Post: #1
Title: خطة “إستراتيجية” للنهوض بالسكلة حديد بتكلف 16 مليون دولار
Author: زهير عثمان حمد
Date: 05-08-2017, 08:51 PM
08:51 PM May, 08 2017 سودانيز اون لاين
زهير عثمان حمد-السودان الخرطوم
مكتبتى
رابط مختصر الخرطوم :خرطوم بوست
أعلن وزير النقل والطرق والجسور السوداني، مكاوي محمد عوض، عن خطة إستراتيجية للنهوض بقطاع السكة حديد بتكلفة إجمالية تفوق الـ16 مليون دولار تنفذ خلال 12 عاماً.
وأقر الوزير في تقرير أمام البرلمان اليوم، بإنهيار نصف أسطول سكة حديد ويحتاج الى تأهيل لتشغيه، وذكر ان عمر 75% من شبكة السكة الحديد تجاوز الـ30عاما ومعظم العربات فاق عمرها الـ50 عاما، مما تسبب في تدهور الايرادات المالية للقطاع.
وأشار الى أن الخطة الاستراتيجية، “2017 – 2018م” ستنفذ خلال اربع مراحل تبدأ من العام الجاري حتى 2020 يتم فيها تنفيذ 6 مشاريع بجملة اطوال خطوط 2,672 كليو متر بتكلفة 4 مليون و825 الف دولار، بينما تباشر المرحلة الثانية من 2021م الى 2024م يتم فيها تنفيذ 7 مشاريع بجملة اطوال 2606 بقيمة 5 مليون و797 الف دولار، وتبدأ المرحلة الثالثة في 2025م وحتي 2027م بتكلفة 3 مليون واثنين وخمسين الف دولار لتنفيذ 4 مشاريع بجملة خطوط 1130، وتختم المرحلة الرابعة والاخيرة في الفترة من 2027م الى 2029م بتكلفة 3 مليون و824 الف دولار لتنفيذ 5 مشاريع بجملة خطوط 1643 كليومتر، وقال ان الخطة ربطت مواقع الانتاج وعواصم الولايات وتتضمن توريد 142 وابور بضاعة، و55 قطار ركاب.
وقال ان التكلفة المالية المقدرة تمول عبر وزارة المالية والاتفاقات الثنائية والقروض والمنح والتمويل تجاري عبر نظامي البوت والشراكة، لافتاً الى 53% من التكلفة بالعملة المحلية و47% منها بالعملة الاجنبية.
واكد الوزير السوداني تقادم وتدني كفاءة الاسطول الساحب والناقل وانتهاء عمره الافتراضي وصعوبة الإحلال والإبدال والصيانة وارتفاع التكلفة للارتباط بالخط الضيق وشكا من ضعف مقومات البنية التحتية من خطوط وأنظمة إتصالات وإشارات وتداخل العمليات الفنية للصانة والتأهيل مع التشغيل مما يؤدي الى تقليل الزمن المتاح لاستغلال الخطوط ، بجانب عدم توفر التمويل الكافي لتنفيذ مشاريع التأهيل والتحديث واستجلاب الاليات والمعدات وحرمان السكة حديد من القروض والمنح المالية والفنية من الدول والمؤسسات الغربية.
ووجه رئيس البرلمان ابراهيم احمد عمر، الوزير بمراجعة وتصحيح النسخة الانجليزية للخطة لاحتوائها على اخطاء جسيمة وفقا لنقطة نطام اثارها النائب المستقل محمد طاهر عسيل.
|
Post: #2
Title: Re: خطة “إستراتيجية” للنهوض بالسكلة حديد بت
Author: sadig mirghani
Date: 05-08-2017, 10:10 PM
Parent: #1
مكاوي ماسك ليهو خرتمية سنة
جاي يادوب يقول عمر الماكينات
والقضيب
والوابورات
وين شركة نوبلز
وين اولاد البرير
وين ال 360 مليون دولار
وين القطر الجديد القابع في بورتسودان
قالو اصغر من القضيب مع الحشمة
وين عبدالرحمن الخضر؟
16مليون دولار في 12 سنة!!!
دي بصرفها القصر الجمهوري في سنة
يصرفها في السكة حديد في 12 سنة
دا زول طيرة ساكت
|
Post: #3
Title: Re: خطة “إستراتيجية” للنهوض بالسكلة حديد بت
Author: Nasr
Date: 05-09-2017, 03:05 AM
Parent: #2
في الاول إفتكرتها 15 مليار دولار
معقولة 15 مليون بس تنهض بالسكة حديد؟؟؟؟
يعني مكسرنها لأكثر من عشرين سنة في شان 15 مليون؟؟؟؟
أي واحد من جلابة السلطة الكبار ممكن يدفع ال 15 مليون
ولا يرف له جفن
وأكثر منها بكثير صرفت في مؤتمر الحوار
والذي حتي المشاركين فيه لا يدرون علي ماذا إتفقو
محن الديكتاتورية لا تنقضي
المهم
يا خبرا السكة حديد في المنبر أو خارجه
كدي راجعوا لينا الأرقام دي
|
Post: #4
Title: Re: خطة “إستراتيجية” للنهوض بالسكلة حديد بت
Author: adil amin
Date: 05-09-2017, 03:41 AM
Parent: #3
في كمونية بدرية سليمان والدستور الدائم للحاكم بامر الله البشير والربع دماغ بتاعين المركز ديل وبعد 27 سنة ..لن ينجزو شيئا
ترجع الاقاليم
االفدرالية
الديمقراطية
الاحزاب لوطنية
دولة جنوب السودان
والشعب مصدر السلطات
برجع السودان للسودانيين
وينهض السودان ذى البرازيل والهند
يا الناس في اللفة وصابرين وكرتون مايو
ياكلو في
تامر حسني=راس الجداد ..والساوند سيستم=اضنين البقر ..واصبر= كرعين جداد
يجي يتكلمو عن السودان
البشير العالق مع الاخوان المسلمين ده ولايته تنتهت بي دستور 2005 احسن دستور في العالم وهو اصلا من 1989 لا بحترم الدستور ولا السودان ولا السودانيين
مجرد اداة رخيصة للخارج والاخوان المسلمين
صلح البلد سياسيا اول حاجة بعد داك التنمية تاتي عبر الايدي النظيفة والسودانيين المحترمين الذى يختارهم الشعب
ذى زمن نميري واتفاقية اديس ابابا والحكم الاقليمي اللامركزي والصين
|
|