والي الجزيرة ايلا رفض منح الحركة الاسلامية بولاية الجزيرة 500 مليون .. قال ليهم هو الله داير 500 مليون عشان يهاجروا ليهو😂😂 #طلس_الهجرة_الى_الله نقلا عن مونتي كاروو
------------- مونتي كاروو دا لا بعرفو ولا شفتو ولا صاحبي بس لقيتها في الواتس .. مونتي البعرفو هو Muntasir اي منتصر ابو سطرا نار منقد بس ما عارفو هو الكتب الكلام دا ولا منتويا غيرو .. التويتس دا ذكرني قصة واقعية عن برنامج الهجرة الى الله عشت تفاصيلها حا احكيه ليكم later . هسي النوم كبس تصبحون على خير
Post: #2 Title: Re: الهجرة الى الله !!!! Author: امجد الجميعابى Date: 05-07-2017, 10:35 PM Parent: #1
قمت على طرطشتك هسه انت و ايلا ما شايفين صديق و ناصر هاجروا الى الله لا قرش لا تعريفة
Post: #3 Title: Re: الهجرة الى الله !!!! Author: sadig mirghani Date: 05-07-2017, 10:46 PM Parent: #1
ابو القدح بعرف محل بعضي اخوهو
Post: #4 Title: Re: الهجرة الى الله !!!! Author: جلالدونا Date: 05-07-2017, 11:13 PM Parent: #3
يا اخوى ربنا سبحانه و تعالى بيسوقك غصب من اضانك دى و كل راس مالك كفن و قبر وقبليها عمل هجرة شنو دى البى 500 مليون دى بالتاكيد ده العسكرى منتصر و اظنّو كان سافّى بعدين هو ما سطر .. هو شريط
Post: #5 Title: Re: الهجرة الى الله !!!! Author: علي دفع الله Date: 05-08-2017, 07:07 AM Parent: #4
قبل شهر او اكتر جايي من الابيض ولمن وصلنا اظن قريب من ام روابة شفت عدد كبير من البصات والحافلات وقدامهم عربية نجدة . وقفنا لعبور الموكب.... كل بص فيه يافطة مكتوب فيها (ولاية النيل الابيض.برنامج الهجرة الى الله) في كلام تاني ما متذكرو في اليافطة ام زيق الدمورية اوكما قال حميد .. بصراحة العدد الشفتو من الناس دا عدد كبير ومحتاج ميزانية كبيرة يعني الموضوع دا شكلو مهم عشان كدة حكومة النيل الابيض صرفت عليه .. عندي بعض الاستفسارات اتمنى اجد ليها اجابة . الهجرة من النيل الابيض الى كردفان (العنوان العريض الهجرة الى الله) السؤال الله دا في النيل الابيض مافي؟ الاستفسار التاني القافلة دي بعد ما تستقر بسووا شنو ؟؟بقعدوا يفتشوا زي هواة البوكمون ولا القصة كيف!!! الشيء المحيرني في الكلام دا كلو لسع في بشر مقتنعين بي خزعبلات الجبهة الاسلامية دي!!!!
غايتو الدخلت في الناس دي ما اظن تمرق بالساهلة . الفساد الديكتاورية القمع كلو مقدور عليه لكن زي الناس البتهاجر لي الله ديل هم القنابل الموقوتة ...
Post: #6 Title: Re: الهجرة الى الله !!!! Author: نصر الدين عثمان Date: 05-08-2017, 07:27 AM Parent: #5
تحياتي أخي علي وضيوفك الكرام،
أحياناً كثيراً يكون الواقع أغرب الخيال ..
ذكرني هذا البوست الفيلم الهندي الجميل PK في رحلته للبحث عن الله!؟
Post: #7 Title: Re: الهجرة الى الله !!!! Author: عبدالحفيظ ابوسن Date: 05-08-2017, 07:35 AM Parent: #6
الناس ديل هاجروا من ورانا ولا كيف ما كلمونا كان هاجرنا معاهم
Post: #10 Title: Re: الهجرة الى الله !!!! Author: نصر الدين عثمان Date: 05-08-2017, 07:53 AM Parent: #6
يبحث عن (الإله) بالأحرى.. جسد شخصيته الممثل (عامر خان ) باقتدار .. جديرٌ بالمشاهدة بحق...
