Post: #1 Title: حتي أقبل ان أكون والي ولآية نهر النيل أُطالب بجلآليب أكتر من حقات ترباس وإقامة مفتوحة في فندق ... Author: معاوية المدير Date: 05-01-2017, 08:36 AM Parent: #0
التحيّة الطيّبة للشعب السوداني الطيّب، وسوف أعرض عليكم عِدة فيديوهات دايركم تخلّو ايّ شي ؤ تركزوا علي اللِبِس والأمكنة ؤ تشوفوها هل بتتناسب ووضعكم أم لا .
لفت نظر، الفندق لآزم يكون 7 نجوم، ؤ يا نجوم الليل أشهدي ...
Post: #2 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 08:42 AM Parent: #1
Quote: معاوية المدير سلام ، دائماً ما بتسمع الكلام ، قلنا ليك خش وفد المرافئ ، كان ممكن تكون وزير الإعلام ، أو رئيس جهاز المغتربين ، أو والي ولاية نهر النيل ، ييَا بُنَيَّ ارْكَب مَّعَنَا وَلَا تَكُن مَّعَ ، الْمعارضة الهزيلة العرجاء ، كل الأشواق ، ود المدير ، *** عزالدين عباس الفحل ابوظبي
Quote: النصيحة بتخلع ما بتكتل يا ود الفحل خدر الله ضراعك ولعل ود المدير يرعوي ويستجيب نحن محتاجين لامكاناتو دي في نهر النيل الولاية الحبيبة والأ يهدرها في مجاملة معارضي الفنادق السيدح .
Post: #3 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 08:46 AM Parent: #2
Quote: معارضي الفنادق
بس كتِروا لي الجلآليب السمحات والظهور في باحات الفنادق كي أُخاطب الشعب السوداني الطيّب، ؤ من هسّع انا من مؤيدي الفنادق . والله صحي ...
Post: #4 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 08:48 AM Parent: #3
التحية الطيّبة للشعب السوداني الطيّب .
Post: #5 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 08:51 AM Parent: #4
تعالوا سوا نشوف الحال كان كيف قبل الخرتوم ؤ بقى كيف بعد الخرتوم ...
Post: #6 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 08:57 AM Parent: #5
قبل الخرتوم . أُختكُم طراجي دي كارثة بالمناسبة ...
Post: #7 Title: Re: حتي أقبل ان أكون والي ولآية نهر النيل أُطا Author: علي عبدالوهاب عثمان Date: 05-01-2017, 08:59 AM Parent: #4
حبيبنا المدير .. أنا احتج بعنف وشدة .. عايزنك في الولاية الشمالية .. عشان الجو أقرب لكندا ( البرد عندنا أشد من ولاية النيل ) غير القصر المطل على النيل في دنقلا .. وناس هادين وعددهم قليل جداً كل الولاية (800 الف ) كمان ناس غنا وفن (هههه ) أهلنا الشوايقة ونحن هناك ناس وردي والخليل بعدين ولاية النيل هي ولاية الرئيس ما محتاجين كفاءات زي ودالمدير .. مع أن ولايتنا الشمالية منهم بكري ، وعبدالرحيم ، وعلي عثمان ، وعوض الجاك ، ومصطفى ، ووزير الدفاع ، والناس البنوك ، لكن ولاية النيل ما شاء الله سحبت مننا الاستثمارات (ههه ) عايزين ود المدير .. على الشرط يكون زي رئيس كندا الشاب الجميل داك .. يكون إجتماعي ووسط الغلابى والترابلة .. سير ... سير ... ودالمدير .. ونحن وراك للتغيير .. بشرط أن أنا النائب .. خلاص زهجنا من الغربة والكفيل ..
Post: #8 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 09:02 AM Parent: #7
Post: #9 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 09:05 AM Parent: #8
تحية طيبة للشعب السوداني الطيّب، علي وزن عرض ازياء عندنا عرض تيبان سودانية اليوم ...
Post: #11 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 09:10 AM
احية طيّبة للشعب السوداني الطيّب، طبعاً بما إنكم كووولكم في خلفية الفيديو وطراجي تخاطبكم، ما تقولوا لي نحن مافي الخلفية أنا شايفكم، وإنتو براكم شايفين التقشُف الظاهر علي التحدثة طراجي والتي إنفعلت يوم إنفعلت عشانكم إنتو .
بعد الخرتوم ...
