خبرا نجيض مو ني ، ونهنئ صاحبة السعادة الأستاذة "تراجي مصطفى" بمنصب وكيل بوزارة الخارجية

11:58 AM April, 29 2017 سودانيز اون لاين
عبد اللطيف السيدح-صرة الدنيا
مكتبتى
رابط مختصر تؤكده مصادرنا غير المضروبةمن داخل دائرة صنع القرار بالمؤتمر الوطني لترشيحها لنيل منصب وكيل بوزارة الخارجية السودانيةوتراجي أكبر من أن تساق إلى مهاترات والجهد الذي بذلته مقرونا بجهود وفد المنافي لاينكره إلا جاحد ولها سهم وافر في المخرجات التي على ضوئها سيتم إعلان حكومة الوفاق الوطني وعلاقاتها وخبراتها وتجاربها يؤهلانها لنيل هذا المنصب الرفيع نهنئها من أعماق قلوبنا ونحثو الرماد في وجوه الشامتين والشانئين والحاقدين.

ارحمونا

وكيل الوزارة بكون مهنة من ضمن كادر الوزارة

ممكن تكتبوا لينا اين عملت تراجي في الخدمة المدنية في السودان
لتكون وكيل في الوزارة ,,

Quote: ونحث الرماد في وجوه الشامتين والشانئين والحاقدين.

أها، هآك عليك الله كندِك لي عِويناتي ديل لآمِن تفتُر .

بعدينك هي (نحثو)، إنت مالك كتابتك بِقت زي اللّت وكيل الوزارة دي ...

الأخ عمار

الأخت تراجي لديها علاقات خارجية يمكن أن تسهم بها في إزالة ما تبقى من التشويه المتعمد لصورة السودان وهى جديرة بذلك

شكرا لك

ود المدير

فكيت أس الموضوع ومسكت في الواو الضكر


طيب تم التعديل

أها عايزين رايك في تراجي ومنصبها المستحق.

مساء الخير
وهل اصبح منصب وكيل الوزارة يخضع للمحاصصة السياسية والتعيين السياسي؟

طوال تاريخ الخدمة المدنية في السودان كان هذا المنصب اداري بحت وليس سياسي ويخضع لاجراءات الترقية بالخدمة المدنية باعتباره اعلى منصب اداري للكادر الوظيفي بالادارة او الوزارة

نتمنى ان يكون خبرا اكيدا

Quote: الأخت تراجي لديها علاقات خارجية يمكن أن تسهم بها في إزالة ما تبقى من التشويه المتعمد لصورة السودان وهى جديرة بذلك

كلام السيدح ده ما ترموه الواطة،لأن ردة الفعل والشماتة على تراجي والتي أنتشرت بصورة كبيرة جدا، قد تأتي بنتائج عكسية بالنسبة للشامتين ونتيجة إجابية بالنسبة لتراجي.

بمعنى أخر أن حكومة الكيزان قد تقوم بأرضاء تراجي كرد معاكس على رد الفعل الذي صدر من الناس بعد بث حديث تراجي في مواقع التواصل الأجتماعي.

هذا المنصب ناله ضمن حصة حزب الأمة الأخ نجيب الخير عبد الوهاب قبل انفضاض الشراكة

والأستاذة تراجي تملك من المؤهلا ت ما يمكنها من تطويع المنصب ليكون سياسيا وليس وظيفيا وادرايا مكتبيا بحتا

ستكون حمامة سلام تحمل سلام السودان ومحبته لكل شعوب الدنيا.

دينق

الموضوع ليس به ردة فعل ولايحزنون بل هى ترتيبات مسبقة ومعدة إعدادا جيدا

تحياتي

ماحنك
طه
فاطمة شاش
بشة
اللمبي
غندور
الخضر
الرزيقي
من منهم في مكانه
عادي

يا سيدح
وكيل وزارة الخارجية الواحد دا (بدل عبدالغني النعيم)؟
ولا وكيل بوزارة الخارجية بحسبان في كم وكيل


تفرق

أخي ناصر

الأستاذة تراجي مؤهلة لملء هذا الفراغ خاصة بعد إنتقال الدكتور عبيد الله محمد عبيد الله لمكان آخر ربما القصر الجمهوري

والخبرحتما مؤكد إلا أن تستجد أمور أخرى خلال الأسبوع الجاري لأن الحكومة ربما يعلن عنها الأحد المقبل أو قبل ذلك بيوم أو يومين

شكرا لك وقواك الله .

