Post: #6 Title: Re: محجوز Author: ناصر حسين محمد Date: 05-01-2017, 05:01 PM Parent: #4
النصيحة لله ناس الورجغة والمعارضين ( All the same) مايسجلو في الدرس ده تجنبا لاصابتهم بانشطار قولوني فظيع
أما المعارضين بعقل وفهم حبابهم عشان يشوفوا الفرق
...........
جاري إعداد الدرس العملي
Post: #7 Title: Re: محجوز Author: ناصر حسين محمد Date: 05-01-2017, 05:03 PM Parent: #6
اتفضل شيخ عمر في الفؤاد ترعاه العناية ويا له من فؤاد عاشق للوطن :
Post: #8 Title: Re: محجوز Author: ناصر حسين محمد Date: 05-01-2017, 05:10 PM Parent: #7
والله يا جماعة السودان ده نعمة وملان حاجات جميلة جدا
وقت الحلنقي كتب وابراهيم ترنم وجات بعدو مكارم ابدعت
نجمة نجمة الليل نعدو والسنين ياحليلنا عدو وانت ماعارف عيونك لما تسرح وين بودو الريدة الكتيرة ياحنين شقاوة كلما نزيد حنان انت تزيد غلاوة الزهرة الجميلة بتشيلك نداوة الغريبة الفات ديارو انت لي اهلو بتردو للسمحين معاك ماخليت سماحة شتلات الاماني انت عقود صباحا دايرين نحكي ليك وين نلقي الصراحة الصراح كيف يبقي بينا قبل مالايام يعدو
الفؤاد ( البغني ليهو بادي ) يتراقص طربا من سماحة السودان وجمال مكوناته (انسانه ونيله واجمل مافيه حراسه سيدي الرئيس ورفاقه الكرام) في النص بتاع الحلنقي ده قال ( شتلات الاماني اتت عقود صباحا) للزول (الزيي) كده والكان مغبش ما بعني شي وربما يكون رمزية لحبيبة أنثى لكن وحرم بعد تشوف جهد الرجال في بناء الاوطان وتقراء خبر انو الامم المتحدة بجلالة قدرها في قمة السعادة لان الوطن الشامخ السودان ابداء تعاونه معها بشأن ليبيا ..!!
وتشوف السياسة الماشة زي ( الباسطة) دي ومردودها على الوطن عزة ورفعة وشموخ بتعرف معني شتلات الاماني اتت عقود صباحا
ارتشف الان شاي المغربية بنكهة الزنجبيل مع حبيبات من الزلابية
مع انصات واندماج مع الاغنية
لك التحية المجاهد ناصر
Post: #10 Title: Re: محجوز Author: ناصر حسين محمد Date: 05-01-2017, 05:19 PM Parent: #9
Quote: الغريبة الفات ديارو انت لي اهلو بتردو
للسمحين معاك ماخليت سماحة
اها هنا الحلنقي ( ما داير احلف) كانو عايش حال انسان السودان وهو يستبشر المرحلة الجديدة للسودان بقيادة البشير
والسمح ده والما خلى للسمحين سماحة ابشركم تب ياهو سودانا ده
سودانا الواحد ده كلنا بنغني ليهو بعد هنيهات ونقول ليهو للسمحين ما خليت سماحة ..!!
طبعا دي دردشة ساي حتى يتم تجهيز الدرس العملي في بناء الاوطان
Post: #11 Title: Re: محجوز Author: ناصر حسين محمد Date: 05-01-2017, 09:38 PM Parent: #10
وعلى ذات النسق ( وحتى أكتمال طبخ الدرس العملي) ابداع الحلنقي ود كسلا هو ابداع رمزي اكتر مما هو ابداع شعري وللكل حق وضع الرمزية
حبيبة او حبيب او وطن حبيب ولكن البعض يرى فيها ( من إفتتاحيتها) رمزية للحزن والسهر والمعاناة وديل ياهم عينة ترى الشوك في الورود وتعمى ان ترى فوقه الندى أكليلا وده ابداع إيلياء لو جينا نسقط المعاني بتاعت ايليا دي واقعيا وهي (التشاؤم والحفر والغتاتة) بنلقاها زابطة مع المعارضين لنهضة السودان ومبرمجين انهم مايشوفو شموخ الوطن العالي ومكانة السودان الانية وخطوات تهيئة حياة كريمة للزول السوداني ........
