Post: #2 Title: Re: انتشار الالحاد وسط السودانيين Author: أيمن محمود Date: 05-10-2017, 06:59 AM Parent: #1
كتب جمال على حسن قبل 4 سنوات
Quote: ظاهرة الإلحاد في أوساط بعض الشباب السوداني أصبحت تستحق الانتباه والملاحظة بعد انتشار مواقع التواصل الاجتماعي.. الظاهرة خطيرة وليست حالة واحدة أو حالتين.. حتى نعتبرها حالات عرضية لا تستحق التوقف عندها بجدية..
Post: #3 Title: Re: انتشار الالحاد وسط السودانيين Author: أيمن محمود Date: 05-10-2017, 07:03 AM Parent: #2
اعتقد ان الحاد السودانيين من بعض النواحي نتاج طبيعي لحالة الهوس الديني خلال العقود القريبة الماضية
Post: #4 Title: Re: انتشار الالحاد وسط السودانيين Author: ابراهيم عبد الوهاب Date: 05-10-2017, 07:22 AM Parent: #1
الحمدلله دي زكرتني بواحد بكلم في صحبو قال ليهو ابوي مات فقال ليهو والله كويس (داير يقول ليهو البركة فيكم) اها الحمد حقتك دي في ياتو باب
Post: #5 Title: Re: انتشار الالحاد وسط السودانيين Author: Haytham Ghaly Date: 05-10-2017, 07:26 AM Parent: #4
Quote: اها الحمد حقتك دي في ياتو باب
اعتقد في باب الريان
Post: #7 Title: Re: انتشار الالحاد وسط السودانيين Author: ahmedona Date: 05-10-2017, 09:13 AM Parent: #5
دي أحداث عادية تحصل في أي مجتمع ....
وحصلت في عهد الإسلام أول ...
بس يمكن تكون ما مطلع عليها....
Post: #11 Title: Re: انتشار الالحاد وسط السودانيين Author: Mohamed Adam Date: 05-10-2017, 09:42 AM Parent: #5
تحول
Post: #13 Title: Re: انتشار الالحاد وسط السودانيين Author: Mohamed Adam Date: 05-10-2017, 10:26 AM Parent: #11
يبدو لي السبب الرئيسي الناس كانت مغلقه ومحصوره في حته واحده وضيقه.. الناس كان مفروض عليها خيارات قليله ومحدوده للغايه، لكي تجد المعلومه الصحيحه(الأسره، المدرسه، رجل الدين والشارع) وكل.هذه المواعين كانت من دقنه وافتلو تأخد المعلومه وتدورها في ذات الحلقه وبالطبع هي مواعين ضيقه ماكانت تملك اي تنوع فعلي في تغير افكارها ولا هي شاهدت او تفاعلت مع اي نموزج لفكر خارج عنها، بل كان هنالك تعتيم مقصود لحجب الأفكار الأخري بحجة انهم يمتلكون ما هو احسن في الساحه في حين انهم متناسين ان الحقيقه مطلقه لايمكن وضعها في قالب واحد بل هي "بلا دروب".
إذا نحن عارفين ومؤمنين بصحة مانملك من معتقدات وهي الأصليه فلماذا نخاف عليها من أفكار نزعم انها غير أصليه! الأصلي عمرو ما يخشي المضروب!!! الفكر الصحيح كالنور يبدد ظلمة الفكر الغلط. والامر لايحتاج لأي مجهود جبار لنحميه من الضياع لان الحمايه منو وفيهو بل هي تركيبته الداخليه!
الآن المجتمعات إنداحت مع بعضها البعض بفضل التكنلوجيا وبفعل الكوارث الطبيعيه والحروب، علي سبيل المثال اليوم تجد المزارع، الراعي، العامل، الموظف، العسكري، واسرهم من مكانهم يتكلمون مع إبنهم او مع صديقهم باليابان وباللغه اليابانيه، امريكا، ألمانيا افريقيا الوسطي وغيرها من دول العالم وبنفس لغاتهم. وبشتي ضروب الحياة،
في الموسيقي ما صرنا نسمع لأم بلينه السنوسي وإنما صرنا نسمع لتريسا شابمان، في الدين صرنا نسمع خطب الإمام وبرضو نسمع ترانيم البابا والكابيلا بتاعت الحاخام، وكذلك للأبانشايد والفيدا للبودا ..