Post: #10 Title: Re: حتي أقبل ان أكون والي ولآية نهر النيل أُطا Author: عبدالحفيظ ابوسن Date: 05-01-2017, 09:07 AM Parent: #8
معارضي فنادق يعني شنو انا عايتو خشبت فندق في شهر العسل عشرة يوم وقعدت فيهو يومين
Post: #12 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 09:17 AM Parent: #10
Quote: معارضي فنادق يعني شنو انا عايتو خشبت فندق في شهر العسل عشرة يوم وقعدت فيهو يومين
الناس ديّل قاصدين مؤيدي فنادق، إنت كمان ما تحُكها شديّد كدي، علماً بأنّ المُحتفى بها في هذا البوست ما زالت متجدعة في الفنادق . حذِّر فذِّر علي حساب مين ؟...
Post: #14 Title: Re: حتي أقبل ان أكون والي ولآية نهر النيل أُطا Author: عبدالحفيظ ابوسن Date: 05-01-2017, 09:20 AM Parent: #12
يكون مع عريسها في شهر العسل ياربي 😷😷😷😋😷
Post: #15 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 09:20 AM Parent: #12
Quote: مع أن ولايتنا الشمالية منهم بكري ، وعبدالرحيم ، وعلي عثمان ، وعوض الجاك ، ومصطفى ، ووزير الدفاع
Post: #13 Title: Re: حتي أقبل ان أكون والي ولآية نهر النيل أُطا Author: علي الكرار هاشم Date: 05-01-2017, 09:19 AM Parent: #10
ابن عمنا ولاية نهر النيل فنادق ما فيها دواوين بس ونوم في الحيشان اها يا سعادة الوالي القادم الجلاليب والعمم والشالات علينا في الرياض بس رسل مقاسك وما تشيل هم العصاية محوله لاخونا دينق
Post: #16 Title: Re: حتي أقبل ان أكون والي ولآية نهر النيل أُطا Author: درديري كباشي Date: 05-01-2017, 09:23 AM Parent: #13
دنت داخل على طمع بقى
الحمد لله ما قلت بدل إيطالية من النوع أبو ألفين دولار
الجلاليب هينة مقدور عليها
Post: #17 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 09:27 AM Parent: #13
اللحمر ختري، ختري عديييييييييييل كدا ؤ مناسب مع الشعب السوداني الطيّب . غايتو جهرني ؤ عمل لي زغللة في العيون وإحتمال يكون مُو أحمر . يا علي عبد الوهاب شايفك اليومين ديّل بقيت بتاع ألوان (ما حسين خوجلي) ألوان الجلبطة، عليك الله أفتينا ...
Post: #18 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 09:31 AM Parent: #17
Quote: يكون مع عريسها في شهر العسل ياربي 😷😷😷😋😷
يا زول شِن خبرني بيها، داير تجيب لي ناس الخِسوسيات مالك . هسّع يجوني طايرين بالخسخسة بتاعتُن يصرفوني من الموضوع الأساسي ؤ تطير علي الولآية ...
Post: #19 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 09:37 AM Parent: #18
Quote: ابن عمنا ولاية نهر النيل فنادق ما فيها دواوين بس ونوم في الحيشان اها يا سعادة الوالي القادم الجلاليب والعمم والشالات علينا في الرياض بس رسل مقاسك وما تشيل هم العصاية محوله لاخونا دينق
ما بتقصر يأبن عمي، بس عليكم الله ركزوا لي علي البيلبسوهن كمال ترباس ؤ جمال الوالي ما تمشوا تجيبوا لي شلآتيتاً عفنانات . العصا الأبنوسية دينق بيجاسفا لينا .
يا حليل نهر النيل، متين همشوها !...
Post: #20 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 09:51 AM Parent: #19
Quote: آآ النفس الحار سببو الحرص علي الوطن، النفس الحار سببو الحِرص علي موارد الدولة، بنفتكر لما نكون مستضافين ، آآ في في مِن قِبلُن والله بالعكس يعني انا حسِي الأهل زاتو ما بكون عندي زمن ليهُم، بفتكر أنا زمني كُلو لهذه الدولة اللِي في وكِت مُحدد مُتحملة مسئولية إقامتنا وكِدا.
يا سلآم اللبيض الفيهو الشخيّت البُني دا مناسب جداً مع طابع المُحتفى بها الشخسي وإنفعالها بقضايا الجماهير
Post: #21 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 09:57 AM Parent: #20
Quote: دنت داخل على طمع بقى الحمد لله ما قلت بدل إيطالية من النوع أبو ألفين دولار الجلاليب هينة مقدور عليها
هههههههههههههههه، يآآآآآآآآ حليلك يا الدرديري أخوي، إنت ماك زول ضهاري ساكت، إنت يأخوي قايل الجلآليب زي البتلبسِن !، وحات سيدي الجلآليب البيلبسوهِن الجماعة ديّل الواحدة لمعتا ساكت تضرُبك الوآطة . يأخوي طمع شنو !، حرّم دا الوضع الطبيعي ...
