشديد وبعده الايقاع .. هنا حلاوة الغنا ..
غايتو عجبتني في اداءها للأغنية كما نانسي من قبل ..
Post: #4 Title: Re: إنصاف فتحي ( ما في مثلك andquot; غط andquot; في الأ� Author: Hamid Elsawi Date: 05-13-2017, 05:52 AM Parent: #3
تعرف يا باش مهندس في الضواحي دي مافي فنان حديث غناها صاح من ناحية نطق كلمات و حتي النطقوها صاح فطوا بيت و دخلوا واحد في التاني
لكن تجارب جميلة و بعث للتراث بنكهة موسيقية جديدة
نتمني مزيد من التجويد و الفهم حتي للمعاني
أنا غايتو الخزاع و الشيح و البراح ديل جننوني عديل كدة لمن لقيت المعني في كتاب الانداية ل المرحوم الطيب محمد الطيب
Post: #5 Title: Re: إنصاف فتحي ( ما في مثلك andquot; غط andquot; في الأ� Author: يحي قباني Date: 05-15-2017, 05:16 AM Parent: #4
Quote: التحية للباشمهندسة الغناية لك التحية ودقبانى يافنان
تحياتي يا جميل ... :)
Post: #6 Title: Re: إنصاف فتحي ( ما في مثلك andquot; غط andquot; في الأ� Author: يحي قباني Date: 05-15-2017, 05:18 AM Parent: #5
Quote: فووووق .. روعة انصاف والله .. الغنا بالعود بيفتح مساحات وبيوري جمال وتمكّن الصوت .. أعجبني بُعد صوت الأورغ .. وقرب العود الشديد وبعده الايقاع .. هنا حلاوة الغنا ..
غايتو عجبتني في اداءها للأغنية
( كما نانسي من قبل ..)
كنت ماشي كويس يا ود القوز ...
مالك كسرت ضراع في آخر اللفة ...؟ :)
Post: #7 Title: Re: إنصاف فتحي ( ما في مثلك andquot; غط andquot; في الأ� Author: يحي قباني Date: 05-15-2017, 05:24 AM Parent: #6
Quote: تعرف يا باش مهندس في الضواحي دي مافي فنان حديث غناها صاح من ناحية نطق كلمات و حتي النطقوها صاح فطوا بيت و دخلوا واحد في التاني
لكن تجارب جميلة و بعث للتراث بنكهة موسيقية جديدة
نتمني مزيد من التجويد و الفهم حتي للمعاني
أنا غايتو الخزاع و الشيح و البراح ديل جننوني عديل كدة لمن لقيت المعني في كتاب الانداية ل المرحوم الطيب محمد الطيب
حامد يا صديقي ...
واحد من المعجبين بالأغنية بصوت انصاف فتحي في اليوتيوب اسمه ( عصام سيستم ) قال: " رحمك الله مصطفى سيد أحمد طيب الله ثراك. إبداع في قمة الروعة والجمال إنصاف احيكي من دول المهجر بفرنسا "
يعني فطّ الخليل ... و من بعده الشفيع ... و نسبها لي مصطفى ؟
ديل نلم فوقهم كيف قبال ما ينمحي التاريخ ؟
Post: #8 Title: Re: إنصاف فتحي ( ما في مثلك andquot; غط andquot; في الأ� Author: Hamid Elsawi Date: 05-15-2017, 05:49 AM Parent: #7
ديل نلم فوقهم كيف قبال ما ينمحي التاريخ ؟
يحي التاريخ تاريخ ما بنمحي و تجارب انصاف و مصطفي و نانسي و الشفيع و غيرهم سوف تظل تجارب خاضعة لمزاجات مختلفه, و تقييم مختلف من مختلف شرائح المجتمع, و طبيعي تلقي تقييم لا يروق لك لكن عاين للموضوع بناحية مختلفة. طالما هذا التراث بقي سيد الساحة الفنية دي ظاهرة صحية و ما نبعت من فراغ نبعت من مجهود كبير قاموا بيهو ناس كُتار انت واحد منهم ... لك و لهم التحية و طالما موقعك موجود التاريخ ما بنمحي
تحياتي يا صديق
Post: #9 Title: Re: إنصاف فتحي ( ما في مثلك andquot; غط andquot; في الأ� Author: جمال ود القوز Date: 05-15-2017, 01:58 PM Parent: #8
Quote: مالك كسرت ضراع في آخر اللفة ...؟ :)
قول كسرت ضلع يأخ وانت الصادق يا قباني .. ههههه . ... أوع بس يكون عندك راي سالب في بتنا دي بتكون اتلومت معانا .. أي نعم انصاف فتحي غنت بطريقة فيها تطريب عالي .. رغم هنات النطق والجرجرة في حتات .. لكن نانسي شيء تاني خالص .. فما تهبش ياقباني عليك الله ياخ ..