تحياتي السيدح
وضيوفه
منصب وكيل الوزارة كما ذكر الشباب فوق يأتي بالخبرة والتدرج الوظيفي . المنصب يتطلب ذلك
فهو الدينمو الخفي الذي ينير القاعات الظاهرة
هو منصب فني وليس سياسي
لو تم ذلك
فعلي الخارجية السلام
ان يتم تعين شخص لم يخضع للتراتيبية الوظيفية
ممكن تكون وزير خارجية معقولا منصب سياسي

يعني
ممكن تعينها مدير ادراي للمستشفي
لكن ماممكن
تعينها كبير اخصائي الباطنية مثلا

Quote: كلام السيدح ده ما ترموه الواطة،لأن ردة الفعل والشماتة على تراجي والتي أنتشرت بصورة كبيرة جدا، قد تأتي بنتائج عكسية بالنسبة للشامتين ونتيجة إجابية بالنسبة لتراجي. بمعنى أخر أن حكومة الكيزان قد تقوم بأرضاء تراجي كرد معاكس على رد الفعل الذي صدر من الناس بعد بث حديث تراجي في مواقع التواصل الأجتماعي.

يبقى يا دينق الرماد كال حمّاد إذا كان هكذا تُوزّع مثل هذه المناصب الحساسة
في الدولة ...

Quote: أها عايزين رايك في تراجي ومنصبها المستحق.

ههههههههههههههههه،
يا السيدح إنت جادي، مُستحق كيف يعني !...

أخ حمد

تراجي ستتولى المنصب الذي كان يشغله الدكتور عبيد الله محمد عبيد الله

وقد كان شعلة من النشاط ومرافق لفخامة رئيس الجمهورية في كل سفرياته خارج السودان

عبيدالله كان وزير دولة بوزارة الخارجية

استغفر الله العظيم
انا بصراحة كده حسدت تراجي عديل كده...
وبالمناسبة منصب وكيل الوزارة اهم من منصب الوزير نفسه
ولازم الوكيل يصل هذا المنصب من خلال تدرجه الوظيفي من
اسفل السلم الاداري حتى اعلاه..
وبالمناسبة انتو السبب في تعيين تراجي في هذا المنصب الاداري
الرفيع...
وكلام دينق ما ترموهو الواطة...لانه فعلا الحكومة عاوزة ترضيتها
بعد كلام الشماتة القالوا فيها...واغاظة المعارضين...ومفروض تراجي
تشكركم كثير ...وفهلا اثبتت انها تستحق المنصب فقد اثارتكم
كي تشمتوا فيها وتنال عطف الحكومة.
حكومة بطاااااااااالة
على وزن عالم بطااااااااااالة
امتثال.

Quote: وكيل وزارة الخارجية الواحد دا (بدل عبدالغني النعيم)؟

كوز زي الصاقعة يا حمد، معقولة يجيبو بدلو طراجي !،
زولة ما بتقدر تكتب جملتين صحيحتين، وأضف إلي هذا
الأسلوب العاجز علي الدوام والألفاظ السوقية .

بلد ما عندها وجيع .
والله صحي ...

هل تصدق يا معاوية عبدالغني النعيم دا كان من المعارف الجيدين لي (لو ما كان صاحبي) في الثانوي
بقى كوز متين ما عارفو

خبرك النجيض دا يتناقض مع تصريح نائب رئيس الموتمر الوطني القال المناصب حتوزع للاحزاب
اها نراجي هرشتو ول لحقت تعمل ليها حزب؟

ممكن تكون وزير دولة بوزارة الخارجية

لكن وكيل وزارة بالذات في الخارجية هذه مهنة تكنوقراطية عندها مؤهلات خاصة ويصلها من يصلها بالتدرج من سكرتير ثالث

هذا في الوضع عام ومن منطلق العلوم السياسية .

