لعناية الصديق بكري أبو بكر طلب عاجل مع الشكر

06:51 PM May, 11 2017 سودانيز اون لاين
Hamid Elsawi-Calgary, Alberta, Canada
مكتبتى
رابط مختصر بخصوص زميلة البوردالفاضلة إمتثال
و التي تُشرِف صفحات البورد مواضيعها الشيقة و قلمها المميز
لاحظت انها تكتب ب ال
Password
بتاعة صديقتها و زميلتنا في البورد بت عطبرةالفاضلة بسمات.
و تكتب اسمها في نهاية اي مداخلة و هذا شيء جميل.

اطالب يا بكري بعمل اشتراك خاص و مكتبة للرائعة إمتثال ...
حتي لا تتشابه علينا الملائكة

و آسف يا إمتثال اني طلبت حاجة تخصك دون إذِن منك

تسلم يا صاوي يا أصيل ..
معك ننادي بكري يخصص لأختنا الفاضلة امتثال حساب خاص بها ..

شكراً جمال لإضافة صوتك معاي
إمتثال تستاهل كل خير
شكر ل بسمات ايضاً ال عرفتنا بيها
و سلفتها حسابها الخاص

شكراً الصاوي لا يعرف أقدار الناس إلا أفاضلهم وبكري لا يقل عك يا الصاوي نبل وتقدير لكل من يعمر بالخير صفحات بيتنا الأسفيري

الاستاذ الفاضل
حامد الصاوي

شاكرة ومقدرة حسن الظن،،،ومتابعة موضوع اغتيال كنيدي..

الصديقة العزيزة بسمات ستعود مع بداية شهر رمضان يوم ٢٦ مايو

وحتى ذلك الحين نامل نكون انتهينا من سرد حدوتة اغتيال الرئيس

الامريكي جون كنيدي وسيطرة وكالة الاستخبارات الامريكية على الحياة

السياسية في الولايات المتحدة الامريكية حتى جاء من قلم اظافرها الطويلة..

وساسرد لك حكاية قصيرة في الخاص.،،،

وشكرا ليك مرة ثانية

مع وافر الاحترام والتقدير
امتثال

شكراً إمتثال و عودة حميدة للزميلة بسمات
ما قصدته ان الكتابة مسئولية و كتاباتنا محفوظة للتاريخ و التأريخ
و ما تحرمي قلمك من أن يكون عندو حساب خاص
هسع لو داير ارسل ليك في الخاص
و ما عايز بسمات تعرف اعمل شنو؟

شكراً صباح علي كلماتك الطيبة
و ان شاء الله البيت عامر بقلمك الرائع

يا هندسة حامد وهندسة بكري ابوبكر
سهل للاخت امتثال الاشتراك
لا يعرف قدر الناس الا اصحاب الرفعة والاخلاق والمعرفة
صديقي حامد منهم

شكرا صديق الزمن الجميل حامد ود الصاوى
ومرحب بكل من ياتى من طرفك
خليها تراسلنى بالايميل

ترحيبا الحار بى مقدم العزيزة امتثال
شكرا يا حامد الصاوى للتزكية
شكرا سيد الحوش للقبول
و تانى الف مرحب بيك فى حوش بكرى الماهل ده

ما دام يا امتثال، مسموح الباص ورد يكتب بيها اكتر من زول، البذار لزومو شنو تعملي حساب جديد؟
"ان المبذرين كانوا اخوان الشياطين"
ما دام اتي، بسمات، وأميرة الشيخ ووضاحة ارواح متجانسة في قلب واحد، خلوا الوضع كما هو.
النفوس كان اتطايبت؛ الباص ورد ممكن يكتبوا بيها ألف
اقلعي عنك السالفة دي
وتدخلي في أوراق باسم امتثال وسوالف

مرحب بيها
وين اميرة السيد

شكلها كدا زاهدة في الانضمام

الشكر ليك يا بكري لسرعة الاستجابة
الشكر للأعزاء صبري و جلال للكلمات الطيبة
شكرا عبد الحفيظ للمداخلة و سؤالك عن الأميرة أميرة

أميرة غادرت المنبر دون أن تضع اعتبار لأصحابها
و أصدقاءها و زملاءها و قراءها في المنبر و لم تعر مناشداتهم
لها بالعودة أي اهتمام و اهتمت أكثر للكلام الجارح الذي أصابها
احتمال شايفاهم أهم من أصدقاءها و قراءها في المنبر
عموماً ده خيارها ما علينا الا احترامه ...
أتمني أن تسمع كلام يحي قباني و تأخذ إجازة و ترجع

عليش قلت لي زاهدة ... ياخي كان زاهدة كان أتحفتنا بهذه الدرر
من وقتها و مجهودها .... لا أظن
أحكي ليك قصة قبل انضمامي للمنبر كنت من القراء المداومين للمنبر
و بتكلم كتير مع أعضاء المنبر و كنت رافض الاشتراك بحجة ان الكتابة
مسئولية و التزام و ظروفي لا تسمح لي بالمتابعة و الرد أحياناً
و منعاً للإحراج قلت أحسن أكون بعيد ... و بعد تفكير كتير لقيت أحسن
يكون عندي اشتراك و اتواصل مع من أراهم مفيدين بالنسبة لي
حسب ظروفي و وقتي. و الناس ال عرفتهم في المنبر ما ممكن أبيعهم
لمجرد واحد شتمني أو أساء الي لأنهم أغلي من ذلك ...
عموماً سعيد بمشاركتك في هذا البوست.

