( حين جئ لكتشنر بمحمود وداحمد وهو يرسف في الاغلال بعد ان هزمه في موقعة اتبرا ، قال له : - لماذا جئت بلدى تخرب وتنهب - ؟ الدخيل هو الذى قال ذلك لصاحب الارض ، وصاحب الارض طأطأ رأسه ولم يقل شيئا .)
فليكن ايضا ذلك شأن هذا الحوثي الاسير مع مرتزقة البشير ........
Post: #2 Title: Re: أسير حوثي يتوسل جنود سودانيين بالمخا...... (� Author: سيف اليزل سعد عمر Date: 05-01-2017, 08:23 AM Parent: #1
والملاحظ يا عمر هو التعامل مع الجريح الأسير.. للأسف تركوه للموت وهم يهللوا ويكبروا فوق رأسه...
يظهر إنه مقولة (أكسح أمسح ما تجيبوا حى) صارت عقيدة لتقليل التكاليف التى تدفعها الريالات (من ريالة) السعودية...
Post: #3 Title: Re: أسير حوثي يتوسل جنود سودانيين بالمخا...... (� Author: ناصر حسين محمد Date: 05-01-2017, 08:34 AM Parent: #2
ياعمر دفع الله انها الحرب مفتكر البحصل شنو يعني
حوار دار بطبيعة الجيش
وللاخ سيف اليزل منو القال ليك تركوه يموت ..!!!
هو بكلموه انو يتحرك قدام وده دليل انو ماشي برجلينو
والله الاسفاف البتعلمو فيهو ده ياهو العدم المعارضة الحبة
Post: #6 Title: Re: أسير حوثي يتوسل جنود سودانيين بالمخا...... (� Author: عمر دفع الله Date: 05-01-2017, 12:23 PM Parent: #5
بالفعل يا سيف الموضوع بقا واضح وستخرج المزيد من الفيديوهات التى تفضح تورط السودان في حرب اليمن وستقع في ايدى المنظمات الدولية والحقوقية وستلحق بنا ضررا كبيرا لا ينفع معه الاعتذار الى الشعب اليمنى ولا ادانة الحكومة السودانية . حتى الآن لا نعرف حجم الجرائم التى ارتكبها مرتزقة البشير بحق الشعب اليمنى يا خبر بفلوس بكرا ببلاش ......
Post: #7 Title: Re: أسير حوثي يتوسل جنود سودانيين بالمخا...... (� Author: عمر عثمان عبد الوهاب Date: 05-01-2017, 01:16 PM Parent: #6
لك ان تتخيل ياود دفع الله ان هذا الاسير هو جندي سوداني وقع في ايدي الحوثيين
تمها انت براك دي
لانملك الا ان ندعو لمقاتلينا الاشاوس الذين يدافعون عن شعب يعاني وحكومه اليمن الشرعيه وعودة استتباب الامن في هذه الدوله الشقيقه
Post: #8 Title: Re: أسير حوثي يتوسل جنود سودانيين بالمخا...... (� Author: عمر دفع الله Date: 05-01-2017, 01:58 PM Parent: #7
هههههههههههههههههههههههههه ضحكتنى يا عمر عثمان .... ما تفضل به خيلك في الصورة المقلوبة بقا زي قصة محمود ود احمد مع كتشنر التى وردت في رواية موسم الهجرة الى الشمال .
كنت اتمنى ان تدعو الى خروج الجندى السودانى من حرب لا تخصه وفي بلد لا يعنيه امره ......... سلام
Post: #9 Title: Re: أسير حوثي يتوسل جنود سودانيين بالمخا...... (� Author: عمر عثمان عبد الوهاب Date: 05-01-2017, 02:16 PM Parent: #8
ههههههههههههههههههههههههههههها
سمح ماتمشي تشتكيهوم لي زولك العره العاجباك صورتو ده
حرم الكيزان ديل عفيت منهم ملطشوكوم واتو مادارين
Post: #10 Title: Re: أسير حوثي يتوسل جنود سودانيين بالمخا...... (� Author: ناصر حسين محمد Date: 05-01-2017, 02:18 PM Parent: #8
دي الحرب والحوثي هو البتكلم وديل بردو عليهو وبكل ذوق قالو ليهو اتحرك قدام ما يدل انو نصيح جدا وانو في الحفظ والصون وشاهدت الفيديو في اليوتوبي تعليقات كلها تتحدث عن شهامة الجيش السوداني ..!!
