خادم الحرمين الشريفين سوف يشرف الخرطوم نهاية مايو للقاء اخيه خادم القران
Post: #2 Title: Re: الملك سلمان (حفظه الله) في الخرطوم نهاية م� Author: محمد ادريس زمراوي Date: 05-02-2017, 09:44 AM Parent: #1
الف مرحب بخادم الحرمين الشريفين حفظه الله بالخرطوم
زيارة موفقة باذن الله تعالى
Post: #3 Title: Re: الملك سلمان (حفظه الله) في الخرطوم نهاية م� Author: ابراهيم عبد الوهاب Date: 05-02-2017, 09:51 AM Parent: #1
ههههههههه
خادم القران ههههه
Post: #4 Title: Re: الملك سلمان (حفظه الله) في الخرطوم نهاية م� Author: sadig mirghani Date: 05-02-2017, 09:52 AM Parent: #1
مبروك سكان ولاية الخرطوم الويل لسلطات مطار الخرطوم والويل ثم الويل لهيئة نظافة الخرطوم وهيئة الطرق والجسور وسحقا لستات الشاي في شارع النيل
Post: #5 Title: Re: الملك سلمان (حفظه الله) في الخرطوم نهاية م� Author: ود الباوقة Date: 05-02-2017, 09:57 AM Parent: #4
الله اكبر
ما احلى ان يلتقي خادم الحرمين بخادم القرآن
بارك الله فيك اخي ناصر
وشكرا
Post: #6 Title: Re: الملك سلمان (حفظه الله) في الخرطوم نهاية م� Author: Saifelyazal Elmaki Date: 05-02-2017, 10:13 AM Parent: #5
خادم القرآن مره واحده يا ناصر والله كبرت اللفة شديد دي بصراحة ابت تنبلع لي يا زول انت فاكر الحكاية لعب ربنا بسالك من الكلام البتكتب فيهو ده خادم القرآن هههههههههههههههههههههههههههههههههههه
زمان عندي عمي الله يرحمو ويحسن اليه شغال مع جدي الجزارة اها عمي ده شغال (نقاش) كان ولد صغير والنقاش في الجزارة للما عارف ديل الاولاد الصغار البشتغلوا في الجزارة وبقطع حته من جزار وحته من هنا وبعملوا ليهم كوم لحم ببيعو والجزارين عارفنهم لكن ما بسالوهم عمي طمع قال ليه اقطع حته ما اشيل ورك كامل مشى لواحد بتاع عروق قال ليهو بديك ورقة ما في زول اشوفك تب اداهو 5 قروش وشال ورقتو وقام صوف الجزارة اقرب ورك تور عمي عباهو في كتفو وقام بيهو صاحب التربيزة اعاين ليهو سااااااااااااااااي قال ليهو يا عبد المطلب ورك كاااااااااااااااااااامل كان تشيل ليك ربع ولا نص ولاحتى كيلو لكن ورك كامل قال ليهو انت شايفني يعني قال ليهو السوق كلو شايفك خليني انا علق الورك في الشنك وجري على بتاع العروق قال ليهو انعل ابوك لابو ورقتك بتاع العروق قال ليهو انت عملت شنو قال ليهو شلت لي ورك والجزار شافني بتاع العروق زاتو استغرب قال ليهو ورك كاااااااااااااااااامل اها دي البقت عليك يا ناصر خادم القرآن عديييييييييييييييل كده دحن ما بالغت وشذيت ههههههههههههههههههههههههههههههه
Post: #7 Title: Re: الملك سلمان (حفظه الله) في الخرطوم نهاية م� Author: Hussein Mussa Date: 05-02-2017, 10:21 AM Parent: #6
مؤهلاتك ضعيفة الناس ديل ماحتقدر تستمر معاهم طويل...
Post: #8 Title: Re: الملك سلمان (حفظه الله) في الخرطوم نهاية م� Author: Saifelyazal Elmaki Date: 05-02-2017, 10:36 AM Parent: #7
قال يس عمر الامام
وقلت لهم بأنني أخجل أن أحدث الناس عن الإسلام فى المسجد الذى يجاورني بسبب الظلم والفساد الذى أراه وقلت لهم بأننى لا أستطيع أن أقول لأحفادي انضموا للأخوان المسلمين لأنهم يرون الظلم الواقع على أهلهم "فلذلك الواحد بيخجل يدعو زول للإسلام فى السودان، أنا غايتو بخجل".