في الإجتماعيات صرنا نسمع أستاذة علم الإنسانيات ساره أبو، وبرضو نسمع لأوبرا ورنفرلي، وفي الزواج صرنا نتزوج زواج تقليدي من بنت عمنا المحليه او نتزوج بالأنترنت من بت عمنا الخواجيه الساكنه في قاره اخري الكان قبل ثلاثه عقود يقابلها آبائنا في اسواقهم الموسميه بالصدف وهي لابسه الشورت والكسكتا وماسكه كدوسها تدخن، وكانوا يقولوا عنها شيطانيه او غول خرافي من شدة بياض جسمها ونعومة أظافرها وبشعرها المموج ا!!!..
في التجاره صرنا نتسوق من سعد قشرا ببحري، سوق بني.مالك بجدا وبىرضو صرنا نتسوق بسوق ام ڤت ببانكوك، وبكوانجو الصين، (و التسوق بالنت يصلنا في بيوتنا) ..
في الإعلام صرنا نسمع لإذاعة هنا ام درمان وكذلك نسمع لإذاعة كاقالي برواندا والسي إن إن بأمريكا. في العقيده، صرنا نتفاعل مع مواقع للأزهر "الشريف" بمصر وفي ذات الوقت نسمع لمواقع الملحدين بروسيا!!
في الصحه صرنا نتعالج بمركز العيلفون وفي نفس الوقت ممكن نتعالج بمسنشفي لندن الجامعي بالصوت والصوره!!
في مجال التعليم صرنا ناخد المعلومه من بخت الرضا وبعقوبه جسديه صارمه وفي النقيض اليوم ممكن ناخد نفس المعلومه ومن داخل منازلنا من السيربون وبكل اريحيه!!
لانستطيع حصر هذا الأمر في يوم او سنه ولكن بفضل الله وبفضل العم سام الأمور فلتت من ايدي المتعصبين الرجعين وصار العلم مبزول كالطعام علي مائده كبيره يجوز لأي إنسان يلتقط مايناسب زوقو ومعدته والأمر لايحتاج لأندروس ولا لاي حبه فواره اخري لعملية هضمه!
في الحقيقه هذه الحاله ليست بظاهرة إللحاد كما سميناها بهذا البوست ولكنها ظاهرة لوعيّ جديد، بلا ادني شك، سيفضي إلي دين صحيح وهو دين الأخلاق ودين الفطره السليم.
Post: #6 Title: Re: انتشار الالحاد وسط السودانيين Author: sadig mirghani Date: 05-10-2017, 09:12 AM Parent: #1
قال ليك واحد مستنير ابوهو مات صحبوا جا يعزيهو قال ليهو البقاء للأقوى جمال علي حسن دا منو؟
Post: #8 Title: Re: انتشار الالحاد وسط السودانيين Author: ahmedona Date: 05-10-2017, 09:27 AM Parent: #6
بعدين يا شمهندس / أيمن ...
حد الرد موجود في كل الديانات السابقة ....
والإسلام كمان أهون ... العقوبة لديهم الرجم ( دا دين الشعوب المتحضرة في نظركم)....
فمثلا العهد القديم ...
سفر التثنية
13: 6 و اذا اغواك سرا اخوك ابن امك او ابنك او ابنتك او امراة حضنك او صاحبك الذي مثل نفسك قائلا نذهب و نعبد الهة اخرى لم تعرفها انت و لا اباؤك
13: 7 من الهة الشعوب الذين حولك القريبين منك او البعيدين عنك من اقصاء الارض الى اقصائها
13: 8 فلا ترض منه و لا تسمع له و لا تشفق عينك عليه و لا ترق له و لا تستره
13: 9 بل قتلا تقتله يدك تكون عليه اولا لقتله ثم ايدي جميع الشعب اخيرا
13: 10 ترجمه بالحجارة حتى يموت لانه التمس ان يطوحك عن الرب الهك الذي اخرجك من ارض مصر من بيت العبودية
Post: #9 Title: Re: انتشار الالحاد وسط السودانيين Author: محمد عبد الله الامين Date: 05-10-2017, 09:30 AM Parent: #8
ديل ذهجانيين ساكت .... الله يهديهم ..
