Post: #1
Title: القضاء يقرر مصير وافدة سودانية تسعى لحضانة أطفالها السعوديين
Author: Deng
Date: 04-28-2017, 11:03 AM
11:03 AM April, 28 2017 سودانيز اون لاين
Deng-
مكتبتى
رابط مختصر القضاء يقرر مصير وافدة تسعى لحضانة أطفالها السعوديين
الجمعة 28 / 04 / 2017
حامد الرفاعي
تنظر المحكمة الإدارية بديوان المظالم في جدة منتصف الشهر الحالي في الدعوى التي تقدمت بها وافدة سودانية لديها 3 أطفال سعوديين، تضمنت مطالبتها بإلغاء قرار إبعاد صدر بحقها.
وقالت الوافدة صباح لـ»المدينة»: إنها تزوجت من مواطن زواجًا شرعيًا قبل إكمال زوجها لمعاملة موافقة الزواج الرسمية والتي وعد بإكمالها أثناء خطبته لها من أسرتها وأنجبت منه خلال تلك الفترة 3 أطفال ثم بدأت معاناتها عندما تلقت اتصالًا من شقيقتها التي تعرضت لاعتداء بالضرب من خطيبها السابق حيث استعانت صباح بحسب حديثها بعد التنسيق والاتصال بزوجها الذي لم يكن موجودًا في جدة أثناء ذلك بإحدى جيرانها لإيصالها إلى موقع الاعتداء على أختها وكانت أثناءها تتواصل مع الدوريات الأمنية لإبلاغهم بواقعة الاعتداء على شقيقتها إلا أنه أثناء ضبط الشرطة لخطيب شقيقتها تم اتهامها بجريمة الاصطحاب المحرم مع جارها الذي أوصلها لموقع الحادثة، وأضافت: حضر زوجي الذي كان يخشى انكشاف أمر زواجنا فأبرز هوية شقيقته مدعيًا أنها هويتي ولم تنطلِ جريمة التزوير على الجهات الأمنية حيث تم إحالتي وزوجي الى المحكمة الإدارية بتهمة التزوير، بينما نظرت المحكمة الجزائية في تهمة الاصطحاب المحرم. وبعد مايقارب من مرور سنتين من توقيفي بالسجن خرجت وبدأت في البحث عن حقي وبالفعل حصلت على صك شرعي بذلك من محكمة الأحوال الشخصية.
واصلت قضيتي عندما رفعت معاملة للجوازات لاستخراج إقامة بحكم أنني أم لأطفال سعوديين إلا أنني فوجئت أثناء ذلك أنه قد صدر بحقي قرار إبعاد عن البلاد بعد مرور 5 سنوات على القضية السابقة والتي لم يتضمن صك حكمها أي قرار يشير إلى إبعادي.
http://www.al-madina.comhttp://www.al-madina.com
|
Post: #2
Title: Re: القضاء يقرر مصير وافدة سودانية تسعى لحضان
Author: أيمن الفاضل
Date: 04-28-2017, 12:28 PM
Parent: #1
دينق سلام
المرة الغبية دي براها ضيعت حقوقها من البداية
الزواج شكلوا كان سري بدون معرفة أهل الراجل
أهم شرط، بل الشرط الأساسي في العلاقة الزوجية انها تكون علنية. الإشهار
المجتمع السعودي متخلف وقوانين الدولة السعودية متخلفة زيهم كدا
زيادة علي كدا بلدها السودان ما عندو شي يقدموا ليها في أزمتها
ربنا يكون في عونها
|
Post: #3
Title: Re: القضاء يقرر مصير وافدة سودانية تسعى لحضان
Author: Bashasha
Date: 04-28-2017, 03:56 PM
Parent: #2
عزيزي القارئي،
ختيت بالك لي مصطلح "وافدة" اعلاه في مرجعية الثقافة العربية، نعم في بلاد خادم "الحرمين" ووفقا للكتاب والسنة؟
هذا مهم للغاية لو تعلم!
نعم مهما قلبت الشهادة او كنتا مسلم، في ارض "الحرمين" افتراضا تظل وافد واجنبي لو لم تكن عربي عرقا!