لكن عندنا ما معروف الحصل شنو كل شئ جائز ووارد

وكيل الوزارة منصب تكنوقراطي يأتي بالتدرج والأقدمية والتأهيل والخبرة! إي من داخل سلك الوزارة
قولو
مساعد / مستشار لوزير الخارجية /مدير مكتب/سكرتير/وزير دولة الخ الي غيرها من المناصب السياسية!

طيب ما كرتي كان وزير خارجية ومصطفي عثمان كان وزير خارجية !

سلام أخ دينق
الضرر الكارثي قد وقع فعلا ولن يتمكن إي خبير في damage control من حصره وتلافي تبعاته!
موقف تراجي زعيمة ما سمي بوفد المنافي الاخير كشف
بان الاحزاب المشاركة بانها احزاب وهمية واحزاب شنطة
!* ان المؤتمر يستعين بهذه الاحزاب الوهمية ويكذب زاعما بانها احزاب مؤثرة وان حواره كانجامعا وضاما لكل القوي الفاعلة!* توزيع الغنائم والمناصب تحكمه اعتبارات المصالح والترضيات !* لا مكان لفرد او"شخصية قومية" في موائد السلطة ودفة الحكم مكانهم هو سوق الكلام ماكينات الحوار العقيم!* المؤتمر لايفي بعهد ولايرد جميلا يستخدمك لتنفيذ اجندته ثم يلفظك بعد انتهاء الدور ! السيناريو الثانيترضية تراجي ~ باي وسيلة او توظيفها وهذا سيكشف الاتي* استجابة المؤتمر الوطني للضغوط والابتزاز * ان المؤتمر وبحسب تاريخه لن يثق في تراجي بعد كلامها قد يوظفها ثم يتخلي عنها ناهيا في اقرب فرصة ~ بدعوي الفشل وضعف المردود اي بعد حرقها نهائيا * ان وزارات ومناصب الحكومة تحكمها الترضيات والضغوط !*كل الاطراف اذا خاسرة وفي كل الاحوال !

وقريمان

هانت الذلابية
قال ايه .....عندها علاقات خارجية قال !
الظاهر صاحب موضوع البورد وحزبه لا يعرفون ما هى متطلبات وظيفة وكيل وزارة
هذا زمانك يا مهازل فامرحى

طيب يخلوها مستشارة للرئيس للشؤون الخارجية والعلاقات عشان تقعد تقرا جرايد وتلعب وتوتسب (تلعب فى الواتسب) وتسافر وتجى من كندا زى ما هى عايزة!!!

الكيزان بخافوا موووووت من اي زول لسانو طويل وسليط و و بتاع فضايح و بحاولوا
يسكتوهو بأي طريقة .
بعدين هم ما شغالين بحكاية الحاجة دي صحيحة او خطأ المهم المصالح و ارضاء
من يرضون عنهم او الخايفين منهم لضمان الاستمرارية.
الخدمة المدنية اساساَ اجهزوا عليها من العام 89 يعني بقت علي تراجي هسي؟!

Quote: الأخت تراجي لديها علاقات خارجية يمكن أن تسهم بها في إزالة ما تبقى من التشويه المتعمد لصورة السودان وهى جديرة بذلك

سلامات اخونا عبد اللطيف ...

و ما هي العلاقات الخارجية لدى اختنا تراجي ؟

لو المسألة ترضية ساكت ... فأكرم لتراجي الرفض ...

حكومة السودانية في المؤتمر الوطني ما عندها اي معايير لأداء اي وظيفة بل تخضع للمحاصصة أو صلة قرابة أو أصحاب صوت العالي.
وممكن يخلق المؤتمر الوطني اي وظيفة هامشية في وزارة ذات خصوصية اجتماعية ويوظف شيخة تراجي لزوم صم وخم بدون شوشرة وكدة.
ولكن حكاية وكيل وزارة مرة واحدة وكمان خارجية دي صعبة شوية. وحتي كادر داخل الوزارة لا تقبل بأن تكون تراجي من ضمن منظومة رسم القرار.