Post: #10 Title: Re: انتشار الالحاد وسط السودانيين Author: ahmedona Date: 05-10-2017, 09:37 AM Parent: #9
*** العهد القديم .... حد الردة قتل دون رحمة ... من الرسالة إلى العبرانيين [ 10 : 28 ] : " تَعْلَمُونَ أَنَّ مَنْ خَالَفَ شَرِيعَةَ مُوسَى، كَانَ عِقَابَهُ الْمَوْتُ دُونَ رَحْمَةٍ، عَلَى أَنْ يُؤَيِّدَ مُخَالَفَتَهُ شَاهِدَانِ أَوْ ثَلاَثَةٌ ".
Post: #12 Title: Re: انتشار الالحاد وسط السودانيين Author: عبد العزيز محمد عمر Date: 05-10-2017, 10:00 AM Parent: #10
غايتو شماعة الهوس الديني بتاعة الإنقاذ دي إتملت خلااااص ....
Post: #14 Title: Re: انتشار الالحاد وسط السودانيين Author: مني عمسيب Date: 05-10-2017, 10:34 AM Parent: #12
الملحدين هم المصلحين .. شوفوا الفيديو دا .
Post: #15 Title: Re: انتشار الالحاد وسط السودانيين Author: سيف النصر محي الدين Date: 05-10-2017, 11:24 AM Parent: #14
يا شيخ احمدونا مافي حد ردة في العالم غير عند المسلمين. المسلمون هم وحدهم من يجزعون اذا خرج احدهم عن دينهم و اذا عجزوا عن اجباره على العودة يقتلونه. لو نقلت العهد القديم كله هنا لن تغير من هذه الحقيقة. ياخ القرضاوي قال لولا حد الردة لانتهى الاسلام! هذا هو مبلغ ثقة كهنة الدين بربهم و دينهم..فتأمل يا رعاك الله.
Post: #16 Title: Re: انتشار الالحاد وسط السودانيين Author: اسماعيل عبد الله محمد Date: 05-10-2017, 11:48 AM Parent: #15
اخ ايمن تحية وسلام
الحكاية بدأت من مرحلة (الناس ديل كرهونا الدين ذاتو)
بعد داك تدرجت حتى وصلت مرحلة الاعلان عنها و التصريح.. اذا الجماعة ديل قاعدين الشغلانه بتصل لي مرحلة اكبر ..
عليكم بالحكمة:
(الجفلن خلهن اقرعوا الواقفات)..
Post: #17 Title: Re: انتشار الالحاد وسط السودانيين Author: Anas Babekr Date: 05-10-2017, 02:07 PM Parent: #16
انتشار الانترنت و غياب التثقيف الديني جعل الباب مفتوح للردة و الالحاد ,,
بعضنا او كلنا تأتية هواجس فى الدين و اسئلة عن مكنونات البديهيات فى الدين مثل الموت و الحياة الاخرة و ما الي ذلك
فأذا لم نجد الدعم الديني من الشيوخ الاجلاء بالطبع سوف يكون هناك اتجهات اخري حمانا الله و حماكم من كل سىء و شرور
Post: #18 Title: Re: انتشار الالحاد وسط السودانيين Author: Osama Mohammed Date: 05-10-2017, 02:58 PM Parent: #17
Quote: فأذا لم نجد الدعم الديني من الشيوخ الاجلاء بالطبع سوف يكون هناك اتجهات اخري حمانا الله و حماكم من كل سىء و شرور
لو كانو اجلاء صحي ما كانو وقفو مع الظلم وسحلو الضحايا بي فرمانات الهية ، الناس دي بتستهبل ولا شنو ؟
يعني بالجد ما عارفين السبب ؟ ولا عاوزين تتغابو ؟ تعملو رايحين؟ واجيك برضو واحد يقول ليك دي ( فرمالة)؟ فرمالة شنو ؟ يعني متخيل لو ما كان جات العصابة دي وضيقت العيشة على سكان البلد المسكينة دي كان الناس ح تكره الحاجة البمثلوها (( ا لتدين المظهري )) بالنهار ( وكل بلاوي الدنيا بالليل)؟ السبب الترابي وحكومة الانقاذ ومافي اي واحد ح يقدر يغيير الحقيقة دي . ايوة الناس زهجت من الائمة والشيوخ يتكلمو عن الجهاد وهم جهادهم قي النسوان والمال والاراضي والبترول والدهب والعمولات. الناس زهجت من المتدينين القادنهم ليل نهار عن العفة والفضيلة وهم ما بقدرو يمسكو روحهم ( العفيفة ، الطاهرة ) من طفلة عمرها اربعتاشر سنة ولا الاسواء من اغتصاب الاطفال ( اولاد او بنات) . ناس عاوزة تكفر وتقتل اي زول يقول ليهم انتو غلط ويعملوها باسم الدين ، دايرين الناس او على الاقل الجيل الحالي والسابق يوافقوهم ؟
مسئولية الاخوان المتاسلمين وعصابة الانقاذ في رسم صورة ( المتدين الحرامي القاتل المغتصب عدو الحرية) لن تسقط بالتقادم. واي زول يقول دي ما مسئولية عصابة الانقاذ والاخوان يورينا لو ما حصل انقلاب الاخوان على الديقراطية ، هل كنا بنصل للمستوى دة؟
اما الشيوخ الاجلاء ديل فهم قسمين : ارزقية الا (قلييييييييييل) وشيوخ بزنس .