نعم لازم تكون عربي اولا بالدم، حتي تعتبر مواطن في دولة شرع الله!!
الان خلينا نجمد المشهد ده هنا ونرجع لي بلاد الســــــودان اي "بلاد الرجرجة والدهماء" الافارقة "ابناء السوداء" المشركين، بالذات "الزرقة" و"النوبة" تحديدا، او نشوف هل هناك وجود لي مقهوم وافد في مرجعية اهلنا في الجبال او الفور؟
قطعا لا!
خت في بالك ديل كفار ووثنيين ومشركين تلقائيا لانهم "ذنوج" اي افارقة او مش عرب اصلاء او بالتالي موحدين بحكم العرق والسلالة، وعلماء تلقائيا مقارنة باي "خال"!!
امسك اي ############ من ############ان الوهابية "الزنــــــــــــــوج" وستجد هذه المفاهيم هي اساس عقيدة هؤلاء يا للنكتة بحق!
قالو واحد سعودي الاشارة جمعتو بي واحد من "ذنوجة" السودان، فطوالي من الغضب السعودي راح توش دافر الاشارة او قطع بي غادي حتي لاتجمعو الاشارة بي وافد اي اجنبي وبالتالي يكون في مقام واحد مع الوافد!!!
في ديارنا، وعبر التاريخ البجينا ضيف كان بلقا روحو هو رب البيت ونحن الضيوف!
هكذا كوش احفاد الهكسوس علي ارض اجدادنا كمت، ليصبحو نوبة كمت مش ضيوف وانما مستعبدين في ارض اجدادم!
في غرب افريقيا اللبنانيين هم اسياد البلد!
في كينيا الهنود هم كل شئ مقارنة باهل البلد!
حتي نحن مستعربي الاعراب شوف بنعمل شنو في اهلنا في الجبال!
لاحظ ده كلو معبا ومقدم لينا كدين واسلام!!
|
Post: #4
Title: Re: القضاء يقرر مصير وافدة سودانية تسعى لحضان
Author: Bashasha
Date: 04-28-2017, 04:13 PM
Parent: #3
المرة الغبية دي براها ضيعت حقوقها من البداية
ايمن الفاضل،
اولا عيب ان تصف اخت سودانية وهي تدافع عن حقوقا ب"الغبية".
ثانيا كونو الزواج كان سري فهذا طبيعي ومتوقع في مجتمع نازي وابارثيدي علي هدي الكتاب والسنة!!
دعك من السعودية، امام دولة شرع الله في جمهورية اذلام العرب قال شنو "الخال" في السودانية اللي جغرافيا من غرب السودان؟
شفتا قريب ده وجه من جبال النوبة كحتة مذيع او مذيعة ولو من باب التمويه؟
شفتا وشوش مذيعات تلفزيون شرع الله في السودان، والغسيل القذر المتعمد لي مادة الmelanin اساس محارق الابادة في بلاد الســــودان افتراضا؟
نعم اذا "الاخوال" و "ابناء السوداء" انفسم، دي نظرتم لي روحم اي الزويل اياهو في المرايا، فطبعي ان يكون الزواج من سودانية بواسطة اعرابي ايا كان لونو، يكون بالسر!
ما الجديد في نظرة العار لسواد البشرة حتي فيما بينا كقوم سود؟
مش ده ملخص نظرة الاعرابي اباذر اللي كان بستورد 360 سوداني سنويا ك"عبد" وفقا للكتاب والسنة؟
|
Post: #5
Title: Re: القضاء يقرر مصير وافدة سودانية تسعى لحضان
Author: محمد حيدر المشرف
Date: 04-28-2017, 04:34 PM
Parent: #1
بشاشا سلام
تطلق كلمة وافد كمقابل لمواطن ..
قد تكون مواطنا زنجيا وقد تكون وافدا قرشيا تنتمي للبيت الهاشمي ...