يا اخوان
لسه الشماتة قايمة و تراجي اكلت البلوظة
لانو ان صحت رواية السيدح فالمنصب هو (وكيلة بوزارة الخارجية)
هذا يعني الا مساس بمنصب الوكيل الاول الحالي و هو الذي سوف يملك كل مفاتيح اللعب
في الخارجية
تراجي في المنصب الوهمي دا حا يكون عندها مكتب و سكرتارية و نت سنين و عربية سريعة فقط لا غير دون ان يتم تمكينها
حتى من الاطلاع على ملفات الدبلوماسية السودانية (مجرد اطلاع) ذلك ان القوم لا يثقون فيها البتة
و يخافون ان تفشي الاسرار في حال اي زعلة (و ما ادراك زعل تراجي)
يعني حالها سوف يكون حال ابني الميرغني و ابن المهدي في القصر
الدشمان حا يحصل بعد كم شهر لان تراجي لن تقبل بوضعية التهميش او (الاهتزاز الموبايلي)
و سوف تحاول ادخال انفها و لسانها في المحظور
انتظروا فقط على ضفة النهر و سوف تاتيكم (الجثة) باعجل مما تيسر

احتمال عايزينها تمسك ملف العلاقات مع اسرائيل

تم حذف المشاركة لانه الموضوع ميت و ما بستاهل ..

هل طموحات تراجي من نظام الانقاذهو انه تكون وزيرة...لا اعتقد ذلك...احد زملاء دراستي بعد تخرجه مباشرة ترك مادرسه ودبلومه علي جانب والتحق بجهاز الامن وهوالان برتبة كبيرة...وملياردير بمعني الكلمة...الاذكياء في ظل نظام الانقاذ لا يبحثون عن المناصب...

Quote: هل تصدق يا معاوية عبدالغني النعيم دا كان من المعارف الجيدين لي (لو ما كان صاحبي) في الثانوي بقى كوز متين ما عارفو

فتحنا فيهو بوست قبل ثلاث سنوات ها هنا ..

هذا رجل مجيد ..... كوزنته لا تعنينا طالما يخدم المواطنين ( عن تجربة شخصية )
لا تربطنا به إلا علاقة جواز السفر ....

السيدح .... الخارجية بقت مهزلة والله

السيدح او مصدره لا يعرف وظيفة عبيد الله محمد عبيد الله اللي هو وزير دولة بوزارة الخارجية وليس وكيلا
على اي حال لو نالت المنصب فافتكر السكرتارية جاهزة وهي على تناغم تام معها
قريمان مدير مكتب السيدة وزيرة الدولة :)
هاشم نوريت مستشار السيدة وزيرة الدولة لشئون شرق افريقيا :)
منصور المفتاح مستشار بدون اعباء :)
والكوز الاسمو ابو عبيدة (طوالي البرودكاست بتاعها ببدا ب(يا ابوعبيدة ....) ) حيكون مندوب جهاز الامن في وظيفة بامبرز مانع للتسرب

وعلاقاتها وخبراتها وتجاربها يؤهلانها لنيل هذا المنصب
-----------------------------------------------------------
علاقاتها بمن و مع من ؟
خبراتها في شنو و وين ؟
تجاربها في شنو و وين ؟
مؤهلاتها في شنو ؟

ود أبسن حبابك

منصب الماجدة تراجي يقفز فوق كل الاعتبارات

ويكفي أنها تناله تكريما لكل الطيور المهاجرة.

تسلم السيدح
ودة الغلط
المنصب الحكومي يجب ان لا يكون تكريما
بل استحقاقا
استحقاق وفق للمؤهلات والكفاءة والنظم
هذا ان كان امر الوطن ورفعته يهم
المصلحة العامة تقتضي الصرامة في الاختيار
صدق رسول الله صلي الله عليه وسلم
نحن لا نعط هذا الامر لمن يطلبه يا عماه

لو كان للاكرام لكان اولى به عمه

حتى لوما وظيفة في وزارة الخارجية
سيتم تعيينها في الرعاية الاجتماعية ..
المهم .. غضبك جميل زي بسمتك ..
ومبروك مقدماً