ما صاح أجيب ليك الفيديو ده هنا .. لكن أهو.. مشيها لينا وعديها .. بس عليك الله قارن ..
ولاحظ الغنا الفخيم ده كان في 2008 زمن سطوة أغاني الجبه جبه وبداية غنا الكتمات .. فكان الشغل ده باعتباره مدرسة جريئة ابتدرتها نانسي .. فاتصلح معانا يا قباني يأخ .. ههههههه .. غايتو انا شايف انصاف فتحي قررررربت من حتة الاداء الفخيم بتاع نانسي .. ده حسب وجهة نظري الشخصية طبعا ..
تقديري واحترامي ...
Post: #10 Title: Re: إنصاف فتحي ( ما في مثلك andquot; غط andquot; في الأ� Author: درديري كباشي Date: 05-15-2017, 03:32 PM Parent: #9
مرة يا باشمهندس
في حلقة من حلقات نجوم الغد
في ولد شاب من منطقة الهلالية أو رفاعة لا أذكر
هو نفسه أستاذ ابتدائي
أدى الأغنية بطريقة كأنه يلقي في محاضرة موسيقى وكلمات
حير لجنة التحكيم غلبهم التعليق
وبعدها اختفى أعتقد ما واصل في البرنامج
لو الباشمهندس منعم لم لينا في الفيديو بتاعه
خليكم تحكموا براكم .أنا شخصيا في كلمات ما كنت عارف لا نطقها ولا معناها سمعتها بوضوح عند هذا الشاب
Post: #11 Title: Re: إنصاف فتحي ( ما في مثلك andquot; غط andquot; في الأ� Author: علي عبدالوهاب عثمان Date: 05-17-2017, 01:38 PM Parent: #10
حبيبنا الزول الجميل يحيى قباني مودتي ..
معاك حق .. مرة في قناة بورتسودان شفت فنان إسمه شكرالله .. بهدل اغنية الطير المهاجر ( وردي) كان يغني حاجة زي نور العين على الماشي .. زعلت شديد .. وردي عندي خط أحمر مقدس .. بالعربي وبالنوبية === حلوة إصطيادك لعبارة (( غط في الاماكن )) .. تعرف يا قباني بنتنا دي لخبطت في أهم جزء من الاغنية .. إدخال كلمة مثل (( قط )) وهي من العبارات غير المموسقة .. ويقوم خليل فرح يلحنها وكأنها عبارة سحرية .. معجزة الاغنية دي كلها تمكن في (( قط )) وهذا يعني أنها لم تتعمق في القصيدة .. ===== كنت عايز أسألك .. نحن ناس الضواحي ديل ما عندنا عمق في المدن .. في برنامج ( خلاصة الحواري ) أحب برنامج إلى قلبي في قناة امدرمان .. عدد كبير من الفنانين حتى من كبار السن ومغمورين يتناولون الحقيبة بطريقة جميلة جداً .. وعلى أصولها وبعفوية محببة إلى النفس مما جعلني أتخيل ناس الحقيبة زمان كانوا بنفس الطريقة والاخوانيات .. تلقى واحد عمره فوق السبعين يبشر ومبسوط ويجدد شبابه .. أتخيل كل حي فيه عدد من الفنانين .. ماعدا فنان واحد شعره طويل زي ( بوب مارلي ) شوية كده ما زي باقي الجماعة في طريقة الغناء ( إضافات زائدة عن اللزوم ) كهز الشعر يمين وشمال والحركة دي في الرقصات الخليجية .. ( هذا رأي خاص بي )
شكراً .. مع التحية .. حبيبنا قباني
Post: #12 Title: Re: إنصاف فتحي ( ما في مثلك andquot; غط andquot; في الأ� Author: سيف اليزل الماحي Date: 05-17-2017, 03:06 PM Parent: #11
.