هناك درجة وسطى اسمها مواطني دول التعاون الخليجي ... وهولاء يعاملون معاملة المواطن ...
|
Post: #6
Title: Re: القضاء يقرر مصير وافدة سودانية تسعى لحضان
Author: Bashasha
Date: 04-28-2017, 05:26 PM
Parent: #5
بشاشا سلام تطلق كلمة وافد كمقابل لمواطن .. قد تكون مواطنا زنجيا وقد تكون وافدا قرشيا تنتمي للبيت الهاشمي ... هناك درجة وسطى اسمها مواطني دول التعاون الخليجي ... وهولاء يعاملون معاملة المواطن .
سلام دكتور المشرف،
ماعايزين نحتل في شبر موية، نفل في القمل، نشرح في البعوض، نسلخ في النمل.
دي تفاصيل لاتخصنا في شئ. المهم عندي انو الثقافة الارية بصفة عامة اي القوقاذية اي غير السوداء بصفة عامة عندها مشكلة حقيقية بخصوص موضوع "وافد" و "اجنبي" تاريخيا عكس ثقافتنا نحن "الذنجية" اي الكوشية اي السوداء اي السودانية.
اذن ركز علي الغابة ودعك من الشجيرات.
نعم العربي او الاوربي يظل وافد واجنبي لو جا من منطقة والي اخري.
تاريخيا في اوربا "الفرخ" كان هو الاوربي الوافد من منطقة اخري!
ما تتخما بي تعابير ديمقراطية حرية وماشابه من ترهات مصممة لغسيل امخاخنا، والحيط الببني فيها مرشح الKKK اي طرمبة فهي من اعماق اعماق ثقافتو كانسان ابيض ولاجديد هنا!
يكفي الحاصل للاتحاد الاوربي اللي اتفركش بسبب "الوافدين" حتي الاوربيين لي بريطانيا!
هذا الموضوع ضخم ضخم بي صورة لايمكن نتخيلا اطلاقا!
اذن كونو حتي المسلم يظل وافد واجنبي في دويلة شرع الله وفي ارض الحرمين حتي لليماني دعك من "الاخوال" فهذا اساس طريقة تفكير العربي كعربي اللي في نظرو غير العربي بهيمة عديل كده اي اعجمي وهذا نص قراني زي ما فهمونا من يومين!!!
|
Post: #7
Title: Re: القضاء يقرر مصير وافدة سودانية تسعى لحضان
Author: Deng
Date: 04-29-2017, 09:49 AM
Parent: #6
UP
|
Post: #8
Title: Re: القضاء يقرر مصير وافدة سودانية تسعى لحضان
Author: عمار عبدالله عبدالرحمن
Date: 04-29-2017, 10:10 AM
Parent: #7
اسعد الله اوقاتكم
اعزائي , في المسائل الاسرية والحساسة
حقو الناس تراعي ما تكتب
لاحظوا هنا (مباشرة كتب الزواج سري)
اي انسان لديه المام بسيط بقوانين الزواج في السعودية
حيعرف فرق بين زواج سري وزواج موثق لدي الحكومة
عزيزي
في السعودية السعودي عندما يتزوج اجنبية قانونهم يقول عليه ان ياخذ تصريح (من وزير الداخلية وفق توافر شروط معينة)
من هنا كثير من السعوديين بتزوج من جنسيات اخرى دون اخذ الاذن ,, أها الزواج بكون سليم وصحيح واشهار وحفل وزمبريطة
فقط غير مسجل في الأحوال , واغلبهم بنتظروا انهم ينجبوا ويسجلوا الزواج ليتم بسهولة وسرعة ,,
والمسالة هذه كثيرة جدا في السعودية ,,,
|
Post: #9
Title: Re: القضاء يقرر مصير وافدة سودانية تسعى لحضان
Author: أيمن الفاضل
Date: 04-29-2017, 01:18 PM
Parent: #8
Quote:
وأضافت: حضر زوجي الذي كان يخشى انكشاف أمر زواجنا فأبرز هوية شقيقته مدعيًا أنها هويتي
|
أنا فهمت من الكلام ده إنو الزواج كان سري
ودي غلطة كبيرة من المرة
يا بشاشا أنا زعلان من المرة دي لاني شايفها أختي
عمار عبدالله عبدالرحمن
الإشهار برضو يشمل إشهار الحكومة والتوثيق الرسمي
|
Post: #10
Title: Re: القضاء يقرر مصير وافدة سودانية تسعى لحضان
Author: Bashasha
Date: 04-29-2017, 03:00 PM
Parent: #9
في السعودية السعودي عندما يتزوج اجنبية قانونهم يقول عليه ان ياخذ تصريح (من وزير الداخلية وفق توافر شروط معينة
حولا ولاقوة!