وجاري الاعداد
Post: #12 Title: Re: محجوز Author: Dr. Ahmed Amin Date: 05-01-2017, 09:44 PM Parent: #11
متابعــــــة حبيبنا ناصــــر ...
Post: #13 Title: Re: محجوز Author: ناصر حسين محمد Date: 05-01-2017, 09:49 PM Parent: #12
ياحلاوة يادكتور شوف عمق تاثير الكلمات في النشيد الوطني منور البوست
Post: #17 Title: Re: محجوز Author: ناصر حسين محمد Date: 05-02-2017, 03:59 PM Parent: #16
نجمة نجمة الليل نعدو
لو قدرت تتخيل المنظر بتاع (الزول البعد ) أو قدرت تتخيل نفسك انت ذاتك بتعد النجوم
متكي في عنقريب وسط همبريب وعراقي توتل نظيف ( ومظهر) وتكون ضارب شاي المغرب ب( حبيبات الزلابية ) ورافع راسك للسماء وممتليء أمل .. ممتليء امل دي مهمة جدا وقاعد تحسب في النجوم ومنتظر اللحظة اللحطة الحاسمة البتحقق امانيك
اهو ده حال السودانيين ملانيين بالامل والتفاؤل وفي انتظار لحظة ( الانبهال ) الكبير
وكاني أراهم يهتفون بقوة وفي وقت واح
إنبهلت .....
الله ده ماكريم، يجزي الصابرين خيرا كثيرا
.......................... جاري الاعداد
Post: #18 Title: Re: محجوز Author: ناصر حسين محمد Date: 05-03-2017, 02:55 PM Parent: #17
وطن واطي، يا بوعزيزيوطن واطي، يا بوعزيزي دا كان بوستك يا ناصر قبل ثلاثة أشهر ومعك من صفق لك. الواطي ليس الوطن وإنما النظام الذي فيه مثل الذي يأمر الجنود ب "أكسح أمسح قشو، ما تجيبو حي" وهو النظام الذي نقل عرابه عن رئيسه عبارة "الغرباوية والجلابي" التي سارت بها الركبان. الواطي هو النظام الي شرّد وأفقر وقتل وأباد.
وطن واطي، يا بوعزيزيوطن واطي، يا بوعزيزي دا كان بوستك يا ناصر قبل ثلاثة أشهر ومعك من صفق لك. الواطي ليس الوطن وإنما النظام الذي فيه مثل الذي يأمر الجنود ب "أكسح أمسح قشو، ما تجيبو حي" وهو النظام الذي نقل عرابه عن رئيسه عبارة "الغرباوية والجلابي" التي سارت بها الركبان. الواطي هو النظام الي شرّد وأفقر وقتل وأباد.
ولن يفلت الجناة من الحساب بإذن الله
Post: #21 Title: Re: محجوز Author: ناصر حسين محمد Date: 05-04-2017, 09:26 PM Parent: #20
الاخ ياسر حياك الله الوطن واطي عندما يمتطيه الجميع اليسوى والمايسوى والمايسوى دي المعارضة التي لا تملك شروى نقير وهي مثل التسعيني الذي يريد بنت الاربعتاشر لايملك لها شي وهي تملك كل شي وللمقاربة السودان مثل بنت الاربعتاشر يفيض حيوية وموارد والذين يهنقون ويهتفون ويطالبون به هم ذاتهم من استلمه مرتين وفرط فيه سوف يكون الوطن واطيا ان امتطاهو هؤلاء وامانة وطنيتنا ان نمنعهم من مبتغاهم الغير منطقي هذا لذا عدنا لجادة الحق والطريق السليم الذي ارتضته ضمائرنا وقادتنا له مسئوليتنا تجاه الوطن