أشكر أيضاً أخي و صديقي الذي نبهني للغلط الاملائي
في كتابتي و أقول ليهو صلحت ال بقدر عليهو

و زي ما قال خالنا الظريف
100 من 100 دي ما بجيبها الا في رمضان

تحياتي
..............

امتثال تستاهل تكون بينا بحسابها الخاص بها
الف مرحب بها

مرحب بالاخت االنضاار امتثال
لمحه خطيره منك ياصاوى بأسلوب.جمميل
التحيه والتقدير لهذا الجمع الكريم

جمال
صباح
سيد الحوش الكبير الباشمهندس ود ابوبكر
جلالدونا
عبد الحفيظ ابو سن
عليش الريدة
حيدر
ملهم كردفان

والله شاكرة ومقدرة شعوركم النبيل ،،،

ويا عبد الحفيظ اظن الاستاذ ود الصاوي رد على تساؤلك..

وراجعة ليكم بمهلة،،،،

مع وافر الاحترام والتقدير
امتثال

Quote: شكرا خليها تراسلنى بالايميل

انت يابكرى ايميلك ده قايلو قاعة الصداقة؟ ,, ماتقوليها تلقيهو فى السطر الفلانى فى الصفحة الفلانية.
بالمناسبة عملت لينا شنو فى موضوع حساب باسم البورداب؟
امتثال يابنتى:
مابهديك على الكتابة فى المنبر ده ,, فى ناس هنا مابتعرف الحدود.
والداير يغالِت بغرف ليهو من وش الحَلّة.

شكرا حامد الصاوي على هذه اللفتة البارعة
شكرا بكري ابوبكر لتلبية الطلب
وامتثال تستحق ان تجد مساحة حرة للابداع والتألق فمرحبا بها
مع تحياتي لبسمات واتمنى عودة اميرة السيد

شكراً عبد العزيز الفاضلابي
ملهم كردفان
حيدر و عبد الله ود البوش
كنت ناوي اقفل البوست بعد استجابة بكري
لكن مداخلة الأخ الفاضلابي طرحت اسئلة في
ذهني ....
سوف اطرحها للنقاش لاحقا بس بفكر
في هذا البوست او بوست آخر ...
نتابع هلال مريخ الآن
امنياتي لكم بمشاهدة مباراة جميلة
برجع ليكم حين ميسرة زي ما
بتقول الرائعة امتثال

Quote: سوف اطرحها للنقاش لاحقا بس بفكر في في هذا البوست او بوست آخر ..

سلامات يالصاوى ,, معليش قِبيل فُتَّك حُوفَا.
اطرح افكارك فى بوست آخر ,, عشان
البوست ده فيه اسم انتِثال زى مابقول ودالمنسى.
ونحن بِنَيَّاتنتا ديل مابنقبل زول يَغَلِّت عليهن.
فى انتظار افكارك وان كنت عندى Guess

غايتو انا فهمت الموضوع من زاوية تانية
الباسورد على مسوولية صاحبه
شنو حساب واحد شادنو عشرة
واعتقد انهم لم يكنوا مفصحين
حتى اكتشف الحصيف دينق الامر
وكان لابد من الإفصاح...
يعني مجبرة العشرة وليست بطلة...

بالمناسبة العشرة كتاباتهم لا تروقني
لذا لا اقرأها أبدا...مطلقا،
والملاحظة الأخيرة ليس مهمة أبدا

قول واحد

بالمناسبة العشرة كتاباتهم لا تروقني لذا لا اقرأها أبدا...مطلقا،
ــــــــــــــــــــــــــــــــــــــــــــــ
وكيف عرفت أن الحصيف دينق كشف العشرة.
أبدا ومطلقا ديل غيروهن وللا شنو؟

عليش الريد
اقرأ المداخلة تاني

مرحب بالاخت امتثال
بالمنسبة عمتي دار السرور بت احمد ود باشاب عندها بت اسمها امتثال
وحاة كتاب الدين الحلة كلها بتناديها انتسال
انت قايلة ناس الضهرة بيلعبوا

عزيزنا الفاضل
عبد العزيز الفاضلابي
تحية واحتراما

انت قلت واحد...بس الواحد بتاع عبد المنعم ده ساهل...