وقال المسلمون الجدد
خادم القرآن
من الصادق يس عمر الامام عليه رحمة الله ام Transformer الجديد
Post: #15 Title: Re: الملك سلمان (حفظه الله) في الخرطوم نهاية م� Author: Frankly Date: 05-02-2017, 11:35 AM Parent: #6
يا سيف اليزل في داعي هسع تشيل حس عملك دا كدا وتشهر بيه
دي قصص لو عايز تقولها قولها في محيط ضيق وأسري
هسع طلعت عمك الله يرحمه حرامي لحمة وغشيم
Post: #16 Title: Re: الملك سلمان (حفظه الله) في الخرطوم نهاية م� Author: أبوبكر عباس Date: 05-02-2017, 11:43 AM Parent: #15
يا ضلامي، قال ليك عمي كان ولد صغير نشرح ليك شنو ولد صغير؟
Post: #18 Title: Re: الملك سلمان (حفظه الله) في الخرطوم نهاية م� Author: Hatim Alhwary Date: 05-02-2017, 11:50 AM Parent: #16
Quote: نشرح ليك شنو ولد صغير؟
الولد الصغير هو من يستطيع ان يحمل ورك تور كامل
Post: #22 Title: Re: الملك سلمان (حفظه الله) في الخرطوم نهاية م� Author: Frankly Date: 05-02-2017, 12:03 PM Parent: #16
يا بكور صغير أنت
قال ليك شال ليهو روك تور كامل وقاعد يتكلم بكل طلاقة وفصاحة وكمان رفعه في الشنكل مرة تانية
صغير أنت
هسع بي صلعتك دي لو قالوا ليك جره 10 سنتمنر في التربيزة نفسك يقطع خلي تعتلوا وتتناقش وترفع في شنكل
أجيب ليك من الكشافات الألمانية للإستنارة الفورية ولا عندك اوبشن تاني؟
Post: #24 Title: Re: الملك سلمان (حفظه الله) في الخرطوم نهاية م� Author: أبوبكر عباس Date: 05-02-2017, 12:19 PM Parent: #22
ورك تور من باب مبالغة كضب السرد الونسي أصلا ورك خروف دا كلام بتاع أدباء ما بتعرفوهو لكن الثابت إنّو عمو كان طفل صغير
Post: #27 Title: Re: الملك سلمان (حفظه الله) في الخرطوم نهاية م� Author: Frankly Date: 05-02-2017, 12:28 PM Parent: #24
والله كنت متوقع تجيني راجع من المدخل دا
حاجة مدهشة أني بقيت أقرأ أفكارك يا ظلامي
أنا أصلا القصة كلها عندي منجورة وحبيت أقول مافي داعي الواحد يقول عمي كان يخليها رمزية "واحد في حلتنا" - "قالوا كان في واحد" "ولد جزار غشيم"
عشان يكون سرد لستك مهضوم
Post: #17 Title: Re: الملك سلمان (حفظه الله) في الخرطوم نهاية م� Author: Saifelyazal Elmaki Date: 05-02-2017, 11:47 AM Parent: #15
يا فرانكلي القال ليك منو سرقة وحرامية اقول ليك اصحاب الشان عارفين اولادهم بنقشوا بل طالقين ليهم الحبل اعملوا زي ما عاوزين و هم الجزارين منو ؟؟؟ ديل اولياء امورهم يعني الموضوع عادي ما فيهو سرقة ولا شيء فيهو سماحة و طيبة اهل الحرامية الله عالم بيهم
ركز على كلام يس عمر الامام
Post: #23 Title: Re: الملك سلمان (حفظه الله) في الخرطوم نهاية م� Author: Frankly Date: 05-02-2017, 12:08 PM Parent: #17
صعبتها علي بكلمة "عادي" دي ح تجرنا لتعميمات يعني أنت عندك عادي لو الواحد سرق قروش من محفظة أبوه أو من "محفضة" حبوبته؟
أنسى كلامي وما تجاوب على أسئلتي التعسفية دي وخليك في خط البوست استغفرتك يا مالك روحي
Post: #34 Title: Re: الملك سلمان (حفظه الله) في الخرطوم نهاية م� Author: Saifelyazal Elmaki Date: 05-03-2017, 04:52 AM Parent: #23
صعبتها علي بكلمة "عادي" دي ح تجرنا لتعميمات يعني أنت عندك عادي لو الواحد سرق قروش من محفظة أبوه أو من "محفضة" حبوبته؟ أنسى كلامي وما تجاوب على أسئلتي التعسفية ديوخليك في خط البوست استغفرتك يا مالك روحي ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ غايتو الفهم قسم اقول ليك اطفال صغار و اولياء امورهم عارفين الشفع ديل ما بسالوهم برضو مصر على سرقة اما كلمة غشيم دي اظن عليها شديد غايتو من الطبيعي اي طفل صغير غشم بالله تعبك ده كوووووولو عشان توصل للفهم ده سمح كلامك صحيح
ـــــــــــــــــــــــــ المستنير كلامك بكون صحيح وانا الفهمي خطا صحيح قد يكون كراع خروف انا مجرد زول سمع لكن لم اعايش الاحداث ركزوا على الناس البسرقوا التور زاتو خلي ورك انت ومعاك الشاطر الذكي الاسمو حاتم الهواري