عاالم بطاالـــــــــــــــة ,,

الكيزان بيرمو اي زول حتى الذين عملو معاهم اتفاقيات سلام رموهم ما مشكلة هم اصلا ناس ما عندهم عهد ..لا تنسو تسليمهم لكارلوس و عبد الله اوجلان و استعدادهم لتسليم بن لادن لولا ان كلينتون رفض العرض.. يعني تراجي دي ما بتاخد معاهم رمشة عين

لكن موضوع تراجي اختلف بسبب ان حكومتنا الرشيدة بتعامل المعارضة بما يسمى بسياسة فقع المرارة

وبما ان المعارضين ابتهجو لتهميش تراجي فاذن كان يجب ان تعين تراجي لكي تكاوي تراجي المعارضين و تفقع مرارتهم....

اما مسالة التاهيل من عدمها متين كانو الكيزان بيعينو المؤهلين فى الوظائف المهمة...الوظائف المهمة فى عهد الانقاذ رشوة و تشريف و ليست ابدا تكليف وواجبات تؤدى ....و الا قولوا بالله كيف اصبح كرتي تاجر الاسمنت و منسق الدفاع الشعبي وزيرا للخارجية؟

معاوية المدير



سلام ،
دائماً ما بتسمع الكلام ،
قلنا ليك خش وفد المرافئ ،
كان ممكن تكون وزير الإعلام ،
أو رئيس جهاز المغتربين ،
أو والي ولاية نهر النيل ،
ييَا بُنَيَّ ارْكَب مَّعَنَا وَلَا تَكُن مَّعَ ،
الْمعارضة الهزيلة العرجاء ،
كل الأشواق ،
ود المدير ،
***







عزالدين عباس الفحل
ابوظبي

النصيحة بتخلع ما بتكتل يا ود الفحل

خدر الله ضراعك

ولعل ود المدير يرعوي ويستجيب

نحن محتاجين لامكاناتو دي في نهر النيل الولاية الحبيبة

والأ يهدرها في مجاملة معارضي الفنادق

يا
Nasser Amin

أذا المصلحة العامة تقتضي ضم الماجدة تراجي الى الصف الوطني فهذا حتما مكسب لكل الوطن

بعدين ضمها لفريق وزارة الخارجية في المرحلة الحالية اعتقد مفيد جدا

شكرا لك

حبيبنا

Hatim Alhwary

الخبر النجيض أنو تكون حصلت مراجعات لرد المهندس إبراهيم محمود

على الماجدة تراجي .

وقد يؤخذ بالقول الراجح في حالة تساوي الأراء حول هل الأولوية لمشاركة الأحزاب أم الشخصيات القومية

وعلاقاتها يؤهلانها : بالذات علاقات جمعية الصداقة السودانية الإسرائيلية

خيبر خيبر يا يهـــود .. جيناكم يا حبايبنــا ....

الحقوا هذا الشاب قبل أن يفقد عقله البوشي يعاني من الحبس الانفرادي هذا النظام لا يختشي هذا النظام الدموي عائش باموال الشعب المسيكين وراكبين افخم العربات وبدلا من يخدمونا بهذه الاموال بسخروها لمراقبة الشرفاء وتعذيبهم بالله عليك يا عطا ماذا سيرثر ان خرج البوشي المسكين من سجونكم النتة ياخي ارحموهو مرعاة لوالدته اعوذ بالله منكم يا حثالة البشر
المصدر : البوشي: تدهور في صحته الذهنية ح يجن. والدته تهدد بالنتحارالبوشي: تدهور في صحته الذهنية ح يجن. والدته تهدد بالنتحار

منقول من بوست الاخ احمد محمد بشير

لعناية فخامة وكيل وزارة الخارجية الجديد السنيوريتا تراجي مصطفى

ونسخة لكل المطبلاتية المحتفلين هنا بالذات المتحولين الجدد


اخبار زي دي يا السيدح ما بتجيبوها ولا بتعلقوا عليها ليه؟؟

وللا تكون دي واحدة من انجازات حكومة الهنا

خيبة الله عليكم

هل ننتظر رد على مداخلة هيثم غالي من المعنيين بالامر
ومن صاحب البوست وانصار النظام الحاكم، ام انه قد القمكم
حجرا ثقيلا في افواهكم واقلامكم ولا تستطيعون الرد؟؟
مع وافر الاحترام،،،،
حكومة بطاااااااااالة
على وزن عالم بطااااالة
(مع الاعتذار لمحمد مجيدو ..صاحب المصطلح للاقتباس)
امتثال

د.محمد بابكر

السلام عليكم

لماذا حذفت مداخلتك القيمة يا دكتور؟

وأنت صاحب الأراء الحصيفة في هذا المنبر

ومنك استفدنا ونستفيد

.