ودي للجميع،،،،،،،
Post: #19 Title: Re: انتشار الالحاد وسط السودانيين Author: Anas Babekr Date: 05-10-2017, 03:21 PM Parent: #18
ما كل شيوخ السودان او الوطن العربي موالين السياسين بل علي العكس اغلبهم يقيمون فى دول المهجر خوفا من بطش الحكام
علي سبيل المثال و ليس الحصر الشيخ عمرو عبد الكافي و الشيخ الراحل محمد سيد الحاج و الكثير و الكثير
في مسجد بري الكبير كان هناك داعية وواعظ من اميز الخطباء الشيخ عبد العظيم لة كل التحايا فى بلاد الاغتراب هو الان ,,
كان كل خطبة جمعة يجلب موضوع من واقع الحياة و يتناولة بصورة شرعية و تنويرة لم يقف فقط عند ثوابت الدين و مفاهيم قديمة بل كان يجدد فى تعاريف الدين بحداثة المجتمع الان
كان يتحدث مرات عن العلاقات الاجتماعية و اسباب بعد البعض عن التواصل الاجتماعي الحقيقي وليس الالكتروني و ما الي ذلك من مواضيع ,,
نرجع الي لب الموضوع و هو انتشار الالحاد و نترك المجال مفتوح للأخرين
Post: #20 Title: Re: انتشار الالحاد وسط السودانيين Author: Osama Mohammed Date: 05-10-2017, 03:49 PM Parent: #19
يا انس تحية طيبة اذا كان رب الدار ........
رئيس الحكومة لا يخاف الله ، يكذب يقتل بل ويغدر بمن اتى به للسلطة في سبيل السلطة و باسم الله ‘ يطالب بكل بجاحة بعمولات او كما حدث لوفد ايطالي من قبل داير ينظر في علاج الناس بالمجان ويصر يكون في دفع ( الفيديو منتشر ممكن تفتشو ) والشيوخ وبطانة الحاكم كلها لا تقول بغم ( على الاقل من منطلق اسلامي ) بل يوافقونه ويشددون على قتل ( من يفكر ) في رفض الفكرة الاسلامية بشكلها الحالي المقدم من عصابة الانقاذ وشيوخها (ا ل ا ج ل ا ء ). ماذا اخرج الاسلام ف السودان الحالي ؟ ربما يفرز مجتمع مفكك لا يعترف بالاسلام كعرف اجتماعي بل يعتبره ( حالة ثقافية ) و يمكن لاي شخص ان يتركه ان كثرت الاسباب! انا قلت (قلللللللللليل) من الشيوخ كويسين ممكن تخت شيوخك الذكرتهم ديل في قللللللللليل دي وشخصيا لا ارى فيهم خيرا لو ما دافعو عن المظلومين بحق وحقيقة. اذا كان الشاب دة لا يسوى جناح بعوضة ف ملك الله هم خايفين من شنو؟ الموضوع دة انا عاصرتو بي نفسي كنت بدرس طلاب الجامعات ف التسعينات وحسيت انو الافكار الالحادية بدت تنتشر واتكلمت مع بعض الطلاب ولكن وجدت انهم مقتنعون بما هم مقدمون عليه ولكن في سري عرفت بان القادم اسوأ. العصابة الغبية بتاعت الانقاذ دي همها كان الاغتناء واستلام السلطة وليس عرض الاسلام كبضاعة تجذب الشباب وما اهتمو لي قطاع الشباب لانو ( مكلف ) وداير ناس ( بتفهم ) وعندها خبرات حيايتية ع الاقل ودة كلو هم ما بصبرو ليهو لانهم (شغلتهم اموالهم واهلوهم ) . لو كان في شيوخ بالجد بتعرف الله البنعرفو نحنا ديل كانو وقفو ضد الظلم وضد استمرار ( التدين الزائف ) لكن كعادة الانقاذ ، هبت لنا ( كراماتها )بشيوخ التدين الزائف ( ناس البزنس واشخاص اخرين غير اسوياء او لهم اجندة بعيدة عن الاسلام الحق الخالص لله ) نعم لو في شيوخ حقيقيين ما كان السودان دة وصل للمرحلة دي .
