حاجة كده زى الكلمة وقعت فى اللحن و الاتنين إتكبو فى الصوت اّمنت بالله ياخ شغل عجيب يااخ
Post: #2 Title: Re: أرحنا بها يا قبانى Author: ود الباوقة Date: 05-07-2017, 05:39 PM Parent: #1
جلالدونا
لم توفق في العنوان وربما دخلت في حيص بيص
من ناحية شرعية
والله اعلم
Post: #3 Title: Re: أرحنا بها يا قبانى Author: عبدالحفيظ ابوسن Date: 05-07-2017, 05:44 PM Parent: #2
تحياتي جلال وضيوفه دي ياتا دي في غنا يريحك في حنانك زاتو شوف مثلا لحن الحياة منك بصوت سيدها
Post: #4 Title: Re: أرحنا بها يا قبانى Author: عبدالحفيظ ابوسن Date: 05-07-2017, 05:45 PM Parent: #2
تحياتي جلال وضيوفه دي ياتا دي في غنا يريحك في حنانك زاتو شوف مثلا لحن الحياة منك بصوت سيدها
Post: #5 Title: Re: أرحنا بها يا قبانى Author: Haytham Ghaly Date: 05-07-2017, 05:48 PM Parent: #2
يا باوقة
انتو الله حقكم دا ما بشبه حق بقية الناس
لذلك .... لا مقارنة
Post: #11 Title: Re: أرحنا بها يا قبانى Author: صديق مهدى على Date: 05-07-2017, 07:35 PM Parent: #5
لا يا غالى تعليقك ما موفق الله رب كل الناس . مش زعلك من الحكومة ومن ود الباوقة يخليك تعلق تعليق عقيم لذا يجب عليك أن تحترم شعور خلق الله
صديق مهدى على ملحوظة يا جلال عيسى عنوان البوست ما موفق
Post: #6 Title: Re: أرحنا بها يا قبانى Author: جلالدونا Date: 05-07-2017, 05:48 PM Parent: #2
الاحساس يقتبس كل المعانى الوجدانية يا باوقة شوف المدخل الجمالى ده حليلا ياخى دى بتعذب عذاب و تسوقك و توديك و فى الاخر تدودر بيك امنت بالله ياخ
Post: #7 Title: Re: أرحنا بها يا قبانى Author: جلالدونا Date: 05-07-2017, 05:52 PM Parent: #6
يا حفيظو قال ليها حليلا الفرقة من بكرة حلبلا الاصبحت ذكرى ابو داءود ده مجنون مشاعر ياخ حاجة كدة لما تسمعا بتكون سمعت كل شى و تكتفى
Post: #8 Title: Re: أرحنا بها يا قبانى Author: جلالدونا Date: 05-07-2017, 05:59 PM Parent: #7
هيثم يا غالى مر حبابك يا حبيب حليك من رب ود الباوقة الجنّو لم القروش ده خلينا فى بتحيّر الاقيك كيف هناااااك حيث ترتاح القلوب المؤمنة بالحب و الراضية بقضاء الله و قدره فيها
Post: #9 Title: Re: أرحنا بها يا قبانى Author: sadig mirghani Date: 05-07-2017, 06:26 PM Parent: #1
يعني انت وتبارك شيخ الدين عناوينكم تلخم كملتوا الاستنارة وكهربتنا زاتو تاني بكور دا إلا يلم كور صحي الطشاش في شنو كدا ماعارف
هيثم الغالي ياخ اتلومت استغفر
Post: #10 Title: Re: أرحنا بها يا قبانى Author: عبدالحفيظ ابوسن Date: 05-07-2017, 06:54 PM Parent: #9
يا جلال ومن حرم من مشاعر الوجدان والوفاء والذكريات فقد حرم خيرا كثيرا ابوداؤود بغني بي روقة ومزاج حليلا الاصبحت ذكري اتفهم مشاعرك جدا من حضن الذكريات لبلاد اليانكي
Post: #12 Title: Re: أرحنا بها يا قبانى Author: جلالدونا Date: 05-07-2017, 10:08 PM Parent: #10
سديق يا مهدى كيفك و كبف كيفك اراك ترعى فى مرعى خبث الرزق فيه ثم تسأل عن توفيق فى حتة عنوان قزقز بى دى ,, فى شان الاقنباس من القرءان و سنة نبيه الكريم