نعم في ارض الحرمين، دولة شرع الله، ووفقا للكتاب والسنة، المسلمة اللي برضو تظل اجنبية وفقا للكتاب والسنة، لايمكن تتزوج عربي سعودي من دون رخصة تصدرها دولة شرع الله وفقا للكتاب والسنة!!!
نعم نحنا الافارقة الكفار المشركين عبدة الاوسان، اطلاقا في تاريخنا ماعندنا حاجة زي دي خالص خالص!
بل لاوجود لمفهوم "وافد" في ثقافتنا اطلاقا!
اتحدي اي واحد يثبت خطا هذا الكلام!!
بل ما عندنا اصلا مفهوم عرق او جنس او اثنية او وطنية او قومية او نشيد او علم علي الاطلاق!
اليس هذا عجيب يا ذنوجة الاعراب؟
او تقولو لي واحد مرتد امبريالي زي ابن ابي السرح هو الجاب لينا الاسلام بالالف واللام ونحن من شهد ان لا اله الا امون، نعم اغتسل، نعم توضا، نعم صلي 7 اوقات في اليوم، قبل هاجر النوباوية تتوحم بي اسماعيل؟
يا لوعي الاسترقاق العروبي لذنوجة السودان بحق!
|
Post: #17
Title: Re: القضاء يقرر مصير وافدة سودانية تسعى لحضان
Author: حسن إبراهيم حسين
Date: 04-30-2017, 11:23 AM
Parent: #7
الخال دينق كيف حالك
|
Post: #11
Title: Re: القضاء يقرر مصير وافدة سودانية تسعى لحضان
Author: ابراهيم عبد الوهاب
Date: 04-29-2017, 03:30 PM
Parent: #6
عذبت كوش عذاب الله اكبر
اي موضوع حاشر فيهو كوش
ريحو شوية ياخي
|
Post: #12
Title: Re: القضاء يقرر مصير وافدة سودانية تسعى لحضان
Author: Bashasha
Date: 04-29-2017, 04:57 PM
Parent: #11
ابراهيم
قلل شوية من ادمان قلم بشاشا، لانو بشاشا لايكتب للاعضاء، عنقر ما مدنقر، ولكن للقراء!
العضوية بحيرة راكدة، والقراء نهر جاري!
وقع ليك؟
عرفتا السر؟
ده غير انو كوش هو الهوا البتنفسو بشاشا علي قول ترباس!
طبعا الجلابة لما يتمغسو من كلام بشاشا البلهلب وعي الاستلاب بروحو "ينرجرو" كده!!
قولو الرووووب عاد!!
|
Post: #13
Title: Re: القضاء يقرر مصير وافدة سودانية تسعى لحضان
Author: محمد المسلمي
Date: 04-30-2017, 08:11 AM
Parent: #12
السعودية بها كل جنس. من العالم ..هوسا . برنو .فلاتة . بخاريين .. جعليين .. دناقلة
.مصريين .. شوام. .. هنود. .جاوا .. الي. اخره
كل. هؤلاء. سعودين يتمتعون بقانون الدولة .. اما زنجي. وخلافه يابشاشا. ده. كلام
عاضي. ساهي. .. زي. مافي قانون في أمريكا. والعالم كله للأحوال الشخصية
في السعودية برضك. في.
----
ربك. يسهل عليها
|
Post: #14
Title: Re: القضاء يقرر مصير وافدة سودانية تسعى لحضان
Author: Deng
Date: 04-30-2017, 09:00 AM
Parent: #13
كتب مسيلمة المسلمي:
Quote: عاضي. ساهي. .. زي. مافي قانون في أمريكا. والعالم كله للأحوال الشخصية
في السعودية برضك. في.
|
ومن غير أي خجلة كمان!