و بس كمان الحاجة الغريبة انا ما عارفة هو جاب العشرة البيكتبوا بباسويرد بسمات من وين؟؟؟؟

لانه ما في اي واحدة بتكتب بباسويرد بسمات غيري انا ما في...

والحمد لله هو ما شتم وسب وكتب الفاظ نابية،، المصيبة في اخرين يصفون اخرين بالجهل

والامية، ناهيك عن سباب وشتائم بدون اي سبب،،،

وانا ابدا ما جبرت عبد المنعم ده يقرا ما اكتبه،،، لان هناك اخرين يقراون...

مع وافر الاحترام والتقدير،،،
امتثال

عزيزي الفاضل الاستاذ حامد الصاوي

والله يكون احسن تنفذ اقتراحك وتقفل البوست،،،

والنوع بتاع الهبباي في عز الصيف القلته ليك موجود زي ما انت شايف..

وانا ما بعرف اللعب بالكلمات ولا بعزف بالكلمات لجرح شعور الاخرين..ولكني

اجيد اللعب والعزف باربعة الات موسيقية،،،

مع وافر احترامي وتقديري
امتثال

عليش الريد
اقرأ المداخلة تاني
ـــــــــــــــــــــــــــــــــ
قريتا تلاتة مرات،وفهمي زي ماهو..نعمل شنو دي قسمتنا..
بليس أشرحلي بطريقة مبسطة عشان اعتذر لو غلطان..
كيف عرفت أن دينق الحصيف كشف العشرة وإنت قلت مطلقا وأبدا ماقعد تقرا للعشرة..

اقرأ تاني
ولا تعتذر ولاحاجة

دي زوغة منك ساي

شنو حساب واحد شادنو عشرة واعتقد انهم لم يكنوا مفصحين حتى اكتشف الحصيف دينق الامر وكان لابد من الإفصاح... يعني مجبرة العشرة وليست بطلة...
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هسّ عليك الله الجابرك شنو على كلام زي دا،زول لابتقرا ليهو،لاعندك معاهو شغلة ولا أي ملابسات،ليه تتهجم عليهو كدا؟
معقولة بس؟

الفاضل عبد المنعم
اقرا الخاص
كتبت ليك رسالة خاصة

السوداني الاصيل
عليش الريدة

شاكرة ومقدرة ياعليش،،،
مع وافر الاحترام والتقدير
امتثال عبد الله

غايتو ياعليش الريدة
صحيح الفهم قسم
ولكن هذا قسمك فيما تملك
فلن نلومك
لان هذه فقط حدود امكانياتك
فشنو لن اشرح لك....
وأرجوك انساني ياخ
فأنا ما فاضي
ليك
ولا لمعارك صغيرة،

............
حكمة الليلة
الجيران كفروا
..........
الأخت بسمات أو امتثال أو أميرة
أو
اي كان اسمها
ليس الامر كما فهمت
أرجو ان لا يصلك اي سوء فهم
مما كتبت
سأوضح لك الامر لاحقا
فقط عندما يتوفر زمن ومود
والجيران ديل اصي ما ببرد بطنن
أتمنى ان نقرا لك عاجلا
من باصووردك الخاص
هذا كل ما في الامر
سلام

عبد المنعم الطيب

انا اسمي امتثال عبد الله

ولست ببسمات او اميرة

فاذا انت بتشوف غير ذلك اتصل بالباشمهندس بكري

عشان تتاكد ،،،

وشايفة ردودك قاسية جدا على عليش الريدة وكانه في خصومة شخصية

بينكما وانا متاكدة انا المعرفة بينكم فقط داخل المنبر،،،مع ان الامر كله سؤاله

عن ان تشرح له ما صعب عليه فهمه بكلامك، وكان ممكن تشرح ليه ، دون اساءات

مع وافر الاحترام
امتثال عبد الله

معرفتى بى كتابات الاخت امتثال بدت بى بوست اسامة بن لادن
للاخت اميرة السيد . حيث شاركت بالترجمة و دى متأكد منها
و يالكتابة فىه فى بعض المرات
و فتحن بابا جديدا ما اظن طرقوا زميل او زميلة قبلهن
اضاف الكثير لزملاء و زميلات و قراء و قارئات سودانيز ازن لاين
و اظن تكررت التجربة فى بوست تايتنك و الان مع كاسترو وجون كندى
تجربة تستحق المتابعة و التشجيع و التوجيه
فيا عزيزى عبد المنعم اتمنى دعمك الكامل لهذه التجربة العظيمة
برغم حداثة سنهن و تجربتهن
نفس الكلام مكرر لأخونا ابوبكر عباس
ما عشان حاجات تانية نقسو على هذا الابداع الوليد
و اعيد ترحيبى بالعزيزة امتثال و مكانك هنا و انت اهل له