Post: #9 Title: Re: الملك سلمان (حفظه الله) في الخرطوم نهاية م� Author: عماد الدين الطيب عمر Date: 05-02-2017, 10:48 AM Parent: #1
Quote: للقاء اخيه خادم القران
دي بي بكم يا الحبيب ؟
Post: #10 Title: Re: الملك سلمان (حفظه الله) في الخرطوم نهاية م� Author: عماد الدين الطيب عمر Date: 05-02-2017, 10:49 AM Parent: #1
ذكرتني المعلق المصري علي محمد علي في bein sport لمن قال على المنتخب المصري منتخب الساجدين
قوية يا ابو النصر
Post: #11 Title: Re: الملك سلمان (حفظه الله) في الخرطوم نهاية م� Author: ياسر منصور عثمان Date: 05-02-2017, 11:08 AM Parent: #1
مرحب بأبي فهد في عاصمة الصمود...
Post: #12 Title: Re: الملك سلمان (حفظه الله) في الخرطوم نهاية م� Author: عبد اللطيف السيدح Date: 05-02-2017, 11:15 AM Parent: #11
حياه وبياه
في بلد العز والشهامة
سيجد نسل العباس كما جدهم
على العهد والوعد
شكرا ناصر
خبرك سمين
Post: #13 Title: Re: الملك سلمان (حفظه الله) في الخرطوم نهاية م� Author: ادريس خليفة علم الهدي Date: 05-02-2017, 11:16 AM Parent: #11
Post: #14 Title: Re: الملك سلمان (حفظه الله) في الخرطوم نهاية م� Author: أبوبكر عباس Date: 05-02-2017, 11:29 AM Parent: #13
لي يومين يا ناصر، بحلم لي بحلم غريب. أشوفك في النوم داقين ليك حرف ال T كابيتال في جبهتك بالتار زي وسم البقر. قلت ليهم : دا شنو؟ قالوا لي دي علامة تارك الصلاة قلت ليهم: ليش أنا ما عندي؟ قالوا لي: إتّا أصلاً ما عندك ذنوب
المحيرني في الحلم دا يا نصوري، إنّو أنا بصلي!
Post: #20 Title: Re: الملك سلمان (حفظه الله) في الخرطوم نهاية م� Author: عبد اللطيف السيدح Date: 05-02-2017, 11:53 AM Parent: #14
مداخلتك ما عندها أي علاقة بالبوست يا أبوبكر
الراجل يقول لك الملك سلمان جايي السودان
تعملا جبهة وحروف
عالم بطالة
Post: #19 Title: Re: الملك سلمان (حفظه الله) في الخرطوم نهاية م� Author: بارودى مصطفى فاشر Date: 05-02-2017, 11:52 AM Parent: #1
اول ملك سعودى يزور السودان بعد الملك خالد رحمه الله لماذا؟؟؟؟؟؟؟؟؟؟؟؟؟؟ الجواب : لانهم كانوا لا حاجة لهم فى زيارة السودان بالرغم من قادتنا يزورونهم ليل نهار ويقبلون رؤسهم وارجلهم . والان شنوه الجديد ؟؟؟؟؟؟؟ ههههههههه عايزين يشتروا مزيد من المرتزقة للمهلكة فى اليمن بالله عليكم فى حد يخالفنى الراى فى الكلام ده؟؟؟؟؟ والله مهزلة
Post: #21 Title: Re: الملك سلمان (حفظه الله) في الخرطوم نهاية م� Author: Adil Isaac Date: 05-02-2017, 12:00 PM Parent: #19
Quote: خادم الحرمين الشريفين سوف يشرف الخرطوم نهاية مايو للقاء اخيه خادم القران المصدر : 3
و ذلك رداً علي نصف مليون زيارة قام بها بشة للسعودية
---------------- يا حليل كرامة دولة السودان التي مرمطتها ذلة رئيس مطارد و معزول دولياً
Post: #26 Title: Re: الملك سلمان (حفظه الله) في الخرطوم نهاية م� Author: muntasir Date: 05-02-2017, 12:28 PM Parent: #21
فرانكزفتاين ما هو انت وجماعتكم بي دقنكوكم وتلغفوا زي عصا موسى ولا إلا يقبضوكم كاللص في المكحلة
Post: #25 Title: Re: الملك سلمان (حفظه الله) في الخرطوم نهاية م� Author: محمد مجيدو Date: 05-02-2017, 12:26 PM Parent: #1
عـــالم بطااالـــــــــــــــــــة ,,
Post: #28 Title: Re: الملك سلمان (حفظه الله) في الخرطوم نهاية م� Author: Hatim Alhwary Date: 05-02-2017, 12:37 PM Parent: #25
Quote: خادم القران
لوووول
حامضةةةةة لكن يا ناصر بطريقتك دي ودالباوقة دا الا يبيع مويه تاني
تلقاهو هسي يعضي في اصابع الكسعي
Post: #29 Title: Re: الملك سلمان (حفظه الله) في الخرطوم نهاية م� Author: سامر دوشه Date: 05-02-2017, 12:48 PM Parent: #1
دي نفس قصة فيفي عبده لمن بقوها الأم المثالية في مصر.