يا مسيلمة المسلمي
هسع أنت شخصيا مقتنع بالمقارنة دي؟؟
مقارنة بين قانون الأحوال الشخصية السعودي والأمريكي!
|
Post: #15
Title: Re: القضاء يقرر مصير وافدة سودانية تسعى لحضان
Author: محمد المسلمي
Date: 04-30-2017, 09:07 AM
Parent: #14
يادينق. أمريكا بعض الولايات فيها قانون
رجل. يتزوج. رجل. ( 😂😂😂😂 )
عشان. ماتشيل. بقجة. ساهي تحوم.
بيها. اعمل. غمران. عشان ما أديك بالحتي الفيها الحديدة
|
Post: #16
Title: Re: القضاء يقرر مصير وافدة سودانية تسعى لحضان
Author: الزبير بشير
Date: 04-30-2017, 10:18 AM
Parent: #1
بشاشا
ذكرتني لاعب كره القدم عاوز اتحرفن في ضربه الجزاء لفه يمين و لفه يسار و صقل الكوره طلعت جنب راية الكورنر .
تفتكر ما شاف العراضات و له كرعيه مكجولات .
الزبير الختمي
|
Post: #18
Title: Re: القضاء يقرر مصير وافدة سودانية تسعى لحضان
Author: عبدالله عثمان
Date: 05-01-2017, 07:37 AM
Parent: #16
وافد ومواطن دي ذكرتني لطيفة من لطايف دالي (وأركان النقاش المشهورة)
أحدهم متحمس للسعودية ويقول أنها تقيم الدين
دالي ساقو شوية شوية يكلمو عن مساويء النظام الملكي العضوض
الخلافة بعدي ثلاثون عاما ثم تصير ملكا عضوضا
دالي سأله قال له هسع لو جا ألماني ولا أمريكي ولا هولندي عيونو خدر داخل بلاد العرب ديل
من المطار ما بقولو ليهو اتفضل!!
قال نعم!
قال ليهو لو جا زول من مالي أو السنغال حفاظ القرآن بالقرآءات السبعة ما بسألوهو من الفيزا
قال بسألوهو
بعد ذلك دالي كلمو عن حال الذي
ودَخَلَ جَنَّتَهُ وَهُوَ ظَالِمٌ لِّنَفْسِهِ قَالَ مَا أَظُنُّ أَن تَبِيدَ هَٰذِهِ أَبَدًا
قال ليهو القرآن النزل وقال
أَن لَّا يَدْخُلَنَّهَا الْيَوْمَ عَلَيْكُم مِّسْكِينٌ
لو نزل الليلة ما بنزل في العرب ديل
قال ليهو نعم
دالي قال ليهو اتفقنا
|
Post: #19
Title: Re: القضاء يقرر مصير وافدة سودانية تسعى لحضان
Author: محمد فضل الله المكى
Date: 05-01-2017, 08:16 AM
Parent: #18
.
من الناحية الشرعية كما أفادت صاحبة الشأن فالزواج شرعي .
.
من سياق كلامها فإن هنالك إجراء إداري لم يكمله الزوج ،
فالمواطن في دول الخليج إذا اراد الزواج من اجنبية ، لابد له
من الحصول على موافقة من الحكومة ، وإذا تزوج من غير
الحصول على الموافقة .. فسيحاكم بالسجن ، أو قد يفقد وظيفته
وأخف عقوبة هي ان يتم تجاوزه في الترقيات وقد حدث ذلك مع
زميل لي في العمل تزوج من سورية دون الحصول على
موافقة ، فتم تجاوزه في الترقيات بينما كان أفضل المستحقين . وربما
في انتظاره عقوبات اخرى .
.
المواطنة دي لم يكن زواجها سريا ، ولكن الزوج الرديء لم يحصل
على الموافقة من الجهات الرسمية قبل عقد القران . فخلق اشكالاً
بل اشكالات ...
|
|