يا عزيزي جلال،
بعد مداخلة بكري تداخلت امتثال عدة مداخلات، كان من الممكن تخصص زمن واحدة للمداخلات وتراسل بكري وكانت للآن تكتب معانا بحسابها الجديد.
أتمنى ان لا يتبادر لذهنك عدم حرصنا على جذب الاقلام للمنبر.
خليني أدخل معاك وامتثال في رهان ولو أنا خسرتو؛ لن افتح سودانيز دي مرّة أخرى:
وحات استنارتي، الزول الذي يكتب باسم بسمات وتوقيع امتثال لا يستطيع أن يراسل بكري ويثبت إنّو هو امتثال عبد الله بأوراق ثبوتية، ولن تشاهدوا هنا حساب باسم امتثال عبد الله
الزول البكتب من حسابي أميرة وبسمات وبتوقيع امتثال دخل في كضبة وغالبو يطلع منها،
أهاالمويه تكضب الغطاس

كتب عبد المنعم الطيب حسن

واعتقد انهم لم يكنوا مفصحين
حتى اكتشف الحصيف دينق الامر
وكان لابد من الإفصاح...
يعني مجبرة العشرة وليست بطلة


عبد المنعم من وين عرفت انهم غير مفصحين
و الحصيف دينق أكتشف الذرة
يا عزيزي نحن قاعدين في المنبر لمن أميرة و بسمات
قدموا امتثال عشان تساعد في ترجمة بعض الاعمال
و أي مداخلة بتعملها بتكتب تحت اسمها بعني
علي عينك يا تاجر مافي شيء مدسوس من قوله تيت
الناس عارفين و مقدرين مجهود امتثال.

اما الموضوع التاني قلت

بالمناسبة العشرة كتاباتهم لا تروقني
لذا لا اقرأها أبدا...مطلقا،
والملاحظة الأخيرة ليس مهمة أبدا


شيء طبيعي انو تروق ليك كتابة شخص و لا تروق ليك كتابة آخر
بتحصل لي كل الناس.
لكن ما ممكن واحد يتحرش بالتاني و يقول ليهو كتابتك
ما عاجباني او سخيفه. ما تقرأ ليهو و ما تتداخل معاه فقط
انا واحد من الناس بتداخل و برد و بتونس و بهظر
و بقول نكت مع عدد محدود من زملاء المنبر. و هناك كثيرون
اتمني ان اتعرف بهم و اقابلهم لو عندي وقت و امتثال منهم
و فعلاً زي ما قال جلال أضافت امتثال نكهة جديدة علي
المنبر و فتحت منفذ بتاع معرفة كان مقفول علينا
عشان كده طالبت بانها تكون زميلة كاملة العضوية في المنبر
مش أكتر.
و يا امتثال اتذكرت قصيدة محجوب شريف بتاعة عشرة مقاطع للحياة
و بألاخص المقطع البقول
انثى ولا دستة رجال
أنسانة ابسط ما يقال
لو صاح
اعز من النساوين الرجال
أنثى ولا دستة رجال
تمشي وما بتطأطي
ما بين بير وشاطي
تطلع عالي واطي
نهارها مع السواقي
وليلها مع الطواقي
وعمرها للجهال

يا امتثال لو ما كان المقام مقام حزن
و المنبر أسود كنت قدمت القصيدة
بصوت الراحل مصطفي سيد أحمد

و اهديتها ليك و لبسمات و أميرة
و كل زميلات المنبر

غايتو ياعليش الريدة
صحيح الفهم قسم
ولكن هذا قسمك فيما تملك
فلن نلومك
لان هذه فقط حدود امكانياتك
فشنو لن اشرح لك....
وأرجوك انساني ياخ
فأنا ما فاضي
ليك
ولا لمعارك صغيرة،
ــــــــــــــــــــــــــــــــــــــــــــــــــــ
خلاص قول الروب وبعداك شتت.إنت قايل نحن فاضين ؟ لكن بيني وبينك فعلا بنحب المعارك الصغيرة.



............
حكمة الليلة
الجيران كفروا
..........
الأخت بسمات أو امتثال أو أميرة
أو
اي كان اسمها
ليس الامر كما فهمت
أرجو ان لا يصلك اي سوء فهم
مما كتبت
سأوضح لك الامر لاحقا
فقط عندما يتوفر زمن ومود
والجيران ديل اصي ما ببرد بطنن
أتمنى ان نقرا لك عاجلا
من باصووردك الخاص
هذا كل ما في الامر
سلام
ـــــــــــــــــــــــــــــــــــــــــــــــ
الزمن الاستهلكتو في المداخلة دي كان بوضح الأمر.
وأمنيتك بالقراءة لها كذبة أو عدم قراءتك للعشرة كذبة..
بس أوع تكون إنت عبد المنعم الفتح بوست عن الأم قبل كدا،لو جاك الحصيف دينق بطلعك منافق ساكت...
سلام سلام