Quote: قال السيوطي رحمه الله في الإتقان (1/297 ) (وفي شرح بديعية ابن حجة الاقتباس ثلاثة أقسام: مقبول ومباح ومردود. فالأول: ما كان في الخطب والمواعظ والعهود. والثاني: ما كان في الغزل والرسائل والقصص. والثالث: على ضربين: أحدهما: ما نسبه الله إلى نفسه، ونعوذ بالله ممن ينقله إلى نفسه: كما قيل عن أحد بني مروان أنه وقع على مطالعة فيها شكاية عماله:"إن إلينا إيابهم* ثم إن علينا حسابهم". والآخر تضمين آية في معنى هزل ونعوذ بالله من ذلك كقوله: أوحى إلى عشاقه طرفه === هيهات هيهات لما تـوعدون وردفه ينطق مــن خلفه === لمثل ذا فليعمل العاملـــــون
حبيبنا وردى شال المعنى مع حبة تغيير فى الاقتباس و قال و لمثل هذا اليوم كانوا يعملوا و هززت راسك طربا و لم يدر فى بالك عدم التوفيق يا صديق سرج ود الباوقة ماب يشبهك .. بس عاد نقول شنو قد تشابه عليك البقر
Post: #13 Title: Re: أرحنا بها يا قبانى Author: علي دفع الله Date: 05-07-2017, 10:17 PM Parent: #12
اقتبس زي ما عاوز يا جلي .. باوقة شنو البنظر في شرع الله .. بالمناسبة انتوا يعني شنو الشريعة ؟؟؟ وصديق مهدي بتاع الخميسات والبلموني علة حسب باوقة ههههه بقى اسلاموي يا اخي المتحولين ديل فاتوا الكبار والقدرهم وخصوصا بتاع الوطيات هههههه محن جلي عودا حميدا ...وما تطول الغيبة ..
Post: #14 Title: Re: أرحنا بها يا قبانى Author: زهير عثمان حمد Date: 05-07-2017, 10:24 PM Parent: #13
يا جلجل تحياتي مشتاقزن المهم وألعب كدا لحدي بكرة واكتب بأ ي تعابيير ممكنة أن أشتريت وسيكي معتق لخم الرماد كل سنةوانت طيب
Post: #15 Title: Re: أرحنا بها يا قبانى Author: صديق مهدى على Date: 05-07-2017, 10:58 PM Parent: #12
حباب جلال طبعا ما فى داعى تدخل ود الباوقة هنا وكدى نوضح ليك برواقة انا عندما كتبت مداخلتى من باب التنبيه فقط لانك دخلت فى منطقة عسكرية ممنوع الاقتراب والتصوير أما كلامك المنقول لا يمت إلى الموضوع بشئ ، اسع اهلك الصوفية بضعوا بينهم وبين الحرام ١٠ ابواب من الحلال لكيلا يصلوا إلى حدود الحرام
Post: #16 Title: Re: أرحنا بها يا قبانى Author: جلالدونا Date: 05-07-2017, 11:23 PM Parent: #15
اووووحبيبنا ود ميرغنى آ زوووول ها عليك ربك الخلقك هو جنس عناوينا دى ياها الاستنارة كان كده وقعتو معاى .. جاياكم جنس عناوين عنقالى و ادوهو استنارة حليلا النادية فى عودا يااخ قبانى ده قايل نفسو سيدنا بلال يعنى
Post: #17 Title: Re: أرحنا بها يا قبانى Author: معاوية المدير Date: 05-07-2017, 11:39 PM Parent: #16
Post: #18 Title: Re: أرحنا بها يا قبانى Author: معاوية المدير Date: 05-07-2017, 11:41 PM Parent: #17
نسيت حاجة، ؤ رُشوا طبارك زاتو بالله معاكم لو في طريقة ...
Post: #19 Title: Re: أرحنا بها يا قبانى Author: يحي قباني Date: 05-08-2017, 05:35 AM Parent: #18
Quote: أرحنا بها يا قبانى
كما قالها من قبل البروف علي المك طيّب الله ثراه ...
هاك اسمع التلاوة دي يا جلّي ...