Post: #22 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 10:05 AM Parent: #21
بتاع الصلآة دا ختري، لا لا، بصراحة ختري شديد . يا ربي أسمو شِنِو ؟، غايتو مناسب مع الصلآة وفي رواية مع جميع المناسك . شقشقة الزرازير جاية ظط مع الثوب، سجمك يا الشعب السوداني الطيّب أكلوك وإنت وآقف علي طولك، تحياتي، طراجي مصطفى من الخرتوم ...
Post: #23 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 10:14 AM Parent: #22
بعدينك يا فارات نهر النيل ما تعملوا فيها غمرانين، كتروا الجبجبة والسكسكة، أنا شايل اعباءكم المردمة ليها قريب 30 سنة دي ؤ ما أرفه يعني !. يآآآآآآآآآآآآ حليلك ايُها الشعب السوداني الطيّب، دا انت فعلاً طيّب ...
Post: #24 Title: Re: حتي أقبل ان أكون والي ولآية نهر النيل أُطا Author: جمال ود القوز Date: 05-01-2017, 10:32 AM Parent: #23
تستاهل يا ود المدير يأخ .. الولاية ما كتيرة عليكـ .. وفضلة خيرك .. هههههههههه .. انت مطموس يشهد الله .. المهم وبما اني حريف في السواقة .. فمنصب السواق بتاعك محجوز من هسه ..
Post: #25 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 11:04 AM Parent: #24
الزول دا حاقد ...
Post: #26 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 11:13 AM Parent: #25
Quote: تستاهل يا ود المدير يأخ .. الولاية ما كتيرة عليكـ .. وفضلة خيرك .. هههههههههه .. انت مطموس يشهد الله .. المهم وبما اني حريف في السواقة .. فمنصب السواق بتاعك محجوز من هسه ..
يستاهلك الخير يا ود القوز . يا زول ما عندك مانع من هسّع حرّم ما يسوق لي العربية زول غيرك . بعدينك عاين لي جاي، والي ولآية نهر النيل دي تعيين في الولآية بالإسم ساكت، لا بنقعد فيها لا حاجة، يا زول دي قالوا فنادق ما فيها، نحن نتعين في الولآية ؤ نكون لآفين في الخرتوم محل الفنادق والعضة النضيفة والليالي المخملية . معقولة نخلي الخرتوم للفارات ديّل ؤ نحن نمشي نضهّب بالخلاء ؟، وحات الشعب الطيّب دي ما بنسويها ...
Post: #27 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 12:12 PM Parent: #26
هووووووووي يا طراجي هوووووووووي، أرعي بقيدك ؤ ما تتنفخي ساكت الناس ديّل بيمرقوكِ من الجنة ونعيما، وإنت هسّع يا قول حبوبتي، حالك أريتو حال البِنيات لحدهِن، دحين لا تشيلي أصبعك ؤ تطظي عينك . الجماعة ديّل اكان قبلوا عليكي بيرجعوك هميلتون ؤ عجاج المصناع بخزقلك عِويناتك، والولفير أكان قعدت تباصري فيهو 10 سنين ما بيشتريلك طرحة خليك من التيبان الباهظة الثمن دي . بعدينك الجماعة ديّل من قالوا، مرا متخلفة بيتو النيّة لكن انا متكيّف مِنّك لأنك لآمن عصروكي جريتي وآطي طوالي . خليك جارا وآطي طوالي بعدين كان جيتي كندا إتنفخي زي ماك دآيرة إن شاء الله تبقى تامبيرا في بلد الديمقراطية دي .
أيها الشعب السوداني الطيّب . طيّب ؤ كلو طيّبة ...
Post: #28 Title: Re: حتي أقبل ان أكون والي ولآية نهر النيل أُطا Author: اسامه العريفي Date: 05-01-2017, 12:24 PM Parent: #27
معقولة نخلي الخرتوم للفارات ديّل ؤ نحن نمشي نضهّب بالخلاء ؟، سألت الله يلم فيك ود الأمير
Post: #29 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-01-2017, 12:44 PM Parent: #28
Quote: سألت الله يلم فيك ود الأمير
ههههههههههههههههه، دا منو كمان ؟، نفر حساداً عليك يا العريفي !...
Post: #30 Title: Re: حتي أقبل ان أكون والي ولآية نهر النيل أُطا Author: عبد اللطيف السيدح Date: 05-01-2017, 01:09 PM Parent: #29
معاوية
خلي زمزغة
والحق المركب
لو عندك خبرة
ستنال وظيفة مدير إدارة السدود السودان .