بالمناسبة القضية ما امتثال و بسمات و أميرة
القضية هناك جيل جديد من أبناءنا و بناتنا
تربوا و عاشوا في أمريكا و اوربا
و دخلوا الجامعات و منهم من تخرج
و منهم من هم في الثانوي العالي.
مسئوليتنا تجاه هذا الجيل كبيرة
نحن تربينا و تعلمنا بالسوط و العنف
هم تربوا و تعلموا بالمنطق.
نحن لعبنا أم الحُفِر و الفات و فات
و هم لعبوا بالكميرات و الكمبيوترات
جيل لازم نفتح ليهم قلبنا
و نتعامل معاهم بالندية و نتعلم منهم
جيل لازم نفتح ليهم منابرنا ما نقفلها أمامهم
بعدين أغلبنا ضد العنف و ضد الحرب في السودان
و ضد الاعتقالات التعسفية.
لكن عنف القلم و الكلمة اقسي من عنف
الرصاص و المدافع. لاننا بنمارسوا
ضد أولادنا و بناتنا
أخواننا و أخواتنا
زوجاتنا و أزواجنا
كدة نحن بنمزق حياتنا الاجتماعية
و ننشر فيها جهل و كراهية
بدل علم و محبة

و لي عودة

بالمناسبة القضية ما امتثال و بسمات و أميرة
القضية هناك جيل جديد من أبناءنا و بناتنا
تربوا و عاشوا في أمريكا و اوربا
و دخلوا الجامعات و منهم من تخرج
و منهم من هم في الثانوي العالي.
مسئوليتنا تجاه هذا الجيل كبيرة
ـــــــــــــــــــــــــــــــــــــــــــــــــــــ
دي برضو ماالقضية...
القضية هي في ناس في المنبر دا بحاولوا يتنمروا ومابختاروا إلاّ الناس المسالمين..
هسّ زولنا دا زعلان من العشرة ديل عشان هم اشتبكوا مع الحصيف دينق قبل كدا أكتر من مرة..
إن شاء الله امتثال تطلع شبح وبسمات شبح وأميرة شبح وبكري أبوبكر برضو شبح.

نسيت أن أضيف: ويطلع الحصيف دينق هو الحقيقة الوحيدة الصمدية بهذا المنبر..
أها قصرنا معاكم يا الدينيقية

معليش يا أخوانا الأفكار شغالة معاي بالقطاعي..
دار أقول الدينقاب أكثر تعبيرا من الدينقية.

الغُل اليغلكم..
دي للدينقاب،لكن دينق ماخاشي معاهم.

الشكر لكل المتداخلين في هذا الخيط
كان الغرض هو طلب عضوية
لانسانة و شابة أثرت المنبر بمواضيع
شيقة.
أبصرنا من خلال مواضيعها أشياء ما كان
ممكن يتيح لينا الزمن معرفتها.
الشكر كل الشكر لزميل الدراسة
و الزمن الجميل سيد الحوش بكري
علي سرعة الأستحابة.
الكورة الان في ملعب الابنة امتثال
لها حرية التصرف و الاختيار و الباب
مفتوح لها.

تشعب البوست لمواضيع كثيرة
و أحسن نفرد لها خيط أو خيوط ثانية

الشكر للجميع متداخلين و متصفحين
داخل و خارج المنبر

وفتكم بعافية
حامد الصاوي

الأخ حامد الصاوي .. وضيوفك ... السلام عليكم

وشكرا لطلبك لسيد الحوش الموافقة على انضمام الأخت امتثال الى اسرة سودانيزاونلاين
فهي مجتهدة ومثقفة وذكية واضافة حقيقية للبورد ..
ويا امتثال ...أتمنى اكتمال تسجيلك سريعاً ...

عااالم بطاااالـــــــــــــــــــة ,,

مرحبا بالثرية الثمينة العطرة اللبقة أمتثال

ومشكورين بكري والصاوي على الدعوة والاستجابة

ما نقدر نقول غير
أقدلي وسكتي الخشامة

المستنيرين ديل

يا درديري يا أديب،
لمان المستنير يقول ما في حساب ح يتفتح باسم امتثال عبد الله معناتها ما في حساب.
انتو بتكتبوا ببصركم والمستنير بكتب ببصيرتو
وشتان ما بين الاثنين

طبعا هسع كل الحاقدين بتمنوا كلامي يطلع غلط، وامتثال تطلع حقيقية عشان يخرسوني،
لكن هيهات

شكراً إمتثال و عودة حميدة للزميلة بسمات ما قصدته ان الكتابة مسئولية و كتاباتنا محفوظة للتاريخ و التأريخ و ما تحرمي قلمك من أن يكون عندو حساب خاص هسع لو داير ارسل ليك في الخاص و ما عايز بسمات تعرف اعمل شنو؟
_______________________________________________

وانا اشيل وارسل في الماسنجر للابنة بسمات
في الماسنجر وما ترد

اها اذا بسمات او امتثال
الطلبت كتاب الديمقراطية في الميزان
الكتاب اتوفر الحمد لله
راجعى الماسنجر , او البوست المعني

تحياتي اخ عبد المنعم الطيب حسن

منذ أمد بعيد وإمتثال تكتب من خلال باسويرد أميرة السيد ، وبسمات الشيخ

يبدو إنك ما كنت منتبه ...