ده إسمو "الغط" والثمين ، يأتيكم على لسان من إمتهنوا الغناء في هذا الزمن اللئيم! أحدهم يردد أغنية المسافة للراحل مصطفى سيد أحمد حين يغني: تبقى ايه الدنيا من بعدك تكون .. وأبقى ايه بعدك أكون لكن المغني يصر على إجراء تبديل يخصه بكلمة " ليه" : تبقى ليه الدنيا من بعدك تكون! وأبقى ليه بعدك أكون! يا أستاذنا قباني هؤلاء يجرحون الغناء! والعجب العجاب انهم يتكسبون ويعيشون في بحبوحة وشهره لم يدفعوا فيها فاتورة واحدة!
.
Post: #13 Title: Re: إنصاف فتحي ( ما في مثلك andquot; غط andquot; في الأ� Author: Ahmed Yassin Date: 05-17-2017, 06:32 PM Parent: #12
دا دلال أيه ! دا دلال معجن. محن الأمات يا رداح السحبة الفوق دي ما ظبطت الا مع الشفيع والخالدي عمل ليها (حليات) ... الغريبة ما جات مع مصطفى .. ودا دلالة على ان الشفيع كان فنان خارق للعادة في الاماكن العالية قصيدة الخليل اخدها منو في مصر الفنان (ابراهيم عبدالجليل) سنة 1932م وسجلها على اسطوانات شركة (اوديون) جيرماني وهي شركة (المانية). ويقال ان فنانة اسمها (فضيل) سجلتها ايضا على اسطوانات في الخرطوم انصاف قالت (غط) ونانسي قالت (شفغ) والحاجات دي بصراحة مهما كان الاداء بتخصم من المؤدي مهما حاول نرجع للخليل عمنا عبيد عبدالرحمن مباشرة جارى القصيدة دي بـ: من محاسن حسن المحاسن وفى جبينه النور والهلال ولحقو عتيق: فى الضواحى وطرف القضارف يلا ننظر صوفى البشير ثم ابراهيم العبادي : من محاسن حسن الطبيعة تلقى هيبة وروعة وجلال اخر المجارين كان الشاعر العشوق: فى التغزل بين المسارح ليلنا ادبر والفجر..لاح
Post: #14 Title: Re: إنصاف فتحي ( ما في مثلك andquot; غط andquot; في الأ� Author: عبدالعزيز الفاضلابى Date: 05-17-2017, 06:34 PM Parent: #13
ياقبانى ياخ مش قالوا الهدية لاتُهدى ولا يُفتَح بيها بوست؟
Post: #15 Title: Re: إنصاف فتحي ( ما في مثلك andquot; غط andquot; في الأ� Author: MOHAMMED ELSHEIKH Date: 05-17-2017, 07:42 PM Parent: #14
غايتو اول مرة اقيف ضدك يا باشا. انصاف دي لا اطيق ان اسمعها تتحدث خليك تتكلم. لو عندي سلطة ما اخليها تغني في سرها. معليش يا حبيب
Post: #16 Title: Re: إنصاف فتحي ( ما في مثلك andquot; غط andquot; في الأ� Author: جلالدونا Date: 05-17-2017, 08:05 PM Parent: #15
و الحكاية دى عدّت من ود البشري كيف !!!!! ياخى كان عذّبا عذاب اندهاشاتى فى الحتة دى ----- و الله يا محمد ود الشيخ الجيل القام جديد ده كلو ما عاجبنى لكن سمعت لى واحد ح يظهر فى برنامج اغانى و اغانى الود ده فلتة .. نسيت اسمو .. لكن اول مرة يشارك
Post: #17 Title: Re: إنصاف فتحي ( ما في مثلك andquot; غط andquot; في الأ� Author: امجد الجميعابى Date: 05-17-2017, 09:59 PM Parent: #16
قباني سلام حقو عنوان البوست دا تغنيهو البت دي و تهديه لتراجي مصطفي
تقول ما في مثلك غط في البرلمان بس بعد شهرين كدا
Post: #18 Title: Re: إنصاف فتحي ( ما في مثلك andquot; غط andquot; في الأ� Author: يحي قباني Date: 05-17-2017, 10:18 PM Parent: #10