صاحي الرايحة ليه (ثورة) يفتح خشم ( الحوثي)
Post: #11 Title: Re: أسير حوثي يتوسل جنود سودانيين بالمخا...... (� Author: عمر عثمان عبد الوهاب Date: 05-01-2017, 02:31 PM Parent: #10
Quote:
دي الحرب والحوثي هو البتكلم وديل بردو عليهو وبكل ذوق قالو ليهو اتحرك قدام ما يدل انو نصيح جدا وانو في الحفظ والصون وشاهدت الفيديو في اليوتوبي تعليقات كلها تتحدث عن شهامة الجيش السوداني ..!!
اخ ناصر سلام
هم يعلمون جيدا بسالة الجندي السوداني وفي كل المواقع والمواقف
لكن اليومين دي مالاقين ليهم مغرزة قالو يشتغلو علي الفيديو ده
وهم لايعلمون انه شهادة واشادة بهؤلاء الرجال الذين مادخلو هذا المعترك الا لحماية اخوتهم في العروبة والدين مع بقية الجيوش العربية
طبعا لو قلت لي اخونا عمر بيت الله والكعبه وارض الحرمين حيجرها ضحكة من هنا لي باكر
الزول ده لا عرفناهو شيعي ولا شيوعي
طردة الايرانيين دي كاطعه قلبوم بالحيل ليييه ماتعرف
(طيران ضرب داخل القوة ).. منتهى الإستخفاف بالأرواح .
السعودية تقصف حلفاءها ..حينما هم مشغولون بأداء عملها القذر !!
Post: #13 Title: Re: أسير حوثي يتوسل جنود سودانيين بالمخا...... (� Author: ناصر حسين محمد Date: 05-01-2017, 02:54 PM Parent: #11
تصدق ياعمر شعرت بالفخر اوامر عسكرية لاسير ادرك مهابة الجيش السوداني وعرف مقدرة الرجال
Post: #14 Title: Re: أسير حوثي يتوسل جنود سودانيين بالمخا...... (� Author: عمر دفع الله Date: 05-01-2017, 03:16 PM Parent: #13
اخونا عمر عثمان السعودية وبدأت تفلس اها حترجع صادين لايران تاني وللاّ ح تمشوا تحابوا مع اسرائيل ضد الفلسطينيين ؟ يا عمر عثمان ليس للمرتزق دين ولا هوية وكلو عند المرتزق دولار .....
Post: #16 Title: Re: أسير حوثي يتوسل جنود سودانيين بالمخا...... (� Author: محمد على طه الملك Date: 05-01-2017, 10:17 PM Parent: #15
سلامات يا عمر وزواره الأكارم .. كتبت : (( وستخرج المزيد من الفيديوهات التى تفضح تورط السودان في حرب اليمن وستقع في ايدى المنظمات الدولية والحقوقية وستلحق بنا ضررا كبيرا ))
ياخي دا قيديو مخزي بحق وحقيقة .. هسه اولادنا ديل فاردين عضلاتهم على المساكين الملومة عليهم الدنيا في بلدهم .. بدون ينتبهو أنو العرب ديل خبثاء .. لإنهم بسمحوا بنشر فيديوات فيها جنود سودانيين بينما يمنعوا نشر جرائمهم وجرائم طيرانهم .. عشان بكرة زي ما قلت نتحمل نحن أوزار جرائم الحرب .. على الرغم من رأيي الرافض لتدخل دولتنا في هذه الحرب .. لكن لزيادة التنوير والفايده أعرض عليكم البنود المهمة المتعلقة بمعاملة الأسير الواردة في اتفاقية جنيف .. وهي جزء من القانون الدولي .. يمكن جنودنا ياخدو حذرهم وما يبقوا مادة للإعلام تكون أدلة ضدهم .. أولا : مين هو أسير الحرب ؟ حسب المادة أربعة هم الأشخاص المنتمون إلى إحدي الفئات التالية ويقعون في قبضة العدو: 1 ـ افراد القوات المسلحة لأحد أطراف النزاع ، والمليشيات أو الوحدات المتطوعة التي تشكل جزء من هذه القوات .. 