تحية أيضا لصاحب البوست .. وجميع المتداخلين .. وإمتثال

ألف شكر للأعزاء
محمد مجيدو
درديري كباشي
عمار عبد الله
علي المشاركة و توضيح وجهة نظركم
كنت اتمني واحد يعترض علي التثنية
و يقول كلام يستحق الرد عليهو
لكن كل المعترضين المنطق بتاعهم ضعيف
و اسلوبهم عاجز. و بنطلقوا من عداء شخصي
جنحوا للسب و الشتيمة التي لا أقبلها في الخيوط التي
افتحها. تجاهلي لهم في البداية كان رسالة بأن وجودهم
غير موغوب فيهو بهذا البوست ...
"و اللبيبُ بالإشارةِ يفهمُ"
لكن زي ما بقولوا حبوباتنا "الفَهَمْ قِسَمْ"


لاحظوا المداخلة الغريبة دي

لمان المستنير يقول ما في حساب ح يتفتح باسم امتثال عبد الله معناتها ما في حساب.
انتو بتكتبوا ببصركم والمستنير بكتب ببصيرتو



طبعاً أنا ما فتحت البوست ده عشان أَخُتْ الودِع أو اشوف بي بصيرتي
أو أضرب الرمل. و لو ده رايك يا اللخو انت حُر تماماً
بس أفتح ليك بوست قول فيهو كلامك ده
ما تحشِروا في بوست ما مخصص لهذا الكلام

أكرر أسفي مرة ثانية للإبنة امتثال
لأني لم أقصد الإساءة اليها في هذا البوست
بل أنا فخور بها و بأمثالها من الجيل الثاني
من أبناء المهاجرين

و لا أحب المواصلة في هذا الخيط
غرض البوست انتهي

ما في أي إساءة من جانبي لامتثال
ات بها لو موجودة
انت متضايق من كونو حساب بسمات يستخدمو اكثر من شخص،
وجئت طرحت الحل الساذج دا
ساذج لأنو في متناول امتثال (لو أصلا موجودة)
مداخلات الناس بسيطة الما قاعدة تقول لبكري كيف تسمح لاسمين باستخدام نفس الحساب؟

أنا بطرح في رأي تاني:
الذين يكتبون من حساب بسمات هم شخص واحد، وحلك غير ممكن، لأني ارجح عدم وجود حقيقي لامتثال

الكلام دا فوقو شنو كونو يكون موجود في البوست دا؟

بالعكس البوست يقفل الطريق أمام الذي يكتب بحساب امتثال

ما عارف ليش دايرني افتح بوست بنفس المعنى؟!
بدار يعني؟!

اقصد بذار يعني؟!

عموما ما قاعد استخدم الاساءة الشخصية في مشاركاتي؛ عشان الناس ما تلقى بيها مخرج وتشتيت كورة

والله المستجير ما أساء ولا حتي لمح بالإساءة ..
الزول كتب رأيو بصراحة واستنتج استنتاج لو طلع
صاح يبقي هو صاح ولو طلع خطأ يبقي ليهو أجر المجتهد
بس ببساطة شديد ة.
البوست عموما ما فيهو اساءة لكن فيهو استعداء غير مبرر
من عليش لعبد المنعم .
عموما :
مرحب بامتثال حقيقة كانت أو خيال .

هلا بالعزيز طلحة عبدالله
تصدق انا ذاتي مستغرب لهذا الاستعداء الغير مبرر
وكلامي بسيط ما فيها اي إساءة لأي احد
بس الواحد اطمأن ان المنبر دا لسع فيهو ناس زيك يا طلحة
بقول الحق
شكرا يا كبير
وطبعا انا عندي وعدي كوني لا أخوض معارك صغيرة
هذا عهدي لن أتنازل عنه مهما تطاول الصغار....

من باب المشاركة بالنقاش فيما يخص الجدل الدائر حول حقيقة شخصية الزميلة " امتثال عبد الله " ..
أرى أنه بإستطاعة كل مشكك ان يتأكد بنفسه ، فقط بتتبع هذا الخيط الذي خطته " امتثال " بنفسها في بوست مجاور ..

(( انا امتثال عبد الله طالبة بجامعة كولومبيا في السنة الثالثة ))


أما فيما يخص موضوع البوست
فقد حسم صاحب الدار الأمر بمداخلته وعلى اثرها حزم صاحب البوست " عفشه " وانصرف ..

أرحب بإمتثال عبد الله اضافةً ، وقلماً حراً ..