السيدح سلام
يا خوى النجيضة خاصتكم مالا طلعت نية؟؟؟؟ تانى مرة كتر الفحم القوى ولا تطبخ فوق نارا ضعيفة

يا خوى النجيضة خاصتكم مالا طلعت نية؟؟؟؟ تانى مرة كتر الفحم القوى ولا تطبخ فوق نارا ضعيفة

الاخ حسن فرح
تحياتى
السيدح من قال وكيل وزارة الخارجية وتانى قال المنصب الذى يشغله عبيدالله عرفت انو السيدح كلامه ني
لانو لا السيدح ولا مصدره بيعرفوا منصب عبيدالله او ما بيقدروا يفرزوا بين وظيفة وكيل الوزارة ووظيفة وزير الدولة لانو عبيدالله كان بشغل وزير دولة بالخارجية قبل الاطاحة به فى التشيكلة الاخيرة !
دائما الاخبار المنقولة بواسطة السيدح ودقداق اخبار نية وساذجة !

مبروك للاخت تراجي المنصب الجديد

مبروك للاخت تراجي المنصب الجديد
..................................................................


للامانة والتاريخ
فانا تراجى مصطفى عمر ابوطالب بكامل قواى العقلية ومسؤوليتى السياسية اعلن اعتزارى للشعب السودانى والمؤتمر الوطنى
ان تعينى عضو فى البرلمان السودانى فى إطار تشكيل حكومة الوفاق الوطنى الجديدة
وشكرا
..............................................................................................................
الاخ باسط المكى سلام
اعلاه ما كتبته تراجى مصطفى فى الفيس بوك...
هل نفهم منه قبولها بعضوية البرلمان ام انها حردت؟؟
https://www.facebook.com/photo.php؟fbid=1411059265607605andset=a.626253524088187.1073741838.100001106365461andtype=3andtheaterhttps://www.facebook.com/photo.php؟fbid=1411059265607605andset=a.626253524088187.1073741838.100001106365461andtype=3andtheater

الاخ العزيز / عبد اللطيف السيدح

مشتاقين يا استاذنا ...

اخبارك والعيال عساكم بخير

..........

انا ارى انها تصلح ان تكون نائبا او مساعدا للاخ الدكتور / كرار التهام

ايش رايك ؟؟؟!!!

كامل الود والتحايا

.

.

خلعتنا يا حاتم الهواري يشهد الله ...

قبل ما ترفع البوست ما تقول لينا دي واحدة من كضبات السيدح.

بوست من شهر 4؟

سلام مربع

يا ود المدير .. بالنسبة للفظة (مستحقة) عندنا أهلنا في الريف الشمالي هناك في الأقاصي على قدر العربي الشوية العندهم لفظة (مستحقة) دي بطلقوها على البت البتكون وصلت سن يمكن تزويجها !

مستحقة يعني جاهزة للعريس !

غايتو يا ود المدير مسألة وكيل الوزارة التي تأتي بالتدرج الوظيفي لو بقوا الكيزان ما عارفنها تبقى مصائبنا الليلة يا أخوان شوية شوية دار تظهر أوعك من كلام الكوز لو باريتو راح تودر (مع حفظ حق ألأستاذ الشاعر حيدر الصافي محمد شبو) كانت له قصيدة فيها كلمات مشابهة .. ولمن قال كلام الكوز عيوني اتفتحت أكتر مصيبتي الليلة يا أخوانا شوية شوية دار تظهر
ونعتذر للشاعر حيدر الصافي شبو على التحوير المتعمد لأبيات قصيدته.

مع تحياتي،،،

عاصم فقيري