Post: #8 Title: Re: الهجرة الى الله !!!! Author: البرنس ود عطبرة Date: 05-08-2017, 07:37 AM Parent: #1
(-) شفاتة وعطالة الاخوان المسلمين تلاميذ حسن البنا المصري والترابي السوداني تتوقع منهم اي شيء في سبيل التمكين (-) هذه برامج غسيل مخ يتنقلوا من مكان لاخر مستهدفين الطلاب واقامة معسكرات لهم لتغذيتهم بفكر الاخوان المسلمين في معسكرات مغلقة (-) لتاهيل الكار وصياغتة حسب الحوجة من مظارهرات وجمع حشود ومسيرات بتغطية دينية كاملة وان المعسكر ديني (-) اخير منهم ناس سيدي ابوتلتلة معسراتهم شغالة السنة كلها في التكية وعصيدة مرة ومهيوبة (-) معسكرات سيدي ابوتلتلة غير مكلفة كمعسكرات الاخوان المسلمين الحلويين (-) لك الله يا اسلام فهو لك وانت الاهل بحمايته من فساد العقائد وانحرافها
Post: #9 Title: Re: الهجرة الى الله !!!! Author: عبدالحفيظ ابوسن Date: 05-08-2017, 07:42 AM Parent: #8
تعرف يا علي الشعار زاتو فيهو مفارقة للدين وجهل انا متهم الناس ديل بسعو لهدم الدين
Post: #11 Title: Re: الهجرة الى الله !!!! Author: علي دفع الله Date: 05-08-2017, 05:17 PM Parent: #9
تحياتي لكم جميعا اصدقاءي بجيكم ...
Post: #12 Title: Re: الهجرة الى الله !!!! Author: ود الباوقة Date: 05-08-2017, 08:38 PM Parent: #11
علي دفع الله
كلو كملتو داير تقبل على الهجرة والمهاجرين الى الله
اترك البوست
او اطلب حذفه
وشكرا
Post: #13 Title: Re: الهجرة الى الله !!!! Author: Asim Ali Date: 05-09-2017, 03:25 PM Parent: #11
الهجره الى الله ؟؟!!! نسو مسئوليتهم تجاه الرعيه وتركوهم فريسه للوباء. النيل الابيض الان فى موسم الهجره الى الاخره عبر بوابه الوباء..... . ومن قبل استقبال الدوره المدرسيه والاحتفاءبندى القلعه !!!!! ليس هناك حرص على حال المواطنين خاصه ان الولايه اصبحت ولايه حدوديه وتستقبل الاخوه من الجنوب بعد محنتهم ...... يفترض ان تكون الرعايه الصحيه اولى الاوليات فى هذه الظروف ..... لكن حرصهم اكثر على برامج تغييب وشغل العقول باسم الدين .
Post: #14 Title: Re: الهجرة الى الله !!!! Author: Arif Nashed Date: 05-09-2017, 03:54 PM Parent: #13
ود دفع الله اتا غلتان الناس دي تكون دخلت الدين الكيزاني .. الكيزان تجار دين ولهذا يستغلون بساطة هؤلاء الناس باسم الدين ويغيبوا عقولهم ..