الصاوي وشركاه
من الحاجات البتميز الانسان الحساس والجواهو حلو زيك كدة ...
الناس بتقرا وبتعدي على اشياء ظاهرة ومهمة في نفس الوقت
زي اختنا كمثال (امتثال) ... وهي في المتابة تمتلك ادواتها جيدا
صحي المفروض يكون عندها حساب مستقل لاني انا بلخبت بيناتوم
ومفتكر ان بسمات هي البتكتب او بتوقع بى امتثال
دي حركة فنية وذكية منك ..
---------
امتثال وشركاها

Quote: ولكني اجيد اللعب والعزف باربعة الات موسيقية،

نحاسية ولا نفخ ...

كتب جلالدونا :

Quote: معرفتى بى كتابات الاخت امتثال بدت بى بوست اسامة بن لادن للاخت اميرة السيد . حيث شاركت بالترجمة و دى متأكد منها و يالكتابة فىه فى بعض المرات و فتحن بابا جديدا ما اظن طرقوا زميل او زميلة قبلهن اضاف الكثير لزملاء و زميلات و قراء و قارئات سودانيز ازن لاين و اظن تكررت التجربة فى بوست تايتنك و الان مع كاسترو وجون كندى تجربة تستحق المتابعة و التشجيع و التوجيه فيا عزيزى عبد المنعم اتمنى دعمك الكامل لهذه التجربة العظيمة برغم حداثة سنهن و تجربتهن نفس الكلام مكرر لأخونا ابوبكر عباس ما عشان حاجات تانية نقسو على هذا الابداع الوليد و اعيد ترحيبى بالعزيزة امتثال و مكانك هنا و انت اهل له

الاخ جلالدونا
اخونا الصاوي
جميع المتداخلين :

فعلا بناتنا بسمات العطبراوية وامتثال واميرة بت السيد مبدعات وقمة في الرقي .. اذكر مداخلاتهن الثرة في بوست عطبرة التوثيقي وبدايتهن في ترجمة كتاب " عطبرة مدينة الحديد والنار" التاريخ الإجتماعي لعطبرة ، مدينة السكة حديد في السودان ،1906-1984م للبروفيسور احمد العوض سيكينجا حيث بذلن جهدا غير عاديا وأعطين البوست زخما حتى فاقت المشاهدة المائة الف ، لكن الجميل مابيكمل فقد توقفن عن الاستمرار في ترجمة هذا الكتاب العظيم ..
اتمنى لهن التوفيق وياحامد الصاوي ربنا يجعلها ليك بيضاء محل ماتقبل زي مابيقولوا حبوباتنا .
التحية لك ولضيوفك الأكارم.

ترجمة كتاب بن لادن .. إستيف كول ..
زملائي في العمل من الحضارم واليمنيين صوروا عشرات النسخ من سودانيز
وأرسلت للاميرات في ذلك الوقت بهذا الموضوع
كان إستغراب هؤلاء عن أسلوب وطريقة ترجمة الكتاب ..
إلى اليوم مازال الحديث يدور حول الكتاب ومقدرة السودانيين في الكتابة ..
لقد عرفوا الطرقين لسودانيز أون لاين ..
وهم حتى اللحظة منكبين على قراءة ترجمة حادثة كيندي ..
أذكر أن إبنتنا أميرة قالت لي عبر الايميل .. لا حقوق ولا شيء
دعهم يطبعوا كما يريدون ..
التحية لهن .. وهن مبدعات .. هي موهبة ..

استاذي حامد الصاوي

قد تحدثت اليوم هاتفيا مع الباشمهندس الاستاذ بكري ابوبكر، سيد الحوش
وطلبت رسميا عضوية سودانيز اون لاين ، وارسلت له ما طلب عبر البريد الالكتروني
الemail.. وبمجرد حصولي على الباسويرد، ساعود يا استاذ الهادي الشغيل لتكملة
ترجمة كتاب عطبرة
ومرة ثانية شكرا حامد الصاوي لترشيحك وعلى الرغم مما كتبته لك من اعذار ولكن
ارجو ان اكون عند حسن ظنك
مع وافر الاحترام والتقدير
امتثال عبد الله

أوأووو
المستنير شرب زيت

دي يا منقة الكم باك بتاعها لازم يكون كارب شديد! أكرب من جك الفول و البت ديك الشبك اسكيرتيها في مسمار اللوري
طريق ابوحجار ما بخارج :)