Post: #31 Title: Re: حتي أقبل ان أكون والي ولآية نهر النيل أُطا Author: عادل الباهي عبدالرازق Date: 05-01-2017, 03:12 PM Parent: #30
والله ود المدير دا تدوهو يا كيزان والي ولاية نهر النيل أنا بدخل الغابة ع طول الزول دا بيتشرط عليكم يا كيزان جلايب والخ انا بجيكم ببنطلون الجينز وقدر البيقدرني عليهو الله ببيعو واحولو في حسابي هييييع كع
Post: #32 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-02-2017, 02:45 AM Parent: #31
أيها الشعب السوداني الطيب، صباح الخير .
غايتو نفر طيبتك من الله خلقني ما شفتها !...
Post: #33 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-02-2017, 11:15 AM Parent: #32
أخخخخخخخخخ، من العِنبي أنا . أهلاً وسهلاً الشعب السوداني الطيّب وسعيدة الليلة أنا بخاطبكم من سوق سعد قِشرة وملجة الخدار بسوق بحري والفواكه كمان وعلي رأسها العِنب وآرد مزرعة فخامة الرئيس، وسألوا العنبة الرآمية فوق بيتنا .
Post: #34 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-02-2017, 11:44 AM Parent: #33
Quote: معاوية خلي زمزغة والحق المركب لو عندك خبرة ستنال وظيفة مدير إدارة السدود السودان .
تنط يا السيدح !، إنت ما قلت محتاجين لإمكانياتي في نهر النيل . يا زول مافِ مشكلة إنتو بس كتروا لي الجلآليب والعِمم وأنا بقعد أنبح في وادي والشعب الطيّب دا في وادي، أها دي ما دايرالآ خبرات إنتو بس جيهوا لي الفندق وانا بجي أأذن للشعب الطيّب دا في مالطا ...
Post: #35 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-02-2017, 11:53 AM Parent: #34
Quote: والله ود المدير دا تدوهو يا كيزان والي ولاية نهر النيل أنا بدخل الغابة ع طول الزول دا بيتشرط عليكم يا كيزان جلايب والخ انا بجيكم ببنطلون الجينز وقدر البيقدرني عليهو الله ببيعو واحولو في حسابي هييييع كع
الزول دا حرامي أعملوا حسابكم مِنّو، أصلها بتبدأ كِدا ببنطلون جينز أو فُستان ؤ بعد دآك بتفتح جلآليب ؤ تيبان من عرق الشعب الغلبان . والله صحي ...
Post: #36 Title: Re: حتي أقبل ان أكون والي ولآية نهر النيل أُطا Author: مني عمسيب Date: 05-02-2017, 11:58 AM Parent: #35
الشعب السوداني الفضل ... صباح صحا النوم ..
ود المدير والحضور الكريم .. صباح الوطن الجميل .
Post: #37 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-03-2017, 09:16 AM Parent: #36
Quote: الشعب السوداني الفضل ... صباح صحا النوم .. ود المدير والحضور الكريم .. صباح الوطن الجميل .
Post: #40 Title: Re: حتي أقبل ان أكون والي ولآية نهر النيل أُطا Author: ادريس خليفة علم الهدي Date: 05-04-2017, 12:40 PM Parent: #39
Post: #41 Title: Re: حتي أقبل ان أكون والي ولآية نهر النيل أُطا Author: معاوية المدير Date: 05-04-2017, 12:57 PM Parent: #39
المعاهادا ما أخير منها بكتيّر نفس المِلّة ...
Post: #42 Title: Re: حتي أقبل ان أكون والي ولآية نهر النيل أُطا Author: عليش الريدة Date: 05-04-2017, 01:59 PM Parent: #41
يستاهلك الخير يا ود القوز . يا زول ما عندك مانع من هسّع حرّم ما يسوق لي العربية زول غيرك . ــــــــــــــــــــــــــــــــــــــــــــــــــــــــــــــــــــــــــــــــــــــــــــ
ياود المدير،دا كلام ود القوز
************ تستاهل يا ود المدير يأخ .. الولاية ما كتيرة عليكـ .. وفضلة خيرك .. هههههههههه .. انت مطموس يشهد الله .. المهم وبما اني حريف في السواقة .. فمنصب السواق بتاعك محجوز من هسه .. ***********
هسّ هو قال سواق عربية ،وللا دار تاكلنا حنك ساي؟
Post: #43 Title: Re: حتي أقبل ان أكون والي ولآية نهر النيل أُطا Author: Arif Nashed Date: 05-04-2017, 02:34 PM Parent: #42