Post: #30 Title: Re: الملك سلمان (حفظه الله) في الخرطوم نهاية م� Author: عبد اللطيف السيدح Date: 05-02-2017, 01:00 PM Parent: #29
انبهلت
Post: #31 Title: Re: الملك سلمان (حفظه الله) في الخرطوم نهاية م� Author: ود الباوقة Date: 05-02-2017, 01:15 PM Parent: #30
غرغرت
الله اكبر
Post: #32 Title: Re: الملك سلمان (حفظه الله) في الخرطوم نهاية م� Author: جلالدونا Date: 05-02-2017, 01:36 PM Parent: #31
Quote: كاللص في المكحلة
ههههههه انضبط يا عسكرى الصحيح كالمرواد فى الحراسة حاتم يا هوارى ود الباوقة كورتو فكت .. يا حليلو
Post: #33 Title: Re: الملك سلمان (حفظه الله) في الخرطوم نهاية م� Author: amin siddig Date: 05-03-2017, 00:38 AM Parent: #32
Post: #35 Title: Re: الملك سلمان (حفظه الله) في الخرطوم نهاية م� Author: حماد الطاهر عبدالله Date: 05-03-2017, 11:42 AM Parent: #33
Quote: خادم الحرمين الشريفين سوف يشرف الخرطوم نهاية مايو للقاء اخيه خادم القران
سبحان الله. مرات كثيرة ( تطش شبكتي ) وأنا بقرأ مداخلات بعضكم في خيط ما، معقول ( كلنا ) إنصرافيين؟ سبق لخادم الحرمين الشريفين في الأيام الماضية زيارة الصين ودول أخرى (يقال) بأنه أنفق فيها قرابة ال7 مليار دولار. وبالتالي فيلزمنا أن نفكر في إستثمار مثل هذه الزيارة بشكل عملي بتقديم مقترحات بهذا المنبر فربما يقرأها من يتمكن من قرع الجرس ( يضع سره في أضعف خلقه) مثلا سؤال: ماذا نريد نحن السودانيين من السعودية ودول الخليج عامة؟ فالجواب واضح: عايزين قروش. وهم لا يعطون قروشهم مجانا، أجل فليأتوا بقروشهم في شكل إستثمارات. ونحدد نحن هذه الإستثمارات حسب أولوياتنا وبما يحقق لهم هوامش ربح معقولة. وهذا هو مقترحي: جلب عدد (1000) محور ري ( Pivot) لكل ولاية بمعدل عدد (10) أبراج لكل محور ري لزراعة عدد (50) هكتار لكل محور ومع هذه المحاور جلب كل الوسائل المساعدة من معدات زراعية ومعدات طرق وصوامع وهناجر وتيدرات وغيرها من وسائل الزراعة والحصاد والنقل والتخزين والتصنيع وخدمة الزراعة ولا شئ غير الزراعة بشقيها النباتي والحيواني. كل قيمة ال (18) ألف محور ووسائلها لن تتجاوز ال (7) مليار دولار بتاعة فسحة الصين، بينما ستنتج هذا المحاور لو زرعناها قمحا بمعدل (6) طن فقط للهكتار لبلغ إنتاج القمح (6) مليون طن وهو كافي لإستهلاك السودان والسعودية ودول الخليج معا. فقط إرادة سياسية، قدرة مالية، إدارة فاعلة ثم يد الله مع الجماعة ( أأنتم تزرعونه أم نحن الزارعون).