ودي للجميع ،،،،،،،
Post: #21 Title: Re: انتشار الالحاد وسط السودانيين Author: جمال ود القوز Date: 05-10-2017, 04:41 PM Parent: #20
الظاهرة قديمة وواقع الامور بتحتم وجودها ..في اي زمن وفي اي مجتمع .. لكن احس الناس بالظاهرة دي لانها برزت على السطح كاداة من ادوات التنفيس .. لان ضغوطات الحياة قاسية وعجلة المعيشة بتفرم مثل هذه النماذج الرخوة .. في ايمانها وعقيدتها فديل تقدر تقيس عليهم مثال الانفلات الاخلاقي .. لبعض الاسر التي ضاق بها الحال وهرستها مطالب المعيشة الصعبة .. فلم تجد أمامها الا ما هو متوفر لها فباعته وتاجرت به .. فزي أخونا ده ما عنده حاجة يساوم ويتاجر بيها غير دينه .. يقوم يقول ليك أنا الحدت وكمان يمشي للجهات المختاصة في مجتمع مسلم سيبك من الدولة خالص .. فيقول ليهم سجلوني أنا بقيت ملحد .. طيب وبعدين .. ما تلحد بدون ما تكورك للناس توريهم الحادك .. شي عجيب والله .. قوول سجلوا الحاد الزول ده هل الشغلانة دي حتحل فشل شخص زي ده لم يجد ما يساوم به المجتمع الا الدين .. ليثبت مدى حنقه وبعكس فشله المريع وعجزه عن المواكبه .. عموما الظواهر الزي دي ما هي الا صور لنماذج ما قادره تعيش أو تعاني من الفشل .. أو هي نماذج لمرضى نفسيين أو يعانوا من مشاكل أسرية ودي حالة زولنا ده وفي كلا الحالتين .. ديل مرضى أو صعوبة الحياة جابت ليهم انحرافات نفسية أو عصبية أو أوصلتهم للمرحلة المتأخرة دي .. هسه لو زول أموره ظابطه ويتمتع بدخل جيد ويعيش على مستوى أسري جيد .. وهو أصلا زول ملحد وما عنده بالدين شغله هل في زول سآله هو ملحد ولا مسلم .. ولا في واحد حيخش في نفسه ويعرف هل هو ملجد أم لا !!! .. هو ذاتو حيفكر ميون مره قبل يعمل خطوة فارغة زظي ده .. لانه عنده ما يخسره نماذج زي دي يودوها المستشفى راسا لانها تعاني من مرض نفسي أو عصبي .. أو مشكلة أسرية مستفحلة والناس مفروض ما تتوقف عند هكذا ظواهر لانها ما حتنتهي ولا حتتوقف .. وحتظهر كلما تجد الأمور مواتيه .. الزولده مسكين .يودوه يعالجوه .. ده الحل لانه زولنا ده أكيد مريض نفسي .. أو يشوفوا محيطه الأسرى .. ليه انا رجحت الفرضية دي لأنه 23 سنة دي سن مبكر والزول بيكون لسه ما شال المسؤلية المادية .. والله في السن دي كنا بكالوريوس الواحد ما قادر يحك راسه مش يفكر في الحاد وبطيخ ..
Post: #22 Title: Re: انتشار الالحاد وسط السودانيين Author: جمال ود القوز Date: 05-10-2017, 05:03 PM Parent: #21
اعذرونا للاخطاء لظرف ما .. ما دايرين نقلول ليكم جلكسي اس 7 أوآيفون طرشمية معصلج معاي هههههه ..