Post: #15 Title: Re: الهجرة الى الله !!!! Author: امجد الجميعابى Date: 05-09-2017, 08:33 PM Parent: #14
أدانت محكمة جنايات النظام العام بالقسم الشرقي بالخرطوم أمس، المتهم محمد طاهر محمد حسين الشهير بـ(البلدوز)، القيادي البارز بالمؤتمر الوطني بالبحر الأحمر، ونائب الوالي السابق ومعه أربع فتيات. وقضت المحكمة جلد المتهم(40) جلدة حدًا لمخالفته أصل المادة (151) من القانون الجنائي المتعلقة بالأفعال الفاحشة.كما حكمت عليه بالغرامة(10) آلاف جنيه سوداني أو السجن لمدة ستة أشهر في حالة عدم دفع الغرامة لمخالفته المادة(88) من القانون الجنائي المتعلقة بالرشوة، كما أدانته المحكمة بالغرامة(10) آلاف جنيه أخرى أو السجن لمدة ستة أشهر لمخالفته المادة(104) من القانون الجنائي المتعلقة بالإدلاء ببيانات كاذبة. وتعود تفاصيل البلاغ بالرقم(367-2012م)، إلى أن المتهم المذكور تم القبض عليه سابقاً بإحدى الشقق بالخرطوم ضاحية المعمورة ومعه أربع فتيات بواسطة تيم النظام العام. وتم فتح بلاغ لهم بشرطة النظام العام. حيث أدلى وقتها المتهم أن اسمه الصحيح محمد طاهر على محمد ليضلل العدالة بالاسم الخطأ، حيث لم يتم العثور عليه عند إحالة البلاغ للمحكمة. واستمرت المحاكمة لخمس جلسات في غياب المتهم، وكان المتهم يتغيب ما أجبر المحكمة التي يترأسها مولانا إبراهيم محمد خالد، على فصل بلاغ محاكمة محمد طاهر محمد حسين وتمت محاكمة الفتيات بالجلد آنذاك، وتم تغريم الضامن الأمين الطاهر الأمين مبلغ ألف جنيه لإخلاله بعدم إحضار المتهم للمحكمة، ومن ثم سارت المحكمة في الإجراءات بواسطة الشاكي، حيث تم إصدار أمر قبض على المتهم محمد طاهر محمد حسين وإحضاره من مدينة بورتسودان. وتمت محاكمته وفق ما جاء بقرار المحكمة.
Post: #16 Title: Re: الهجرة الى الله !!!! Author: محمد على طه الملك Date: 05-09-2017, 09:00 PM Parent: #15
المشكلة يا علي الناس عارفا مافي هجرة جغرافية إلى الله لا بباصات ولا طيارات .. وعارفين الشغلانة مأكلة بس مين يقنع الديك ؟ الشعار نفسو مخالف للشرع لإنو فيه ايحاء تجسيمي للرب تعالى الله عن ذلك.
Post: #17 Title: Re: الهجرة الى الله !!!! Author: sadig mirghani Date: 05-09-2017, 09:39 PM Parent: #1
أربعة مرة واحد في نهار رمضان يامفتري
Post: #18 Title: Re: الهجرة الى الله !!!! Author: امجد الجميعابى Date: 05-09-2017, 09:43 PM
أربعة مرة واحد في نهار رمضان يامفتري >>>>>>>>>>>>>>>>>>>>>>>>>>>>>>>>>>
هي نان مي هجرة يقعد يلعب
Post: #19 Title: Re: الهجرة الى الله !!!! Author: امجد الجميعابى Date: 05-09-2017, 10:07 PM Parent: #18
الله قاعد وين انتوا مهاجرينلوا ورونا شان نشيل بقجنا و نمشي معاكم
Post: #20 Title: Re: الهجرة الى الله !!!! Author: Haytham Ghaly Date: 05-10-2017, 04:50 AM Parent: #19
مشياتك للابيض دي لو ما هجرة الى الله
تكون اتلومتا واتكومتا وتزندقتا زاتو
وشينة منك وغير مقبولة
هاجروا الى الله فقراء يغنيكم ويرزقكم بغير حساب
Post: #21 Title: Re: الهجرة الى الله !!!! Author: هشام المجمر Date: 05-10-2017, 06:15 AM Parent: #20
منتج اخر من منتجات فقه الضرورة الاستهبالي
انظروا اين هي الحركة الاسلامية كحزب تعرفون ضرورة هجرتهم المزعومة الى الله
يزعم هؤلاء انهم يهاجرون الى الله فى كردفان بتكلفة 500 مليون جنيه او خمسة مليار هذا المبلغ بالقديم بيحفر 25 بير تسقي العطشى فى نفس الاقليم و بالجديد 250 بير
كيف اذن هذه الهجرة الى الله ..ناس ميسورين ملمومين فى باصات و جقلبة و اكل و موائد لكي يدعو ناس هم اصلا مسلمين....؟ استهبال فى استهبال
Post: #22 Title: Re: الهجرة الى الله !!!! Author: عبدالله عثمان Date: 05-10-2017, 09:08 AM Parent: #21
في كتابهم "اﻟﻬﻮس الدﻳﻨﻲ يهدد أمن ووحدة الشعوب ويعوق بعث الإسلام: يقول الجمهوريون
(إنّ الأخوان المسلمين لم يعطّل الهوس الديني ملكاتهم الفطرية وحسب، بل أفقدهم قيم الرجولة، والمروءة التي لا تعوز الرجل العادي البسيط ..)