Post: #20 Title: Re: أرحنا بها يا قبانى Author: عبدالمنعم الطيب حسن Date: 05-08-2017, 05:57 AM Parent: #19
شكرا قباني يو ميد ماي دي كما يقول المثقفون بالتعليق اللي في السلك ياخ كلمة واحدة فقط .... هنا تكمن المفارقة الحراقة شكرا جلال انت بدأت الباص الصاح وقباني ختاها بلمسة(تقرا كلمة) في التسعات
Post: #21 Title: Re: أرحنا بها يا قبانى Author: Hamid Elsawi Date: 05-08-2017, 06:31 AM Parent: #19
رحم الله الوالدة يا جلال فعلاً غنا زي ده بحلق بي الواحد في دنيا عجيبة البروف علي المك لهو ألف حق
أبو داؤود قعد بي رواقه الخمرة ما كانت ويسكي و لا عرقي ... كانت هذه القصيدة الكاس كان كلمات احتساها بشغف و التلج كان معاني رطبت الوجدان و المزة ما كانت جبنة و فول مدمس ... كانت الحِروف التي تكسرت بين شفتيه و حنجرته فرقص العود بين الأنامل و طشمنا نحن المستمعين
و بالجد
أرحتنا بها يا قباني
و لكل مقام مقال للشايتين غلط
Post: #22 Title: Re: أرحنا بها يا قبانى Author: Haytham Ghaly Date: 05-08-2017, 09:47 AM Parent: #21
الصادق ميرغني وصديق علي مهدي سلامات
استغفر من شنو؟؟؟؟؟؟؟؟؟؟
صديق معذور لأنو يعبد نفس اله ود الباوقة
لكن صادق ميرغني مالو يا ربي ؟؟؟
إله ود الباوقة لا يشبه الله الخالقنا وحرم علينا اكل اموال الناس بالباطل
وحرم علينا قتل النفس التي حرمها الا بالحق وحرم علينا الكذب والغش والتدليس
لكن إله ود الباوقة كل ما ذكر اعلاه عندو حلال .. اها في زمتكم في وجه شبه؟؟؟؟
انا خايفو هو وللا صديق يجو يتلو علي قول الههم : العارف عزو مستريح ..
Post: #23 Title: Re: أرحنا بها يا قبانى Author: عبدالحفيظ ابوسن Date: 05-08-2017, 10:18 AM Parent: #22
كدي نجرد التعابير الجابوها هم وشوهو بيها الدين من اسماء الشركات اللصقو فيها اسم الاسلام وفي شركة اسمها راكعون ولي تشبيهاتهم للبيعة ببيعة الرضوان ولا تشبيهم ببعض الصحابة ولا ولا بعني اي تعبير في القران بقا مقدس وممنوع استعماله
Post: #24 Title: Re: أرحنا بها يا قبانى Author: جلالدونا Date: 05-08-2017, 01:04 PM Parent: #23
اول شى عذرا للرد الراتب و خلونى اشكر اخونا قبانى و أقول ليهو لقد ارجتنا بها يا قبّا ربنا يريحك دنيا و آخرة بس سيرة التلاوة دى دخلت معاى فى حيص بيص ياخ و دخلّت على المك ذاتو ياخى الواحد زاذ طمع يعنى عاوز اطلب تانى و تالت و بس شكرا يا قبّا ياخى مقدماَ و كده
Post: #25 Title: Re: أرحنا بها يا قبانى Author: معاوية المدير Date: 05-08-2017, 01:07 PM Parent: #24
ما شاء الله، البوست إندفس زنادقة ...