Post: #36 Title: Re: الملك سلمان (حفظه الله) في الخرطوم نهاية م� Author: محمد أبوالعزائم أبوالريش Date: 10-18-2017, 09:14 AM Parent: #35
ما جا؟
Post: #37 Title: Re: الملك سلمان (حفظه الله) في الخرطوم نهاية م� Author: Hatim Alhwary Date: 10-18-2017, 09:17 AM Parent: #36
بتبالغ يا ابوالريش ....هجمتنا لووول
Post: #38 Title: Re: الملك سلمان (حفظه الله) في الخرطوم نهاية م� Author: محمد أبوالعزائم أبوالريش Date: 10-18-2017, 09:28 AM Parent: #37
Quote: بتبالغ يا ابوالريش ....هجمتنا
كويس ..... أصلاً عندي تار معاك في بوست السيدح بتاع تراجي مصطفى
Post: #39 Title: Re: الملك سلمان (حفظه الله) في الخرطوم نهاية م� Author: ابراهيم عبد الوهاب Date: 10-18-2017, 09:33 AM Parent: #37
هههههههههههههه دا يكون هجم الملك زاتوووو
ووووين يا حاتم مختفي
Post: #40 Title: Re: الملك سلمان (حفظه الله) في الخرطوم نهاية م� Author: محمد البشرى الخضر Date: 10-18-2017, 09:51 AM Parent: #37
وحاة الله دي غراقة بطن ما حصلت يا ابو الريش هههههه
Post: #41 Title: Re: الملك سلمان (حفظه الله) في الخرطوم نهاية م� Author: محمد أبوالعزائم أبوالريش Date: 10-18-2017, 09:55 AM Parent: #40
ما غراقة بطن يا ود البشرى، بكري كان مطنش الأرشفة .... وفجأة إتذكرها.
قلنا نحصّل المولد :)
Post: #42 Title: Re: الملك سلمان (حفظه الله) في الخرطوم نهاية م� Author: Ali Alkanzi Date: 10-18-2017, 12:13 PM Parent: #1
لكل مسلم حق في هذا الوطن عليه أن ينتهز فرصة تواجد الملك سلمان لنرفع رايات الاسلام الحق أمامه وامام رئيس الجمهورية عمر البشير ندعو فيها لوقف عاصفة الحزم وننادي بقوله تعالى: بسم الله الرحمن الرحيم وَإِنْ طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا بَيْنَهُمَا فَإِنْ بَغَتْ إِحْدَاهُمَا عَلَى الأُخْرَى فَقَاتِلُوا الَّتِي تَبْغِي حَتَّى تَفِيءَ إِلَى أَمْرِ اللَّهِ [الحجرات:9] ولا خير فينا إن لم نقلها نرحب به كما رحبنا باخيه الملك فيصل من قبل وطفأنا نيران الحرب في اليمن في ذلك الزمان اغسطس ١٩٦٧ الذي كان فيه السودان دولة وسطية قائدة ورأئدة ولنعيد للتاريخ عجلته وللسودان مجدة دولة وسطية ترعى السلام وتزرعه في السودان وخارجه
Post: #43 Title: Re: الملك سلمان (حفظه الله) في الخرطوم نهاية م� Author: عبدالله عثمان Date: 10-18-2017, 01:07 PM Parent: #42
في مايو القادم، أي بعد سبعة أشهر، لا أعتقد ان صحة هذا الرجل ستسمح له بزيارة أي دولة خاصة دولة مثل السودان يقوم يلقط ليهو ملاريا ولا كلازر يلحقو امات طه
Post: #44 Title: Re: الملك سلمان (حفظه الله) في الخرطوم نهاية م� Author: Yasir Elsharif Date: 10-18-2017, 01:17 PM Parent: #43
سلام
يا جماعة البوست دا قديم ليهو قريب ستة شهور من 2 مايو، ولم تتم الزيارة في نهاية الشهر. وصاحب البوست ناصر حسين محمد غيَّر مواقعه..
ياسر
Post: #45 Title: Re: الملك سلمان (حفظه الله) في الخرطوم نهاية م� Author: Mohd Ibrahim Date: 10-18-2017, 01:27 PM Parent: #44
سلام
يا جماعة البوست دا قديم ليهو قريب ستة شهور من 2 مايو، ولم تتم الزيارة في نهاية الشهر. وصاحب البوست ناصر حسين محمد غيَّر مواقعه..