و الله ما رضيناها ليك يا عزيزى المستنير
______
ارجو من الاخت العزيزة امتثال الا تشارك باسمها حتى يثبت ما قدمه من اتهام
يا طلحة هو ما استنتاج هو اتهام عديل كده و كلامو ياهوداك قاعد فوق
بل زاد عليهو بأنها تورطت فى الكذب و اكّد كلامو بى انو لن يفتح سودانيز اون لاين لو
طلعت امتثال شخصية حقيقية و شاركت بى اسمها و ده كمان زاد عليهو رهان عديل كدة
غايتو الحل فى انى احنس اختنا امتثال بى انها ما تشارك بى اسما عشان ما نفقدك يا مستنير
امتثال يا اختى .. عليك رب المجرات بتاع المستنير ده اجلّى مشاركتك شوية لامن نلقى ليهو حل او حلل
بالتعاون مع اخونا الملك و اخونا معاوية الزبير
اكرر معاوية الزبير عشان معاوية المدير ما يجى طاير .. هو يحينا ناقصين ...
_____
وضاحة كلاى ... ما اشوفك حايمة بى جاى
ثمح

العزيزة امتثال
معليش نسيت ابارك و ارحب بى قدومك الميمون

Quote: طبعا هسع كل الحاقدين بتمنوا كلامي يطلع غلط، وامتثال تطلع حقيقية عشان يخرسوني، لكن هيهات

هيهات هيهات لا جِن ولا سحرة !، حييييييييي انا،
أمسك عندك واحد حاقد ليهو عنقرة .
وآآآآآمغستي مِنّك إنت يا الخفيف اللفيف قدُر ما حذرناك ما عرِفنا
معاك شي، اتقل شوية .
كِدي عليك الله أنسى سودانيز بإشتباكاتها ؤ عنكباتها ؤ تعال ادينا
طلة تاني في البوست دا وحّدو .
ؤ تاني أمسك عندك واحد حاقد، هل من مُثني ؟.

استاذي حامد الصاوي

قد تحدثت اليوم هاتفيا مع الباشمهندس الاستاذ بكري ابوبكر، سيد الحوش
وطلبت رسميا عضوية سودانيز اون لاين ، وارسلت له ما طلب عبر البريد الالكتروني
الemail.. وبمجرد حصولي على الباسويرد، ساعود يا استاذ الهادي الشغيل لتكملة
ترجمة كتاب عطبرة
ومرة ثانية شكرا حامد الصاوي لترشيحك وعلى الرغم مما كتبته لك من اعذار ولكن
ارجو ان اكون عند حسن ظنك
مع وافر الاحترام والتقدير
امتثال عبد الله

الف شكر ليك يا بنت الأصول
و فعلاً مكسب للمنبر انو يتشرف بعضويتك
اتمني لك التوفيق في الدراسة و النجاح الباهر
ركزي عليها فهي أولاً .

الشكر لكل من رحب بتشريف امتثال للمنبر.
الشكر لكل المتداخلين في البوست (دون استثناء)

لا أتوقع مزيد من المشاركات
و العاوز يواصل أحسن يكون
في خيط أو بوست جديد.

و متم و دامت أيامكم سعيدة

عليك الله يا حامد الصاوي تهدي لي البوستي دا،
إنت بس اكتب إهداء لود المدير واكتِب لي تحت
مودتي ...

يا كيشا (جمع كيشة)، دا ح يكون ديل (deal) مع بكري، ح تكتب بامتثال عبد الله ك نيك نيم في حساب جديد ويقلع باقي الحسابات

Quote: يا كيشا (جمع كيشة)، دا ح يكون ديل (deal) مع بكري، ح تكتب بامتثال عبد الله ك نيك نيم في حساب جديد ويقلع باقي الحسابات

لكن الرييس قال ايّ زول بيسجل بأوراقو الثبوتية !.


ود البشرى ألحق،
وحات الله زولك دا أصلو ما بيغبى حِيلة ...

شنو يا ود المدير
نقول ليك ما تجى حايم بى جاى
تقول يهدوا ليك البوست
غايتو عليك جنس شلاقة
البوست ده حقى غصبا عنك و عن حامد الصاوى ذاتو
و الدليل عندى فيهو رهان
___
عزيزى ابوبكر عباس
عليك الله شفت الكيشة ده
داير يشيل جك الفول و يقوم جارى
لكن قوليهو ده بعدك
هذا مع تحياتى للصديق عمر التاج

Quote: شنو يا ود المدير نقول ليك ما تجى حايم بى جاى تقول يهدوا ليك البوست غايتو عليك جنس شلاقة

وحات الله قدُر ما عصرت علي نِفيستِي غلبني،
دحين اعفى لي، والبوستي شراكة بيناتنا ...

عليكم الله، طير أم بليش الاتنين ديل موش تعبانين؟!
نعم الريس قال تسجل باوراقك الثبوتية، لكن يا كيشة، تختار النيك نيم الدايرو

بوست هدفو نبيل وممتع متابعة موضوعو ونعرجات المداخلات الفيهو..
كوكتيل المداخلات الفيهو يضحك ..يحير ويغيظ احيانا..
ونهاية البوست سعيدة ولكنا فى انتظار امتثال "رئيس الخيانة" للعدالة.
شكرا لصاحب البوست ولامتثال ولضيوفه وزواره.