2 ـ أفراد المليشيات الأخرى والوحدات المتطوعة الأخرى، بمن فيهم أعضاء حركات المقاومة المنظمة، الذين ينتمون إلي أحد أطراف النزاع ويعملون داخل أو خارج إقليمهم، حتى لو كان هذا الإقليم محتلا، علي أن تتوفر الشروط التالية (أ) أن يقودها شخص مسؤول عن مرؤوسيه (ب) أن تكون لها شارة مميزة محددة يمكن تمييزها من بعد، (ح) أن تحمل الأسلحة جهرا، . 3 ـ أفراد القوات المسلحة النظامية الذين يعلنون ولاءهم لحكومة أو سلطة لا تعترف بها الدولة الحاجزة. . 4 ـ الأشخاص الذين يرافقون القوات المسلحة دون أن يكونوا في الواقع جزءا منها، كالأشخاص المدنيين الموجودين ضمن أطقم الطائرات الحربية، والمراسلين الحربيين، ومتعهدي التموين، وأفراد وحدات العمال أو الخدمات المختصة بالترفيه عن العسكريين، شريطة أن يكون لديهم تصريح من القوات المسلحة التي يرافقونها. حسب التعريفات دي الشخص الظاهر في الفيديو يعتبر اسير ومن ثم من حقه التمتع بكافة الحقوق الممكفوله له في القانون الدولي .. الآن أعرض عليكم عينات من الحقوق دي مثلا المادة 13 بتقول : يحب حماية أسرى الحرب في جميع الأوقات، وعلي الأخص ضد جميع أعمال العنف أو التهديد، وضد السباب وفضول الجماهير. بناء على النص دا يعتبر تصوير وعرض هذا الفيديو نفسه مخالف لحق الأسير .. لإنو ببساطة بيتحقق به فضول الجماهير .. تاني شنو؟ المادة 17 بتقول : لا يلتزم أي أسير عند استجوابه إلا بالإدلاء باسمه بالكامل، ورتبته العسكرية، وتاريخ ميلاده، ورقمه بالجيش أو الفرقة أو رقمه الشخصي أو المسلسل. فإذا لم يستطع فبمعلومات مماثلة. حسب الماده دي الأسير يسأل فقط عن رتبتو وتاريخ ميلاده واسمه ورقم الجيش أو الفرقة أورقمه الشخصبي .. والمهمة دي بتولاها جهاز التحقيق .. يعني الجندي البسال الأسير في الفيديو (انت حوثي) ما عندو سلطة سؤاله .. واجبه يجردو من سلاحه ويطلب من الجهات المعنية اسعافه إن كان مصاب أو نقله لمعسكر الأسرى حسب المادة 19 .. للأسف ما لاحظت أي من هذه التصرفات تصدر من الجنود حول الأسير .. انا شخصيا شايف تصوير مثل هذه الفيديوهات وعرضها تضر بالجندي السوداني .. لذلك عليهم الحذر لأن مثل هذه الأمور محكومة بقانون دولي ويمكن أن يحاسب عليها في أي وقت .. يعني الحكاية ما فرد عضلات واستعراض وتفاخر .. والمساءلة اذا ما كانت من رئاسته فمن المحكمة الدولية .. ومنظمات حقوق الإنسان منتشرة وتتابع كل ما يحدث في مناطق النزاعات.
كتبت : (( وستخرج المزيد من الفيديوهات التى تفضح تورط السودان في حرب اليمن وستقع في ايدى المنظمات الدولية والحقوقية وستلحق بنا ضررا كبيرا )) يا اخونا سألت ولم اجد رد حتي الآن ومصره علي السؤال :؟ هل يوجد جيش وطني بالسودان ولا كلهم مرتزقة وكما نري سيماهم في سلوكهم وذهابهم محاربين بالوكالة اي ( مرتزقة ) لدول الكيد والعداء من ملوك الكرتون !!!!!!!!! اين اسلام هذا وانتم تقتلون بعضكم البعض ايها الغافلون !!!!!!!!! ؟
والشكر للجميع ,,
Post: #18 Title: Re: أسير حوثي يتوسل جنود سودانيين بالمخا...... (� Author: عمر دفع الله Date: 05-03-2017, 03:55 PM Parent: #17
سلام يا مولانا الملك .
ياخى اذا كان رئيسهم البشير لا يعرف حقوق الاسير في الشرائع السماوية او في الاتفاقيات الدولية فمن اين لهؤلاء المرتزقة العلم بذلك ؟ دا كلام بعيد عنهم بعد السماء عن الارض .....