Post: #26 Title: Re: أرحنا بها يا قبانى Author: sadig mirghani Date: 05-08-2017, 01:42 PM Parent: #1
هيثم الغالي الله واحد لكن الفهم ما واحد للضمان كدا تاني استغفر تحياتي
Post: #27 Title: Re: أرحنا بها يا قبانى Author: عبدالحفيظ ابوسن Date: 05-08-2017, 02:59 PM Parent: #26
قال رسول الله صلي الله عليه وسلم إله كل انسان نفسه الحديث دة قابلني في الابتدائي اظنو سادسة . قبل ان يعيثوا في المناهج عبثا وفوضي رسخ في ذهني لانه معقد لمثل من هم في سننا حينها والحديث اتي في التوحيد . ومربوط بقول في نفس الدرس اظنه لسيدنا علي كل مادار بخلدك عن الله فالله غير ذلك خلونا في إله كل انسان نفسه بلاغة منقطعة النظير تذكرني بقول احد الصوفية إلهكم تحت قدمي عمونا لا اظن ان اسلامنا كشعب يشبه اسلام اهل السلطة ولا تصورنا هؤلاء لهم دينهم ولنا ديننا
Post: #28 Title: Re: أرحنا بها يا قبانى Author: صديق مهدى على Date: 05-08-2017, 03:46 PM Parent: #27
ود أب سن انا قبل الجامعة درس ٦ سنة فى المرحلة الابتدايية وهذا الحديث لم يكن موجودا فى منهج التربية الإالمرحلة الابتدايية مع انه ناس نميرى كانوا يغيروا المنهج كل ٣ شهور وذلك بعد ما حولوا قسم المناهج من بخت الرضا إلى وزارة التربية بالخرطوم تحياتى يا غالى
Post: #29 Title: Re: أرحنا بها يا قبانى Author: Ahmed Yassin Date: 05-08-2017, 04:57 PM Parent: #28
ومن غير يحي يرحنا بها عارف يا جلال عرفتك بتفتش على الصوت والاتصنف انه عنده ثمانية من اوزان النغمات العشرة البتحتويها الحنجرة البشرية عشان كدة الواحد جا طاير زي الجماعة الألمان في اذاعة (كولون) القسم العربي الكان يديره عازق الكمان الماحي اسماعيل .. ودا خليفة السر عبدالله في الثلاثينات ودرس الكمنجة في انجلترا وكان ليه الفضل بعد الله في قيام معهد الموسيقى والمسرح ... استضاف ابوداؤد في احد الاستديوهات وبدأ هذا الانسان الخرافي في انشودة بذلك الصوت البارتون – باص .. وما هي الا دقيقة او اثنتان حتى امتلأت ساحة الاذاعة لرؤية صاحب هذا الصوت الخيالي الغليظ وانتظروا حتى خرج ابوداؤد وسط تصفيق حار استمر لدقائق .. هكذا كان يحكي الماحي
Post: #30 Title: Re: أرحنا بها يا قبانى Author: جلالدونا Date: 05-08-2017, 06:43 PM Parent: #29
{QUOTE}ومن حرم من مشاعر الوجدان و الوفاءوالذكريات فقد حرم خيرا كثيرا ابوداؤود بغني بي روقة ومزاج حليلا الاصبحت ذكري اتفهم مشاعرك جدا من حضن الذكريات لبلاد اليانكي {/QUOTE} يا سلام يا حفيظ ياخ عوجة كبيرة ياخ لامن تلقى نفسك مغصوب تفارق داراً كان يسعى فيها احبّاء لك فى بيتنا بدويم ود حاج و الذى تحول الى شى متهالك بفعل الزمن على جدرانه الداخلية بعض كتابات قديمة من شاكلة.. ادكرونى فإن الدكرى ناقوس يدق فى عالم النسيان كلللهم طافوا بالبال منهم من قضى نحبه و منهم من هاجر و كلهم و كلنا بالطبع فى الانتظار اها حليلا دى مى الحتة دى بتريح شوية و قد كان و أراحنا بها قبانى