Post: #23 Title: Re: الهجرة الى الله !!!! Author: علي دفع الله Date: 05-11-2017, 02:45 PM Parent: #22
احبابي الحلوين ------------------- امجد الجميعابي صادق ميرغني جلاودونا نصر الدين عثمان عبد الحفيظ ابو سن البرنس ود عطبرة عاصم علي عارف ناشد محمد طه الملك هشام المجمر عبد الله عثمان
شاكر تواجدكم واتمنى القاكم مهاجرين بي افكاركم وايمانكم الى الوطن وعدا وقمحا ونضالا وتمنى .
ود الباوقة انت بتهرف وصلت الخمسين الف مداخلة كلها تطبيل وحرقان بخور لسيدك التعيس وجرابيعو ما قلنا ليك احزف هراك دا .. الهجرة الى الله بمفهومها الكيزاني دا شكل من اشكال الخم والمأكلة والله بتاعكم البتهاجرو ليه دا بخيت وسعيد عليكم . ويجي واحد يسأل لي شنو الإلحاد كتر !!!!!! --------- حا احكي ليكم عن قصة واقعية دارت احداثها في معسكر تحفيظ سورة الانفال ونحن كنا طلبة في الجامعة ..حكتها واحدة طالبة مخمومة بي جنس عوارات تجار الدين .. بجيكم
Post: #24 Title: Re: الهجرة الى الله !!!! Author: Osama Mohammed Date: 05-11-2017, 03:52 PM Parent: #23
سلام ي علي
Quote: ويجي واحد يسأل لي شنو الإلحاد كتر
قلنا الكلام دة قالو غلط الاسلام السياسي واسلام الوهابية وجماعات التكفير هم السبب
لك الود
Post: #25 Title: Re: الهجرة الى الله !!!! Author: علي دفع الله Date: 05-11-2017, 07:00 PM Parent: #24
صديقي اسامة آفة البشرية هي ما ذكرت وهابية اخوان مسلمين تبا لهم
Post: #26 Title: Re: الهجرة الى الله !!!! Author: علي دفع الله Date: 05-11-2017, 07:08 PM Parent: #25
اي حاجة في الدنيا دي ماشة في زيادة إلا عداد القراية في منبر سيدنا بكري ابو بكر عليه السلام 😂😂😂
Post: #27 Title: Re: الهجرة الى الله !!!! Author: مني عمسيب Date: 05-12-2017, 10:20 AM Parent: #26
سلام الصديق الحميم ود دفع الله .. وضيوفك الافاضل ..
غايتو نحمد الله الذي جعل هجرتنا الي بلد الكفر والشرك الذين هم الصالحون وباذنه نرث الارض معهم .
وشوشة : والله اكان جوا هنا الا يطلبوا العكس ! ايوا احسن ما تفهموا كلامي دا هههههههههه .