روايات بوليسية

06:44 AM May, 08 2017

سودانيز اون لاين
عباس الدسيس-Saudia
مكتبتى
رابط مختصر

ايام كنا في الغرب اثنين متصاحبين اصلو ما بتفارقو شغالين سواء بالليل امشو اطشمو سواء والصباح اشترو ام فتفت
بجو بيت واحد فيهم اختو بتظبتها ليهم افكو بيها الريق واتوجهو للشغل العلاقة اتوطدت بينهم راح خطب ليهو اختو
صاحبو بقي الصباح مع ام فتفت اضاف ليها جرعات حنان لفت الايام ودارت البت جاها عريس لقطه نوع المقرش
اخونا باع صاحبو أقنع اختو بالعريس الجديد وقال ليها صاحبي دا زول سكران ساكت روحو ما قادر اشيلها لما اشيلك انتي
يوم قاعدين في البنابر بطشمو النقاش بدأ تبيعني بعد عشرة السنين اتقلب لي شكله الخطيب الباعوهو شال البنبر كسرو في راس صاحبو الدم نزل مطره
حسب السكره الفي راسو عمل شجاع وقال لازم اعالج صاحبو وامشي اعترف اطلع اورنيك (8) في الشرطه
عمك صول كبير شغال ليل خماهم المستشفي لقو المساعد الطبي نايم في التربيزة صحو من النوم شاف الدم اتخلع قال للمرض المعاهو امشي نادي الدكتور من الميز
صادف الدكتور كان معاهو الملازم الاثنين جو اتكلوجو يا الله وصلو العياده ربب في كنبة قعدو فيها
الدكتور عايز استخدم السلطات الطبية قبل خياطة الجرح لفه ورقه وقال لي واحد فيهم قوا أههههههه غلبو اميز الريحه قال للمساعد الطبى اعمل ليهم كشف البلاط شوف الجماعه ديل سكرانيين
المساعد الطبي قال ليهم امشو زي كدا في خط مستقيم علي البلاط الخطوة الاولي الثانية دق الدلجة
عمك مساعد الشرطة قال بالله حسي الجماعة ديل اسوق فيهم منو واخلي منو!!!!!
ولد اهلو مرتاحين جدا ومتابع اعمال ابوهو يوم اختفي في ظروف غامضة بعد ما شال ايراد الدكان والحافلة
بدت الروايات البقول ليك خطفتو عصابة البقول سواق الحافلة كان مشاكلو احتمال قتلو في ناس كمان الما بدورو الحكومة قالو خطفوهو ناس الامن وعملو منو بطل سياسي
كم يوم لقو الجثمان بتاعو مقتول قروشو معاهو وكمان الجوال
ناس المباحث اعجبوك شالو الجوال عشان اشوفو اخر اتصالات لقو جوالو مخزن فيهو نص نسوان الفريق التحريات بدت انادو في النسوان
اخيرا التحريات اكتملت عندو علاقة مع بت طالبه غلط معاها حملت اخوانا قابلوهو عشان اصلح غلطتو حصلت المشادة وقتلو
المشكله ما في اخوان البت القتلوهو المشكله نسوان الفريق اي واحده اتحرت معاها المباحث راجلها طلقها