Post: #31 Title: Re: أرحنا بها يا قبانى Author: عبدالحفيظ ابوسن Date: 05-08-2017, 10:36 PM Parent: #30
مقال لمنصور خالد جدير بالقرائة : ------
زرياب واهل الوسواس د. منصور خالد
النبأ المفزع الذي هز أهل السودان منذ بضعة شهور عاد بي إلى زمان ليس بالبعيد كنت وصحاب لي نختلس فيه البهجة اختلاساً من هموم الحياة ، نصقل قلوبنا حتى لا تصدأ . وكان خوجلي عثمان واحداً من أهل المغنى الذين يملأون تلك السويعات التي نَستَّرِق متعة وحبوراً . من هؤلاء الصحاب من ذهب إلى رحاب ربه راضياً مرضياَ ومنهم من ينتظر . ذكرتهم جميعاً يوم نعي خوجلي ؛ ذكرت علياً وعلياً ، وذكرت عثمان وعثمان ، وذكرت الأمير الغني ، وذكرت الملك حفيد الملوك حسن محمد صالح ؛ ثم ذكرت بشيراً الذي يستبي تعزافه القلوب . وكان ذكي الفؤاد علي المك (أحد العليين) يطلق على خوجلي عثمان لقب زرياب ؛ ذلك الفتى الذي تعلم صنعة الغناء على يد إبراهيم بن المهدي فأشجى أهل المشرق في بغداد ، ثم إرتحل إلى الأندلس فاحتضنه الحكم بن هشام ، وتمايل على شدوه أهل الأندلس قاطبة . لا عجب ، أن ناح على خوجلي أهله في حلفاية الملوك وهم يشهدون الموت يسطو على فتاهم في ميعة صباه . ولا بدع أن إنحل الدمع المعقود في عيون لبعض صحابه لم تكن تعرف التذراف . ولا مشاحة في بكاء أهل الفن عليه في كل مكان بـ"دمع نازل كالمزن في الهملان" . فريدة الشاعر صالح عبد السيد التي طالما تغنى بها الفتى الراحل ، و اهتز لها كل أهل السودان إلا من كان بأذنيه وقر أو حرمه الله ذائقة الشعر . لا عجب ولا بدع ولا مشاح ، فلولا الدموع لانصدعت الأكباد ؛ وفي قول العرب "الدمعة تذهب اللوعة" . أعظم رزية من الموت الفجوع ، ظروف الزمان التي تكالب فيها الموت على الناس على يد ملتاثي عقل وخبثاء مذهب ... ظروف الشقة المتواترة التي لا تنجب إلا المهووسين ، والفظاظة والاعتساف اللذين لا ينحدر من رحميهما إلا الموسوسين . و أشد رزيئة من كل هذا ، استشراء الهوس باسم الإسلام وتحت ظل راياته المرفوعة ؛ طوراً بسبب الجهل ، وتارة بالتدليس ، بالعنافة . فتحت رايات الإسلام تواتر الحزن ، ثكْلا على ثكل . وتحت رايات الإسلام تكاثر الموت ، قبراً وراء قبر . من الناس من دفع به المهووسون قهراً إلى آتون حرب لا يعود منها سالماً إلى آله وذويه ، ومنهم من قضي عليهم غيلة في السراديب ، ومنهم من حصدوا في المساجد دون أن يصيب أهلهم قوداً ولا وتراً .كل هذه الجانيات ارتكبت – ماانفكت ترتكب – باسم دين كريم يدعوا الناس للرفق بالناس ، ويُمني الباطشين بالمشقة . ففي حديث للرسول صلى الله عليه وسلم رواه الطبراني في الكبير والأوسط بإسناد حسن :"من رفق بأمتي رفق الله به ، ومن شق على أمتي شق الله عليه" . وإسلام أو لا إسلام ، المشاق التي يعانيها أهل السودان على أيدي الرهط الذي يجسم على صدورنا اليوم لا تبيحها شرائع المجوس ناهيك عن شرع الإسلام . رهط شر أولئك القوم ، بل هم الشر المحض .
لا نظلم الأخلاط المتسرعين إلى الشر من عامة الناس ممن ذهب بهم الغلو إلى اعتبار الموسيقى بدعة ، و الغناء ضلالة ؛ فهؤلاء ضحايا لتدليس كبار أمعرت قلوبهم ، وأجدب وجدانهم ... الشجب والإدانة نتجه بهما إلى هؤلاء الكبار الذين جاوز حكمهم العدل و النصفة ، وتجاوزت أحكامهم الاستواء والاعتدال . جناية هؤلاء الكبار على الإسلام الذي باسمه يشيعون هرطقاتهم أكبر من جنايتهم على المسلمين . نبئنا ، مثلاً ، بأن أهل التدليس هؤلاء أعلنوا عام 1995م عاماً لتطهير المجتمع من "الموبقات" ، والموبقات عندهم هي الغناء والرقص المختلط ؛ ليتهم أعلنوه عاماً لتوفير القوت في سودان الجوع الأدقع حتى يرتع فيه الناس من بعد أن فني سودان الكرب و "الجلجلة" ، فأهل السودان جميعاً أصبحوا في هذا الزمان اللعين مثل شاعرهم ود الفراش: "في جلجلة وشيتاً يشيب" . لو أنجزوا هذا لما تركوا لخصومهم من أهل السياسة ما ينتقصون عليهم ، دعك من سواد الناس . فسواد الناس لم يصارعوا هذه الغالية على الحكم والسلطان ، وسواد الناس تركوا لهم التجارة والصناعة والزراعة والتموين ليرتعوا فيها جميعاً قانعين بالدون من العيش . ولكن هيهات ، فقد أبى الغلاة إلا أن يلاحقوا أهل السواد في كل مكان ، يلاحقون الفتيات في الطرقات ، يلاحقون الصبية في المدارس ، يلاحقون الركع في المساجد ، ويلاحقون أهل الفن في دور فنهم . هذه أمور ينوء عنها أهل السودان ولا يقدم عليها إلا من استحكم حمقه . كنا نحسب الرواة يهزلون يوم أن أوردوا أن واحداً من كبار وزراء النظام اقتحم دار الإذاعة السودانية لـ"تطهيرها" من كل أثر مسموع يتغنى فيه أهل الوجد بالحسن والمدام . وقلنا إن صح الخبر ، يالغباء هذا الوزير الفدم .أهل المغنى هؤلاء هم الذين بنوا للعربية أساسها و أحكموا أمراسها في وجدان أهل السودان حتى توحدت بينهم المشاعر ، وكانت هذه الفسيفساء الرائعة التي نسميها السودان ، نحبه بعُجمه و بعُربه كما أحبه وتغنى به أستاذنا بل شاعرنا المطبوع عبد القادر تلودي : "سوداني الجوة وجداني بريده" ففي هذا السودان ألفسيفسائي ، من العربية والإسلام أطياف لا تخفى على أحد ، ومن النوبية والزنجية آثار لا تغيب على ناظر . غَلَت بي الحيرة عندما استيقنت بأن الأمر أفحش من أمر وزير فدم ، تيار عارم من الغلواء هو ذلك الذي يسعى لإجهاض الذوق العام في السودان باستئصال آثار ظلت ترهف حس أهل بلادنا... بقلم منصور خالد
Post: #32 Title: Re: أرحنا بها يا قبانى Author: محمد على طه الملك Date: 05-09-2017, 00:51 AM Parent: #31
حرم ما تقول حاجة هاك دي كمان فوق البيعة كيتا في ود المدير..
Post: #33 Title: Re: أرحنا بها يا قبانى Author: يحي قباني Date: 05-09-2017, 02:35 AM Parent: #32
عطرك الفواح للنفوس مسكن ... يا زهرة السوسن.. قلت ليك طلي و حيي لو أمكن قلتي لا لا و في الربيع احسن .. يا زهرة السوسن الربيع اهو فات و انتي ما جيتي حزنت الساحات .. روحي صحيتي فيها إيه لو يوم مرة طليتي يا لنيسيتينا و قلتي ما نسيتي ... يا زهرة السوسن عطرك الفواح للنفوس مسكن ... يا زهرة السوسن __________ يا جلي ... كلام يكفر و لا يخلي الزول يآمن ما عارف ...
Post: #34 Title: Re: أرحنا بها يا قبانى Author: جلالدونا Date: 05-09-2017, 02:53 AM Parent: #33
آمنتو بالله يا قبانى الاتنين ياخى كافرين و مؤمنين فى شنو هو قال ليها الربيع لو جاك خلى يغشانى آمنتووو بالحسن برداً و الصبابة ناراً يااااخ انت عارف نوع كفرنا ده شعبة من شعب الايمان اكفر سااااااى و لا يهمّك
Post: #35 Title: Re: أرحنا بها يا قبانى Author: جلالدونا Date: 05-09-2017, 03:07 AM Parent: #34
Quote: اقتبس زي ما عاوز يا جلي .. باوقة شنو البنظر في شرع الله .. بالمناسبة انتوا يعني شنو الشريعة ؟؟؟ وصديق مهدي بتاع الخميسات والبلموني علة حسب باوقة ههههه بقى اسلاموي يا اخي المتحولين ديل فاتوا الكبار والقدرهم وخصوصا بتاع الوطيات هههههه محن جلي عودا حميدا ...وما تطول الغيبة ..
يا هلا بالزنديق على و مالو نقتبس .. حصل زول اقتبس قطعوهو من خلاف هو ناس السرقة عينك عينك جوهم بى التحلل ,, يعنى بقت علينا نحنا غايتو شريعة ما سمعت بيها لكن سمعت بى شرعة بعدين تسألنى انا العنقالى !! اهونداك حجة الاسلام ود الباوقة يجيب على كل تهويماتك الزنديقية و المتخولون الجدد ديل مشغولين بالوطن و انسان الوطن المسكين المصاب بالكوليرا و هم ما شاء الله مشغولين بالدعم السريع ان شاء الله الرجعة قريبة و نتلاقى فى ساعة خير ان شاء الله و تحياتى وصلا ان شالله بالتلفون لى شيخى عثمان ود عووضة
Post: #36 Title: Re: أرحنا بها يا قبانى Author: جلالدونا Date: 05-09-2017, 03:16 AM Parent: #34
زهير الزاهى و زاهر انت طيب ياخ و خم رماد ينعاد عليك بالصحة و العافية و السكرة الوافية
Quote: يا جلجل تحياتي مشتاقزن المهم وألعب كدا لحدي بكرة واكتب بأ ي تعابيير ممكنة أن أشتريت وسيكي معتق لخم الرماد كل سنةوانت طيب
انت تأمر يا ملك و هدية منى ليك .. زيتون و جبنة مضفّرة ,, و شية جمر مع الشطة الخدرا ام دكوة و ليمون بالتوم و الشمار و الفلفل عشان تكون مترع بى كل الجمال ما تفهمنى علط مترع ما متّرتع
Post: #37 Title: Re: أرحنا بها يا قبانى Author: جلالدونا Date: 05-09-2017, 03:26 AM Parent: #36
يا صديق يا اخوى هسى كلامك ده ما بيدخل فى خانة تحريم الخلال
Quote: اسع اهلك الصوفية بضعوا بينهم وبين الحرام ١٠ ابواب من الحلال لكيلا يصلوا إلى حدود الحرام
انصحكم لو الواحد واقف علي حيلو يمسك في اي شي جنبو وانا غير مسؤول
ياخي هو دا ايمان نصاح يا جماعة
Post: #39 Title: Re: أرحنا بها يا قبانى Author: جلالدونا Date: 05-10-2017, 02:01 PM Parent: #38
يا مديرنا ... حبابك ياخ عليك حليفتن البقولوها بتاعت المجرات ديك تحاحى الزناديق ديل من هنا و معاهم بتاع المعتق داك و صديق ميرغنى السلفى برضو خلونى مع قبّا ده و باقى الحبايب المجهجين فى الحيص و البيص برانا نعوس عواستنا و ربنا غفور و كريم
Post: #40 Title: Re: أرحنا بها يا قبانى Author: Ahmed Yassin Date: 05-10-2017, 04:17 PM Parent: #39
ابو داؤد مرة واحدة
وما المرء الا هالك وابن هالك وذو نسب في الهالكين عريق
Post: #41 Title: Re: أرحنا بها يا قبانى Author: جلالدونا Date: 05-10-2017, 07:06 PM Parent: #40
+++
Quote: نسيت حاجة، ؤ رُشوا طبارك زاتو بالله معاكم لو في طريقة ...
بصراحة تبارك ده ماب نمشى عليهو .. لانا قدرو و للا قدر لحم سدرو شوف حاتم ابراهيم الله يطراهو بالخير وين ___ غايتو هبيش جنس هباشة ÷÷÷
Post: #42 Title: Re: أرحنا بها يا قبانى Author: جلالدونا Date: 05-11-2017, 09:47 PM Parent: #41
فعلا يا احمد يسن بفتش على الحاجات الرايقة و تروى الحنين ود قبانى شكلو تعب معاى هسى كده لو مشى بينا على عبد الوهاب الصادق و اكرمنا بى لو حبايب زى ماب تقول قطع شك بخلى يومنا ده قشطة
Post: #43 Title: Re: أرحنا بها يا قبانى Author: جلالدونا Date: 06-05-2017, 07:17 AM Parent: #42